ឥណ្ឌាគឺជាប្រទេសដែលចម្រុះទៅដោយសាសានាខុសៗគ្នា ប្រទេសឥណ្ឌាតែងតែមានប្រពៃណីនិងទំនៀមទំលាប់ប្លែកៗជាច្រើន ដែលប្រទេសផ្សេងទៀតមិនមានដូច។ ដូច្នេះហើយខាងក្រោមនេះគឺជារឿងចម្លែកៗទាំង៤នៅក្នុងប្រទេសឥណ្ឌា ដែលមានដូចតទៅ៖

១.ព្រះមានចំនួន៣៣០លាន៖ នៅក្នុងប្រទេសឥណ្ឌា៨០%គឺគេជឿលើសាសនាហិណ្ឌូ ដែលសាសនានេះមានព្រះរហូតទៅដល់ជាង៣៣០លានអង្គនិងអទិទេព ។

២.បុរសដែលតមអាហាររយះពេល៨០ឆ្នាំ៖ Prahlad Jani គឺជាព្រះសង្ឃជនជាតិឥណ្ឌាម្នាក់ដែលបានអះអាងថាខ្លួនរស់នៅដោយគ្មានអាហារនិងទឹកតាំងពីឆ្នាំ១៩៤០មកម្លេះ ។ ក្រុមអ្នកស្រាវជ្រាវបានធ្វើការពិសោធន៍នៅក្នុងឆ្នាំ២០០៣រហូតដល់ឆ្នាំ២០១០ ហើយបានរកឃើញថាPrahlad Jani ពិតជាមានសុខភាពល្អដោយគ្មានអាហារនិងទឹក ក្នុងអំឡុងពេលសាកល្បងពិសោធន៍នោះពិតមែន។

៣.ជញ្ចៀនរៀបការពាក់នៅម្រាមជើង៖ នៅប្រទេសឥណ្ឌាគេជឿថាការពាក់ជញ្ចៀនរៀបការនៅម្រាមជើង គឺធ្វើឱ្យកូនក្រមុំមានសុខភាពល្អនិងឆាប់មានផ្ទៃពោះ ។

៤.ធម្មយាត្រា១៣០លាននាក់៖ នេះគឺជាព្រឹត្តិការណ៍សាសនាហិណ្ឌូដ៏ធំជាងគេលើលោក ជនជាតិឥណ្ឌាជឿថាការរៀបចំពិធីនេះអាចមើលឃើញអទិទេពទាំងអស់នៅលើមេឃ ហើយនិងទទួលបានការប្រទានពរពីព្រះជាម្ចាស់ផ្ទាល់បានទៀតផង។ ដែលកម្មវិធីនេះប្រារព្ធរយះពេល១២ឆ្នាំមួយដង នៅថ្ងៃទី១៥ ខែមករា រហូតដល់ថ្ងៃទី ១៤ ខែមិនា ដែលមានមនុស្សចូលរួមជាង១០០លាននាក់៕

ប្រទេសអេស្ប៉ាញ ៖ សមាជិករបស់អង្គការបរិស្ថាន និងសិទ្ធិមនុស្ស Amnesty International Greenpeace Friday Forever WWF និង Extinction Rebellion បានរួមគ្នាដេកនៅលើដីមានសភាពប្រេះស្ងួតហួតហែងក្នុងបរិវេណអាងស្តុកទឹកមួយកន្លែងឈ្មោះ La Vinuela ដែលស្ថិតនៅភាគខាងត្បូងប្រទេសអេស្ប៉ាញ ដើម្បីធ្វើយុទ្ធនាការការពារបរិស្ថានក្នុងទិវាទឹកពិភពលោក (World Water Day) នៅថ្ងៃទី២២ ខែមីនា កន្លងមក និងអំពាវនាវទៅកាន់ពិភពលោកឱ្យរួមគ្នាគ្រប់គ្រងទឹក និងការពារធនធានធម្មជាតិ ។

បច្ចុប្បន្ននេះ អាងស្តុកទឹក La Vinuela នៅសល់ទឹកត្រឹមតែ១០% ប៉ុណ្ណោះ ក្រោយពីប្រទេសអេស្ប៉ាញបានប្រឈមនឹងគ្រោះរាំងស្ងួតហួតហែង ។ នៅក្នុងរូបភាពនេះដែរ ក៏មានហ្វូងសត្វចៀមដើរចុះទៅផឹកទឹកនៅក្នុងអាងស្តុកទឹក ដើម្បីបង្ហាញទៅកាន់ពិភពលោកឱ្យរួមគ្នាការពារធនធានធម្មជាតិ និងសិទ្ធិមនុស្ស ។

ការធ្វើយុទ្ធនាការការពារបរិស្ថានរបស់ក្រុមសមាជិកអង្គការបរិស្ថាន និងសិទ្ធិមនុស្សលើកនេះ ស្របពេលអង្គការសហប្រជាជាតិ (United Nations) បើកកិច្ចប្រជុំជាលើកដំបូងអំពីប្រធានបទស្ថេរភាពទឹកក្នុងរយៈពេលជិតកន្លះសតវត្ស ដើម្បីប្រមូលផ្តុំកិច្ចសហប្រតិបត្តិការពីអន្តរជាតិរួបរួមគ្នាគ្រប់គ្រងទឹកយ៉ាងមានប្រសិទ្ធភាព និងនិរន្តរភាពផងដែរ ។

គួរបញ្ជាក់ថា គ្រោះរាំងស្ងួតកើតឡើងដោយសារកត្តា២យ៉ាងដូចជា ៖
១-គ្រោះរាំងស្ងួតកើតឡើងដោយធម្មជាតិ ៖
គ្រោះរាំងស្ងួតកើតឡើងខ្លួនឯងតាមធម្មជាតិមានដូចជា បម្រែបម្រួលអាកាសធាតុ ការផ្លាស់ប្តូរនៃសីតុណ្ហភាពលើពិភពលោក ការផ្លាស់ប្តូរកម្រិតទឹកសមុទ្រ គ្រោះធម្មជាតិ ភ្លៀងមិនធ្លាក់តាមរដូវកាល ភ្លៀងធ្លាក់ខ្លាំងជោគជាំ គ្រោះរញ្ជួយដី ឬខ្យល់ព្យុះ ។ល។

២-គ្រោះរាំងស្ងួតដោយសារសកម្មភាពរបស់មនុស្ស ៖
គ្រោះរាំងស្ងួតកើតឡើងពីសកម្មភាពរបស់មនុស្សមានដូចជា ការឡើងកំដៅផែនដីបណ្តាលមកពីការកាប់បំផ្លាញព្រៃឈើ បំផ្លាញស្រទាប់អូហ្សូនក្នុងបរិយាកាស និងការបំផាយឧស្ម័នផ្ទះកញ្ចក់ជាដើម ៕ ប្រភព ៖ Tnn earth

សហស្ថាបនិក និងជានាយកប្រតិបត្តិរបស់ Meta លោក Mark Zuckerberg បានបង្ហោះរូបភាពពីរសន្លឹកនៅលើបណ្តាញសង្គមផ្ទាល់ខ្លួនប្រកបដោយស្នាមញញឹម ដោយប្រកាសថាភរិយារបស់លោកគឺលោកស្រី Priscilla Chan សម្រាលកូនទីបីបានដោយជោគជ័យហើយ។ តាមការបញ្ជាក់របស់នាយកប្រតិបត្តិរូបនេះ កូនស្រីទី៣ របស់ពួកគេមានឈ្មោះថា Aurelia Chan Zuckerberg។

បន្ទាប់ពីទទួលដំណឹងនេះអ្នកលេងបណ្តាញសង្គមជាច្រើនបានសម្រុកចូលទៅខំមិនអបអរសាទរដល់ លោក Mark Zuckerberg និងភរិយា ដែលទទួលបានសមាជិកថ្មីព្រមទាំងបានសរសើរថាកូនស្រីអ្នកទាំងពីរមានមុខមាត់គួរឱ្យខ្នាញ់ណាស់។ នាយកប្រតិបត្តិ Meta បានប្រកាសដំណឹងភរិយាលោកមានផ្ទៃពោះ កាលពីខែកញ្ញាឆ្នាំមុនជាមួយរូបភាពប្រកបដោយសេចក្តីស្រលាញ់។

គួរបញ្ជាក់ផងដដែរថា លោក Mark Zuckerberg និងភរិយា បានរៀបការនៅក្នុងឆ្នាំ ២០១២ ហើយមានកូនស្រីច្បងអាយុ៧ឆ្នាំឈ្មោះ Maxima និងកូនស្រីពីរមានឈ្មោះថា August អាយុ៥ ឆ្នាំ ៕

realme ដែលជាប្រេនស្មាតហ្វូនដែលរីកចម្រើនខ្លាំងបំផុតរបស់ពិភពលោក បានធ្វើឲ្យគ្រប់គ្នាភ្ញាក់ផ្អើលនៅក្នុងប្រទេសកម្ពុជា ដែលបានបញ្ចេញលក់ realme C55 ជាមួយតម្លៃដែលប្រកួតប្រជែងខ្លាំងបំផុតមិនធ្លាប់មាន ជាមួយតម្លៃសមរម្យបំផុតចាប់ពី 179 ដុល្លារ សម្រាប់ទំំហំផ្ទុក 6+6GB* +128GB និង 199 ដុល្លារ សម្រាប់ទំំហំផ្ទុក 8+8GB* + 256GB ។ realme ធ្ចើឲ្យគ្រប់គ្នាងាកមកចាប់អារម្មណ៍ realme C55 ជាពិសេសគឺអ្នកផលិតមាតិកាអំពីស្មាត ហើយ realme បានឧទិស្សនាមជា “ជើងឯកស្មាតហ្វូនលំដាប់ថវិកាជំនាន់ថ្មី” ដែលមានកាមេរ៉ាទំហំធំ 64MP ក្នុងកម្រិតតម្លៃនេះ ការសាកថ្មលឿន 33W SUPERVOOC និងទំហំផ្ទុករហូតដល់ 256GB ជាមួយរូបរាងទាន់សម័យ និងប្លែកពីគេដែលត្រូវបានបំផុសគំនិតដោយ Sunshower ការរចនាបែបតំណក់ទឹកភ្លៀង និង ការជូនដំណឹងបែប Mini Capsule ដែលបានដាក់លក់ជាផ្លូវការហើយ ដែលអតិថិជនទាំងអាចរកជាវបានតាមហាងដៃគូសហការទូទាំងប្រទេស។

កាន់តែពិសេសទៅទៀត realme ហ៊ានយកស្មាតហ្វូនជំនាន់ថ្មីនេះ សម្រាប់រៀបចំការប្រកួតការថតរូប smartphone “ Photography Contest 2023” ដែលខុសពីប្រេនដ៏ទៃតែងតែយកស្មាតហ្វូនលំដាប់កំពូល ដើម្បីធ្វើការប្រកួតការថតរូប។

ហេតុអ្វីបានជាrealme ហ៊ានដល់ថ្នាក់ហ្នឹងក្នុងការយក realme C55 មកដាក់ក្នុងកម្មវិធីប្រកួត?
realme C55 បំពាក់ដោយ កាមេរ៉ា 64MP តែមួយគត់នៅក្នុងកម្រិតតម្លៃនេះ រួមជាមួយនឹងកាមេរ៉ា Selfie 8MP និង 2MP B&W lens។ realme C55 គឺជាស៊េរី C ទីមួយដែលបំពាក់នូវសេនស័រ OV64B flagship ដែលមានទំហំភីកសែល 0.7μm និងទ្រង់ទ្រាយអុបទិក 1/2″ ដែលជាសិនស័រដូចគ្នា ដែលប្រើក្នុង realme GT Master Edition។ បើប្រៀបធៀបទៅនឹងជំនាន់មុន C55 មាន បង្កើនទំហំសិនស័រ 54% និងការកែលម្អបន្ថែម 53.8% លើភាពច្បាស់។ លឿនជាង ភ្លឺជាង ច្បាស់ជាង ការថតពេលយប់មកជាមួយនឹងភាពប្រសើរឡើង 40.4% ក្នុងល្បឿនផ្តោតលើរូបភាព រួមជាមួយនឹងសិនស័រកម្រិតកំពូល ដែលបង្កើនប្រសិទ្ធភាពទំហំភីកសែលស្មើនឹង 1.4μm និងការកាត់បន្ថយគ្រាប់អុចដ៏ឆ្លាតវៃ។ រក្សារូបភាពច្បាស់ ទោះបីនៅទីងងឹតក៏ដោយ។

លើសពីនេះទៅទៀត មានមុខងារច្នៃប្រឌិតរូបភាព HD 64MP Mode, Portrait Mode, Night Mode Street Mode, និង 6 Filter ប្រកបដោយភាពច្នៃប្រឌិតដែលមាន street Filter, Dramatic Filter, AI Color Portrait, Bokeh Flare Portrait, B&W Plus, 90s Pop Filter សម្រាប់បទពិសោធន៍ថតរូបកាន់តែប្រសើរ កាន់តែសម្បូរបែប។ ជាមួយនឹងបច្ចេកវិទ្យា ProLight ដែលមាននៅលើ Number series, C55 ធ្វើអោយប្រសើរឡើងនូវ គុណភាពរូបភាព និងបង្កើនប្រសិទ្ធភាពយ៉ាងខ្លាំងនូវសមត្ថភាពចាប់រូបភាព ដោយរក្សាព័ត៌មានលម្អិតបន្ថែមទៀត នៅក្នុងលក្ខខណ្ឌពន្លឺតិច។

ដោយសារសមត្ថភាពកាមេរ៉ាដែលខ្លាំងនេះ ទើប realme បានធ្វើកម្មវិធីនេះឡើងដើម្បីបង្ហាញពីភាពខ្លាំងរបស់កាមេរ៉ា realme C55 នេះ ដែលខុសពីប្រេនដ៏ទៃដែលធ្វើជាមួយម៉ូឌែលលំដាប់កំពូលតែប៉ុណ្ណោះ ហើយដ៏ដូចជាផ្តល់ ឱកាសឲ្យដល់អ្នកប្រើប្រាស់ អ្នកគាំទ្របានស្វែងយល់បន្ថែមអំពីការថតរូប។ ក្នុងកម្មវិធីក៏មានអ្នកជំនាញថតរូបដែលជាគណៈកម្មការកាត់សេចក្តី លោក សួង ម៉ារឌី លោក ដុំហ្វីល និង លោកជី សុផាត ដែលបានផ្តល់នូវបទពិសោធន៍ បែបផែននៃការថតរូប ការចាប់ប្លង់ ក៏ដូចជា លើកទឹកចិត្តដល់អ្នកជំនាន់ក្រោយដើម្បីឲ្យវិស័យថតរូបនេះកាន់តែរីកចំរើន ដោយការថតរូបឥឡូវនេះកាន់តែមានសេរីភាព ដោយការប្រើប្រាស់ស្មាតហ្វូនដែលមានតម្លៃមិនដល់ ២០០ ដុល្លារផងនោះ។ ផ្នែកខាងក្រោមគេនៃអត្ថបទជារូបភាពដែលថតចេញពី realme C55 ដោយបេក្ខជនដែលបានចូលរួមប្រកួតដោយ ???????? ???????????? , ???????????????? ???????????????????????????? , ???????????????? ????????????????????，Meas ក្រោមប្រធានបទ អាគារ-Building (តំណរមើលរូបភាពច្បាស់៖ photo link ) ។

តើអ្នកផលិតមាតិកាអំពីស្មាតហ្វូនប្រតិកម្មបែបណាខ្លះចំពោះ realme C55 ？
realme C55 ក្នុងនាមជា “ជើងឯកស្មាតហ្វូនលំដាប់ថវិកាជំនាន់ថ្មី” គឺជាស្មាតហ្វូន Andriod ដំបូងគេដែលមាន Mini Capsule ដូចគ្នាទៅនឹង iphone 14 Pro Max Dynamic Island ហើយមានរចនាបទបែបតំណក់ទឹកភ្លៀង 7.89mm ភ្ជាប់មកជាមួយ កាមេរ៉ាធំ 64MP Flagship Sensor ថាមពលថ្មធំ 5000mAh សាកថ្មលឿន 33W SUPERVOOC, បន្ទះឈីបខ្លាំង Helio G88 និងអេក្រង់ធំច្បាស់ 6.72 អ៊ីញ ល្បឿន 90Hz FHD+ និងមុខងារបន្ថែមរ៉េមជំនួយ x2 នៃរ៉េមដែលមានស្រាប់ ព្រមទាំងដំណើរការដោយ realme UI 4.0 លើ Andriod 13 ចេញពីប្រអប់ស្រាប់។ ហើយខាងក្រោមនេះគឺជាសម្តីរបស់ Reviewer ដែលបានតេស្តប្រើប្រាស់ realme C55 ហើយ៖

លោក ចន សី John Sey ៖ វាគឺជា ស្មាតហ្វូន Adroid ដំបូងគេមាន Mini Capsule ដូចគ្នាទៅនឹង iphone 14 Pro Max Dynamic Island ជាមួយនឹងការរចនាដ៏ស្រស់ស្អាតបំផុត ដែលមិននឹកស្មានថាជាស្មាតហ្វូន ស្ថិតក្នុងជួរតម្លៃ 100 ដុល្លារ។ វាពិតជាស័ក្តិសមក្នុងការចំណាយរបស់អ្នក។ វាមានការអាប់ដេតថ្មីទាំងស្រុងទៅលើ realme C55 នេះ ។

Electronic world Magazine: realme C55 គឺជាស្មាតហ្វូនដែលល្អបំផុតក្នុងឆ្នាំ ២០២៣ នេះ ដែលមានតម្លៃក្រោម ២០០ ដុល្លារ។
Tech Plus KH: ពិតជាមិនគួរអោយជឿ! realme C55’s មានតម្លៃក្រោម 200 ដុល្លារ ជាមួយនឹងការអាប់ដេតសំខាន់ៗចំនួន 4៖ អេក្រង់ 90Hz FHD+, Mini Capsule (Dynamic Island, កាមេរ៉ា 64MP និងអង្គផ្ទុកទិន្នន័យ 16GB*+256GB។
AAN Techie: realme C55៖ វាជាទូរស័ព្ទដែលកែរប្រែប្រវត្តិសាស្រ្តត្រកូល C ជាមួយរាងប្រណិត កាមេរ៉ាធំ ថ្មធំ អេក្រង់ស្តង់ដារ ហើយនិងកម្លាំងល្អបង្គួរដែលមានរ៉េមសរុបដល់ទៅ 16GB។
Hun Sakkada: តម្លៃមិនដល់ ២០០ ដុល្លារ តែការទទួលបានមកវិញច្រើនដូចជាកាមេរ៉ាធំ64MP អេក្រង់ 90Hz mini capsule, ថ្មធំ សាកថ្មលឿន 33W។
Chy Sophat: ពិតជាមានការភ្ញាក់ផ្អើលចំពោះ realme C55 ដែលមាន អេក្រង់ធំ ថ្មធំ ទំហំផ្ទុកធំ និងកាមេរ៉ាធំ ក្នុងកម្រិតថវិកាក្រោម ២០០ដុល្លារ។

សរុបសេចក្តីមកយើងឃើញថា realme C55 ពិតជាជើងឯកស្មាតហ្វូនជំនាន់ថ្មីពិតមែន ដែលគ្រប់គ្នាមិនអាចមើលរំលងបាន។ គួរបញ្ជាក់ផងដែរថា realme តែងតែយកចិត្តទុកដាក់ចំពោះអ្នកប្រើប្រាស់ ផ្តល់ជូននូវបច្ចេកវិទ្យាទំនើប កម្លាំងម៉ាស៊ីនខ្លាំង ជាមួយតម្លៃដ៏សមរម្យបំផុត។

ប្រទេសរុស្ស៊ី ៖ សារព័ត៌មានស៊ីនហួររាយការណ៍ថា នៅថ្ងៃទី២៣ ខែមីនា កន្លងមក នាយករដ្ឋមន្ត្រីប្រទេសរុស្ស៊ី លោក Mikhail Mishustin ថ្លែងថា សេដ្ឋកិច្ចរុស្ស៊ីអាចទប់ទល់នឹងការដាក់ទណ្ឌកម្មរបស់ប្រទេសលោកខាងលិចកាលពីឆ្នាំ២០២២ ហើយបច្ចុប្បន្ននេះ សេដ្ឋកិច្ចរុស្ស៊ីបានត្រឡប់មករីកលូតលាស់ឡើងវិញហើយ ។

លោក Mikhail Mishustin បានថ្លែងក្នុងអំឡុងពេលលោកធ្វើសេចក្តីរាយការណ៍ប្រចាំឆ្នាំរបស់រដ្ឋាភិបាល នៅចំពោះមុខសភាតំណាងរាស្ត្ររបស់រុស្ស៊ីថា ៖ «នៅឆ្នាំ២០២២ គឺជារយៈពេលមួយដែលសេដ្ឋកិច្ចរុស្ស៊ីត្រូវសម្របខ្លួនយ៉ាងលំបាក ដោយសារតែការដាក់សម្ពាធពីប្រទេសខាងក្រៅ» ។

លោកបានថ្លែងទៅកាន់សមាជិកសភានីតិបញ្ញត្តិថា ការដាក់សម្ពាធមកលើរុស្ស៊ីពីប្រទេសលោកខាងលិចមិនមាននិន្នាការថយចុះទេ បើមើលតាមស្ថានការណ៍ជាក់ស្តែង ។ ទោះយ៉ាងណា លោករំពឹងថា រយៈពេលងើបឡើងវិញនៃសេដ្ឋកិច្ចរុស្ស៊ី នឹងដំណើរការយ៉ាងឆាប់រហ័សនៅឆ្នាំ២០២៤ ហើយសេដ្ឋកិច្ចរុស្ស៊ីនឹងឆ្ពោះទៅរកភាពរីកចម្រើនក្នុងរយៈពេលយូរ ។ ចំណែកអង្គការអន្តរជាតិមួយចំនួនលើកឡើងថា សេដ្ឋកិច្ចរុស្ស៊ីបានផ្លាស់ប្តូរជាវិជ្ជមាននៅឆ្នាំ២០២៣ នេះ ។

នាយករដ្ឋមន្ត្រីប្រទេសរុស្ស៊ីបានកំណត់គោលដៅសម្រាប់ការងាររបស់រដ្ឋាភិបាលរុស្ស៊ីនៅឆ្នាំ២០២៣ ដូចជា ៖
១-ការកែលម្អសុខុមាលភាពសាធារណៈ និងការជួយពលរដ្ឋ
២-ការពង្រឹងអធិបតេយ្យភាពបច្ចេកវិទ្យា និងការសម្រេចបាននូវអធិបតេយ្យភាពហិរញ្ញវត្ថុ
៣-ការអភិវឌ្ឍគមនាគមន៍ និងហេដ្ឋារចនាសម្ព័ន្ធសាធារណៈ
៤-ការកសាងទំនុកចិត្តជាមួយប្រទេសសម្ព័ន្ធមិត្ត
៥-ការស្វែងរកប្រទេសដៃគូថ្មីៗ ៕ ប្រភព ៖ The better

ប្រទេសចិន ៖ អ្នកនាំពាក្យក្រសួងការបរទេសប្រទេសចិនបានថ្លែងថា រដ្ឋាភិបាលចិនមិនធ្លាប់កំណត់ឱ្យក្រុមហ៊ុននានា ឬបុគ្គលណាម្នាក់ប្រមូលព័ត៌មានពីក្រៅប្រទេស ក្នុងលក្ខណៈរំលោភច្បាប់របស់ប្រទេសទាំងនោះមកឱ្យរដ្ឋាភិបាលចិនទេ សូម្បីតែម្តង ។

អ្នកនាំពាក្យក្រសួងការបរទេសចិនបញ្ជាក់ថា រដ្ឋាភិបាលចិនបានប្រកាន់ខ្ជាប់ និងយកចិត្តទុកដាក់យ៉ាងខ្លាំងចំពោះការការពារទិន្នន័យផ្ទាល់ខ្លួនរបស់អ្នកប្រើប្រាស់ TikTok ។ ប្រទេសចិនបានបញ្ជាក់បែបនេះ ក្រោយពីកម្មវិធីល្បីល្បាញឈ្មោះ TikTok កំពុងត្រូវបានរដ្ឋាភិបាលអាមេរិកហាមឃាត់ពលរដ្ឋរបស់ខ្លួនប្រើប្រាស់កម្មវិធីនេះនៅអាមេរិក ដោយអាមេរិកអះអាងថា កម្មវិធីនេះបានប្រមូលយកទិន្នន័យផ្ទាល់ខ្លួនពីអ្នកប្រើប្រាស់ រួចបញ្ជូនទៅឱ្យរដ្ឋាភិបាលចិន ដែលនាំឱ្យប៉ះពាល់ដល់សន្តិសុខជាតិរបស់អាមេរិក ។

រហូតមកដល់ពេលនេះ រដ្ឋាភិបាលអាមេរិកនៅតែមិនអាចរកភស្តុតាងមកបញ្ជាក់ពីការចោទប្រកាន់នេះទេ ហើយកាលពីថ្ងៃទី២៤ ខែមីនា កន្លងមក លោក Soo Zhi Zhou ជនជាតិសិង្ហបុរី មានអាយុ៤០ឆ្នាំ ជានាយកគ្រប់គ្រងក្រុមហ៊ុន TikTok បានចូលមកស្រាយបំភ្លឺនៅរដ្ឋសភាអាមេរិក ។ ក្នុងរយៈពេល៥ម៉ោងនៃការបកស្រាយរបស់លោក Soo Zhi Zhou នោះ សមាជិកសភាតំណាងរាស្ត្រអាមេរិកបានសួរសំណួរជាច្រើនពាក់ព័ន្ធនឹងទំនាក់ទំនងរវាងក្រុមហ៊ុនលោកជាមួយប្រទេសចិន និងគ្រោះថ្នាក់នឹងកើតមានចំពោះកុមារ និងយុវវ័យ ។

លោក Soo Zhi Zhou នៅតែបញ្ជាក់យ៉ាងច្បាស់លាស់ថា ក្រុមហ៊ុន ByteDance ដែលជាក្រុមហ៊ុនមេរបស់ TikTok មិនស្ថិតនៅក្រោមការគ្រប់គ្រងរបស់រដ្ឋាភិបាលចិនឡើយ ដោយសារតែ TikTok គឺជាក្រុមហ៊ុនឯកជន ៕ ប្រភព ៖ Mono News