ក្នុងកម្មវិធីប្រគំតន្រ្តីមួយកាលពីពេលថ្មីៗនេះ ម្ចាស់ពានទាំង៥រួមមាន លោក នី រតនា កញ្ញា, ឈិន ម៉ានិច្ច លោក គ្រី ថៃពៅ លោក ចាន់ សុបញ្ញា និង លោក សួរ វិចិត្រ បានបកស្រាយបទចម្រៀងរួមគ្នា ប៉ុន្តែការបកស្រាយរបស់អ្នកទាំង៥ ត្រូវបានអ្នកលេងបណ្តាញសង្គម TikTok លើកឡើងថា ម្ចាស់ពានដណ្តើមគ្នាច្រៀង និងសហការគ្នាមិនបានល្អ។
គេសង្កេតឃើញថា ម្ចាស់ពាននៅក្នុងស្ថានីយ៍ទូរទស្សន៍ហង្សមាស មានជាច្រើនរូបហើយម្ចាស់ពានក៏កម្រនឹងប៉ះគ្នានៅក្នុងកម្មវិធីប្រគំតន្រ្តីតែមួយណាស់។ ទោះយ៉ាងណា កាលពីពេលថ្មីៗនេះនៅក្នុងកម្មវិធីមួយបានធ្វើឱ្យម្ចាស់ពានទាំង៥ រួមមានម្ចាស់ពាន Cambodian Idol ៣រដូវកាល មានលោក នី រតនា កញ្ញា, ឈិន ម៉ានិច្ច លោក គ្រី ថៃពៅ តារាចម្រៀង ចាន់ សុបញ្ញា ម្ចាស់ពាន X Factor Cambodia និងម្ចាស់ពាន Beat the best សួរ វិចិត្របានប៉ះគ្នាជាលើកដំបូង។
ចុងកម្មវិធីនៃការប្រគំតន្រ្តី អ្នកទាំង៥ បានបកស្រាយបទចម្រៀងរួមគ្នាមានចំណងជើងថា «រយលានសង្ឃឹម» ដែលជាបទរបស់រៀមច្បងរួមទ្រនំ តែការបកស្រាយរបស់ពួកគេត្រូវអ្នកលេងបណ្តាញសង្គម TikTok លើកឡើងថា ម្ចាស់ពានដណ្តើមគ្នាច្រៀង និងមិនចេះសហការគ្នា ចែកឃ្លាច្រៀងឱ្យច្បាស់។
អ្នកលេង TikTok បានចូលទៅខំមិនថា «ចែកវគ្គច្រៀងអត់ដាច់ពីគ្នា លោក នី រតនា ស្ទើរតែមិនបានច្រៀង» , «អត់ស៊ីសង្វាក់គ្នាសោះ», «ចែកប៉ារូល គ្នាអត់ដាច់» អ្នកខ្លះទៀតថា «ច្រៀងគ្មានភាពសហការគ្នាសោះ», «តារាអី ដណ្តើមគ្នាដូចអត់បានច្រៀង», «ចែកគ្នាអត់ដាច់» «ច្រៀងច្រើនគ្នា ត្រូវតែច្បាស់កន្លែងចូល»…។ បន្ថែមពីលើនេះ អ្នកមួយចំនួនបានលើកឡើងទៀតថា ម្ចាស់ពានដទៃហាក់់ដណ្តើមឃ្លាច្រៀងរបស់ លោក នី រតនា ទើបធ្វើឱ្យមានភាពរអាក់រអ៊ួល និងអាចមកពីអ្នកទាំង៥មិនបានហាត់សមគ្នាជាមុន៕
@longhe181 #រយលានសង្ឃឹម #នីរតនា #ឈិនម៉ានិច្ច #គ្រីថៃពៅ #ចាន់សុបញ្ញា #សួវិចិត្រ #ខនសឺត #ហង្សមាស #concert #រស្មីហង្សមាស🎬❤️ #cambodia #កម្សាន្តអារម្មណ៍ #longheng🧸❤️ #ឡុងហេង😜🤩 #ចំរើនឡុងហេង🍎☃️ #ឡុងហេងចំរើន♥️ #longhengឡុងហេង