នៅលើបណ្តាញសង្គមនាពេលថ្មីៗកន្លងមកនេះ អ្នកលេងបណ្តាញសង្គមបានចែករំលែកនិងបង្ហាញអារម្មណ៍អាណិតអាសូរយ៉ាងខ្លាំងទៅលើកសិករដែលដាំដុះបន្លែតាសក់ចុះថ្លៃគ្មានទីផ្សារ១គីឡូក្រាមលក់បានថ្លៃ២០០រៀល។ ទាក់ទិននឹងព័ត៌មាននេះ ក្រសួងកសិកម្មបានចេញសេចក្តីប្រកាសថារូបភាពដែលបង្ហាញជារឿងកើតឡើងតាំងពីឆ្នាំ២០១៩ ខណៈទីផ្សារបន្លែតាសក់មានតម្លៃ ៨០០-១ ២០០៛/គ.ក. ។

តាមសេចក្តីប្រកាសព័ត៌មានរបស់ក្រសួងកសិកម្មនៅថ្ងៃទី២៧ ខែមីនា ឆ្នាំ២០២៣នេះ ក្រសួងបានច្រាលចោលព័ត៌មានមួយដែលបានចុះផ្សាយថាកសិករនៅខេត្តកណ្តាលអស់សង្ឃឹមក្នុងការដាំដុះក្រោយភ្ជួរបន្លែចោលដោយសារគ្មានទីផ្សារ បានភ្ជួរបន្លែសាលាដចោលចំនួន ៥តោន។

ក្នុងនោះ ក្រសួងបានចុះស្រាវជ្រាវមិនបានរកឃើញថាកសិករបានឈូសសាលាដចោលទេតែលេចចេញកសិករម្នាក់នៅស្រុកកោះធំ ធ្លាប់បានឈូសចោលដំណាំសាលាដ ដែលមានអាយុកាលចាស់សល់ពីការប្រមូលផលនិងដាំចម្រុះជាមួយ ដំណាំត្រប់ ដើម្បីធ្វើការដាំដុះឡើងវិញ។

បន្ថែមពីលើនេះ ការចុះផ្សាយព័ត៌មានថា តម្លៃតាសក់ចុះថោកនិងដាក់ រូបភាពបុរសដេកលើត្រសក់ គឺជារូបភាពចាស់ដែលបានកើតឡើងតាំងពីឆ្នាំ២០១៩មកម្ល៉េះ នៅពេលប្រទេសកម្ពុជាក៏ដូចជាពិភពលោកបានទទួលរងវិបត្តិជំងឺកូវីដ១៩។
ក្រសួងបានឱ្យដឹងទៀតថា តាមការសាកសួរតម្លៃបន្លែបោះដុំនៅផ្សារតាខ្មៅនិងផ្សារកួរស្រូវនៅរាជធានីភ្នំពេញ របស់អគ្គនាយដ្ឋានកសិកម្ម និងមន្ទីរកសិកម្ម រុក្ខាប្រមាញ់ និងនេសាទខេត្តកណ្តាល នៅថ្ងៃទី២៦ ខែមីនា ឆ្នាំ២០២៣ បានឱ្យ ដឹងថា សាលាដមានតម្លៃ៧០០-៨០០៛/គ.ក្រ តាសក់មានតម្លៃ ៨០០-១ ២០០៛/គ.ក. ខាត់ណាដើមមាន តម្លៃ ១ ០០០-១ ២០០៛/គ.ក និងម្ទេសដៃនាងមានតម្លៃ ៦ ០០០៛/គ.ក។

ក្នុងនោះដែរ អគ្គនាយកដ្ឋានកសិកម្ម បានលើកឡើងថាកសិករមានជម្រើសប្រឡូកនឹងទីផ្សារសេរីដោយខ្លួនឯងដោយដាំដុះដំណាំដែលខ្លួនវាយតម្លៃថាត្រូវនឹងទីផ្សារ ធ្វើកសិកម្មតាមកិច្ចសន្យា។ ក្នុងករណីទី២ មន្ទីរកសិកម្ម រុក្ខាប្រមាញ់ និងនេសាទរាជធានី-ខេត្តទាំង ២៥ នឹងជួយធ្វើសាក្សីលើកិច្ចសន្យាកសិកម្មនេះដើម្បីធានាជូនបងប្អូនកសិករអ្នកទិញនឹងធានាទីផ្សារជូនតាមពេលវេលាដែលបានកំណត់។ ប៉ុន្តែកសិករក៏ត្រូវមានកាតព្វកិច្ចលក់ក្នុងថៃ្លដែលបានសន្យាដូចគ្នា៕

នៅកន្លែងធ្វើការ គ្មានអ្នកណាម្នាក់ចង់ក្លាយជាបុគ្គលិកដែលត្រូវគេចាំចាប់កំហុសគ្រប់ពេលនោះទេ ហើយក៏គ្មានអ្នកណាម្នាក់ចង់ឱ្យមិត្តរួមការងារមិនចង់សេពគប់ដែរ ។ ដូច្នេះ យើងមិនត្រូវធ្វើអាកប្បកិរិយាណាពុំគប្បីនៅក្នុងការិយាល័យទេ ។

១-សុំច្បាប់ឈឺញឹកញាប់
កុំធ្វើជាអ្នកឈឺញឹកញាប់ពេក ព្រោះអ្នកធ្វើការជាមួយយើងគេដឹងច្បាស់ថា បែបណាឈឺពិតប្រាកដ ឬបែបណាកុហកថាឈឺ ។ នៅពេលយើងសុំច្បាប់ឈឺញឹកញាប់ពេក អ្នកហត់នឿយបំផុត គឺអ្នកដែលធ្វើការជំនួសយើង និងមិត្តរួមការងារជាមួយគ្នាជាច្រើននាក់ទៀត ។

២-មកធ្វើការយឺតជាប្រចាំ និងមានលេស
នៅកន្លែងធ្វើការតែងមានអ្នកមកយឺតយឺវជាប្រចាំ និងត្រឡប់ទៅផ្ទះវិញមុនគេជានិច្ច ហើយពាក្យថា ស្ទះចរាចរណ៍ មិនស្រួលខ្លួន មានធុរៈនៅផ្ទះ និងពុលអាហារ គឺជាហេតុផលសម្រាប់ការមកធ្វើការយឺត ហើយពេលខ្លះ រកលេសមិនបានក៏មាន ។ ការកុហកបែបនេះមិនល្អឡើយ ហេតុនេះ ចូរឈប់មកធ្វើការយឺត ឈប់រកលេសផ្សេងៗទៅ ព្រោះវានឹងធ្វើឱ្យមិត្តរួមការងារមានអារម្មណ៍មិនល្អ ហើយពេលមកដល់ការិយាល័យ យើងនឹងអាចត្រូវគេសម្លឹងមើលដោយក្រសែភ្នែកប្លែកៗ ដែលធ្វើឱ្យយើងមានអារម្មណ៍មិនស្រួលក្នុងការធ្វើការពេញ១ថ្ងៃផងដែរ ។ ហេតុនេះ គួរទៅធ្វើការឱ្យទាន់ពេលវេលា ហើយមិនចាំបាច់ស្វែងរកលេសឈប់ដែរ ។

៣-ចរិតរឹងរូស និងមិនអត់ធ្មត់
បើទោះជាយើងនិយាយថា ខ្លួនជាមនុស្សស្មោះត្រង់ជាមួយអ្នកដទៃ ប៉ុន្តែប្រធាន ឬមិត្តរួមការងារពួកគេមើលដឹងថា យើងជាមនុស្សស្មោះត្រង់ ឬមិនស្មោះត្រង់ ។ ដូច្នេះ ចូរចៀសវាងមើលងាយអ្នកដទៃ ហើយគិតថា ពួកគេមិនដឹងពីចរិតរបស់យើង ប៉ុន្តែត្រូវបង្ហាញអាកប្បកិរិយាទន់ភ្លន់ជាមួយមិត្តរួមការងារ ។

៤-យកការងារខាងក្រៅមកធ្វើក្នុងការិយាល័យ
វាជាបញ្ហាធំបំផុត បើដឹងដល់ចៅហ្វាយនាយ ឬប្រធានការិយាល័យធានាថា យើងនឹងមានបញ្ហាជាមិនខាន ព្រោះគ្មានអ្នកណាម្នាក់ចង់ឱ្យយើងយកពេលវេលាការងារទៅធ្វើអ្វីផ្សេងឡើយ ។ លើសពីនេះ បើមិត្តរួមការងារឃើញនោះ ទោះជាពួកគេមិននិយាយ ប៉ុន្តែជឿទៅ មនុស្ស១០០នាក់ពិតជាមានអារម្មណ៍មិនល្អជាមួយយើងទេ ហើយយើងនឹងទទួលបានលទ្ធផលអាក្រក់ ហេតុនេះ ត្រូវយកការងារខាងក្រៅទៅធ្វើនៅផ្ទះប្រសើរជាង ។

៥-និយាយដើមគេ
ជាអាកប្បកិរិយាមិនគួរឱ្យស្រឡាញ់សោះ យើងសាកគិតមើលថា បើមួយថ្ងៃៗ បុគ្គលិកក្នុងការិយាល័យនាំគ្នានិយាយដើមគ្នាទៅវិញទៅមក តើបរិយាកាសការងារនឹងឈានដល់កម្រិតណា ? ដូច្នេះ យើងកុំពាក់ព័ន្ធនឹងក្រុមនិយាមដើមគេ ព្រោះអាចនឹងធ្វើឱ្យផ្ទុះសង្គ្រាមក្នុងការិយាល័យ និងខាតបង់ពេលវេលាទៀតផង៕

(នៅមានត)

យោងតាមគេហទំព័រផ្លូវការរបស់សុីហ្គេមឆ្នាំ ២០២៣ បានឱ្យដឹងថា ចំពោះសំបុត្រតម្លៃ នៅថ្ងៃបើកព្រឹត្តិការណ៍សុីហ្គេម នឹងមានតម្លៃចាប់ពី១០មុឺនរៀល ដល់២០មុឺនរៀល ដោយចែកចេញជា ៧តំបន់។

នៅក្នុង៧តំបន់នោះ៖

• តំបន់ D និង E ២០មុឺនរៀល
• តំបន់ A B C F G ១០មុឺនរៀល

តែយ៉ាងណាមិញចំពោះតម្លៃសំបុត្រ ការចូលរួមទស្សនាកីឡាផ្សេងៗ មិនទាន់បញ្ចេញឱ្យដឹងនៅឡើយនោះទេ។ សូមជម្រាបផងដែរថា ព្រឹត្តិការណ៍សុីហ្គេម០២៣ លើកទី៣២ ដែលកម្ពុជា ធ្វើជាម្ចាស់ផ្ទះ នឹងប្រព្រឹត្តិទៅជាផ្លូវការនៅថ្ងៃទី៥-១៧ ខែឧសភា ឆ្នាំ២០២៣ ដោយកីឡាខ្លះត្រូវចាប់ផ្តើមមុននៅថ្ងៃទី២៩ ខែមេសា ខាងមុខនេះ៕

ចូលមើលតម្លៃសំបុត្រ៖ CAMBODIA2023

រដូវកាលឆេងម៉េង ឬសែនផ្នូរ បានចូលមកដល់ហើយសម្រាប់ប្រជាជនខ្មែរជាប់សែស្រឡាយចិន វៀតណាម នឹងទៅសែនផ្នូររបស់អ្នកមានគុណឬញាតិសណ្តានដែលបានចែកឋានទៅក្នុងគោលបំណងបួងសួងសុំសេចក្តីសុខចម្រើន រកស៊ីមានបាន និងឡើងបុណ្យស័ក្តិ។ ក្នុងពិធីបុណ្យនេះ សម្រាប់អ្នកមានធនធាន បានជ្រើសយកជ្រូកខ្វៃ ឬជ្រូកកណ្តុរអាំង មកសែនផងដែរ។

យ៉ាងណាមិញ មុនសម្រាប់ចិត្តទិញជ្រូកខ្វៃ ឬជ្រូកកណ្តុរអាំង លោកអ្នកគួរពិនិត្យមើលជ្រូកនោះជាមុនសិនប្រយ័ត្នប៉ះចំរបស់ខូចគុណភាពនាំឱ្យប៉ះពាល់ទៅដល់សុខភាព ព្រោះបន្ទាប់ពីលោកអ្នកសែនដូនតារួម លោកអ្នកក៏បរិភោគដែរ។

កាលពីថ្ងៃទី១៧ ខែកុម្ភៈ ឆ្នាំ២០២៣ កន្លងមកនេះមន្រ្តីជំនាញរបស់អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ «ក.ប.ប.» និងមន្ត្រីជំនាញរបស់អគ្គនាយកដ្ឋានសុខភាពសត្វ និងផលិតកម្មសត្វ បានដុតបំផ្លាញចោលសាច់ជ្រូក និងសរីរាង្គជ្រូកបង្កក សរុបប្រមាណ១ ៧៦០គីឡូក្រាម ជាសាច់ជ្រូក និងសរីរាង្គជ្រូក មានផ្ទុកវីរុសជំងឺឆ្លង ប៉េសអាហ្វ្រិកខូចគុណភាព គ្មានសុវត្ថិភាព សម្រាប់អ្នកប្រើប្រាស់ដែលសមត្ថកិច្ចចម្រុះបង្ក្រាបបានតាមបណ្តាឃ្លាំងស្តុកសាច់ស្រស់ និងបង្កកនៅរាជធានីភ្នំពេញក្នុងរយៈពេលកន្លងមកនេះ។

ក្នុងន័យនេះមិនមែនមានន័យថា ហាមឃាត់ប្រជាពលរដ្ឋទិញជ្រូកខ្វៃឬជ្រូកកណ្តុរអាំងនោះទេ ប៉ុន្តែលោកអ្នកគួរពិនិត្យជាមុនសិន និងស្វែងរកទីតាំងលក់ណាដែលអាចជឿទុកចិត្ត ក្នុងគោលបំណងបង្ការហានិភ័យ។ បន្ថែមពីនេះ នៅតាមទីផ្សារយើងក៏មានអាជីវករលក់ផលិតផលក្នុងស្រុក មិនមានកការនាំជ្រូកចូលពីប្រទេសជិតខាងនោះទេ ដែលទាមទារឱ្យលោកអ្នកត្រូវពិនិត្យមុនសម្រេចចិត្តទិញ៕

មហាជនបានស្នើឱ្យសមត្ថកិច្ចពាក់ព័ន្ធស្វែងរកជនដៃដល់ជាបុរសម្នាក់ បានប្រើប្រាស់អំពើហិង្សាទៅលើស្រ្តីម្នាក់ ក្រោយពីមានគណនីហ្វេកប៊ុកមួយបានបង្ហោះនៅលើបណ្តាញសង្គមកាលពីយប់ថ្ងៃទី២៦ ខែមីនា នេះ។

ក្នុងវីដេអូប្រមាណ ៩វិនាទី នៅលើហ្វេកប៊ុកមួយឈ្មោះថា «វណ្ណា ថតរូប» កំពុងធ្វើឱ្យមហាជនប្រតិកម្មយ៉ាងខ្លាំង ព្រោះក្នុងវីដេអូនោះបង្ហាញឱ្យឃើញពីសកម្មភាពបុរសម្នាក់បានប្រើប្រាស់អំពើហិង្សាទៅលើស្រ្តីម្នាក់ដោយបានយកមួកសុវត្ថិភាពវាយដំទៅលើមួកសុវត្ថិភាពស្រ្តីកំពុងពាក់ វាយឡើងដំណំ។

តាមការបញ្ជាក់របស់ហ្វេកប៊ុកខាងលើ ហេតុការណ៍នេះបានកើតឡើងនៅស្តុបសន្ធរម៉ុក ដោយមិនដឹងថាអ្នកទាំងពីរមានបញ្ហាអ្វីជាមួយគ្នាឡើយ ប៉ុន្តែបុរសដែលបានប្រើអំពើហិង្សានោះគឺជិះម៉ូតូជាមួយគ្នា ហើយចុះពីម៉ូតូវាយស្រ្តីនោះតែម្តង។

ការប្រើអំពើហិង្សាខាងលើនេះ មហាជនបានស្នើឱ្យសមត្ថកិច្ចស្វែងរកជនដៃដល់ដើម្បីចាត់វិធានការទៅតាមនីតិវិធីច្បាប់ ព្រោះវាជាអំពើដែលសង្គមកំពុងលុបបំបាត់មិនឱ្យកើតមានទាំងក្នុងគ្រួសារ និងសង្គម។

គួរបញ្ជាក់ផងដែរថា តាមការឱ្យដឹងពីលោកស្រី គ្រី ស៊ុយហៀង នាយិកាអង្គការនារីដើម្បីសន្តិភាព បាននិយាយថា កម្ពុជាមានស្រ្តីម្នាក់ក្នុងចំណោម៥ម្នាក់ (១/៥នាក់) ទទួលអំពើហិង្សាទាំងផ្លូវកាយនិងផ្លូវភេទ ខណៈស្ត្រី១/៣នាក់ ទទួលរងអំពើហិង្សា ជារួមនៅលើសកលលោក៕