តារាចម្រៀង ជី ដេវីត បានប្រកាសនៅលើបណ្តាញសង្គមថាលោកនឹងសម្តែងបទ មហានគរ ជាមួយផ្ទាំងទស្សនីយ៍ភាពដល់ទៅ៧ ក្នុងថ្ងៃប្រកួតបាល់ទាត់មិត្តភាពអន្តរជាតិកម្ពុជាប៉ះជាបង់ក្លាដេស នាពេលខាងមុខនេះ។ ហើយការបង្ហាញផ្ទាំងទស្សនីយ៍ភាពនេះ ក៏មានការប្រឹក្សាច្បាស់លាស់ពីលោកគ្រូ អ្នកគ្រូ សាស្ត្រាចារ្យនៅក្រសួងវប្បធម៌និងវិចិត្រសិល្បៈផងដែរ។

ដូចអ្នកគាំទ្រជ្រាបមកហើយថា កាលពីពេលថ្មីៗនេះតារាចម្រៀង ជី ដេវីត បានបញ្ជាក់ថាលោកនឹងសម្តែង «បទមហានគរ» នាថ្ងៃទី១៥ ខែមិថុនា ឆ្នាំ២០២៣ នៅពហុកីឡដ្ឋានជាតិអូឡាំពិកក្នុងជំនួបបាល់ទាត់មិត្តភាពអន្តរជាតិកម្ពុជានិងបង់ក្លាដេស ដែលធ្វើឱ្យមហាជនសាទរយ៉ាងខ្លាំងចំពោះដំណឹងនេះ ព្រោះជាអ្វីដែលពួកគេចង់ឃើញជាយូរមកហើយបន្ទាប់ពីបទចម្រៀងប្រកបដោយអត្ថន័យជ្រាលជ្រៅនេះអក់ខានក្នុងព្រឹត្តិការណ៍បើក-បិទ ស៊ីហ្គេម២០២៣។

អ្វីដែលកាន់តែរំភើប នៅល្ងាចថ្ងៃទី៨ ខែមិថុនា លោក ជី ដេវីត បានបញ្ជាក់ថា ការបង្ហាញផ្ទាំងទស្សនីយភាពនាថ្ងៃនោះមានចំនួន៧ រួមមាន១.កូរសមុទ្រទឹកដោះ ២.អប្សរា
៣.ម្ករ ៤.ល្ខោនខោល ៥.គុនល្បុក្កតោ ៦.ផ្កាយសំណាង កាន់ទង់ ៧.គ្រុឌ។

ជាមួយការផ្តល់ផ្ទាំងទស្សនីយភាពខាងលើនេះក៏មានការចូលរួមប្រឹក្សាពីលោកគ្រូ ព្រឿង ឈៀង និងអ្នកគ្រូ ប៉ែន សុខហួន សាស្ត្រាចារ្យ ទីប្រឹក្សា ក្រសួងវប្បធម៌និងវិចិត្រសិល្បៈផងដែរ។

គួរបញ្ជាក់ផងដែរ ពិធីបិទការប្រកួតកីឡាជាតិលើកទី៣ និងកីឡាជនពិការជាតិលើកទី១កាលពីថ្ងៃទី៣០ ខែវិចិ្ឆកា ឆ្នាំ២០២២ នៅពហុកីឡដ្ឋានជាតិមរតកតេជោ តារាចម្រៀង ជី ដេវីត បានជ្រើសបទ« វីរៈនារី »ជាមួយផ្ទាំងទស្សនីយភាពដ៏អស្ចារ្យមកបង្ហាញធ្វើឱ្យមហាជនពោលសរសើរលោកយ៉ាងខ្លាំង៕

លោកជំទាវឧកញ៉ា តាំង ហ្គិចលៀង និងស្វាមី ឧកញ៉ា អ៊ឹង លីហេង ត្រូវបានព្រះមហាក្សត្របានចេញព្រះរាជក្រឹត្យត្រាស់បង្គាប់ផ្តល់គោរមងារពី «ឧកញ៉ា»ទៅជា «អ្នកឧកញ៉ា»។ រឿងនេះដែរក៏ធ្វើឱ្យអ្នកលេងបណ្តាញសង្គមភ្ញាក់ផ្អើលយ៉ាងខ្លាំង ជាពិសេសទៅលើលោកជំទាវ តាំង ហ្គិចលៀង ។

គេចាំបានថាកាលពីចុងខែមីនា ដើមខែមេសា វីដេអូចាស់របស់លោកជំទាវ តាំង ហ្គិចលៀង ដែលជាអគ្គនាយិកាក្រុមហ៊ុន H&L គ្រុប និងជាប្រធានក្លឹបស្រ្តីកម្ពុជា រងការរិះគន់យ៉ាងខ្លាំងពីសំណាក់មហាជនអ្នកលេងបណ្តាញសង្គម ព្រោះតែពាក្យសម្តីប្រៀបធៀបរវាងអ្នកមាននិងអ្នកក្រ ខណៈលោកជំទាវបានចេញវីដេអូទទួលស្គាល់កំហុសនិងសូមទោសជាសាធារណៈផងដែរ។

យ៉ាងណាមិញ ក្រោយស្ងប់ស្ងាត់រឿងនេះមួយរយៈអ្នកលេងបណ្តាញសង្គមមានការភ្ញាក់ផ្អើលក្រោយពីឃើញលោកជំទាវ តាំង ហ្គិចលៀង និងស្វាមី ឧកញ៉ា អ៊ឹង លីហេង មានគោរមងារជា «អ្នកឧកញ៉ា» ដែលត្រាស់បង្គាប់ដោយព្រះមហាក្សត្រ។

ក្នុងព្រះរាជក្រឹត្យផ្តល់គោរងារលោកជំទាវ តាំង ហ្គិចលៀង ពីឧកញ៉ា ទៅជាអ្នកឧកញ៉ា គឺនៅថ្ងៃទី៦ ខែមិថុនា ឆ្នាំ២០២៣ ខណៈស្វាមីលោកជំទាវគឺនៅថ្ងៃទី២ ខែមិថុនា ឆ្នាំ២០២៣៕

បន្ទាប់ពី​ស្ថិត​នៅ​ក្នុង​ភាពជា​បព្វជិត​អស់ ៣១​ឆ្នាំ​មក ភិក្ខុ​វជិរប្បញ្ញោ សាន សុជា បាន​ប្រកាស​រៀបចំ​ពិធី​លាចាក​សិក្ខាបទ​ហើយ​នៅ​រសៀល​ថ្ងៃអាទិត្យ ទី២១ ខែឧសភា។

ភ្លាមៗ​ក្រោយពី​ការប្រកាស​លាចាក​សិក្ខា​របស់​ព្រះ​អង្គ​មាន​ពុទ្ធ​បរិស័ទ​ជាច្រើន ទាំង​ពុទ្ធ​បរិស័ទ​ដែល​បាន​ចូលរួម​ក្នុង​ពិធី​លាចាក​សិក្ខាបទ និង​ទាំង​ពុទ្ធ​បរិស័ទ​តាម​បណ្ដាញ​សង្គម​ដែល​ជា​សិស្ស​គុណ​របស់​ព្រះអង្គ បាន​សំដែង​នូវ​ការ​សោកស្តាយ​ព្រមទាំង​សំណូមពរ​ឲ្យ​លោក​ពិចារណា​ក្នុង​ការ​សាង​ភ្នួស ដើម្បី​បម្រើ​ក្នុង​ព្រះពុទ្ធសាសនា​ឡើងវិញ​។

ក្រោយពីលាចាក​សិក្ខាបទ លោកគ្រូ សាន សុជា​បានលើកឡើងផែនការជីវិតមួយចំនួន នៅក្នុងកម្មវិធី Podcast របស់វិទ្យុមួយនៅអូស្ត្រាលី ដោយលោកគ្រូបានលើកឡើងថា៖” បច្ចុប្បន្នខ្ញុំគ្មានចំណងចង់ធ្វើការឱ្យគេនោះទេ គឺខ្ញុំចង់បើករបរមួយ ទាំងទងនឹងការអប់រំ”។

លោកគ្រូក៏បានសង្កត់ធ្ងន់ថា៖” ក្រោយពីលាចាក​សិក្ខាបទ ខ្ញុំនឹងបែងចែកជីវិតជា២។ ទី១ការងារសាធារណៈ គឺជាការចែកចាយព្រះធម៌ព្រះសង្ឃ និងធម៌អប់រំចិត្តជាដើម។ ទី២ គឺជីវិតផ្ទាល់ខ្លួន ដូចជាការមានគ្រួសារជាដើម ក៏ប៉ុន្តែខ្ញុំឥឡូវមិនទាន់មើលឃើញនរណានោះ មានតែគេណែនាំឱ្យខ្ញុំ តែយើងមើលមិនទាន់ត្រូវ រឿងអនាគត​ យើងមានតែចាំមើលបន្តទៀត”។

សូមជម្រាបផងដែរថា បច្ចុប្បន្នលោកគ្រូ សាន សុជា​ កំពុងតែរស់នៅប្រទេសអូស្រា្តលី​ ដោយលោកក៏បានទទួលសិទ្ធពេញលេញនៅក្នុងការរស់់នៅប្រទេសនេះផងដែរ៕

ប្រភព៖ SBC

ថ្មីៗនេះអ្នកលេងបណ្តាញសង្គមបានរិះគន់ទៅលើគណនីហ្វេកប៊ុកមួយដោយសារតែបានបង្ហោះរូបភាពនិងវីដេអូបុរសម្នាក់លួចទំពាំងដែលខ្លួនបានដាំយកទៅស្លតាមទាន់ជាន់កែងដោយបាននិយាយថា រឿងទំពាំងមិនប៉ុន្មានទេតែស្អប់សារជាតិជាចោរ។ រឿងនេះដែរតារាសម្តែងរូបសង្ហា ប្រុស ខួច ក៏បានលូកមាត់ថាលោកមិនបានកាន់ជើងចោរទេ តែបើពិតជាចោរមិនមែនលួចទំពាំង២គុម្ពទេគឺ២ការ៉ុងហើយព្រមទាំងឱ្យម្ចាស់ទំពាំងបើកចិត្តក្នុងនាមជាខ្មែរដូចគ្នា។

រឿងទំពាំង២គុម្ពក្លាយជាប្រធានបទជជែកវែកញែកនៅលើបណ្តាញសង្គម បន្ទាប់ពីម្ចាស់ទំពាំងតាមទាន់អ្នកលួចររហូតយកទៅដល់ផ្ទះប្រធានភូមិ ដែលបានធ្វើឱ្យអ្នកលេងបណ្តាញសង្គមរិះគន់ទៅម្ចាស់ទំពាំងថាជាមនុស្សចិត្តចង្អៀតរហូតដាក់រហ្ស័សនាមថា «យាយព្រឹក»។ហេតុការណ៍នេះកើតឡើងនៅភូមិបំពេញរាជ្យ ឃុំលាងដៃ ស្រុកអង្គរធំ ខេត្តសៀមរាប ដែលបុរសជាអ្នកលួចនោះមានអាយុ២៧ឆ្នាំ។

មិនត្រឹមតែមហាជនជជែកវែកញែកទំពាំង២គុម្ពទេ ងាកទៅកាន់តារាសម្តែងល្បីឈ្មោះ ប្រុស ខួច វិញក៏បានលូកមាត់លើរឿងនេះដែរ ដោយបានរៀបរាប់ថា «មើលទៅ មុខគាត់ដឹងខុសហើយ បើសម្រាប់ខ្ញុំនេះមិនមែនហៅថាលួចទេគឺសុំតែមួយពេល បើគាត់ចង់លួចមែន គឺមិនមែន ២ដុំនឹងទេប្រហែលជា២ការ៉ុង ហើយត្រូវយកទៅ លក់យកលុយចាយទៀតនេះជាចរិតចោរ មិនកាន់ជើង ខាងណាទេ រឿងខ្លះយើងរៀនបើកចិត្តយល់គ្នាតែបន្តិច ហើយក៏លែងខឹងគ្នាហើយ ខ្មែរដូចគ្នាទេ (ខ្ញុំនិយាយនេះ មិនមែនកាន់ជើងចោរទេ) មើលតាមការដែលដែលម្ចាស់ ចំការគាត់ថត មើលទឹកមុខបងប្រុសគួរឱ្យអាណិតណាស់ តែយើងមិនទាន់ដឹងច្បាស់ ថាប្រវត្តិបងប្រុសយ៉ាងណានៅឡើយ … (បញ្ជាក់យើងមិនគាំទ្រចោរឬការលួចទេ) តែយកចិត្តនឹងបេះដូង ហើយនិងភ្នែកដែលបានមើលឃើញ មកនិយាយ»៕

នាព្រឹកថ្ងៃទី៩ ខែមិថុនា ឆ្នាំ២០២៣ សម្តេចតេជោហ៊ុនសែន បានចេញសារជាសំលេងនៅលើបណ្តាញទំនាក់ទំនងសង្គមតេលេក្រាម ដោយ ឱ្យម្ចាស់បុរីទាំងអស់ ត្រូវបញ្ឈប់ការរឹបអូសផ្ទះពីអតិថិជន ដែលខកខានបង់ជាបន្ទាន់។

តាមរយៈសារសំលេងនោះ សម្តេចបានមានប្រសាសន៍ថា៖” បញ្ឈប់ភ្លាមនៅសកម្មភាពរឹបអូស ហើយរៀបចំឥតទានឡើងវិញ ឯអ្នកដែលទិញ ក៏ត្រូវមានការទទួលខុសត្រូវ ត្រូវតែសងគេ តែគេគ្រាន់តែកាត់បន្ថយមួយខែ៥០០ដុល្លារ មក៣០០ដុល្លារ តែត្រូវតែបង់ កុំឱ្យដល់៣០០ហើយបង់ទៀត អាងតែនាយករដ្ឋមន្រ្តីនិយាយអញ្ចឹងមិនខ្ចីបង់ អាហ្នឹងក៏អត់បានដែរ។ ឯអ្នកដែរគេរឹបហើយនោះ អញ្ចឹងតៅកែអាចឱ្យទៅវិញខ្លះទេ ព្រោះអាហ្នឹងយកប្រាក់គេមកសុទ្ធ អាហ្នឹងដូចជាហួសហេតុពេកហើយ ខ្ញុំសូមអង្វរ។ ហើយខ្ញុំសូមឱ្យជំនួយការរបស់ខ្ញុំដែលទទួលបន្ទុកលើកកិច្ចការវិនិយោគ ពិនិត្យតាមដានបុរី និងធ្វើការបូកសរុបឱ្យខ្ញុំ តើរយៈណពេលកន្លងទៅអ្នកដែលគេរឹបអូសមានប៉ុន្មាន ខ្ញុំចង់ដឹងអាហ្នឹង ហើយបុរីណាខ្លះដែលបានរឹបអួស ធ្វើជាបញ្ជីយកមកឱ្យខ្ញុំ។ ខ្ញុំប្រគល់ភារិកិច្ចឱ្យ​សុខ ចិន្តា ធ្វើបញ្ជីជាក់លាក់ តើមានមនុស្សប៉ុន្មាននាក់ដែលត្រូវបានគេរឹបអូសផ្ទះ”៕

ក្រុមម្ចាស់ជើងឯកលីគកំពូលព័រទុយហ្គាល់នៅក្នុងរដូវកាលនេះ Benfica នឹងធ្វើដំណើរមកប្រទេសកម្ពុជា នាថ្ងៃទី១០ ខែកក្កដា​ ដល់ថ្ងៃទី១៥ ខែកក្កដា ឆ្នាំ២០២៣ ខាងមុខនេះ។

នៅក្នុងការធ្វើដំណើរមកទស្សនាប្រទេសកម្ពុជានេះ ក្រុម Benfica នឹងធ្វើការបោះជំរុំបាល់ទាត់មួយសប្តាហ៍ដែលធ្វើឡើងនៅសាលាអន្តរជាតិ North Bridge។ ទន្ទឹមគ្នា លោកអ្នកក៏អាចចុះឈ្មោះចូលរួមហ្វឹកហាត់ជាមួយពួកគេផងដែរ ដោយគ្រាន់តែចូលទៅកាន់ផេកផ្លូវការរបស់សាលាអន្តរជាតិ North Bridge។

សូមជម្រាបផងដែរថា Benfica គឺជាក្រុមជោគជ័យជាងគេបំផុតមួយនៅប្រទេសព័រទុហ្គាល់ ដោយបានឈ្នះពានរង្វាន់លីគកំពូលព័រទុយហ្គាល់៣៨លើក ច្រើនជាងក្រុមណាទាំងអស់៕

ព័ត៌មានលម្អិត៖ North Bridge International School