ប្រទេសចិន៖ នៅពេលដែលអត្រាអ្នកអត់ការងារធ្វើរបស់យុវជនចិនកើនឡើងយ៉ាងខ្លាំង រដ្ឋាភិបាលខេត្តក្វាងទុងបានចេញនូវដំណោះស្រាយដ៏ចម្រូងចម្រាសមួយ ដោយបញ្ជូនអ្នកអត់ការងារធ្វើចំនួន ៣០០,០០០ នាក់ត្រឡប់ទៅស្រុកកំណើតរបស់ពួកគេវិញក្នុងរយៈពេលពីរឬបីឆ្នាំដើម្បីស្វែងរកការងារធ្វើ។
នៅខែធ្នូ ឆ្នាំ ២០២២ ប្រធានាធិបតីចិន លោក Xi Jinping បានជំរុញយុវជនក្នុងទីក្រុងឱ្យស្វែងរកការងារធ្វើនៅតំបន់ដាច់ស្រយាល ដើម្បី “ធ្វើឱ្យសេដ្ឋកិច្ចជនបទមានភាពរស់រវើកឡើងវិញ”។

យោងតាមប្រភពសារព័ត៌មាន CNN បានឱ្យដឹងថា អត្រាគ្មានការងារធ្វើសម្រាប់យុវជនអាយុពី ១៦-២៤ ឆ្នាំនៅក្នុងទីក្រុងរបស់ប្រទេសចិនគឺ ១៩.៦% ស្មើនឹង ១១ លាននាក់ដែលមិនមានការងារធ្វើនៅក្នុងទីក្រុង ដែលនេះគឺជាកម្រិតខ្ពស់បំផុតទីពីរក្នុងប្រវត្តិសាស្ត្រ ។ យុវជនចិនកំពុងមានការខកចិត្តនៅពេលឱកាសការងារនៅឆ្ងាយពីការរំពឹងទុកដោយសារតែការធ្លាក់ចុះសេដ្ឋកិច្ច។ ដោយមានការខកចិត្តចំពោះភាពមិនច្បាស់លាស់ និងកង្វះការចល័តសង្គម យុវជនចិនទាំងអស់កាន់តែបាត់បង់ក្តីសង្ឃឹមដែលថាសញ្ញាបត្រមហាវិទ្យាល័យនឹងផ្តល់ឱកាសដូចកាលពីអតីតកាល។

ប្រឈមមុខនឹងទីផ្សារការងារដ៏ក្រៀមក្រំ យុវជនជនជាតិចិនមួយចំនួនបានជ្រើសរើសបើកតូបនៅផ្សាររាត្រី ដើម្បីរកចំណូល ទោះជាយ៉ាងណាក៏ដោយ មនុស្សជាច្រើនផ្សេងទៀតនៅតែពឹងផ្អែកលើគ្រួសាររបស់ពួកគេ។ យោងតាមសាស្ត្រាចារ្យ Hans Hendrischke មកពីសាកលវិទ្យាល័យស៊ីដនី បាននិយាយថា លោកមិនអាចមានដំណោះស្រាយរយៈពេលខ្លីចំពោះភាពអត់ការងារធ្វើរបស់យុវជនចិននាពេលបច្ចុប្បន្ននោះទេ។ លោកក៏បានបន្ថែមទៀតថា ប្រព័ន្ធអប់រំចិននៅតែធ្ងន់លើចំណេះដឹងមូលដ្ឋាន ខណៈនិន្នាការក្នុងប្រទេសផ្សេងគឺការបណ្ដុះបណ្ដាលជំនាញ។ នេះជាអ្វីដែលវិស័យអប់រំចិនត្រូវតែការលើកកម្ពស់ នឹងត្រូវការពេលវេលាក្នុងការផ្លាស់ប្តូរបន្ថែមទៀត៕ ប្រភព៖vnexpress

សត្វដែលបានសម្លាប់ជីវិតមនុស្សច្រើនបំផុតលើពិភពលោកមិនមែនជាសត្វមានខ្លួនធំឬ មានចង្កូមមុតទេ ប៉ុន្តែ បែរជាសត្វមូសដែលមានខ្លួនតូចៗ។ មូសបានសម្លាប់ជីវិតមនុស្សនៅទូទាំងពិភពលោក ប្រមាណ ៥ សែន នាក់ដល់១លាននាក់ក្នុង១ឆ្នាំ ។

តាមទិន្នន័យរបស់មជ្ឈមណ្ឌលគ្រប់គ្រងនិងការពារជំងឺប្រចាំអាមេរិកបង្ហាញថាសត្វមានគ្រោះថ្នាក់បំផុតនៅលើពិភពលោកគឺមូសហើយបើតាមស្ថិតិ បង្ហាញថាមូសជាសត្វឆក់យកជីវិតមនុស្សពី៥០ម៉ឺនាក់រហូត ដល់ ១០០ ម៉ឺន នាក់ក្នុង១ឆ្នាំ ។

មូលហេតុចម្បងដែលធ្វើឱ្យវាមានគ្រោះថ្នាក់បំផុត ដោយសារវាជាភ្នាក់ងារចម្លង ជំងឺម៉ាឡារៀ។ មន្ត្រីមកពី ស្ថាប័ន Cary Institute of Ecosystem Studies រដ្ឋញូវយ៉កនិយាយថាជំងឺម៉ាឡារៀបានសម្លាប់ជីវិត មនុស្ស ជាបន្តបន្ទាប់អស់រយៈពេលយូរមកហើយ ។

បើទោះជាជំងឺនេះពិបាកឆ្លងនៅសហរដ្ឋអាមេរិកខាងជើង និងអឺរ៉ុបក្តី ប៉ុន្តែគេ សង្កេតឃើញវាឆ្លងនៅតំបន់ អាហ្វ្រិកអាស៊ីខាងត្បូង និងអាមេរិកខាងត្បូង ។ តាមរបាយការណ៍របស់អង្គការសុខភាពពិភពលោក (WHO) ថាជំងឺនេះធ្វើឱ្យមនុស្សស្លាប់នៅទូទាំងពិភពលោកប្រមាណ ៦១៩.០០០ នាក់ នៅឆ្នាំ២០២១ ។

គេអាចព្យាបាលជំងឺម៉ាឡារៀឱ្យជាសះស្បើយបាន ប្រសិនបើទទួលបានការវិនិច្ឆ័យត្រឹមត្រូវឆាប់រហ័សនិងបានប្រើប្រាស់ថ្នាំ មានប្រសិទ្ធភាព ។ ប៉ុន្តែសម្រាប់អ្នកមានគ្រោះថ្នាក់ខ្លាំងដូចជាកុមារស្ត្រីមានផ្ទៃពោះជំងឺនេះ នឹងធ្វើទុក្ខធ្ងន់ធ្ងរ។ តាមទិន្នន័យរបស់អង្គការសុខភាពពិភពលោកថាប្រមាណ ៨០% នៃការស្លាប់បាត់បង់ជីវិតរបស់មនុស្សគឺដោយសារមេរោគម៉ាឡារៀទាំងអស់នៅតំបន់អាហ្វ្រិកក្នុងនោះមានកុមារអាយុក្រោម៥ឆ្នាំផងដែរ ។

មូលហេតុ ដែលធ្វើឱ្យមូសអាចសម្លាប់ជីវិតមនុស្ស អស់ជាច្រើន ព្រោះវាជាសត្វស៊ីឈាមជាអាហារ ។ ដូច្នេះ មាន ន័យថាពួកវាអាចចម្លងរោគពីឈាមរបស់មនុស្សម្នាក់ទៅមនុស្សម្នាក់ទៀតយ៉ាងងាយ ស្រួល ។ ពួកវាមានខ្លួនតូច និងមានស្លាបដែលផ្តល់ភាពងាយស្រួលក្នុងការចម្លងជំងឺនិងខាំមនុស្ស ។ ក្រៅពីនេះមនុស្សនិងមូសបានរស់នៅក្នុងទីកន្លែងជាមួយគ្នាផងដែរ។

អ្នកវិទ្យាសាស្ត្រនិយាយថាអាកាសធាតុក្តៅ និងបម្រែបម្រួលអាកាសធាតុបានធ្វើឱ្យមូសអាចរស់នៅបានយូរជាងមុន និងចម្លង ជំងឺយ៉ាងងាយ ស្រួលជាងមុនផងដែរ។ ទោះយ៉ាងណាមូសមិនមែនជាសត្វមានពិសកាច សាហាវ តែមួយនៅលើពិភពលោកទេគឺនៅ មានសត្វពស់ផងដែរ ដែលមានគ្រោះថ្នាក់ដូចគ្នា។ ពស់បានសម្លាប់ ជីវិត មនុស្ស ពី ៨១.០០០នាក់ រហូត ដល់ ១៣៨.០០០ នាក់ ជារៀងរាល់ឆ្នាំ ។

តាមទិន្នន័យរបស់អង្គការសុខភាពពិភពលោកថាពស់ជាសត្វមានគ្រោះថ្នាក់ខ្លាំងបំផុតដល់ជីវិត មនុស្ស និង ជំងឺឆ្កែឆ្កួតជាជំងឺឆ្លងដោយបានសម្លាប់ជីវិតមនុស្សប្រមាណ ៥៩.០០០ នាក់ជារៀលរាល់ ឆ្នាំ ៕

ប្រភព ៖ TNN Earth

បុណ្យវិសាខបូជា គឺជាបុណ្យសាសនាដ៏ធំមួយនៅបណ្តាប្រទេសដែលកាន់សាសនាព្រះពុទ្ធ បុណ្យនេះធ្វើឡើងដើម្បីរំលឹកដល់ព្រះពុទ្ធសមណគោត្តមបរមគ្រូ នាថ្ងៃពេញបូណ៌មី គឺថ្ងៃទី ១៥កើត ខែពិសាខ ដែលពុទ្ធសាសនិកទាំងព្រះសង្ឃ ទាំងគ្រហស្ថ តែងធ្វើសក្ការបូជាប្រកបដោយជំនឿថាជាមហាកុសលដ៏ប្រសើរ។

ពាក្យថា (វិសាខបូជា) បានមកពីពាក្យថា (វិសាខបុណ្ណមីបូជា) ប្រែថា ការបូជាក្នុងថ្ងៃពេញបូណ៌មី ខែពិសាខ គឺខែទី ៦ ដោយរាប់ពីខែមិគសិរ បុស្ស មាឃ ផល្គុន ចែត្រ និងពិសាខជាដើម ។
ការដែលត្រូវប្រារព្ធធ្វើនៅថ្ងៃវិសាខបូជា ព្រោះថ្ងៃនេះជាថ្ងៃដែលកត់សម្គាល់ដល់ហេតុការណ៍ដ៏អស្ចារ្យ ៣ យ៉ាង ដែលកើតឡើងផ្ទួនៗគ្នាទាក់ទងនឹងខ្សែជីវិតរបស់ព្រះសម្មាសម្ពុទ្ធ និងជាថ្ងៃមហាមង្គល គឺមានន័យថា ថ្ងៃនេះ ពុទ្ធសាសនិកជននៅទូទាំងពិភពលោកនាំគ្នារឭកនឹកដល់ថ្ងៃប្រសូត ថ្ងៃត្រាស់ដឹង និងថ្ងៃបរិនិព្វានរបស់ព្រះបរមសាស្តា។
ចំពោះហេតុដែលនាំឱ្យមានការប្រារឰពិធីពិសាខបូជានាថ្ងៃ១៥ កើត ខែពិសាខ នេះ អាស្រ័យដោយលោកអ្នកប្រាជ្ញខាងពុទ្ធសាសនា ដែលបានកំណត់ទុកក្នុងគម្ពីរបឋមសម្ពោធិថា ជាមហាមង្គលអភិលក្ខិតកាល ត្រូវនឹងថ្ងៃដែលព្រះសម្ពុទ្ធបរមគ្រូ ៖

១.ព្រះអង្គ ទ្រង់ព្រះប្រសូតចាកពីព្រះឧទរព្រះមាតា៖
ព្រះសម្ពុទ្ធបរមគ្រូ ព្រះអង្គប្រសូតនៅថ្ងៃសុក្រ ១៥កើតពេញបូណ៌មី ខែពិសាខ ឆ្នាំចរ មុនពុទ្ធសករាជ ៨០ឆ្នាំ។

២. ថ្ងៃព្រះអង្គត្រាស់ដឹងនូវអនុត្តរសម្មាសម្ពោធិញាណ៖
ព្រះសម្ពុទ្ធបរមគ្រូ ព្រះអង្គត្រាស់ដឹងនៅថ្ងៃពុធ ពេញបូណ៌មី១៥កើត ខែវិសាខ ឆ្នាំរកា នៅក្នុងស្រុកឧរុវេលាប្រទេសសេនានិគម ក្បែរនឹងស្ទឹងនេរញ្ជរា វេលាព្រឹក ព្រាងទៀបភ្លឺ ក្នុងគម្រប់ព្រះជន្ម ៣៥ ឆ្នាំ នៅឯពុទ្ធគយា។

៣.ជាថ្ងៃព្រះយាងចូលព្រះបរមបរិនិព្វាន៖
ព្រះសម្ពុទ្ធបរមគ្រូ ព្រះអង្គបរិនិព្វាន ក្នុងថ្ងៃអង្គារ ពេញបូណ៌មី១៥ កើត ខែវិសាខ ឆ្នាំ ម្សាញ់ វេលារាត្រីជិតភ្លឺ ក្នុងព្រះជន្មគម្រប់ ៨០ ឆ្នាំគត់ នឹងមុនពុទ្ធសករាជ ១ ថ្ងៃគត់ ព្រះអង្គបរិនិព្វានក្នុងសាលវ័នឧទ្យាន ចន្លោះដើមរាំងទាំងគូ ក្បែរនគរកុសិនារា៕