តម្លៃប្រេងនៅកម្ពុជាចុះថ្លៃជាបន្តទៀតដោយតម្លៃសាំងធម្មតាចុះថ្លៃ២០០រៀលក្នុង១លីត្រ និង ប្រេងម៉ាស៊ូតចុះថ្លៃ១០០រៀលក្នុង១លីត្រ បើធៀបនឹងតម្លៃចាស់។ នេះតាមសេចក្តីជូនដំណឹងរបស់ក្រសួងពាណិជ្ជកម្មនៅថ្ងៃទី១ ខែឧសភា ឆ្នាំ២០២៣។

ក្នុងនោះ តម្លៃប្រេងសាំងធម្មតាក្នុង១លីត្រ គឺថ្លៃ ៤ ២០០រៀល និងប្រេងម៉ាស៊ូតតម្លៃ ៣ ៩៥០រៀល ក្នុង១លីត្រ ដែលគ្រប់ស្ថានីយ៍ប្រេងឥន្ធនៈអនុវត្តចាប់ពីថ្ងៃទី១-១០ ខែឧសភា ឆ្នាំ២០២៣។

គូសបញ្ជាក់ថា តម្លៃប្រេងខាងលើនេះគឺផ្អែកទៅលើទីផ្សារអន្តរជាតិ ក្នុងនោះ សម្តេចតេជោ ហ៊ុន សែន នាយករដ្ឋមន្ត្រី បានសម្រេចបញ្ចុះតម្លៃលក់រាយប្រេងឥន្ទនៈនេះចំនួន៦,៥ សេនដុល្លារ ក្នុងមួយលីត្រ ដើម្បីជួយសម្រួលដល់ជីវភាពរបស់ប្រជាពលរដ្ឋ៕

មហាជនមានការភ្ញាក់ផ្អើលយ៉ាងខ្លាំងក្រោយពីអ្នកឧកញ៉ាវ័យក្មេង ឡេង ណាវ៉ាត្រា បានបង្ហោះរូប វណ្ណដា ព្រមទាំងនិយាយពីរឿង MMO ដែលធ្វើឱ្យអ្នកលេងបណ្តាញសង្គមផ្ទុះការងឿងឆ្ងល់សឹងគ្រប់គ្នា រហូតលោកជំទាវឧកញ៉ា នឹម វណ្ណៈ ចេញមកនិយាយត្រង់ៗថា រឿង MMO គួរថយម្នាក់មួយជំហាន គ្រប់គ្នាមានសិទ្ធិគ្រាំទ្រចម្រៀងបទណាជាសិទ្ធរបស់បុគ្គលម្នាក់ៗទោះជាប្រើ MMO រឺមិនប្រើ MMO ឬវិធីសាស្រ្តដើម្បីផលប្រយោជន៍តែសូមវិធីនោះមិនបំពានច្បាប់។

អ្នកប្រើប្រាស់បណ្តាញសង្គមមួយភាគធំបានជ្រាបមកហើយថាករណីម្ចាស់ផលិតកម្ម ហ្គាឡាក់ស៊ីណាវ៉ាត្រា បានបង្ហោះសារជាច្រើនទាក់ទងនឹងតារាចម្រៀងរ៉េបវ័យក្មេង វណ្ណដា និងរឿង MMO ជាដើមនៅយប់ថ្ងៃទី៣០ ខែមេសា ឆ្នាំ២០២៣។ ក្នុងនោះអ្នកលេងបណ្តាញសង្គមការផ្ទុះការងឿងឆ្ងល់ដូចគ្នាថា រឿង MMO នោះជាប់ទាក់ទងអ្វីនឹងតារាចម្រៀង វណ្ណដា ខណៈផ្ទុះកក្រើកខ្លាំងពេកលោកជំទាវឧកញ៉ា នឹម វណ្ណៈ ប្រធានក្រុមប្រឹក្សាភិបាល ក្រុមហ៊ុន អេស៊ីអ៊ី គ្រុប ឯ.ក (ACE Group Co.,LTD) និងជាទីប្រឹក្សានៃក្រុមមេធាវី អេជ អេន អេស (HNS) កំពុងប្រកបមុខជំនួញ និងមុខរបរជាច្រើនពហុវិស័យ បានចេញមុខបង្ហោះសារថា រឿង MMO គួរថយម្នាក់មួយជំហាន។

លោកជំទាវឧកញ៉ា នឹម វណ្ណៈ បានសរសេរនៅលើបណ្តាញសង្គមហ្វេកប៊ុក នៅព្រឹកថ្ងៃទី១ ខែឧសភា ថា «រឿងMMO គួរថយម្នាក់មួយជំហានទៅបងប្អូន។ អ្នកណាខ្លាំងពិត អ្នកនោះឈរជើងក្នុងវិស័យអ្វីក៏បានយូរដែរ។ ប្រជាពលរដ្ឋខ្មែរលោកមានការយល់ដឹងច្រើន គ្រប់គ្នាមានសិទ្ធគ្រាំទ្រចម្រៀងបទណាជាសិទ្ធរបស់បុគ្គលម្នាក់ៗ។
ខ្ញុំផ្ទាល់ចូលចិត្តនិងគ្រាំទ្រប្អូន Vann Da – វណ្ណដា សឹងតែគ្រប់បទ ហើយក៏ចូលចិត្តបទដែលផលិតដោយ អ្នកឧកញ៉ា Leng Navatra ឡេង ណាវ៉ាត្រា Navatra Leng សឹងតែគ្រប់បទដូចគ្នា។
ពេលខ្លះម្ចាស់បទមធ្យមងំតែអ្នកថែមប៊ីចេងទេ សួរថាចំណេញអ្វីពីរឿងនេះ??? បើទៅមុខបន្តម្នាក់ៗកាន់តែខាតបង់ »។

លោកជំទាវឧកញ៉ា បានបន្ថែមថា «ទោះជាប្រើ MMO រឺមិនប្រើ MMO សួរថាការក្នុងវិស័យអ្វីក៏ដោយតើគ្រប់គ្នាចៀសបានរឺទេអាផ្លូវកាត់នោះ??? ដើម្បីគោលដៅមួយ ម្នាក់ៗខិតខំប្រើគ្រប់វិធីសាស្រ្តដើម្បីផលប្រយោជន៍អ្វីមួយ ទាំងគេទាំងយើង តែសូមវិធីនោះមិនបំពានច្បាប់។ ក្នុងវិស័យអ្វីក៏មានការប្រកួតប្រជែង សំខាន់ម្នាក់ៗចេះបទបែន ចេះចាប់ឱកាស យកចិត្តអតិថិជនអ្នកគ្រាំទ្រនិង ឆាបយកបេះដូងអ្នកគ្រាំទ្របានហើយ បុគ្គលនោះគេហៅថាឈ្នះពិតប្រាកដ មិនមែនអ្នកគ្រាំទ្រដោយសារតែមើលខមមិន ពីក្រុមMMO (making money online ) នោះទេ»។

ការលើកឡើងរបស់លោកជំទាវ ឧកញ៉ា នឹម វណ្ណៈ ខាងលើនេះបានធ្វើឱ្យអ្នកលេងបណ្តាញសង្គមមួយភាគធំគាំទ្រនូវការលើកលើករបស់អ្នកជំនួញរូបនេះ៕

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធី អបអរសាទរខួបអនុស្សាវរីយ៍លើកទី១៣៧ នៃទិវាពលកកម្មអន្តរជាតិ១ឧសភា និង ពិធីបើកការដ្ឋានសាងសង់ចំណតផែកុងតឺន័រ នៅខេត្តព្រះសីហនុ និងពិធីអបអរសាទរខួបអនុស្សាវរីយ៍លើកទី៧០ នៃទំនាក់ទំនងការទូតរវាងកម្ពុជា និងជប៉ុន ដែលប្រារព្ធធ្វើឡើងនៅចំណតកំពង់ផែក្រុងព្រះសីហនុ នាព្រឹកថ្ងៃចន្ទ ១២កើត ខែពិសាខ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី០១ ខែឧសភា ឆ្នាំ២០២៣ ។

នៅក្នុងឱកាសនោះផងដែរ សម្តេចតេជោ ហ៊ុន សែន នាយករដ្ឋមន្រ្តីកម្ពុជាបានធ្វើការព្រមានដកតំណែង អគ្គនាយកទូរទស្សន៍ជាតិកម្ពុជា បើមិនផ្សាយការប្រកួតកីឡាបាល់ទាល់ស៊ីហ្គេមគ្រប់គូទាំងអស់ មិនមែនផ្សាយសំដៅតែរវាងគូកម្ពុជាប្រកួតជាមួយនឹងគូបរទេសនោះឡើយ៕

សូមស្តាប់ប្រសាសន៍សម្តេចតេជោហ៊ុនសែន៖ ចាប់ពីនាទី៥៤ ដល់៥៨៕

លោក ម៉ៃ សុគន្ធ រហ្ស័សនាម កំពូលមហាទើសបានធ្វើឱ្យបណ្តាញសង្គមផ្ទុះសាជាថ្មី ក្រោមពីរិះគន់សំលៀកបំពាក់ លោក keisuke Honda អ្នកចាត់ការទូទៅក្រុមជម្រើសជាតិកម្ពុជា។ ការរិះគន់របស់លោក ម៉ៃ សុគន្ធ នេះមហាជនក៏បានរិះគន់លោកដូចគ្នា ខណៈឯកឧត្តម ហ៊ុន ជា ក៏បានបង្ហោះសារឱ្យមហាទើសចេញមុខសុំទោសលោក ហុងដា ជាបន្ទាន់។

កាលពីរាត្រីថ្ងៃទី២៩ ខែមេសាមហាជនទូទាំងនគរ រួមទាំងថ្នាក់ដឹកនាំក៏បានកោតសរសើរ និងសម្តែងក្តីត្រេកអរដែលក្រុមជម្រើសជាតិអាយុក្រោម២២ឆ្នាំកម្ពុជា បំបាក់ក្រុមជម្រើសជាតិ ទីម័រ លទ្ធផល៤ទល់០។ សម្ធិទ្ធផលដ៏ល្អនេះគេក៏សង្កេតឃើងថា លោក ហុងដា ក៏បង្ហាញអារម្មណ៍រីករាយដូចគ្នាដែលអ្នកគាំទ្រកម្រឃើញលោករីករាយណាស់។
អ្វីដែលធ្វើឱ្យមហាជនមិនអស់ចិត្តនោះ គឺ លោក ម៉ៃ សុគន្ធ បានចេញមុខរិះគន់ លោក ហុងដា ពីរឿងសំលៀកបំពាក់របស់លោកថា «យើងជាម្ចាស់ផ្ទះ ពាក់អាវដេក ពាក់អាវនៅផ្ទះ ពាក់អាវកាន់ទុក្ខក៏បាន គ្មានទើសក្បាលអ្នកណាទេជ្រុលតែទៅស្រុកវិញ ហើយ ចាំកាល ទៅអោយឆាប់ទៅខ្ញុំសែនមាន់១0»។ ការរិះគន់នេះ ក៏ធ្វើឱ្យអ្នកលេងបណ្តាញសង្គមរិះគន់ ម៉ៃ សុគន្ធ យ៉ាងខ្លាំងដូចគ្នាដោយលើកឡើងថា បុគ្គលនេះចាំតែរិះគន់អ្នកដទៃទៀតអត់រំលងមួយរឿង។

ការប្រើពាក្យមិនសមរម្យខាងលើនេះ ឯកឧត្តម ហ៊ុន ជា មន្ត្រីក្នុងជួរនគរបាលជាតិ បានបង្ហោះសារសូមទោសលោក ហុងដា ជាបន្ទាន់។ ឯកឧត្តម បានសរសេរនៅថ្ងៃទី ១ខែឧសភា ឆ្នាំ២០២៣ ថា «លោកឯងជាខ្មែរមែនលោកឯងត្រូវប្រើ Caption សូមទោសគាត់ភ្លាម
ខ្ញុំគ្មានត្រូវស្អីជាមួយលោក keisuke Honda ទេ ! តែខ្ញុំគោរពស្រលាញ់គាត់ដែលជាជាតិសាសផ្សេងសោះតែគាត់ស្រលាញ់ខ្មែរជួយកីឡាករខ្មែរនឹង កម្ពុជា កាន់តែលឿនកាន់តែល្អ ម៉ៃ សុគន្ធ» ។

គួរបញ្ជាក់ផងដែរ ការស្លៀកពាក់របស់អ្នកចាត់ការទូទៅក្រុមជម្រើសជាតិកម្ពុជា លោក ហុងដា បានធ្វើឱ្យពិភពលោកមានការចាប់អារម្មណ៍យ៉ាងខ្លាំង រហូតមានសារព័ត៌មាន វៀតណាម បានចោទសួរលោកថា «តើការស្លៀកពាក់របស់លោកហុងដា ជាការ មើលងាយដល់គូប្រកួតឬទេ?» គ្រូបង្គោលកម្ពុជារូបនេះក៏បានឆ្លើយថា «គាត់ស្លៀកពាក់អ្វីក៏បាន តាមដែលគាត់ចង់»៕

កាលពីយប់មិញ មហាជននៅលើបណ្តាញសង្គមហ្វេកប៊ុនមានការភ្ញាក់ផ្អើលជាខ្លាំង ដោយលោកឧកញ្ញ៉ា ឡេង ណាវ៉ាត្រា បានបង្ហោះសារជាច្រើនជាប់ៗគ្នានៅលើគេហទំព័រផ្លូវការរបស់លោក ដោយមានសារមួយនោះបានបង្ហោះសួរទៅកាន់តារាចម្រៀងលេចធ្លោរប្រចាំប្រទេសកម្ពុជា លោកវណ្ណដា។

នៅក្នុងការបង្ហោះនោះមានរូបភាពប៉ុន្មានសន្លឹក និងអមជាមួយខ្លឹមសារថា៖”  បើមិនឱ្យក្រុម MMO ដកថយទេ ប្អូនក៏ពិបាកដែរព្រោះប៉ះពាល់អង្គភាពខ្ញុំមនុស្សរាប់ពាន់នាក់។ ផេកអាប្អូនខំមិនឡាយរូបូតនៅលើផេកទាំងអស់។ចង់ដឹងអីទៀតអត់? កុំឈ្លើយអាប្អូន។ អាប្អូនឡាយស្តាយស្រាតខោលីអូហ្នឹងស្តាយចាស្ទីនមែន? កុំកុហកគេបង្ហាញវប្បធម៌។

ហើយច្រៀងបានប៉ុន្មានកុំមកប្រូ
បងអត់ឈ្លើយទេ សម្រួលក្រុមការងារ
ប្អូនដកចេញឲ្យលឿនកុំឈ្លើយជាមួយបង។”

ជុំវិញបញ្ហានេះ លោក វណ្ណដា មិនបានធ្វើការតបតរអ្វីវិញនោះទេ ដោយមានតែអ្នកគាំទ្រលោកវណ្ណដាប៉ុណ្ណោះ បានចូលបញ្ចេញមតិបន្តបន្ទាប់នៅក្នុងការបង្ហោះនោះ ដោយមហាជនមួយចំនួនដាក់ចំៗទៅកាន់លោកឧកញ្ញ៉ាថា៖” ១០០បទ មិនស្មើគេ១បទផង” និងអ្នកខ្លះទៀតថា៖” caption នៅ Australia,ន័យនៅJapan,រូបនៅDubai”៕