ក្រសួងធនធានទឹក និងឧតុនិយម បានឱ្យថាចាប់ពីថ្ងៃទី៣-៧ ខែឧសភា ទទួលឥទ្ធិពលខ្សោយពីទ្រនុងសម្ពាធខ្ពស់ចិន និងបន្តពីថ្ងៃទី៨ ខែឧសភា ទទួលឥទ្ធិពលខ្សោយពីជ្រលងសម្ពាធទាបឥណ្ឌា និងខ្យល់មូសុងនិរតី ។

ស្ថានភាពនេះនឹងធ្វើឱ្យតំបន់ទំនាបកណ្តាល មានសីតុណ្ហភាពអប្បបរមាពី ២៥-២៧ °C និង សីតុណ្ហភាពអតិបរមាមានពី ៣៧-៣៩°C ។ តំបន់ខ្ពង់រាបសីតុណ្ហភាពអប្បបរមាមានពី ២៥-២៧ °C និងសីតុណ្ហភាពអតិបរមា មានពី ៣៦- ៣៨ °C។ សម្រាប់តំបន់សមុទ្រវិញសីតុណ្ហភាពអប្បបរមា មានពី ២៥-២៧ °C និងសីតុណ្ហភាពអតិបរមា មានពី ៣២-៣៥°C។

គួរបញ្ជាក់ថា តំបន់ទាំង៣ខាងលើនេះចាប់ពីថ្ងៃទី៣-៧ ខែឧសភា ស្ថានភាពភ្លៀងធ្លាក់ដោយផ្នែកក្នុងបរិមាណពីខ្សោយទៅតិច លាយឡំ ដោយ ផ្គរ រន្ទះ និងខ្យល់កន្ត្រាក់។ ក្នុងនោះ បន្តពីថ្ងៃទី៨ ខែឧសភា ស្ថានភាពភ្លៀងនឹងមានការកើនឡើងរាយប៉ាយក្នុងបរិមាណពីតិចទៅបង្គួរ លាយឡំដោយផ្គរ រន្ទះ និងខ្យល់កន្ត្រាក់ ៕

បីជា​អ្នក​ខ្លះ​មិនស្គាល់ឈ្មោះ តែ​ភាគច្រើន​ប្រាកដ​ជា​ធ្លាប់​ឃើញមុខបុរសម្នាក់នេះ ពីព្រោះ​ថា រូបរបស់​លោក​​ស្ថិត​នៅលើ​ក្រដាសប្រាក់​ដុល្លារ​អាមេរិក គឺ​ក្រដាស ១០០ដុល្លារ។

លោក Benjamin Franklin (បេនយ៉ាមីន ហ្វ្រែងឃ្លីន) គឺ​ជា​ឥស្សរជន​មួយក្នុង​ចំណោមពីររូប​គត់ ដែល​មិនមែន​ជា​ប្រធានាធិបតី​អាមេរិក តែ​មាន​រូប​លើ​ក្រដាសប្រាក់​ដុល្លាររបស់សហរដ្ឋអាមេរិក។

ថ្វីដ្បិត​តែ​មិនធ្លាប់​កាន់តំណែង​ជា​ប្រធានាធិបតី​អាមេរិក ក៏ប៉ុន្តែ លោក​បេនយ៉ាមីន ហ្វ្រែងឃ្លីន ត្រូវ​បាន​គេ​ចាត់ទុក​ថា​ជា​អ្នក​នយោបាយ​ដ៏​មាន​ឥទ្ធិពល​មួយ​រូប​នៅ​ក្នុង​ប្រវត្តិសាស្រ្ត​អាមេរិក ពីព្រោះ​លោក​ស្ថិត​ក្នុង​ចំណោម​ឥស្សរជន​ទាំង ៧រូប ដែល​ជា​បិតា​ស្ថាបនិក​សហរដ្ឋ​អាមេរិក ព្រមទាំង​ជា​អ្នក​ដែល​បាន​ចូលរួម​ក្នុងការ​តាក់តែង​សេចក្តីប្រកាស​ឯករាជ្យ​របស់​អាមេរិក។

លើសពីនេះ​ទៅទៀត លោក​បេនយ៉ាមីន ហ្វ្រែងឃ្លីន ក៏​ជា​អ្នក​វិទ្យាសាស្រ្ត​ដ៏​ល្បីល្បាញ​មួយរូបផងដែរ ដោយលោក​ត្រូវ​បាន​គេ​ចាត់បញ្ចូល​ទៅ​ក្នុង​ចំណោម​អ្នក​វិទ្យាសាស្រ្ត​​ដែល​បាន​ដើរតួនាទី​យ៉ាងសំខាន់​បំផុត នៅ​ក្នុងប្រវត្តិនៃ​ការ​រកឃើញ​ថាមពល​អគ្គិសនី ដែល​មនុស្ស​ជាតិ​យើង​​ប្រើប្រាស់​យ៉ាងទូលំទូលាយ នៅ​ក្នុង​ពេល​បច្ចុប្បន្ន​នេះ៕

មន្ត្រីជាន់ខ្ពស់ក្រសួងកសិកម្មឯកឧត្តម គី ច័ន្ទរំដួល បានចុះអនុស្សរណៈនៃការយោគយល់គ្នា (MOU) ជាមួយវិស័យឯកជន ពាក់ព័ន្ធនឹងការបង្កាត់ពូជគោសិប្បនិម្មិត ដើម្បីជួយលើកស្ទួយវិស័យកសិកម្ម និងសេដ្ឋកិច្ចកម្ពុជាឱ្យកាន់តែរីកចម្រើន។ កម្មវិធីនេះប្រព្រឹត្តទៅនៅអគារសន្តិភាព នៃក្រសួងកសិកម្មកាលពីថ្ងៃទី២៧ ខែមេសា កន្លងមកនេះ។

ឯកឧត្តម ង៉ោ ប៊ុនថាន នាយកសាកលវិទ្យាល័យភូមិន្ទកសិកម្ម បានថ្លែងក្នុងពិធីចុះ MOU ថា ការចុះអនុអនុស្សរណៈនៃការយោគយល់គ្នារវាងគ្រឹះស្ថានឧត្តមសិក្សារដ្ឋចំនួន៣ រួមមាន សាកលវិទ្យាល័យភូមិន្ទកសិកម្ម វិទ្យាស្ថានជាតិកសិកម្មព្រែកលៀប វិទ្យាស្ថានជាតិកសិកម្មកំពង់ចាម និងកសិដ្ឋាន អាយ សេវេន រេនថ៍ (ខេមបូឌា) របស់ឧកញ៉ា ស្រី ចន្ធូរ មានសារៈសំខាន់ណាស់ក្នុងការបង្កាត់ពូជគោសិប្បនិម្មិត និងចិញ្ចឹមគោយកទឹកដោះ ដើម្បីជួយលើកស្ទួយវិស័យកសិកម្ម និងសេដ្ឋកិច្ចកម្ពុជាឱ្យកាន់តែរីកចំរើន។ ក្នុងនោះឯកឧត្តមបញ្ជាក់ថា និស្សិតដែលបានបញ្ចប់ជំនាញបណ្តុះបណ្តាលកសិកម្មជិត៤០ឆ្នាំនេះ មានចំនួនប្រហែល១៥០០០នាក់ នៅទូទាំងប្រទេស។

ឧកញ៉ា ស្រី ចន្ធូរ នាយកប្រតិបត្តិក្រុមហ៊ុន អាយ សេវេន រេនថ៍ (ខេមបូឌា) ដែលបានចូលរួមចុះ MOU មានប្រសាសន៍ថា ការចងសម្ព័ន្ធភាពគ្នាជាមួយក្រសួងកសិកម្មនិងជួយឱ្យក្រុមហ៊ុនលោកពង្រឹងធនធានមនុស្សការបង្កាត់ពូជគោសិប្បនិម្មិត និងចិញ្ចឹមគោ ឱ្យកាន់តែមានប្រសិទ្ធិភាព ដោយសារក្រុមហ៊ុនលោកបានយកបច្ចេកវិទ្យា និងច្ចេកទេសទំនើបៗ ពីប្រទេសមួយចំនួន ដូចជា ប្រទេសអូស្ត្រាលី ប្រេស៊ីល ប្រទេសអាម៉េរិក និងប្រទេសថៃជាដើម ។
លោកបន្ថែមថា ជាបទពិសោធការបង្កាត់គោសិប្បនិម្មិត គឺគោ០១ក្បាល អាចផលិតបាន៥០ក្បាលក្នុងមួយឆ្នាំ៕

បន្ទាប់ពីក្រុមជម្រើសជាតិកម្ពុជា ប្រកួតជាមួយក្រុមជម្រើសជាតិ ទីម័រ បានបញ្ចប់ស្រាប់តែអ្នកប្រើប្រាស់បណ្តាញសង្គមជាជនជាតិវៀតណាមផ្ទុះការចាប់អារម្មណ៍បានថតវីដេអូ អ្នកគាំទ្រកម្ពុជាដែលគេស្គាល់ថាអ្នកនាងជាអ្នកលក់ឡាញល្បីម្នាក់ដែលបានទៅគាំទ្រក្រុមជម្រើសកម្ពុជាដោយផ្ទាល់នៅពហុកីឡដ្ឋានជាតិអូឡាំពិក។

អ្នកនិយមលេងបណ្តាញសង្គមទិកតុក មានភាពភ្ញាក់ផ្អើលមិនតិចនោះទេថែមទាំងចូល Mention សាមីខ្លួនដែលមានគណនីទិកតុក Coco Mami ក្រោយពីអ្នកលេងបណ្តាញសង្គមវៀតណាមមានគណនី saothethao បង្ហោះវីដេអូពេលអ្នកនាងស្រែកអបអរក្រុមជម្រើសជាតិកម្ពុជា ដែលបានប្រកួតបើកឆាកដំបូងជាមួយក្រុមជម្រើសជាតិទីម័រនៅឯពហុកីឡដ្ឋានជាតិអូឡាំពិកកាលពីថ្ងៃទី២៩ ខែមេសា កន្លងទៅថ្មីៗនេះ។ អ្នកលេងបណ្តាញសង្គមវៀតណាម បានពោលសរសើរពីសម្រស់នារីកម្ពុជាថាស្រស់ស្អាតដែលកំពុងមានការចាប់អារម្មណ៍ខ្លាំងនៅប្រទេសវៀតណាមពីសម្រេស់អ្នកនាង Coco Mami ។

អ្នកនាង Coco Mami គឺជាអ្នកលក់អនឡាញម្នាក់ព្រមទាំងមានប្រជាប្រិយភាពនៅលើបណ្តាញសង្គមផងដែរ ជាពិសេស ទោះបីជាអ្នកនាងមានគ្រួសារថែមទាំងមានកូនហើយក្តីប៉ុន្តែសម្រស់របស់អ្នកនាងនៅតែជាទីចាប់អារម្មណ៍របស់អ្នកលេងបណ្តាញសង្គម គួបផ្សំឥរិយាបថដ៏ប្រពៃបានពាក្យក្រមាខ្មែរទៅលើកទឹកចិត្តកីឡាករដោយផ្ទាល់ទៀតកាន់តែទទួលបានការសរសើរ។
ក្រោយពីមានការចាប់អារម្មណ៍ល្បីដល់ប្រទេសវៀតណាម អ្នកនាង Coco Mami បានបង្ហើបពីអារម្មណ៍ខ្លួនថាអ្នកនាងមិនដឹងខ្លួនសោះហើយក៏ភ្ញាក់ផ្អើលដែរពេលមានគេ mention អ្នកនាងច្រើនសន្ធឹក៕

@saothethao

Trả lời @cocomami7 See you soon ???????????? #Cambodia #seagames32???????? #khmer

♬ nhạc nền – Sao Thể Thao – Sao Thể Thao

លោក ម៉ៃ សុគន្ធ រហ្ស័សនាម កំពូលមហាទើសបានចេញមុខសូមទោស លោក keisuke Honda ហើយនៅព្រឹកនេះបន្ទាប់ពីមានការប្រតិកម្មពីឯកឧត្តម ហ៊ុន ជា ក្រោយពីរិះគន់សំលៀកបំពាក់លោក ហុងដា អ្នកចាត់ការទូទៅក្រុមជម្រើសជាតិកម្ពុជា។ ក្នុងនោះឯកឧត្តមក៏បានបន្ថែមទៀតថា ការទទួលស្គាល់កំហុសគឺជាការល្អហើយឈប់ទៅរឿងទើសគេគួរមើលថែខ្លួនឯងល្អជាង។

មន្ត្រីក្នុងជួរនគរបាលជាតិ ឯកឧត្តម ហ៊ុន ជា បានបង្ហោះសារឱ្យលោក ម៉ៃ សុគន្ធ ឆាប់ចេញមុខសូមទោស លោក ហុងដា កាន់តែឆាប់កាន់តែល្អខណៈនៅព្រឹកថ្ងៃទី១ ខែឧសភា នេះហ្ស័សនាម កំពូលមហាទើសគ្រប់រឿងបានចេញមុខសូមទោសហើយ។

លោក ម៉ៃ សុគន្ធ បានរៀបរាប់ថា «ដោយ ទទួលបាន ពីការផុសទូន្មាន អប់រំ របស់ឯកឧត្តមបង ប្អូនសូមអរគុណ ខ្ញុំសូមអភ័យទោសលោកហុងដា សូមមេត្តាអធ្យាស្រ័យនិង ជាពិសេសឯកឧត្តមបង ដែលកន្លងមកតាំងតែងប្រដៅ អប់រំប្អូន ទូន្មាន អោយប្អូនទទួលបានការស្រឡាញ់រាប់អានគ្នា ដូចបងប្អូនជាមួយអាចារ្យធំនិង ខ្ញុំបាទ សូមសុំទោសជាសាធារណៈ ដល់មហាជនទាំងអស់ សូមមេត្តា ខន្តី អភ័យទោស»។

ក្នុងនោះដែរ ឯកឧត្តម ហ៊ុន ជា ក៏បានលើកឡើងថា «ការទទួលស្គាល់កំហុសគឺជាការល្អ សូមប្អូនធ្វើអោយបានហើយប្រើ Caption អោយច្បាស់ហើយមានន័យដល់ប្រទេសជាតិនឹងប្រជាជនខ្មែរ តាមអ្វីដែរប្អូនផ្ញើសារមកបង យកល្អ Live ហ្មងទៅច្បាស់ជាងប្អូន ម៉ៃ សុគន្ធ ហើយឈប់ទៅអារឿងទើសគេហ្នឹងមើលថែខ្លួនឯងទៅវាល្អជាងប្អូន»។

គួរបញ្ជាក់ផងដែរថា កាលពីរាត្រីថ្ងៃទី២៩ ខែមេសា លោក ម៉ៃ សុគន្ធ បានចេញមុខរិះគន់ លោក ហុងដា ពីរឿងសំលៀកបំពាក់របស់លោកថា «យើងជាម្ចាស់ផ្ទះ ពាក់អាវដេក ពាក់អាវនៅផ្ទះ ពាក់អាវកាន់ទុក្ខក៏បាន គ្មានទើសក្បាលអ្នកណាទេជ្រុលតែទៅស្រុកវិញ ហើយ ចាំកាល ទៅឱ្យឆាប់ទៅខ្ញុំសែនមាន់១០»។ រឿងនេះបានធ្វើឱ្យឯកឧត្តម ហ៊ុន ជា ប្រតិកម្មនិងបានបង្ហោះសារឱ្យ ម៉ៃ សុគន្ធ ចេញមុខសូមទោសគ្រូបង្គោលកម្ពុជាលោក ហុងដា ៕