ជួយស្តាប់គ្នាសណ្តានចោ.រសៀមមកឈ្លានពា.នទឹកដីកម្ពុជាទាំងកំរោល មិនខ្វល់ពីអន្តរជាតិគិតយ៉ាងណា ពិភពលោកថ្កោលទោសថៃដូចម្តេចឡើយ ។ ទាំងថ្នាក់ដឹកនាំកំពូលៗរបស់ថៃបានបង្ហាញចង្កូមថា ជាតិសាសន៍មួយនេះពិតជាស្រេកឃ្លានទឹកដីកម្ពុជា មិនខ្លាចបាបកម្ម បើទោះបីជាកន្លងទៅថ្មីៗនេះ ប្រទេសថៃបានជួបនូវគ្រោះធម្មជាតិ ខ្យល់ព្យុះ រញ្ជួយដី និងទឹកជំនន់មិនធ្លាប់មាន នៅតែមិនទាន់ដឹងខ្លួន តែបែរជាគគ្លើនចង់បានទឹកដីកម្ពុជា មិនក្រែងពិភពលោកថ្កោលទោស ។

កាលពីពេលថ្មីៗនេះ កងទ័ពថៃបានអះអាងថា ពួកគេនឹងវាយប្រហាប្រទេសកម្ពុជាយើងមិនដកដៃ ដោយការវាយប្រហារទាំងគ្រប់ផ្លូវមានដូចជា តាមផ្លូវអាកាស ផ្លូវគោក ផ្លូវទឹក តែត្រូវរង់ចាំក្រសួងការបរទេសទាក់ទងជម្លៀសពលរដ្ឋថៃចេញពីកម្ពុជាជាមុន ។

ទោះជាមេដឹកនាំថៃបានប្រកាសរំលាយសភាកាលពីយប់ថ្ងៃទី១១ ខែធ្នូ ឆ្នាំ២០២៥ ដើម្បីប្រគល់អំណាចឱ្យពលរដ្ឋបោះឆ្នោតជ្រើសរើសមេដឹកនាំថ្មីរយៈពេលយ៉ាងយូរបំផុតត្រឹម៦០ថ្ងៃក៏ដោយ ក៏កងទ័ពថៃនៅតែប្រកាន់ជំហរធ្វើសង្គ្រា.មឈ្លានពា.នកម្ពុជាបន្តទៀត និងមិនខ្វល់ពីការរំលាយសភា ។ អ្នកនាំពាក្យក្រសួងការពារជាតិថៃប្រកាសពីកងទ័ពថៃបន្តវាយប្រ.ហារកម្ពុជាទៅតាមផែនការគ្រោងទុក ទាំងផ្លូវអាកាស ផ្លូវគោក និងផ្លូវទឹក ប៉ុន្តែរង់ចាំក្រសួងការបរទេសទាក់ទងជម្លៀសពលរដ្ឋថៃចេញពីកម្ពុជាឱ្យលឿនបំផុត ។

អ្នកនាំពាក្យក្រសួងការពារជាតិថៃ លោក ស៊ុរ៉ាសាន់ គង់ស៊ិរិ និយាយថា កងទ័ពថៃនៅតែបន្តវាយប្រហារកម្ពុជាមិនដកដៃ ជាពិសេស វាយប្រហារក្នុងតំបន់ដែលអាចបង្កការខាតបង់ដល់ភាគីថៃ ។ កងទ័ពជើងគោកនឹងសម្រុកប្រយុទ្ធជាមួយកងទ័ពកម្ពុជាតាមផ្លូវគោក ខណៈកងទ័ពជើងទឹកនឹងធ្វើប្រតិបត្តិការតាមសមុទ្រ រីឯកងទ័ពអាកាសនឹងសម្រុកកម្ទេចតាមផ្លូវអាកាសនៅគ្រប់តំបន់ប្រយុទ្ធ ។

ចំណែកអ្នកនាំពាក្យកងទ័ពអាកាសថៃ លោក ចាក់គ្រីត ថាំម៉ាវិឆ័យ និយាយកាលពីថ្ងៃទី១១ ខែធ្នូ ថា កងទ័ពថៃបានបង្កើនការវាយប្រហារកម្ពុជាតាមផ្លូវអាកាសខ្លាំងជាងមុន និងប្រយុទ្ធតាមផែនការ ហើយវិធីការវាយប្រហារបានផ្លាស់ប្តូរគ្រប់នាទី ។ កងទ័ពអាកាសថៃនឹងសម្រុកវាយប្រហារក្រោមហេតុផលការពារឯករាជ្យ សន្តិសុខ និងសុវត្ថិភាពពលរដ្ឋ រហូតដល់កម្ពុជាចុះចាញ់ ហើយកងទ័ពអាកាសនឹងគាំទ្រកងទ័ពជើងគោក ជើងទឹក ឱ្យធ្វើប្រតិបត្តិការបណ្តេញកងទ័ពកម្ពុជាដើម្បីសម្រេចគោលដៅដណ្តើមទឹកដីកម្ពុជា ។

តែមុនពេលបង្កើនការវាយប្រហារកម្ពុជាក្នុងទ្រង់ទ្រាយធំ កងទ័ពថៃរង់ចាំឱ្យក្រសួងការបរទេសទាក់ទងជម្លៀសពលរដ្ឋថៃចេញពីកម្ពុជាឱ្យលឿនបំផុត ដោយទំនាក់ទំនងទៅកាន់ស្ថានទូត និងស្ថានកុងស៊ុលថៃនៅកម្ពុជា ដើម្បីសុំកម្ពុជាអនុញ្ញាតឱ្យពលរដ្ឋថៃធ្វើដំណើរត្រឡប់មកប្រទេសវិញជាបន្ទាន់ ។ ពលរដ្ឋថៃត្រូវប្រញាប់ចាកចេញតាមផ្លូវគោក និងយន្តហោះ ដោយស្ថានទូតថៃនឹងជួយសម្រួលឯកសារធ្វើដំណើររបស់ពលរដ្ឋថៃ មិនចាំបាច់អនុវត្តតាមលក្ខខណ្ឌផ្សេងៗរបស់កម្ពុជា ។

គួរបញ្ជាក់ថា កងទ័ពថៃនៅតែបន្តធ្វើសង្គ្រាមឈ្លានពានកម្ពុជា និងសម្រុកវាយប្រហារតាមផ្លូវអាកាស ផ្លូវគោក និងផ្លូវទឹក មិនខ្វល់ពីនាយករដ្ឋមន្ត្រីខ្លួនរំលាយសភាឡើយ ពីព្រោះកងទ័ពថៃស្តាប់តាមបញ្ជាព្រះមហាក្សត្រ ។ នាយករដ្ឋមន្ត្រីថៃ លោក Anutin Charnvirakul ចាប់ផ្តើមភ័យខ្លួនក្រោយមានព័ត៌មានថា ប្រធានាធិបតីអាមេរិក លោក Donald Trump នឹងទូរស័ព្ទឱ្យបកស្រាយពីការធ្វើសង្គ្រាមឈ្លានពានកម្ពុជា និងទាត់ចោលកិច្ចព្រមព្រៀងសន្តិភាព ។ លោក Anutin ថា ត្រៀមបកស្រាយពីជម្លោះ ដោយនិយាយលាងទោសកំហុសប្រាប់លោក Trump ឱ្យជឿជាក់ថៃរងគ្រោះ ហើយសង្គ្រាមលើកនេះដោយសារការពារអធិបតេយ្យ សុវត្ថិភាពពលរដ្ឋ និងកិត្តិយសប្រទេស ពីព្រោះពិភពលោក និងអាមេរិក កំពុងថ្កោលទោសថៃឈ្លានពានប្រទេសជិតខាង ។

លោក Anutin និយាយនៅព្រឹកថ្ងៃទី១២ ខែធ្នូ ថា ការរំលាយសភាមិនពាក់ព័ន្ធនឹងការធ្វើសង្គ្រាមឈ្លានពានកម្ពុជាទេ កងទ័ពថៃនឹងវាយប្រហារបន្តទៀតនៅគោលដៅផ្សេងៗតាមបណ្តោយព្រំដែន ។ ពាក្យសម្តីរបស់មេដឹកនាំថៃថា ការធ្វើសង្គ្រាមដើម្បីការពារខ្លួន ថៃជាប្រទេសរងគ្រោះ ប៉ុន្តែហេតុអ្វីកងទ័ពថៃបំផ្លាញប្រាសាទបុរាណរបស់កម្ពុជា បាញ់រះលើផ្ទះសម្បែងពលរដ្ឋស៊ីវិល ថែមទាំងបាញ់ផ្សែងពុល ប្រើប្រាស់យន្តហោះចម្បាំង F-16 និង Gripen ទម្លាក់គ្រាប់បែកយ៉ាងសាហាវ ពង្រីកសមរភូមិប្រយុទ្ធចូលទឹកដីកម្ពុជា ព្រមទាំងបដិសេធការចរចា ។

តាមព័ត៌មានចុងក្រោយបើមិនមានអ្វីប្រែប្រួលទេ លោកប្រធានាធិបតី Trump នឹងទូរស័ព្ទមកជជែកជាមួយលោក Anutin នាវេលាម៉ោង៩យប់នេះ ដើម្បីចរចាឱ្យមានបទឈប់បាញ់ជាមួយកម្ពុជា ទោះជាលោក Anutin ប្រកាសរំលាយសភាគេចពីការទទួលខុសត្រូវក៏ដោយ ។ ចាំមើល តើលោក Anutin មានពាក្យអ្វីដោះសារជាមួយលោកប្រធានាធិបតី Trump បន្ទាប់ពីទាត់ចោលបទឈប់បាញ់ និងកិច្ចព្រមព្រៀងសន្តិភាពដែលផ្តួចផ្តើមឱ្យមានការចុះហត្ថលេខាដោយប្រធានាធិបតីអាមេរិក ។

សូមបញ្ជាក់ថា គិតត្រឹមព្រឹកថ្ងៃទី១២ ធ្នូ ភាគីថៃនៅតែបន្តរំលោភបំពានបទឈប់បាញ់ និងសេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជា-ថៃ ដែលភាគីទាំងពីរបានចុះហត្ថលេខាកាលពីថ្ងៃទី២៦ ខែតុលា ឆ្នាំ២០២៥ ដោយបន្តធ្វើសកម្មភាពឈ្លានពានប្រដាប់អាវុធជាថ្មីមកលើបូរណភាពទឹកដីរបស់កម្ពុជា ដោយប្រើប្រាស់កម្លាំងយោធាចាប់តាំងពីថ្ងៃទី៧ ខែធ្នូ ។ កម្ពុជាទាមទារឱ្យយោធាថៃបញ្ឈប់នូវរាល់ទង្វើឈ្លានពាន, បញ្ឈប់ការផ្សព្វផ្សាយព័ត៌មានបំភ្លៃ, បញ្ឈប់ការវាយប្រហារមិនរើសគោលដៅ ជាពិសេស ទៅលើពលរដ្ឋស៊ីវិលនិងហេដ្ឋារចនាសម្ព័ន្ធ, បញ្ឈប់ការវាយប្រហារបំផ្លិចបំផ្លាញទីតាំងប្រវត្តិសាស្ត្រ និងបញ្ឈប់ការផ្សព្វផ្សាយព័ត៌មានមិនពិត សប្រែជាខ្មៅ ៕

ជប៉ុន បានដាក់ឱ្យប្រើប្រាស់ជាផ្លូវការនូវអាវុធថ្មីប្រភេទ “អេឡិចត្រូម៉ាញ៉េទិច” ដែលបំពាក់ទៅលើនាវាចម្បាំង ឈ្មោះ “JS ASUKA”។

អាវុធប្រភេទនេះ ធ្លាប់ត្រូវសហរដ្ឋអាមេរិក ឥណ្ឌា ចិន បារាំង និងអាឡឺម៉ង់ សាកល្បងផលិត តែបរាជ័យទាំងអស់។

អេឡិចត្រូម៉ាញ៉េទិច ត្រូវបានជប៉ុនផលិត និងតេស្តសាកល្បងក្នុងឆ្នាំ២០១៦ ដោយបានចំណាយទឹកប្រាក់ចំនួន ប្រមាណ៣០០លានដុល្លារអាមេរិក។

ចំណុចពិសេសរបស់អាវុធនេះ ពេលបាញ់ចេញម្តងៗ វាប្រើតែកម្លាំងអេឡិចត្រូម៉ាញ៉េទិចតែប៉ុណ្ណោះ ដោយមិនចាំបាច់ប្រើសារធាតុគីមី ដើម្បីឱ្យគ្រាប់ហោះចេញដូចមីសុីលផ្សេងនោះទ។

អ្វីដែលអស្ចារ្យទៀតនោះ វាល្បឿនលឿនជាងសំលេងដល់ទៅ៧ដង ឬស្មើនឹងល្បឿនចន្លោះពី ៦ ៤៣៧គីឡូម៉ែត្រក្នុងមួយម៉ោង ទៅ១២ ៥៥០គីឡូម៉ែត្រក្នុងមួយម៉ោង។

អាវុធនេះ ផលិតឡើងក្នុងគោលបំណងកម្ទេចនាវាចម្បាំង និងស្ទាក់ចាប់គ្រាប់មីសុីលដែលមានល្បឿនលឿនជាងសំលេង៕

ប្រទេសថៃ ៖ បន្ទាប់ពីបើកដៃឱ្យកងទ័ពធ្វើសង្គ្រា.មឈ្លានពា.នបា.ញ់ប្រ.ហារលើដែនអធិបតេយ្យស្របច្បាប់របស់កម្ពុជាយ៉ាងកំរោលសា.ហាវព្រៃ.ផ្សៃ ដែលប្រើប្រាស់សព្វាវុ.ធធុនធ្ងន់ យន្តហោះចម្បាំង F-16 និង Gripen មកលើទីតាំងកងទ័ព និងជនស៊ីវិលកម្ពុជា នាយករដ្ឋមន្ត្រីថៃអាយុខ្លី លោក Anutin Charnvirakul បានប្រកាសប្រគល់អំណាចឱ្យពលរដ្ឋវិញកាលពីយប់ថ្ងៃទី១១ ខែធ្នូ ឆ្នាំ២០២៥ ដោយដាក់ញត្តិសុំការយល់ព្រមពីព្រះមហាក្សត្រចេញព្រះរាជក្រឹត្យរំលាយសភារៀបចំការបោះឆ្នោតជាថ្មី ។ ការរំលាយសភាព្រោះចង់គេចពីការទទួលខុសត្រូវចំពោះការបង្កឧក្រិ.ដ្ឋកម្មសង្គ្រា.ម និងគ្មានលេសដោះសារជាមួយប្រធានាធិបតីអាមេរិក ដោយលោក Anutin ថា ការរំលាយសភាមិនប៉ះពាល់ការធ្វើសង្គ្រា.មឈ្លានពា.នកម្ពុជាទេ កងទ័ពថៃនឹងវាយប្រ.ហារបន្តទៀត ។

ប្រធានាធិបតីអាមេរិក លោក Donald Trump គ្រោងទូរស័ព្ទមកកាន់មេដឹកនាំកម្ពុជា-ថៃឆាប់ៗដើម្បីចរចាបញ្ចប់សង្គ្រាមនៅតាមបណ្តោយព្រំដែនដែលបង្កឡើងដោយកងទ័ពថៃជាថ្មីនេះ ក្រោយពីលោក Anutin ប្រកាសទាត់ចោលបទឈប់បាញ់ និងកិច្ចព្រមព្រៀងសន្តិភាព ថែមទាំងបិទការចរចាជាមួយកម្ពុជា ។ លោក Anutin ថា ការវាយប្រហារកម្ពុជាម្តងទៀតធ្វើឡើងដើម្បីការពារអធិបតេយ្យ ជីវិតពលរដ្ឋ និងកិតិ្តយសប្រទេស ហើយលោកនឹងត្អូញត្អែរប្រាប់លោក Trump ឱ្យជឿជាក់១០០% ថា ប្រទេសថៃរងការឈ្លានពាន និងរងគ្រោះ ។

ប៉ុន្តែពិភពលោក រួមទាំងមហាអំណាចអាមេរិក មិនជឿការនិយាយបំភ្លៃរបស់ថៃឡើយ បើថៃជាប្រទេសរងគ្រោះពិតមែន ហេតុអ្វីកងទ័ពថៃបំផ្លាញប្រាសាទបុរាណរបស់កម្ពុជា ហេតុអ្វីបាញ់រះលើផ្ទះសម្បែងពលរដ្ឋស៊ីវិល ថែមទាំងបាញ់ផ្សែងពុល ប្រើប្រាស់យន្តហោះចម្បាំង F-16 និង Gripen ទម្លាក់គ្រាប់បែកយ៉ាងសាហាវ ។ ការរំលាយសភា គឺគ្រាន់តែជាល្បិចរបស់លោក Anutin គេចមិនចរចា ពីព្រោះគ្មានលេសដោះសារជាមួយប្រធានាធិបតីអាមេរិកក្រោយហែកកិច្ចព្រមព្រៀងសន្តិភាពចោល ។

កាលពីយប់ថ្ងៃទី១១ ខែធ្នូ នាយករដ្ឋមន្ត្រីថៃអាយុខ្លីរូបនេះបានបង្ហោះសារក្នុងហ្វេសប៊ុកថា ៖ «ខ្ញុំសូមប្រគល់អំណាចទៅឱ្យពលរដ្ឋវិញ» ដែលការបង្ហោះសារនេះ គឺក្រោយពីលោក Anutin បានដាក់ញតិ្តសុំការយល់ព្រមពីព្រះមហាក្សត្រចេញព្រះរាជក្រឹត្យរំលាយសភារៀបចំការបោះឆ្នោតជាថ្មី ។

ក្រៅពីគេចមិនទទួលខុសត្រូវចំពោះការបង្កឧក្រិ.ដ្ឋកម្មសង្គ្រា.មមកលើកម្ពុជា និងគេចពីប្រធានាធិបតីអាមេរិក លោក Anutin ប្រកាសរំលាយសភា ដោយសារមានរឿងអាម៉ាស់ជាច្រើនពាក់ព័ន្ធនឹងអសមត្ថភាពដឹកនាំប្រទេស មិនដោះស្រាយបញ្ហាទឹកជំនន់បណ្តាលឱ្យពលរដ្ឋភាគខាងត្បូង ពិសេស ស្រុកហាតយៃ ខេត្តសុងក្លា ស្លាប់រហូតដល់ជាង១,០០០នាក់ ខណៈផ្ទះខូចខាត ផ្លូវ-ស្ពានបាក់ អាជីវកម្មដួលរលំ ពលរដ្ឋបាត់បង់ការងារ និងមិនជួយរៀបចំស្រុកភូមិឡើងវិញក្រោយទឹកជំនន់ស្រក ។ លើសពីនេះ លោករងការរិះគន់ពីសង្គមក្រោយពីបែកធ្លាយរូបភាពអង្គុយនៅតុអាហារជាមួយមេឧក្រិដ្ឋកម្មបរទេស និងមិនស្តាប់តាមការណែនាំរបស់គណបក្សប្រជាជន ដែលបានលើកបន្តុលោក Anutin ជានាយករដ្ឋមន្ត្រី ។

លោក Anutin ចង់គេចពីបញ្ហាជុំទិសដោះស្រាយមិនចេញជាច្រើនទៀត រួមមាន ៖ សេដ្ឋកិច្ចធ្លាក់ចុះខ្លាំង បញ្ហានយោបាយខ្វែងគំនិតគ្នា ទំនាក់ទំនងជាមួយប្រទេសជិតខាងនិងពិភពលោកធ្លាក់ចុះដោយសារឈ្លានពានកម្ពុជា ។ បញ្ហាទាំងនេះ ទើបធ្វើឱ្យលោក Anutin សម្រេចចិត្តរំលាយសភាយ៉ាងតក់ក្រហល់ដើម្បីប្រគល់អំណាចឱ្យពលរដ្ឋជ្រើសរើសមេដឹកនាំថ្មី ពីព្រោះគ្មានសមត្ថភាពដឹកនាំប្រទេសបន្ត ។

គួរបញ្ជាក់ថា លោក Natthaphong Ruengpanyawut ប្រធានគណបក្សប្រជាជន ក្នុងឋានៈជាមេដឹកនាំគណបក្សប្រឆាំងដែលលើកបន្តុបលោក Anutin កាន់តំណែងនាយករដ្ឋមន្ត្រី បានអំពាវនាវឱ្យរំលាយសភា ក្រោយពីសមាជិកគណបក្សភូមិចៃថៃបោះឆ្នោតគាំទ្រការរក្សាអំណាចព្រឹទ្ធសភា ដែលផ្ទុយនឹងគោលការណ៍គណបក្សប្រជាជនដែលចង់កាត់បន្ថយអំណាចព្រឹទ្ធសភា ។ ក្រៅពីនេះ ប្រធានគណបក្សប្រជាជនបានរិះគន់លោក Anutin បើកដៃឱ្យកងទ័ពធ្វើសង្គ្រាមឈ្លានពានកម្ពុជា ថែមទាំងបដិសេធការចរចា និងបដិសេធការអំពាវនាវរបស់ប្រទេសនានាឱ្យគោរពកិច្ចព្រមព្រៀងសន្តិភាព ដោយលោក Natthaphong ថា សង្គ្រាមទាំងអស់ត្រូវតែបញ្ចប់ដោយការចរចា ។

ការរំលាយសភា គឺជាការបញ្ចប់អំណាចរដ្ឋាភិបាលរបស់គណបក្សភូមិចៃថៃ ដែលដឹកនាំដោយលោក Anutin ដើម្បីឱ្យពលរដ្ឋបោះឆ្នោតជ្រើសរើសនាយករដ្ឋមន្ត្រីថ្មីមុនពេលកំណត់ ក្នុងរយៈពេលចាប់ពី៤៥ថ្ងៃ ទៅ៦០ថ្ងៃ ។ កាលពីវេលាម៉ោង៧និង៣០នាទីព្រឹកថ្ងៃទី១២ ខែធ្នូ នៅវិមានរដ្ឋាភិបាល លោក Anutin ថា ការរំលាយសភាមិនប៉ះពាល់ការធ្វើសង្គ្រាមឈ្លានពានកម្ពុជាទេ កងទ័ពថៃនៅតែវាយប្រហារកម្ពុជាបន្តទៀត ៕

ប្រទេសថៃ ៖ នៅថ្ងៃទី១១ ខែធ្នូ ឆ្នាំ២០២៥ រដ្ឋមន្ត្រីក្រសួងពាណិជ្ជកម្មថៃ អ្នកស្រី Suphajee Suthumpun បានអង្វរអាមេរិកកុំយកពាណិជ្ជកម្មមកពាក់ព័ន្ធនឹងជម្លោះព្រំដែនជាមួយកម្ពុជា ក្រសួងពាណិជ្ជកម្មត្រៀមខ្លួនចរចាពន្ធទំនិញ ប្រសិនបើអាមេរិកយល់ព្រម ។ មតិជាច្រើនបារម្ភខ្លាចអាមេរិកយកបញ្ហាពន្ធទំនិញមកដាក់សម្ពាធថៃឱ្យបញ្ឈប់សង្គ្រា.មឈ្លានពា.នកម្ពុជា និងគោរពកិច្ចព្រមព្រៀងសន្តិភាពឡើងវិញ បន្ទាប់ពីលោកប្រធានាធិបតី Trump នឹងទូរស័ព្ទមកនាយករដ្ឋមន្ត្រីកម្ពុជា-ថៃដើម្បីបញ្ចប់សង្គ្រាម ។ អ្នកស្រីថា ការធ្វើពាណិជ្ជកម្មជាមួយអាមេរិកមិនពាក់ព័ន្ធនឹងកងទ័ពថៃវាយប្រ.ហារកម្ពុជាទេ ។

អ្នកស្រី Suphajee បញ្ជាក់ថា សង្គ្រាមនៅព្រំដែនកម្ពុជា-ថៃកំពុងតែក្តៅគគុកនាពេលបច្ចុប្បន្នដែលបង្កឡើងដោយកងទ័ពថៃ គឺជាបញ្ហារវាង២ប្រទេស ។ កងទ័ពថៃវាយប្រហារកម្ពុជាដោយសារការពារអធិបតេយ្យ និងសុវត្ថិភាពពលរដ្ឋ ហើយក្រសួងការបរទេសថៃបានជូនដំណឹងទៅអន្តរជាតិ រួមទាំងអាមេរិករួចហើយ គឺទម្លាក់កំហុសលើកម្ពុជាបង្កសង្គ្រាមមុនដើម្បីលុបលាងទង្វើអាក្រក់របស់ថៃ ។ បើអាមេរិកយកពាណិជ្ជកម្មមកពាក់ព័ន្ធនឹងជម្លោះព្រំដែន គឺជាសិទ្ធិរបស់អាមេរិក ប៉ុន្តែថៃមិនចង់ឱ្យអាមេរិកធ្វើបែបនេះទេ ។

ក្រសួងពាណិជ្ជកម្មថៃត្រៀមខ្លួនជានិច្ចក្នុងការចរចាពន្ធទំនិញជាមួយអាមេរិកឱ្យបានមុនដំណាច់ឆ្នាំ២០២៥ ប៉ុន្តែបើអាមេរិកមិនយល់ព្រម ថៃក៏មិនខាតបង់អ្វីដែរ ដោយសារអត្រាពន្ធទំនិញនាំចូលអាមេរិក ស្មើ១៩% ដូចមុន ។ នេះបើតាមការចុះផ្សាយរបស់សារព័ត៌មាន Matichon នៅថ្ងៃទី១១ ខែ ធ្នូ ។

គួរបញ្ជាក់ថា កាលពីថ្ងៃទី១០ ខែវិច្ឆិកា កន្លងមក នាយករដ្ឋមន្ត្រីថៃ លោក Anutin Charnvirakul បានរៀបចំឆាកល្ខោនសម្តែងឱ្យកងទ័ពខ្លួនជាន់មីនរងរបួសនៅព្រំដែនខេត្តស៊ីសាកេត ដើម្បីទម្លាក់កំហុសលើកម្ពុជាបង្កប់មីនថ្មី រួចហើយ លោក Anutin ក៏យកលេសគ្រាប់មីនប្រកាសផ្អាកកិច្ចព្រមព្រៀងសន្តិភាពទីក្រុងគូឡាឡាំពួរជាឯកតោភាគី និងប្រកាសថា មិនខ្វល់ពីអាមេរិកដំឡើងពន្ធទំនិញឡើយ ថៃនឹងស្វែងរកទីផ្សារថ្មី ។

ពេលនោះ ក្រសួងការពារជាតិកម្ពុជាបានច្រានចោលទាំងស្រុងចំពោះការចោទប្រកាន់ដោយគ្មានមូលដ្ឋានច្បាស់លាស់របស់ថៃពាក់ព័ន្ធនឹងការបង្កប់មីនថ្មី ដោយកម្ពុជានៅតែរក្សាជំហរយ៉ាងម៉ឺងម៉ាត់ គ្មានការប្រើប្រាស់ និងមិនប្រើប្រាស់មីនថ្មីដាច់ខាត ។ កម្ពុជា ជារដ្ឋភាគីនៃអនុសញ្ញាហាមប្រាមការប្រើប្រាស់មីនប្រឆាំងមនុស្ស ដែលកម្ពុជាបានផ្តល់សច្ចាប័នក្នុងឆ្នាំ១៩៩៩ ក៏ត្រូវបានទទួលស្គាល់ជាអន្តរជាតិចំពោះសមិទ្ធផលនៃការបោសសម្អាតមីន និងគ្មានការប្រើប្រាស់មីនប្រឆាំងមនុស្សឡើយ ។

ទោះជាកម្ពុជាច្រាលចោលការបង្កប់មីនថ្មី ក៏ថៃនៅតែមិនបញ្ឈប់ការចោទប្រកាន់ និងផ្អាកកិច្ចព្រមព្រៀងសន្តិភាពដែលបានចុះហត្ថលេខាជាមួយកម្ពុជាកាលពីថ្ងៃទី២៦ ខែតុលា ក្រោមវត្តមានប្រធានាធិបតីអាមេរិក និងនាយករដ្ឋមន្ត្រីម៉ាឡេស៊ី ។ បន្ទាប់មក មន្ត្រីពាណិជ្ជកម្មអាមេរិកក៏ជូនដំណឹងមកថៃពីអាមេរិកផ្អាកចរចាពន្ធទំនិញ រហូតដល់ថៃគោរពបានពេញលេញនូវកិច្ចព្រមព្រៀងសន្តិភាពជាមួយកម្ពុជា ។

កាលពីថ្ងៃទី៧ ខែធ្នូ លោក Anutin បញ្ជាឱ្យកងទ័ពបើកការវាយប្រហារកម្ពុជាជាថ្មីតាមផែនការរៀបចំទុកដើម្បីរកសំឡេងឆ្នោតបន្តតំណែង ដោយប្រើប្រាស់សព្វាវុធធុនធ្ងន់គ្រប់ប្រភេទ រួមទាំងយន្តហោះចម្បាំង F-16 និង Gripen ហើយលោក Anutin ប្រកាសម្តងទៀតថា មិនខ្វល់ពីអាមេរិកដំឡើងពន្ធទំនិញទេ ថៃវាយកម្ពុជាដើម្បីការពារអធិបតេយ្យ និងសុវត្ថិភាពពលរដ្ឋ ។ ប៉ុន្តែការវាយប្រហារកម្ពុជាជាថ្មីនេះកាន់តែធ្វើឱ្យអាមេរិកឈប់ចរចាពន្ធទំនិញជាមួយថៃ ដោយសារថៃទាត់ចោលកិច្ចព្រមព្រៀងសន្តិភាពងាកមកធ្វើសង្គ្រាមមិនបង្អង់ដៃ ។ ពេលនេះ ថៃប្រឈមនឹងការខាតបង់សេដ្ឋកិច្ចយ៉ាងធ្ងន់ធ្ងរបន្ថែមពីលើការខាតបង់ដោយសារបិទព្រំដែន ៕