បន្តិចទៀតនេះការពិតនឹងត្រូវលាតត្រដាង! នាយករដ្ឋមន្រ្តីម៉ាឡេសុី លោក អាន់វ៉ា អុីប្រាហុីម បានធ្វើការបញ្ជាក់នាមុននេះបន្តិចថា លទ្ធផលតាមដានផ្កាយរណប និងការសង្កេតនៅកន្លែងពីជម្លោះព្រំដែនកម្ពុជា-ថៃ នឹងត្រូវបង្ហាញកៅក្នុងកិច្ចប្រជុំរដ្ឋមន្ត្រីការបរទេសអាស៊ាននៅថ្ងៃទី១៦ ខែធ្នូខាងមុខ ដែលនេះនឹងបង្ហាញយ៉ាងច្បាស់ថាភាគីណាជាអ្នករំលោ.ភបទឈប់បា.ញ់។

យោងតាមការបង្ហោះនៅលើទំព័រហ្វេសប៊ុកផ្លូវការ នារសៀលថ្ងៃសៅរិ៍ទី១៣ ខែធ្នូ ឆ្នាំ២០២៥ លោក អាន់វ៉ា អុីប្រាហុីម នាយករដ្ឋមន្រ្តីម៉ាឡេសុី និងជាប្រធានប្ដូរវេនអាស៊ាន បានសរសេថា បន្ទាប់ពីការពិភាក្សារបស់លោកជាមួយប្រធានាធិបតីសហរដ្ឋអាមេរិក លោក ដូណាល់ ត្រាំ និងដោយសារតែភាពតានតឹងនៅតែបន្តនៅតាមព្រំដែនកម្ពុជា-ថៃ លោកបានធ្វើការហៅទូរស័ព្ទដាច់ដោយឡែកជាមួយនាយករដ្ឋមន្ត្រី អនុទីន ឆាន់វីរៈគុល នៃប្រទេសថៃ និងនាយករដ្ឋមន្ត្រី ហ៊ុន ម៉ាណែត នៃប្រទេសកម្ពុជា។

នៅក្នុងអំឡុងពេលនៃការផ្លាស់ប្ដូរនោះ លោក អាន់វ៉ា បានបង្ហាញពីក្ដីព្រួយបារម្ភរបស់លោក និងជំរុញឲ្យភាគីជម្លោះទាំងសងខាង បន្តការអត់ធ្មត់អតិបរមា បញ្ឈប់គ្រប់ទម្រង់នៃអរិភាព និងជៀសវាងសកម្មភាពយោធាណាមួយបន្ថែមទៀត រួមទាំងការប្រើប្រាស់កម្លាំង ឬចលនាទៅមុខនៃអង្គភាពប្រដាប់អាវុធ ដោយមានប្រសិទ្ធភាពចាប់ពីថ្ងៃទី 13 ខែធ្នូ ឆ្នាំ 2025 តទៅ វេលាម៉ោង 22:00 យប់ (ម៉ោងនៅក្នុងតំបន់)។

ជាមួយគ្នានេះ លោកបានបញ្ជាក់អំពីបេសកកម្មរបស់ក្រុមអ្នកសង្កេតការណ៍អាស៊ាន (AOT) ដែលផ្តល់ការគាំទ្រដោយរដ្ឋាភិបាលសហរដ្ឋអាមេរិកតាមរយៈប្រព័ន្ធផ្កាយរណបថា លទ្ធផលតាមដាននេះ នឹងត្រូវបើកបង្ហាញនៅក្នុងកិច្ចប្រជុំរដ្ឋមន្ត្រីការបរទេសអាស៊ាននៅថ្ងៃអង្គារ ទី 16 ខែធ្នូខាងមុខ។

នាយករដ្ឋមន្រ្តីម៉ាឡេសុី បានគូសបញ្ជាក់ពីសារៈសំខាន់របស់វាថា របាយការណ៍នេះនឹងផ្តល់នូវការពន្យល់ដ៏ច្បាស់លាស់អំពីស្ថានភាព រួមទាំងជំហររបស់ភាគីទាំងពីរ ក្នុងផលប្រយោជន៍នៃការទទួលខុសត្រូវ ការកសាងទំនុកចិត្ត និងការរក្សាសន្តិភាព និងស្ថិរភាពនៅក្នុងតំបន់។

គួរជម្រាបថា តារយៈការប្រកាសរបស់នាយករដ្ឋមន្រ្តីម៉ាឡេសុីដូចខាងលើនេះ ពិភពលោកទាំងមូលនឹងបានដឹងថា តើមានអ្វីខ្លះដែលបានកើតឡើងឲ្យប្រាកដ? តើភាគីណាជាអ្នកគោរពកិច្ចព្រមព្រៀងសន្តិភាព និងភាគីណាជាអ្នកបង្ករសង្រ្គា.ម រំលោ.ភបទឈប់បា.ញ់ និងល្មើសច្បាប់អន្តរជាតិ។ អាស្រ័យហេតុនេះ សូមរង់ចាំអ៊ុតមើលលទ្ធផលនេះទាំងអស់គ្នា៕

សារព័ត៌មាន Nikkei Asia ដ៏ធំរបស់ជប៉ុន បានចេញផ្សាយនូវអត្ថបទមួយដែលនិយាយអំពីការផ្ដល់សិទ្ធិអំណាចពីនាយករដ្ឋមន្រ្តីទៅឲ្យយោធាក្នុងការធ្វើសង្រ្គា.មរបស់ថៃថា គឺជាល្បែងរបស់អនុទីន ក្នុងការស្ទូចយកសម្លេងឆ្នោតគាំទ្រពីពលរដ្ឋ តាមរយៈការប្រើប្រាស់ចលនាជាតិនិយមដែលផ្ដោតសំខាន់ទៅលើយោធា។

តាមរយៈអត្ថបទដែលបានចុះផ្សាយនៅថ្ងៃសៅរិ៍ ទី១៣ ខែធ្នូ ឆ្នាំ២០២៥ Nikkei Asia បានដាក់ចំណងជើងធំៗថា «អនុទិន លេងសន្លឹកបៀរយោធាជាតិនិយម ដើម្បីជំរុញក្តីសង្ឃឹមក្នុងការបោះឆ្នោត» អមដោយខ្លឹមសារយ៉ាងដូច្នេះថា ឧបនាយករដ្ឋមន្ត្រី អនុទិន ឆាន់វីរៈគុល បានអនុម័តជំហរជាតិនិយមដ៏រឹងមាំ ដែលផ្តោតលើយោធា ដែលជាចលនាមួយដែលត្រូវបានគេមើលឃើញច្បាស់ថា ជាកិច្ចខិតខំប្រឹងប្រែងមួយ ដើម្បីប្រមូលផ្តុំអ្នកបោះឆ្នោតអភិរក្សនិយម និងបង្កើនឱកាសសម្រាប់គណបក្សរបស់គាត់ មុនពេលការបោះឆ្នោតអាណត្តិក្រោយមកដល់។

ដោយសង្កត់ធ្ងន់លើការផ្ដល់ការគាំទ្រដល់កងកម្លាំងប្រដាប់អាវុធ និងសន្តិសុខជាតិ អនុទិន ហាក់ដូចជាកំពុងយកខ្លួនឯងធ្វើជានុយ ដើម្បីទាក់ទាញសម្លេងឆ្នោត ដែលឱ្យតម្លៃដល់ស្ថិរភាព អធិបតេយ្យភាព និងស្ថាប័នប្រពៃណី។ យុទ្ធសាស្ត្រនេះឆ្លុះបញ្ចាំងពីទិដ្ឋភាពនយោបាយ ដែលមានការប្រកួតប្រជែងកាន់តែខ្លាំងឡើងក្នុងប្រទេសថៃ ដែលគណបក្សទាំងអស់កំពុងស្វែងរកការបង្រួបបង្រួមប្លុកអ្នកបោះឆ្នោតសំខាន់ៗ។

ជាមួយគ្នានោះ អ្នកវិភាគជាច្រើនបានលើកឡើងថា ការបន្លិចឡើងនូវចលនាជាតិនិយមយោធា អាចជួយអនុទិន ឲ្យសម្គាល់វេទិការបស់ខ្លួន ខណៈពេលដែលទាក់ទាញដល់ផ្នែកនៃអ្នកបោះឆ្នោតដែលមានការព្រួយបារម្ភអំពីភាពតានតឹងក្នុងតំបន់ និងសណ្តាប់ធ្នាប់ក្នុងស្រុក។ ទាំងនេះគឺជាការលើកឡើងនៅក្នុងអត្ថបទរបស់ Nikkei Asia។

ដោយឡែក បើតាមការកត់សម្គាល់នូវភាពជាក់ស្ដែងទាក់ទងនឹងស្ថានការណ៍ព្រំដែនរវាងកម្ពុជា និងថៃ មុនពេលផ្ទុះការប្រយុទ្ធគ្នាជាថ្មីយើងឃើញថា កម្ពុជារក្សានិងគោរពបានយ៉ាងល្អនូវបទឈប់បា.ញ់ ព្រមទាំងការអនុវត្តតាមសេចក្ដីថ្លែងការណ៍រួមស្តីពីកិច្ចព្រមព្រៀងសន្តិភាពនៅទីក្រុងគូឡាឡាំពួ។ ការណ៍នេះផ្ទុយស្រឡះពីភាគីថៃ ដែលតែងបង្កហេតុ បង្កើតស្ថានការណ៍ ដើម្បីញុះញង់ និងចោ.ទប្រកាន់កម្ពុជាម្ដងហើយម្ដងទៀតមិនចេះចប់ ជាពិសេសនាពេលចុងក្រោយបំផុត ដែលនាយករដ្ឋមន្រ្តីថៃប្រកាសច្បាប់អាជ្ញារសឹក បើកដៃឲ្យយោធាធ្វើអ្វីបានតាមចិត្ត រួចលាលែងពីតំណែងដើម្បីគេចចេញពីការចរចា។

ទាំងនេះគឺជាភ័ស្តុងតាងដែលបង្ហាញយ៉ាងច្បាស់ថា តាមការពិត អនុទីន គ្មានគំនិតបោះបង់ចោលអំណាច ឬប្រគល់អំណាចទៅឲ្យប្រជាជនអ្វីនោះទេ គេគ្រាន់តែធ្វើបែបនេះដើម្បីឲ្យកម្ពុជា ឬអ្នកដែលមានសមត្ថកិច្ចសម្របសម្រួលទំនាក់ទំនងកម្ពុជា-ថៃឈឺក្បាល និងពិបាកចរចាតែប៉ុណ្ណោះ។

អ្វីដែលគេកាន់តែចំណេញពីការធ្វើបែបនេះនោះគឺ ការទុកសិទ្ធិឲ្យយោធាជាអ្នកសម្រេច នឹងធ្វើឲ្យទំនាក់ទំនងយោធា និងរដ្ឋាភិបាលមានភាពជិតស្និតនឹងគ្នាជាងមុន ជាពិសេសវាក៏ទទួលបានការពេញចិត្តពីសំណាក់ប្រជាជនថៃភាគច្រើនផងដែរ ដែលនេះនឹងហុចផលវិជ្ជមានដល់ការបោះឆ្នោតសម្រាប់គណបក្សរបស់អនុទីននាពេលឆាប់ៗខាងមុខ៕

សម្ដីកាន់តែព្រហើ.ន! អនុទីន បានបដិសេធចំពោះការលើកឡើងរបស់លោកត្រាំថា ការជាន់មីនផ្ទុះរបស់ទាហានខ្លួនកន្លងមកមិនមែនជាឧបទ្ទវហេតុ ឬគ្រោះថ្នាក់ដោយចៃដន្យឡើយ ហើយថែមទាំងហ៊ានប្រកាសដោយបើកចំហរថា ថៃនឹងបន្តធ្វើការឈ្លានពានលើកម្ពុជារហូតដល់ថៃមានអារម្មណ៍ថាសុវត្ថិភាព និងលែងមានការគំរា.មកំហែង។

យោងតាមសំណេររបស់លោក ដូណាល់ត្រាំ នៅថ្ងៃសៅរិ៍ទី១៣ ខែធ្នូ ឆ្នាំ២០២៥ លោកបានលើកឡើងពីការឯកភាពគ្នារវាងកម្ពុជា និង ថៃ ក្នុងការបញ្ចប់សង្រ្គា.មនិងវិលត្រឡប់ទៅរកសន្តិភាព។ ក្នុងនោះ លោកបានឆ្លៀតបន្ថែមឃ្លាមួយដែលមានអត្ថន័យថា «យោធាថៃស្លា.ប់ និងរងរបួសជាច្រើន ដោយសារការជាន់មីន គឺជាឧបទ្ទវហេតុ ប៉ុន្ដែថៃបានវាយប្រហារលើកម្ពុជាយ៉ាងខ្លាំងក្លា។» ក្នុងន័យនេះ លោកត្រាំហាក់ចង់សំដៅដោយប្រយោលថា ប្រទេសថៃបានយកបញ្ហាជាន់មីនរបស់ទាហានខ្លួន មកសំអាងជាហេតុផលវា.យប្រហា.រលើកម្ពុជា ទាំងដែលជាក់ស្ដែងវាគឺជាគ្រោះថ្នាក់ចៃដន្យប៉ុណ្ណោះ។

ការលើកឡើងខាងលើនេះ បានជំរុញឲ្យលោក អនុទីន កើតការមិនសុខចិត្តជាខ្លាំង ក៏ចេញមកតវ៉ាជាមួយលោកដូណាល់ត្រាំវិញថា «វាមិនមែនឧប្បត្តិហេតុទេ។ ថៃ នឹងបន្តវាយប្រហារកម្ពុជា រហូតដល់ពេលយើងមានអារម្មណ៍ថា កម្ពុជា គ្មានសមត្ថភាពគំរាមកំហែងទឹកដី និងប្រជាជនយើង។ ខ្ញុំចង់បញ្ជាក់ឱ្យច្បាស់ថា សកម្មភាពប្រហារព្រឹកនេះ គឺច្បាស់ហើយ។»

គួរបញ្ជាក់ថា ពាក្យសម្ដីដ៏ព្រហើ.នដែលហ៊ាននិយាយចេញមកទាំងបំពានការពិតរបស់ អនុទីន ដូចខាងលើនេះ ធ្វើឡើងក្រោយការប្រកាសរបស់លោក ដូណាល់ ត្រាំ ថា ប្រទេសទាំងពីរបានត្រៀមខ្លួនរួចជាស្រេចសម្រាប់សន្តិភាព និងបន្តធ្វើពាណិជ្ជកម្មជាមួយសហរដ្ឋអាម៉េរិក។

យ៉ាងណាក៏ដោយ ទាំងនេះគឺជាការអះអាងរបស់អានុទីនតែម្ខាង ដោយពុំមានមូលដ្ឋានពិតប្រាកដមកបញ្ជាក់នោះឡើយ។ ជាមួយគ្នានេះផងដែរ បើតាមប្រសាសន៍របស់សម្ដេចធិបតី ហ៊ុន ម៉ាណែត បានបង្ហាញពីជំហររបស់កម្ពុជាទៅកាន់ទាំងប្រធានាធិបតីអាមេរិក លោក ដូណាល់ត្រាំ និងនាយករដ្ឋមន្រ្តីម៉ាឡេសុី លោក អាន់វ៉ា អុីប្រាហុីមថា កម្ពុជាតែងតែប្រកាន់ខ្ជាប់នូវជំហរក្នុងការស្វែងរកការដោះស្រាយជម្លោះដោយសន្តិវិធី ស្របតាមស្មារតីនៃសេចក្ដីថ្លែងការណ៍រួមទីក្រុងគូឡាឡាំពួរជានិច្ច។

ចំពោះហេតុការណ៍បាញ់ប្រហារនៅរសៀលថ្ងៃទី៧ ខែធ្នូ ឆ្នាំ២០២៥ ដែលបានបណ្ដាលឱ្យមានការផ្ទុះការប្រយុទ្ធជាថ្មីរវាងប្រទេសទាំងពីរ សម្ដេចធិបតីបានផ្តល់យោបល់ថា កងទ័ព ឬស្ថាប័នជំនាញរបស់សហរដ្ឋអាមេរិក និងប្រទេសម៉ាឡេស៊ី អាចប្រើសមត្ថភាពប្រមូលព័ត៌មានរបស់ពួកគេ ដូចជារូបភាពផ្កាយរណបដែលបានថតអំឡុងពេលនោះ និងក្រោយពេលនោះរយៈពេល ២៤ ម៉ោង ដើម្បីផ្ទៀងផ្ទាត់ថា តើភាគីណាបាញ់មុន៕