ទំនិញឡើងថ្លៃពីអ្នកលក់មួយចំនួនបានជំរុញឱ្យមនុស្សជាច្រើនខឹងសម្បារយ៉ាងខ្លាំងពីព្រោះពេលនេះប្រទេសជាតិកំពុងជួបទុក្ខលំបាកបែរជាឆ្លៀតឱកាសយកចំណេញជ្រុលហួសហេតុទៅវិញ។ រៀបចំស្បៀងជួយជនភៀសសឹកនិងបានប្រមូលមូលនិធិដោយផ្ទាល់ ឡូរីន គឺបានជួបអ្នកលក់ឆ្លៀតឱកាសឡើងថ្លៃទាំងដែលទំនិញនោះពុំឡើងថ្លៃឡើយ។.png)
នៅរសៀលថ្ងៃទី១៣ ខែធ្នូ ឡូរីន បានចែករំលែកខ្លឹមសារមួយរបស់ សេងហួរ ដោយសុំចាកប្រធានបទនិយាយពីអ្នកលក់មួយចំនួនលក់អីវ៉ាន់ឡើងថ្លៃរបស់ប្រើប្រាស់ចាំបាច់សម្រាប់ជនភៀសសឹក។ ឡូរីន ថា «អ៊ីៗលក់អីវ៉ាន់មួយចំនួន ungrateful សាហាវ ដល់ម៉ោងនេះមានផ្ទះនៅ នៅមានជីវិតហ្នឹងចាត់ទុកថាសំណាងហើយ នៅឆ្លៀតអីវ៉ាន់ឡើងថ្លៃ… អីវ៉ាន់វាមិនឡើងទៅណាទេឡើងតែមាត់អ្នកលក់ថាចង់ឆ្លៀតឱកាសឡើងតាស ទៅនៅសៀមទៅអ៊ី ស្អីតិចឡើងៗៗៗ ជ្រេញពាក្យហ្នឹងណាស់ ចង់ធ្វើអ្នកមានលើគំនរឈាមប្រជាជនឯងហេ៎?»។
គួរឱ្យដឹងថាមិនត្រឹមតែ ឡូរីន ទេដែលលាតត្រដាងពីអ្នកលក់មួយចំនួនខិលខូចឆ្លៀតឱកាសលក់អីវ៉ាន់ស្របពេលប្រទេសជាតិកំពុងជួបសឹងសង្គ្រាម។ ជាក់ស្តែងកន្លងមកថ្មីៗនេះ អ្នកនាង អែនជី ដែលជាអតីតតារាចម្រៀងនិងជាម្ចាស់ប្រ៊េនមួយរូបក៏បានជួបប្រទះរឿងនេះដូចគ្នាដោយអំបុក ឆៃប៉ូវ ជាដើមលក់លើសពីតម្លៃធម្មតាគុណនឹង២ឬ៣។ .png)
នៅក្នុងកាលៈទេសៈដែលថៃឈ្លានពានទឹកដីខ្មែរម្តងទៀតតាំងពី៧ ខែធ្នូ រហូតមកដល់រសៀលថ្ងៃទី១៣ ខែធ្នូ ដោយបានប្រើទាំងកងទ័ពជើងគោក អាកាស និងជើងទឹក ខ្មែរគួរតែសាមគ្គីគ្នា ដោយសង្ឃឹមថាអាជីវករលក់ដូរកុំឆ្លៀតឱកាសចំណេញក្នុងវេលាដ៏លំបាកនេះ៕
