ជារឿយៗនៅលើប្រព័ន្ធផ្សព្វផ្សាយ រដ្ឋមន្រ្តីក្រសួងព័ត៌មាន និងអ្នកជាប់ពាក់ព័ន្ធបានអំពាវនាវដល់អ្នកសារព័ត៌មានឱ្យគោរពវិជ្ជាជីវៈរបស់ខ្លួនជាពិសេសការបំពានសិទិ្ធឯកជនរបស់អ្នកដទៃ។ ជាក់ស្តែងហេតុការណ៍គ្រោះថ្នាក់ចរាចរណ៍ក្រឡាប់ឡានមួយកាលពីវេលាម៉ោង១២កន្លះឈានចូលថ្ងៃទី១២ មិថុនា អ្នកសារព័ត៌មានមួយចំនួនបានជីកសួរនិងតាមតាមថតនារីម្នាក់ទាំងកំពុងមានទុក្ខ។

ហេតុការណ៍ខាងលើនេះ នៅលើបណ្តាញសង្គមរបស់ឯកឧត្តម ប៉ែន បូណា ក៏បានស្នើឱ្យអ្នកសារព័ត៌មានជាពិសេសអ្នកសារព័ត៌មាន Live ត្រូវគោរពក្រមសីលធម៌របស់ខ្លួនកុំបំពានសិទ្ធិបុគ្គលជាដាច់ខាត។

រដ្ឋមន្រ្តីក្រសួងព័ត៌មានបានសរសេរយ៉ាងដូច្នេះថា«ខ្ញុំសូមអំពាវនាវដល់អ្នកសារព័ត៌មានទាំងឡាយជាពិសេសអ្នកផ្សាយផ្ទាល់(Live)តាមហ្វេសប៊ុក សូមគោរពក្រមសីលធម៌វិជ្ជាជីវៈ, គោរពសិទ្ធិ និងសេចក្តីថ្លៃថ្នូររបស់អ្នកដទែឱ្យបានខ្ជាប់ខ្ជួន។ ការបំពានសិទ្ធិបុគ្គលឯកជនគឺជាអំពើខុសក្រមសីលធម៌ និងខុសច្បាប់ដែលត្រូវចៀស វាងជាដាច់ខាត»។

គួរបញ្ជាក់ផងដែរថា នេះមិនមែនជាលើកទី១ទេ ដែលអ្នកសារព័ត៌មានមួយចំនួនមិនបានគោរពក្រមសីលធម៌របស់ខ្លួនបំពានសិទ្ធិឯកជនរបស់អ្នកដទៃដោយគ្មានវិជ្ជាជីវៈប្រាសចាកអ្វីដែលក្រសួងបានអំពាវនាវកន្លងមកដោយមិនញញើតកោតក្រែង៕

រឿងទំពាំង២គល់ថមថយកម្តៅនៅលើបណ្តាញសង្គមហើយបន្ទាប់ភាគីទាំងសងខាងសុំទោស និងធ្វើលិខិតណែនាំ។ យ៉ាងណារឿងទំពាំងនេះអ្នកលេងបណ្តាញសង្គមបានរិះគន់ទៅ ចែតាបារាំង ដែលជាអ្នកលេងបណ្តាញសង្គមល្បីឈ្មោះម្នាក់ថា«ភ្លាវខុសរឿង សម្តីឈ្លើយ ការពារចោរ »។

នៅរាត្រីថ្ងៃទី៩ ខែមិថុនា ឆ្នាំ២០២៣ ចែតា ដែលមានគណនីហ្វេកប៊ុក Alex Conan Real បានលើកប្រធានបទទំពាំងមកបកស្រាយលើហ្វេកប៊ុកដោយសម្តែងខឹងសម្បារទៅលើម្ចាសចម្ការ និងប្រើពាក្យសម្តីខ្លាំងៗជាច្រើនដោយបានបញ្ជាក់ថាខ្លួនមិនបានកាន់ចោរនោះទេ ហើយថែមទាំងនិយាយឱ្យម្ចាស់ចម្ការថា បើដំាំអីមិនកបគេលួចរហូតបែបនេះគួរឈប់ធ្វើចម្ការទៅហើយកុំអាងពាក្យមួយម៉ាត់ក៏ថាខ្លួនជាស្រី។

ការនិយាយរបស់ ចែតា នៅលើបណ្តាញសង្គមបែបនេះក៏ត្រូវសារព័ត៌មានចុះផ្សាយរហូតធ្វើឱ្យអ្នកលេងបណ្តាញសង្គមរិះគន់អ្នកលេងបណ្តាញសង្គមរូបនេះថា និយាយលើសភាវខុសរឿង សម្តីកោងកាច កាន់ជើងចោរ ជាដើម។

ពួកគេបានខំមិនថា «ភ្លាវ, យូរៗទៅកាន់ជើងចោរអស់សុំអត់យល់, ក្នុងកណីដែលមិនទាន់បានសុំគឺម្ចាស់របស់មានសិទ្ធិហើយមិនបាច់បកស្រាយច្រើនទេ ថោកអីនិងដៃថ្លៃអីមាត់ យើងអាចប្ដូរមកជាការសុំវិញល្អជាង។ យោបល់ផ្ទាល់ខ្លួនទេ ,សូមឱ្យទង្វើដែលគេធ្វើដាក់មីងម្នាក់នោះធ្លាក់លើអ្នកមាក់ងាយគាត់គុណជា១០ ជា២០ , Save Video ហ្នឹងទុកទៅបងប្អូន។ ចាំថ្ងៃណាមួយគាត់ជួបរឿងបាត់របស់ទ្រព្យ ចាំយកសំនួរគាត់ មកសួរគាត់វិញ, . នែ.ក្នុងដីគេ ចំការគេ ចូលហែករបងគេនឹងវាខុសបាត់ទៅហើយ! ម៉ិចចេញមកប៉ាភ្លឺចឹង ???»អ្នកខ្លះទៀតបានសរសេរថា «បានហើយឈប់ទៅ បើដឹងកំហុសហើយកុំនាំវែងឆ្ងាយអ្វីទៀត.រួមគ្នាសាងអំពើល្អនោះសង្គមជាតិនិងបានថ្កុំថ្កើង, កាន់តែឡប់សំដីឈ្លើយ, ការពារចោរលើសហើយ, លើសហើយ ខ្ញុំអត់គាំទ្រនៅទង្វើនេះទេ និយាយចេញទាំងភ្លើខាំគេខុសរបៀប, ដាក់បន្ទុកលើម្ចាស់បាត់បង់ទ្រព្យគេទោះប៉ុនចុងក្រចកក៏ជារបស់គេដែរពាក្យថាលួចវាខុសហើយទោះតិចឬច្រើនក៏ដោយ,សរុបទៅខុសទាំង២ ម្ចាស់ក៏អាក្រក់ហួសហេតុដែរអត់កាន់ជើងខាងណាសោះ , លើកនេះចេញមកភ្លាវខ្លាំង កាន់ជើងខុសរឿង»៕

ខ្លោងទ្វារខ្មោច គឺជាខ្លោងទ្វារខាងកើតរបស់អង្គរធំ ជារាជធានីនេះបានកសាងឡើងតាំងពីចុងស.វទី៩ ដោយព្រះបាទយសោវរ្ម័នទី១ ដែលពីមុនមានឈ្មោះថា យសោធរបុរ ឬគ្រីយសោធរបុរ តាមសិលាចរិតសម័យកណ្ដាលខ្លះទៀតហៅឈ្មោះថា មហានគរ ឬ ឥន្ទ្រប្រស្ថបុរី។ ត្បិតតែវាមានឈ្មោះថាជា ខ្លោងទ្វារខ្មោច តែមានអារម្មណ៍មិនគួរឱ្យខ្លាចដូចឈ្មោះទេ។ ឈ្មោះនេះប្រហែលជាអាចធ្វើឱ្យអ្នកខ្លាចរអារ មិនចង់ទៅទស្សនា ប៉ុន្តែភាពស្រស់ស្អាតនៃខ្លោងទ្វារនេះមិនចាញ់ខ្លោងទ្វារផ្សេងឡើយ ការដាក់ឈ្មោះនេះក៏ព្រោះតែទ្វារព្រះនគរមួយនេះ គឺជាច្រកសម្រាប់ពិធីដង្ហែរសពរបស់អ្នករស់នៅខាងក្នុងទៅបូជា ឬចោលទៅក្នុងទឹកស្ទឹង នាសម័យនោះ។

អមសងខាងច្រកចូលខ្លោងទ្វារទាំងក្នុងនិងក្រៅ មានចម្លាក់ដំរីក្បាលបីដែលមានទេវរូបគង់ពីលើ ហើយប្រមោយមានផ្កាឈូកជាច្រើន។ កំពូលខ្លោងទ្វារនេះជាព្រះកេសរបស់ព្រះពោធិសត្វលោកេស្វរៈ ដែលមានព្រះភ័ក្របួន សម្លឹងទៅទិសទាំងបួន (ទិសខាងលិច កើត ជើង និងទិសខាងត្បូង) ។

ខាងកើតជាប់នឹងខ្លោងទ្វារនេះ មានប៉មពីរអមសងខាង​ច្រកចូលក្នុងរាជធានីអង្គរធំ ប្រហែលជា ទីកន្លែងសម្រាប់ពលសេនាយាមនាសម័យនោះហើយមើលទៅ។ ខាងកើតខ្លោងទ្វារនេះប្រហែល ៥០ម មានស្ទឹងមួយដែលរដូវប្រាំងមានទឹកហូររឹមៗ ត្រជាក់គួរជាទីពេញចិត្ត៕

មួយរយៈចុងក្រោយនេះ​ ករណីឆបោកតាមប្រព័ន្ធឌីជីថល ហាក់កើនឡើងគួរឱ្យសម្គាល់នៅក្នុងប្រទេសកម្ពុជាយើង​ហេតុដូច្នេះសូមបងប្អូនបង្កើនការប្រុងប្រយ័ត្នខ្ពស់ ជាពិសេសប្រសិនបើមានគេផ្ញើរជា Link ឬឆាតសួរបងប្អូនតាមតេលេក្រាម (Telegram) ជាដើម។

ជាក់ស្តែង ករណីឆបោកប្រព័ន្ធឌីជីថលមួយនេះ គឺមានជនអនាមិក បានយកឈ្មោះធនាគារ អេសុីលីដា គម្រោងនឹងបោកបងប្អូនប្រជាពលរដ្ឋយើង ដោយបានសួរលេខទូរសព្ទ និងព្យាយាមសួរថ្ងៃខែឆ្នាំកំណើតជាដើម។ លើសពីនេះទៅទៀត ជនអាមិករូបនោះ ក៏បានសួរទៅតដល់លេខកូដសម្ងាត់ធនាគារថែមទៀត។

បើយោងតាម ម្ចាស់គណនីឈ្មោះ Marin Ya បានបង្ហោះសារថា៖”ចោរសម័យ Digital
សូមជម្រាបថា ធនាគារ អេសុីលីដា ពុំមានការចាប់ឆ្នោតផ្សងសំណាងជូនអតិថិជនទេ ធនាគារ ក៏ពុំមានបុគ្គលិកតេឬឆាតទៅសួរថ្ងៃខែឆ្នាំកំណើត ឬ លេខសម្ងាត់របស់អតិថិជនទេ សូមប្រយត្ន័ករណីជនឆបោក”៕

តម្លៃប្រេងនៅកម្ពុជាមានការកើនឡើងបន្តិច ដោយតម្លៃសាំងធម្មតា និង ប្រេងម៉ាស៊ូត ឡើងថ្លៃ៥០រៀលដូចគ្នាក្នុង១លីត្របើធៀបនឹងតម្លៃចាស់។ នេះតាមសេចក្តីជូនដំណឹងរបស់ក្រសួងពាណិជ្ជកម្មនៅថ្ងៃទី១១ ខែមិថុនា ឆ្នាំ២០២៣។

ក្នុងនោះ តម្លៃប្រេងសាំងធម្មតាក្នុង១លីត្រ គឺថ្លៃ ៤ ២០០រៀល និងប្រេងម៉ាស៊ូតតម្លៃ ៤០០០ រៀលក្នុង១លីត្រ ដែលគ្រប់ស្ថានីយ៍ប្រេងឥន្ធនៈត្រូវអនុវត្តចាប់ពីថ្ងៃទី១១-២០ ខែមិថុនា ឆ្នាំ២០២៣។

គូសបញ្ជាក់ថា តម្លៃប្រេងខាងលើនេះគឺផ្អែកទៅលើទីផ្សារអន្តរជាតិ ក្នុងនោះ សម្តេចតេជោ ហ៊ុន សែន នាយករដ្ឋមន្ត្រី បានសម្រេចបញ្ចុះតម្លៃលក់រាយប្រេងឥន្ទនៈនេះចំនួន៦,៥ សេនដុល្លារ ក្នុងមួយលីត្រ ដើម្បីជួយសម្រួលដល់ជីវភាពរបស់ប្រជាពលរដ្ឋ៕