ប្រទេសថៃ ៖ ពេលផ្តល់សម្ភាសន៍ជាមួយសារព័ត៌មាននៅវិមានរដ្ឋាភិបាលនាថ្ងៃទី១៦ ខែធ្នូ ឆ្នាំ២០២៥ នាយករដ្ឋមន្ត្រីថៃចាំផ្ទះ លោក Anutin Charnvirakul និយាយបំភ្លៃថា ថៃមិនមែនជាភាគីចាប់ផ្តើមវាយប្រ.ហារមុនទេ និងចោទប្រកាន់កម្ពុជាបង្កសង្គ្រា.មមុន ហើយលោកបានផ្តាំផ្ញើឱ្យប្រធានាធិបតីអាមេរិក លោក Donald Trump ប្រាប់កម្ពុជាឈប់បា.ញ់តបត ឬទម្លាក់អាវុ.ធ ។ រីឯការរឹតបន្តឹងការនាំចេញប្រេងឥន្ធនៈទៅឡាវតាមច្រកព្រំដែនឆងម៉េត ខេត្តឧប៊ុនរ៉ាជថានី ព្រោះខ្លាចបញ្ជូនបន្តទៅកម្ពុជានោះ លោក Anutin បញ្ជាក់ថា គ្មានការបញ្ជូនបន្តទេ ។

បន្ទាប់ពីបញ្ចប់កិច្ចប្រជុំក្រុមប្រឹក្សាសន្តិសុខជាតិនៅវិមានរដ្ឋាភិបាលនៅថ្ងៃទី១៦ ខែធ្នូ លោក Anutin និយាយថា កាលពីថ្ងៃទី១៥ ខែធ្នូ រថយន្តដឹកប្រេងឥន្ធនៈរាប់សិបគ្រឿងបានកកស្ទះនៅច្រកព្រំដែនឆងម៉េត ឃុំឆងម៉េត ស្រុកស៊ិរិនថន ខេត្តឧប៊ុនរ៉ាជថានី ដែលបម្រុងនាំចេញទៅឡាវ ប៉ុន្តែត្រូវបានរឹតបន្តឹង បើតាមការត្រួតពិនិត្យ គឺគ្មានការនាំចេញប្រេងបន្តទៅកម្ពុជាទេ ។ ចំណែកពិភពលោកថា កងទ័ពថៃប្រើប្រាស់អាវុធធុនធ្ងន់គ្រប់ប្រភេទវាយប្រហារកម្ពុជា ដូចជា ៖ យន្តហោះទម្លាក់គ្រាប់បែក F-16 យន្តហោះចម្បាំង Gripen កាំភ្លើងធំ រថក្រោះ ដ្រូនទម្លាក់គ្រាប់បែក ដ្រូនពាំក្បាលគ្រាប់ ដ្រូនបាញ់ផ្សែងពុល និងដ្រូនអត្តឃាតនោះ លោក Anutin ជំរុញឱ្យពិភពលោកទៅពិនិត្យមើលអាវុធដែលកម្ពុជាប្រើប្រាស់ជាមួយថៃ ។

ក្រៅពីនេះ លោក Anutin បាននិយាយពីលោកប្រធានាធិបតី Trump ប្រកាសដំឡើងពន្ធទំនិញកម្ពុជា-ថៃដើម្បីដាក់សម្ពាធឱ្យបញ្ចប់សង្គ្រាមថា ៖ «ខ្ញុំមិនតបតទេ ហើយក៏មិនដឹងថា តើមានប្រទេសណាខ្លះដែលបានដាក់សម្ពាធឱ្យថៃបញ្ចប់សង្គ្រាមឈ្លានពានកម្ពុជា» ។

លោក Anutin មិនឆ្លើយសំណួររបស់អ្នកសារព័ត៌មានដែលសួរថា កាលពីថ្ងៃទី១៥ ខែធ្នូ ក្រសួងការបរទេសចិនបានអំពាវនាវជាថ្មីឱ្យកងទ័ពថៃបញ្ចប់សង្គ្រាមបា.ញ់ប្រហារកម្ពុជា ។ បន្ទាប់មក អ្នកសារព័ត៌មានសួរទៀតថា តើយល់ឃើញយ៉ាងណា ពេលលោកប្រធានាធិបតី Trump គំរាមដំឡើងពន្ធទំនិញកម្ពុជា-ថៃដើម្បីបញ្ចប់សង្គ្រាម? លោក Anutin និយាយយ៉ាងខ្លីថា ៖ «លោក Trump ត្រូវទៅសុំឱ្យកម្ពុជាឈប់បាញ់ថៃ ថៃមិនបានបាញ់មុនទេ» ។

គួរបញ្ជាក់ថា កងទ័ពថៃបានបើកការវាយប្រហារកម្ពុជាតាំងពីថ្ងៃទី៧ ខែធ្នូ រហូតមកដល់ថ្ងៃទី១៦ ខែធ្នូ កងទ័ពថៃនៅតែផ្គើនបន្តវាយប្រហារកម្ពុជាដោយប្រើប្រាស់អាវុធធុនធ្ងន់គ្រប់ប្រភេទ ទោះមានកិច្ចខិតខំសម្របសម្រួលពីម៉ាឡេស៊ីជាប្រធានអាស៊ាន មហាអំណាចអាមេរិក និងមហាអំណាចចិនក៏ដោយ ។ ថ្មីៗនេះ លោកប្រធានាធិបតី Trump បានផ្តល់សម្ភាសន៍ជាមួយកាសែត Wall Street Journal ថា លោកទើបតែបានគំរាមដំឡើងពន្ទគយដើម្បីដោះស្រាយជម្លោះដែលផ្ទុះឡើងជាថ្មីរវាងកម្ពុជា-ថៃ ។ ប្រទេសទាំងពីរនឹងប្រឈមជាមួយការដំឡើងពន្ធគយខ្លាំងក្លាពីអាមេរិក បើពួកគេមិនបញ្ឈប់ជម្លោះប្រដាប់អាវុធ និងវិលទៅគោរពបទឈប់បាញ់ទេនោះ ។

ចំណែកឯកអគ្គរដ្ឋទូតចិនប្រចាំកម្ពុជា លោក Wang Wenbin បានបង្ហោះសារកាលពីយប់ថ្ងៃទី១៥ ខែធ្នូ ថា ៖ «អាទិភាពខ្ពស់បំផុត គឺបញ្ឈប់សង្គ្រាម និងការពារពលរដ្ឋស៊ីវិល ។ យើងសង្ឃឹមថា ភាគីទាំងពីរ (កម្ពុជា-ថៃ) នឹងអត់ធ្មត់ជាអតិបរមា ចាត់គ្រប់វិធានការឈានទៅរកបទឈប់បាញ់ឱ្យបានឆាប់បំផុត ដើម្បីកសាងសន្តិភាព ស្ថិរភាពនៅតាមព្រំដែន និងផលប្រយោជន៍ពលរដ្ឋ ។ ចិននឹងបន្តធ្វើអ្វីៗគ្រប់យ៉ាងតាមដែលអាចធ្វើបានដើម្បីលើកកម្ពស់ការសន្ទនាឈានទៅកសាងសន្តិភាព ចិននឹងបន្តដើរតួនាទីស្ថាបនាតាមវិធីរបស់ខ្លួនក្នុងការនាំមកនូវបទឈប់បាញ់រវាងកម្ពុជា-ថៃ» ។

នៅថ្ងៃទី១៥ ខែធ្នូ អ្នកនាំពាក្យក្រសួងការបរទេសចិន លោក Guo Jiakun ប្រកាសថា មហាអំណាចិនប្តេជ្ញាជំរុញឱ្យមានបទឈប់បាញ់រវាងកម្ពុជា-ថៃ និងងាកមកចរចាសន្តិភាព ពីព្រោះកម្ពុជា-ថៃជាប្រទេសជិតខាង មិនអាចបំបែកចេញពីគ្នា ។ ចិនសង្ឃឹមថា ភាគីទាំងពីរនឹងអត់ធ្មត់ជាអតិបរមា និងចាត់វិធានការទាំងអស់ដើម្បីបញ្ឈប់ការប្រយុទ្ធ កាត់បន្ថយភាពតានតឹងឱ្យបានឆាប់រហ័ស ដោយចិននឹងបន្តមើលឆន្ទៈរបស់ភាគីទាំងពីរធ្វើឱ្យអស់ពីសមត្ថភាពដើម្បីសន្តិភាព ព្រមទាំងដើរតួនាទីស្ថាបនាតាមរបៀបរបស់ខ្លួនដើម្បីឱ្យមានបទឈប់បាញ់ ។

មេដឹកនាំថៃបានរៀបចំផែនការជាមួយកងទ័ពបង្កសង្គ្រាមឈ្លានពានកម្ពុជាជាថ្មីដោយយកលេសគ្រាប់មីន បែរជាចោទប្រកាន់កម្ពុជាបា.ញ់មុន ។ ហេតុនេះ មានតែរង់ចាំការបង្ហាញភស្តុតាងរូបភាពពីផ្កាយរណប និងលទ្ធផលស៊ើបអង្កេតរបស់ក្រុមអ្នកសង្កេតការណ៍អាស៊ាន (AOT) ក្នុងកិច្ចប្រជុំរដ្ឋមន្ត្រីការបរទេសអាស៊ាននាពេលខាងមុខ តើថៃនឹងមានពាក្យអ្វីដោះសា ៕

ប្រទេសថៃ ៖ កាលពីថ្ងៃទី១៥ ខែធ្នូ ឆ្នាំ២០២៥ ស្ថានទូតរុស្ស៊ីប្រចាំប្រទេសថៃ បានចេញសេចក្តីប្រកាសទាត់ចោលព័ត៌មានពលរដ្ឋរុស្ស៊ីធ្វើទាហានស៊ីឈ្នួលក្នុងជម្លោះរវាងកម្ពុជា-ថៃ ថានេះជាព័ត៌មានក្លែងក្លាយក្នុងគោលបំណងបំផ្លា.ញទំនាក់ទំនងមិត្តភាពយូរអង្វែងរវាងរុស្ស៊ីជាមួយថៃ និងប៉ះពាល់ដល់សិទ្ធិរបស់ពលរដ្ឋរុស្ស៊ីដែលស្នាក់នៅប្រទេសថៃ ក្នុងនាមជាភ្ញៀវទេសចរ និងធ្វើជំនួញ ។

យោងតាមសេចក្តីប្រកាសរបស់ស្ថានទូតរុស្ស៊ីក្នុងហ្វេសប៊ុកផេកផ្លូវការកាលពីថ្ងៃទី១៥ ខែធ្នូ សារព័ត៌មានមួយចំនួននៅប្រទេសថៃបានចុះផ្សាយព័ត៌មានក្លែងក្លាយថា កម្ពុជាជួលពលរដ្ឋរុស្ស៊ីធ្វើជាទាហានស៊ីឈ្នួលក្នុងជម្លោះជាមួយថៃ គឺជាព័ត៌មានមិនពិត ។ ព័ត៌មាននេះត្រូវបានប្រឌិតឡើងដោយប្រភពពីខាងក្រៅតំបន់ ក្នុងគោលបំណងធ្វើឱ្យប៉ះពាល់ដល់សិទ្ធិពលរដ្ឋរុស្ស៊ីស្នាក់នៅប្រទេសថៃ ក្នុងឋានៈជាភ្ញៀវទេសចរ ឬធ្វើជំនួញ និងដើម្បីបំផ្លាញមិត្តភាពយូរអង្វែងរវាងរុស្ស៊ី-ថៃ ។

ក្រសួងការបរទេសរុស្ស៊ីមានគោលជំហរច្បាស់លាស់ចំពោះជម្លោះព្រំដែនរវាងកម្ពុជា-ថៃ ដោយអ្នកនាំពាក្យក្រសួងការបរទេសរុស្ស៊ីបានបញ្ជាក់រួចហើយក្នុងសេចក្តីប្រកាសកាលពីថ្ងៃទី១១ ខែធ្នូ ឆ្នាំ២០២៥ ថា ៖ «ប្រទេសរុស្ស៊ីមានទំនាក់ទំនងមិត្តភាព និងកិច្ចសហប្រតិបត្តិការជាមួយកម្ពុជា-ថៃ ។ យើងគាំទ្រឱ្យប្រទេសទាំងពីរដោះស្រាយបញ្ហាដោយសន្តិវិធីដើម្បីបញ្ចប់ជម្លោះព្រំដែន» ។

គួរបញ្ជាក់ថា សារព័ត៌មាននានារបស់ថៃបានចុះផ្សាយចោទប្រកាន់ថា កម្ពុជាជួលពលរដ្ឋរុស្ស៊ីធ្វើជាទាហានស៊ីឈ្នួលក្នុងជម្លោះជាមួយថៃ បន្ទាប់ពីកងទ័ពថៃបើកការវាយប្រហារកម្ពុជាយ៉ាងធ្ងន់ធ្ងរអស់រយៈពេលជាច្រើនថ្ងៃ ដែលនេះជាទម្លាប់របស់សារព័ត៌មានថៃតែងតែងចោទប្រកាន់ និងលាបពណ៌កម្ពុជាដោយគ្មានមូលដ្ឋានរហូតមក ។ ជាក់ស្តែង កាលពីថ្ងៃទី១១ ខែធ្នូ ហ្វេសប៊ុកផេក Army Military Force និងសារព័ត៌មាន Thai Tribune បានចុះផ្សាយព័ត៌មានចោទប្រកាន់ និងភូតកុហកថា ៖ «កម្ពុជាបញ្ជូនទាហានស៊ីឈ្នួលបរទេសមកកាន់តំបន់ព្រំដែន ដើម្បីជួយបង្ហោះដ្រូនអត្តឃាតជាមួយទាហានកម្ពុជា ដូចកាលពីពេលប៉ះទង្គិចគ្នាលើកដំបូង» ។

ក្រសួងការពារជាតិកម្ពុជាបានច្រានចោលការផ្សព្វផ្សាយរបស់ហ្វេសប៊ុកផេក Army Military Force និងសារព័ត៌មាន Thai Tribune ដែលចោទប្រកាន់កម្ពុជាប្រើប្រាស់ទាហានស៊ីឈ្នួលបរទេសមកជួយបង្ហោះដ្រូនអត្ត.ឃា.តក្នុងជម្លោះព្រំដែនជាមួយ-ថៃ ។ ក្រសួងការពារជាតិកម្ពុជាបានទាត់ចោលនូវខ្លឹមសារដែលចុះផ្សាយក្នុងសារព័ត៌មានថៃនេះ និងអះអាងថា គឺជាព័ត៌មានភូតកុហុក ប្រឌិត ក្លែងក្លាយ និងលាបពណ៌មកលើកម្ពុជាតែប៉ុណ្ណោះ ។

កម្ពុជាទាមទារឱ្យភាគីថៃបញ្ឈប់រាល់ការផ្សព្វផ្សាយព័ត៌មានមិនពិតមានចេតនាក្នុងគោលដៅបង្វែរការចាប់អារម្មណ៍ពីការរំលោភបំពានច្បាប់អន្តរជាតិរបស់ខ្លួន ដោយលាបពណ៌កម្ពុជាដើម្បីយកលេសប្រើប្រាស់អាវុធកាន់តែសាហាវមកលើកម្ពុជា ។ ការផ្សព្វផ្សាយព័ត៌មានក្លែងក្លាយរបស់ថៃ គឺប្រាសចាកពីការពិតទាំងស្រុងក្នុងចេតនាមូលបង្កាច់ លាបពណ៌កម្ពុជា ដើម្បីបំភ័ន្តមតិសារព័ត៌មានជាតិ និងអន្តរជាតិ ព្រមទាំងបិទបាំងចេតនាការឈ្លានពានរបស់ថៃមកលើអធិបតេយ្យភាពស្របច្បាប់របស់កម្ពុជា និងបង្កការញុះញង់ ៕

ប្រទេសថៃ ៖ នាព្រឹកថ្ងៃទី១៦ ខែធ្នូ ឆ្នាំ២០២៥នេះ រដ្ឋមន្ត្រីក្រសួងការពារជាតិថៃ លោក Natthaphon Narkjphanit បានឆ្លើយតបទៅកាន់មហាអំណាចចិនដែលចេញមកអំពាវនាវជាលើកទី២ ឱ្យបញ្ចប់សង្គ្រា.មរវាងកម្ពុជា-ថៃ និងងាកមកចរចាសន្តិភាពជាប្រទេសជិតខាងល្អ ដោយលោកថា កងទ័ពថៃបន្តវាយប្រ.ហារកម្ពុជាមួយរយៈទៀត ប៉ុន្តែមិនយូរទេ សង្គ្រា.មនឹងបញ្ចប់ ។ កងទ័ពថៃបន្តវាយប្រ.ហាររហូតដល់មើលឃើញថា កម្ពុជាលែងបង្កគ្រោះថ្នា.ក់ ពេលនេះ ការប្រតិបត្តិការរបស់កងទ័ពថៃបានដំណើរការតាមផែនការគ្រោងទុក ។

រដ្ឋមន្ត្រីក្រសួងការពារជាតិថៃនិយាយបែបនេះ បន្ទាប់ពីឯកអគ្គរដ្ឋទូតចិនប្រចាំកម្ពុជា លោក Wang Wenbin បានបង្ហោះសារកាលពីយប់ថ្ងៃទី១៥ ខែធ្នូ ថា ៖ «អាទិភាពខ្ពស់បំផុត គឺបញ្ឈប់សង្គ្រាម និងការពារពលរដ្ឋស៊ីវិល ។ យើងសង្ឃឹមថា ភាគីទាំងពីរ (កម្ពុជា-ថៃ) នឹងអត់ធ្មត់ជាអតិបរមា ចាត់គ្រប់វិធានការឈានទៅរកបទឈប់បាញ់ឱ្យបានឆាប់បំផុត ដើម្បីកសាងសន្តិភាព ស្ថិរភាពនៅតាមព្រំដែន និងផលប្រយោជន៍ពលរដ្ឋ ។ ចិននឹងបន្តធ្វើអ្វីៗគ្រប់យ៉ាងតាមដែលអាចធ្វើបានដើម្បីលើកកម្ពស់ការសន្ទនាឈានទៅកសាងសន្តិភាព ហើយចិននឹងបន្តដើរតួនាទីស្ថាបនាតាមវិធីរបស់ខ្លួនក្នុងការនាំមកនូវបទឈប់បាញ់រវាងកម្ពុជា-ថៃ» ។

នៅថ្ងៃទី១៥ ខែធ្នូ អ្នកនាំពាក្យក្រសួងការបរទេសចិន លោក Guo Jiakun ប្រកាសថា មហាអំណាចិនប្តេជ្ញាជំរុញឱ្យមានបទឈប់បាញ់រវាងកម្ពុជា-ថៃ និងងាកមកចរចាសន្តិភាព ពីព្រោះកម្ពុជា-ថៃជាប្រទេសជិតខាង មិនអាចបំបែកចេញពីគ្នា ។ ចិនសង្ឃឹមថា ភាគីទាំងពីរនឹងអត់ធ្មត់ជាអតិបរមា និងចាត់វិធានការទាំងអស់ដើម្បីបញ្ឈប់ការប្រយុទ្ធ កាត់បន្ថយភាពតានតឹងឱ្យបានឆាប់រហ័ស ដោយចិននឹងបន្តមើលឆន្ទៈរបស់ភាគីទាំងពីរធ្វើឱ្យអស់ពីសមត្ថភាពដើម្បីសន្តិភាព ចិននឹងដើរតួនាទីស្ថាបនាតាមរបៀបរបស់ខ្លួនដើម្បីឱ្យមានបទឈប់បាញ់ ។

លោក Natthaphon រដ្ឋមន្ត្រីការពារជាតិថៃនិយាយថា កងទ័ពថៃសុំពេលបន្តិចទៀតដើម្បីវាយប្រហារកម្ពុជា រហូតដល់មើលឃើញថា កម្ពុជាលែងបង្កគ្រោះថ្នាក់ ហើយមិនយូរទេ សង្គ្រាមរវាងកម្ពុជា-ថៃនឹងបញ្ចប់ ។ រីឯការរឹតបន្តឹងការនាំចេញប្រេងឥន្ធនៈទៅឡាវតាមច្រកព្រំដែនឆងម៉េតកាលពីថ្ងៃទី១៥ ខែធ្នូ ពីព្រោះខ្លាចឡាវលក់ប្រេងបន្តឱ្យកម្ពុជា លោក Natthaphon ថា វាជាការអនុវត្តដោយសន្តិវិធី មិនប្រើប្រាស់កម្លាំងទ័ព ឬអាវុធ ដើម្បីទប់ស្កាត់សកម្មភាពរបស់កម្ពុជា ហើយថៃនឹងឈប់បាញ់ លុះត្រាកម្ពុជាលែងបង្កគ្រោះថ្នាក់ ។

បន្ទាប់ពីថៃរឹតបន្តឹងការនាំចេញប្រេងឥន្ធនៈទៅឡាវ ធ្វើឱ្យរថយន្តដឹកប្រេងរាប់សិបគ្រឿងកកស្ទះនៅច្រកព្រំដែនឆងម៉េត ស្រុកស៊ិរិនថន ខេត្តឧប៊ុនរ៉ាជថានី ដែលជាការរឹតបន្តឹងរបស់កងទ័ពភូមិភាគទី២ថៃ បន្ទាប់ពីមានព័ត៌មានថា ប្រេងថៃដែលនាំចេញទៅឡាវតាមច្រកនេះបាននាំចេញបន្តទៅកម្ពុជា ។

កាលពីថ្ងៃទី១៥ ខែធ្នូ អ្នកនាំពាក្យក្រសួងការបរទេសថៃ លោក Nikorndej Balankura បានបង្ហាញលក្ខខណ្ឌចំនួន៣ សម្រាប់បទឈប់បាញ់តាមព្រំដែនកម្ពុជា-ថៃ រួមមាន ៖
១-កម្ពុជាត្រូវប្រកាសបទឈប់បាញ់មុន
២-បទឈប់បាញ់ធ្វើឡើងអនុវត្តជាក់ស្តែង
៣-កម្ពុជាត្រូវធ្វើកិច្ចសហការយ៉ាងពិតប្រាកដ និងដោយស្មោះត្រង់លើការបោសសម្អាតគ្រាប់មីន ។

គួរបញ្ជាក់ថា កម្ពុជាបានបង្ហាញពីជំហររក្សាភាពអត់ធ្មត់ និងពុំតបតវាយបកទៅថៃឡើយ កាលពីកងទ័ពថៃបើកការវាយប្រហារជាថ្មីកាលពីថ្ងៃទី៧ ខែធ្នូ កន្លងមក ដោយរហូតដល់២៤ម៉ោង ទើបកម្ពុជាសម្រេចវាយបកវិញដើម្បីការពារខ្លួន និងបន្តវាយបករហូតដល់រយៈពេល៩ថ្ងៃ ។ កងទ័ពថៃបានវាយប្រហារខ្លាំង និងប្រើប្រាស់អាវុធធុនធ្ងន់គ្រប់ប្រភេទរំលោភចូលទឹកដីកកម្ពុជាយ៉ាងជ្រៅ ដោយទម្លាក់គ្រាប់បែកបំផ្លាញហេដ្ឋារចនាសម្ព័ន្ធកម្ពុជា ទាំងផ្ទះពលរដ្ឋស៊ីវិល ប្រាសាទបុរាណ វត្តអារាម និងសាលារៀន ៕

ប្រទេសថៃ៖ ក្រោយពីមានការសង្ស័យថា មានបណ្ដាញរត់ពន្ធផ្លូវក្នុងលួចផ្គត់ផ្គង់ប្រេងឥន្ធនៈពីប្រទេសថៃទៅឲ្យប្រទេសកម្ពុជា ក្រុមហ៊ុនថាមពលរដ្ឋថៃ PTT បានបកស្រាយនៅថ្ងៃចន្ទនេះថា ចាប់តាំងពីចុងខែមិថុនាមក ខ្លួនមិនបាននាំចេញប្រេងពីក្រុមហ៊ុនទៅឲ្យកម្ពុជាឡើយ ដោយបញ្ជាក់ពីគោលជំហររបស់ខ្លួនបន្ថែមថា នឹងផ្ដល់ការគាំទ្រយ៉ាងពេញទំហឹងដល់យោធាថៃនៅក្នុងជម្លោះព្រំដែនជាមួយកម្ពុជា។ នេះបើយោងតាមការចុះផ្សាយរបស់សារព័ត៌មាន Khaosod។

នាថ្ងៃចន្ទ ទី១៥ ខែធ្នូ ឆ្នាំ២០២៥ ម្សិលមិញនេះ ក្រុមហ៊ុន PTT OR ដែលផ្គត់ផ្គង់ថាមពលឧស្ម័ន និងប្រេងឥន្ធនៈដ៏ធំបំផុតរបស់ថៃ បានចេញសេចក្ដីថ្លែងការណ៍បន្ទាន់មួយដើម្បីបញ្ជាក់ថា ពួកគេមិនមានការដឹកជញ្ជូនប្រេងមកកម្ពុជាទៀតនោះទេ ទាំងផ្លូវគោក និងផ្លូវទឹក ពោលគឺការនាំចេញប្រេងទៅកម្ពុជា ត្រូវបានបញ្ឈប់ទាំងស្រុងចាប់តាំងពីមានការបិទព្រំដែន កាលពីចុងខែមិថុនាកន្លងមក។

ជាមួយគ្នានោះ ក្រុមហ៊ុន PTT ក៏បានបញ្ជាក់ឡើងវិញពីជំហររបស់ខ្លួនក្នុងការគាំទ្រដល់សកម្មភាពយោធាថៃនៅក្នុងជម្លោះព្រំដែនដែលកំពុងតែមាននៅពេលបច្ចុប្បន្ននេះផងដែរ។ នៅក្នុងសេចក្ដីថ្លែងការណ៍ខាងដដែលនោះ ក្រុមហ៊ុន PTT បានសង្កត់ធ្ងន់ថា ការប្តេជ្ញាចិត្តរបស់ពួកគេ គឺជាការរក្សាសន្តិសុខជាតិជាអាទិភាពចម្បង។ ពួកគេនឹងផ្តល់ការលើកទឹកចិត្ត និងការគាំទ្រដល់មន្ត្រី និងភ្នាក់ងារថៃទាំងអស់ដែលពាក់ព័ន្ធ។

ការចេញមកបកស្រាយរបស់ក្រុមហ៊ុន PTT ដូចខាងលើ ធ្វើឡើងក្រោយពេលដែលពាក្យចចាអារ៉ាមថា មានក្រុមហ៊ុនផ្គត់ផ្គង់ប្រេងដ៏ធំមួយលួ.ចលក់ប្រេងទៅឲ្យកម្ពុជា តាមរយៈការនាំចេញទៅឡាវ ហើយបន្ទាប់មកក៏ដឹកចេញពីឡាវបន្តមកដល់កម្ពុជា។ ដើម្បីរឹតបន្តឹង និងទប់ស្កាត់កុំឲ្យមានការលួចលក់ប្រេងទៅឲ្យកម្ពុជាបន្តបែបនេះ មេបញ្ជាការភូមិភាគទី២ថៃ លោក វិរៈយុទ្ធ រ៉ាក់សុីន បានបញ្ជាឲ្យមន្រ្តីច្រកព្រំដែន ចុងមេក បិទច្រកព្រំដែនជាប់ឡាវដើម្បីត្រួតពិនិត្យ ដែលធ្វើឲ្យឡានដឹកប្រេងជាង ៨០គ្រឿងត្រូវជាប់គាំងអស់រាប់សិបម៉ោង។ ប៉ុន្តែក្រោយមកក៏បានធ្វើការសូមអភ័យទោសប្រទេសឡាវវិញ ព្រោះមិនបានពិនិត្យឃើញអ្វីខុសប្រក្រតីដូចការសង្ស័យរបស់ខ្លួនឡើយ។

គួរបញ្ជាក់ថា ចាប់តាំងតែពីចុងខែមិថុនាមក កម្ពុជាបានប្រកាសរួចមកហើយថា នឹងបិទការនាំចូលប្រេង និងឧស្ម័នរបស់ប្រទេសថៃ ដោយងាកទៅរកប្រភពផ្គត់ផ្គង់ផ្សេងៗ ក្រោយអ្នកនយោបាយក្នុងស្រុកថៃគំរាមកាត់ផ្ដាច់ការផ្គត់ផ្គង់ប្រេង ក្នុងបរិបទតានតឹងព្រំដែន។ ដូច្នេះបើគិតឲ្យដល់ទៅ ថៃមិនចាំបាច់ព្យាយាមទប់ស្កាត់ការនាំចេញប្រេងមកកម្ពុជានោះទេ ព្រោះរាជរដ្ឋាភិបាលកម្ពុជាបានប្រកាសមិនឲ្យនាំចូលប្រេងពីថៃស្រាប់ទៅហើយ។ លើសពីនេះ បើតាមស្ថានភាពប្រជាជនកម្ពុជានៅពេលនេះ ក៏មិនត្រូវការប្រេង សាំង ទំនិញ ឬសេវាកម្មផ្សេងៗពីក្រុមហ៊ុនថៃផងដែរ៕

ប្រទេសថៃ ៖ វិស័យឯកជនបានសំណូមពរឱ្យរដ្ឋាភិបាលថៃបញ្ចប់សង្គ្រា.មឈ្លានពា.នកម្ពុជា ពីព្រោះថៃខាតបង់ចំណូលសេដ្ឋកិច្ចរហូតដល់ជាង១ពាន់លានដុល្លារក្នុង១ឆ្នាំដោយសារការបិទព្រំដែនជាច្រើនខែ ។ លើសពីនេះ ពលរដ្ឋថៃនៅបណ្តាខេត្តជាប់ព្រំដែនកម្ពុជាបាត់បង់ចំណូលនិងការងារ ហើយការបិទព្រំដែនក៏ប៉ះពាល់វិស័យទេសចរណ៍ និងការវិនិយោគពីក្រៅប្រទេសផងដែរ ប្រសិនបើរដ្ឋាភិបាលថៃនៅតែប្រកាន់ជំហរររឹងរូសបន្តសង្គ្រា.ម នឹងធ្វើឱ្យកម្ពុជាឈប់នាំចូលទំនិញថៃជារៀងរហូត ។

តាមការលើកឡើងរបស់វិស័យឯកជនថៃកាលពីថ្ងៃទី១៣ ខែធ្នូ ឆ្នាំ២០២៥ ការបិទព្រំដែនកម្ពុជា-ថៃរយៈពេល៧ខែ ធ្វើឱ្យពាណិជ្ជកម្មរវាងប្រទេសទាំងពីររាំងស្ទះ និងបាត់បង់ចំណូលសេដ្ឋកិច្ចរហូតដល់ជាង៥ម៉ឺនលានបាតក្នុង១ឆ្នាំ (ឬជាង១,៥៨០លានដុល្លារ) ។ ការខាតបង់ចំណូលយ៉ាងច្រើននេះធ្វើឱ្យប៉ះពាល់អាជីវកម្ម និងការប្រកបរបររបស់ពលរដ្ឋនៅខេត្តចំនួន៦ ជាប់ព្រំដែនកម្ពុជា ខណៈរដ្ឋាភិបាលថៃពិបាកស្វែងរកទីផ្សារថ្មីសម្រាប់នាំចេញទំនិញ និងកាត់បន្ថយផលប៉ះពាល់ ។

ការនាំចេញទំនិញពីថៃទៅកម្ពុជា ស្មើទឹកប្រាក់ជាង៧ម៉ឺនលានបាតក្នុង១ឆ្នាំ ខណៈការនាំចូលទំនិញពីកម្ពុជាមកថៃ ស្មើត្រឹមតែ២ម៉ឺនលានបាតក្នុងឆ្នាំ ដែលធ្វើឱ្យថៃបាត់បង់ចំណូលសេដ្ឋកិច្ចរហូតដល់ជាង៥ម៉ឺនលានបាតក្នុង១ឆ្នាំ (ឬជាង១,៥៨០លានដុល្លារ) ដោយសារការបិទព្រំដែនជាឯកតោភាគីរបស់កងទ័ពថៃ ។ ទោះជាផលប៉ះពាល់ទៅលើផលិតផលក្នុងស្រុកសរុប (GDP) ស្មើប្រមាណតែ០.២% ក្តី ប៉ុន្តែពាណិជ្ជកម្មព្រំដែនបានប៉ះពាល់ខ្លាំងបំផុត ។

វិស័យឯកជនថៃបង្ហាញក្តីបារម្ភពីផលប៉ះពាល់ពាណិជ្ជកម្មព្រំដែនកាន់តែធ្ងន់ធ្ងរ បើស្ថានការណ៍ជម្លោះជាមួយកម្ពុជាអូសបន្លាយជាង៣ខែទៀត នឹងធ្វើឱ្យថៃបាត់បង់ចំណូលសេដ្ឋកិច្ចរហូតដល់៨ម៉ឺនលានបាតក្នុង១ឆ្នាំ (ឬជាង២,៥៣៧លានដុល្លារ) ហើយកម្ពុជាអាចនឹងបញ្ឈប់ការនាំចូលទំនិញថៃ និងនាំចូលទំនិញវៀតណាមជំនួសវិញ ។ ទន្ទឹមនឹងនេះ វិស័យការងារ វិនិយោគ និងទេសចរណ៍ ក៏ប៉ះពាល់ដោយសារការបិទព្រំដែនដែរ និងត្រូវរង់ចាំតាមដានស្ថានការណ៍មិនប្រាកដប្រជាយូរទៀត ។

ពលរដ្ឋថៃនៅខេត្តចំនួន៦ជាប់ព្រំដែនកម្ពុជា បាត់បង់ចំណូលដោយសារជម្លៀសចេញពីលំនៅឋានម្តងហើយម្តងទៀត ពុំអាចប្រកបមុខរបរចិញ្ចឹមជីវិត រីឯវិស័យទេសចរណ៍បាត់បង់ចំណូលដោយសារការបិទព្រំដែនផង និងទឹកជំនន់នៅភាគខាងត្បូងផង ។ ហេតុនេះ វិស័យឯកជនស្នើឱ្យរដ្ឋាភិបាលថៃបញ្ចប់សង្គ្រាមឈ្លានពានដើម្បីឱ្យភ្ញៀវទេសចរបរទេសមកកម្សាន្តនៅថៃឡើងវិញ និងកាត់បន្ថយផលប៉ះពាល់សេដ្ឋកិច្ចយូរអង្វែង ដោយសារប្រទេសនានាហាមពលរដ្ឋខ្លួនកុំធ្វើដំណើរមកក្បែរតំបន់គ្រោះថ្នាក់ ។

លោក សរ៉ាថេត រ៉ូតផូចនារ៉ាត់ ទីប្រឹក្សាសមាគមសណ្ឋាគារ និងជាម្ចាស់ភោជនីយដ្ឋានថា ការបិទព្រំដែន៧ខែធ្វើឱ្យប៉ះពាល់ការនាំចេញទំនិញថៃទៅកម្ពុជា ដែលស្មើទឹកប្រាក់រាប់ម៉ឺនលានបាតក្នុង១ឆ្នាំ ខណៈថៃនាំចូលពីកម្ពុជាតិចតួច បញ្ហាសំខាន់ ការខ្វះខាតកម្លាំងពលកម្មដោយសារក្រសួងការពារថៃមិនបន្តសុពលភាពប័ណ្ណធ្វើការឱ្យពលករកម្ពុជា ។ រដ្ឋាភិបាលថៃគួរស្វែងរកពលករបរទេសមកធ្វើការដើម្បីកុំឱ្យប៉ះពាល់អាជីវកម្ម និងឧស្សាហកម្ម ។

ទោះជាវិស័យឯកជនទទូចឱ្យរដ្ឋាភិបាលថៃបញ្ចប់សង្គ្រាមឈ្លានពានកម្ពុជាតាមរយៈការចរចាសន្តិវិធី ប៉ុន្តែនាយករដ្ឋមន្ត្រីចាំផ្ទះ លោក Anutin Charnvirakul ប្រកាន់នៅតែជំហររឹងរូសបន្តសង្គ្រាម បន្ទាប់ពីទាត់ចោលបទឈប់បាញ់ និងកិច្ចព្រមព្រៀងសន្តិភាព ដោយចោទប្រកាន់កម្ពុជាបង្កប់មីនថ្មី ។ ប្រទេសនានា រួមទាំងមហាអំណាចអាមេរិក មហាអំណាចចិន អំពាវនាវឱ្យរដ្ឋាភិបាលថៃបញ្ចប់សង្គ្រាមជាបន្ទាន់ ប៉ុន្តែរហូតមកដល់ព្រឹកថ្ងៃទី១៦ ខែធ្នូ កងទ័ពថៃនៅតែបន្តធ្វើសកម្មភាពវាយប្រហារ និងបាញ់ផ្សែងពុលចូលក្នុងភូមិសាស្ត្រភូមិព្រៃចាន់ ខេត្តបន្ទាយមានជ័យ ៕

តើថៃសំអាងអ្វីបានជាហ៊ានផ្គើននឹងការអំពាវនាវឲ្យឈប់បា.ញ់ពីសំណាក់ប្រទេសធំៗបែបនេះ? បន្ទាប់ពីសហរដ្ឋអាមេរិក បានប្រកាសឲ្យប្រទេសថៃនិងកម្ពុជាបញ្ចប់សង្គ្រាមហើយត្រឡប់មកគោរពកិច្ចព្រមព្រៀងសន្តិភាព ឥឡូវនេះប្រទេសចិនក៏បានចេញសេចក្ដីថ្លែងការណ៍ផងដែរ ដើម្បីជំរុញឲ្យភាគីទាំងពីររក្សាសន្តិភាពជាទិភាពខ្ពស់បំផុត។ តែទោះជាយ៉ាងណា គិតមកត្រឹមព្រឹកថ្ងៃអង្គារ ទី១៦ ខែធ្នូនេះ ភាគីថៃនៅតែបន្តផ្លោ.ងគ្រាប់ និងវាយប្រហារចូលទឹកដីកម្ពុជាដដែល។

យោងតាមទំព័រហ្វេសប៊ុកផ្លូវការរបស់លោក Guo Jiakun អ្នកនាំពាក្យក្រសួងការបទេសចិន នៅថ្ងៃចន្ទ ទី១៥ ខែធ្នូ ឆ្នាំ ២០២៥ បានប្រកាសថា មហាអំណាចចិន ប្តេជ្ញាជំរុញឲ្យមានបទឈប់បាញ់រវាង កម្ពុជានិងថៃ ហើយចូលតុចរចាដើម្បីសន្តិភាព ហើយសង្ឃឹមថា កម្ពុជា និងថៃ នឹងអនុវត្តការអត់ធ្មត់ជាអតិបរមា ហើយចាត់វិធានការទាំងអស់ ដែលនាំទៅដល់ការបញ្ឈប់ការប្រយុទ្ធគ្នា និងបន្ថយភាពតានតឹងឱ្យបានឆាប់តាមដែលអាចធ្វើទៅបាន។

លោក Guo Jiakun បានបន្ថែមថា ចិននឹងបន្ត ដោយមើលលើឆន្ទៈរបស់ភាគីទាំងពីរ ក្នុងការធ្វើការឱ្យអស់ពីសមត្ថភាព ដើម្បីជំរុញការចរចាដើម្បីសន្តិភាព និងដើរតួនាទីស្ថាបនាតាមរបៀបរបស់យើង ដើម្បីនាំមកនូវបទឈប់បាញ់ និងការស្តារសន្តិភាពរវាងប្រទេសទាំងពីរ។

ជាមួយគ្នានេះ លោក Wang Wenbin ឯកអគ្គរដ្ឋទូតចិនប្រចាំនៅកម្ពុជា ក៏បានបង្ហាញឲ្យឃើញដែរថា អាទិភាពខ្ពស់បំផុតគឺបញ្ឈប់សង្គ្រាម និងការពារពលរដ្ឋស៊ីវិល។ លោកបានលើកឡើងពីគោលជំហប្រទេសចិន គឺនឹងបន្តធ្វើអ្វីៗគ្រប់យ៉ាងតាមដែលយើងអាចធ្វើបាន ដើម្បីលើកកម្ពស់ការសន្ទនារ ឈានទៅកសាងសន្តិភាព ហើយចិន នឹងបន្តដើរតួនាទីស្ថាបនាតាមវិធីរបស់ខ្លួន ក្នុងការនាំមកនូវបទឈប់បាញ់រវាងកម្ពុជា-ថៃ ដើម្បីកសាងសន្តិភាព។

គួរជម្រាបថា ទាំងការលើកឡើងរបស់អ្នកនាំពាក្យក្រសួងការបទេសចិន និងឯកអគ្គរដ្ឋទូតចិន ដូចខាងលើនេះ ធ្វើឡើងបន្ទាប់ពីការប្រកាសរបស់ប្រធានាធិបតីសហរដ្ឋអាមេរិក លោក ដូណាល់ត្រាំ និង លោក អាន់វ៉ា អុីប្រាហុីម នាយករដ្ឋមន្រ្តីម៉ាឡេសុី ជំរុញឲ្យកម្ពុជានិងថៃវិលត្រឡប់ទៅអនុវត្តតាមសេចក្ដីថ្លែងការណ៍រួមស្តីពីកិច្ចព្រមព្រៀងសន្តិភាពទីក្រុងគូឡាឡាំពួ ដើម្បីបញ្ឈប់ការបង្ហូរឈា.មរបស់ទាហាន និងជនសុីវិល។

តែទោះជាមានការជំរុញ និងអំពាវនាវយ៉ាងនេះក្ដី ប្រទេសថៃដែលជាអ្នកហែកចោ.លសន្តិភាពមុន មិនបានយល់ព្រមក្នុងការបញ្ចប់ជម្លោះជាមួយកម្ពុជាឡើយ។ បើតាមរបាយការណ៍របស់ក្រសួងការពារជាតិកម្ពុជា នាព្រឹកថ្ងៃទី១៦ ខែធ្នូ វេលាម៉ោង៨៖៣០នាទី ទាហានឈ្លានពានថៃ បានប្រើប្រាស់កាំភ្លើងធំ និងកម្លាំងថ្មើរជើង បា.ញ់យ៉ាងខ្លាំងនៅសមរភូមិព្រៃចាន់ ភូមិជោគជ័យ និងបឹងត្រកួន ខេត្តបន្ទាយមានជ័យ។

ជាការឆ្លើយតប កម្លាំងកម្ពុជាបានបា.ញ់តបតទៅវិញយ៉ាងខ្លាំងក្លា មិនឲ្យពួកគេចូលមកឈរជើង និងកាន់កាប់ទីតាំងរបស់យើងបាននោះទេ។ ក្នុងន័យនេះគួរបញ្ជាក់ថា កម្ពុជាតែងចាត់ទុកសន្តិភាពជាទិភាពចម្បង ប៉ុន្តែការការពារដែនអធិបតេយ្យ និងបូរណភាពទឹកដី ចំពេលមានការឈ្លានពានពីប្រទេសជិតខាង ក៏ជារឿងសំខាន់ដែលកម្ពុជាត្រូវតែអនុវត្តក្រោមច្បាប់ការពារខ្លួនផងដែរ៕

ប្រទេសថៃ ៖ កាលពីថ្ងៃទី១៣ ខែធ្នូ ឆ្នាំ២០២៥ ពលរដ្ឋខេត្តឈៀងម៉ៃជាច្រើនបានចេញមកតវ៉ាប្រឆាំងនឹងកងទ័ពធ្វើសង្គ្រា.មឈ្លានពា.នកម្ពុជា ដោយពួកគេចាត់ទុកសង្គ្រា.មនេះរៀបចំឡើងដោយរដ្ឋាភិបាលរបស់នាយករដ្ឋមន្ត្រីចាំផ្ទះ លោក Anutin Charnvirakul ដើម្បីរកសំឡេងគាំទ្រសម្រាប់ការបោះឆ្នោតនៅខែកុម្ភៈ ឆ្នាំ២០២៦ បន្ទាប់ពីមេដឹកនំាំថៃមានរឿងអាស្រូវជាច្រើន ដូចជា ៖ គ្មានសមត្ថភាពដោះស្រាយទឹកជំនន់បណ្តាលឱ្យពលរដ្ឋភាគខាងត្បូង ជាពិសេស នៅស្រុកហាតយៃ ខេត្តសុងក្លា ស្លា.ប់រហូតដល់ជាង១,០០០នាក់ និងមានទំនាក់ទំនងជិតស្និទ្ធជាមួយមេឧក្រិដ្ឋ.កម្មឆបោ.កអនឡាញបរទេស ។

ប៉ុន្តែតារាសម្តែងប្រុសម្នាក់នៅប្រទេសថៃបែរជាបង្ហោះសារស្តីបន្ទោសពលរដ្ឋខេត្តឈៀងម៉ៃ ថា នាំគ្នាកាន់ស្លាកប្រឆាំងសង្គ្រាមឈ្លានពានកម្ពុជា តើពលរដ្ឋខេត្តឈៀងម៉ៃធ្លាប់ទៅប្រយុទ្ធនៅសមរភូមិជាមួយកងទ័ពដែរឬទេ? តារាសម្តែងរូបនេះបានណែនាំឱ្យពលរដ្ឋខេត្តឈៀងម៉ៃឈប់តវ៉ាបញ្ចប់សង្គ្រាម និងនាំគ្នាបញ្ជូនស្បៀងអាហារឱ្យកងទ័ពថៃនៅសមរភូមិវិញដើម្បីមានកម្លាំងប្រយុទ្ធដណ្តើមទឹកដីកម្ពុជា ។

តាមការចុះផ្សាយរបស់សារព័ត៌មាន Top News នៅថ្ងៃទី១៥ ខែធ្នូ ឆ្នាំ២០២៥ លោក Pharunyoo Rojanawuttitham តារាសម្តែងថៃបានបង្ហោះសារក្នុងបណ្តាញសង្គមស្តីបន្ទោសពលរដ្ឋខេត្តឈៀងម៉ៃ ដែលប្រមូលគ្នាកាន់ស្លាកទាមទារឱ្យរដ្ឋាភិបាល និងកងទ័ពបញ្ឈប់សង្គ្រាមឈ្លានពានកម្ពុជា ដោយតារាសម្តែងនេះថា តើពលរដ្ឋខេត្តឈៀងម៉ៃធ្លាប់ទៅសមរភូមិប្រយុទ្ធឬអត់ ទើបនាំគ្នាមកតវ៉ាឱ្យបញ្ឈប់សង្គ្រាមបែបនេះ ។ សូមពួកអ្នកយកពេលវេលាតវ៉ាទៅរៀបចំស្បៀងអាហារបញ្ជូនឱ្យកងទ័ពនៅសមរភូមិវិញ ។

ពលរដ្ឋថៃបានគាំទ្រការបញ្ចេញមតិរបស់តារាសម្តែងរូបនេះ ជាពិសេស សៀមសុរិន្ទនិយាយថា ពលរដ្ឋខេត្តឈៀងម៉ៃពិតជាឆោតល្ងង់ដែលទាមទារឱ្យបញ្ឈប់សង្គ្រាម ពួកអ្នកមិនដឹងរឿងច្បាស់ទេ ដោយសារមិននៅព្រំដែនជាប់កម្ពុជា ។ ពលរដ្ឋខ្លះទៀតបានអរគុណដល់តារាសម្តែងនេះដែលជួយឧបត្ថម្ភកងទ័ពគ្រប់យ៉ាងសម្រាប់ការវាយប្រហារកម្ពុជាជាថ្មី ដោយពួកគេសំណូមពរឱ្យកងទ័ពវាយកម្ពុជាឱ្យធ្ងន់ធ្ងរកុំបន្ធូរដៃ ខណៈខ្លះទៀតថា ថៃមិនត្រូវការសង្គ្រាមទេ និងចោទប្រកាន់កម្ពុជាជាន់ឈ្លីកិត្តិយសកងទ័ពថៃ និងលាបពណ៌កម្ពុជាបង្កប់មីនថ្មីបណ្តាលឱ្យកងទ័ពថៃរងរបួសដាច់ជើង ហើយជំរុញឱ្យកងទ័ពវាយប្រហារកម្ពុជាបន្តទៀតដើម្បីការពារអធិបតេយ្យ ។

គួរបញ្ជាក់ថា កន្លងមក លោក Pharunyoo Rojanawuttitham ដែលមានស្នាមសាក់ពេញខ្លួននេះបានបង្ហោះសារសើចឡកឡើយឱ្យកម្ពុជាថា ៖ «ខ្ញុំក៏ចង់ពហិការដាក់ប្រទេសអ្នកឯងដែរ ប៉ុន្តែប្រទេសអ្នកគ្មានអ្វីឱ្យពហិការទេ ក្រៅពីការឆបោកអនឡាញ ។ ខ្ញុំគិតមិនចេញថា តើមានអ្វីអាចពិការបាន» ។

ពាក្យសម្តីរបស់តារាសម្តែងថៃនេះពិតជាបញ្ជាក់ពីសន្តាន គ្មានចំណេះវិជ្ជាក្នុងខ្លួន និងញុះញង់ឱ្យកងទ័ពថៃបន្តធ្វើសង្គ្រាមដណ្តើមទឹកដីកម្ពុជា ។ លើសពីនេះ ថែមទាំងចោទប្រកាន់កម្ពុជាជាប្រទេសឆបោកអនឡាញ ទាំងដែលប្រទេសថៃខ្លួនឯងជាសំបុករបស់ឧក្រិដ្ឋកម្មអនឡាញដ៏ធំបំផុតនៅលើពិភពលោក ដែលភ្ញៀវទេសចរបរទេសខ្លាចមិនហ៊ានមកកម្សាន្ត ជាពិសេស ភ្ញៀវទេសចរចិន ខណៈមេដឹកនាំថៃបច្ចុប្បន្ន លោក Anutin ពាក់ព័ន្ធនឹងមេឧក្រិដ្ឋកម្មអនឡាញដ៏ធំលើពិភពលោក ទើបបង្កសង្គ្រាមជាមួយកម្ពុជាដើម្បីបិទបាំងអំពើអាក្រក់របស់ខ្លួន ៕