រដ្ឋមន្ត្រីការបរទេសសិង្ហបុរីលោក Vivian Balakrishnan បានចេញមុខសូមទោសទៅកាន់ប្រជាជនម៉ាឡេស៊ី បន្ទាប់ពីតារាកំប្លែងម្នាក់​មានជនជាតិដើមសិង្ហបុរី បច្ចុប្បន្នរស់នៅអាមេរិក បានយកការបាត់ខ្លួនរបស់ MH370 របស់ប្រទេសម៉ាឡេសុី ធ្វើជារឿងកំប្លែង។នៅក្នុងអំឡុងពេលសម្តែងនៅទីក្រុងញូវយ៉ក តារាកំប្លែងស្រី Chia បាននិយាយលេងសើចទាក់ទងនឹងការផ្តាច់ខ្លួនឆ្នាំ១៩៦៥របស់សិង្ហបុរី ពីម៉ាឡេសុី ដោយលើកឡើងថាសិង្ហបុរីបានជាប្រទេសលំដាប់ទីមួយនៅអាសុី ខណៈម៉ាឡេស៊ីនៅតែជាប្រទេសកំពុងអភិវឌ្ឍនៅឡើយ។

មិនតែប៉ុណ្ណោះនាងក៏និយាយលេងសើចពាក់ព័ន្ធទៅនឹងការធ្លាក់យន្តហោះ MH370 របស់ម៉ាឡេសុីថែមទៀតផងដែរ ដោយនាងនិយាយថា៖” យន្តហោះម៉ាឡេសុី មានអាចហោះហើរបានទេ ពេលធ្វើដំណើរតាមក្រុមហ៊ុនអាកាសចរម៉ាឡរសុី ប្រយ័ត្នយន្តហោះចុះចតខុសព្រលាន”។

ពាក្យមួយឃ្លានេះ គឺសម្តៅទៅលើការធ្លាក់យន្តហោះ MH370 កាលពីថ្ងៃទី៨ ខែមីនា ឆ្នាំ២០១៤កន្លងទៅ ដោយបានឆក់យកជីវិតអ្នកដំណើរ២២៧នាក់។

ប្រជាជនម៉ាឡេស៊ីមានការភ្ញាក់ផ្អើលខ្លាំង បន្ទាប់ពីនាង Chia ដែលជាអ្នកកំប្លែងអាជីពនៅទីក្រុងញូវយ៉ក ធ្វើការលេងសើចលើសពេក ដែលអាចនឹងបំផ្លាញទំនាក់ទំនងរវាងប្រទេសទាំងពីរ។

ជុំវិញករណីនេះ ម៉ាឡេសុី និងសិង្ហបុរី បានធ្វើការថ្កោលទោស និងបិទសិទ្ធមិនឱ្យតារាកំប្លែងរូបនេះវិលចូលប្រទេសវិញនោះទេ ដោយស្នើសុំឱ្យចេញមុខសូមទោសជាសាធារណៈថែមទៀតផងដែរ៕

ប្រភព៖ CNA

ស្ពាន​បេតុង Eshima Ohashi ក្នុង​ប្រទេស​ជប៉ុន ដែល​ភ្ជាប់​ក្រុង Matsue ខេត្ត Shimane ទៅ​កាន់ Sakaiminato ខេត្ត Tottori មាន​សភាព​ចោទ​យ៉ាង​ខ្លាំង។

ស្ពាន Eshima Ohashi មាន​ប្រវែង​សរុប ១,៧​គីឡូម៉ែត្រ និង​ទទឹង ១១,៤​ម៉ែត្រ។ សម្រាប់​អ្នក​ទើប​រៀន​បើកបរ​ថ្មីៗ ប្រហែល​ជា​មិន​អាច​បើក​ឆ្លង​ផុត​ស្ពាន​​​នេះ​បាន​ទេ ដោយសារ​ជម្រាល​ដ៏​ខ្ពស់​គួរឱ្យ​ខ្លាច។

​ស្ពាន​ដ៏​អស្ចារ្យ​នេះ មាន​ជម្រាល ៦,១​ភាគ​រយ​ទៅ​ខាង​ខេត្ត Shimane និង​ជម្រាល ៥,‌១​ភាគរយ​ទៅ​ខេត្ត Tottori ដែល​មើល​ទៅ​ស្រដៀង​នឹង Rollercoaster(ម៉ាស៊ីន​ជិះ​កម្សាន្ត​មាន​ផ្លូវ​ឡើង​ចុះ​ខ្ពស់​ៗ)។ ថ្មី​ៗ​នេះ ស្ពាន Eshima Ohashi បាន​លេច​ឡើង​លើ​ពាណិជ្ជកម្ម​របស់​ក្រុមហ៊ុន​មួយ ដែល​ថត​ធ្វើតេស្ត​សមត្ថភាព​យានយន្ត៕

ប្រទេសជប៉ុន ៖ នៅដើមខែមិថុនា ឆ្នាំ២០២៣ គណៈរដ្ឋមន្ត្រីជប៉ុនបានអនុម័តផែនការបន្ថែមអត្ថប្រយោជន៍ការងារដល់ពលករបរទេសមានជំនាញ ដើម្បីទាក់ទាញឱ្យពលករបរទេសចង់មកធ្វើការនៅប្រទេសជប៉ុន និងដោះស្រាយបញ្ហាខ្វះខាតកម្លាំងពលកម្មផងដែរ ។ លើសពីនេះ ប្រទេសជប៉ុនមានគោលបំណងទាក់ទាញពលករបរទេសមានជំនាញមកធ្វើការនៅប្រទេសរបស់ខ្លួន ស្របពេលមានការប្រកួតប្រជែងរវាងប្រទេសនានានៅលើពិភពលោកផងដែរ ។

កាលពីថ្ងៃទី៩ ខែមិថុនា នាយករដ្ឋមន្ត្រីជប៉ុន លោក Kishida Fumio បានថ្លែងនៅមុនកិច្ចប្រជុំគណៈរដ្ឋមន្ត្រីថា ប្រទេសជប៉ុនត្រូវដោះស្រាយបញ្ហាខ្វះខាតកម្លាំងពលកម្មនៅក្នុងប្រទេស ។ ជប៉ុនចាំបាច់ត្រូវបង្កលក្ខណៈងាយស្រួល និងបរិយាកាសការងារល្អដើម្បីឱ្យពលករបរទេសមើលឃើញថា ជប៉ុនជាប្រទេសមួយគួរឱ្យចង់រស់នៅ និងធ្វើការ ។

វិធានការលើកទឹកចិត្តពលករបរទេសមានជំនាញរបស់រដ្ឋាភិបាលជប៉ុន គឺជាការពង្រីកសិទ្ធិ និងអត្ថប្រយោជន៍ការងារផ្សេងៗសម្រាប់ជនបរទេសមកធ្វើការនៅជប៉ុន ។ កាលពី៤ឆ្នាំមុន ប្រទេសជប៉ុនធ្លាប់បានពង្រីកសិទ្ធិ និងអត្ថប្រយោជន៍ការងារសម្រាប់ពលករបរទេស ដើម្បីផ្តល់ឱកាសឱ្យពលករបរទេសមានជំនាញអាចស្នើសុំស្នាក់នៅប្រទេសជប៉ុន ហើយជប៉ុនអនុញ្ញាតឱ្យពួកគេអាចនាំស្វាមី ឬភរិយា ព្រមទាំងកូនមករស់នៅជប៉ុនទៀតផង ។ ទោះយ៉ាងណា ជប៉ុនអនុញ្ញាតសិទ្ធិស្នាក់នៅសម្រាប់ពលករបរទេសមានជំនាញតែ២ក្រុមប៉ុណ្ណោះ គឺការងារសំណង់ និងការងារលើនាវា ហើយនាពេលកន្លងមក មានពលករបរទេសទទួលបានសិទ្ធិនេះត្រឹមតែ១១នាក់ប៉ុណ្ណោះ ។

មុននេះ សមាជិកមួយចំនួនរបស់គណបក្សប្រជាធិបតេយ្យសេរីបានសម្តែងការបារម្ភថា ការបន្ថែមអត្ថប្រយោជន៍ការងារដល់ពលករបរទេសនេះ នឹងធ្វើឱ្យមានបញ្ហាជនអន្តោប្រវេសន៍មករស់នៅប្រទេសជប៉ុនកាន់តែច្រើន ប៉ុន្តែរដ្ឋាភិបាល និងគណៈរដ្ឋមន្ត្រីជប៉ុនបញ្ជាក់ថា ជប៉ុនកំពុងប្រឈមនឹងបញ្ហាខ្វះខាតកម្លាំងពលកម្មជាខ្លាំង ដូច្នេះ ជប៉ុនត្រូវតែដោះស្រាយបញ្ហានេះជាបន្ទាន់ ៕ ប្រភព ៖ TNN World

បរទេស៖ ក្រពើយក្ស Cassius របស់អូស្ត្រាលី បានជាប់កំណត់ត្រាពិភពលោក Guinness ក្លាយជាក្រពើដ៏ធំជាងគេបំផុតលើពិភពលោកដែលមានប្រវែង ៥.៥ ម៉ែត្រ និងមានអាយុ ១២០ ឆ្នាំ។

យោងតាមប្រភពព័ត៌មាន Live Science នៅថ្ងៃទី ៧ ខែមិថុនា បានឱ្យដឹងថា ក្រពើយក្សទឹកប្រៃ Cassius ត្រូវគេចាប់បានតាំងពីឆ្នាំ ២០១១ នឹងមានដើមកំណើតនៅលើកោះ Green ភាគខាងជើងនៃប្រទេសអូស្ត្រាលី។ យោងតាមអ្នកមើលថែ Cassius បានឱ្យដឹងថា ក្រពើយក្សទឹកប្រៃនេះនៅតែបន្តលូតលាស់ទោះបីជាវាមានអាយុច្រើនក៏ដោយ។

Cassius គឺជាក្រពើយក្សទឹកប្រៃដ៏ធំបំផុតមិនធ្លាប់មាននៅប្រទេសអូស្ត្រាលី។ ជាទូទៅក្រពើចាស់ៗដែលមានអាយុច្រើន តែងតែមានភាពខ្មាស់អៀន និងព្រងើយកន្តើយ។ ផ្ទុយទៅវិញក្រពើយក្សទឹកប្រៃវ័យ ១២០ ឆ្នាំនេះនៅតែជាក្រពើដ៏ស្វាហាប់ និងទាក់ទាញបំផុត។

យោងតាមអង្គការអភិរក្សសត្វព្រៃ Oceana បាននិយាយថា ជាធម្មតាក្រពើទឹកប្រៃមានអាយុច្រើនបំផុតត្រឹមតែជាង ៧០ ឆ្នាំអីនោះទេ។ ប៉ុន្តែទោះជាយ៉ាងណាក៏ដោយ នេះគឺជារឿងអស្ចារ្យបំផុតដែលគេបានរកឃើញ ក្រពើយក្សដែលមានវ័យចំណាស់ជាងគេបំផុតកំពុងតែរស់នៅលើផែនដី៕ ប្រភព៖sanook