រដ្ឋធានីវ៉ាស៊ីនតោន៖ សកម្មភាពរបស់កម្លាំងទាហានស៊ីឈ្នួល Wagner បានបង្កនូវចលនាបះបោរប្រដាប់អាវុធ នៅក្នុងប្រទេសរុស្ស៊ី កំពុងតែធ្វើឲ្យបណ្ដាប្រទេសនានា នៅលើពិភពលោក តាមដានយ៉ាងខ្លាំង ហើយឥឡូវនេះ រដ្ឋាភិបាលក្រុងវ៉ាស៊ីនតោន បានបញ្ជាក់យ៉ាង អំពីការមិនជាប់ពាក់ព័ន្ធនឹងសកម្មភាបទាំងនេះ។

បណ្ដាញទូរទស្សន៍ អារ៉ាប់អន្ដរជាតិ Alarabiya News បានចេញផ្សាយ កាលពីព្រឹក ថ្ងៃអង្គារ ទី២៧ ខែមិថុនា ឆ្នាំ២០២៣ ថា ក្រសួងការបរទេសរបស់សហរដ្ឋអាមេរិក បានសរសេរ នៅក្នុងសេចក្ដីថ្លែងការណ៍របស់ខ្លួន ថា មន្រ្ដីការទូតរបស់សហរដ្ឋអាមេរិក បាននិយាយគ្នា ដោយផ្ទាល់ ជាមួយនឹងរដ្ឋាភិបាលក្រុងមូស្គូ ស្របពេលមានការបះបោរ ត្រូវបានបង្កឡើង ដោយកម្លាំងទាហានស៊ីឈ្នួល Wagner កាលពីថ្ងៃសៅរ៍ ទី២៤ ខែមិថុនា។ ទន្ទឹមគ្នានេះ ក្រុងវ៉ាស៊ីនតោន បានប្រាប់ដល់ភាគីរុស្ស៊ី យ៉ាងច្បាស់ ថា សហរដ្ឋអាមេរិក មិនមានការជាប់ពាក់ព័ន្ធណាមួយ នៅក្នុងវិបត្ដិដ៏ធ្ងន់ធ្ងរចុងក្រោយបំផុត នៅរុស្ស៊ី នោះទេ។

លោក ម៉ាធូ មីលល័រ (Matthew Miller) មន្រ្ដីនាំពាក្យ ក្រសួងការបរទេសសហរដ្ឋអាមេរិក បានប្រាប់ដល់ក្រុមអ្នកកាសែត ថា ឯកអគ្គរដ្ឋទូតរបស់សហរដ្ឋអាមេរិក ប្រចាំនៅរដ្ឋធានីមូស្គូ ប្រទេសរុស្ស៊ី លោកស្រី លីនណេ ត្រាស៊ី (Lynne Tracy) ហើយក្រុមមន្ត្រីសហរដ្ឋអាមេរិក បានទាក់ទងគ្នាជាមួយនឹងស្ថានទូតរុស្ស៊ី ប្រចាំនៅរដ្ឋធានីវ៉ាស៊ីនតោន និង មន្រ្ដីរដ្ឋាភិបាលក្រុងមូស្គូ កាលពីថ្ងៃសៅរ៍ចុងសប្ដាហ៍ កន្លងទៅនេះ ដើម្បីបញ្ជាក់ឲ្យបានច្បាស់ អំពីការមិនជាប់ពាក់ព័ន្ធរបស់សហរដ្ឋអាមេរិក នៅក្នុងសកម្មភាពបះបោរ ត្រូវបានបង្កឡើង ដោយកម្លាំងទាហានឯកជនវ៉ាគណឺររបស់លោក យ៉ែវហ្គេនី ព្រីហ្គោហ្ស៊ីន» ។

ប្រេសិតសហរដ្ឋអាមេរិក រូបនេះ បានបញ្ជាក់ ថា «បញ្ហាជាចម្បង យើងរំពឹងទុកជាមុន ថា ប្រទេសរុស្ស៊ី នឹងនៅតែរក្សានូវកាតព្វកិច្ចរបស់ខ្លួន សម្រាប់កាតព្វកិច្ចរបស់ខ្លួន ការពារដល់ស្ថានទូតរបស់យើង និង ការពារដល់បុគ្គលិកស្ថានទូតរបស់យើង ស្ថិតក្នុងរដ្ឋធានីមូស្គូ។ សហរដ្ឋអាមេរិក បានបញ្ជាក់យ៉ាងច្បាស់ អំពីអ្វីដែលយើងបាននិយាយជាសាធារណៈ ថា ការបះបោរប្រដាប់អាវុធនេះ ជារឿងផ្ទៃក្នុងរបស់ នៅក្នុងប្រទេសរុស្ស៊ី ហើយសហរដ្ឋអាមេរិក មិនជាប់ពាក់ព័ន្ធ នៅក្នុងព្រឹត្ដិការណ៍នេះទេ»៕

ប្រទេសថៃ ៖ មានកសិករម្នាក់រស់នៅខេត្តរាជបុរី ប្រទេសថៃ បានសួរសំណួរមួយក្នុងបណ្តាញសង្គមថា សូមជួយពិចារណាផងថា តើវាមានជំងឺអ្វី ហើយត្រូវថែទាំដូចម្តេចខ្លះ ? ដោយសារទុរេនរបស់ខ្ញុំបានចេញផ្កា និងក្តិបច្រើនណាស់ ប៉ុន្តែជ្រុះវិញអស់ ហើយដើមរបស់វា ក៏មានសភាពទ្រុឌទ្រោមផងដែរ ។

បើតាមកសិករឆ្នើមផ្នែកកសិកម្មនៅប្រទេសថៃ លោក Phitheeraphat Aunjai បានលើកឡើងថា ៖

១-អាការៈជ្រុះផ្លែ និងជ្រុះស្លឹក បើស្លឹករបស់វាមានពណ៌បៃតង គឺបង្ហាញថា ដើមទុរេននេះខ្វះខាតជីប្រភេទ potassium
២-ចំណែកស្លឹកទុរេនជ្រុះវិញ គឺកើតឡើងដោយសារតែអាកាសធាតុក្តៅខ្លាំង និងគ្មានទឹកស្រោចគ្រប់គ្រាន់
៣-ក្នុងករណីស្លឹករបស់វាជ្រុះមកពណ៌លឿង យើងអាចសង្កេតមើលនៅចុងស្លឹក គឺករណីនេះអាចមានសត្វល្អិតបំផ្លាញ ។ លើសពីនេះ យើងក៏ត្រូវពិនិត្យមើលគល់របស់វាផងដែរ ។

វិធីដោះស្រាយ បើយើងច្បាស់លាស់ថា ដើមទុរេនជួបបញ្ហាណាមួយដូចជា ខ្វះខាតជី ទឹកមិនគ្រប់គ្រាន់ ឬវាមានជំងឺផ្សេងៗ យើងត្រូវប្រើប្រាស់ថ្នាំកម្ចាត់សត្វល្អិត និងព្យាបាលដើមរបស់វាឱ្យបានត្រឹមត្រូវ ៕ ប្រភព ៖ kaset kaoklai

ការមានជីវិតរស់នៅយូរអង្វែង គឺជាបំណងប្រាថ្នារបស់មនុស្សគ្រប់រូប ហើយគេសង្កេតឃើញថា មនុស្សភាគច្រើនបានថែទាំសុខភាពដើម្បីឱ្យមានអាយុវែង ខណៈមនុស្សខ្លះទៀតបានប្រើប្រាស់ផលិតផលនានាដើម្បីឱ្យខ្លួនក្មេងជាងវ័យផងដែរ ។ ជាទូទៅ វាពាក់ព័ន្ធនឹងការបរិភោគម្ហូបអាហារប្រចាំថ្ងៃ ការហាត់ប្រាណ និងសម្រាកឱ្យបានគ្រប់គ្រាន់ ។ ប៉ុន្តែការស្រាវជ្រាវមួយបានបង្ហាញពីអាថ៌កំបាំងធ្វើឱ្យមនុស្សមានអាយុវែងជាងមុន គឺការទស្សនាការប្រគំតន្ត្រីជាប្រចាំ ។

O2 គឺជាក្រុមហ៊ុនផ្តល់សេវាកម្មបណ្តាញអ៊ីនធើរណេត និងទូរស័ព្ទគ្មានខ្សែនៅប្រទេសអង់គ្លេស ហើយក្រុមហ៊ុននេះមានឆាកប្រគំតន្ត្រីជាច្រើនកន្លែងនៅទូទាំងប្រទេសអង់គ្លេស ។ ក្រុមហ៊ុន O2 បានសហការជាមួយ Patrick Fagan អ្នកឯកទេសផ្នែកវិទ្យាសាស្ត្រអាកប្បកិរិយា ដើម្បីស្រាវជ្រាវពីឥរិយាបថការទស្សនាតន្ត្រីរបស់មនុស្ស ហើយពួកគេរកឃើញថា ការទស្សនាតន្ត្រីមានការពាក់ព័ន្ធនឹងការបង្កើនអាយុ ។

ក្រុមអ្នកស្រាវជ្រាវបានសាកល្បងដោយការវាស់ចង្វាក់បេះដូង ហើយលទ្ធផលបង្ហាញថា ការទៅទស្សនាការប្រគំតន្ត្រីរយៈពេល២០នាទី នឹងធ្វើឱ្យគុណភាពជីវិតល្អប្រសើរឡើងរហូតដល់២១% ។ លើសពីនេះ ការទស្សនាការប្រគំតន្ត្រីរៀងរាល់២សប្តាហ៍ម្តង អាចនឹងជួយឱ្យអ្នកទស្សនាមានសេចក្តីសុខ ស្រស់ស្រាយ បន្ធូរអារម្មណ៍តានតឹង និងកាន់តែមានទំនុកចិត្តខ្ពស់លើខ្លួនឯងជាងមុន ជាពិសេស ធ្វើឱ្យមានអាយុវែងជាងមុនរហូតដល់ទៅ៩ឆ្នាំ ។ បើគេប្រៀបធៀបទិន្នន័យដូចគ្នាជាមួយការធ្វើសកម្មភាពផ្សេងៗឃើញថា ការហាត់យូហ្គាអាចជួយបង្កើនអាយុត្រឹមតែ១០% ចំណែកការនាំឆ្កែដើរលេង អាចជួយបង្កើនអាយុត្រឹមតែ៧% ។

នាយកគ្រប់គ្រងផ្នែកទីផ្សាររបស់ក្រុមហ៊ុន O2 លើកឡើងថា បើគេបានទស្សនាការប្រគំតន្ត្រីដោយផ្ទាល់ ឬទស្សនាសិល្បៈនានាដែលខ្លួនចូលចិត្ត នឹងធ្វើឱ្យមានអារម្មណ៍ល្អជាងមុន ។ ការស្រាវជ្រាវនេះ គឺជាការពិសោធន៍ដ៏ល្អមួយថា បើទោះជាត្រូវចំណាយប្រាក់ច្រើនក្នុងការទិញសំបុត្រចូលមើលតន្ត្រីក្តី ប៉ុន្តែសម្រាប់មនុស្សមួយចំនួនវាមានតម្លៃណាស់ ព្រោះពួកគេនឹងទទួលបានអារម្មណ៍ល្អ និងមានអាយុវែងទៀតផង ៕ ប្រភព ៖ TNN Health

ប្រទេសចិន៖ ប្រទេសចិនបានចាប់ផ្តើមសាងសង់កប៉ាល់រុករកវត្ថុបុរាណ និងវិទ្យាសាស្ត្រក្នុងជម្រៅទឹកដ៏ជ្រៅបំផុតរបស់ខ្លួននៅទីក្រុង Guangzhou ខេត្ត Guangdong កាលពីថ្ងៃទី ២៥ ខែមិថុនា។
យោងតាមសារព័ត៌មាន CGTN របស់ចិនបានឱ្យដឹងថា ការសាងសង់កប៉ាល់រុករកវត្ថុបុរាណក្នុងទឹកនេះ ត្រូវបានធ្វើឡើងដោយក្រុមហ៊ុន Guangzhou International Shipyard (GSI)។ កប៉ាល់ថ្មីនេះដែលមានប្រវែងរចនាប្រហែល ១០៣ ម៉ែត្រ និងមានទម្ងន់ ៩,២០០ តោន អាចផ្ទុកមនុស្សបានចំនួន ៨០ នាក់ និងធ្វើដំណើរក្នុងល្បឿនប្រហែល ៣០ គីឡូម៉ែត្រក្នុងមួយម៉ោង ជាមួយនឹងការគ្របដណ្តប់ក្នុងជម្រៅទឹកចម្ងាយ ២៧,៧៨០ គីឡូម៉ែត្រ។

គោលបំណងនៃការសាងសង់កប៉ាល់ថ្មីនេះ គឺដើម្បីរុករកវត្ថុបុរាណក្នុងជម្រៅទឹកដ៏ជ្រៅបំផុត នឹងជាយានជំនិះថ្មីអាចធ្វើដំណើរក្នុងសមុទ្រ ផ្តល់ការគាំទ្រប្រតិបត្តិការដ៏ទូលំទូលាយ និងដឹកជញ្ជូនទំនិញធ្ងន់ៗដោយសុវត្ថិភាព រួមជាមួយសមត្ថភាពបំបែកទឹកកកនៅតំបន់ប៉ូលក្នុងរដូវក្តៅផងដែរ។

អ្នកជំនាញរំពឹងថា កប៉ាល់នឹងនាំយកមកវិញនូវសំណាកគំរូ និងទិន្នន័យបរិស្ថានដែលត្រូវការដើម្បីសិក្សាពីបញ្ហាទាក់ទងនឹងភូគព្ភសាស្ត្រសមុទ្រជ្រៅ វិទ្យាសាស្ត្រជីវិត និងគាំទ្រប្រតិបត្តិការក្រោមទឹកសម្រាប់បុរាណវិទ្យាទឹកជ្រៅ។គួរបញ្ជាក់ដែរថា ការស្រាវជ្រាវថ្មីនេះពិតជាមានសារសំខាន់ក្នុងការពង្រឹងអំណាចរបស់ប្រទេសចិនក្នុងសកម្មភាពនៅសមុទ្រជ្រៅ ដូចជាការស្រាវជ្រាវផ្នែកបុរាណវិទ្យា និងការមុជទឹកជ្រៅដោយគ្មាន mannequin ជាដើម ហើយត្រូវបានគេរំពឹង នឹងចាប់ផ្តើមដំណើរការដំបូងក្នុងសមុទ្រនៅឆ្នាំ ២០២៥ ផងដែរ៕ ប្រភព៖vnexpress

ប្រទេសហ្វាំងឡង់ ៖ អ្នកណាចង់នៅស្ងៀមស្ងាត់ ហើយអាចសម្រាកលំហែកាយដោយមិនចាំបាច់ខ្លាចថា មានការងារផ្ញើមកឱ្យធ្វើនៅថ្ងៃឈប់សម្រាក ពួកគេអាចមកកម្សាន្តនៅកោះមួយឈ្មោះ Ulko-Tammio ស្ថិតនៅឈូងសមុទ្រខាងលិចនៃឧទ្យានជាតិប្រទេសហ្វាំងឡង់ ។ ភ្ញៀវទេសចរមកកម្សាន្តនៅកោះនេះនឹងបានសម្រាកលំហែកាយជាមួយធម្មជាតិពិតៗ និងគ្មានសំឡេងរំខាន ។

Ulko-Tammio គឺជាកោះដំបូងគេនៅលើពិភពលោក ដែលមិនអនុញ្ញាតឱ្យភ្ញៀវទេសចរប្រើប្រាស់ទូរស័ព្ទដាច់ខាត ។ អ្នកធ្វើដំណើរមកកម្សាន្តនៅកោះនេះត្រូវបិទទូរស័ព្ទរបស់ខ្លួនជាមុនសិន ដើម្បីឱ្យការកម្សាន្តរបស់ពួកគេរីករាយជាមួយធម្មជាតិ និងអាចសម្រាកលំហែកាយដោយមិនចាំបាច់បារម្ភថា មានការបង្ហោះព័ត៌មានអ្វីក្នុងបណ្តាញសង្គម ឬមានការងារផ្ញើមកក្នុងថ្ងៃសម្រាក ។

ទោះយ៉ាងណា នៅលើកោះនេះក៏មានសេវាទូរស័ព្ទ និងអ៊ីនធើរណេតដូចកន្លែងទូទៅដែរ ប៉ុន្តែគេគ្រាន់តែចង់ឱ្យភ្ញៀវទេសចរបានទស្សនាធម្មជាតិដ៏ស្រស់ស្អាត ជាពិសេស ធម្មជាតិនៅលើកោះ Ulko-Tammio ។ ភ្ញៀវទេសចរមកកម្សាន្តនៅកោះនេះនឹងបានឃើញសត្វស្លាប និងរុក្ខជាតិកម្រមានជាច្រើនប្រភេទ ។ លើសពីនេះ នៅលើកោះមានផ្លូវសម្រាប់ដើរកម្សាន្តនៅក្នុងព្រៃ មានផ្ទះស្នាក់នៅតូចៗ និងមានទីវាលទូលាយសម្រាប់ឱ្យភ្ញៀវទេសចរបោះបង់ទៀតផង ។

អ្នកចិត្តវិទ្យាម្នាក់ឈ្មោះ Terhi Mustonen លើកឡើងថា ការមកសម្រាកលំហែកាយនៅលើកោះដោយមិនប្រើប្រាស់ទូរស័ព្ទ នឹងជួយឱ្យយើងមានសុខភាពកាយ និងចិត្តរឹងមាំ ព្រមទាំងអាចកាត់បន្ថយភាពស្ត្រេសបាន ៕ ប្រភព ៖ environman

បរទេស៖ អ្នកវិទ្យាសាស្ត្រ អ៊ីស្រាអែល បានរកឃើញមកុដដ៏ចំណាស់ជាងគេបំផុតរបស់ពិភពលោក ដែលមានអាយុ ៦,០០០ ឆ្នាំ នៅក្នុងរូងភ្នំនៃវាលខ្សាច់ Judea។
យោងតាមប្រភពព័ត៌មាន Ancient Origins កាលពីថ្ងៃទី២៥ ខែមិថុនា បានឱ្យដឹងថា ការរកឃើញមកុដដ៏កម្រនេះ គឺជាវត្ថុបុរាណដ៏អស្ចារ្យមួយក្នុងចំណោមវត្ថុបុរាណជាង ៤០០ ដែលត្រូវបានរកឃើញនៅក្នុងរូងភ្នំនៃវាលខ្សាច់ Judea ប្រទេសអ៊ីស្រាអែល។ បច្ចុប្បន្នវត្ថុបុរាណដ៏កម្រនេះបានក្លាយជាកម្មសិទ្ធរបស់សារៈមន្ទី Nahal Mishmar។

ការពាក់មកុដគឺជានិមិត្តសញ្ញាជាក់ស្តែងនៃស្ថានភាព និងឥទ្ធិពលរបស់តួអង្គនោះនៅក្នុងសង្គម ឬជាផ្នែកមួយនៃពិធីសាសនា និងព្រឹត្តិការណ៍សំខាន់ៗ។ មកុដ គឺតំណាងឱ្យអំណាច កម្លាំង និងភាពជាអ្នកដឹកនាំ។ ធាតុនេះអាចត្រូវបានផ្សារភ្ជាប់ជាមួយនឹងបុគ្គលដែលមានឋានៈខ្ពស់ដូចជាអ្នកគ្រប់គ្រង ស្តេច ឬឥស្សរជនសាសនាជាដើម។
អ្នកជំនាញបុរាណវិទ្យាលោក Pessah Bar-Adon ជឿថាមកុដបុរាណដ៏កម្រនេះត្រូវបានដើរតួនាទីយ៉ាងសំខាន់នៅក្នុងពិធីបញ្ចុះសពរបស់មនុស្សដ៏កំពូលក្នុងសម័យនោះ។

គួរបញ្ជាក់ដែរថា សារៈមន្ទី Nahal Mishmar បច្ចុប្បន្នមានវត្ថុបុរាណសរុបចំនួន ៤៤២ រួមមាន ក្បាលមេកានិកចំនួន ២៤០ ដំបងឆក់ ១០០ មកុដ ស្នែងកាំភ្លើង ប្រដាប់ប្រដា អាវុធធ្វើពីលង្ហិន ភ្លុក និងថ្ម។ វត្ថុបុរាណផ្សេងទៀតរបស់ Nahal Mishmar ទំនងជាត្រូវបានប្រើប្រាស់នៅក្នុងពិធីសាសនាទាក់ទងនឹងការបរបាញ់ ការស៊ីស្មៅ កសិកម្ម និងការការពារ។ ទម្ងន់ និងតម្លៃដ៏អស្ចារ្យនៃវត្ថុបុរាណលង្ហិននេះបានបង្ហាញពីភាពមានតម្លៃនៃទង់ដែងនៅក្នុងសង្គមបុរាណ៕ ប្រភព៖vnexpress