តែអ៊ូឡុង គឺជាតែបុរាណរបស់ចិនដែលមានប្រវត្តិយូរណាស់មកហើយ។ បច្ចុប្បន្នតែអ៊ូឡុង មិនសូវមានអ្នកនិយមទទួលទាននោះទេ។ ទោះជាយ៉ាងណាក៏ដោយតែអ៊ូឡុង ពិតជាមានអត្ថប្រយោជន៍ចំពោះសុខភាពរបស់យើងខ្លាំងណាស់។ ដូច្នេះហើយថ្ងៃនេះ KBN News សូមរៀបរាប់អំពីអត្ថប្រយោជន៍ដ៏អស្ចារ្យរបស់តែអ៊ូឡុង ដែលមានប្រសិទ្ធភាពការពារជំងឺផ្សេងៗដូចជា៖
១.ការពារជំងឺមហារីក៖ យោងតាមការសិក្សាបានឱ្យដឹងថា ការផឹកតែ oolong មួយពែងក្នុងមួយថ្ងៃ អាចជួយកាត់បន្ថយ ៤% នៃហានិភ័យជំងឺមហារីកបានយ៉ាងមានប្រសិទ្ធភាព។
២.ជួយពង្រឹងឆ្អឹង និងធ្មេញ៖ តែអ៊ូឡុងក៏ជាប្រភពសម្បូរទៅដោយហ្វ្លុយអូរីត និងមានសារធាតុប្រឆាំងអុកស៊ីតកម្មដែលអាចជួយពង្រឹងស្រទាប់ធ្មេញរបស់យើងឱ្យរឹងមាំបាន។
៣.ជំរុញមុខងារខួរក្បាល៖ យោងតាមការស្រាវជ្រាវបានបង្ហាញថា ប្រភេទអាស៊ីតអាមីណូដែលមាននៅក្នុងតែអ៊ូឡុង អាចធ្វើអោយមុខងារខួរក្បាលប្រសើរឡើង និងបំបាត់ការថប់បារម្ភ រួមចំណែកក្នុងការរក្សាមុខងារខួរក្បាល និងការពារជំងឺភ្លេចភ្លាំង។
៤.ស្រកទម្ងន់៖ តែអ៊ូឡុងមានបរិមាណជាតិខ្លាញ់កាឡូរីតិច ដូច្នេះការទទួលទានតែ oolong ៣០០ មីលីលីត្រ ៤ ដងក្នុងមួយថ្ងៃ រួមផ្សំនិងការហាត់ប្រាណផងនោះ អាចជួយឱ្យអ្នកស្រកទម្ងន់លើសពី ១ គីឡូក្រាមក្នុងរយៈពេលមួយសប្តាហ៍។
៥.ថែរក្សារសុខភាពបេះដូង៖ យោងតាមការសិក្សាបានរកឃើញថា អ្នកដែលផឹកតែ oolong យ៉ាងហោចណាស់ ១០ ពែងតូចក្នុងមួយសប្តាហ៍ អាចជួយកាត់បន្ថយជំងឺបេះដូង ការពារបេះដូងរបស់យើងឱ្យរឹងមាំ និងមានសុខភាពល្អ៕ ប្រភព៖sanook
