តារាចម្រៀង ថុល សុភិទិ បង្ហាញអារម្មណ៍រំភើបចិត្តខ្លាំងបន្ទាប់ពីបទចម្រៀងរបស់លោកទទួលបានការគាំទ្រខ្លាំងពីសំណាក់មហាជនមានអ្នកទស្សនាខ្ទង់លានដង(M Views) សឹងតែគ្រប់បទនៅលើឆាណែលយូធូបរស្មីហង្សមាស ក្នុងនោះមានមួយបទមានចំណងជើងថា «មួយឆាវ» កើនដល់១៣M។ មិនត្រឹមតែអាជីពសិល្បៈជោគជ័យទេ ងាកទៅកាន់ជីវិតគូវិញភិទិ និង ម៉ានីន កាន់តែផ្អែមល្ហែម បើទោះជាបើកចំហចំណងស្នេហ៍ក្តីតារាចម្រៀងរូបនេះមិនធ្លាក់ប្រជាប្រិយឡើយ។

ជឿជាក់មហាជនស្គាល់ហើយតារាចម្រៀង ថុល សុភិទិ ជាតារាចម្រៀងមួយរូបរបស់ផលិតកម្មហង្សមាសដែលកើតចេញពីការប្រលងកម្មវិធីលំដាប់ពិភពលោក Cambodian Idol រដូវកាលទី៤ ខណៈអំឡុងពេលប្រកួតតារាចម្រៀងរូបនេះទទួលបានទាំងការសរសើរនិងមតិរិះគន់ជាច្រើន។

ឆ្លងផុតមួយដំណាក់កាលនៃការប្រលង ភិទិ ត្រូវប្រឈមជាមួយរឿងអាស្រូវថ្មីនោះគឺការបើកចំហចំណងស្នេហ៍ជាមួយអ្នកលក់អនឡាញ ឡុង ម៉ានីន ដោយសារតែនាងជាស្រីមេម៉ាយ ធ្វើឱ្យហ្វេនៗ ភិទិ មួយចំនួនធំបង្ហាញការមិនគាំទ្រនិងរិះគន់ចំណងស្នេហ៍ពួកគេ រហូតខាងស្រីបានប្រកាសជាសាធារណៈបញ្ចប់ទំនាក់ទំនង ទោះបីជា ភិទិ បានបង្ហាញគោលជំហរ សុំឱ្យហ្វេនរបស់ខ្លួនគាំទ្រការសម្រេចចិត្តរបស់លោកក៏ដោយ។

រឿងអាស្រូវស្នេហាបញ្ចប់ទៅមួយរយៈពេលខ្លី ទីបំផុត ភិទិ និងគូស្នេហ៍ ឡុង ម៉ានីន បានជម្នះវិលមកស្រលាញ់គ្នាម្តងទៀតថែមទាំងផ្អែមល្ហែមលើសដើម និងបើកចំហគ្រប់ពេលវេលា ហើយក៏ជាតារាប្រុសម្នាក់ដែលមិនលាក់បាំងជីវិតស្នេហាដូចតារាមួយចំនួនឡើយ។
ស្នេហាក៏សមប្រកប ងាកមកកាន់វិថីសិល្បៈវិញ ភិទិ មានភាពជោគជ័យខ្លាំងបើទោះបីជាមិនមែនជាម្ចាស់ពានក្តីរាល់បទចម្រៀងរបស់លោកភាគច្រើនមានការគាំទ្រខ្លាំងផ្ទុះសឹងតែគ្រប់បទ។ ជាក់ស្តែង កាលពីយប់ថ្ងៃទី២៦ ខែមិថុនា តារាចម្រៀងរូបនេះបានបង្ហាញអារម្មណ៍រំភើបចិត្តខ្លាំងព្រមទាំងមិនភ្លេចអរគុណយ៉ាងធំធេងដល់មហាជន លោកគ្រូភ្លេង ដែលធ្វើឱ្យបទចម្រៀងរបស់លោកចុងក្រោយនេះមានការទស្សនារាប់លានដង។

ក្នុងនោះ តារាចម្រៀង ថុល សុភិទិ បានបង្ហាញបទចម្រៀងផ្ទុះខ្លាំងចុងក្រោយនេះមានដូចជា ៖
1.មួយឆាវ (13M) 2.ពេលនេះឆ្នាំមុន (6.1M) 3.ស្រលាញ់រកតែប្រុសបោក (3.9M)
4.ស្មោះទ្រង់ទ្រាយធំ (3.8M) 5.ឆ្លងឆ្នាំយប់នេះខ្ញុំខូចចិត្តបំផុត (3.8M) 6.One night (621k)
7.ឆ្នាំនេះខ្ញុំមានសង្សាដូចគេហើយ (570k) និងបទ [អ្នកក្រោយ] ទទួលបាន 1M view រយៈពេល៤ថ្ងៃ ។ បន្ថែមពីលើនេះ ថុល សុភិទិ ក៏បង្ហើបថាលោកនឹងមានបទចម្រៀងថ្មីជូនជាកាដូរសម្រាប់មហាជនក្នុងពេលឆាប់ៗនេះបន្តទៀត ផងដែរ៕

លោក យិន ហេង ហៅ ចំប៉ីខ្មៅ បានបង្ហោះវីដេអូចង់ឱ្យជំទាវ ចន ច័ន្ទលក្ខណា ហៅអ្នកប្រូម៉ូតផលិតផលហូបទុរេនដៀលអ្នកស្រែ Live សូមទោសជាសាធារណៈមានទាំងមេធាវីផងដូចទៅរឿងរបស់ខ្លួនកាលពីឆ្នាំ២០១៨ ដើម្បីកុំឱ្យមានភាពលម្អៀងអនុវត្តន៍ប្រកបដោយតម្លាភាព ព្រមទាំងបានបញ្ជាក់ថាមិនមែនជាការឌឺដងផ្លែផ្កាឡើយគ្រាន់តែចង់បានភាពយុត្តិធម៌សម្រាប់ខ្លួនតែប៉ុណ្ណោះ។

មហាជនមួយចំនួនធំស្គាល់មកហើយថា ចំប៉ីខ្មៅ ជាបុគ្គលម្នាក់ដែលមានអ្នកស្គាល់ច្រើននៅលើបណ្តាញសង្គម ខណៈកាលពីដើមខែមិថុនា លោកក៏បញ្ចប់ការសិក្សាផ្នែកច្បាប់ផងដែរបន្ទាប់ពីឆ្លងកាត់រឿងខ្មៅងងឹតឆ្នាំ២០១៩ ត្រូវជាប់ទោសទណ្ឌ។

អ្វីគួរឱ្យចាប់អារម្មណ៍ ថ្មីៗនេះនៅលើបណ្តាញសង្គម ចំប៉ីខ្មៅ បានរម្លឹករឿងរបស់ខ្លួនជាមួយជំទាវ ចន ច័ន្ទលក្ខណា ប្រធានសិល្បករកម្ពុជា ជុំវិញរឿងកាលពីឆ្នាំ២០១៨ជាមួយឧកញ៉ា ហេង ឡុង ដែលបាននាំខ្លួនLive សូមទោសមហាជនមានទាំងលោកស្រី ធី សុវណ្ណថា ចង់ប្តឹងរឿងដែល ចំប៉ីខ្មៅ និយាយប្រមាថឈុតតំណាងជាតិ “ទេពីស្រីសួគ៌ឦសានបុរៈ” ខណៈការ Live កាលពីថ្ងៃទី១៩ ខែតុលា ឆ្នាំ២០១៨មានទាំងមេធាវីផងដែរ។

ចំប៉ីខ្មៅ បាននិយាយថា «ចង់ឱ្យ អ្នកនាង ចន ច័ន្ទ ហៅអ្នកប្រូម៉ូតផលិតផលហូបទុរេនដៀលអ្នកស្រែ មហាជនពេញប្រទេសប្រតិកម្មនិងមិនទទួលការសូមទោសរបស់បុគ្គលនោះមក Live សូមទោសជាសាធារណៈមានទាំងមេធាវីផងធ្វើឱ្យដូចកាលចាប់ខ្លួនLive កាលពីឆ្នាំ២០១៨ »។
ក្នុងនោះ ចំប៉ីខ្មៅ ក៏បញ្ជាក់បន្ថែមថាការស្នើរបស់ខ្លួនដែលចង់ឱ្យអ្នកបានប្រើពាក្យដៀលអ្នកស្រែមកLiveនេះមិនមែនចង់ឌឺដង ផ្លែផ្កាឱ្យជំទាវ ចន ច័ន្ទ ឡើយគឺគ្រាន់តែចង់ឱ្យមានការអនុវត្តន៍ដូចគ្នាដោយមិនមានភាពលម្អៀងតែប៉ុណ្ណោះមិនមែនអនុវត្តស្ដង់ដារ២ផ្សេងគ្នា រវាងអ្នកក្រគ្មានស័ក្កិយសនិង អ្នកមាន ស្ថិតក្នុងសង្គមតែមួយឡើយ៕

ទីបំផុតពាក្យចចាមអារ៉ាមស្នេហារវាងតារាចម្រៀង វណ្ណដា និងស្រីស្អាត ឡូរីន បានក្លាយជាការពិតហើយក្រោយពីតារាប្រុសរូបនេះហ៊ានទម្លាយរូបថតជាគូជាមួយគ្នាបង្ហោះនៅStory Facebook ផ្អើលទាំងល្ងាចតែម្តង ខណៈរូបភាពដែល វណ្ណដា បង្ហោះបិទម៉ាស់ជាប់ដៃមនុស្សស្រី និងជាប់សក់ អ្នកគាំទ្រសន្និដ្ឋានថាក៏ជាស្រីស្អាតឡូរីនដែរ។

ដូចមហាជនជ្រាបមកហើយថាកន្លងមកនេះពាក្យចចាមអារ៉ាមស្នេហាតារាចម្រៀង ម៉ាន់ វណ្ណដា និង ស្រីស្អាត ឡូរីន មានស្រុកកំណើតនៅខេត្តព្រះសីហនុដូចគ្នា ផ្ទុះកក្រើកយ៉ាងខ្លាំង ខណៈគេចាប់បានដំរួយជាច្រើនដែលពួកគេបណ្តើរគ្នានៅតាមទីផ្សារសាធារណៈរួមទាំងនៅក្នុងផ្សារទំនើបជាដើម។

ទីបំផុតគ្រប់យ៉ាងបានក្លាយជាការពិតហើយទោះបីជាមិននិយាយពេញមាត់ថាជាគូស្នេហ៍ តែនៅល្ងាចថ្ងៃទី២៧ ខែមិថុនា នេះ វណ្ណដា បានបង្ហោះ Story រូបភាពគូជាមួយស្រីស្អាត ឡូរីន បង្កឱ្យមានភាពភ្ញាក់ផ្អើលជាខ្លាំងទាំងល្ងាចតែម្តង។ ជាមួយការបង្ហោះ Story ជាមួយ ឡូរីន វណ្ណដា ក៏បានបង្ហោះរូបភាព២សន្លឹកបិទម៉ាស់ផងដែរនៅលើបណ្តាញសង្គមដែលជាប់ដៃមនុស្សស្រី និងរូបភាពគេងកើយទ្រូង ហើយហ្វេនៗក៏សន្និដ្ឋានថានារីក្នុងរូបនោះក៏ជា ឡូរីន ដូចគ្នា។

រូបភាពទាំងអស់នេះហើយបញ្ជាក់យ៉ាងច្បាស់ថា ពួកគេទាំងពីរនាក់ពិតជាផ្តើមស្នេហ៍ជាមួយគ្នាពិតមែន ដោយអ្នកគាំទ្រខ្លះបង្ហាញការសប្បាយចិត្ត និងអ្នកខ្លះទៀតសម្តែងអារម្មណ៍ឈឺចិត្តស្អិតទ្រូងក្នុងន័យលេងសើចផងដែរ ពេលឃើញអាយដលរបស់ខ្លួនមានស្នេហា។ ចំណែកឯគូស្នេហ៍ថ្មីរបស់ វណ្ណដា រូបនេះក៏ទទួលបានការគាំទ្រពីសំណាក់ហ្វេនៗដូចគ្នាព្រោះនាងមិនត្រឹមតែមានសម្រស់ស្អាតទេថែមទាំងចេះធ្វើម្ហូបបានយ៉ាងជំនាញដែលជាចំណុចមួយ វណ្ណដា ធ្លាប់បាននិយាយថាចង់បានគូអនាគតពូកែធ្វើម្ហូប៕

អ្នកមួយចំនួននៅមិនភ្លេចទេថា ចាន់ ស្រីខួច គឺជាអតីតបេក្ខភាព The Voice Kid Cambodia រដូវកាលទី១។ យ៉ាងណាមិញ ភ្លេចៗខ្លួនពេលនេះក្មេងស្រីរូបនេះមានរូបសម្រស់ស្រស់ស្អាតខ្លាំងធំពេញក្រមុំ ហើយនិយមលេងខ្លួនបញ្ចេញស្ទាយ៍ស៊ិចស៊ីយ៉ាងទាក់ភ្នែកធ្វើឱ្យកំលោះៗជ្រួលច្របល់មិនស្ទើរទេ។

រម្លឹកទៅឆ្នាំ២០១៧ ចាន់ ស្រីខួច មានវ័យ១២ឆ្នាំបានចូលរួមប្រកួតប្រជែងក្នុងកម្មវិធីលំដាប់ពិភពលោក The Voice Kid Cambodia រដូវកាលទី១ ខណៈបងស្រីនាងក៏ជាអ្នកសិល្បៈមួយរូបផងដែរ។ អ្វីដែលគួរឱ្យកត់សម្គាល់ ភ្លេចខ្លួនតែមួយភ្លែត ចាន់ ស្រីខួច ប្រែសម្រស់ស្រស់ស្អាតខ្លាំងធំពេញក្រមុំស្តូកតែម្តងថែមទាំងមានរូបរាងស្រឡូនស្អាតដែលមនុស្សស្រីជាច្រើនប៉ងប្រាថ្នា។

ទន្ទឹមនឹងមានភាពស្រស់ស្អាត ចាន់ ស្រីខួច ក៏ក្តោបឱកាសការងារសិល្បៈជាបន្តបន្ទាប់មិនត្រឹមតែចូលរួមកម្មវិធីប្រគំតន្រ្តី កម្មវិធីផ្សេងៗទៀត ជាពិសេសតារាស្រីរូបនេះមានឱកាសថតប្រូម៉ូតផលិតផលជាមួយតារាចម្រៀងរ៉េប វណ្ណដា រហូតធ្លាយពាក្យចចាមអារ៉ាមថាពួកគេមានទំនាក់ទំនងជាមួយគ្នាទៀតផងដោយសារតែពួកគេសិទ្ធិស្នាលគ្នាខ្លាំងអំឡុងពេលថតពាណិជ្ជកម្មកាលពីចុងឆ្នាំ២០២២ តែយ៉ាងណាពាក្យចចាមអារ៉ាមនេះក៏រសាត់ទៅតាមពេលវេលាដូចគ្នា។

ជាមួយគ្នានេះដែរ ទន្ទឹមមានសម្រស់គួរជាទីប៉ងប្រាថ្នា ងាកទៅកាន់ការតុបតែងខ្លួនវិញតារាស្រីវ័យ១៨ឆ្នាំរូបនេះនិយមលេងខ្លួនស៊ិចស៊ី មានភាពទាក់ទាញខ្លាំង ហើយជឿជាក់ថាមានកំលោះច្រើនណាស់ប៉ងប្រាថ្នារូបនាងជាគូស្នេហ៍ ខណៈពេលនេះបេះដូង ស្រីខួច មិនទាន់បើកចំហចំណងស្នេហ៍ឡើយ៕