អតីតអ្នកប្រដាល់ឆ្នើម អេ ភូថង ដែលជាអ្នកគ្រប់គ្រងក្លិបប្រដាល់ អេភូថង គុនខ្មែរ តាំងពីដៃទទេរហូតក្លាយជាក្លិបធំមួយមានកូនសិស្សឆ្នើមៗច្រើនរូបឡើងចេញទៅវាយលើឆាកអន្តរជាតិ។
ប៉ុន្តែមួយរយៈពេលចុងក្រោយ ពីលោកធ្លាក់ខ្លួនឈឺ ក៏បានជួបការលំបាកជាច្រើនទាំងហិរញ្ញវត្ថុ និងការរក្សាកីឡាករឱ្យស្ថិតនៅ កុំឱ្យទៅក្លិបផ្សេងគឺជាការលំបាកជាខ្លាំង ដល់ថ្នាក់លោកចង់លក់ក្លិបឱ្យទៅអ្នកដទៃថែមទៀត។
ប៉ុន្តែការប្រឹងប្រែងតស៊ូលះបង់ដើម្បីគុនខ្មែរស្ទើរមួយជីវិតទៅហើយនោះ លោក អេ ភូថង មិនត្រូវបានគេមើលរំលងឡើយ។ ពេលនេះអ្នកឧកញ៉ា ឡេង ណាវ៉ាត្រា ម្ចាស់ក្រុមហ៊ុន ហ្គាឡាក់ស៊ី ណាវ៉ាត្រា បានសម្រេចទទួលយកក្លិបរបស់លោក អេ ភូថង ដោយរក្សាឈ្មោះដដែលគឺ “ហ្គាឡាក់ស៊ី ណាវ៉ាត្រា អេភូថងក្លិប”៕
