លោកជំទាវ ហ៊ុន ស៊ីណាត បាន Live នៅលើទំព័រហ្វេកប៊ុកកាលពីម្សិលមិញនេះឆ្លើយតបទៅអ្នកគាំទ្ររបស់ចំប៉ីខ្មៅមួយចំនួនជុំវិញរឿងលោកជំទាវបានផ្តាំផ្ញើថាបុគ្គលហូបទុរេនដៀលអ្នកស្រែជំទាវ ចន ច័ន្ទ គ្មានសិទ្ធិហៅមក Live នោះទេគឺខាងក្រសួងវប្បធម៌ និងរឿងការដាក់ញត្តិជាដើម។ ប៉ុន្តែរឿងនេះក៏ត្រូវហ្វេនៗរបស់ចំប៉ីខ្មៅវាយបកទៅវិញថាមានភាពលម្អៀង។ លោកជំទាវមានប្រសាសាន៍ថាការផ្តាំផ្ញើបែបនេះព្រោះមានបំណងល្អចំពោះចំប៉ីខ្មៅ និងរឿងហែញត្តិជាដើម ក្នុងនាមជាមនុស្សចាស់ដឹងខុសត្រូវមិនចង់ឱ្យចំប៉ីខ្មៅធ្វើហួសព្រំដែនទាំងដែលខ្លួនជាធនធានខាងផ្នែកច្បាប់នោះទេ។

មហាជនមួយចំនួនដែលតាមដានរឿងចំប៉ីខ្មៅជ្រាបមកហើយថា ជុំរិញរឿងស្នើឱ្យប្រធានសមាគមសិល្បករអ្នកនាង ចន ច័ន្ទលក្ខណា ហៅបុគ្គលដៀលអ្នកស្រែឱ្យមក Liv eសូមទោសមហាជនជាសាធារណៈដូចខ្លួនកាលពីឆ្នាំ២០១៨ ត្រូវបានលោកជំទាវ ហ៊ុន ស៊ីណាត ផ្តាំផ្ញើទៅចំប៉ីខ្មៅថារឿងនេះគឺខាងក្រសួងវប្បធម៌ ក្រុមប្រឹក្សាវិន័យនិងលើកសរសើរជាអ្នកចាត់ចែង ចន ច័ន្ទលក្ខណា មិនមានសិទ្ធិនោះទេ។ រឿងដែលលោកជំទាវផ្តាំផ្ញើនេះដែរក៏ត្រូវហ្វេនៗរបស់ចំប៉ីខ្មៅបានបញ្ចេញមតិជាច្រើននៅលើសារព័ត៌មាន KBN News ថាមានភាពលំអៀង ដោយសារចំប៉ីខ្មៅគ្មានខ្សែទើបជួបរឿងអយុត្តិធម៌បែបនេះ និងការបញ្ចេញមតិជាច្រើនទៀត។

ជុំវិញមតិរិះគន់ថាមានភាពលម្អៀងនេះដែរលោកជំទាវ ហ៊ុន ស៊ីណាត បាន Live នៅលើហ្វេកប៊ុកថ្ងៃទី៤ ខែកក្កដា ឆ្នាំ២០២៣ ផ្តាំផ្ញើទៅអ្នកគាំទ្ររបស់ចំប៉ីខ្មៅថា កុំនាំឱ្យចំប៉ីខ្មៅកាន់តែផុងជ្រៅខុសដោយមិនដឹងខ្លួនតទៅទៀត។
នៅក្នុងការ Live លោកជំទាវថា ការដែលខ្លួនបានផ្តាំផ្ញើទៅចំប៉ីខ្មៅថា ចន ច័ន្ទលក្ខណា គ្មានតួនាទីហៅបុគ្គលដៀលអ្នកស្រែមកLiveសូមទោសនោះគឺលោកជំទាវបានទាក់ទងទៅខាងក្រសួងពាក់ព័ន្ធរួចហើយតាំងរឿងកើតឡើងថ្មីៗមកម្ល៉េះ ទើបលោកជំទាវផ្តាំទៅចំប៉ីខ្មៅបែបនេះ ព្រោះតែបំណងល្អប៉ុណ្ណោះ ខាងក្រសួងដែលមានក្រុមប្រឹក្សាវិន័យ និងលើកសរសើរ គេជាអ្នកចាត់ចែងរឿងនេះ។ លោកជំទាវ ហ៊ុន ស៊ីណាត ថាគេចេះចាត់ចែងហើយនឹងធ្វើទៅតាមដំណាក់កាលរបស់គេលើកទី១ ត្រូវវិន័យយ៉ាងមិច មានលើកទី២យ៉ាងមិច គឺទៅតាមនីតិវិធីរបស់គេ មិនមែនចេះតែចង់បានតាមចិត្តចំប៉ីខ្មៅស្រែកនោះទេ។

លោកជំទាវបន្ថែមថា ចំពោះការដែលហ្វេនចំប៉ីខ្មៅថាលោកជំទាវ លម្អៀង គ្មានខ្សែគ្មានពួរទើបមិនមានយុត្តិធម៌ សូមឱ្យគិតពិចារណាម្តងទៀតព្រោះលោកជំទាវតែងតែជួយឈឺឆ្អាលព្រោះលោកជំទាវក៏ស្អប់អ្នកណាដៀលអ្នកស្រែដែរ និងបុគ្គលធ្វើឱ្យសង្គមអាប់ឱន ដូចអ្នកផលិតវីដេអូមិនសមរម្យ ជាដើមទើបទាក់ទងគ្រប់មធ្យាបាយទៅក្រសួងពាក់ព័ន្ធឱ្យជួយមើលរឿងមិនសមរម្យទាំងនេះ។ លោក ជំទាវបន្តទៀតថា អ្នកដៀលអ្នកស្រែថ្ងៃមុនក៏មិនរួចខ្លួនដែរ តែគេធ្វើតាមដំណាក់កាលរបស់គេ និងកុំឱ្យចំប៉ីខ្មៅកាន់តែផុសជ្រៅដោយមិនបានគិតពិចារណាព្រោះតែសំឡេងគាំទ្ររបស់ហ្វេនខ្លួនទើបលោកជំទាវផ្តាំផ្ញើទៅចំប៉ីខ្មៅក្នុងនាមជាមនុស្សចាស់ទុំប៉ុណ្ណោះ៕

ល្ហុងគឺជាដំណាំមួយប្រភេទងាយស្រួលដាំដុះ ឆាប់ធំលូតលាស់ និងអាចប្រមូលទិន្នផលបានរយៈពេល១ឆ្នាំ ។ យើងអាចដាំដំណាំនេះសម្រាប់ទុកហូបក្នុងគ្រួសារ និងសម្រាប់លក់ក៏បាន ។ ល្ហុងនឹងចេញផ្លែក្រោយពីបានដាំអស់រយៈពេល៨ខែ ហើយល្ហុងអាចដាំបានស្ទើរគ្រប់សណ្ឋានដីទាំងអស់ លើកលែងតែដីមានទឹកដក់ ។ បើអ្នកណាចង់ដាំដំណាំល្ហុង គួរតែអនុវត្តតាមវិធីខាងក្រោមនេះ ។

*វិធីដាំដុះល្ហុង ៖
-ត្រៀមផ្ទៃដីដាំដុះដោយការភ្ជួរដី រួចទុកឱ្យស្ងួតចាប់ពី៥ថ្ងៃ ទៅ៧ថ្ងៃ ។ បន្ទាប់មក ត្រូវលើកដីឱ្យខ្ពស់ ដែលមានទទឹង១,៥ម៉ែត្រ និងកម្ពស់៥០សង់ទីម៉ែត្រ
-ជីករណ្តៅដាំក្នុងជម្រៅ៥០សង់ទីម៉ែត្រ និងរក្សាចម្ងាយរវាងដើម ៣x៣ម៉ែត្រ
-ដាក់ជីលាមកសត្វក្នុងរណ្តៅដី ឬជីសរីរាង្គ ឬស្លឹកឈើរលួយ
-យកកូនល្ហុងមានអាយុពី៣០ថ្ងៃ ទៅ៦០ថ្ងៃមកដាំក្នុងរណ្តៅ ដោយដាំល្ហុងចំនួន៣ដើមក្នុង១រណ្តៅ
-ក្រោយពីបានដាំល្ហុងរយៈពេលពី៣ខែ ទៅ៤ខែ វានឹងចាប់ផ្តើមចេញផ្កា ។ ដូច្នេះ យើងត្រូវកាត់ដើមល្ហុងឈ្មោលចេញពីរណ្តៅ ហើយទុកតែដើមណាដែលមានផ្កាល្អប៉ុណ្ណោះ គឺ១ដើមក្នុង១រណ្តៅ-ថែទាំដាក់ជីក្រោយដាំបានរយៈពេល១ខែ ហើយគួរប្រើប្រាស់ជីប្រភេទ 15-15-15 ចំនួន១ស្លាបព្រាបាយក្នុង១ដើម ។ លើសពីនេះ គេអាចដាក់ជីលាមកសត្វ និងជីកំប៉ុស ដោយដាក់ម្តងក្នុង១ខែ ហើយនៅពេលល្ហុងចេញផ្លែ ត្រូវដាក់ជីប្រភេទ 13-3-21 ចំនួន១-២ស្លាបព្រាបាយក្នុង១ដើម
-ល្ហុងជាដំណាំចូលចិត្តទឹក ប៉ុន្តែវាមិនចូលចិត្តទឹកដក់ទេ ។ ដូច្នេះ គួរស្រោចទឹកចំនួន២ដងក្នុង១ថ្ងៃ គឺពេលព្រឹក និងល្ងាច ។ យើងមិនគួរស្រោចទឹកច្រើនពេករហូតដល់លិចគល់របស់វាទេ ព្រោះនឹងធ្វើឱ្យដើមស្អុយ
-កម្ចាត់ស្មៅចេញពីគល់ល្ហុង
-ដោតបង្គោលដើម្បីជួយទប់ដើមល្ហុងមិនឱ្យរលំ ហើយធ្វើឱ្យល្ហុងដុះជាជួរបានល្អ និងមានរបៀប ។ ដូចនេះ ក្រោយពីបានដាំដុះល្ហុងរយៈពេលពី៦ខែ ទៅ៨ខែ វាក៏ចេញផ្លែឱ្យយើងបេះបរិភោគ ឬយកទៅលក់បានហើយ ។

*ផលប្រយោជន៍របស់ល្ហុង ៖
-ផ្លែល្ហុង ៖ ផ្លែល្ហុងខ្ចីជួយបណ្តេញសត្វល្អិតក្នុងពោះវៀន និងដោះស្រាយបញ្ហានោមទាស់ ។ ចំណែកល្ហុងទុំផ្តល់វីតាមីនចាំបាច់ដល់រាងកាយដូចជា ជាតិសរសៃ កាល់ស្យូម ប៉ូតាស្យូម បេតាការ៉ូទីន ជាតិដែក វីតាមីន A និងវីតាមីន C ។ គេនិយមយកល្ហុងទុំទៅធ្វើទឹកផ្លែឈើ យ៉ែម (ចាហួយ) ល្ហុងកំប៉ុង និងនំកញ្ចប់
-ជ័រល្ហុង ៖ គេយកជ័រល្ហុងទៅប្រើប្រាស់ក្នុងឧស្សាហកម្មផ្សេងៗដូចជា ការផលិតស្រាបៀរ និងទឹកត្រី ។ លើសពីនេះ គេអាចផលិតជាថ្នាំការពារការឆ្លងមេរោគមុខរបួស និងសម្លាប់សត្វល្អិតក្នុងពោះវៀន
-គ្រាប់ល្ហុង ៖ យកទៅហាលឱ្យស្ងួត បន្ទាប់មក លាយវាជាមួយគ្រាប់ល្ពៅ និងទឹក រួចយកវាទៅបិទលើមុខរបួសដើម្បីបន្ថយការឈឺចុកចាប់
-សម្បកល្ហុង ៖ ធ្វើជាចំណីសត្វ
-ត្រួយខ្ចី និងស្លឹកខ្ចី ៖ ធ្វើជាបន្លែបង្ការ
-ឫស ៖ យកមកស្ងោរផឹកដើម្បីព្យាបាលជំងឺនោមទាស់ និងជួយឱ្យស្រ្តីមានទឹកដោះសម្រាប់ទារក ៕

ប្រភព ៖ Kaset Go

យោងតាមគេហទំព័រ Wise Voter បានឱ្យដឹងថា នៅក្នុងឆ្នាំ២០២៣ កម្ពុជាបានហក់ឡើង១០ចំណាត់ថា្នក់ នៅក្នុងតារាងប្រទេសដែលមានអ្នកទទួលទានគ្រឿស្រវឹងច្រើនជាងគេលើពិភពលោក។

កាលពីឆ្នាំ២០២២ កម្ពុជាស្ថិតនៅលេខ៣០ ក៏ប៉ុន្តែគិតត្រឹមពាក់កណ្តាលខែ៦ កម្ពុជាបានហក់ឡើងមកលេខ២០វិញ។ បើយើងធៀបទៅប្រទេសតំបន់អាស៊ានវិញ កម្ពុជាឈរនៅលេខ១ ខណៈវៀតណាមឈរនៅលេខ២ និងលេខ៥១លើពិភពលោក។

នៅក្នុងវេបសាយនោះបានបញ្ជាក់យ៉ាងច្បាស់ថា ប្រជាជនកម្ពុជាម្នាក់ ជាមធ្យមទទួលទានស្រាបៀយ៉ាងហោចណាស់៤.១២លីត្រ។

ខាងក្រោមនេះគឺជាតារាងចំណាត់ថ្នាក់លេខ១ដល់លេខ១០៖

• សាធារណរដ្ឋ​ឆែក ៦.៧៧លីត្រ
• អូទ្រីស ៦.៣លីត្រ
• ប៉ូឡូញ ៥.៧២លីត្រ
• អាល្លឺម៉ង់ ៥.៥៧លីត្រ
• រូមេនី ៥.៣៣លីត្រ
• ហ្គាបុង ៥.៣១លីត្រ
• ប៉ាណាម៉ា ៥.២៩លីត្រ
• សាធារណរដ្ឋកុងហ្គោ ៥.១១លីត្រ
• អៀរឡង់ ៤.៩២លីត្រ
• ឡាតវី ៤.៩លីត្រ

ប្រភព៖ Wise Voter

នាថ្ងៃទី៥ ខែកក្កដា ឆ្នាំ២០២៣ រាជរដ្ឋាភិបាលកម្ពុជា បានចេញអនុក្រឹត្យ តែងតាំង និងផ្ដល់ឋានៈលោក អ៊ុយ រិទ្ធី (Troll ឆាវ ឆាវ) ជាសមាជិកក្រុមលេខាសម្តេចតេជោ ហ៊ុន សែន មានឋានៈស្មើប្រធាននាយកដ្ឋាន។ ហេតុដូច្នេះ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ រដ្ឋមន្ត្រីក្រសួងមុខងារសាធារណៈ រដ្ឋមន្ត្រីគ្រប់ក្រសួង ប្រធានគ្រប់ស្ថាប័នដែលពាក់ព័ន្ធ និងសាមីខ្លួនដូចមានចែងខាងលើ ត្រូវអនុវត្ត អនុក្រឹត្យនេះចាប់ពីថ្ងៃចុះហត្ថលេខាតទៅ៕

លោកទេសរដ្ឋមន្រ្តី លី ធុជ អនុប្រធានទី១ នៃអាជ្ញាធរមីនបានឱ្យដឹងថាការរួមចំណែកពីប្រទេសកាណាដា ជាមួយនឹងប្រទេសជាមិត្តដទៃទៀត កម្ពុជានឹងអាចសម្រេចបាននូវគោលដៅ “កម្ពុជាគ្មានមីននៅឆ្នាំ២០២៥”។

ការថ្លែងបែបនេះនៅលើបណ្តាញសង្គមរបស់មន្ត្រីអាជ្ញាធរមីនក្នុងឱកាសបានអញ្ជើញជាភ្ញៀវកិត្តិយសក្នុងពិធីអបអរសាទរខួបលើកទី ១៥៦ នៃទិវាជាតិរបស់ប្រទេសកាណាដា និងខួបលើកទី ៧០ នៃទំនាក់ទំនងការទូតរវាងកាណាដា និងព្រះរាជាណាចក្រកម្ពុជា ជាមួយលោកជំទាវបណ្ឌិត Sarah Taylor ឯកអគ្គរដ្ឋទូតកាណាដាប្រចាំកម្ពុជា ដែលពិធីនេះបានប្រព្រឹត្តិទៅនៅសណ្ឋាគារ Raffles Hotel Le Royal នាថ្ងៃទី០៤ ខែកក្កដា ឆ្នាំ២០២៣។

ក្នុងនោះដែរលោកទេសរដ្ឋមន្រ្តីបានឱ្យដឹងទៀតថា កម្ពុជា និងកាណាដា បានកសាងនូវទំនាក់ទំនងមិត្តភាពយូរអង្វែង និងកិច្ចសហប្រតិបត្តិការជិតស្និទ្ធ រយៈពេលជិត ៧០ ឆ្នាំ ក្នុងនោះកាណាដាបានដើរតួនាទី និងរួមចំណែកយ៉ាងសំខាន់សម្រាប់ដំណើរស្វែងរកសន្តិភាព និងការអភិវឌ្ឍន៍សេដ្ឋកិច្ចសង្គមនៅកម្ពុជា។ ជាមួយគ្នានោះ កាណាដា បានផ្តល់ការគាំទ្រដល់វិស័យពាណិជ្ជកម្ម ការវិនិយោគ សកម្មភាពមីន ការរក្សាសន្តិភាព ការបណ្តុះបណ្តាលវិជ្ជាជីវៈ ជំនួយមនុស្សធម៌ និងកិច្ចសហប្រតិបត្តិការអភិវឌ្ឍន៍ ជាច្រើន។ កិច្ចសហប្រតិបត្តិការ និងមិត្តភាពរវាងកម្ពុជា និងកាណាដា នឹងបន្តរីកចម្រើនទាំងក្នុងវិស័យទ្វេភាគី និងពហុភាគី ដើម្បីផលប្រយោជន៍រួមសម្រាប់ប្រជាជននៃប្រទេសទាំងពីរ។

ជាមួយគ្នានេះដែរទេសរដ្ឋមន្រ្តី លី ធុជ បានថ្លែងអំណរគុណយ៉ាងជ្រាលជ្រៅចំពោះការគាំទ្ររបស់ប្រទេសកាណាដាក្នុងវិស័យសកម្មភាពមីនមនុស្សធម៌នៅកម្ពុជា និងជាប្រវត្តិសាស្ត្រ តាមរយៈកម្មវិធីរួមគ្នារបស់អាជ្ញាធរមីន និង អង្គការ UNDP ព្រមទាំងបានប្តេជ្ញាគាំទ្រការងារបោសសម្អាតមីនឲ្យកម្ពុជាសម្រេចនូវគោលដៅកម្ពុជាគ្មានមីនឆ្នាំ២០២៥។ ទឹកចិត្តសប្បុរសរបស់រដ្ឋាភិបាល និងប្រជាជននៃប្រទេសកាណាដា បានចូលរួមជួយសង្រ្គោះជីវិតមនុស្សជាច្រើន កាត់បន្ថយចំនួនអ្នកស្លាប់ និងបានប្រែក្លាយតំបន់មានមីន ទៅជាតំបន់ផលិតភាពសម្រាប់ការកសាងលំនៅដ្ឋាន សាលារៀន មន្ទីរពេទ្យ ផ្លូវថ្នល់ ស្ពាន កសិកម្ម និងគោលបំណងផ្សេងទៀត។

«ខ្ញុំសង្ឃឹមយ៉ាងមុតមាំថា ជាមួយនឹងការបន្តជំនួយ និងការរួមចំណែកពីប្រទេសកាណាដា ជាមួយនឹងប្រទេសជាមិត្តដទៃទៀត កម្ពុជាកំពុងស្ថិតនៅលើផ្លូវឆ្ពោះទៅសម្រេចបាននូវគោលដៅ “កម្ពុជាគ្មានមីននៅឆ្នាំ ២០២៥”» នេះជាការបញ្ជាក់របស់ទេសរដ្ឋមន្រ្តី៕

ឆ្នេរឋានសួគ៌ ជាផ្នែកមួយនៃឧទ្យានសមុទ្រកោះរុង ស្ថិតក្នុងខេត្តព្រះសីហនុ។ ដើម្បីទៅដល់ឆ្នេរនេះបាន ភ្ញៀវទេសចរណ៍ត្រូវធ្វើដំណើរតាមអូប័រចេញពីកំពុងផែក្រុងព្រះសីហនុ សំដៅមករកដែនកោះដែនបណ្តែតខ្លួនលើផ្ទៃសាគរ ដោយប្រើពេលប្រមាណជា ១ម៉ោង ២០នាទី នោះយើងនឹងមកដល់ឆ្នេរដ៏ស្រស់ស្អាតនេះ។

ឆ្នេរឋានសួគ៌ មានប្រវែងប្រមាណជា ១២០០ម៉ែត្រ លាតសន្ធឹងបែកខាងលិច ឈាងខាងជើងនៃឧទ្យានសមុទ្រកោះរុង។ សក្តានុពលធម្មជាតិនៃលើឆ្នេរ មួយនេះពិតជាគួរអោយស្ងោចសរសើរ។ ក្រៅពីឆ្នេរខ្សាច់សក្បុសហើយ អ្វីដែលភ្ញៀវទេសចរណ៍មិនគួរំលងនោះគឹការជិះកាយ៉ាក់គយគន់ទេសភាពតាមដងព្រែក ដែលមានទឹកថ្លាឆ្វង់មើលធ្លុះដល់បាត។

គ្របដណ្តប់លើផ្ទៃដីប្រមាណជាង ១០ហិចតា នៃឧទ្យានជាតិសមុទ្រដ៏ធំមួយនេះ រីសតរបស់ក្រុមហ៊ុនឯងជនក៏បានលេចរូបរាងឡើង។ សក្តានុពលទេសចរណ៍នៅទីនេះ ពិតជាសាកសមសម្រាប់ដំណើរកម្សាន្តបែបគ្រួសារ និងមិត្តភក្តិ ហើយជាពិសេសសម្រាប់ដែលចូលចិត្តដំណើរកម្សាន្តបែបធម្មជាតិ៕