ការស្រាវជ្រាវមួយរបស់សាកលវិទ្យាល័យ Glasgow នៅប្រទេសស្កុតឡេន បានចង្អុលបង្ហាញថា កូនៗទទួលបានភាពឆ្លាត និងប្រាជ្ញាពីម្តាយច្រើនជាងឪពុក ។ ការលើកឡើងបែបនេះ ដោយសារហ្សែនដែលមានឥទ្ធិពលដល់ភាពឆ្លាតរបស់មនុស្ស នឹងប្រមូលផ្តុំគ្នានៅក្រូម៉ូសូម X ។ ក្មេងស្រីមានក្រូម៉ូសូម X ក្នុងចំនួនទ្វេដង ហើយច្រើនជាងក្មេងប្រុសដែលមានក្រូម៉ូសូម X ត្រឹមតែ១ដងប៉ុណ្ណោះ ។

តាមការស្រាវជ្រាវទៅលើសត្វកណ្តុរអំពីហ្សែនប្រាជ្ញាពីមេទៅកូន ក្នុងនោះក្រុមអ្នកស្រាវជ្រាវបានប្រទះឃើញថា សត្វកណ្តុរទាំងនេះទទួលបានហ្សែនច្រើនពីមេរបស់វា ហើយពួកវានឹងមានទំហំខួរក្បាលធំ ប៉ុន្តែមានដងខ្លួនតូច ។ ផ្ទុយពីនេះ ចំពោះសត្វកណ្តុរដែលទទួលបានហ្សែនពីបារបស់វាច្រើនជាង គឺពួកវានឹងមានទំហំខួរក្បាលតូច ប៉ុន្តែមានដងខ្លួនធំ ។

ហ្សែនប្រាជ្ញាដែលកូនៗទទួលបានពីម្តាយ វានឹងប្រមូលផ្តុំច្រើននៅត្រង់បរិវេណខួរក្បាល ។ ដូច្នេះ វាគឺជាផ្នែកមួយដែលបញ្ជាការគិតផ្សេងៗដូចជា ការរៀនសូត្រអំពីភាសា ឬការដាក់ផែនការ ។ ចំណែកហ្សែនដែលទទួលបានពីឪពុក វានឹងប្រមូលផ្តុំនៅត្រង់ប្រព័ន្ធ Limbic ហើយពាក់ព័ន្ធនឹងការងារផ្លូ.វភេ.ទ, ការបរិភោគចំណីអាហារ និងអារម្មណ៍ ។

ទោះយ៉ាងណា ហ្សែនមិនមែនជាកត្តាតែមួយគត់ដែលកំណត់ភាពឆ្លាតនោះទេ ពីព្រោះ៤០% ទៅ៦០% គឺវាអាស្រ័យនៅលើបរិស្ថានជុំវិញខ្លួន និងការចិញ្ចឹមថែទាំកូនផងដែរ ។ អ្នកស្រាវជ្រាវមកពីសាកលវិទ្យាល័យវ៉ាស៊ីនតោនសហរដ្ឋអាមេរិកបង្ហាញថា ទំនាក់ទំនងផ្លូវអារម្មណ៍រវាងម្តាយនិងកូន គឺវាមានសារៈសំខាន់សម្រាប់ការលូតលាស់របស់ផ្នែកខ្លះក្នុងខួរក្បាល ៕ ប្រភព ៖ chiangmai news

អង់គ្លេស៖ លូដ៏ធំ របស់ចក្រភពអង់គ្លេស និងផ្លូវរូងក្រោមដីដែលមានជម្រៅជ្រៅនឹងត្រូវបានបញ្ចប់ក្នុងឆ្នាំ ២០២៥។
យោងតាមប្រភពព័ត៌មាន CGTN ដែលបានរាយការណ៍កាលពីថ្ងៃទី ១២ ខែសីហាថា ផ្លូវរូងក្រោមដី Tideway គឺជាផ្លូវរូងដ៏ទំនើបដែលវារត់ពីភាគខាងលិចទីក្រុងឡុងដ៍ទៅកាន់មាត់ទន្លេ Thames។ គោលបំណងនៃការសាងសង់ផ្លូវរូងក្រោមដីនេះគឺដើម្បីការពារបរិស្ថាន និងបង្វែរទឹកស្អុយដែលបានបំពុលក្នុងទន្លេរចូលទៅប្រព័ន្ធលូទំនើបប្រវែង ២៥ គីឡូម៉ែត្រនេះវិញ។

នៅពេលដំណើរការពេញលេញ គម្រោងនេះត្រូវបានគេរំពឹងថានឹងកាត់បន្ថយ ៩៥ ភាគរយនៃកាកសំណល់ដែលជាធម្មតាហូរចូលទៅក្នុងទន្លេ Thames និងចែករំលែកសម្ពាធមួយចំនួនលើប្រព័ន្ធលូ Victorian របស់ទីក្រុងឡុងដ៍ ដែលកំពុងតែតស៊ូក្នុងការគ្រប់គ្រងបរិមាណកាកសំណល់ចូលទៅក្នុងទន្លេ Thames នឹងការបំភាយឧស្ម័នដ៏ច្រើនពីចំនួនប្រជាជនដែលកំពុងកើនឡើង។

លោក Taylor Geall អ្នកគ្រប់គ្រងផ្នែកទំនាក់ទំនងនៅគម្រោង Tideway Tunnel បាននិយាយថា តម្រូវការរបស់ទីក្រុងសម្រាប់បណ្តាញលូបានកើនឡើងតាមពេលវេលា។ ផ្លូវរូងក្រោមដី Tideway នឹងជួយការពារទន្លេដ៏ល្បីដែលហូរកាត់ទីក្រុងឡុងដ៍ ហើយក៏ជួយកែលម្អផ្លូវទឹកក្នុងចក្រភពអង់គ្លេសឱ្យកាន់តែទូលំទូលាយ៕ ប្រភព៖vnexpress

រដ្ឋធានីព្យុងយ៉ាង៖ នៅក្នុងដំណើរទៅត្រួតពិនិត្យដល់រោងចក្រផលិតមីស៊ីល រថពាសដែក និង គ្រឿងសព្វាវុធទំនើបៗ នៅក្នុងប្រទេសកូរ៉េខាងជើង កាលពីថ្ងៃសុក្រ និង ថ្ងៃសៅរ៍ នោះ មេដឹកនាំកូរ៉េខាងជើង បានជំរុញឲ្យបង្កើននូវការផលិតគ្រឿងសព្វាវុធឲ្យបានកាន់តែច្រើនឡើង តាមអ្វីដែលមេដឹកនាំផ្ដាច់ការរូបនេះ បានប្រកាស អំពីការត្រៀមខ្លួន ធ្វើសង្គ្រាម។

សារព័ត៌មាន Al Jazeera បានចេញផ្សាយ កាលពីព្រឹក ថ្ងៃចន្ទ ទី១៤ ខែសីហា ថា ប្រព័ន្ធផ្សព្វផ្សាយផ្លូវការរបស់រដ្ឋកូរ៉េខាងជើង KCNA បានឲ្យដឹង ថា លោក គីម ជុងអ៊ុន មេដឹកនាំកូរ៉េខាងជើង បានត្រួតពិនិត្យរោងចក្រផលិតគ្រាប់រំសេវសំខាន់ៗ រួមទាំង រោងចក្រផលិតមីស៊ីលយុទ្ធសាស្ត្រផងដែរ។ ទន្ទឹមគ្នានេះ មេដឹកនាំកូរ៉េខាងជើង បានបញ្ជាឱ្យផលិតមីស៊ីល គ្រាប់រ៉ុក្កែត និង អាវុធផ្សេងៗទៀត កាន់តែច្រើនឡើង។

បទបញ្ជារបស់មេដឹកនាំកូរ៉េខាងជើង បានកើតឡើង ស្របពេលកូរ៉េខាងត្បូង និង សហរដ្ឋអាមេរិក រៀបចំធ្វើសមយុទ្ធយោធាប្រចាំឆ្នាំរបស់ខ្លួន នៅចុងខែសីហា ដែលធ្វើឲ្យកូរ៉េខាងជើង ចាត់ទុក ថា នេះជាការហាត់សមឈ្លានពាន។ ប៉ុន្ដែក្រុមមន្ត្រីសហរដ្ឋអាមេរិក បានអះអាង ថា ក្រុងវ៉ាស៊ីនតោន ជឿ ថា ប្រទេសរុស្ស៊ី កំពុងតែស្វែងរកគ្រឿងសព្វាវុធរបស់កូរ៉េខាងជើង សម្រាប់យកទៅធ្វើសង្គ្រាមរបស់ក្រុងវ៉ាស៊ីនតោន នៅលើទឹកដីរបស់អ៊ុយក្រែន។

ទីភ្នាក់ងារសារព័ត៌មានផ្លូវការរបស់កូរ៉េខាងជើង KCNA បានផ្សាយ ថា លោក គីម ជុងអ៊ុន មេដឹកនាំកូរ៉េខាងជើង បានទៅត្រួតពិនិត្យរោងចក្រនានា ផលិតមីស៊ីលមីស៊ីលតាក់ទិក រថពាសដែក និង គ្រាប់កាំភ្លើងផ្លោង កាលពីថ្ងៃសុក្រ និង សៅរ៍។ លោក គីម បានកំណត់គោលដៅមួយ សម្រាប់ជំរុញសមត្ថភាពផលិតឲ្យបានខ្លាំងក្លាឡើងបន្ថែមទៀត។ ដូច្នេះរោងចក្រទាំងនេះ អាចផលិតមីស៊ីល បានយ៉ាងច្រើន សម្រាប់បំពេញតម្រូវការរបស់អង្គភាពយោធាជួរមុខ។

ទីភ្នាក់ងារសារព័ត៌មានរបស់កូរ៉េខាងជើង KCNA បានរាយការណ៍ ថា លោក គីម ជុងអ៊ុន បានបញ្ជាក់ ថា «កម្រិតគុណភាពរៀបចំសង្រ្គាម នឹងអាស្រ័យទៅលើការអភិវឌ្ឍន៍ឧស្សាហកម្មគ្រឿងសព្វាអាវុធ។ រោងចក្រទាំងនេះ មានការទទួលខុសត្រូវខ្ពស់ សម្រាប់បង្កើនល្បឿនរៀបចំសង្រ្គាមរបស់កងទ័ពប្រជាជនកូរ៉េ»។

ប្រទេសកូរ៉េខាងជើង អាចនឹងសាកល្បងអាវុធទំនើបៗរបស់ខ្លួនបន្ថែមទៀត នៅក្នុងពេលដ៏ឆាប់ៗខាងមុខនេះ ស្របពេលសហរដ្ឋអាមេរិក និង កូរ៉េខាងត្បូង គ្រោងនឹងចាប់ផ្តើមសមយុទ្ធយោធារដូវក្តៅ នៅចុងខែសីហា។ ប្រទេសកូរ៉េខាងជើង បានហៅការហ្វឹកហ្វឺនរបស់អាមេរិក និង កូរ៉េខាងត្បូង ថា នេះជាការអនុវត្ត សម្រាប់ការឈ្លានពាន។ ប៉ុន្ដែសម្ពន្ធមិត្តរបស់សហរដ្ឋអាមេរិក បានអះអាង ថា ពួកគេគ្មានចេតនា វាយប្រហារទៅលើកូរ៉េខាងជើង នោះឡើយ។

មន្រ្ដីសេតវិមាន បានអះអាង កាលពីដើមខែសីហា ថា ក្រុមមន្ត្រីស៊ើបការណ៍សម្ងាត់របស់សហរដ្ឋអាមេរិក បានកំណត់ ថា លោក ស៊ើរហ្គេ សយហ្គូ (Sergei Shoigu) រដ្ឋមន្ត្រីក្រសួងការពារជាតិរុស្ស៊ី បានថ្លែងទៅកាន់មន្ត្រីកូរ៉េខាងជើង នៅក្នុងអំឡុងពេលដំណើរទស្សនកិច្ច ទៅកាន់ទីក្រុងព្យុងយ៉ាង កាលពីខែមុន អំពីការបង្កើននូវការលក់គ្រឿងអាវុធ ទៅឱ្យរដ្ឋាភិបាលក្រុងមូស្គូ សម្រាប់សង្គ្រាមរបស់ខ្លួន នៅលើទឹកដីរបស់អ៊ុយក្រែន។

កូរ៉េខាងជើង បានបដិសេធនូវការអះអាងរបស់ក្រុងវ៉ាស៊ីនតោន ចោទប្រកាន់ ថា ក្រុងព្យុងយ៉ាង បានដឹកជញ្ជូនគ្រាប់កាំភ្លើងធំ និង គ្រាប់រំសេវ ទៅកាន់ប្រទេសរុស្ស៊ី។ ប៉ុន្តែប្រទេសកូរ៉េខាងជើង បានគាំទ្រដល់រុស្ស៊ី ជាសាធារណៈដល់សង្រ្គាមរបស់ក្រុងមូស្គូ ហើយបានណែនាំឲ្យបញ្ជូនកម្មករ ទៅជួយកសាងទឹកដីរបស់អ៊ុយក្រែន ដែលរុស្ស៊ីបានកាន់កាប់ថែមទៀតផង។

លោក គីម ជុងអ៊ុន មេដឹកនាំកូរ៉េខាងជើង កំពុងតែព្យាយាម ពង្រឹងនូវទំនាក់ទំនងជាមួយចិន និង រុស្ស៊ី ដើម្បីប្រឈមមុខនឹងយុទ្ធនាការដាក់សម្ពាធ ដឹកនាំដោយសហរដ្ឋអាមេរិក ជុំវិញកម្មវិធីនុយក្លេអ៊ែររបស់រដ្ឋាភិបាលក្រុងព្យុងយ៉ាង ហើយការលំបាកផ្នែកសេដ្ឋកិច្ច ទាក់ទងនឹងជំងឺរាតត្បាត នៅក្នុងប្រទេសឯកោមួយនេះ៕

ប្រទេសអូទ្រីស ៖ ប្រទេសអូទ្រីសបានប្រទះឃើញសត្វពីងពាងប្រេស៊ីលមានពិសខ្លាំងក្នុងផ្សារទំនើបមួយកន្លែងនៅជិតទីក្រុងវីយែន ។ បើតាមការស្រាវជ្រាវជាច្រើនបញ្ជាក់ថា ប្រសិនបើវាខាំអ្នកណាម្នាក់ គឺនឹងធ្វើឱ្យអ្នកនោះមានសីតុណ្ហភាពក្នុងរាងកាយទាបជាងធម្មតា ហើយអវៈយ.វៈភេ.ទរបស់បុរសនឹងរឹ.ងជាច្រើនម៉ោងទៀតផង ។

ហេតុការណ៍នេះបានកើតឡើងក្នុងផ្សារទំនើបមួយឈ្មោះ Penny នៅទីក្រុង Krems an der Donau និងនៅឆ្ងាយពីទីក្រុងវីយែន ទៅទិសខាងលិចប្រមាណ៧២គីឡូម៉ែត្រ ។ សត្វពីងពាងដែលគេប្រទះឃើញនេះ គឺជាពីងពាងប្រេស៊ីលមានពណ៌ខ្មៅលាយក្រហម ហើយវាបានលាក់ខ្លួននៅក្នុងស្និតចេក ដែលគេបានបញ្ជូនមកកាន់ទីនេះ ។ បន្ទាប់ពីបានប្រទះឃើញពីងពាង ផ្សារទំនើប Penny បានបិទទ្វារតាំងពីថ្ងៃទី៨ ខែសីហា ឆ្នាំ២០២៣ ដើម្បីពិនិត្យរកពីងពាងខាងលើ ប៉ុន្តែនៅតែរកពុំឃើញ ។

Guinness Book បានកត់ត្រាថា ពីងពាងប្រេស៊ីល គឺជាសត្វមួយប្រភេទដែលមានពិសខ្លាំងបំផុតនៅលើពិភពលោក ហើយបើវាបានខាំអ្នកណាម្នាក់ នឹងធ្វើឱ្យអ្នកនោះមានសីតុណ្ហភាពរាងកាយទាបជាងធម្មតា សម្ពាធឈាមឡើងខ្ពស់ ឈឺតាមខ្លួនប្រាណ ហើយនឹងធ្វើឱ្យអវៈយ.វៈភេ.ទរឹ.ងយូរអស់ជាច្រើនម៉ោង ។

លោកវេជ្ជបណ្ឌិតឈ្មោះ Romulo Let មកពីសាកលវិទ្យាល័យពេទ្យ Georgia លើកឡើងថា លោកបានសិក្សាស្រាវជ្រាវលើសត្វពីងពាងមួយប្រភេទនេះ ហើយលោកសង្ឃឹមថា នឹងអាចឈានដល់ការអភិវឌ្ឍថ្នាំសម្រាប់ព្យាបាលការងាប់អវៈយ.វៈភេ.ទរបស់បុរស ។

កាលពីឆ្នាំ២០១២ ទស្សនាវដ្តី Smithsonian ធ្លាប់បានណែនាំថា គេអាចយកពីងពាងប្រភេទនេះទៅផលិតជាថ្នាំ Viagra ប៉ុន្តែរហូតមកដល់ពេលបច្ចុប្បន្ន នៅមិនទាន់មានអ្នកណាម្នាក់ធ្វើការស្រាវជ្រាវ និងផលិតជាថ្នាំនៅឡើយទេ ៕ ប្រភព ៖ 3plus

បរទេស៖ គម្រោងរថភ្លើងល្បឿនលឿន ៣៣០ គីឡូម៉ែត្រក្នុងមួយម៉ោង របស់អាមេរិកមានគោលបំណងតភ្ជាប់ទីក្រុង Houston និង Dallas ជាមួយអ្នកដំណើរជាង ៦លាននាក់ក្នុងមួយឆ្នាំ។

យោងតាមក្រុមហ៊ុន Quartz គម្រោងនេះត្រូវបានបញ្ជូនទៅកម្មវិធីជំនួយរបស់សហព័ន្ធជាច្រើនដើម្បីជួយផ្នែកហិរញ្ញវត្ថុ និងការចំណាយលើការរចនា។ តំណាងក្រុមហ៊ុន Amtrak បានធ្វើការប៉ាន់ប្រមាណថា គម្រោងនេះអាចកាត់បន្ថយការបញ្ចេញឧស្ម័នផ្ទះកញ្ចក់ច្រើនជាង ១០០,០០០ តោនក្នុងមួយឆ្នាំ និងកាត់បន្ថយចំនួនរថយន្តប្រមាណ ១២,៥០០ គ្រឿងក្នុងមួយថ្ងៃពីច្រករបៀង I-៤៥ នៅក្នុងតំបន់។ ការកាត់បន្ថយចំនួនយានយន្តផ្ទាល់ខ្លួននៅលើដងផ្លូវអាចសន្សំសំចៃប្រេងបានរហូតដល់ ២៤៦ លានលីត្រក្នុងមួយឆ្នាំ។

អ្នករៀបចំផែនការទីក្រុងនៅសហរដ្ឋអាមេរិកបានចាប់អារម្មណ៍ជាយូរមកហើយចំពោះគំនិតនៃការសាងសង់ផ្លូវដែកល្បឿនលឿននេះ ប៉ុន្តែមិនអាចអភិវឌ្ឍបានដោយសារតែបញ្ហាជាច្រើនរួមទាំងថវិកា នយោបាយ និងឧបសគ្គខាងវប្បធម៌។ ទោះជាយ៉ាងណាក៏ដោយ ៨៥% នៃអ្នកដំណើរដែលឧស្សាហ៍ធ្វើដំណើររវាងទីក្រុង Dallas និង Houston នាពេលថ្មីៗនេះ បាននិយាយថា ពួកគេនឹងជិះរថភ្លើងក្រោមកាលៈទេសៈត្រឹមត្រូវ។
បើដូច្នេះមែន មនុស្សប្រហែល ៦ លាននាក់អាចជិះរថភ្លើងល្បឿនលឿននៅចុងទសវត្សរ៍នេះ ហើយចំនួននឹងកើនឡើងដល់ ១៣ លាននាក់នៅឆ្នាំ ២០៥០។ ដូច្នេះ គម្រោងរថភ្លើងល្បឿនលឿនបន្ទាប់ទៀតក៏កំពុងត្រូវបានបង្កើតឡើងដើម្បីភ្ជាប់ទីក្រុង San Francisco – Los Angeles និង Los Angeles-Las Vegas ផងដែរ៕ ប្រភព៖vnexpress