សហរដ្ឋអាមេរិក៖ យោងតាម ទីភ្នាក់ងារព័ត៌មាន AFP កាលពីថ្ងៃទី២៤ ខែកក្កដា បានឱ្យដឹងថា សីតុណ្ហភាពខ្ពស់បំផុតរបស់ឆ្នេរសមុទ្ររដ្ឋផ្លរីដាគឺ ៣៧.៨ អង្សាសេ ឡើងដល់ ៣៨.៤ អង្សាសេក្នុងរយៈពេលពីរបីម៉ោងដែលជាសក្តានុពលបង្កើតកំណត់ត្រាពិភពលោកសម្រាប់កំដៅក្តៅបំផុតនៅក្នុងទឹកសមុទ្រ។ ទិន្នន័យខាងលើត្រូវបានគេយកចេញពីទុយយោនៅឈូងសមុទ្រ Manatee ចម្ងាយប្រហែល ៦០ គីឡូម៉ែត្រភាគនិរតីនៃទីក្រុង Miami ក្នុងជម្រៅ ១.៥ ម៉ែត្រ។

លោក Jeff Masters អ្នកជំនាញឧតុនិយមដែលធ្វើការឱ្យរដ្ឋាភិបាលបាននិយាយថា កាលពីថ្ងៃទី ២៣ ខែសីហា ឆ្នាំ ២០០៣ សមុទ្រមេឌីទែរ៉ាណេបានឡើងដល់សីតុណ្ហភាពខ្ពស់បំផុតជាមួយនឹង ២៨.៣ អង្សាសេ។ ប៉ុន្តែបច្ចុប្បន្នទឹកសមុទ្រក្នុងរដ្ឋផ្លរីដាបានបង្កើតកំណត់ត្រាថ្មីជាមួយនឹងសីតុណ្ហភាពខ្ពស់បំផុតគឺ ៣៨.៤ អង្សាសេ ដែលជាភពក្តៅបំផុតក្នុងប្រវត្តិសាស្ត្រ ក៏ដូចជាក្តៅបំផុតក្នុងរយៈពេលរាប់ពាន់ឆ្នាំ នេះបើយោងតាមអ្នកឧតុនិយម Gavin Schmidt នៃអង្គការណាសា។

កំដៅខ្លាំងកំពុងបំផ្លាញប្រព័ន្ធអេកូឡូស៊ីនៃថ្មប៉ប្រះទឹក ផ្កាថ្ម និងប្រភេទសត្វសមុទ្រមួយចំនួន។ មូលនិធិស្តារផ្កាថ្មមិនរកប្រាក់ចំណេញ (CRF) បាននិយាយថា ថ្មប៉ប្រះទឹកមួយឈ្មោះថា Sombrero នៅភាគខាងត្បូងរដ្ឋផ្លរីដា ដែលវាត្រូវបានស្ដារឡើងវិញអស់រយៈពេលជាងមួយទសវត្សរ៍ ឥឡូវនេះវាត្រូវបានបំផ្លាញដោយសារកំដៅ។ ប្រហែល ២៥% នៃសត្វសមុទ្ររស់នៅជុំវិញថ្មប៉ប្រះទឹក ដែលជាគូប្រជែងនឹងព្រៃត្រូពិចសម្រាប់ជីវចម្រុះក៏ត្រូវបានបំផ្លាញដោយសារកំដៅផងដែរ៕ប្រភព៖vnexpress

ប្រទេសចិន ៖ កាលពីថ្ងៃទី២៥ ខែកក្កដា កន្លងមក នៅទីក្រុងសាន់យ៉ា ខេត្តហៃណាន ប្រទេសចិន គេបានរៀបចំកិច្ចប្រជុំមួយដែលនិយាយអំពីឧស្សាហកម្មទុរេនចិន ដែលដាំដុះជាលើកដំបូង ។ ក្នុងកិច្ចប្រជុំនេះ មានអាជីវករជាច្រើននាក់បានមកចូលរួមស្តាប់ និងនាំគ្នាបរិភោគទុរេនផងដែរ ។

ប្រទេសចិនបានដាំទុរេនលើកដំបូងនៅលើផ្ទៃដីប្រមាណ៧០០រ៉ៃ នៅទីក្រុងសាន់យ៉ា ខេត្តហៃណាន ហើយពួកគេបានទុកឱ្យទុរេនទុំនៅលើដើម ទើបធ្វើការប្រមូលផល ។ នៅខែកក្កដា ឆ្នាំ២០២៣ គឺជាពេលប្រមូលផលទុរេននៅប្រទេសនេះ ហើយគេសង្ឃឹមថា នឹងអាចប្រមូលផលបានប្រមាណ៤០តោន ។

លោក Lang Haipo នាយកសមាគមទុរេនទីក្រុងសាន់យ៉ានិយាយថា ៖ «យើងបានបើកហាងទុរេននៅតាមបណ្តាទីក្រុងធំៗជាច្រើនដូចជា ទីក្រុងប៉េកាំង, សៀងហៃ, ក្វាងចូវ និងស៊ីនចូវ ហើយយើងនឹងយកទុរេនមានគុណភាពល្អបំផុតទៅលក់ឱ្យអតិថិជន ។ បច្ចុប្បន្ន មានក្រុមអាជីវករមកទំនាក់ទំនងរួចហើយ រហូតដល់ទុរេនរបស់យើងមិនគ្រប់គ្រាន់តាមតម្រូវការ» ។

ចាប់ពីឆ្នាំ២០១៨ ខេត្តយូណានបានចាប់ផ្តើមយកគ្រាប់ពូជទុរេនមកសាកល្បងដាំដុះនៅលើផ្ទៃដីមានទំហំធំ ។ នៅឆ្នាំ២០២៣នេះ ប្រទេសចិនបានដាំទុរេននៅទីក្រុងសាន់យ៉ា, ឡេតង, ប៉ៅធីង និងលីងស៊ុយ ដែលមានផ្ទៃដីសរុបជាង១ម៉ឺនរ៉ៃ ។

សារព័ត៌មានចិនចុះផ្សាយថា ទុរេនដែលដាក់លក់នៅទីផ្សារប្រទេសចិនភាគច្រើន គឺបាននាំចូលពីប្រទេសក្នុងតំបន់អាស៊ាន ហើយទុរេនទាំងនេះពុំទាន់ទុំពេញលេញទេ គឺទុំចាប់ពី៧០% ទៅ៨០% ។ ចំណែកទុរេនដាំនៅប្រទេសចិនវិញ គេបេះផ្លែវានៅពេលយប់ ហើយក្នុង១ដើមមានទុរេន៣ផ្លែ ៕ ប្រភព ៖ China Face

យើងធ្លាប់សិក្សារួចមកហើយថាភពផែនដីរបស់យើងមានទឹកប្រៃរហូតទៅដល់ ៩៧ ភាគរយ ចំណែកឯទឹកសាបវិញគឺមានតែ ៣ ភាគរយប៉ុណ្ណោះដែលមានប្រភពពី ការធ្លាក់ទឹកសន្សើម ការធ្លាក់ភ្លៀង និងការធ្លាក់ព្រិលពីបរិយាកាស។ ក្នុងនោះមានត្រឹមតែ ០.៥ ភាគរយប៉ុណ្ណោះដែលអាចប្រើប្រាស់បាន។ ដូចនេះតើអ្នកដឹងទេ? ប្រទេសណាដែលសម្បូរទឹកសាបច្រើនជាងគេបំផុតនៅលើពិភពលោក?

១.ប្រទេសប្រេស៊ីល (Brazil)៖ ប្រេស៊ីលគឺជាប្រទេសដែលមានបរិមាណទឹកសាបសរុបជាង ៨,២៣៣ គីឡូម៉ែតគូបឯណោះ ដែលបរិមាណទឹកសាបនៃប្រទេសនេះគឺមានអត្រាស្មើនឹង ១២ ភាគរយនៃធនធានទឹកសាបទាំងអស់នៅទូទាំងពិភពលោក។

២.ប្រទេសរុស្សី (Russia)៖ នៅប្រទេសរុស្ស៊ីមានបឹងបៃកាល់ (Baikal Lake) ដែលជាបឹងទឹកសាបមានទំហំធំ និងមានជម្រៅជ្រៅជាងគេបំផុតលើពិភពលោក ធនធានទឹកសាបទាំងអស់នៅក្នុងប្រទេសរុស្ស៊ីមានបរិមាណ ៤,៥០៨ គីឡូម៉ែត្រគូប។

៣.សហរដ្ឋអាមេរិក (United States)៖ ធនធានទឹកសាបនៅក្នុងសហរដ្ឋអាមេរិកមានបរិមាណប្រហែល ៣,០៦៩ គីឡូម៉ែត្រគូប។ ទឹកសាបភាគច្រើនរបស់សហរដ្ឋអាមេរិកគឺជាទឹកនៅផ្ទៃខាងលើដែលមានបរិមាណ ៧០ ភាគរយ និងទឹកដែលនៅក្រោមដីមាន ៣០ ភាគរយ។

៤.ប្រទេសកាណាដា (Canada)៖ បរិមាណទឹកសាបដែលអាចប្រើប្រាស់បាននៅក្នុងប្រទេសកាណាដាមានប្រហែលជាង ២,៩០២ គីឡូម៉ែត្រគូប ដែលភាគច្រើនទឹកសាបនៅប្រទេសនេះមានវត្តមាននៅតាមបណ្ដាញទន្លេ និងបឹងផ្សេងៗជាច្រើន។

៥.ប្រទេសចិន (China)៖ ចិនស្ថិតក្នុងចំណាត់ថ្នាក់ទី ៥ នៃប្រទេសដែលមានបរិមាណទឹកសាបច្រើនជាងគេបំផុត ដោយប្រមាណទឹកសាបមានជាង ២,៨៤០ គីឡូម៉ែត្រគូប។ បឹងប៉យ៉ាង (Poyang Lake) ដែលមានទីតាំងស្ថិតនៅក្នុងខេត្តជាំងស៊ី (Jiangxi) គឺជាបឹងទឹកសាបដែលមានទំហំធំជាងគេបំផុតនៅក្នុងប្រទេសចិន។ បរិមាណទឹកបឹងប៉យ៉ាងតែងប្រែប្រួលមិនទៀតទាត់ឡើយ ដោយអាស្រ័យទៅតាមរដូវកាល៕