យើងធ្លាប់សិក្សារួចមកហើយថាភពផែនដីរបស់យើងមានទឹកប្រៃរហូតទៅដល់ ៩៧ ភាគរយ ចំណែកឯទឹកសាបវិញគឺមានតែ ៣ ភាគរយប៉ុណ្ណោះដែលមានប្រភពពី ការធ្លាក់ទឹកសន្សើម ការធ្លាក់ភ្លៀង និងការធ្លាក់ព្រិលពីបរិយាកាស។ ក្នុងនោះមានត្រឹមតែ ០.៥ ភាគរយប៉ុណ្ណោះដែលអាចប្រើប្រាស់បាន។ ដូចនេះតើអ្នកដឹងទេ? ប្រទេសណាដែលសម្បូរទឹកសាបច្រើនជាងគេបំផុតនៅលើពិភពលោក?

១.ប្រទេសប្រេស៊ីល (Brazil)៖ ប្រេស៊ីលគឺជាប្រទេសដែលមានបរិមាណទឹកសាបសរុបជាង ៨,២៣៣ គីឡូម៉ែតគូបឯណោះ ដែលបរិមាណទឹកសាបនៃប្រទេសនេះគឺមានអត្រាស្មើនឹង ១២ ភាគរយនៃធនធានទឹកសាបទាំងអស់នៅទូទាំងពិភពលោក។Brazil has lost 15% of its surface water since the early 1990s | WWF

២.ប្រទេសរុស្សី (Russia)៖ នៅប្រទេសរុស្ស៊ីមានបឹងបៃកាល់ (Baikal Lake) ដែលជាបឹងទឹកសាបមានទំហំធំ និងមានជម្រៅជ្រៅជាងគេបំផុតលើពិភពលោក ធនធានទឹកសាបទាំងអស់នៅក្នុងប្រទេសរុស្ស៊ីមានបរិមាណ ៤,៥០៨ គីឡូម៉ែត្រគូប។HotSpots H2O: Russia Under Pressure as Thousands in Crimea Ration Water - Circle of Blue

៣.សហរដ្ឋអាមេរិក (United States)៖ ធនធានទឹកសាបនៅក្នុងសហរដ្ឋអាមេរិកមានបរិមាណប្រហែល ៣,០៦៩ គីឡូម៉ែត្រគូប។ ទឹកសាបភាគច្រើនរបស់សហរដ្ឋអាមេរិកគឺជាទឹកនៅផ្ទៃខាងលើដែលមានបរិមាណ ៧០ ភាគរយ និងទឹកដែលនៅក្រោមដីមាន ៣០ ភាគរយ។Does Canada need to conserve its water?

៤.ប្រទេសកាណាដា (Canada)៖ បរិមាណទឹកសាបដែលអាចប្រើប្រាស់បាននៅក្នុងប្រទេសកាណាដាមានប្រហែលជាង ២,៩០២ គីឡូម៉ែត្រគូប ដែលភាគច្រើនទឹកសាបនៅប្រទេសនេះមានវត្តមាននៅតាមបណ្ដាញទន្លេ និងបឹងផ្សេងៗជាច្រើន។The Need for Better Monitoring to Protect Canada's Freshwater Resources - Aquatic Informatics

៥.ប្រទេសចិន (China)៖ ចិនស្ថិតក្នុងចំណាត់ថ្នាក់ទី ៥ នៃប្រទេសដែលមានបរិមាណទឹកសាបច្រើនជាងគេបំផុត ដោយប្រមាណទឹកសាបមានជាង ២,៨៤០ គីឡូម៉ែត្រគូប។ បឹងប៉យ៉ាង (Poyang Lake) ដែលមានទីតាំងស្ថិតនៅក្នុងខេត្តជាំងស៊ី (Jiangxi) គឺជាបឹងទឹកសាបដែលមានទំហំធំជាងគេបំផុតនៅក្នុងប្រទេសចិន។ បរិមាណទឹកបឹងប៉យ៉ាងតែងប្រែប្រួលមិនទៀតទាត់ឡើយ ដោយអាស្រ័យទៅតាមរដូវកាល៕Q&A Yangtze Freshwater Advisor Dr. Qiaoyu Guo