នៅព្រឹកថ្ងៃទី២២ ខែធ្នូ ឆ្នាំ២០២៥ ប្រធានសភាពាណិជ្ជកម្មអាមេរិកនៅប្រទេសកម្ពុជា លោក Casey Barnett បានថ្កោលទោសការឈ្លានពា.នដ៏សា.ហាវឃោរ.ឃៅរបស់កងទ័ពថៃមកលើដែនអធិបតេយ្យស្របច្បាប់កម្ពុជា ជាពិសេស ថ្កោលទោសថៃប្រើប្រាស់យន្តហោះចម្បាំង F-6 ទម្លាក់គ្រាប់បែ.កក្នុងទឹកដីកម្ពុជាមិនរើសគោលដៅ រហូតដល់២៣លើក ដោយបានបំផ្លិចបំផ្លា.ញស្ពាន ផ្លូវ វត្តអារ៉ាម សាលារៀន និងលំនៅឋានពលរដ្ឋខ្ទេចខ្ទី ។

ប្រធានសភាពាណិជ្ជកម្មអាមេរិកនៅកម្ពុជា លោក Casey Barnett បាននិយាយនៅព្រឹកថ្ងៃទី២២ ខែធ្នូ ថា ៖ «កងទ័ពថៃបានវាយប្រហារកម្ពុជាតាមផ្លូវអាកាស ចំនួន២៣លើក ដោយមានគោលដៅបំផ្លាញទីតាំងកងទ័ព តំបន់ជនស៊ីវិល រួមទាំងសាលារៀនបឋមសិក្សា វត្តអារ៉ាម និងស្ពាន ។ មេដឹកនាំថៃ លោក Anutin Charnvirakul បញ្ជាឱ្យកងទ័ពវាយប្រហារកម្ពុជាជ្រុលហួសហេតុ បន្ទាប់ពីកងទ័ពខ្លួនរងរបួសតិចតួច» ។

អាមេរិកប្រកាសថ្កោលទោសថៃដែលឈ្លានពានពានដែនអធិបតេយ្យកម្ពុជាយ៉ាងសាហាវឃោរឃៅ ជាពិសេស ការប្រើប្រាស់យន្តហោះចម្បាំង F-16 ទម្លាក់គ្រាប់បែកក្នុងទឹកដីកម្ពុជា ចំនួន២៣លើក ដោយមិនរើសគោលដៅ និងបំផ្លាញហេដ្ឋារចនាសម្ព័ន្ធស៊ីវិល សាលារៀនបឋមសិក្សា វត្តអារ៉ាម និងស្ពាន ។ ថៃវាយប្រហារតាមដែនអាកាសកម្ពុជាកើនឡើងរហូតដល់៥លើកកាលពីថ្ងៃទី១៨ ខែធ្នូ និង៤លើកកាលពីថ្ងៃទី១៩ ខែធ្នូ ដែលការទម្លាក់គ្រាប់បែកភាគច្រើន គឺនៅទីប្រជុំជន និងបណ្តាស្រុកនៅជនបទ ថែមទាំងទម្លាក់គ្រាប់បែកនៅទីក្រុងប៉ោយប៉ែត ដែលមានមនុស្សរស់នៅយ៉ាងច្រើន ។

លោក Casey Barnett បន្តថា បើតាមផែនទី គឺការទម្លាក់គ្រាប់បែករបស់កងទ័ពថៃស្ថិតក្នុងដែនអធិបតេយ្យកម្ពុជា ខណៈកម្ពុជាមិនបានឆ្លើយតបនឹងការវាយប្រហារដែនអាកាសទៅថៃវិញទេ ដោយសារកម្ពុជាគ្មានយន្តហោះចម្បាំង ឬប្រព័ន្ធការពារដែនអាកាសរបស់ខ្លួន ។ កម្ពុជារងគ្រោះដោយសារការទម្លាក់គ្រាប់បែក ពលរដ្ឋកម្ពុជាជាង៥០ម៉ឺនគ្រួសារ មានទាំងកុមារ និងមនុស្សចាស់បានជម្លៀសចេញពីលំនៅឋាន ។

ថៃបានព្រមព្រៀងឈប់បាញ់ដោយគ្មានលក្ខខណ្ឌកាលពីថ្ងៃទី២៨ ខែកក្កដា ដោយមានប្រធានាធិបតីអាមេរិក លោក Donald Trump ជួយអន្តរាគមន៍យល់ព្រមទម្លាក់ពន្ធទំនិញកម្ពុជា-ថៃមកត្រឹម១៩% ។ បន្ទាប់មក លោកប្រធានាធិបតី Trump បានធ្វើជាសាក្សីក្នុងពិធីចុះហត្ថលេខាលើសេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពគូឡាឡាំពួរ ដែលមានសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោក Anutin Charnvirakul នាយករដ្ឋមន្ត្រីថៃចុះហត្ថលេខារួមគ្នាកាលពីថ្ងៃទី២៦ ខែតុលា ប៉ុន្តែថៃបែរជាឈ្លានពានកម្ពុជា ទើបអាមេរិកផ្អាកចរចាពន្ធទំនិញ រហូតដល់ថៃគោរពកិច្ចព្រមព្រៀងសន្តិភាពឡើងវិញ ។

លោក Anutin បានចោទប្រកាន់កម្ពុជាបង្កប់មីនថ្មីធ្វើឱ្យកងទ័ពថៃរងរបួស ហើយប្រកាសឈប់អនុវត្តកិច្ចព្រមព្រៀងសន្តិភាព ប៉ុន្តែថៃគ្មានភស្តុតាងបញ្ជាក់ពីគ្រាប់មីននេះបានបង្កប់ក្រោយថ្ងៃទី២៦ ខែតុលា ទេ ។ លោក Anutin បញ្ជាឱ្យកងទ័ពវាយប្រហារកម្ពុជាជាថ្មីយ៉ាងធ្ងន់ធ្ងរ ដែលជាទង្វើជ្រុលហួសហេតុដើម្បីទទួលផលប្រយោជន៍នយោបាយឡើងកាន់តំណែងបន្ត ។ នេះបើតាមការលើកឡើងរបស់ប្រធានសភាពាណិជ្ជកម្មអាមេរិក ។

គួរបញ្ជាក់ថា ថ្មីៗនេះ កាសែតបាងកកប៉ុស្តិ៍របស់ថៃបានលាតត្រដាងការពិតពីការកេងចំណេញ និងស្វែងរកផលប្រយោជន៍របស់គណបក្សភូមិចៃថៃ របស់លោក Anutin ថាកំពុងបង្កសង្គ្រាមឈ្លានពានកម្ពុជាដើម្បីរកសំឡេងគាំទ្រពីពលរដ្ឋសម្រាប់ការបោះឆ្នោតនៅខែកុម្ភៈ ឆ្នាំ២០២៦ ។ មហាអំណាចចិន និងមហាអំណាចអាមេរិកដឹងច្បាស់ថា វាគ្រាន់តែជាសង្គ្រាមដែលមេដឹកនាំថៃរៀបចំប៉ុណ្ណោះ ហើយមហាអំណាចទាំងពីរបានអំពាវនាវឱ្យបញ្ចប់សង្គ្រាមជាបន្ទាន់ ប៉ុន្តែត្រូវបានមេដឹកនាំថៃទាត់ចោលការអំពាវនាវ និងបណ្តោយឱ្យកងទ័ពវាយប្រហារកម្ពុជាកាន់តែខ្លាំង ។

លោក Anutin អសមត្ថភាពដឹកនាំប្រទេសគ្រប់វិស័យ និងបិទបាំងព័ត៌មានពលរដ្ឋភាគខាងត្បូងស្លាប់ដោយសារទឹកជំនន់រហូតដល់ជាង១,០០០នាក់ ក៏រៀបចំផែនការបង្កសង្គ្រាមជាមួយកម្ពុជាជាថ្មី ដោយបណ្តុះគំនិតជាតិនិយមឱ្យពលរដ្ឋយល់ថា ជាសង្គ្រាមការពារទឹកដី ។ សង្គ្រាមនេះបានបំផ្លាញហេដ្ឋារចនាសម្ព័ន្ធកម្ពុជានៅតាមបណ្តាខេត្តជាប់ព្រំដែនថៃ បណ្តាលឱ្យពលរដ្ឋកម្ពុជាស្លាប់ រងរបួស ភៀសខ្លួនពីផ្ទះសម្បែងគេចពីគ្រាប់ផ្លោង និងការទម្លាក់គ្រាប់បែករបស់យន្តហោះចម្បាំង F-16 ។

ទោះមានការជួយសម្រួលសម្រួលពីមហាអំណាចអាមេរិក ចិន ម៉ាឡេស៊ី និងសហគមន៍អន្តរជាតិ ប៉ុន្តែថៃនៅតែផ្គើនសម្រុកបាញ់ផ្លោង និងទម្លាក់គ្រាប់បែកក្នុងដែនអធិបតេយ្យកម្ពុជាយ៉ាងសាហាវឃោរឃៅ ។ លើសពីនេះ ថៃដាក់លក្ខខណ្ឌ ៣ចំណុចថែមទៀត ក្នុងនោះមានលក្ខខណ្ឌឱ្យកម្ពុជាប្រកាសឈប់បាញ់មុន ទាំងដែលការពិតថៃបាញ់មុន ដើម្បីរួចខ្លួនមិនផ្តល់ប្រាក់សំណងដែលថៃបំផ្លាញសាលារៀន វត្តអារ៉ាម ស្ពាន និងផ្ទះពលរដ្ឋ ៕

ប្រទេសថៃ ៖ ហ្វេសប៊ុកផេក និងបុគ្គលមួយចំនួននៅប្រទេសថៃចូលចិត្តញុះញង់ឱ្យកងទ័ពបង្កសង្គ្រា.មឈ្លានពា.នកម្ពុជាម្តងហើយម្តងទៀតដើម្បីបំពេញមហិច្ឆតាវាតទីទឹកដី ដោយបង្ហាញការគាំទ្រកងទ័ព និងមេដឹកនាំឱ្យបង្កជម្លោះ រករឿងទម្លាក់កំហុសមិនចប់ ។ ជនទាំងនេះសប្បាយចិត្តពេលឃើញកងទ័ពថៃផ្លោងគ្រា.ប់ និងទម្លាក់គ្រាប់បែ.កដោយយន្តហោះចម្បាំង F-16 ក្នុងដែនអធិបតេយ្យកម្ពុជា ថែមទាំងលាបពណ៌ថា អគារដែលខូចខាតដោយគ្រាប់បែ.ក គឺជាទីតាំង Scammer ។ ប៉ុន្តែពលរដ្ឋថៃនៅព្រំដែនមិនគាំទ្រជនញុះញង់បង្កសង្គ្រា.មទេ និងចង់ចាកចេញពីជំរំភៀសសឹកឆាប់ៗ ដើម្បីរកចំណូលដោះបំណុលធនាគារ ។

បន្ទាប់ពីកងទ័ពថៃបើកការវាយប្រហារកម្ពុជាកាលពីថ្ងៃទី៧ ខែធ្នូ ឆ្នាំ២០២៥ ពលរដ្ឋថៃនៅព្រំដែនត្រូវបានអាជ្ញាធរជម្លៀសទៅកាន់ជំរំជនភៀសសឹកផ្សេងៗដែលរៀបចំរួចហើយ ប៉ុន្តែដោយសារសង្គ្រាមអូសបន្លាយយូរថ្ងៃ មិនដឹងបញ្ចប់ពេលណា ពលរដ្ឋថៃទាំងនេះចាប់ផ្តើមធុញទ្រាន់យ៉ាងខ្លាំង ។ ពួកគេពុំបានធ្វើការងារ ពុំបានរកស៊ី គ្មានប្រាក់ចំណូលដោះបំណុលធនាគារ និងបោះបង់សត្វចិញ្ចឹម ដោយរង់ចាំការផ្តល់អាហារតិចតួចពីជំរំភៀសសឹក រីឯបុគ្គលចូលចិត្តញុះញង់ឱ្យបង្កសង្គ្រាម បែរជារស់នៅស្រួល ស៊ីដេកស្រួល បង្ហោះវីដេអូរកចំណូលផ្ទាល់ខ្លួន ។

ក្រោយអត់ធ្មត់លែងបាន ពលរដ្ឋថៃម្នាក់បានបញ្ចេញមតិក្នុងបណ្តាញសង្គមថា ពួកជនដែលចូលចិត្តញុះញង់ឱ្យបង្កសង្គ្រាមឈ្លានពានកម្ពុជា តើផ្ទះរបស់ពួកអ្នកនៅក្បែរព្រំដែនដែរឬទេ ហើយដឹងទេថា តើពលរដ្ឋនៅព្រំដែនត្រូវជម្លៀសចេញពីផ្ទះប៉ុន្មានថ្ងៃ? ពួកអ្នកគួរតែសួរទៅរដ្ឋាភិបាលតើសង្គ្រាមនឹងបញ្ចប់ពេលណា? ដើម្បីឱ្យពលរដ្ឋនៅព្រំដែនបានចាកចេញពីជំរំភៀសសឹកទៅផ្ទះវិញ មុនពេលគោក្របីងាប់អស់ ។ ពេលនេះ ពលរដ្ឋព្រំដែនដែនស្នាក់នៅជំរំភៀសសឹកគ្មានចំណូល គ្មានការងារ គ្មានអ្វីបរិភោគក្រៅពីអាហារមិនគ្រប់គ្រាន់ក្នុងជំរំភៀសសឹក ។

ពលរដ្ឋថៃម្នាក់នេះទាមទារឱ្យរដ្ឋាភិបាលខ្លួនជូនដំណឹងឱ្យច្បាស់លាស់មកកាន់ពលរដ្ឋ តើឱ្យរង់ចាំប៉ុន្មានខែ ប៉ុន្មានឆ្នាំទៀត មិនមែនចេះតែទុកឱ្យពលរដ្ឋរស់នៅក្នុងសភាពបែបនេះទេ ពលរដ្ឋយល់ថា រដ្ឋាភិបាលចង់ផ្តល់សុវត្ថិភាព ប៉ុន្តែត្រូវតែប្រាប់ផងថា តើសង្គ្រាមនឹងបញ្ចប់ពេលណា ។ រីឯបុគ្គលញុះញង់ខ្លះដែលជំរុញឱ្យរដ្ឋាភិបាលបិទការចរចាសន្តិភាព ដោយសារមិនរងផលប៉ះពាល់ដោយសារសង្គ្រាម ពួកគេនៅតែអាចធ្វើការមានប្រាក់ខែចូលធនាគារ ប៉ុន្តែពលរដ្ឋព្រំដែនគ្មានប្រាក់ខែចូលធនាគារទេ តើអ្នកណាទទួលខុសត្រូវ ។

បុគ្គលញុះញង់តែងតែជំរុញឱ្យកងទ័ពវាយប្រហារកម្ពុជាម្តងនេះឱ្យធ្ងន់ដៃ កុំបន្ធូរដៃឱ្យសោះ និងចោទប្រកាន់កម្ពុជាមិនល្អបែបនេះ មិនល្អបែបនោះ ដោយសារពួកអ្នកស្អប់ខ្ពើម ប៉ុន្តែពលរដ្ឋព្រំដែនលំបាកវេទនា ។ បើពួកអ្នកគិតបែបនេះ ហេតុអ្វីមិនញុះញង់ឱ្យកងទ័ពធ្វើសង្គ្រាមឈ្លានពានម៉ាឡេស៊ីដែរទៅ ដើម្បីបញ្ចប់បញ្ហាព្រំដែននៅខេត្តភាគខាងត្បូង ចំនួន៣ ហើយហេតុអ្វីមិនញុះញង់ឱ្យកងទ័ពធ្វើសង្គ្រាមជាមួយមីយ៉ាន់ម៉ា ។ តើដឹងទេថា កងទ័ពនៅខេត្តព្រំដែនស្លាប់ដោយសារសង្គ្រាម មិនមែនជាកងទ័ពមកពីទីក្រុង ឬកូនចៅពួកអ្នកញុះញង់ទេ ។

គួរបញ្ជាក់ថា បុគ្គលដែលចូលចិត្តញុះញង់ឱ្យបង្កសង្គ្រាមឈ្លានពានកម្ពុជា គឺ កាន់ ចមផ្លាំង Influencer ថៃ ដែលបានយកឧបករណ៍បំពងសំឡេងមកចាក់រំខានការសម្រាករបស់ពលរដ្ឋខ្មែរនៅព្រំដែន និង Influencer មួយចំនួនទៀតនៅខេត្តសុរិន្ទ ចូលចិត្តញុះញង់ឱ្យកងទ័ពថៃវាយដណ្តើមយកប្រាសាទក្របី ។ បុគ្គលទាំងនេះហ៊ានតែជាមួយកម្ពុជាប៉ុណ្ណោះ មិនហ៊ានញុះញង់ឱ្យកងទ័ពធ្វើសង្គ្រាមជាមួយម៉ាឡេស៊ី និងមីយ៉ាន់ម៉ាទេ បើទោះជាថៃមានបញ្ហាព្រំដែនជាមួយប្រទេសទាំងពីរក្តី ។

កន្លងមក ការប៉ះទង្គិចគ្នារវាងកងទ័ពរដ្ឋាភិបាលមីយ៉ាន់ម៉ា និងក្រុមប្រឆាំង បានខ្ទាតគ្រាប់កាំភ្លើងចូលទឹកដីថៃបណ្តាលឱ្យពលរដ្ឋថៃរងរបួសជាបន្តបន្ទាប់ សាលារៀនត្រូវបិទទ្វារ ប៉ុន្តែមេដឹកនាំថៃមិនហ៊ានក្អក ឬប្រកាសង្គ្រាមជាមួយមីយ៉ាន់ម៉ាឡើយ បានត្រូមតែជូនដំណឹងឱ្យមីយ៉ាន់ម៉ាបន្ធូរដៃ និងសុំចរចា ។ ចំណែកកម្ពុជាវិញរងការចោទប្រកាន់ពីថៃមិនឈប់ឈរ ថៃតែងតែសម្តែងលេងល្បិចដដែលៗឱ្យកងទ័ពខ្លួនជាន់មីនទម្លាក់កំហុសលើកម្ពុជា ជាពិសេស ពេលបញ្ចប់កិច្ចប្រជុំដោះស្រាយជម្លោះព្រំដែន ឬមុនកិច្ចប្រជុំ ឬពេលស្ថានការណ៍ស្ងប់ស្ងាត់ ក៏ប្រឌិតរឿងផ្ទុះមីន ៕

មហាអំណាចអាមេរិកបានអំពាវនាវជាថ្មីម្តងទៀតកាលពីថ្ងៃទី២១ ខែធ្នូ ឆ្នាំ២០២៥ ឱ្យបញ្ចប់សង្គ្រា.មរវាងកម្ពុជា-ថៃ និងដកអាវុ.ធធុនធ្ងន់ចេញពីព្រំដែនប្រទេសទាំងពីរជាបន្ទាន់ ដែលនេះជាការអំពាវនាវលើកចុងក្រោយបង្អស់ បន្ទាប់ពីមើលឃើញកងទ័ពថៃនៅតែផ្គើនសម្រុកផ្លោងគ្រាប់ និងប្រើប្រាស់យន្តហោះចម្បាំង F-16 ទម្លាក់គ្រាប់បែ.កតាមទំនើងចិត្តក្នុងទឹកដីកម្ពុជា ដោយមិនស្តាប់ការសម្របសម្រួលរបស់មហាអំណាចនានា និងទាត់ចោលការអំពាវនាវរបស់សហគមន៍អន្តរជាតិ ។

មហាអំណាចអាមេរិកបានព្យាយាមសម្របសម្រួលម្តងហើយម្តងទៀតឱ្យបញ្ចប់សង្គ្រាមអូសបន្លាយ ដែលបង្កឡើងជាថ្មីដោយកងទ័ពថៃកាលពីថ្ងៃទី៧ ខែធ្នូ ឆ្នាំ២០២៥ ដោយអំពាវនាវឱ្យប្រទេសទាំងពីរដកអាវុធធុនធ្ងន់ចេញពីព្រំដែន និងឈប់ចោទប្រកាន់ការបង្កប់មីនថ្មីដែលធ្វើឱ្យសង្គ្រាមកាន់តែក្តៅគគុកខ្លាំងឡើង ។

អ្នកនាំពាក្យក្រសួងការបរទេសអាមេរិក លោក Tommy Pigott និយាយកាលពីថ្ងៃទី២១ ខែធ្នូ ថា «យើងរីករាយដែលមេដឹកនាំអាស៊ាននឹងចូលរួមកិច្ចប្រជុំរដ្ឋមន្ត្រីការបរទេសអាស៊ានពិសេស នៅថ្ងៃទី២២ ខែធ្នូ នេះ ដើម្បីជំរុញឱ្យកម្ពុជា-ថៃបញ្ចប់សង្គ្រាមជាថ្មី និងងាកមកគោរពកិច្ចព្រមព្រៀងសន្តិភាពយ៉ាងពេញលេញ» ។

ការអំពាវនាវរបស់មហាអំណាចអាមេរិកលើកចុងក្រោយនេះ គឺមុនពេលកិច្ចប្រជុំរដ្ឋមន្ត្រីការបរទេសអាស៊ានពិសេស ដែលពិភាក្សាពីការបញ្ចប់សង្គ្រាមរវាងកម្ពុជា-ថៃបានអូសបន្លាយជាច្រើនថ្ងៃ ដែលកិច្ចប្រជុំនេះធ្វើឡើងនៅថ្ងៃទី២២ ខែធ្នូ នៅទីក្រុងគូឡាឡាំពួរ ប្រទេសម៉ាឡេស៊ី ។

ចំណែកលោក Sihasak Phuangketkeow រដ្ឋមន្ត្រីក្រសួងការបរទេសថៃបាននិយាយមុនពេលធ្វើដំណើរទៅចូលរួមកិច្ចប្រជុំថា បណ្តាប្រទេសសមាជិកអាស៊ាន និងប្រទេសនានាមិនអាចដាក់សម្ពាធថៃបានទេ ដោយសារថៃបានបញ្ជាក់ពីគោលជំហរបញ្ចប់សង្គ្រាមរហូតមក ។ លោកបាននិយាយទម្លាក់កំហុសលើកម្ពុជាបង្កសង្គ្រាមមុន ដើម្បីកុំឱ្យរងការស្តីបន្ទោសពីអន្តរជាតិក្នុងកិច្ចប្រជុំនៅទីក្រុងគូឡាឡាំពួរ ។

លោកបន្តថា ក្រសួងការបរទេសថៃបានដាក់លក្ខខណ្ឌ ៣ចំណុចសម្រាប់កម្ពុជា ទើបថៃយល់ព្រមបញ្ចប់សង្គ្រាមឈ្លានពានលើកនេះ រួមមាន ៖ ១-កម្ពុជាត្រូវតែប្រកាសឈប់បាញ់មុន ២-ត្រូវតែឈប់បាញ់ពិតប្រាកដ ឈប់បាញ់ជារៀងរហូត និងមានក្រុមសង្កេតការណ៍ត្រួតពិនិត្យ និង៣-កម្ពុជាត្រូវសហការដោះមីនជាមួយថៃដោយស្មោះត្រង់ ។

កាលពីថ្ងៃទី១៩ ខែធ្នូ លោក Marco Rubio រដ្ឋមន្ត្រីក្រសួងការបរទេសអាមេរិកថា នឹងជំរុញឱ្យបញ្ចប់សង្គ្រាមរវាងកម្ពុជា-ថៃឱ្យបាន យ៉ាងយូរត្រឹមថ្ងៃទី២២ ឬ២៣ ខែធ្នូ (ជាអំឡុងពេលកិច្ចប្រជុំរដ្ឋមន្ត្រីការបរទេសអាស៊ានពិសេស) ពីព្រោះមេដឹកនាំថៃបានសន្យាជាលាយលក្ខណ៍អក្សរ និងចុះហត្ថលេខារួមគ្នាលើកិច្ចព្រមព្រៀងសន្តិភាពរួចហើយ ក្រោមវត្តមានប្រធានាធិបតីអាមេរិក លោក Donald Trump និងនាយករដ្ឋមន្ត្រីម៉ាឡេស៊ី លោក Anwar Ibrahim ។ បច្ចុប្បន្ន ថៃមិនគោរពកិច្ចព្រមព្រៀងសន្តិភាព ថែមទាំងចោទប្រកាន់កម្ពុជាមិនឈប់ឈរ ដូច្នេះ អាមេរិកមានតួនាទីជំរុញឱ្យប្រទសទាំងពីរចរចាឡើងវិញ ។

គួរបញ្ជាក់ថា ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជា នឹងអញ្ជើញចូលរួមកិច្ចប្រជុំរដ្ឋមន្ត្រីការបរទេសអាស៊ានពិសេស ស្តីពីស្ថានការណ៍បច្ចុប្បន្នរវាងកម្ពុជា-ថៃ នៅទីក្រុងគូឡាឡាំពួរ ប្រទេសម៉ាឡេស៊ី ។ រីឯភាគីថៃទៅចូលរួមកិច្ចប្រជុំ គឺលោក Sihasak រដ្ឋមន្ត្រីក្រសួងការបរទេស ដោយលោកថា កិច្ចប្រជុំនេះ ថៃនឹងដាក់លក្ខខណ្ឌ ៣ចំណុច បើកម្ពុជាមិនទទួលយកទេ កងទ័ពថៃនឹងមិនបញ្ចប់សង្គ្រាមឡើយ ។

ថៃចោទប្រកាន់អស់ពីរឿងមួយចូលរឿងមួយទម្លាក់កំហុសលើកម្ពុជា ដើម្បីយកលេសធ្វើសង្គ្រាមទន្ទ្រានទឹកដីដោយការប្រើប្រាស់អាវុធធុនធ្ងន់គ្រប់ប្រភេទ រួមទាំងយន្តហោះចម្បាំង F-16 ទម្លាក់គ្រាប់បែកតាមទំនើងចិត្តក្នុងដែនអធិបតេយ្យកម្ពុជា បែរជាដាក់លក្ខខណ្ឌឱ្យកម្ពុជាប្រកាសឈប់បាញ់មុន ។ ថៃចោទប្រកាន់កម្ពុជាឈ្លានពាន ប៉ុន្តែសង្គ្រាមជាច្រើនថ្ងៃនេះ ឃើញតែកងទ័ពថៃយកទង់ជាតិមកដោតក្នុងទឹកដីកម្ពុជា ហើយត្រូវបានវីរកងទ័ពកម្ពុជាបណ្តេញទៅវិញ ។ ថៃថាខ្លួនការពារអធិបតេយ្យ និងសុវត្ថិភាពពលរដ្ឋ ប៉ុន្តែប្រើប្រាស់យន្តហោះចម្បាំង F-16 ទម្លាក់គ្រាប់បែកក្នុងដែនអធិបតេយ្យកម្ពុជាយ៉ាងជ្រៅ បំផ្លាញវត្តអារ៉ាម សាលារៀន ផ្លូវ ស្ពាន និងផ្ទះសម្បែងពលរដ្ឋ ។

កងទ័ពថៃបានប្រើប្រាស់អាវុធធុនធ្ងន់គ្រប់ប្រភេទ រួមទាំងយន្តហោះចម្បាំង F-16 ឈ្លានពានចូលទឹកដីកម្ពុជារាល់ថ្ងៃ ដែលនេះជាទង្វើផ្គើន និងចំអកឡកឡឺយចំពោះអន្តរជាតិ ជាពិសេស ផ្គើនមហាអំណាចអាមេរិក-ចិន សហគមន៍អឺរ៉ុប និងអាស៊ាន ដែលបានអំពាវនាវឱ្យថៃបញ្ចប់សង្គ្រាមឈ្លានពាន និងងាកមកគោរពបទឈប់បាញ់ គោរពកិច្ចព្រមព្រៀងសន្តិភាព ៕