អង់គ្លេស៖ ហាងអាថ៌កំបាំងមួយកន្លែងនៅក្នុងប្រទេសអង់គ្លេសបានប្រកាសលក់តុក្កតាវិញ្ញាណខ្មោចក្នុងតម្លៃ ៨៣ ដុល្លារអាមេរិកនៅលើ eBay ដែលជាគេហទំព័រទិញនិងលក់ទំនិញអនឡាញដ៏ធំមួយរបស់ពិភពលោក នេះបើយោងតាមសារព័ត៌មាន Miller កាលពីថ្ងៃទី ១៩ ខែតុលា។

ហាងអាថ៌កំបាំងនេះត្រូវបានគេនិយាយថា ជាហាងមួយដែលលក់តែវត្ថុចម្លែកៗជាច្រើនដោយមិនសូវបើកចំហជាសារធារណៈឡើយ។ យោងតាមគេហទំព័រ Miller បានឱ្យដឹងថា ម្ចាស់ហាងនេះបានទទួលតុក្កតាចម្លែកពីអាចារ្យម្នាក់ដែលរស់នៅក្នុងរដ្ឋតិចសាស់ សហរដ្ឋអាមេរិក ហើយអាចារ្យនោះក៏បានហោះទៅប្រទេសអង់គ្លេសដើម្បីប្រគល់តុក្កតាខ្មោចនេះទៅម្ចាស់ហាងផងដែរ។ បន្ទាប់មកម្ចាស់ហាងអាថ៌កំបាំង ក៏បាននិយាយថា តុក្កតានេះត្រូវបានបិសាចចចកមួយក្បាលចូលសណ្ឋិត ដូច្នេះទើបគេលក់ក្នុងតម្លៃត្រឹមតែ ៨៣ ដុល្លារប៉ុណ្ណោះ។

ម្ចាស់ហាងក៏បានបន្តទៀតថា នៅពេលដែលពួកគេបានយកតុក្កតានេះពីអាចារ្យរូបនោះហើយ គ្រួសាររបស់ពួកគេក៏បានចាប់ផ្តើមមានភាពរញ៉េរញ៉ៃខ្លាំង ហើយក៏មានមនុស្សក្នុងផ្ទះរបស់ពួកគេបានស្លាប់ពីម្នាក់ទៅម្នាក់ទៀត ដូចជាត្រូវបណ្តាសាអញ្ចឹង។ បន្ទាប់មករៀងរាល់យប់តុក្កតាចម្លែកនេះតែងតែបញ្ចេញសំឡេងគួរឱ្យខ្លាច ដូច្នេះវាមិនមែនជារបស់ដែលក្មេងត្រូវលេងនោះទេ។

គួរបញ្ជាក់ដែរថា នៅពេលដែលទិញតុក្កតាចម្លែកនេះហើយ ម្ចាស់ហាងមិនអនុញ្ញាតឱ្យមានការប្រគល់ផលិតផល ឬបង្វិលសងប្រាក់វិញឡើយ រីឯវត្ថុផ្សេងៗទៀតនៅក្នុងហាងនេះក៏សុទ្ធតែមានវិញ្ញាណខ្មោចចូលសណ្ឋិតទាំងអស់ផងដែរ៕

ប្រទេសបារាំង ៖ លោក Eric Dupond-Moretti រដ្ឋមន្ត្រីក្រសួងយុត្តិធម៌បារាំងប្រកាសថា អាជ្ញាធរនឹងតាមស្វែងរកជនលេងសើចមិនមើលកាលៈទេសៈ ដែលជននេះស្ថិតនៅពីក្រោយការគំរា.មកំហែ.ងដាក់គ្រា.ប់បែ.ក និងផ្ញើសារព្រមានក្លែងក្លាយអំពីគ្រាប់បែក ។ អាជ្ញាធរនឹងចាប់ខ្លួនជននេះមកដាក់ទោសតាមច្បាប់ ប្រសិនបើជាអនីតិជន គឺអាណាព្យាបាលត្រូវតែទទួលខុសត្រូវរាល់ការខូចខាតទាំងអស់ ព្រោះវាធ្វើឱ្យមានការភ័យខ្លាចនៅតាមអាកាសយានដ្ឋាន និងតំបន់ទេសចរណ៍ ។

ការប្រកាសពីគោលជំហររបស់រដ្ឋាភិបាលបារាំងនេះ បានកើតឡើងក្រោយពីមានការផ្ញើអ៊ីម៉ែលគំរា.មកំហែ.ងពីការវា.យប្រហា.រតាមគ្រាប់បែក និងការទុកវ៉ាលីសចោលនៅអាកាសយានដ្ឋាន ទើបធ្វើឱ្យអាជ្ញាធរប្រកាសជម្លៀសមនុស្សម្នាចេញពីអាកាសយានដ្ឋានចំនួន៦កន្លែង កាលពីថ្ងៃទី១៨ ខែតុលា ឆ្នាំ២០២៣ ។

ការគំរា.មពីជនមិនស្គាល់មុខបានធ្វើឱ្យជើងហោះហើរនានាត្រូវពន្យារពេលជាច្រើនម៉ោង ហើយស្ថានការណ៍នៅអាកាសយានដ្ឋានគ្រប់កន្លែងបានត្រឡប់មកធម្មតាវិញនៅល្ងាចថ្ងៃដដែល ។ តាមការត្រួតពិនិត្យរបស់អាជ្ញាធរ គឺមិនបានប្រទះឃើញគ្រា.ប់បែ.ក ឬឧបករណ៍សង្ស័យណាមួយដូចការគំរា.មនោះទេ ។

ប្រទេសបារាំងបានប្រុងប្រយ័ត្នខ្ពស់តាំងពីក្រុមហាម៉ាស់វាយប្រហា.រមកលើប្រទេសអ៊ីស្រាអែលក្នុងទ្រង់ទ្រាយធំ កាលពីថ្ងៃទី៧ ខែតុលា ឆ្នាំ២០២៣ ។ កាលពីថ្ងៃទី១៣ ខែតុលា កន្លងមក មានហេតុការណ៍បុរសម្នាក់អះអាងថា ខ្លួនស្មោះត្រង់នឹងរដ្ឋឥស្លាម ឬ ISIS បានចា.ក់គ្រូបង្រៀនម្នាក់បណ្តាលឱ្យស្លា.ប់ក្នុងសាលារៀននៅភាគជើង ហើយ៣ថ្ងៃក្រោយមក សាលារៀននេះក៏បានជម្លៀសមនុស្សចេញ ដោយសារការគំរា.មដាក់គ្រា.ប់បែ.ក ។

ចំណែកព្រះរាជវាំង Versailles ដែលជាទីកន្លែងទេសចរណ៍ដ៏ពេញនិយមនៅទីក្រុងប៉ារីស អាជ្ញាធរបានជម្លៀសមនុស្សចេញចំនួន៣លើកហើយ គឺចាប់ពីថ្ងៃទី១៤ ខែតុលា មកម៉្លេះ ដោយសារតែការគំរា.មថា នឹងដាក់គ្រា.ប់បែ.ក ។ នៅថ្ងៃដដែលនេះ នៅសារមន្ទីរ Louvre ក៏បានជម្លៀសមនុស្សចេញដូចគ្នាដែរ ដោយសារទទួលសារគំរា.មកំហែ.ងដូចគ្នា ៕ ប្រភព ៖ TNN World

នាពេលបច្ចុប្បន្ននេះ ការប្រកាសតំបន់ណាមួយ ឱ្យទៅជារដ្ឋឯករាជ្យ វាមិនងាយស្រួលនោះទេ ដោយត្រូវឆ្លងកាត់ការបើឆ្នោតប្រជាមតិ និងទាមទារឱ្យមានការបោះឆ្នោតទទួលសង្គម បណ្តាប្រទេសដែលជាសមាជិកអង្គការសហប្រជាជាតិថែមទៀត។

តែយ៉ាងណាមិញ អាចនឹងមានតំបន់២ ដែលទំនងជាអាចប្រកាសឯករាជ្យមុនឆ្នាំ២០២៧ ក្នុងនោះរួមមាន៖

• កោះ ប៊ូ ហ្គេន វីល(Bougainville) ជាបណ្តុំកោះមួយស្ថិតនៅភាគនារតីមហាសមុទ្រប៉ាសុីហ្វិក ដែលបច្ចុប្បន្នស្ថិតក្រោមការគ្រប់គ្រងរបស់ប្រទេសប៉ាពួញូហ្គីណេ (Papua New Guinea)។ នៅក្នុងឆ្នាំ២០១៩ ប្រជាជននៅលើកោះនេះ បានបោះឆ្នោតប្រជាមតិមួយ ដែល៩៨ភាគរយនៃប្រជាជនកោះនេះ ចង់ឱ្យមានការបំបែករដ្ឋ និងក្លាយជារដ្ឋឯករាជ្យ។ សម្រេចការបំបែករដ្ឋនោះ ត្រូវបានសភារបស់ប្រទេសប៉ាពួញូហ្គីណេ (Papua New Guinea) ហាក់មានការបើកភ្លើងបៃតងឱ្យកោះនេះ ដោយទាមទារឱ្យមានការរៀបចំហេដ្ឋារចនាប្រទេស និងរដ្ឋាភិបាលឱ្យបានត្រឹមត្រូវជាមុនសិន ទើបអាចមានសិទ្ធពេញលេញក្នុងការប្រកាសជារដ្ឋឯករាជ្យ។

• សាធារណរដ្ឋប្រជាមានិត Donetsk ដែលជាតំបន់មួយស្ថិតនៅក្នុងការគ្រប់គ្រងរបស់រុស្សុី ត្រូវបានលោកពូទីន អនុញ្ញាតឱ្យប្រកាសជារដ្ឋឯករាជ្យ តែការប្រកាសនេះមិនត្រូវបានទទួលស្គាល់ពីបណ្តាប្រទេសនៅក្នុងតំបន់អឺរ៉ុបនោះទេ ហេតុដូច្នេះ តំបន់នេះកំពុងស្វែងជំនួយពីប្រទេសលោកខាងលិច និងស្នើឱ្យពួកគេទទួលស្គាល់តំបន់នេះ ជារដ្ឋឯករាជ្យ៕

ថ្មីៗនេះ មានការវែកញែកជាច្រើនៅលើបណ្តាញសង្គម X (twitter) ប៉ះព័ន្ធនឹង ប៉ាគីស្ថានអាចនឹងត្រូវបានដកសិទ្ធវិញ ប្រសិនបើ FIFA រកឃើញមានការជ្រៀតជ្រែកពី ភាគីទី៣ ទៅក្នុងសហព័ន្ធបាល់ទាត់ប៉ាគីស្ថាន។

FIFA បានបើកការស៊ើបអង្កេតភ្លាមៗ ក្រោយពីប៉ាគីស្ថានបានយកឈ្នះកម្ពុជា ១-០ នៅក្នុងការជម្រុះជុំទីមួយ ឆ្ពោះទៅកាន់ព្រឹត្តិការណ៍ World Cup ឆ្នាំ២០២៦។ការស៊ើបអង្កេតនេះទាក់ទងទៅនឹង ការជ្រៀតជ្រែកពី ភាគីទី៣ ទៅក្នុងសហព័ន្ធបាល់ទាត់ប៉ាគីស្ថានដោយសារតែក្នុងគម្រោងរបស់ FIFA គឺតែងផ្តល់ថវិការាប់លានដុល្លារទៅកាន់សហព័ន្ធបាល់ទាត់ជាសមាជិក ដើម្បីសាងសង់ទីលាន និងគម្រោងផ្សេងៗ ក្នុងការអភិវឌ្ឍបាល់ទាត់។

តែជាក់ស្តែងកីឡដ្ឋានរបស់ប៉ាគីស្ថាន នៅពេលប្រកួតជាមួយកម្ពុជា ហាក់មានសភាពមិនសមប្រកបក្នុងការលេង ដែលជាហេតុធ្វើឱ្យ FIFA សង្ស័យថាមានភាគីទី៣ ចូលទៅកាន់កាប់សហព័ន្ធបាល់ទាត់ប៉ាគីស្ថាន និងបានយកលុយដែល FIFA ផ្តល់ឱ្យ ធ្វើជាប្រយោជន៍ផ្ទាល់ខ្លួន។តែយ៉ាងណាមិញនេះ គ្រាន់តែជំហានដំបូងតែប៉ុណោះរបស់ FIFA លទ្ធផលយ៉ាងណា យើងមានតែរងចាំបន្ត នៃចំណាត់ការរបស់ FIFA។

សូមបញ្ជាក់ផងដែរថា សហព័ន្ធបាល់ទាត់ប៉ាគីស្ថានធ្លាប់ទទួលរងនូវការដាក់បម្រាមពី FIFA ៣លើករួចមកហើយ ពាក់ព័ន្ធនឹងករណីមានការជ្រៀតជ្រែករបស់ភាគីទី៣ នៅឆ្នាំ ២០១៧ ២០១៨ និង ២០២១៕

If Pakistan football gets a ban, Cambodia will qualify for the second round.

The dreams of all Pakistani football fans will be shattered. The wait for breaking this curse will not matter.
Resolve this issue ASAP.
Pakistani football fans are now powerful #LeavePFFHouse

— Shayan Obaid Alexander (@ScouserSamar7) October 19, 2023

ពលរដ្ឋកម្ពុជាបង្ហាញការភ្ញាក់ផ្អើលយ៉ាងខ្លាំងបន្ទាប់ពីសារព័ត៌មានធំរបស់សហរដ្ឋអាម៉េរិក CNN បានចុះផ្សាយពីព្រលានយន្តហោះថ្មីនៅខេត្តសៀមរាបដែលបានដាក់ឱ្យដំណើរការហើយ។ ការចុះផ្សាយនៅក្នុងស្ថាប័នដ៏ធំនេះពលរដ្ឋរំពឹងថានឹងជំរុញឱ្យកាន់តែមានភ្ញៀវទេសចរមកកម្សាន្តកាន់តែច្រើន និងកាន់តែធ្វើឱ្យអ្នកផ្សេងទៀតបានស្គាល់ពីប្រទេសកម្ពុជា។

សារព័ត៌មាន CNN បានចុះផ្សាយជាមួយចំណងជើងធំថា «Cambodia’s newest and biggest airport opens in Siem Reap, the gateway to UNESCO-listed Angkor»។ ខ្លឹមសារនៅក្នុងអត្ថបទនោះបានលើកឡើងថាអាកាសយានដ្ឋានថ្មី និងធំជាងគេបំផុតរបស់កម្ពុជា បានបើកដំណើរការអាជីវកម្មនៅខេត្តសៀមរាប ភាគពាយ័ព្យនៃប្រទេសក្នុងសប្តាហ៍នេះ។ អាកាសយានដ្ឋានអន្តរជាតិសៀមរាប-អង្គរ ក្រោមហិរញ្ញប្បទានរបស់ប្រទេសចិនក្នុងតម្លៃ១ ១០០លានដុល្លារ ជាច្រកទ្វារដ៏សំខាន់ទៅកាន់កន្លែងទេសចរណ៍ដ៏ពេញនិយមបំផុតមួយរបស់ប្រទេសរមណីយដ្ឋានអង្គរដែលចុះបញ្ជីដោយអង្គការយូណេស្កូ។ ក្នុងនោះអាកាសយានដ្ឋានអន្តរជាតិសៀមរាប-អង្គរ(SAI) ដែលបានចាប់ផ្តើមសាងសង់ក្នុងឆ្នាំ២០២០បានជំនួសអាកាសយានដ្ឋានអន្តរជាតិសៀមរាប (REP) ដែលបានបើកដំណើរការដំបូងក្នុងឆ្នាំ ១៩៣២ និងមានចម្ងាយតែប៉ុន្មានគីឡូម៉ែត្រពីបរិវេណអង្គរប៉ុណ្ណោះ។

បន្ថែមពីលើនេះ សារព័ត៌មានដ៏ល្បីនេះក៏បានរំលេចការរចនាព្រលានយន្តហោះថ្មីនេះគឺធ្វើឡើងដោយរចនាប័ទ្មស្ថាបត្យកម្មប្រពៃណីខ្មែរ និងបានលើកឡើងពីទិន្នន័យភ្ញៀវទេសបរទេសមានការកើនឡើងបើធៀបនឹងឆ្នាំ២០២២ ប៉ុន្តែមានការធ្លាក់ចុះបើធៀបនឹងឆ្នាំ២០១៩ មុនពេលប្រទេសកម្ពុជាបិទព្រំដែនដោយសារតែជំងឺកូវីដ៕