នៅពេលដែលអ្នកត្រូវការទិញរថយន្ត អ្នកគួរតែយល់ដឹងឱ្យច្បាស់អំពីម៉ាករថយន្ត តម្លៃ ក៏ដូចជារថយន្តទាំងនោះស៊ីសាំឬអត់? ប្រសិនបើអ្នកទិញចំរថយន្តណាដែលស៊ីសាំងច្រើន នោះអ្នកនឹងត្រូវចំណាយប្រាក់សម្រាប់តែចិញ្ចឹមថ្លៃសាំងរបស់វារហូត។ ដូច្នេះ ដើម្បីឱ្យអ្នកយល់ដឹងកាន់តែច្បាស់អំពីប្រភេទរថយន្តដែលស៊ីសាំងច្រើន ខាងក្រោមនេះគឺជារថយន្តដែលអ្នកគួរប្រុងប្រយ័ត្ន៖

១.រថយន្ត Toyota Fortuner៖ Toyota Fortuner ជំនាន់ទី១ ត្រូវបានគេចាត់ទុកថាជារថយន្តពេញនិយមបំផុតនៅលើទីផ្សារជជុះ។ រថយន្តនេះមានតម្លៃជាទូទៅត្រឹមតែជាង ១ ម៉ឺនដុល្លាប៉ុណ្ណោះ។ ប៉ុន្តែតើអ្នកដឹងទេថា Fortuner ដំបូងគេត្រូវបានគេចាត់ទុកថាមានប្រសិទ្ធភាពស៊ីសាំងខ្លាំង ជាពិសេសម៉ូដែលកង់បួនដែលមានអត្រាស៊ីសាំងប្រហែល ៧-៨ គីឡូម៉ែត្រក្នុងមួយលីត្រឯណោះ។

២.រថយន្ត Mitsubishi G-Wagon៖ Mitsubishi G-Wagon ត្រូវបានគេចាត់ទុកថាជារថយន្តដែលមានរូបរាងសមរម្យសម្រាប់អ្នកផ្សងព្រេង ហើយក៏ជារថយន្តដែលមានមនុស្សជាច្រើននៅតែទិញ ប៉ុន្តែវាមានអត្រាស៊ីសាំងប្រហែល ៧-៨ គីឡូម៉ែត្រក្នុងមួយលីត្រផងដែរ។

៣. Mitsubishi Space Wagon៖ ទោះបីជា Mitsubishi Space Wagon ប្រើម៉ាស៊ីន 4-cylinder ចំណុះ ២.៤ លីត្រក៏ដោយ ក៏ទំហំតួខ្លួនធំ និងធ្ងន់ ដែលនាំឱ្យអត្រាប្រើប្រាស់អតិបរមា ៦-៧ គីឡូម៉ែត្រ/លីត្រ ប៉ុន្តែវាមកជាមួយរូបរាងស្រស់ស្អាត និងទាន់សម័យ។

៤. Nissan Teana៖ Nissan Teana ដំបូងគេត្រូវបានបំពាក់ដោយម៉ាស៊ីន V6 ចំណុះ ២,៣ លីត្រ ដែលមានលក្ខណៈស្ងប់ស្ងាត់ និងរលោង។ ប៉ុន្តែបើនិយាយពីអត្រានៃការប្រើប្រាស់នោះ រថយន្តនេះស៊ីប្រេងក្នុងកម្រិត ៥-៦ គីឡូម៉ែត្រក្នុងមួយលីត្រ ហើយប្រសិនបើអ្នកបើកបរផ្លូវឆ្ងាយនោះគឺពិតជាពិបាកក្នុងការគ្រប់គ្រងប្រេងណាស់។

៥. Ford Escape និង Mazda Tribute៖ Ford Escape និង Mazda Tribute គឺជារថយន្ត SUV ដែលត្រូវបានបង្កើតឡើងនៅលើមូលដ្ឋានដូចគ្នា ដែលមានលក្ខណៈពិសេសក្នុងការបើកបរល្អជាងរថយន្ត SUV សម័យមុន។ ប៉ុន្តែវាត្រូវបានផ្លាស់ប្តូរជាមួយនឹងម៉ាស៊ីន V6 3.0 លីត្រ ដែលប្រើប្រាស់ប្រេងដ៏កាចសាហាវបំផុត ជាមួយនឹងតួលេខជាមធ្យម ៥-៦ គីឡូម៉ែត្រ / លីត្រ។

៦. Honda Accord៖ Honda Accord ជំនាន់ទី ៧ មានម៉ាស៊ីន V6 ចំណុះ 3.0 លីត្រ ជាជម្រើសសម្រាប់អ្នកដែលស្រលាញ់ថាមពល ប៉ុន្តែវាមកជាមួយនឹងការស៊ីសាំងប្រហែល ៥-៦ គីឡូម៉ែត្រក្នុងមួយលីត្រឯណោះ៕
ប្រភព៖sanook

រដ្ឋធានីវ៉ាស៊ីនតោន៖ ជម្លោះ រវាងអ៊ីស្រាអែល បានជំរុញឲ្យកងជីវពលផ្សេងៗ វាយប្រហារ ទៅលើមូលដ្ឋានកងទ័ពសហរដ្ឋអាមេរិក នៅក្នុងតំបន់មជ្ឈិមបូព៌ា កាលពីពេលថ្មីៗនេះ ប៉ុន្ដែឥឡូវអ្នកនាំពាក្យ សេតវិមាន បានចោទប្រកាន់ទៅលើអ៊ីរ៉ង់ ជាអ្នកជួយគាំទ្រដល់សកម្មភាពទាំងនេះ។

សារព័ត៌មានអារ៉ាប់អន្ដរជាតិ Al Arabiya News បានចេញផ្សាយ កាលពីព្រឹក ថ្ងៃអង្គារ ទី២៤ ខែតុលា ថា លោក ចន ឃើរប៊ី (John Kirby) អ្នកនាំពាក្យ សេតវិមានរបស់ប្រធានាធិបតីសហរដ្ឋអាមេរិក បានបញ្ជាក់ កាលពីថ្ងៃចន្ទ (ទី២៣ ខែតុលា) ថា អ៊ីរ៉ង់ ជាប់ពាក់ព័ន្ធ នៅក្នុងករណីជាច្រើន ជួយសម្របសម្រួល នៅក្នុងការវាយប្រហារ ដោយគ្រាប់រ៉ុក្កែត និង ដ្រូន បង្កឡើងដោយក្រុមចលនាប្រដាប់អាវុធជាច្រើន គាំទ្រ ដោយរដ្ឋាភិបាលក្រុងតេអ៊ីរ៉ង់ មកលើមូលដ្ឋានកងទ័ពនានារបស់សហរដ្ឋអាមេរិក នៅក្នុងប្រទេសអ៊ីរ៉ាក់ និង ស៊ីរី។ ស្របគ្នានេះ លោកប្រធានាធិបតី ចូ បៃដិន បានបញ្ជាទៅដល់ក្រសួងការពារជាតិសហរដ្ឋអាមេរិក ត្រូវតែរៀបចំបន្ថែម សម្រាប់ឆ្លើយតបនឹងការវាយប្រហារណាមួយ នៅក្នុងតំបន់។គ្រាប់ប់រ៉ុក្កែត និង យន្តហោះគ្មានមនុស្សបើក ឬ ដ្រូន បានវាយប្រហារទៅលើមូលដ្ឋានទ័ពសហរដ្ឋអាមេរិក នៅក្នុងប្រទេសអ៊ីរ៉ាក់ និង ស៊ីរី កាលពីប៉ុន្មានថ្ងៃកន្លងទៅថ្មីៗនេះ។ ក្រុមចលនាតស៊ូអ៊ិស្លាម នៅក្នុងប្រទេសអ៊ីរ៉ាក់ ត្រូវបានក្រុមអ្នកវិភាគពណ៌នា ថា ជាបណ្តាញក្រុមប្រដាប់អាវុធ មានទំនាក់ទំនងជាមួយនឹងអ៊ីរ៉ង់។ ក្រុមជីវពលទាំងនេះ បានអះអាង អំពីការទទួលខុសត្រូវជាច្រើន ពាក់ព័ន្ធនឹងការវាយប្រហារនានា។

ក្រុមប្រដាប់អាវុធអ៊ិស្លាម បានអះអាង ថា ការវាយប្រហារ និង ការដាក់ឱសានវាទរបស់ពួកគេ សម្រាប់កងទ័ពសហរដ្ឋអាមេរិក ត្រូវតែចាកចេញ ពីប្រទេសអ៊ីរ៉ាក់។ ការព្រមានទាំងនេះ គឺជាការសងសឹក ប្រឆាំងនឹងរដ្ឋាភិបាលក្រុងវ៉ាស៊ីនតោន គាំទ្រដល់ប្រទេសអ៊ីស្រាអែល ក៏ដូចជា ការព្រមានដល់សហរដ្ឋអាមេរិក មិនឱ្យចូលរួមអន្តរាគមន៍ នៅក្នុងសង្គ្រាមរបស់អ៊ីស្រាអែល ប្រឆាំងនឹងក្រុមហាម៉ាស់ នៅក្នុងតំបន់ហ្កាហ្សា។

ក្រុមសកម្មប្រយុទ្ធ គាំទ្រដោយអ៊ីរ៉ង់ នៅក្នុងប្រទេសអ៊ីរ៉ាក់ បានបញ្ជាក់ នៅក្នុងសេចក្តីថ្លែងការណ៍មួយ ថា «ការព្រមានទាំងនេះ គ្រាន់តែជាសាររំឭកដល់កងទ័ពសហរដ្ឋអាមេរិក ជាមុនតែប៉ុណ្ណោះ ហើយការងារធ្ងន់ធ្ងរ នៅមិនទាន់ចាប់ផ្តើមនៅឡើយ។ ប៉ុន្ដែប្រសិនបើអ៊ីស្រាអែល បើកការឈ្លានពាន ទៅលើទឹកដីហ្កាហ្សា ពួកគេនឹងវាយប្រហារភ្លាម»។

លោក ចន ឃើរប៊ី អ្នកនាំពាក្យ សេតវិមាន បានសង្កត់ធ្ងន់ ថា ការវាយប្រហារបែបនេះ បានកើនឡើង កាលពីសប្តាហ៍មុន ហើយជាពិសេស នៅក្នុងរយៈពេលប៉ុន្មានថ្ងៃចុងក្រោយនេះ។ ប៉ុន្តែសហរដ្ឋអាមេរិក នឹងមិនអនុញ្ញាតឱ្យភាគីណាមួយ ទាញយកផលប្រយោជន៍ នៅក្នុងតំបន់ ែល«មិនមានបញ្ហាអ្វីឡើយ»។ សហរដ្ឋអាមេរិក ជឿ ថា ក្រុមចលនាប្រដាប់អាវុធទាំងនេះ ត្រូវបានការគាំទ្រ ពីកងឆ្មាំបដិវត្តន៍អ៊ីស្លាមអ៊ីរ៉ង់ (IRGC) និង រដ្ឋាភិបាលអ៊ីរ៉ង់ ដែលកំពុងតែបន្តគាំទ្រដល់ក្រុមសកម្មប្រយុទ្ធហាម៉ាស់របស់ប៉ាឡេស្ទីន និង ហេសបូឡាហ៍ (Hezbollah)របស់លីបង់ ។

អ្នកនាំពាក្យ សេតវិមាន រូបនេះ បានបន្ដ ថា «យើងដឹង ថា អ៊ីរ៉ង់កំពុងតែតាមដានយ៉ាងដិតដល់នូវព្រឹត្តិការណ៍ទាំងនេះ ហើយក្នុងករណីខ្លះ អ៊ីរ៉ង់ ថែមទាំងជួយសម្របសម្រួលយ៉ាងសកម្ម សម្រាប់ការវាយប្រហារទាំងនេះ និង ជំរុញឱ្យក្រុមប្រដាប់អាវុធផ្សេងៗទៀត ដែលចង់កេងកេងចំណេញ ពីជម្លោះ រវាងអ៊ីស្រាអែល-ហាម៉ាស់ ដើម្បីផលប្រយោជន៍ផ្ទាល់ខ្លួន ឬ សម្រាប់ប្រទេសអ៊ីរ៉ង់»។

ការកើនឡើង នៃការវាយប្រហារ មកលើកងកម្លាំងអាមេរិក ចាប់តាំងពីជម្លោះ នៅក្នុងប្រទេសអ៊ីស្រាអែល បានផ្ទុះឡើង កាន់តែតានតឹង កាលពីថ្ងៃទី៧ ខែតុលា ខណៈពួកសកម្មប្រយុទ្ធក្រុមហាម៉ាស់ប៉ាឡេស្ទីន បានវាយប្រហារ ទៅលើតំបន់ភាគខាងត្បូង នៃប្រទេសអ៊ីស្រាអែល។លោក ចូ បៃដិន ប្រធានាធិបតីសហរដ្ឋអាមេរិក បានបញ្ជូនកម្លាំងទ័ពជើងទឹក ទៅកាន់មជ្ឈិមបូព៌ា នៅក្នុងរយៈពេលពីរសប្តាហ៍ចុងក្រោយនេះ រួមទាំង នាវាផ្ទុកយន្តហោះ២គ្រឿង នាវាចម្បាំងផ្សេងៗទៀត និង កងម៉ារីន ប្រហែល ២ ០០០នាក់។

លោក ចន ឃើរប៊ី បានបន្ថែម ថា «យើងដឹង ថា គោលដៅរបស់អ៊ីរ៉ង់ គឺដើម្បីរក្សាកម្រិត នៃការបដិសេធមួយចំនួន នៅទីនេះ ប៉ុន្តែយើងនឹងមិនអនុញ្ញាតឱ្យពួកគេ ធ្វើដូច្នេះទេ។ យើងក៏នឹងមិនអនុញ្ញាតឲ្យការគំរាមកំហែងដល់ផលប្រយោជន៍របស់យើង នៅក្នុងតំបន់»៕

ស៊ីងតាវ៖ អាជ្ញាធរចិនកំពុងតែធ្វើការស៊ើបអង្កេតបន្ទាប់ពីបានឃើញវិដេអូមួយចែកចាយនៅលើបណ្តាញសង្គមដែលបានបង្ហាញពីសកម្មភាពរបស់កម្មករក្នុងររោងចក្រស្រាបៀស៊ីងតាវដ៏ល្បីមួយរបស់ប្រទេសចិននោមដាក់ក្នុងធុងផលិតមួយ។ ពួកគេជឿជាក់ថា ការធ្វើបែបនេះប្រហែលទំនងជាធាតុផ្សំដ៏សំខាន់នៅក្នុងការបង្កើនរសជាតិស្រាបៀរដ៏ពេញនិយមនេះបានមួយកម្រិតទៀត។

ស៊ីងតាវគឺជាម៉ាកស្រាបៀរដ៏ល្បីមួយរបស់ប្រទេសចិននិងពេញនិយមបំផុតទាំងក្នុងនិងក្រៅប្រទេស។ ឃ្លីបនោះត្រូវបានគេចែកចាយតាមរយៈប្រព័ន្ធអ៊ីនធើណែតកាលពីថ្ងៃព្រហស្បតិ៍ទី19ខែតុលាកន្លងទីនេះ ដែលការទស្សនារហូតដល់ទៅជាង១០លាន Views ឯណ្ណោះ ដោយកម្មកររូបនោះបានស្លៀកនូវឯកសណ្ឋានរបស់ក្រុមហ៊ុន ពាក់មួកសុវត្ថិភាពនៅលើក្បាល ហើយបានឡើងទៅលើជញ្ជាំងដ៏ខ្ពស់ រួចក៏បានចូលទៅក្នុងធុងមួយមុនពេលដែលធ្វើការបត់ជើងតូចដាក់ក្នុងនោះ។

តាមរយៈការផ្សាយរបស់គេហទំព័រ National Business Daily បាននិយាយថាអ្នកដែលថតវិដេអូនោះមិនមែនជាបុគ្គលិកដែលធ្វើការនៅទីនោះទេ។

កាលពីថ្ងៃសុក្រទី២០ខែតុលានេះ ការិយាល័យត្រួតពិនិត្យទីផ្សារនិងរដ្ឋបាលនាទីក្រុង Pingdu ដែលជាកន្លែងរោងចក្រផលិតស្រាបៀរនោះ រួមទាំងមន្ត្រីប៉ូលីសបានចុះទៅធ្វើការស៊ើបអង្កេតភ្លាមៗ ដោយចុះទៅសង្កេតនៅកន្លែងកើតហេតុផ្ទាល់តែម្តងបន្ទាប់ពីវិដេអូនោះបានបង្ហោះនៅលើអ៊ីនធើណែត។ ចំណែកធាតុផ្សំសំខាន់ៗរបស់ស្រាបៀរយ៉ាងណានោះនៅតែមិនទាន់បានបង្ហើបនៅឡើយទេ។

បុរសម្នាក់ក៏បានសម្តែងនូវការហួសចិត្តនិងបាននិយាយថា ៖ « រឿងល្អដែលខ្ញុំចេះមិនផឹកស្រា បៀរ ប៉ុន្តែជារឿងដែលស្ទើរតែមិនគួរឲ្យជឿទេ ប្រសិនបើម៉ាកយីហោដ៏ល្បីនេះនឹងត្រូវបានត្រូវបានបិទទ្វារដោយសារតែរឿងនេះ៕

BBC News

សង្គ្រាមរុស្សុី និងអ៊ុយក្រែន បានអូសបន្លាយអស់រយៈពេលជាង២ឆ្នាំ បានបង្កឱ្យមនុស្សរាប់ពាន់នាក់បានបាត់បង់ជីវិត និងរាប់មុឺននាក់ទៀត បានបង្ខំចិត្តចាកចេញពីលំនៅឋាន ដើម្បីស្វែងរកកន្លែងសុវត្ថិភាព។

ស្របពេលដែរ សង្គ្រាមបានអូសបន្លាយជាង២ឆ្នាំ បានធ្វើឱ្យតំបន់មួយនៅចន្លោះប្រទេសអ៊ុយក្រែន និងរុស្សុី កំពុងរៀបចំរដ្ឋាភិបាលរបស់ខ្លួន ត្រៀមប្រកាសឯករាជ្យ នៅពេលដែលសង្គ្រាមបញ្ចប់។

តំបន់នេះ មានឈ្មោះថា សាធារណរដ្ឋប្រជាមានិត Donetsk (Donetsk People’s Republic) ដែលជាតំបន់មួយស្ថិតនៅក្នុងការគ្រប់គ្រងរបស់អ៊ុយក្រែន ដែលត្រូវបានលោកពូទីនគាំទ្រពេញទំហឹងសម្រាប់ការផ្តាច់ខ្លួនជាប្រទេសឯករាជ្យ ឬក៏អាចចូលមកជ្រកកោនក្រោម ការដឹកនាំរបស់រដ្ឋរុស្សុីវិញ។

នៅក្នុងស្ថានភាពបែបនេះ សាធារណរដ្ឋប្រជាមានិត Donetsk (Donetsk People’s Republic) នឹងអាចក្លាយជារដ្ឋឯករាជ្យបាន លុះត្រាតែរុស្សុី ឈ្នះសង្គ្រាម បើមិនដូច្នេះទេ ពួកគេនៅតែជាផ្នែកមួយរបស់អ៊ុយក្រែនដដែល។

សូមបញ្ជាក់ផងដែរថា តំបន់នេះ ធ្លាប់ត្រូវបានលោកពូទីន អនុញ្ញាតឱ្យប្រកាសជារដ្ឋឯករាជ្យ តែការប្រកាសនេះមិនត្រូវបានទទួលស្គាល់ពីបណ្តាប្រទេសនៅក្នុងតំបន់អឺរ៉ុបនោះទេ ពោលគឺមានតែរុស្សុី និងប្រទេសបេឡារុស្សប៉ុណ្ណោះដែលទទួលស្គាល់៕

យោងតាមការស្ទង់មតិទៅលើសិល្សវិទ្យាល័យ ក្នុងទីក្រុងហុងកុង ក្នុងចំណោមអ្នកឆ្លើយសំណួរចំនួន ២២៨ នាក់ មានចំនួន ៦២.៣% បាននិយាយថាពួកគេមានរបស់របរដែលទាក់ទងនឹង K-pop ដូចជាផ្ទាំងរូបភាពនិងអាវយឺតជាដើម។ លើសពីនេះទៀត ៦១.៤% នៃអ្នកឆ្លើយសំណួរបានបង្ហាញពីចំណាប់អារម្មណ៍ក្នុងការរៀនភាសាកូរ៉េដោយសារតែ K-pop ខណៈដែល ៥៧% បានបង្ហាញថាម៉ូដសំលៀកបំពាក់កូរ៉េមានភាពទាក់ទាញ។

លទ្ធផលស្ទង់មតិទាំងនេះត្រូវបានបង្ហាញនៅក្នុងវេទិកាកូរ៉េលើកទី២ សម្រាប់អ្នកដឹកនាំវ័យក្មេងហុងកុងដែលប្រារព្ធឡើងនៅសាកលវិទ្យាល័យហុងកុងកាលពីពេលកន្លងទៅថ្មីៗនេះ។ វេទិកាកូរ៉េដែលរៀបចំដោយអគ្គកុងស៊ុលកូរ៉េប្រចាំទីក្រុងហុងកុង មជ្ឈមណ្ឌលវប្បធម៌កូរ៉េ និងនាយកដ្ឋានសិក្សាកូរ៉េនៃសាកលវិទ្យាល័យហុងកុង អនុញ្ញាតឱ្យសិស្សវិទ្យាល័យក្នុងតំបន់បង្កើតក្រុម និងធ្វើការស្រាវជ្រាវលើផ្នែកផ្សេងៗទាក់ទងនឹងប្រទេសកូរ៉េ។

នៅឆ្នាំនេះ ក្រុមដែលចូលរួមបានធ្វើបទបង្ហាញអំពីប្រធានបទដូចជា ឥទ្ធិពលរបស់ K-pop លើសេដ្ឋកិច្ចកូរ៉េ និងការផ្សព្វផ្សាយវប្បធម៌ ឥទ្ធិពលនៃរឿងភាគកូរ៉េលើវិស័យទេសចរណ៍កូរ៉េ និងផលប៉ះពាល់នៃការអប់រំកូរ៉េលើការអភិវឌ្ឍន៍សេដ្ឋកិច្ចកូរ៉េ។

នៅហុងកុង ជាកន្លែងដែល Hallyu (Korean Wave) មានប្រជាប្រិយភាពខ្លាំង រឿងភាគកូរ៉េច្រើនតែគ្របដណ្ដប់ចំណាត់ថ្នាក់កំពូលទាំង ១០ នៅក្នុងបញ្ជីរឿង Netflix ក្នុងស្រុក ហើយការសម្តែង K-pop ទទួលបានភាពជោគជ័យយ៉ាងខ្លាំង។ ដោយគិតពីនិន្នាការនេះ ចាប់ពីឆ្នាំ ២០២៥ តទៅ សញ្ញាប័ត្រអនុវិទ្យាល័យហុងកុង (HKDSE) នឹងរួមបញ្ចូលភាសាកូរ៉េជាមុខវិជ្ជាភាសាបរទេសជ្រើសរើស៕

ពលរដ្ឋមូស្លីមនៅជុំវិញពិភពលោកបាននាំគ្នាដើរដង្ហែរក្បួនបាតុកម្ម ដើម្បីអំពាវនាវឱ្យប្រទេសអ៊ីស្រាអែលឈប់វា.យប្រហា.រមកលើតំបន់ Gaza ក្រោយពីអ៊ីស្រាអែលវា.យប្រហា.រតាមអាកាសយ៉ាងខ្លាំងក្លាអស់រយៈពេល២សប្តាហ៍ ។ ចុងក្រោយ ចំនួនអ្នកស្លា.ប់នៅអ៊ីស្រាអែលស្មើជាង១.៤០០នាក់ ខណៈប៉ាឡេស្ទីនមានអ្នកស្លា.ប់រហូតដល់ជាង៤.១០០នាក់

រដ្ឋាភិបាលប្រទេសលោកខាងលិចមួយចំនួនបានគាំទ្រការប្រតិបត្តិការរបស់កងទ័ពអ៊ីស្រាអែល ខណៈបណ្តារដ្ឋមូស្លីមជាច្រើនបានអំពាវនាវឱ្យបញ្ឈប់ការបា.ញ់គ្នាភ្លាមៗ ដោយពលរដ្ឋជាច្រើននាក់មិនពេញចិត្តចំពោះសភាពការណ៍ដែលកើតឡើងនៅតំបន់ Gaza ។

នៅប្រទេសហ្សកដានី មានអ្នកតវ៉ាជាង៦.០០០នាក់បានចេញមកដង្ហែរក្បួននៅកណ្តាលក្រុងអាំម៉ាន ដែលជាទីក្រុងធំ និងមានអ្នកតវ៉ារាប់ពាន់នាក់ទៀតមកប្រជុំគ្នានៅក្បែរស្ថានទូតអ៊ីស្រាអែល ។ បណ្តាអ្នកតវ៉ាបានបង្ហាញការគាំទ្រក្រុមហាម៉ាស់ និងស្នើឱ្យក្រុមហាម៉ាស់វា.យលុ.កអ៊ីស្រាអែលដោយការបា.ញ់កាំជ្រួច ។ ពួកគេបានបង្ហាញការកាន់ជើងក្រុមហាម៉ាស់ ដោយស្រែកខ្លាំងៗថា ៖ «ពួកយើងជាកងទ័ពរបស់អ្នក» ។

ចំណែកនៅប្រទេសថៃវិញ ពលរដ្ឋមូស្លីម និងអ្នកតវ៉ារាប់រយនាក់ដែលគាំទ្រប៉ាឡេស្ទីន បានប្រមូលផ្តុំគ្នាតវ៉ានៅមុខស្ថានទូតអ៊ីស្រាអែលប្រចាំប្រទេសថៃ នៅទីក្រុងបាងកក កាលពីថ្ងៃទី២១ ខែតុលា ឆ្នាំ២០២៣ ដើម្បីអំពាវនាវឱ្យមានការដោះលែងពួកប៉ាឡេស្ទីន ។ អ្នកតវ៉ាម្នាក់និយាយថា ពលរដ្ឋមូស្លីមនៅប៉ាឡេស្ទីនត្រូវអត់ធ្មត់អស់រយៈពេលជាង៧៥ឆ្នាំ ចំពោះការសង្ក.ត់សង្កិ.នរបស់អ៊ីស្រាអែល ប៉ុន្តែមើលទៅ គ្មានអ្នកណាចាប់អារម្មណ៍ពួកគេទេ ។

ក្រៅពីនេះ អ្នកតវ៉ារាប់ពាន់នាក់ក៏បានប្រមូលផ្តុំគ្នាតវ៉ានៅប្រទេសតួកគី និងអេហ្ស៊ីបផងដែរ ដែលប្រទេសទាំងពីរនេះមានទំនាក់ទំនងការទូតជាមួយអ៊ីស្រាអែលអស់រយៈពេលជាយូរ ដោយពួកគេអំពាវនាវឱ្យអ៊ីស្រាអែលឈប់ទម្លា.ក់គ្រា.ប់បែ.កមកលើតំបន់ Gaza ។

ដូចគ្នានេះ ពលរដ្ឋមូស្លីមនៅអាមេរិកបានដើរដង្ហែរក្បួនតវ៉ានៅទូទាំងប្រទេសដើម្បីគាំទ្រប៉ាឡេស្ទីន និងស្នើឱ្យបញ្ឈប់ការបា.ញ់នៅតំបន់ Gaza ។ ទោះយ៉ាងណា ពលរដ្ឋនៅរដ្ឋហ្វីឡាដាហ្វៀបានដង្ហែរក្បួនតវ៉ា ដើម្បីថ្កោលទោសការប្រព្រឹត្តរបស់ក្រុមហាម៉ាស់ចំពោះអ្នកស្លា.ប់នៅអ៊ីស្រាអែល ។ ពួកគេបានស្នើឱ្យដោះលែងចំណាប់ខ្មាំងត្រឡប់ទៅផ្ទះវិញទាំងអស់ ក្រោយពីក្រុមហាម៉ាស់ចាប់ពលរដ្ឋអ៊ីស្រាអែល និងជនបរទេសធ្វើចំណាប់ខ្មាំងជិត២០០នាក់ ។

សារព័ត៌មាន Reuters រាយការណ៍ថា កាលពីយប់ថ្ងៃទី១៧ ខែតុលា ឆ្នាំ២០២៣ ការតវ៉ាបានផ្ទុះឡើងយ៉ាងឆាប់រហ័សនៅទូទាំងតំបន់ ក្រោយពីមន្ត្រីប្រចាំតំបន់ Gaza បញ្ជាក់ថា មានអ្នកស្លា.ប់រាប់រយនាក់ដោយសារហេតុការណ៍ផ្ទុះគ្រា.ប់បែ.កនៅមន្ទីរពេទ្យមួយក្នុងតំបន់ Gaza ។ ក្រុមហាម៉ាស់បញ្ជាក់ថា វាបណ្តាលមកពីការវា.យប្រហា.រតាមអាកាសរបស់អ៊ីស្រាអែល ។ ប៉ុន្តែអ៊ីស្រាអែលឆ្លើយតបវិញថា វាកើតឡើងពីការបាញ់កាំ.ជ្រួចខុសរបស់ក្រុមប៉ាឡេស្ទីន ៕ ប្រភព ៖ TNN World

បរទេស៖ Honda MEV-Van Concept គឺជារថយន្តគំរូពាណិជ្ជកម្មអគ្គិសនីថ្មី ១០០% ដែលអាចប្តូរថ្មបានដោយមិនចាំបាច់រង់ចាំការបញ្ចូលថ្មដូចរថយន្តអគ្គិសនីដទៃទៀតឡើយ ដោយក្រុមហ៊ុនគ្រោងនឹងដាក់តាំងបង្ហាញនៅក្នុងកម្មវិធី Japan Mobility Show 2023 ក្នុងចន្លោះថ្ងៃទី ២៦ ខែតុលា ដល់ថ្ងៃទី ៥ ខែវិច្ឆិកា នៅទីក្រុងតូក្យូប្រទេសជប៉ុន។

រថយន្តអគ្គិសនីសេរីថ្មី Honda MEV-Van Concept គឺផ្អែកលើ N-VAN e:. ប៉ុន្តែជំនួសឱ្យការដំឡើងថ្មក្រោមកម្រាលកាប៊ីនដូចម៉ូដែលធម្មតា ក្រុមហ៊ុន Honda បានជ្រើសរើសដំឡើងកញ្ចប់ថ្ម Honda Mobile Power Pack e ដែលអាចជំនួសបានយ៉ាងងាយស្រួល ដោយមិនបាច់បារម្ភពីបញ្ហារង់ចាំយូរក្នុងការសាកថ្មដូចរថយន្តអគ្គិសនីដទៃទៀតឡើយ។

Honda MEV-Van Concept ក៏បានបំពាក់ដោយកញ្ចប់ថ្មដែលអាចផ្លាស់ប្តូរបាន ដូច្នេះអ្នកប្រើប្រាស់អាចដកថ្មចេញ ហើយសាកវាតាមភាពងាយស្រួលរបស់ពួកគេ បន្ទាប់មកយកថ្មដែលសាកពេញហើយដាក់ចូលវិញ ដូច្នេះរថយន្តនឹងអាចដំណើរការបានភ្លាមៗ។

គួរបញ្ជាក់ដែរថា បច្ចុប្បន្ននេះក្រុមហ៊ុន Honda មិនទាន់បានបង្ហើបឱ្យដឹងថា តើថ្មដែលអាចផ្លាស់ប្តូរបានរបស់ MEV-Van Concept អាចទៅដល់កម្រិតណានោះទេ។ ប៉ុន្តែវាត្រូវបានគេរំពឹងថានឹងមានជួរខ្លីជាង N-VAN e ធម្មតាដែលមានគោលបំណងអាចបើកបរបានប្រហែល ២១០ គីឡូម៉ែត្រក្នុងមួយសាកពេញ៕
ប្រភព៖sanook