ភេសជ្ជៈទាំងពីរប្រភេទខាងក្រោមនេះ ងាយស្រួលរក និងមានតម្លៃសមរម្យ មិនត្រឹមតែល្អសម្រាប់សុខភាពប៉ុណ្ណោះទេ ថែមទាំងជួយការពារជំងឺមហារីកយ៉ាងមានប្រសិទ្ធភាពទៀតផង។ ដូច្នេះហើយ ទឹកទាំងពីរប្រភេទនោះមានដូចជា៖

១.តែបៃតង៖ លទ្ធផលស្រាវជ្រាវជាច្រើនបង្ហាញថាការផឹកតែបៃតងជាប្រចាំអាចការពាររាងកាយពីជំងឺខ្លាញ់រុំបេះដូង ជំងឺដាច់សរសៃឈាមក្នុងខួរក្បាល ការពារមហារីកមាត់ និងមហារីកសួត។ តែបៃតងក៏មានសារធាតុពណ៌ជាច្រើនដែលមានឥទ្ធិពលប្រឆាំងនឹងការរលាក សរសៃឈាមអាកទែរ កាត់បន្ថយការកកឈាម រំលាយជាតិខ្លាញ់ និងលុបបំបាត់ការប្រមូលផ្តុំជាតិខ្លាញ់រយៈពេលវែងក្នុងរាងកាយ។

២.ទឹកក្រូចឆ្មា៖ ទឹកក្រូចឆ្មាមិនត្រឹមតែជាភេសជ្ជៈដ៏ឈ្ងុយឆ្ងាញ់ដែលមានប្រសិទ្ធិភាពត្រជាក់ប៉ុណ្ណោះទេ ប៉ុន្តែវាក៏មានអត្ថប្រយោជន៍ច្រើនសម្រាប់សុខភាពផងដែរ ព្រោះវាផ្ទុកនូវសារធាតុ flavonoids ដែលជួយប្រឆាំងនឹងជំងឺមហារីក។ យោងតាមអង្គការស្រាវជ្រាវវិទ្យាសាស្ត្រ និងឧស្សាហកម្ម Commonwealth របស់ប្រទេសអូស្ត្រាលី ផ្លែក្រូចឆ្មារអាចជួយកាត់បន្ថយហានិភ័យនៃជំងឺមហារីកបាន ៥០%។ រីឯសំបកក្រូចឆ្មាវិញមានសមាសធាតុមួយចំនួនហៅថា limonoids ដែលមានសមត្ថភាពរារាំងការលូតលាស់កោសិកាមហារីក។ ដូច្នេះហើយ ជាមួយនឹងអត្ថប្រយោជន៍សុខភាពជាច្រើន ទឹកក្រូចឆ្មាសមនឹងទទួលបាននៅក្នុងបញ្ជីភេសជ្ជៈប្រចាំថ្ងៃសម្រាប់គ្រប់គ្រួសារ៕

ខ្ទឹមស គឺជាឱសថមួយប្រភេទដែលជួយបង្កើនរសជាតិនៃម្ហូបអាហារដ៏ឈ្ងុយឆ្ងាញ់ និងផ្តល់ក្លិនក្រអូបជាប់មាត់ផងដែរ។ ខ្ទឹមសសម្បូរទៅដោយអត្ថប្រយោជន៍ដ៏អស្ចារ្យជាច្រើន ដែលបុរសគ្រប់រូបមិនគួររំលងឡើយ។ ដូច្នេះហើយខាងក្រោមនេះគឺជាអត្ថប្រយោជន៍នៃការទទួលទានខ្ទឹមស៖

១.ជួយបង្កើនស្ថេរភាពផ្លូវភេទ៖ ខ្ទឹមសសម្បូរទៅដោយសារធាតុ Allicin ដែលជួយបង្កើនលំហូរឈាមទៅតំបន់លិង្គ ជាលទ្ធផលលិង្គនឹងរឹងមាំបានល្អ។

២.ជួយការពារភាពចាស់៖ ខ្ទឹមសសម្បូរទៅដោយសារធាតុប្រឆាំងអុកស៊ីតកម្មដែលអាចជួយពន្យារការចាប់ផ្តើមនៃភាពចាស់ចំពោះបុរស។

៣.ការពារការងាប់លិង្គ៖ ប្រហែលជា ៧០-៨០% នៃករណីងាប់លិង្គគឺបណ្តាលមកពីមូលហេតុសរីរវិទ្យា។ ទោះបីជាថ្នាំ Viagra គឺជាវិធីសាស្ត្រដែលត្រូវបានគេប្រើច្រើនបំផុតក៏ដោយ ក៏ខ្ទឹមសត្រូវបានបង្ហាញថាជួយធ្វើឱ្យប្រសើរឡើងនូវចរន្តឈាម និងធ្វើឱ្យប្រសើរឡើងនូវសុខភាពរបស់បុរស។

៤.ធ្វើឱ្យឆ្អឹងរឹងមាំ៖ ខ្ទឹមសមានលក្ខណៈប្រឆាំងនឹងការរលាកនិងជាថ្នាំបំបាត់ការឈឺចុកចាប់ដែលមានអត្ថប្រយោជន៍ច្រើនក្នុងការកាត់បន្ថយការឈឺសន្លាក់ ហើយក៏ជួយពង្រឹងប្រព័ន្ធភាពស៊ាំផងដែរ។

៥.កាត់បន្ថយសម្ពាធឈាម៖ ខ្ទឹមគឺជាឱសថធម្មជាតិដ៏ល្អសម្រាប់បញ្ហាបេះដូង សរសៃឈាមក៏ដូចជាជំងឺលើសឈាមផងដែរ ដែលវាបណ្តាលមកពីអាលីស៊ីននិងសមត្ថភាពរបស់វាជួយបន្ថយសម្ពាធឈាមយ៉ាងមានប្រសិទ្ធភាពបំផុត៕
ប្រភព៖sanook

ខួរក្បាលខ្វះខាតអុកស៊ីសែន (Cerebral Hypoxia) គឺជាអាការៈដែលខួរក្បាលរបស់មនុស្សទទួលបានអុកស៊ីសែនមិនគ្រប់គ្រាន់តាមតម្រូវការ ។ វាអាចមានផលប៉ះពាល់ដល់រាងកាយដូចជា ការដកដង្ហើមខ្លី រហូតធ្វើឱ្យខួរក្បាលធ្វើការខុសធម្មតា ហើយនៅទីបំផុត មានបញ្ហាការស្លា.ប់ខួរក្បាលតែម្តង ។ បើយើងខ្វះខាតអុកស៊ីសែនលើសពី៤នាទីអាចធ្វើឱ្យខួរក្បាលមិនដំណើរការ និងមានគ្រោះថ្នាក់រហូតដល់ស្លា.ប់ ។

ខួរក្បាល គឺជាអវៈយវៈដែលត្រូវការអុកស៊ីសែនជាបន្តបន្ទាប់ ហើយបើវាខ្វះខាតអុកស៊ីសែនលើសពី៤នាទី គឺវានឹងបណ្តាលឱ្យកោសិកាខួរក្បាលស្លា.ប់បន្តិចម្តងៗ ។ ខួរក្បាលខ្វះអុកស៊ីសែនបណ្តាលមកពីកត្តាជាច្រើនយ៉ាង ជាពិសេស ជំងឺដាច់សរសៃឈាមខួរក្បាល, បេះដូងឈប់លោត និងបេះដូងលោតខុសចង្វាក់ជាដើម ។ ដូច្នេះ វាជាមូលហេតុសំខាន់ដែលធ្វើឱ្យអុកស៊ីសែន និងសារធាតុចិញ្ចឹមមិនអាចចូលទៅចិញ្ចឹមក្នុងខួរក្បាលបានតាមធម្មតា ។

ប្រសិនបើយើងមានបញ្ហាខួរក្បាលខ្វះអុកស៊ីសែន ផ្នែកខួរក្បាលដែលត្រូវខូចខាតខ្លាំងបំផុត គឺកោសិកាខួរក្បាល Hippocampal ។ ខួរក្បាលផ្នែកនេះងាយប្រឈមនឹងការខ្វះអុកស៊ីសែន ពីព្រោះវាមានតួនាទីគិត និងបញ្ជា ។ ក្រៅពីនេះ នៅមានផ្នែកសំខាន់២ទៀតនៃកោសិកាខួរក្បាល គឺខួរក្បាល Occipital ដែលប៉ះពាល់ដោយផ្ទាល់ដល់ការមើលឃើញ ព្រមទាំងខួរក្បាលធំ និងខួរក្បាលតូចធ្វើឱ្យសាច់ដុំចុះខ្សោយ ដែលវាមានឥទ្ធិពលដល់តុល្យភាព និងការកន្ត្រាក់សាច់ដុំ ។

ហេតុនេះ បើយើងសង្ស័យថា អ្នកណាម្នាក់មានបញ្ហាខ្វះខាតអុកស៊ីសែនក្នុងខួរក្បាល យើងត្រូវប្រញាប់ធ្វើចលនាបេះដូងដើម្បីបង្កើនកម្រិតអុកស៊ីសែនក្នុងរាងកាយ និងការពារកុំឱ្យជំងឺកាន់តែធ្ងន់ធ្ងរ ។ បន្ទាប់មក ត្រូវប្រញាប់បញ្ជូនអ្នកជំងឺទៅកាន់មន្ទីរពេទ្យឱ្យបានឆាប់រហ័សបំផុត ៕ ប្រភព ៖ The Better New

កន្ទួលស្បែកដែលរលាករ៉ាំរ៉ៃនិងរមាស់ខ្លាំង ជារឿយៗវាកើតឡើងពោះមនុស្សគ្រប់ភេទ និងគ្រប់វ័យ ហើយភាគច្រើនកើតមានលើរាងកាយ ឬកន្លែងផ្សេងៗនៃរាងកាយ។ ប៉ុន្តែមានមនុស្សតិចតួចណាស់ដែលដឹង និងយល់អំពីរោគសញ្ញាកើតឡើងនេះ ឬប្រហែលជាមិនដឹងថាខ្លួនមានជំងឺនេះក៏អាចថាបាន។ ដូច្នេះបើអ្នកមិនបានទទួលការព្យាបាលត្រឹមត្រូវទេនោះ កន្ទួលរមាស់លើស្បែកនេះអាចបណ្តាលឱ្យមានជំងឺអាឡែស៊ី ឬជំងឺថ្លើមជាដើម។

១.រោគសញ្ញាកន្ទួលរមាស់ចំពោះអ្នកមានជំងឺថ្លើមដូចជា៖ រមាស់ច្រើនកន្លែង ឬរមាស់ពេញដងខ្លួន រមាស់ខ្លាំងតាមអវយវៈ ជាពិសេសគឺនៅលើបាតដៃ និងបាតជើង រមាស់កាន់តែខ្លាំងនៅពេលល្ងាច និងនៅពេលយប់ ដែលវានឹងរំខានដល់ដំណេករបស់អ្នក។ ហើយវានឹងកើតឡើងកាន់តែខ្លាំងនៅពេលអ្នកមករដូវ ឬអ្នកមានផ្ទៃពោះក្នុងសប្ដាហ៍ដំបូងៗ ប៉ុន្តែវានឹងបាត់ទៅវិញនៅពេលយើងអេះ ដោយពេលខ្លះវាអាចឡើងពង ឬពកលើស្បែក ដែលអាចធ្វើឱ្យអ្នកច្រឡំវាជាមួយជំងឺស្បែកធម្មតា។

២.រោគសញ្ញាកន្ទួលរមាស់ចំពោះអ្នកមានជំងឺអាឡែស៊ីដូចជា៖ អាឡែស៊ីនឹងអាហារ សត្វល្អិតទិច ល្អងធូលី និងថ្នាំពេទ្យ រួមជាមួយការរលាកស្បែករ៉ាំរ៉ៃ ស្បែកស្ងួត ជំងឺស្បែកដូចជាត្រអក ប្រតិកម្មទៅនឹងសារជាតិគីមី គ្រឿងសម្អាង និងសារធាតុដទៃទៀត។ ជំងឺអាឡែស៊ីនេះក៏អាចបណ្តាលឱ្យមាន ជំងឺមហារីក ជំងឺដែលអាចប៉ះពាល់ដល់ប្រព័ន្ធប្រសាទ និងជំងឺទឹកនោមផ្អែមជាដើម។

មូលហេតុដែលមានកន្ទួលរមាស់លើស្បែកនេះកើតឡើងគឺដោយសារ កត្តាហ្សែន ឬកត្តាបរិស្ថាន ដែលវាវិវត្តន៍ភាពមិនប្រក្រតីនៃស្បែករួមជាមួយនឹងភាពមិនធម្មតានៃប្រព័ន្ធភាពស៊ាំរបស់រាងកាយ ក៏ដូចជាកត្តាជំរុញទូទៅរួមមានកំដៅខ្លាំង ឬអាកាសធាតុត្រជាក់។ សារធាតុគីមីមួយចំនួននៅក្នុងសំលៀកបំពាក់ ឬការប៉ះពាល់នឹងសារធាតុដែលបណ្តាលឱ្យរលាកជាដើម៕
ប្រភព៖sanook