បច្ចុប្បន្ន វិស័យទេសចរណ៍គឺជាឧស្សាហកម្មដែលកំពុងរីកចម្រើនយ៉ាងខ្លាំងក្នុងទ្វីបអាស៊ី។ ប្រទេសជាច្រើននៅអាស៊ីគឺជាគោលដៅទេសចរណ៍ដ៏ពេញនិយមសម្រាប់អ្នកធ្វើដំណើរមកពីជុំវិញពិភពលោក។ ប៉ុន្តែទោះជាយ៉ាងណាក៏ដោយ មិនមែនគ្រប់ប្រទេសទាំងអស់ក្នុងទ្វីបអាស៊ីសុទ្ធតែអាចទាក់ទាញភ្ញៀវទេសចរបានច្រើនរហូតនោះទេ។ ដូច្នេះហើយខាងក្រោមនេះគឺជាប្រទេសដែលមានអ្នកទស្សនាតិចបំផុតនៅអាស៊ី៖

១.ប្រទេសប៊ូតាន (Bhutan)៖ គឺជាប្រទេសដែលមានអ្នកទស្សនាតិចជាងគេបំផុតនៅអាស៊ី មូលហេតុគឺដោយសារប្រទេសនេះកំណត់ភ្ញៀវទេសចរបរទេសណាដែលអាចមកទស្សនាបានតែប៉ុណ្ណោះ។ ដូច្នេះ ដើម្បីទៅទស្សនាប្រទេសនេះបាន អ្នកទេសចរត្រូវតែកក់ការធ្វើដំណើររបស់ពួកគេជាមុនសិន តាមរយៈប្រតិបត្តិករទេសចរណ៍ផ្លូវការ។ កញ្ចប់ដំណើរកម្សាន្តដែលផ្តល់ជូនជាធម្មតាចន្លោះពី ២០០ ដុល្លារទៅ ២៥០ ដុល្លារក្នុងមួយថ្ងៃ ដោយរួមបញ្ចូល អាហារ កន្លែងស្នាក់នៅ ការដឹកជញ្ជូន ឧបករណ៍ចាំបាច់ និងមគ្គុទ្ទេសក៍ក្នុងតំបន់។ បច្ចុប្បន្ន ព្រះរាជាណាចក្រប៊ូតានមានភ្ញៀវទេសចរចំនួន ១៥៥,០០០ នាក់ជារៀងរាល់ឆ្នាំ។

២.ប្រទេសប៉ាពួញូហ្គីណេ (Papua New Guinea)៖ គឺជាប្រទេសដែលមានអ្នកមកទស្សនាតិចបំផុតទី ២ នៅអាស៊ី ដោយទទួលបានភ្ញៀវទេសចរប្រហែល ១៨៤,០០០ នាក់ក្នុងមួយឆ្នាំ មូលហេតុគឺដោយសារប្រទេសនេះមានការលំបាកដូចជាការខ្វះខាតហេដ្ឋារចនាសម្ព័ន្ធ និងដីខ្លាំង ដូច្នេះកន្លែងជាច្រើនអាចទៅដល់បានដោយការដើរប៉ុណ្ណោះ។ ប៉ាពួញូហ្គីណេគឺជាប្រទេសកោះដាច់ស្រយាលបំផុត និងមិនសូវមានប្រជាប្រិយភាពក្នុងគោលដៅទេសចរណ៍ឡើយ។ ភ្ញៀវទេសចរណ៍ដែលទៅប្រទេសនេះគឺត្រូវតែចូលរួមសកម្មភាពជាច្រើនរួមមាន ការឡើងភ្នំខ្ពស់ៗ ការជ្រមុជទឹក និងចូលរួមពិធីបុណ្យនានា។

៣.ប្រទេសប្រ៊ុយណេ (Brunei)៖ ប្រទេសដែលមានអ្នកទស្សនាតិចបំផុតទី ៣ នៅអាស៊ី គឺប្រ៊ុយណេ ដែលស្ថិតនៅអាស៊ីអាគ្នេយ៍។ ប្រទេសប្រ៊ុយណេ ទទួលបានភ្ញៀវទេសចរត្រឹមតែ ២១៨,០០០ នាក់ប៉ុណ្ណោះ មូលហេតុគឺដោយសារ ប្រ៊ុយណេជាប្រទេសអ៊ីស្លាមដ៏តឹងរ៉ឹង ហើយរំពឹងថាអ្នកទេសចររបស់ខ្លួននឹងគោរពតាមក្រមសីលធម៌អ៊ីស្លាម។ ភ្ញៀវទេសចរណ៍ដែលទៅប្រទេសនេះតម្រូវឱ្យស្លៀកពាក់សមរម្យ និងមិនអាចញ៉ាំអាហារនៅទីសាធារណៈបានឡើយ។

៤.ប្រទេសយេម៉ែន (Yemen)៖ យេម៉ែនស្ថិតនៅមជ្ឈិមបូព៌ា ជាប្រទេសដែលមានអ្នកទស្សនាតិចបំផុតទី ៤ នៅអាស៊ី។ ប្រទេសយ៉េម៉ែន ទទួលបានភ្ញៀវទេសចរត្រឹមតែ ៣៦៦,០០០ នាក់ប៉ុណ្ណោះ មូលហេតុគឺដោយសារប្រជាជនក្នុងប្រទេសនេះជ្រុលនិយមពេក ដែលជាហេតុធ្វើឱ្យវិស័យទេសចរណ៍ធ្លាក់ចុះយ៉ាងខ្លាំង៕

រាជធានីបាងកក៖ អតីតនាយករដ្ឋមន្រ្ដីដ៏មានឥទ្ធិពលរបស់ប្រទេសថៃ លោក ថាក់ស៊ីន ស៊ីណាវ៉ាត្រា បានចូលមន្ទីរពេទ្យវះកាត់ ក្រោយពេលគាត់បានជាប់ពន្ធនាគារ បន្ទាប់ពីការវិលត្រឡប់ មកដល់ប្រទេសកំណើតវិញ។

សារព័ត៌មានរបស់សិង្ហបុរី Channel News Asia បានចេញផ្សាយ កាលពីព្រឹក ថ្ងៃពុធ ទី២០ ខែកញ្ញា ថា អតីតនាយករដ្ឋមន្រ្ដីដ៏មានឥទ្ធិពលរបស់ប្រទេសថៃ លោក ថាក់ស៊ីន ស៊ីណាវ៉ាត្រា (Thaksin Shinawatra) ដែលកំពុងតែជាប់ពន្ធនាគារ បានទទួលការវះកាត់ កាលពីសប្តាហ៍មុន។ នេះបើតាមកូនស្រីរបស់គាត់ បានអះអាង កាលពីថ្ងៃអង្គារ (ទី១៩ ខែកញ្ញា) ខណៈគ្រួសាររបស់គាត់ កំពុងតែស្វែងរកការដោះលែងគាត់ ឱ្យនៅក្រៅឃុំ។

មហាសេដ្ឋី វ័យ៧៤ឆ្នាំ រូបនេះ ត្រូវបានបណ្តេញចេញពីអំណាច ដោយអំពើរដ្ឋប្រហារយោធា នៅក្នុងអំឡុងឆ្នាំ២០០៦ ហើយគាត់បានចំណាយពេល ជាង១៥ឆ្នាំ នៅក្នុងការនិរទេសខ្លួន ដោយខ្លួនឯង។ លោក ថាក់ស៊ីន បានវិលត្រឡប់មកដល់ប្រទេសកំណើតវិញ កាលពីខែសីហា ហើយត្រូវបានតុលាការកាត់ទោសភ្លាមៗ ដោយបានសម្រេចផ្តន្ទាទោសដាក់ពន្ធនាគារ រយៈពេល៨ឆ្នាំ។ ប៉ុន្ដែក្រោយមក ព្រះមហាក្សត្រថៃ បានសម្រេចព្រះទ័យព្រះរាជទានបន្ធូរបន្ថយទោស មកនៅត្រឹម ជាប់គុក រយៈពេល១ឆ្នាំ។ លោក ថាក់ស៊ីន ត្រូវបានផ្ទេរទៅកាន់ទៅបន្ទប់ឯកជន ស្ថិតក្នុងមន្ទីរពេទ្យប៉ូលិស ដោយសារតែសុខភាពរបស់គាត់ ចុះខ្សោយ។

លោកស្រី ផេថុងថាន ស៊ីណាវ៉ាត្រា (Paetongtarn Shinawatra) ជាកូនស្រីរបស់លោក ថាក់ស៊ីន បានប្រាប់ដល់ក្រុមអ្នកយកព័ត៌មាន ថា «ប៉ារបស់ខ្ញុំបានវះកាត់ កាលពីសប្តាហ៍មុន ហើយខ្ញុំមិនបានដឹងថា នឹងត្រូវចំណាយពេលប៉ុន្មាន រហូតដល់ជាសះស្បើយនោះឡើយ»៕

ក្រុមហ៊ុន TikTok បានប្រើប្រាស់កម្មវិធីថ្មីមួយឈ្មោះ MyRTO ដើម្បីងាយស្រួលគ្រប់គ្រង និងតាមដានបុគ្គលិកមកធ្វើការក្នុងការិយាល័យ ក្រោយការធ្វើការពីផ្ទះ (Work From Home) ត្រូវបានបញ្ចប់ ដោយក្រុមហ៊ុននេះបានយក Software នៅក្នុងក្រុមហ៊ុនមកអភិវឌ្ឍន៍ជាថ្មី រួចដាក់ឈ្មោះថា «MyRTO» ។ កម្មវិធីនេះអាចត្រួតពិនិត្យ និងប្រមូលអវត្តមានបុគ្គលិក ព្រមទាំងបញ្ជូនទិន្នន័យទៅឱ្យអ្នកគ្រប់គ្រង, ផ្នែកធនធានមនុស្ស (HR) និងបុគ្គលិកទាំងអស់ ។

MyRTO បានអភិវឌ្ឍន៍ឡើងដើម្បីជួយឱ្យក្រុមហ៊ុន TikTok អាចគ្រប់គ្រងការធ្វើការរបស់បុគ្គលិកចំនួន៧.០០០នាក់នៅសហរដ្ឋអាមេរិក ។ បុគ្គលិកទាំងនេះបានធ្វើការនៅតាមទីក្រុងផ្សេងៗដូចជា Los Angeles, Washington និង New York ក្នុងអំឡុងពេលការឆ្លងរាតត្បាតនៃជំងឺកូវីដ-១៩ ។ ហេតុនេះ TikTok ត្រូវការឱ្យបុគ្គលិកត្រឡប់មកធ្វើការក្នុងការិយាល័យចំនួន៣ថ្ងៃ ឬ៥ថ្ងៃក្នុង១សប្តាហ៍ ហើយនឹងអនុវត្តចាប់ពីខែតុលា ឆ្នាំ២០២៣ តទៅ ។

លោកស្រី Jodi Seth អ្នកនាំពាក្យរបស់ក្រុមហ៊ុន TikTok លើកឡើងថា ៖ «ក្រៅពីការតាមដានបុគ្គលិក កម្មវិធី MyRTO អាចកំណត់ភាពច្បាស់លាស់នៃការបំពេញការងារឱ្យមានប្រសិទ្ធភាព និងជួយលើកកម្ពស់ទំនាក់ទំនងប្រកបដោយតម្លាភាព ។ ចំណុចសំខាន់ កម្មវិធីនេះនឹងជួយក្រុមហ៊ុនអាចរៀបចំគម្រោងការងារ និងការប្រជុំបានយ៉ាងល្អ» ។

បុគ្គលិកភាគច្រើនរបស់ក្រុមហ៊ុន TikTok បានសម្តែងការមិនពេញចិត្ត បន្ទាប់ពីពួកគេដឹងអំពីការប្រើប្រាស់កម្មវិធីថ្មី MyRTO ។ បុគ្គលិកមួយចំនួនប្រាប់ថា ខ្លួនមានអារម្មណ៍ភ្ញាក់ផ្អើល ហើយហាក់ដូចជាត្រូវក្រុមហ៊ុនតាមដានការងារ និងកន្លែងរស់នៅជារៀងរាល់ថ្ងៃ ហើយបើបុគ្គលិកណាមិនធ្វើតាម គឺនឹងត្រូវចាត់ការតាមច្បាប់របស់ក្រុមហ៊ុន ៕ ប្រភព ៖ beartaiBRIEF

រាជធានីបាងកក៖ ព្រះរាជបុត្ររបស់ព្រះមហាក្សត្រថៃ កំពុងតែជំរុញឲ្យមានការពិភាក្សាគ្នាជាចំហ ពាក់ព័ន្ធនឹងច្បាប់ប្រមាថព្រះមហាក្សត្រ ខណៈ ប្រជាពលរដ្ឋថៃ រាប់រយនាក់ បានជាប់ពន្ធនាគារ កាលពីប៉ុន្មានឆ្នាំកន្លងទៅថ្មីៗនេះ ដោយសារតែច្បាប់នេះ

បណ្ដាញទូរទស្សន៍ Channel News Asia បានចេញផ្សាយ កាលពីព្រឹក ថ្ងៃពុធ ទី២០ ខែកញ្ញា ថា ព្រះអង្គម្ចាស់ វ៉ាឆារ៉េសន វីវ៉ាឆារ៉ាវង់សេ (Vacharaesorn Vivacharawongse) ជា ព្រះរាជបុត្រទី២របស់ព្រះមហាក្សត្រថៃ មហាវ៉ាជីរ៉ាឡុងខន (Maha Vajiralongkorn) បានជំរុញឱ្យពិភាក្សាជាចំហ លើច្បាប់ ពាក់ព័ន្ធនឹងការប្រមាថគ្រួសាររាជវង្ស។ ការលើកឡើង អំពីច្បាប់ដ៏តឹងរឹងនេះ កំពុងតែក្លាយជាប្រធានបទដ៏រសើបបំផុតមួយនៅក្នុងប្រទេសថៃ។ រីឯការអនុវត្ដមាត្រា ១១២នេះ បាននាំឲ្យមានការកាត់ទោសដល់មនុស្ស រាប់រយនាក់ កាត់ទោសដាក់ពន្ធនាគារ នៅក្នុងរយៈពេលប៉ុន្មានឆ្នាំ កន្លងទៅថ្មីៗនេះ។

ការធ្វើអត្ថាធិប្បាយរបស់ព្រះអង្គម្ចាស់ បានកើតឡើង ក្រោយពេលព្រះអង្គបានយាងទតមើលការតាំងពិព័រណ៍មួយ នៅក្នុងទីក្រុងញូវយ៉ក។ មាត្រា១១២ នៃច្បាប់ដ៏តឹងតែងនេះ ក្លាយជាផ្នែកមួយ នៃក្រមព្រហ្មទណ្ឌ ការពារព្រះមហាក្សត្រ និងក្រុមគ្រួសារជិតស្និទ្ធរបស់រាជវង្ស បានរងនូវការរិះគន់យ៉ាងខ្លាំងក្លា ហើយវាជាបញ្ហាដ៏រសើប នៅក្នុងប្រទេសថៃ ។

ការតវ៉ាទ្រង់ទ្រាយធំ នៅក្នុងអំឡុង ឆ្នាំ២០២០ បានមើលឃើញ ពីមនុស្ស រាប់ម៉ឹននាក់ ជំរុញឱ្យមានការធ្វើវិសោធនកម្មមាត្រា១១២ ពាក់ព័ន្ធនឹងការប្រមាថដល់ព្រះមហាក្សត្រ។ ស្របគ្នានេះដែរ គណបក្សឆ្ពោះទៅមុខ (MFP) ដែលបានឈ្នះអាសនៈច្រើនជាងគេ នៅក្នុងការបោះឆ្នោតជាតិ កាលពីខែឧសភា បានដាក់ចេញនូវគោលនយោបាយរបស់ខ្លួនយ៉ាងច្បាស់លាស់ ជំរុញឲ្យរធ្វើវិសោធនកម្មច្បាប់នេះ ដើម្បីដោះលែងអ្នកជាប់ពន្ធនាគារ ដោយសារតែការពាក់ព័ន្ធនឹងការបញ្ចេញមតិរបស់ពួកគេ។ ប៉ុន្ដែ នៅទីបំផុត ការប្ដេជ្ញាចិត្តរបស់គណបក្ស MFP នៅក្នុងការកែប្រែច្បាប់នេះ ត្រូវបានរារាំង ពីសមាជិកសភា និង ព្រឹទ្ធសភា មិនអនុញ្ញាឱ្យលោក ភិថា លីមចារឿនរ៉ាត់ មេដឹកនាំបក្សនេះ ឡើងកាន់អំណាច នៅក្នុងប្រទេសថៃ។

ព្រះរាជបុត្ររបស់ព្រះមហាក្សត្រថៃ អង្គនេះ បានបង្ហោះជាភាសាថៃ នៅលើបណ្ដាញសង្គមហ្វេសប៊ុក ថា «ខ្ញុំបានចូលរួមជាមួយនឹងប្រជាជាតិថៃ ដែលស្រលាញ់ និង គោរពព្រះមហាក្សត្រ ប៉ុន្តែខ្ញុំជឿ ថា «ការដឹង« ប្រសើរជាង «ការមិនស្គាល់»។ អ្នករាល់គ្នា គួរតែចែករំលែកយោបល់របស់ពួកគេ ដោយផ្អែកលើបទពិសោធផ្សេងៗគ្នា។ ការមិនអើពើនឹងមតិ មិនធ្វើឲ្យបាត់បង់ទេ។

ព្រះអង្គម្ចាស់ ជាព្រះរាជបុត្រទី២ ព្រះជន្ម៤២ព្រះវស្សា អង្គនេះ បានសរសេរបន្ដ ថា «ដោយសារតែរឿងនេះ ខ្ញុំជឿ ថា ការស្តាប់ពួកគេ វាជារឿងល្អ។ អ្នករិះគន់បានរក្សាច្បាប់ជាយូរមកហើយត្រូវបានប្រើប្រាស់ជាអាវុធ ដើម្បីបំបិទមាត់របស់អ្នកប្រឆាំង»៕