មន្ទីរសុខាភិបាលខេត្តព្រះសីហនុ បានប្រកាសបិទមន្ទីរសម្រាកព្យាបាល និងសម្ភព “សមុទ្រក្រុង” ដែលជារបស់លោកវេជ្ជបណ្ឌិត អាន ដារីដេត ដោយសារមូលហេតុមិនមានលិខិតអនុញ្ញាតបើកមន្ទីរសម្រាកព្យាបាល។
មន្ទីរសម្រាកព្យាបាល និងសម្ភព “សមុទ្រក្រុង” មានទីតាំងស្ថិតនៅផ្លូវ៧០១ ភូមិ០៣ សង្កាត់លេខ១ ក្រុងព្រះសីហនុ ខេត្តព្រះសីហនុ៕
បរទេស៖ ប្រទេសអ៊ុយក្រែនគ្រោងសាងសង់សាលារៀនក្រោមដីដំបូងគេ ដើម្បីការពារសិស្សពីការវាយប្រហារដោយគ្រាប់បែក និងមីស៊ីល។
យោងតាមអភិបាលក្រុង Kharkiv លោក Ihor Terekhov ដែលបាននិយាយកាលពីថ្ងៃទី ២ ខែតុលាថា “គម្រោងនេះនឹងអនុញ្ញាតឱ្យកុមាររាប់ពាន់នាក់នៅក្នុងទីក្រុង Kharkiv បន្តការសិក្សាដោយផ្ទាល់និងសុវត្ថិភាព ទោះបីជាមានការគំរាមកំហែងនៃការវាយប្រហារដោយមីស៊ីលក៏ដោយ” ។
កន្លងមក ទីក្រុង Kharkov បានរៀបចំថ្នាក់រៀនប្រហែល ៦០ នៅទូទាំងស្ថានីយ៍រថភ្លើងក្រោមដី ដោយបង្កើតកន្លែងសម្រាប់ក្មេងជាង ១,០០០ នាក់ដើម្បីសិក្សានៅទីនោះ រីឯសាលារៀនជាច្រើនទៀតក៏បានប្តូរទៅរៀនតាមអ៊ីនធឺណែតដោយសារតែការប្រយុទ្ធគ្នា។
ដូច្នេះហើយ លោក Terekhov បានបន្ថែមថា សាលារៀនថ្មីនឹងបំពេញតាមតម្រូវការបទប្បញ្ញត្តិទំនើបបំផុតសម្រាប់រចនាសម្ព័ន្ធការពារ ដោយសង្កត់ធ្ងន់ថាការផ្តល់មូលនិធិសម្រាប់សាលានឹងមិនត្រូវបានកាត់បន្ថយនៅឆ្នាំនេះឬឆ្នាំក្រោយទេ។ ទោះជាយ៉ាងណាក៏ដោយ គេមិនដឹងច្បាស់ពីទំហំនៃសាលានៅក្រោមដីនោះទេ ហើយក៏មិនដឹងពេលណាគេសាងសង់សាលានេះដែរ។
Kharkov គឺជាទីក្រុងដ៏ឆ្លាតវៃបំផុតនៅអ៊ុយក្រែន ដែលមានប្រជាជនជាង ១.៤ លាននាក់មុនសង្គ្រាម។ ផ្នែកខ្លះនៃទីក្រុងនេះមានចម្ងាយតិចជាង ៣៥ គីឡូម៉ែត្រពីព្រំដែនរុស្ស៊ី ដោយទទួលរងការវាយប្រហារគ្រាប់រ៉ុក្កែត និងមីស៊ីលស្ទើរតែរាល់ថ្ងៃ។ លោក Oleh Sinehubov អភិបាលក្រុង Kharkiv បាននិយាយថា មនុស្សរាប់ពាន់នាក់បានស្លាប់ និងជនស៊ីវិលរាប់លាននាក់ត្រូវបានផ្លាស់ទីលំនៅចាប់តាំងពីការប្រយុទ្ធគ្នាបានផ្ទុះឡើងនៅក្នុងប្រទេសអ៊ុយក្រែន។ ក្រសួងអប់រំរបស់ប្រទេសអ៊ុយក្រែនបាននិយាយថា ស្ថាប័នអប់រំចំនួន ៣៦៣ ត្រូវបានបំផ្លាញ ហើយជិត ៣៨០០ ត្រូវបានខូចខាតនៅទូទាំងប្រទេស៕
ប្រភព៖vnexpress
ពិតណាស់ ការពិនិត្យសុខភាពមាត់ធ្មេញជាទៀងទាត់គឺជាវិធីសាស្ត្រដ៏ល្អបំផុតក្នុងការថែទាំសុខភាពមាត់ធ្មេញ។ ទោះជាយ៉ាងណាក៏ដោយ ការថែទាំអនាម័យមាត់ធ្មេញឱ្យបានត្រឹមត្រូវដោយខ្លួនឯង គឺជារឿងដែលយើងមិនត្រូវធ្វេសប្រហែសឡើយ។ ដូច្នេះ ដើម្បីធានាថាធ្មេញរបស់យើងមានសភាពសស្អាត និងមានសុខភាពល្អ ចូរជៀសវាងកំហុសឆ្គងទាំង ៦ នេះ៖
១.ញ៉ាំអាហារជូរ៖ អាហារមានជាតិជូរដូចជា ក្រូច ក្រូចឆ្មារ ស្វាយខ្ចី និងអំពិល -ល-។ ការញ៉ាំជាតិជូរញឹកញាប់ពេក អាចបង្កើនល្បឿននៃការរបក enamel ខាងក្រៅ ដែលធ្វើឱ្យសុខភាពមាត់ធ្មេញរបស់អ្នកកាន់តែយ៉ាប់យ៉ឺន។
២.បរិភោគអាហាររឹង និងស្អិត៖ ការប្រើធ្មេញច្រើនពេកនៅក្នុងផ្នែកទំពារ ដូចជាការញ៉ាំសាច់អាំងដ៏តឹងតែង ឬទំពារឆ្អឹងខ្ចីឱ្យបានទៀងទាត់ វាក៏អាចជំរុញឱ្យស្រទាប់ធ្មេញរបស់អ្នករបូតចេញកាន់តែងាយស្រួលផងដែរ។
៣.ផឹកសូដា៖ បន្ថែមពីលើអាហារជូរ ក៏មានភេសជ្ជៈដែលអាចបំផ្លាញផ្ទៃធ្មេញរបស់អ្នក ដែលធ្វើឱ្យអ្នកឈឺធ្មេញស្រួចស្រាវ ហើយវាក៏ជាមូលហេតុលេខមួយផងដែរនៃរោគសញ្ញានៃការពុកធ្មេញ។
៤.ដុសធ្មេញខ្លាំងពេក៖ ប្រសិនបើអ្នកដុសធ្មេញខ្លាំងពេក យូរពេក ឬប្រើច្រាសដុសធ្មេញដែលមានសសៃដែលរឹងពេក វាអាចនឹងធ្វើឱ្យស្រោមខាងក្រៅជ្រុះបន្តិចម្តងៗ ដែលជាមូលហេតុនៃការស្រកអញ្ចាញធ្មេញ និងបង្កើនល្បឿននៃការឈឺធ្មេញកាន់តែខ្លាំង។
៥.មិនសម្អាតអណ្តាត៖ បាក់តេរីដែលកំពុងរស់នៅលើអណ្ដាតរបស់យើង ជាហេតុនាំឱ្យមានក្លិនមាត់មិនល្អ។ នៅពេលដែលយើងដុសសម្អាតធ្មេញ ចូរកោសសម្អាតបាក់តេរីនៅលើអណ្ដាតជាមួយនឹងឧបករណ៍សម្អាតអណ្ដាតដាច់ដោយឡែក ឬនៅលើខ្នងច្រាសដុសធ្មេញតែម្ដង។
៦.ហែលទឹកញឹកញាប់៖ យោងតាមការសិក្សាបានឱ្យដឹងថា ការហែលទឹកញឹកញាប់អាចធ្វើឱ្យមានធ្មេញសំណឹក និងងាយរសើប ដោយសារតែក្លរីននៅក្នុងអាងទឹកមានលក្ខណៈសម្បត្តិអាស៊ីតខ្សោយ ដូច្នេះហើយ វាអាចធ្វើឱ្យផ្ទៃខាងក្រៅនៃស្រទាប់ធ្មេញឈឺស្រួចស្រាវ៕
ប្រភព៖sanook
នៅក្នុងពិធីជួបសំណេះសំណាលជាមួយកម្មករ និយោជិត នៅតាមរោងចក្រ សហគ្រាសជិត២ម៉ឺននាក់នៅ ខណ្ឌដង្កោ នៅព្រឹកថ្ងៃទី០៣ ខែតុលា ឆ្នាំ២០២៣ សម្តេចធិបតី ហ៊ុន ម៉ាណែត បានមានប្រសាសន៍ថា៖”ចំពោះករណីការកសាង សំណង់មួយកន្លែង ស្ថិតនៅវត្តភូម៉ានហ្វា ប្រទេសថៃស្រដៀងប្រាសាទអង្គរខ្មែរនោះ សម្តេចបានជួបពិភាក្សាជាមួយនាយករដ្ឋមន្រ្តីថៃ លោក សេដ្ឋា ក្នុងឱកាសលោកបំពេញទស្សនកិច្ចនៅកម្ពុជាកន្លងមក ដោយទុកលទ្ធភាពឱ្យក្រសួងវប្បធម៌ និងវិចិត្រសិល្បៈកម្ពុជា និងក្រសួងវប្បធម៌ថៃធ្វើការជាមួយគ្នា។
សម្តេចធិបតី ហ៊ុន ម៉ាណែត បានសង្កត់ធ្ងន់ថា៖” ខ្ញុំបានឱ្យក្រសួងវប្បធម៌ចរចា ជាមួយក្រសួងវប្បធម៌ថៃនិងតាមដានរហូត”។
សូមបញ្ជាក់ផងដែរថា ករណីសំណង់ខាងលើនេះបានផ្ទុះឡើងតាំងពីអំឡុងឆ្នាំ២០២១ ក៏ប៉ុន្តែកាលពីប៉ុន្មានថ្ងៃមុនបានផ្ទុះឡើងវិញ នៅលើបណ្តាញសង្គម ដោយក្រសួង ក៏បានចេញលិខិតបកស្រាយបំភ្លឺ និងសន្យាបន្តតាមដានលើបញ្ហានេះផងដែរ៕
រដ្ឋធានីវ៉ាស៊ីនតោន៖ រហូតមកដល់ពេលនេះ លោក ដូណាល់ ត្រាំ កំពុងតែហ៊ុមព័ទ្ធ ដោយសំណុំរឿងរាប់សិបករណី ហើយក្លាយជាអតីតប្រធានាធិបតីលើកដំបូង ប្រឈមមុខនឹងក្ដីក្ដាំងដ៏ច្រើនបំផុត នៅក្នុងប្រវត្ដិសាស្រ្ដរបស់សហរដ្ឋអាមេរិក ខណៈបច្ចុប្បន្ន គូប្រជែងបេក្ខភាពបោះឆ្នោតប្រធានាធិបតី នៅក្នុងគណបក្សសាធារណរដ្ឋរបស់គាត់ បានប្ដឹងទៅកាន់តុលាការ ទាមទារឲ្យបដិសេធនូវការឈរឈ្មោះជាថ្មីរបស់គាត់។
សារព័ត៌មាន Al Jazeera បានចេញផ្សាយ កាលពីព្រឹក ថ្ងៃអង្គារ ទី៣ ខែតុលា ថា ជាមួយនឹងសំណុំរឿងតាមផ្លូវច្បាប់ដ៏ច្រើន កំពុងតែរីករាលដាល ប្រឆាំងនឹងលោក ដូណាល់ ត្រាំ (Donald Trump) អតីតប្រធានាធិបតីសហរដ្ឋអាមេរិក នោះ ក៏មានការអំពាវនាវឥតឈប់ឈរ កើតចេញពីគូប្រជែងរបស់គាត់ រួមទាំង ការអំពាវនាវមួយចំនួន មកពីគណបក្សសាធារណរដ្ឋរបស់គាត់ ទាមទារឲ្យតុលាការ ដកសិទ្ធិរបស់គាត់ មិនអនុញ្ញាតិឲ្យឈរឈ្មោះជាប្រធានាធិបតី សម្រាប់ការបោះឆ្នោត នៅឆ្នាំ២០២៤។ ប៉ុន្តែតុលាការកំពូលរបស់សហរដ្ឋអាមេរិក បានបដិសេធករណីមួយ ត្រូវប្ដឹងឡើង ដោយលោក ចន អេនថូនី កាស្រ្ដូ (John Anthony Castro) ជាគូប្រជែងមួយរូបរបស់លោក ដូណាល់ ត្រាំ នៅក្នុងចំណោមបេក្ខជនប្រធានាធិបតីផ្សេងៗទៀត នៃគណបក្សសាធារណរដ្ឋ ដោយលើកឡើង ថា ដូណាល់ ត្រាំ គួរតែត្រូវដកសិទ្ធិចេញ ក្រោមបទប្បញ្ញត្តិ នៃធម្មនុញ្ញសហរដ្ឋអាមេរិក រារាំងដល់បុគ្គលណាមួយ ចូលរួមនៅក្នុងការបះបោរ ឬ បង្កភាពចលាចល នៅក្នុងការកាន់តំណែង។
បើទោះជាយ៉ាងណាក៏ដោយ តុលាការជាន់ទាបមួយរបស់សហរដ្ឋអាមេរិក ធ្លាប់រកឃើញ ថាលោក កាស្ត្រូ ខ្វះខាតជំហរតាមផ្លូវច្បាប់ នៅក្នុងការនាំរឿងក្ដីនេះបន្ដទៅមុខ ហើយតុលាការកំពូល បានច្រានចោលបណ្តឹងឧទ្ធរណ៍របស់គាត់ ផងដែរ។
ដោយឡែក លោក ម៉ៃខ៍ ផែស៍ (Mike Pence) អតីតអនុប្រធានាធិបតីសហរដ្ឋអាមេរិក នៅក្នុងរដ្ឋការរបស់លោកប្រធានាធិបតី ដូណាល់ ត្រាំ និង ជាបេក្ខជនឈរឈ្មោះប្រធានាធិបតីសហរដ្ឋអាមេរិក មកពីគណបក្សសាធារណរដ្ឋ ធ្លាប់លើកឡើង កាលពីពេលកន្លងទៅនេះ ថា លោក ត្រាំ ធ្លាប់សួរ អំពីជម្រើសត្រូវជ្រើសរើស រវាង គាត់ (ត្រាំ) និង រដ្ឋធម្មនុញ្ញ គួរត្រូវជ្រើសយកមួយណា។ គាត់បានឆ្លើយ ថា គាត់សុខចិត្តបោះបង់ចោលលោក ត្រាំ ហើយគាត់ដាច់ខាតត្រូវតែជ្រើសរើសយករដ្ឋធម្មនុញ្ញ។
លោកអនុប្រធានាបតីសហរដ្ឋអាមេរិក រូបនេះ បានបញ្ជាក់ ថា ភាពវឹកវរ នៅក្នុងវិមានសភា Capitol ជាចេតនា ចង់ផ្ដួលរំលំជ័យជម្នះនាឆ្នាំ២០២០របស់លោក ចូ បៃដិន (Joe Biden) ប្រធានាធិបតី ដែលកំពុងតែកាន់អំណាច នាពេលបច្ចុប្បន្ននេះ។ ដូច្នេះអ្នករំលោភបំពានលើរដ្ឋធម្មនុញ្ញ និង ជាអ្នកប្រាប់គេឲ្យរំលោភរដ្ឋធម្មនុញ្ញ មិនគួរវិលមកឈរឈ្មោះជាប្រធានាធិបតីសហរដ្ឋអាមេរិក ឬ ក្លាយជាប្រធានាធិបតីសហរដ្ឋអាមេរិក នោះឡើយ ព្រោះនៅសហរដ្ឋអាមេរិក មិនមានអ្នកណាម្នាក់ នៅលើពីលើច្បាប់នោះទេ៕
លោក ហេង សុវិសាល ដែលជា Content Creator និង Influencers ល្បីឈ្មោះបានបង្ហាញការភ្ញាក់ផ្អើលយ៉ាងខ្លាំងក្រោយពីមិត្តភក្តិបានផ្តល់ដំណឹងថាមានរូបភាពលោកនៅលើការផ្សព្វផ្សាយល្បែងអនឡាញ។ ឆ្លៀតក្នុងឱកាសនេះលោក ហេង វិសាល បានប្រកាសថាគោលជំហរខ្លួនមិនទទួលផ្សព្វផ្សាយល្បែងអនឡាញ និងគ្រឿងស្រវឹងឡើយ។ លោកបានផ្តាំទៅក្រុមហ៊ុនល្បែងអនឡាញដែលយករូបភាពលោកទៅប្រើប្រាស់សូមលុបជាបន្ទាន់។
តារាល្បីឈ្មោះមួយចំនួនអាចក្បត់មនសិកាខ្លួនឯងដើម្បីផ្សព្វផ្សាយល្បែងអនឡាញ ស្របពេលដែលតារាមួយចំនួនបានប្រកាន់គោលជំហរយ៉ាងរឹងមាំមិនទទួលផ្សព្វផ្សាយទោះបីនិយោជកផ្តល់អត្ថប្រយោជន៍ច្រើនយ៉ាងណាដែលធ្វើឱ្យមហាជនកោតសរសើរយ៉ាងខ្លាំង។
នាព្រឹកថ្ងៃទី៣ តុលា នេះដែរលោក ហេង វិសាល ជា Content Creator និង Influencers បានបង្ហាញភាពភ្ញាក់ផ្អើលយ៉ាងខ្លាំងក្រោយពីក្រុមហ៊ុនល្បែងអនឡាញហ៊ានយករូបលោកទៅធ្វើអាជីវកម្ម។ លោកបានរៀបរាប់យ៉ាងដូច្នេះថា «ព្រឹកមិញនេះមិត្តភក្តិរបស់ខ្ញុំបានផ្ញើរូបមួយមកខ្ញុំ ដែលមានរូបខ្ញុំនៅលើផ្ទាំងផ្សព្វផ្សាយល្បែងស៊ីសង Online ខ្ញុំពិតជាភ្ញាក់ផ្អើលយ៉ាងខ្លាំងដោយសារតែក្រុមហ៊ុនទាំងនោះបានហ៊ានយករូបភាពរបស់ខ្ញុំទៅប្រើប្រាស់ផ្សព្វផ្សាយល្បែងស៊ីសងយ៉ាងនេះ បើឃើញសូមមេត្តាលុបចេញជាបន្ទាន់។ សម្រាប់ខ្ញុំផ្ទាល់ គោលការណ៍របស់ខ្ញុំគឺខ្ញុំមិនទទួលផ្សព្វផ្សាយ ល្បែងស៊ីសង ក៏ដូចជាគ្រឿងស្រវឹងនោះទេ។ អរគុណ!»។
លោក ហេង វិសាល បានបន្ថែមនៅក្នុងខម្មិនដែរថាលោកមានវិប្បដិសារីមកទល់ពេលនេះដោយសារតែប្រមាណ៤ ៥ឆ្នាំមុនលោកចូលរួមកម្មវិធីមួយដែលមានការឧបត្ថម្ភពីស្រាបៀរដោយភ្ជាប់ជាមួយវិស័យទេសចរណ៍។ «ខ្ញុំឃើញCommentរបស់អ្នកទាំងអស់គ្នា ខ្ញុំពិតជាសប្បាយចិត្តណាស់ ក៏ដូចជារអៀសខ្លួនដែរ ដោយសារតែកាលពី៤ ៥ឆ្នាំមុនខ្ញុំក៏ធ្លាប់បានចូលរួមជាមួយកម្មវិធីមួយដែលមានការឧបត្ថម្ភពីគ្រឿងស្រវឹង ក្នុងន័យផ្សព្វផ្សាយកន្លែងទេសចរណ៍ស្រុកយើង ប៉ុន្តែទោះក្នុងន័យណាក៏ដោយ តាំងពីពេលនោះមកខ្ញុំពិតជាមានវិប្បដិសារីមែនទែន ហើយពិតជាមានអារម្មណ៍ថាខុស។សូមទោស»។
ក្នុងនាមជាបុគ្គលមានឥទ្ធិពល ដែលប្រកាន់គោលជំហរដ៏ល្អនេះ លោក ហេង វិសាល ធ្វើឱ្យអ្នកគាំទ្រកាន់តែរំភើបចិត្តព្រោះឃើញអាយដលរបស់ខ្លួនធ្វើជាគម្រូដល់ហ្វេនៗ៕
ប្រទេសជប៉ុន ៖ ក្រុមហ៊ុនជប៉ុនបានបង្ហាញមនុស្សយន្ត១គ្រឿងមានកម្ពស់រហូតដល់ជាង៤ម៉ែត្រ និងទម្ងន់៣តោនកន្លះ ។ ក្រុមហ៊ុនបានផលិតវាឡើងដោយចម្លងតាមមនុស្សយន្ត Gundam ដែលជាតួក្នុងខ្សែភាពយន្ត Animation ដ៏ល្បីល្បាញរបស់ប្រទេសជប៉ុន ។ គេអាចចូលទៅអង្គុយនៅផ្នែកខាងក្នុងមនុស្សយន្ត និងបញ្ជាវាបាន ។
មនុស្សយន្តនេះត្រូវបានផលិតឡើងដោយក្រុមហ៊ុន Tsubame Industries ដែលជាក្រុមហ៊ុនទើបចាប់ផ្តើមដំណើរការនៅទីក្រុងតូក្យូរបស់ជប៉ុន ហើយក្រុមហ៊ុនបានចំណាយពេលវេលារហូតដល់២ឆ្នាំក្នុងការផលិត ។ ក្រុមហ៊ុនបានដាក់ឈ្មោះមនុស្សយន្តថា «ARCHAX» ដែលឈ្មោះរបស់វា គឺដូចគ្នានឹងសត្វដាយណូស័រដែរ ។ រូបភាពផ្សេងៗនឹងបង្ហាញឡើងនៅក្នុងបន្ទប់អ្នកបញ្ជាមនុស្សយន្ត ដែលថតបានពីកាមេរ៉ាតភ្ជាប់ជាមួយផ្នែកខាងក្រៅ ដើម្បីឱ្យអ្នកបញ្ជាមនុស្សយន្តអាចបញ្ជាម្រាមដៃ និងដៃទាំងមូល តាមរយៈ Joystick ពីផ្នែកខាងក្នុងមនុស្សយន្ត ។
មនុស្សយន្ត ARCHAX បែងចែកការប្រើប្រាស់ជា២ផ្នែក គឺសម្រាប់ប្រើប្រាស់មុខងារជាមនុស្សយន្ត និងអាចធ្វើជាយានជំនិះបាន ដោយសារវាអាចធ្វើដំណើរបានចម្ងាយ១០គីឡូម៉ែត្រក្នុង១ម៉ោង ។
លោក រៀវ យ៉ូឈិតាក់ ប្រធានក្រុមហ៊ុន Tsubame Industries និយាយថា ៖ «គេអាចប្រើប្រាស់វានៅទីកន្លែងសង្គ្រោះ និងប្រើប្រាស់វានៅក្នុងអវកាសបាន ។ ក្រៅពីនេះ គេក៏បានយកវាទៅតាំងបង្ហាញជាសាធារណៈផងដែរ ។ យើងមានបំណងបង្ហាញមនុស្សយន្តជាច្រើនគ្រឿងទៀត ព្រោះយើងត្រូវការអភិវឌ្ឍន៍ឧបករណ៍ ដើម្បីឱ្យមនុស្សយន្ត១គ្រឿងអាចធ្វើការបានច្រើនផ្នែក» ។
ក្រុមហ៊ុនឱ្យដឹងថា មនុស្សយន្ត ARCHAX នឹងបង្ហាញខ្លួននៅក្នុងកម្មវិធី Japan Mobility Show នៅចុងខែតុលា ឆ្នាំ២០២៣នេះ ។ ក្រុមហ៊ុនបានដាក់គម្រោងលក់មនុស្សយន្តចំនួន៥គ្រឿងសម្រាប់អតិថិជនចាប់អារម្មណ៍ គឺមនុស្សយន្ត១គ្រឿងមានតម្លៃ៤០០លានយ៉េន ៕ ប្រភព ៖ TNN World
មិនត្រឹមតែក្រសោបភាពល្បីល្បាញក្នុងប្រទេសតែប៉ុណ្ណោះទេ តែគូស្នេហ៍តារាចម្រៀងល្បីឈ្មោះ ជី ដេវីត និង ទេព បូព្រឹក្ស អាចឆាបឆក់បេះដូងម្ចាស់ប្រ៊េនល្បីឈ្មោះអញ្ជើញទៅចូលរួមក្នុងកម្មវិធី Fashion នៅទ្វីបអ៊ឺរ៉ុបថែមទៀត ខណៈគ្រាន់តែអ្នកទាំងពីរចំណាយលើសំលៀកបំពាក់ចូលរួមក្នុងកម្មវិធីអស់រាប់ម៉ឺនដុល្លារឯណោះ។
ស្ថិតក្នុងសំលៀកបំពាក់ពណ៌ខ្មៅ BRAND ELIE SAAB របស់ ជី ដេវីត មានតម្លៃ ៤, ៤០៥ ដុល្លារ ស្បែកជើងមានតម្លៃ ១,២១៥ ដុល្លារ និងវែនតាម៉ាក DIOR មានតម្លៃ ៤៩០ អឺរ៉ូ ខ្ទង់ ៥១២ដុល្លារ សរុបតួលេខត្រឹម៣មុខនេះ ជី ដេវីត ចំណាយ ជាង៦០០០ដុល្លារដោយមិនរាប់បញ្ជូលគ្រឿងអលង្ការពេជ្រឡើយ។
ងាកមកកាន់តារាចម្រៀង ទេព បូព្រឹក្ស រឹតតែចំណាយច្រើនជាងលោក ជី ដេវីត ទៅទៀតស្ថិតក្នុងរ៉ូបពណ៌ក្រហមវែងនេះមានតម្លៃរហូតទៅដល់៥ ៨០០ដុល្លារ ចំណែកឯកាប៉ូបយួរដៃគឺកប់សារីតែម្តងមានតម្លៃរហូតដល់ ៤០ ០០០ដុល្លារ ដែលជាម៉ាក Dior ស្បែកក្រពើ ជាប្រភេទផលិតមានចំនួនកំណត់។ កាបូបដែលមានតម្លៃរាប់ម៉ឺនដុល្លារនេះហើយបានធ្វើឱ្យមានការស្ងប់ស្ងែងមិនតិចនោះទេចំពោះ ទេព បូព្រឹក្ស ក្នុងការកាន់កាបូបដ៏ប្រណីតនេះ។
គួរបញ្ជាក់ផងដែរថា កម្មវិធី Fashion Week នៅបារាំងនេះគឺធំជាង២ដងកម្មវិធី Fashion នៅអ៊ីតាលី ទៅទៀត។ ការចូលរួមរបស់អ្នកទាំងពីរក្នុងនាមជាតារាកម្ពុជាពិតជាធ្វើឱ្យអ្នកគាំទ្ររំភើបចិត្តណាស់ដែលឃើញកូនខ្មែរមានមុខមានមាត់នៅក្នុងកម្មវិធីធំៗបែបនេះនៅទ្វីបអឺរ៉ុប៕
ក្រសួងអប់រំ យុវជន និងកីឡា នឹងប្រារព្ធពិធីអបអរសាទរទិវាជាតិគ្រូបង្រៀន ០៥ តុលា ២០២៣ ដែលជាខួបលើកទី២៦ ក្រោមប្រធានបទ “គ្រូបង្រៀនជាសសរស្តម្ភនៃកំណែទម្រង់សាលារៀនឆ្ពោះទៅរកឧត្តមភាព” ដើម្បីបំផុសឡើងវិញនូវវប្បធម៌ និងប្រពៃណីនៃការរំលឹកគុណូបការៈដ៏ថ្លៃថ្លាចំពោះគ្រូបង្រៀននៅទូទាំងប្រទេស និងឱ្យសាធារណជនទូទៅបានយល់ច្បាស់ពីគុណតម្លៃនៃគ្រូបង្រៀន និងអត្ថន័យនៃទិវានេះ។
នៅក្នុងនោះ ក្រសួងក៏បានបានរៀបចំកម្មវិធីប្រឡងប្រណាំងជ្រើសរើសជ័យលាភីថ្នាក់ជាតិចំណាត់ថ្នាក់លេខ ១ ដល់លេខ ៣ តែងនិពន្ធពានសម្តេចសង្ឈរាជ ជួន ណាត និងស្មូតកំណាព្យ ពានរង្វាន់ ព្រះភិរម្យភាសាអ៊ូ ហៅ ង៉ុយ ដើម្បីអបអរសារទរទិវាគ្រូបង្រៀន ០៥ តុលា ២០២៣ ខាងមុខនេះផងដែរ។
ទិវាគ្រូបង្រៀននេះបានប្រព្រឹត្តិទៅក្នុងគោលបំណង ដើម្បីជាការបំផុសនូវគ្រប់ភូមិសិក្សាទូទាំងប្រទេស និងរំលឹកពីគុណបំណាច់របស់គ្រូបង្រៀន ដែលបានចំណាយពេលវេលា កម្លាំងកាយ កម្លាំងចិត្ត ស្មារតី និងវិជ្ជាជីវៈ ក្នុងការបំពេញភារកិច្ច ជាអ្នកបណ្ដុះបណ្ដាលដើម្បីផ្ទេរនូវតម្លៃ ព្រមទាំងទូន្មានឱ្យសិស្សានុសិស្សធ្វើតែអំពើល្អ ស្គាល់ខុស ស្គាល់ត្រូវ និងចេះគោរពចាស់ទុំ៕
សហរដ្ឋអាមេរិក ៖ ប៉ូលិសបានបង្ហាញវីដេអូមួយចេញពីកាមេរ៉ាសុវត្ថិភាព ដែលមានបុរសម្នាក់ជ្រុលចង្កូត រួចបើកបររថយន្តបុកចូលក្នុងស្ថានីយប៉ូលិសនៅរដ្ឋ New Jersey សហរដ្ឋអាមេរិក ។ ក្រោយជនបង្កហេតុចុះពីលើរថយន្ត ប៉ូលិសក៏បានចាប់ខ្លួនគាត់ភ្លាមៗតែម្តង ដោយមិនចាំបាច់ពិបាកតាមចាប់ខ្លួន ។
នេះគឺជាវីដេអូថតដោយកាមេរ៉ាសុវត្ថិភាព ហើយត្រូវបានគេផ្សព្វផ្សាយបន្តគ្នានៅក្នុងបណ្តាញសង្គមអាមេរិក កាលពីថ្ងៃទី២៩ ខែកញ្ញា ឆ្នាំ២០២៣ ។ វីដេអូនេះបានបង្ហាញពីបុរសជនជាតិអាមេរិកម្នាក់បើកបររថយន្តប្រភេទ SUV បុកចូលក្នុងស្ថានីយប៉ូលិសនៅរដ្ឋ New Jersey សហរដ្ឋអាមេរិក រហូតបង្កឱ្យសម្ភារៈជាច្រើននៅក្នុងស្ថានីយប៉ូលិសខូចខាតយ៉ាងដំណំ ។
ចំណែកតុលាការប្រចាំតំបន់វឺលរេនខោនទី លើកឡើងថា ហេតុការណ៍នេះបានកើតឡើងកាលពីថ្ងៃទី២០ ខែកញ្ញា កន្លងមក ហើយគ្មានអ្នកណាម្នាក់រងរបួសទេ គឺមានតែប៉ូលិសម្នាក់ប៉ុណ្ណោះដែលរត់យករួចខ្លួន ។ នៅពេលជនបង្កគ្រោះថ្នាក់ចុះពីលើរថយន្ត គាត់ក៏ត្រូវបានប៉ូលិសចាប់ខ្លួនភ្លាមៗតែម្តង និងមិនចាំបាច់រង់ចាំយូរ ។ ប៉ូលិសរាយការណ៍ថា មុនពេលជនបង្កហេតុបើកបររថយន្តបុកចូលស្ថានីយប៉ូលិស គាត់បានបើករថយន្តបុកផ្ទះមួយកន្លែងផងដែរ ៕
ប្រភព ៖ TNN World
