ទីក្រុងប៊្រុចសែលស៍៖ ថ្វីត្បិតតែសហភាពអឺរ៉ុប ជាដៃគូពាណិជ្ជកម្មដ៏ធំបំផុតមួយ ជាមួយនឹងប្រទេសចិន ដោយមានទំហំពាណិជ្ជកម្ម រាប់រយពាន់លានដុល្លារអាមេរិក យ៉ាងណាក្ដី ប៉ុន្ដែប្លុកសេរីមួយនេះ ក៏មិនស្ទាក់ស្ទើរ នឹងការធ្វើសង្គ្រាមពាណិជ្ជកម្ម ជាមួយនឹងប្រទេសមហាយក្សអាស៊ីមួយនេះដែរ ព្រោះប្លុកសេរីមួយនេះ មានគោលបំណង ការពារដល់វិស័យឧស្សាហកម្មរបស់ខ្លួន ហើយរដ្ឋាភិបាលប៊្រុចសែលស៍ បានចាប់ផ្ដើមបើកការស៊ើបអង្កេតជាផ្លូវការ លើឧបត្ថម្ភធនរបស់រដ្ឋ សម្រាប់រថយន្ដអគ្គិសនីរបស់ប្រទេសចិន។

សារព័ត៌មាន South China Morning Post មានមូលដ្ឋាន នៅកោះហុងកុង បានចេញផ្សាយ កាលពីថ្ងៃពុធ ទី៤ ខែកញ្ញា ឆ្នាំ២០២៣ ថា រដ្ឋាភិបាលក្រុងប៊្រុចសែលស៍ បានបើកការស៊ើបអង្កេតជាផ្លូវការ ដោយបានអះអាង ថា សហភាពអឺរ៉ុប មានភស្ដុតាងគ្រប់គ្រាន់ ពាក់ព័ន្ធឧបត្ថម្ភធនរបស់រដ្ឋ សម្រាប់រថយន្ដអគ្គិសនីរបស់ចិន ដែលអាចធ្វើឲ្យប៉ះពាល់ដល់វិស័យរថយន្ដរបស់អឺរ៉ុប។ ការឧបត្ថម្ភធនរបស់រដ្ឋចិន សម្រាប់រថយន្ដរបស់ចិន ធ្វើឲ្យការប្រកួតប្រជែង មិនស្មើភាពគ្នា។

ដោយឡែក រដ្ឋាភិបាលក្រុងប៉េកាំង បានថ្កោលទោស ច៉ពោះការស៊ើបអង្កេតនេះ ដោយចាត់ទុក ថា វាជាអាកប្បកិរិយារបស់អ្នកការពារ ទាំងគ្មានការអៀនខ្មាស ហើយចិនថែមទាំងបានព្រមាន ថា ចំណាត់ការរបស់សហភាពអឺរ៉ុប នឹងរំខានដល់ខ្សែសង្វាក់ផ្គត់ផ្គង់របស់ពិភពលោក។

គណៈកម្មការអឺរ៉ុប បានបើកការស៊ើបអង្កេតជាផ្លូវការ លើវិស័យរថយន្តអគ្គិសនីរបស់ប្រទេសចិន កាលពីថ្ងៃពុធ (ទី៤ ខែកញ្ញា) ដោយអះអាង ថា សហភាពអឺរ៉ុប មាន«ភស្តុតាងគ្រប់គ្រាន់រួចមកហើយ” ដែលរដ្ឋាភិបាលក្រុងប៉េកាំង បានផ្តល់ការឧបត្ថម្ភធន ទាំងប្រថុយប្រថាន ហើយវានឹងនាំឲ្យបំផ្លិចបំផ្លាញ ដល់វិស័យឧស្សាហកម្មរបស់សហភាពអឺរ៉ុប។

បើតាមសេចក្តីថ្លែងការណ៍មួយ ត្រូវបានចេញផ្សាយ នៅក្នុងទិនានុប្បវត្តិផ្លូវការរបស់សហភាពអឺរ៉ុប បានបញ្ជាក់ ថា ដោយផ្អែកលើព័ត៌មានសាធារណៈ ការឧបត្ថម្ភធន «បង្កការគំរាមកំហែង ធ្វើឲ្យប៉ះពាល់ដល់ឧស្សាហកម្មរបស់សហភាពអឺរ៉ុប ដែលងាយរងគ្រោះ»។ ដោយផ្អែកលើភស្តុតាង ត្រូវបានរកឃើញ និង ការគាំទ្រភាគច្រើន ត្រូវទទួលបាន នៅក្នុងចំណោមរដ្ឋជាសមាជិករបស់សហភាពអឺរ៉ុប សហជីព អាចនឹងដំឡើងពន្ធលើការនាំចូលរថយន្ត មកពីប្រទេសចិន។

ជាប្រតិកម្មតបតវិញនោះ រដ្ឋាភិបាលក្រុងប៉េកាំង បានស្ដីបន្ទោស ដល់ការស៊ើបអង្កេតរបស់សហភាពអឺរ៉ុប ដោយបានចាត់ទុកចំណាត់ការរបស់ប្លុកសេរីមួយនេះ បង្កការរំខានយ៉ាងខ្លាំង ដល់ខ្សែសង្វាក់ផ្គត់ផ្គង់របស់ពិភពលោក៕

បរទេស៖ យោងតាមរដ្ឋមន្ត្រី Mohsin Naqvi នៃខេត្ត Punjab ភាគខាងកើតប្រទេសប៉ាគីស្ថាន បាននិយាយកាលពីថ្ងៃទី ២ ខែតុលាថា ក្រុមប៉ូលីសរបស់អាជ្ញាធរបានចាប់ខ្លួនមនុស្ស ៨ នាក់ពីបទជួញដូរក្រលៀនចំនួន ៣២៨ ឱ្យទៅអតិថិជនក្នុងតម្លៃរហូតដល់ ១០ លានរូពី (ប្រមាណ ៣៤,០០០ ដុល្លារ) ក្នុងមួយផ្លែ។
លោក Naqvi បានបន្តទៀតថា មេខ្លោងដែលបានធ្វើការវះកាត់តម្រងនោមនោះមានឈ្មោះថា Fawad Mukhtar។ ដើមឡើយលោក Fawad គឺជាគ្រូពេទ្យវះកាត់កែសម្ផស្សម្នាក់នៅមន្ទីរពេទ្យ Lahore General ប៉ុន្តែត្រូវបានបណ្តេញចេញពីការងារ។

ក្រោយមកគាត់បានល្បួងអ្នកជំងឺឱ្យមកវះកាត់តម្រងនោមនៅគ្លីនិកឯកជនមួយក្នុងទីក្រុង Taxila ដែលជាកន្លែងងាយស្រួលក្នុងការធ្វើប្រតិបត្តិការ។ បន្ទាប់មកអាជ្ញាធរបានកត់ត្រាការស្លាប់យ៉ាងហោចណាស់បីនាក់ពីគ្លីនិកនេះ ដោយប៉ូលីសបានចំណាយពេលជិត ២ ខែក្នុងការស៊ើបអង្កេត។ ដូច្នេះហើយ នៅទីបំផុតប៉ូលីសក៏បានចាប់ខ្លួនលោក Fawad រួមទាំងជនខិតខូច ៧ នាក់ទៀតពីបទជួញដូរក្រលៀនដោយខុសច្បាប់ និងដាក់ពន្ធនាគាររហូតដល់ ១០ ឆ្នាំ រួមទាំងពិន័យជាប្រាក់ចំនួន ៣,៤០០ ដុល្លារក្នុងម្នាក់។

គួរបញ្ជាក់ដែរថា ប្រទេសប៉ាគីស្ថានបានហាមឃាត់ការលក់សរីរាង្គមនុស្សតាំងពីឆ្នាំ ២០០៧ ប៉ុន្តែច្បាប់នេះត្រូវបានពង្រឹងនៅក្នុងឆ្នាំ ២០១០។ មុនពេលច្បាប់នេះត្រូវបានអនុម័ត ប៉ាគីស្ថានគឺជាមជ្ឈមណ្ឌលជួញដូរសរីរាង្គសម្រាប់ជនបរទេស និងប្រជាជនប៉ាគីស្ថានណាដែលមានទ្រព្យសម្បត្តិដែលកំពុងស្វែងរកការប្តូរសរីរាង្គ៕
ប្រភព៖vnexpress

យោងតាមទិន្នន័យពីអង្គការស្រាវជ្រាវនៅប្រទេសស្វីស ដែលបានប្រមូលទិន្នន័យពាក់ព័ន្ធនឹងការប្រើប្រាស់អាវុ.ធទំហំតូច (Small Arms Survey-SAS) បញ្ជាក់ថា សហរដ្ឋអាមេរិកជាប្រទេសដែលមានចំនួនអ្នកកាន់កាំភ្លើ.ងជាជនស៊ីវិលច្រើនបំផុត គឺស្មើប្រមាណជាង៣៩៣លានដើម ។ បន្ទាប់មក ប្រទេសឥណ្ឌា ស្ថិតក្នុងលំដាប់ទី២ ស្មើប្រមាណជាង៧១លានដើម ចំណែកប្រទេសចិន ស្ថិតក្នុងលំដាប់ទី៣ ស្មើប្រមាណជាង៤៩លានដើម ។

ចំណែកប្រទេសថៃ ស្ថិតក្នុងលំដាប់ទី១៣ នៅលើពិភពលោក និងស្ថិតក្នុងលំដាប់ទី១ នៅតំបន់អាស៊ាន ដែលមានអ្នកកា.ន់កា.ប់កាំភ្លើ.ងច្រើនរហូតដល់១០លាន៣សែនដើម ខណៈប្រទេសថៃមានពលរដ្ឋសរុបចំនួន៦៨លាននាក់ ។ ក្នុងចំណោមកាំភ្លើ.ងចំនួន១០លាន៣សែនដើម ក្នុងនោះកាំភ្លើ.ងដែលបានចុះបញ្ជីស្របច្បាប់ស្មើប្រមាណ៦លាន២សែនដើម ។

បើទោះជាចំនួនអ្នកកា.ន់កា.ប់កាំភ្លើ.ងនៅប្រទេសថៃតិចជាងអាមេរិកក្តី ប៉ុន្តែក្នុងតំបន់អាស៊ានចាត់ទុកថា ការកា.ន់កា.ប់កាំភ្លើ.ងនៅប្រទេសថៃ គឺស្ថិតក្នុងលំដាប់ទី១ ក្នុងតំបន់នេះ ។ ដូច្នេះ ធ្វើឱ្យប្រទេសថៃក្លាយជាទីផ្សារងងិតខាងរកស៊ីជួញដូរអាវុធ ហើយខុសប្លែកគ្នាពីប្រទេសកម្ពុជា និងវៀតណាម ដែលមានច្បាប់តឹងរ៉ឹងសម្រាប់គ្រប់គ្រងអាវុធ ។

ភ្នាក់ងារទិន្នន័យនៃវិទ្យាស្ថានវាស់វែង និងវាយតម្លៃសុខភាពរបស់សាកលវិទ្យាល័យវ៉ាស៊ីនតោន សហរដ្ឋអាមេរិក បានបញ្ជាក់កាលពីឆ្នាំ២០១៩ ថា ថៃ គឺជាប្រទេសមានអំពើឃា.ត.ក.ម្មដោយសារកាំភ្លើ.ង ស្ថិតក្នុងលំដាប់ទី២ ក្នុងតំបន់អាស៊ាន បន្ទាប់ពីប្រទេសហ្វីលីពីន ។

ដូចគ្នានេះ គេហទំព័រ World Population Review បានផ្សព្វផ្សាយពីលទ្ធផលស្ទង់មតិប្រទេសដែលមានចំនួនអ្នកស្លា.ប់ដោយសារកាំភ្លើ.ងច្រើនបំផុតលើពិភពលោក ប្រចាំឆ្នាំ២០២២ បង្ហាញថា ប្រទេសថៃស្ថិតក្នុងលំដាប់ទី១៥ ដែលមានអ្នកស្លា.ប់ដោយសារកាំភ្លើ.ង ចំនួន២.៨០៤នាក់ ស្មើនឹងអត្រាស្លា.ប់ចំនួន៣.៩១នាក់សម្រាប់ពលរដ្ឋចំនួន១សែននាក់ ។

ប្រទេសមានពលរដ្ឋស្លា.ប់ដោយសារកាំភ្លើ.ងច្រើនបំផុតនៅលើពិភពលោក ប្រចាំឆ្នាំ២០២២ រួមមាន ៖
១-ប្រេស៊ីល មានអ្នកស្លា.ប់ដោយសារកាំភ្លើ.ង ច្រើនជាង ៤ម៉ឺន៩ពាន់នាក់
២-សហរដ្ឋអាមេរិក មានអ្នកស្លា.ប់ដោយសារកាំភ្លើ.ង ចំនួន ៣ម៉ឺន៧ពាន់នាក់
៣-ម៉ិកស៊ិក មានអ្នកស្លា.ប់ដោយសារកាំភ្លើ.ង ចំនួន ២២.១១៨នាក់
៤-ឥណ្ឌា មានអ្នកស្លា.ប់ដោយសារកាំភ្លើ.ង ចំនួន ១៤.៧១២នាក់
៥-កូឡុំប៊ី មានអ្នកស្លា.ប់ដោយសារកាំភ្លើ.ង ចំនួន ១៣.១៧១នាក់

ប្រភព ៖ 3plus News

ប្រទេសថៃ ៖ ហេតុការណ៍បា.ញ់ប្រហា.រនៅ SIAM PARAGON ស្ថិតនៅទីក្រុងបាងកក ប្រទេសថៃ កាលពីថ្ងៃទី៣ ខែតុលា ឆ្នាំ២០២៣ បានធ្វើឱ្យប៉ះពាល់ដល់វិស័យទេសចរណ៍នៅប្រទេសថៃ ជាពិសេស ភ្ញៀវទេសចរចិន ។ គេសង្កេតឃើញថា ក្នុងបណ្តាញសង្គមល្បីឈ្មោះរបស់ចិនឈ្មោះ Weibo មានជនជាតិចិនជាច្រើននាក់ចូលមកបញ្ចេញមតិយោបល់ថា ពួកគេមិនចង់មកកម្សាន្តនៅប្រទេសថៃទេ ដោយសារគ្មានទំនុកចិត្តរឿងសុវត្ថិភាពភ្ញៀវទេសចរ ។

ហេតុការណ៍បា.ញ់ប្រហា.រនៅ SIAM PARAGON លើកនេះ បានបណ្តាលឱ្យភ្ញៀវទេសចរចិនម្នាក់ស្លា.ប់បា.ត់ប.ង់ជីវិតនៅនឹងកន្លែង ហើយធ្វើឱ្យបណ្តាញសង្គមនៅប្រទេសចិនចុះផ្សាយ និងជជែកពីហេតុការណ៍នេះយ៉ាងច្រើន ។ ជាក់ស្តែង អ្នកលេងបណ្តាញសង្គមចិនបានចែកចាយបន្តគ្នានូវហេតុការណ៍បា.ញ់ប្រហា.រនៅ SIAM PARAGON ទីក្រុងបាងកក ។

ជនជាតិចិនម្នាក់បញ្ចេញមតិក្នុងបណ្តាញសង្គមថា ៖ «បច្ចុប្បន្ននេះ ពួកយើងមិនអាចទៅប្រទេសថៃបានទេ» ។ ជនជាតិចិនម្នាក់ទៀតថា ៖ «ក្រសួងវប្បធម៌ និងទេសចរណ៍ថៃធ្វើការដោយគ្មានប្រយោជន៍» ។ ជនជាតិចិនម្នាក់ទៀតថា ៖ «បច្ចុប្បន្ន ការចំណាយប្រាក់ពេលទៅលេងនៅប្រទេសថៃមិនថោកទេ ខណៈការធ្វើដំណើរនៅប្រទេសចិនមានសុវត្ថិភាពជាង» ។ ជនជាតិចិនម្នាក់ទៀតថា ៖ «ប្រាប់រួចហើយថា កុំទៅលេងប្រទេសនៅតំបន់អាស៊ាន មិនព្រមស្តាប់គ្នាទេ» ។ ជនជាតិចិនម្នាក់ទៀតថា ៖ «កើតហេតុការណ៍បែបនេះហើយ នៅតែមកអង្វរឱ្យយើងទៅដើរលេងនៅថៃទៀត» ។

ការបញ្ចេញមតិរបស់ជនជាតិចិនភាគច្រើនសុទ្ធតែគ្មានទំនុកចិត្ត ព្រមទាំងភ្ញាក់ផ្អើលនឹងប្រទេសថៃ ដែលបានអនុញ្ញាតឱ្យពលរដ្ឋខ្លួនអាចគ្រប់គ្រងអាវុធយ៉ាងងាយ ។ ហេតុនេះ វាជាបញ្ហាសំខាន់ដែលរដ្ឋាភិបាលថៃមិនអាចព្រងើយកន្តើយបានទេ ចំពោះការស្តារមុខមាត់ប្រទេសជាតិ និងទំនុកចិត្តពីភ្ញៀវទេសចរឡើងវិញ ៕ ប្រភព ៖ mgronline