ដោយអនុវត្តតាមប្រសាសន៍ដឹកនាំដ៏ខ្ពង់ខ្ពស់បំផុតរបស់ សម្ដេចមហាបថរធិបតី ហ៊ុន ម៉ាណែត នាយករដ្ឋមន្តី នៃព្រះរាជាណាចក្រកម្ពុជា រដ្ឋបាលរាជធានីភ្នំពេញនឹងរៀបចំរថយន្តក្រុងចំនួន ៤៥៥គ្រឿង សម្រាប់បម្រើសេវាដឹកជញ្ជូនសាធារណៈ រយៈពេល ០៥ថ្ងៃ ចាប់ពីថ្ងៃទី១២ ដល់ថ្ងៃទី១៦ ខែតុលា ឆ្នាំ២០២៣ ដោយមិនបង់ប្រាក់ ដើម្បីជួយសម្រួលដល់ការចំណាយជូនបងប្អូនកម្មករ-និយោជិត និងប្រជាពលរដ្ឋក្នុង ការធ្វើដំណើរទៅលេងស្រុកកំណើត ជួបជុំបងប្អូនក្រុមគ្រួសារ ក្នុងពិធីបុណ្យភ្ជុំបិណ្ឌ ប្រពៃណីជាតិខ្មែរ។

ក្នុងនៅរដ្ឋបាលរាជធានីភ្នំពេញបែងចែកជាពីរដំណាក់កាល៖

១-សម្រាប់សេវាដឹកជញ្ជូនប្រជាពលរដ្ឋនៅក្នុងរាជធានីភ្នំពេញ៖ ប្រើប្រាស់រថយន្តក្រុងចំនួន ៦០គ្រឿង
២-សម្រាប់សេវាដឹកជញ្ជូនប្រជាពលរដ្ឋ ដែលនឹងធ្វើដំណើរពីរាជធានីភ្នំពេញទៅតាមបណ្តាខេត្ត និងពីបណ្តា ខេត្តត្រលប់មករាជធានីភ្នំពេញវិញ៖ ប្រើប្រាស់រថយន្តក្រុងចំនួន ៣៩៥គ្រឿង ដែលមានគោលដៅ និងទីតាំង ដូចខាងក្រោម៖

បន្ទាប់ពីមានមតិវែកញែកយ៉ាងច្រើនជុំវិញរឿងក្រុមចម្រៀង ក្មេងខ្មែរ ពិបាកក្នុងការថតនៅប្រាសាទបឹងមាលា លោកជំទាវឧកញ៉ា នឹម វណ្ណៈ ក៏បានលើកឡើងពីបញ្ហានេះព្រមស្នើសុំ ដល់ក្រសួងពាក់ព័ន្ធសូមសម្រួលនិងពន្លឿននីតិវិធីយ៉ាងណាឱ្យបានលឿននិងល្អជាងនេះ។ ក្នុងនោះលោកជំទាវក៏ចាប់អារម្មណ៍ចំពោះសំណួរថា «គុណតម្លៃនៅត្រង់ណា ដែលអនុញ្ញាតឱ្យក្រុមហ៊ុនឯកជន យករូបអង្គរនិងឈ្មោះអង្គរ ដាក់លើកំប៉ុងឬដបស្រាបៀរនោះ?»។

នៅលើបណ្តាញសង្គមលោកជំទាវឧកញ៉ា នឹម វណ្ណៈ បានសរសេរបង្ហោះនៅល្ងាចថ្ងៃទី៤ អមមកជាមួយលិខិតបញ្ជាក់របស់អាជ្ញាធរជាតិអប្សរានិងរូបភាពលោកជំទាវនៅប្រាសាទអង្គរវត្តថា «ប្រជាពលរដ្ឋខ្មែរគ្រប់រូប ត្រូវតែគោរពច្បាប់ ដែលរដ្ឋាភិបាលរបស់យើងបានកំណត់មក ប៉ុន្តែអ្វីដែលប្រជាជនខ្មែរ ក៏ដូចជានាងខ្ញុំផ្ទាល់ចង់ស្នើសុំ ដល់ក្រសួងពាក់ព័ន្ធ សូមសម្រួលនិងពន្លឿននីតិវិធីយ៉ាងណាឱ្យបានលឿននិងល្អជាងនេះ ដើម្បីបងប្អូនយើងក៏ដូចជាជនបរទេសងាយស្រួលបានថតនៅប្រាសាទអង្គរវត្ត និងប្រាសាទនានា ដើម្បីផ្សព្វផ្សាយ ដោយក្តីរីករាយនិងពោរពេញដោយអនុស្សាវរីយ៍ដ៏ប្រពៃក្នុងក្តីចងចាំអស់មួយជីវិតនៅលើទឹកដីអង្គរនៃយើង»។

ដោយឡែកផេកមួយឈ្មោះថា « ទេសចរណ៍-Tourism» បានលើកឡើងថា«
ខាងអាជ្ញាធរ រឹតបណ្តឹងការថតវីដេអូក្នុងតំបន់អង្គរព្រោះខ្លាចប៉ះពាល់សេចក្តីថ្លៃថ្នូរ រឺ គុណតម្លៃចំពោះសម្បត្តិដ៏មហាសាលរបស់កម្ពុជា (ចំពោះតែការថតក្នុងលក្ខខណ្ឌមួយចំនួនប៉ុណ្ណោះ ) admin គាំទ្រចំពោះចំណុចនេះ។ តែចង់សួរទៅកាន់ខាងអជ្ញាធរផងដែរថា តើថ្លៃថ្នូរត្រង់ណា គុណតម្លៃនៅត្រង់ណា ដែលអនុញ្ញាតឱ្យក្រុមហ៊ុនឯកជន យករូបអង្គរនិងឈ្មោះអង្គរ ដាក់លើកំប៉ុងស្រាបៀរ រឺដបស្រាបៀរនោះ ?ដួងព្រលឹងជាតិ វប្បធម៌ជាតិ អត្តសញ្ញាណជាតិ ទាំងមូលយកទៅផ្សព្វផ្សាយតាមរយៈស្រាបៀរ ? ថ្លៃថ្នូរត្រង់ណា? គុណតម្លៃត្រង់ណា? មោទកភាពជាតិត្រង់ណាដែរ?»។

ការលើកឡើងរបស់ផេកខាងលើនេះមានមហាជនជាច្រើនបានបង្ហាញការយល់ស្របនឹងចង់ឱ្យខាងអាជ្ញាធរពន្យល់លើចំណុចនេះ សូម្បីលោកជំទាវក៏បានស៊ែរ និងសរសេរដោយខ្លីដែរថា «សំណួរប្រចាំឆ្នាំ២០២៣»៕

គ្រាន់តែចង់ផ្លាស់ប្តូរស្ទាយ៍ថ្មីសម្រាប់ខ្លួនឯងស្រីស្អាត ឡូរីន គូស្នេហ៍តារារ៉េប វណ្ណដា បែរជាមានអ្នកអង្គុយចាំរិះគន់ទៅវិញរហូតរូបនាងអត់ទ្រាំពុំបានពន្លះទៅវិញយ៉ាងចាស់ដៃទៅដល់អ្នកច្រណែននាងថាបើអត់ខ្វល់ពីជីវិតនាងអ្នករិះគន់នោះរឹតតែស្អាតហើយថ្លៃថ្នូរជាងនេះ។

នៅលើបណ្តាញសង្គមហ្វេកប៊ុកនាថ្ងៃទី៥ តុលា នេះ ឡូរីន បានបង្ហោះថា «យូរៗទៅកាន់តែយូរៗទៅ… ខ្ញុំពិតជាទ្រាំអត់បានមែន សក់ខ្ញុំក្បាលខ្ញុំចិញ្ចើមខ្ញុំ ខ្ញុំចង់ប្តូរstyleថ្មីសម្រាប់ខ្លួនឯងអត់បានទៅផ្គាប់ចិត្តអ្នកណាគេទេ ឬព្យាយាមធ្វើអីដែលមិនមែនជាខ្លួនឯង។ ខ្ញុំចង់សាកអីដែរថ្មីបន្ថែមរសជាតិសម្រាប់ខ្លួនឯងខ្ញុំព្យាយាមស្ងាត់បំផុត ខ្ញុំស្អាតរឺអាក្រក់ក៏វាអត់បានជះឥទ្ធិពលអាក្រក់ទៅអ្នកដទៃ ហើយវាក៏មិនអាក្រក់ដល់អ្នកចូលចិត្តដៀលគេទាំងឡាយដែរ…»។
ស្រីស្អាត ឡូរីន បន្តទៀតថា «ខ្ញុំធំឡើងមកដល់ថ្ងៃនេះ មិនដែលប៉ះពាល់អ្នកណា throw shade និយាយពីរូបរាងគេ រឺច្រណែនណាគេទេ…ខ្ញុំសុខចិត្តអាក្រក់ ក៏មិនសុខចិត្តជាប់ជាហ្វូងមនុស្សចូលចិត្តដៀល ចាំតែសើចចំអកចិត្តអាក្រក់ មាត់ចេះតែចង់និយាយពីគេ មនុស្សស្រីដៀលមនុស្សស្រីគ្នាឯង…ទម្លាប់មាត់អាក្រក់និយាយពីគេ បាបហើយវាអត់ស្អាតទេវាគគ្រិច ស្មោគរោគ អាក្រក់ជាងចិញ្ចើមខ្ញុំទៀត ចិញ្ចើមខ្ញុំសក់ខ្ញុំអាចប្តូរពណ៌បាន សណ្តានមនុស្សចូលចិត្តដៀលគេ គ្មានពណ៌ណាលុបជ្រះទេ»។

ឡូរីន សង្កត់បន្ថែមថា «អ្នកដៀលខ្ញុំស្អាតៗណាស់ បើអត់ខ្វល់ពីជីវិតខ្ញុំអ្នករឹតតែស្អាតហើយថ្លៃថ្នូរ»។

ក្រោយពីពន្លះដាក់អ្នករិះគន់ខ្លួនហើយ មិនបានប៉ុន្មានម៉ោងស្រីស្អាតរូបនេះក៏សម្រេចចិត្តលុបការបង្ហោះរបស់ខ្លួនវិញផងដែរ។ គេចាំបានដែរថា កាលពីខែកក្កដា កន្លងទៅនេះ ឡូរីន បានចេញមកបង្ហោះសារយ៉ាងវែងអន្លាយដូចគ្នាដែលសំណេរនោះហាក់ចង់ផ្លែផ្កាអ្នកដែលចូលចិត្តទើសនាងដូចគ្នាព្រោះនាងមិនអាចល្អគ្រប់ដប់ផ្គាប់ចិត្តបានគ្រប់គ្នាឡើយ។ ទោះយ៉ាងណា បន្ទាប់ពីបង្ហោះរួចនាងក៏សម្រេចចិត្តលុបវិញដូចគ្នា៕   

ករណីនិស្សិតពេទ្យពីរនាក់ដែលបានស្លាប់នៅតំបន់ទេសចរណ៍ជីផាត កាលពីចុងខែកញ្ញា ឆ្នាំ២០២៣កន្លងទៅ ពុំមែនដោយសារការលង់ទឹកនោះទេ តែជាករណីមនុស្សឃាត នេះបើយោងតាមសមត្ថកិច្ចជំនាញ និងស្ថាប័នតុលាការខេត្តកោះកុង។

សមត្ថកិច្ច ជំនាញបានសម្រេចឃាត់ខ្លួនស្ត្រីម្នាក់ឈ្មោះ ឌុក វណ្ណី ជាម្ចាស់ទីតាំងឈ្មោះជំរុំសត្វភេ ដែលក្រុមជនរងគ្រោះទាំងពីរនាក់ស្នាក់នៅបោះតង់ នៅមុនពេលពួកគេស្លាប់ នៅក្នុងតំបន់ទេសចរណ៍ជីផាតស្ថិតនៅក្នុងភូមិកំលត ឃុំជីផាត ស្រុកថ្មបាំង ខេត្តកោះកុង។

ជនត្រូវចោទឈ្មោះ ឌុក វណ្ណី ត្រូវបានតុលាការខេត្តកោះកុងសម្រេចចោទប្រកាន់ និងឃុំខ្លួនជាបណ្ដោះអាសន្ន ក្រោមបទចោទមនុស្សឃាតដោយអចេតនា យោងតាមមាត្រា ២០៧ នៃក្រមព្រហ្មទណ្ឌ។

សមត្ថកិច្ចនគរបាលជំនាញកោសលវិច័យ បានសន្និដ្ឋានថាជនរងគ្រោះឈ្មោះ ហេង សុវណ្ណច័ន្ទពេជ្រ និងជនរងគ្រោះឈ្មោះ ខាត់ ប៊ុនណារ៉េត បានស្លាប់ដោយសារការឆក់ចរន្តអគ្គិសនីហើយធ្លាក់ចូលក្នុងទឹក ដែលផ្ដើមចេញពីការតបណ្ដាញអគ្គិសនីធ្វេសប្រហែសរបស់ជនត្រូវចោទជាម្ចាស់ទីតាំងឈ្មោះ ឌុក វណ្ណី។

នៅលើដងខ្លួនរបស់ជនរងគ្រោះឈ្មោះហេង សុវណ្ណច័ន្ទពេជ្រ មានឈាមហូរតាមច្រមុះ តាមមាត់ និងតាមត្រជៀក។ចំណែកជនរងគ្រោះឈ្មោះ ខាត់ ប៊ុនណារ៉េត មានឈាមហូរលើផ្ទៃមុខ តាមច្រមុះ តាមភ្នែក មានស្នាមរបួសលើបបូមាត់ មានស្នាមរបួសធ្លុះទៅក្នុងនៅចំណុចគល់ភ្នែកខាងឆ្វេងដូចជាមានមុតរបស់រឹង មានស្នាមសន្លាកជាំត្រង់កផ្នែកខាងមុខ និងមានស្នាមរលាត់ស្បែកប្រអប់ដៃឆ្វេង៕