វៀតណាម៖ រដ្ឋាភិបាលរបស់វៀតណាមមានបំណងចង់ចាប់ផ្តើមការសាងសង់ផ្លូវរថភ្លើងល្បឿនលឿនពីជើងទៅត្បូងនៅឆ្នាំ ២០៣០ ហើយបញ្ចប់និងដាក់ឱ្យដំណើរការខ្សែរថភ្លើងទាំងមូលនៅឆ្នាំ ២០៤៥។
យោងតាមគេហទំព័រ VOV World ដែលបានចុះផ្សាយនៅថ្ងៃទី១ ខែវិច្ឆិកាថា រដ្ឋាភិបាលវៀតណាមបានចេញផែនការសកម្មភាពមួយស្ដីពីទិសដៅអភិវឌ្ឍន៍ផ្លូវដែករបស់ប្រទេសក្នុងឆ្នាំ ២០៣០ ជាមួយនឹងចក្ខុវិស័យឆ្ពោះទៅរកឆ្នាំ ២០៤៥។ អាស្រ័យហេតុនេះ រដ្ឋាភិបាលមានបំណងបែងចែកដើមទុនសម្រាប់គម្រោងហេដ្ឋារចនាសម្ព័ន្ធផ្លូវដែក រួមទាំងផ្លូវល្បឿនលឿន ចន្លោះឆ្នាំ ២០២៥ ដល់ឆ្នាំ ២០៤៥ ។

ដូច្នេះ វៀតណាមនឹងចាប់ផ្តើមសាងសង់លើផ្លូវរថភ្លើងល្បឿនលឿនខាងជើង-ខាងត្បូងក្នុងអំឡុងឆ្នាំ ២០២៦-២០៣០ និងបញ្ចប់ជាផ្លូវការនៅឆ្នាំ ២០៤៥ ដោយផ្តល់អាទិភាពលើគម្រោងផ្លូវរថភ្លើងល្បឿនលឿនពីជើងទៅត្បូង ដែលឆ្លងកាត់ខេត្ត-ក្រុងចំនួន ២០ ជាមួយនឹងល្បឿនប្រតិបត្តិការ ៣២០ គីឡូម៉ែត្រក្នុងមួយម៉ោង។
ទោះជាយ៉ាងណាក៏ដោយ ដើម្បីសម្រេចបាននូវគោលដៅខាងលើ រដ្ឋាភិបាលនឹងផ្តល់អាទិភាពដល់ដើមទុនវិនិយោគសម្រាប់ផ្លូវរថភ្លើងល្បឿនលឿនខាងជើង-ខាងត្បូង រួមទាំងប្រភពចំណូលកើនឡើង និងការសន្សំថ្លៃដើម ដោយវិស័យសេដ្ឋកិច្ចត្រូវបានអំពាវនាវឱ្យចូលរួមក្នុងអាជីវកម្មផ្លូវដែក និងសេវាកម្មគាំទ្រការដឹកជញ្ជូន។

គួរបញ្ជាក់ដែរថា បច្ចុប្បន្នប្រទេសវៀតណាមកំពុងរៀបចំសំណើគោលនយោបាយវិនិយោគសម្រាប់ផ្លូវរថភ្លើងដែលទើបសាងសង់ថ្មី និងផ្លូវរថភ្លើងក្នុងទីក្រុងក៏កំពុងត្រូវបានអនុវត្តផងដែរ ដោយផ្លូវរថភ្លើងខ្លះត្រូវបានកែលម្អ និងជួសជុលឡើងវិញ៕

ប្រទេសថៃ ៖ នៅដើមខែវិច្ឆិកា ឆ្នាំ២០២៣ នាយកសមាគមកសិករដាំអំពៅ ប្រចាំតំបន់ទី៦ នៅខេត្តកំពែងពេជ្រ ប្រទេសថៃ បានធ្វើការប្រជុំពិភាក្សាគ្នាជាមួយសមាជិកនានា ក្រោយពីរដ្ឋាភិបាលថៃបានប្រកាសឱ្យស្ករស ក្លាយជាផលិតផលស្ថិតនៅក្រោមការគ្រប់គ្រងតម្លៃ ដោយរដ្ឋាភិបាលប្រកាសថា ការលក់ស្ករ គឺមិនលើសពី២៥បាតក្នុង១គីឡូក្រាម ។ សមាគមកសិករដាំអំពៅឱ្យដឹងថា ពួកគេនឹងត្រៀមបិទរោងចក្រផលិតស្ករសនៅទូទាំងប្រទេសថៃ នៅដើមខែវិច្ឆិកានេះ ។

មុននេះ គណៈកម្មការគ្រប់គ្រងដំណាំអំពៅ និងស្ករស បានសម្រេចដំឡើងថ្លៃស្ករស ចំនួន៤បាតក្នុង១គីឡូក្រាម ។ លោក មុនទ្រី មន្ត្រីសមាគមកសិករដាំអំពៅលើកឡើងថា ការគ្រប់គ្រងតម្លៃស្ករសនេះ មិនសមស្របជាមួយតម្លៃស្ករសនៅលើទីផ្សារពិភពលោកទេ ។ ហេតុនេះ វាបានបង្កផលប៉ះពាល់ដល់កសិករដាំអំពៅ គឺធ្វើឱ្យការចំណាយដើមទុនរបស់កសិករខ្ពស់ជាងមុន ហើយពួកគេត្រូវជួបនឹងបញ្ហាខ្វះខាតដើមទុនទៀតផង ។

សហព័ន្ធកសិករដាំអំពៅប្រចាំប្រទេសថៃ រួមទាំងស្ថាប័នពាក់ព័ន្ធផ្សេងទៀតបានឯកភាពគ្នាកំណត់វិធានការមួយភ្លាមៗ គឺការបិទរោងចក្រផលិតស្ករសនៅទូទាំងប្រទេសថៃ នៅថ្ងៃទី៥ ខែវិច្ឆិកា ឆ្នាំ២០២៣ ក្នុងគោលបំណងមិនឱ្យបញ្ជូនស្ករស ដែលជាចំណែករបស់កសិករដាំអំពៅប្រមាណ៧០% ។

ការព្រមព្រៀងគ្នាបិទរោងចក្រផលិតស្ករសនៅទូទាំងប្រទេសនេះ ដោយសារយល់ឃើញថា បើពួកគេទូទាត់ការចំណាយផ្សេងៗហើយឃើញថា មិនរួចថ្លៃដើមទុននោះទេ ។ ចំណែកស្ករសនៅសល់៣០% ទៀត ដែលជាកូតារបស់រោងចក្រ គឺនឹងកំណត់ឱ្យវាជាការទទួលខុសត្រូវរបស់រោងចក្រ ៕ ប្រភព ៖ ThaiPBS North

ប្រទេសថៃ ៖ លោក សេដ្ឋា ថាវីស៊ីន នាយករដ្ឋមន្ត្រី និងជារដ្ឋមន្ត្រីក្រសួងហិរញ្ញវត្ថុប្រទេសថៃថ្លែងថា នាយករដ្ឋមន្ត្រីប្រទេសអ៊ីស្រាអែលបានទូរស័ព្ទមកកាន់លោក ដើម្បីសម្តែងការសោកស្តាយចំពោះពលករថៃ ដែលបានស្លា.ប់បា.ត់ប.ង់ជីវិតនៅប្រទេសអ៊ីស្រាអែល ។ លើសពីនេះ លោកនាយករដ្ឋមន្ត្រីអ៊ីស្រាអែលសន្យាថា លោកនឹងជួយសង្គ្រោះចំណា.ប់ខ្មាំ.ងថៃទាំងអស់ និងឱ្យពួកគេត្រឡប់ទៅធ្វើការងារវិញ ប្រសិនបើស្ថានការណ៍ល្អប្រសើរ ។

កាលពីថ្ងៃទី១ ខែវិច្ឆិកា ឆ្នាំ២០២៣ លោក សេដ្ឋា ថាវីស៊ីន នាយករដ្ឋមន្ត្រីប្រទេសថៃ បានបង្ហោះសារមួយនៅក្នុងបណ្តាញសង្គម X (Twitter) អំពីការជជែកគ្នាតាមទូរស័ព្ទជាមួយនាយករដ្ឋមន្ត្រីអ៊ីស្រាអែលថា ៖ «ថ្ងៃនេះ (ថ្ងៃទី១ ខែវិច្ឆិកា) នាយករដ្ឋមន្ត្រីអ៊ីស្រាអែល លោក Benjamin Netanyahu មកហៅទូរស័ព្ទមកខ្ញុំ ដើម្បីសម្តែងការសោកស្តាយចំពោះការស្លា.ប់របស់បងប្អូនពលករថៃ ដែលទៅធ្វើការនៅប្រទេសអ៊ីស្រាអែល ។ ខ្ញុំបានសុំឱ្យលោកនាយករដ្ឋមន្ត្រីអ៊ីស្រាអែលជួយសង្គ្រោះពលករថៃ ដែលត្រូវបានចាប់ធ្វើជាចំណាប់ខ្មាំង ដើម្បីឱ្យពួកគេមានសុវត្ថិភាពយ៉ាងឆាប់រហ័ស ។ លើសពីនេះ ខ្ញុំបានសង្កត់ធ្ងន់ថា ពលករថៃដែលទៅធ្វើការនៅអ៊ីស្រាអែល ពួកគេមិនពាក់ព័ន្ធនឹងជម្លោះដែលកើតឡើងនេះទេ» ។

លោក សេដ្ឋា ថាវីស៊ីន នាយករដ្ឋមន្ត្រីថៃបន្តថា ៖ «ដូច្នេះ សូមឱ្យរដ្ឋាភិបាលប្រទេសអ៊ីស្រាអែលជួយមើលថែទាំសុវត្ថិភាពដល់ពលករថៃទាំងអស់ ដែលកំពុងធ្វើការនៅអ៊ីស្រាអែល ចំនួនជាង២ម៉ឺននាក់ផង ។ ប្រសិនបើមានភាពចាំបាច់ គឺត្រូវតែជម្លៀសពលករថៃបន្ថែមទៀត ដោយសារស្ថានការណ៍សង្គ្រាមនៅតែអូសបន្លាយ ឬស្ថានការណ៍កាន់តែអាក្រក់ជាងនេះ» ។

លោកនាយករដ្ឋមន្ត្រីថៃបន្ថែមថា ៖ «លោកនាយករដ្ឋមន្ត្រីអ៊ីស្រាអែលបានយល់ព្រមចំពោះការស្នើសុំរបស់ខ្ញុំ ដោយលោកនឹងជួយសង្គ្រោះដល់ពលករថៃយ៉ាងពេញទំហឹង ។ លោកនាយករដ្ឋមន្ត្រីអ៊ីស្រាអែលថែមទាំងបានបញ្ជាក់ថា លោកនឹងជួយសង្គ្រោះពលករថៃឱ្យត្រឡប់ទៅធ្វើការនៅប្រទេសអ៊ីស្រាអែលវិញ ប្រសិនបើស្ថានការណ៍ធូរស្រាល ហើយលោកនឹងផ្តល់ដំណឹងអំពីការប្រែប្រួលស្ថានការណ៍ឱ្យខ្ញុំបានជ្រាបផងដែរ» ៕ ប្រភព ៖ khaosod

្រទេសចិន ៖ ភ្ញៀវមកចូលរួមក្នុងពិធីរៀបអាពាហ៍ពិពាហ៍បានភ្ញាក់ផ្អើលយ៉ាងខ្លាំង ខណៈគូស្នេហ៍១គូបានរៀបអាពាហ៍ពិពាហ៍ក្នុងសណ្ឋាគារប្រណីតមួយនៅប្រទេសចិន ប៉ុន្តែពួកគេបានទទួលភ្ញៀវត្រឹមតែផ្តល់បាយម្នាក់១ប្រអប់ប៉ុណ្ណោះ ។ គូស្នេហ៍នេះនិយាយថា វាឆាប់រហ័ស និងមិនខាតបង់ពេលវេលាច្រើន ហើយធ្វើឱ្យអ្នកលេងបណ្តាញសង្គមចិនរិះគន់ចំពោះទង្វើនេះ ។

សារព័ត៌មានបរទេសចុះផ្សាយថា គូស្នេហ៍១គូនេះបានរៀបចំពិធីពិពាហ៍ពិពាហ៍របស់ពួកគេក្នុងសណ្ឋាគារដ៏ប្រណីត ប៉ុន្តែអាហារសម្រាប់ទទួលភ្ញៀវមកចូលរួមនោះ គឺមានត្រឹមតែបាយ១ប្រអប់ប៉ុណ្ណោះ និងគ្មានអ្វីបន្ថែមផ្សេងទៀតទេ ។ ដូច្នេះ ធ្វើឱ្យភ្ញៀវមកចូលរួមទទួលទានអាហារក្នុងពិធីនេះស្រឡាំងកាំងគ្រប់គ្នា ហើយញញឹមទាំងមុខស្ងួត ។

រីឯសារព័ត៌មានចិនវិញបានចុះផ្សាយពីវីដេអូពិធីរៀបអាពាហ៍ពិពាហ៍របស់គូស្នេហ៍នេះនៅទីក្រុងវូហាន ប្រទេសចិន ដែលបានរៀបចំឡើងយ៉ាងអធិកអធមក្នុងសណ្ឋាគារមួយកន្លែង ។ ម្ចាស់កម្មវិធីបានចែកបាយភ្ញៀវម្នាក់១ប្រអប់ ហើយបាយនេះគ្មានអ្វីប្លែកទេ ថែមទាំងមានតម្លៃថោកទៀត ។ ដូច្នេះ ម្ចាស់កម្មវិធីចង់ឱ្យមានភាពងាយស្រួល, ការបរិភោគឆាប់រហ័ស និងងាយស្រួលបោសសម្អាត ប៉ុន្តែពួកគេយកបាយប្រអប់មកទទួលភ្ញៀវក្នុងពិធីរៀបអាពាហ៍ពិពាហ៍បែបនេះ គឺអាចមានតែមួយនេះទេ នៅលើពិភពលោក ។

ភ្ញៀវមកចូលរួមកម្មវិធីនិយាយថា ខ្លួនបានទទួលថង់ផ្លាស្ទិកធំមួយពណ៌ក្រហម ហើយនៅក្នុងថង់នេះមានបាយ១ប្រអប់ ដែលមានតម្លៃប្រមាណ៥០យាន់ (ឬស្មើប្រមាណ២ម៉ឺន៤ពាន់រៀល) ។ ភ្ញៀវរូបនេះបន្តថា ក្នុងប្រអប់នោះរួមមាន បាយសដាក់ស៊ុតចៀន១គ្រាប់ ព្រមទាំងមានម្ហូបចំនួន៣មុខ ក្នុងនោះមានឆាសាច់ជាមួយបន្លែ ។

រឿងរ៉ាវនេះបានធ្វើឱ្យផ្ទុះការរិះគន់យ៉ាងខ្លាំងនៅក្នុងបណ្តាញសង្គមប្រទេសចិន ក្នុងនោះអ្នកលេងបណ្តាញសង្គមចិនម្នាក់និយាយថា ៖ «ខ្លួនទើបតែបានឃើញបាយប្រអប់សម្រាប់ទទួលភ្ញៀវក្នុងពិធីរៀបអាពាហ៍ពិពាហ៍ជាលើកដំបូង នៅទីក្រុងវូហាន» ។ ជនជាតិចិនម្នាក់ទៀតថា ៖ «វាជារូបភាពគួរឱ្យខ្មាស់អៀន បើមិនចែកបាយឱ្យភ្ញៀវ គឺល្អជាង» ។ ជនជាតិចិនម្នាក់ទៀតថា ៖ «មើលទៅបាយប្រអប់នេះស្រដៀងគ្នានឹងបាយដែលគេទុករយៈពេល១០០ឆ្នាំមុនអីចឹង ពីព្រោះពួកគេចម្អិនវាយូរហើយ ទើបយកមកចែកចាយ» ។

ចំណែកអ្នកលេងបណ្តាញសង្គមខ្លះទៀតយល់ឃើញថា នេះអាចជាការបរិភោគអាហារថ្ងៃត្រង់ងាយៗប៉ុណ្ណោះ មុននឹងឈានដល់ការបរិភោគអាហារពេលល្ងាច ដែលម្ចាស់កម្មវិធីនឹងរៀបចំម្ហូបអាហារសម្បូរបែបក៏ថាបាន ។ ចំណែកក្រុមអ្នកមកអង្គុយបរិភោគអាហារទាំងនេះ គឺអាចជាសាច់ញាតិ ឬក្រុមគ្រួសារ ឬមិត្តភក្តិ ដែលមកជួយការងារមុននឹងពិធីចាប់ផ្តើម ៕

ប្រភព ៖ khaosod

អាមេរិក៖ ទោះបីជាពិធីបុណ្យ Halloween មានត្រឹមតែមួយថ្ងៃក៏ដោយ ក៏ពិធីបុណ្យនេះនៅតែជំរុញការចំណាយលើផលិតផលគ្រប់ប្រភេទនៅក្នុងសហរដ្ឋអាមេរិក ដោយពលរដ្ឋអាមេរិកភាគច្រើនបានចំណាយប្រាក់រហូតទៅដល់ ១២.២ ពាន់លានដុល្លារ។យោងតាមលទ្ធផលនៃការស្ទង់មតិប្រចាំឆ្នាំដែលធ្វើឡើងដោយសហព័ន្ធលក់រាយជាតិរបស់សហរដ្ឋអាមេរិក (NRF) បានឱ្យដឹងថា ចំនួនការចំណាយនេះបានកើនឡើង ៣ ឆ្នាំជាប់គ្នា។ ក្នុងចំណោមនោះ ជនជាតិអាមេរិកត្រូវបានគេប៉ាន់ប្រមាណថានឹងចំណាយប្រាក់ ៤.១ ពាន់លានដុល្លារលើសំលៀកបំពាក់ និង ៣.៩ ពាន់លានដុល្លារលើការតុបតែងផ្ទះ រួមទាំង ៣.៦ ពាន់លានដុល្លារលើស្ករគ្រាប់។

ដូច្នេះ ចំនួនទាំងអស់នេះបានកើនឡើងយ៉ាងខ្លាំងបើប្រៀបធៀបទៅនឹងឆ្នាំមុន ខណៈដែលចំនួនប្រាក់ជាមធ្យមនៃមនុស្សម្នាក់គ្រោងចំណាយក្នុងពិធីបុណ្យ Halloween ឆ្នាំនេះក៏បានឡើងដល់កំណត់ត្រាចំនួន ១០៨ ដុល្លារផងដែរ។

Halloween គឺជាពិធីបុណ្យខ្មោចមួយដែលប្រារព្ធធ្វើឡើងជារៀងរាល់ឆ្នាំនៅថ្ងៃទី៣១ ខែតុលា និងមានប្រភពមកពីលោកខាងលិច។ សកម្មភាពពេញនិយមក្នុងអំឡុងពិធីបុណ្យនេះគឺទិញសំលៀកបំពាក់ប្លែកៗដើម្បីតែងខ្លួនជាខ្មោច ក៏ដូចជារៀបចំផ្ទះឱ្យដូចទៅនឹងរឿងភ័យរន្ធត់ និងគោះទ្វារអ្នកជិតខាងដើម្បីសុំស្ករគ្រាប់។

ភាគរយដែលប្រជាជនអាមេរិកចូលរួមពិធីបុណ្យនេះគឺ ៧៣% កើនឡើងពី ៦៩% ក្នុងឆ្នាំ ២០២២ ដូច្នេះការទិញទំនិញ និងគ្រឿងតុបតែងទាំងអស់នេះបានធ្វើឱ្យសេដ្ឋកិច្ចអាមេរិកកើនឡើងយ៉ាងខ្លាំងដោយរំពឹងថានឹងបង្កើតកំណត់ត្រាចំនួន ១២.២ ពាន់លានដុល្លារក្នុងរយៈពេលចុងឆ្នាំនេះ៕

ក្រុមហ៊ុន Baichuan របស់ចិនគឺជាក្រុមហ៊ុនបង្កើតសញ្ញាសិប្បនិមិត្តិបានដាក់ចេញនូវគំរូ AI របស់ខ្លួនបានបង្ហាញថា វាមានលក្ខណៈពិសេសដែលអាចសង្ខេបអត្ថបទប្រលោមលោកយ៉ាងវែងបាន ហើយជាគំរូដ៏ខ្លាំងក្លាបំផុតដែលអាចបំប្លែងពីអត្ថបទវែងទៅជាអត្ថបទខ្លីៗបាន និងសមត្ថភាពលើសពី Antropic Claude 2 របស់អាមេរិក ព្រោះមានគុណភាពក្នុងការឆ្លើយតប និងមានកម្រិតយល់ដឹងនូវអត្ថបទវែងៗបានផងដែរ។

កាលពីថ្ងៃចន្ទទី៣០ខែតុលានេះ សេចក្តីរាយការចេញពីក្រុមហ៊ុន Baichuan នាទីក្រុងប៉េកាំងបាននិយាយថា កំណែទម្រង់ចុងក្រោយគេបង្អស់របស់ខ្លួនគឺជាការកំណត់យកនៅគំរូដ៏ធំនៃប្រព័ន្ធ AI « Context Window» ដែលអាចសង្ខេបអត្ថបទអក្សរចិនបានរហូតដល់ទី ៣៥០ ០០០ ពាក្យ។

បើប្រៀបធៀបជាមួយនឹង Anthropic Claude2 របស់អាមេរិក ដែលបានដាក់ចេញកាលពីខែកក្កដាកន្លងទៅថាជាប្រព័ន្ធ AI ទំនើបបំផុតលើពិភពលោក ជាគំរូដែលអ្នកប្រើប្រាស់អាចដាក់នៅក្នុង Context Window ជាភាសាអង់គ្លេសបានត្រឹមតែ ៧៥ ០០០ពាក្យតែប៉ុណ្ណោះនៃអត្ថបទ។

លើសពីនេះទៅទៀត បណ្តាញទំនាក់ទំនងសង្គមក៏ដូចជាវិដេអូហ្គេមរបស់ចិន បានបង្កើននូវការកែច្នៃគំរូសិប្បនិមិត្តរបស់ខ្លួនបន្ថែមទៀត ដែលបានបម្រើនូវសេវាកម្មក៏ដូចជាដាក់លក់ផលិតផលផ្សេងៗ ហើយការប្រកួតប្រជែងនេះទទួលបាននូវការរីកចម្រើនជាខ្លាំងជាបន្តបន្ទាប់ នាំឲ្យចិនក្លាយជាមហាអំណាចសេដ្ឋកិច្ចលំដាប់ទី២លើសកលលោក។ ពួកគេក៏នៅតែបន្តការកែលម្អទៅលើសេវាកម្មគំរូសិប្បនិមិត្តផ្សេងៗទៀតដើម្បីបម្រើនិងបង្កើនការងាយស្រួលដល់អ្នកប្រើប្រាស់។

យោងតាមក្រុមហ៊ុនបានឱ្យដឹងថា អតិថិជនមកពីគ្រប់វិស័យ រួមទាំងធ្វើអាជីវកម្ម ការអប់រំ ហិរញ្ញវត្ថុ ឱសថ និងប្រព័ន្ធផ្សព្វផ្សាយ កំពុងប្រើប្រាស់គំរូ Hunyuan របស់ក្រុមហ៊ុនចិននេះ រួចហើយ។ ម្យ៉ាងវិញទៀត វិស្វករដែលរៀនកម្មវិធីកុំព្យូទ័រទាំង៣២ជំនាញ បានប្រើប្រាស់គំរូ Hunyuan របស់ក្រុមហ៊ុនចិននេះដើម្បីជួយដល់ការសរសេរកូដ និងបំបាត់នូវកំហុសដែលកើតឡើងជាប្រចាំផងដែរ។ South China Morning Post