ការឆ្លងឆ្នាំសកលតែងប្រារព្ធឡើងជារៀងរាល់ឆ្នាំនៃថ្ងៃទី៣១ ខែធ្នូ តាមបណ្តាប្រទេសទាំងអស់នៅលើពិភពលោក តែការអបអរឱកាសពិសេសនេះ មិនមែនប្រារព្ធឡើងក្នុងពេលដំណាលគ្នានោះទេ។

ជាក់ស្តែង មាន៣ប្រទេសដែលនឹងឆ្លងឆ្នាំសកល២០៥មុនគេ ក្នុងនោះរួមមាន គីរីបាទី តុងហ្គា និងកោះសាម័រ។ បើគិតនឹងម៉ោងនៅកម្ពុជា ប្រទេសនេះនឹងអបអរសាទរការឆ្លងចូលឆ្នាំថ្មីឆ្នាំសកល នៅម៉ោង៥ល្ងាច ថ្ងៃទី៣១ខែធ្នូ។

ដោយឡែកចំពោះ កោះ Baker និងកោះ Howland នៅទ្វីបអាមេរិកខាងជើងនិងត្បូង នឹងអបអរឆ្នាំថ្មីនៅម៉ោង៧យប់ ថ្ងៃទី១ខែមករាម៉ោងនៅកម្ពុជា។

មូលហេតុដែលនាំឱ្យមានការឆ្លងឆ្នាំមុន និងក្រោយនេះ ក៏ព្រោះតែដោយសារល្វែងម៉ោងខុសគ្នា។ គេបានបង្កើតខ្សែបន្ទាត់អរូបីមួយហៅថា International Date Line (IDL) ដែលស្ថិតនៅខ្សែបណ្តោយទី១៨០ របស់ប្រទេសរុស្សុី រដ្ឋអាឡាស្កា និងមហាសមុទ្រប៉ាសុីហ្វិក។

គេរាប់ថ្ងៃថ្មីដូចទៅនឹងដំណើរនៃផែនដីវិល ដោយបណ្តាលប្រទេសនៅខ្សែបន្ទាត់ខាងឆ្វេងដៃនៅឆ្លងឆ្នាំមុន ខណៈប្រទេសដែលនៅខាងស្តាំដៃនៃខ្សែបន្ទាត់ស្ថិតនៅថ្ងៃចាស់៕

ថ្មីៗនេះ រុស្សុី បានចាប់ផ្តើមដាក់ពង្រាយនូវប្រព័ន្ធការពារដែនអាកាសដ៏ខ្លាំងបំផុតរបស់ខ្លួនគឺ S-500 ឱ្យចូលក្នុងសមរភូមិ ក្រោយពីមានភាពតានតឹងខ្លាំងជាមួយអាមេរិក និង ណាតូ (Nato)។

ប្រព័ន្ធការពារដែនអាកាស S-500 អាចបាញ់ចេញក្នុងចម្ងាយ៥០០គីឡូម៉ែត្រទៅ៦០០គីឡូម៉ែត្រ និងរត់បានក្នុងល្បឿនលឿនជាងសំលេង២០ដង ឬប្រមាណ២៥០០០គីឡូម៉ែត្រក្នុងមួយម៉ោង។

S-500 ត្រូវបានតេស្តសាកល្បងជាលើកដំបូងក្នុងឆ្នាំ២០២១ ដោយផលិតឡើងក្នុងគោលបំណងធំៗចំនួន៤រួមមាន៖

• • ចាប់ស្ទាក់មីសុីលអន្តរទ្វីប
  • កម្ទេចយន្តហោះចម្បាំង
  • ចាប់ស្ទាក់មីសុីលដែលមានល្បឿលឿនជាងសំលេង

លោកពូទីន បានអះអាងថា៖” S-500 មានសមត្ថភាពគ្រប់គ្រាន់បាញ់ទម្លាក់យន្តហោះចម្បាំងទំនើបៗរបស់អាមេរិកដូចជា F22,F35 និងយន្តហោះបំបាំងកាយ B-2 ជាដើម”៕

ប្រធានាធិបតីសហរដ្ឋអាមេរិក លោក ដូណាលត្រាំ បានសម្ដែងការត្រេកអរចំពោះប្រទេសកម្ពុជានិងប្រទេសថៃដែលយល់ព្រមទទួលយកបទឈប់បា.ញ់ និងបានបិទបញ្ចប់ការប្រយុទ្ធគ្នា ហើយត្រឡប់ទៅរកសន្តិភាពវិញ ដោយអនុលោមតាមសន្ធិសញ្ញាដើមដែលបានព្រមព្រៀងគ្នាកាលពីពេលថ្មីៗនេះ។ ក្នុងនោះ លោក ត្រាំ ក៏បានធ្វើការរិះគ.ន់ទៅលើ អង្គការសហប្រជាជាតិផងដែរ ដែលកន្លងមកតែងឈរឱបដៃនៅស្ងៀម មិនចូលរួមក្នុងការជួយស្វែងរកសន្តិភាពសម្រាប់ពិភពលោក។

យោងតាមសំណេរដែលបានបង្ហោះនៅលើបណ្ដាញសង្គម Truth Social នៅថ្ងៃទី២៩ ខែធ្នូនេះ លោក ដូណាល់ត្រាំ បានលើកឡើងយ៉ាងដូច្នេះថា៖ «ខ្ញុំសូមអបអរសាទរមេដឹកនាំដ៏អស្ចារ្យទាំងពីរ ចំពោះភាពវៃឆ្លាតរបស់ពួកគេក្នុងការឈានទៅដល់ការសន្និដ្ឋានដ៏រហ័ស និងយុត្តិធម៌នេះ។ វាពិតជារហ័ស និងម៉ឺងម៉ាត់»។ លោកបានបន្ថែមថា សហរដ្ឋអាមេរិកមានមោទនភាពដែលបានជួយសម្របសម្រួល។

ក្នុងសារដដែលនោះ លោក ត្រាំ ក៏បានឆ្លៀតរិះគ.ន់ចំៗទៅកាន់អង្គការសហប្រជាជាតិ (UN) យ៉ាងចាស់ដៃ ដោយលើកឡើងថា បច្ចុប្បន្នសហរដ្ឋអាមេរិកហាក់បីដូចជាបានក្លាយជា «អង្គការសហប្រជាជាតិពិតប្រាកដ» ទៅហើយ បន្ទាប់ពីលោកបានដោះស្រាយ និងបញ្ឈប់សង្គ្រាមចំនួន ៨ ក្នុងរយៈពេល ១១ខែចុងក្រោយនេះ។

លោកត្រាំបានបន្ថែមថា UN ហាក់បានផ្តល់ជំនួយតិចតួចបំផុតក្នុងជម្លោះនានា រួមទាំងសង្គ្រាមរវាងរុស្ស៊ី និងអ៊ុយក្រែនផងដែរ ហើយបានជំរុញឱ្យស្ថាប័នពិភពលោកមួយនេះ «ចាប់ផ្តើមសកម្ម និងចូលរួមក្នុងសន្តិភាពពិភពលោក» ឱ្យបានពិតប្រាកដ៕

ប្រទេសថៃ ៖ កិច្ចប្រជុំពិសេសលើកទី៣ របស់គណៈកម្មាធិការព្រំដែនទូទៅកម្ពុជា-ថៃ (GBC) ដែលបានប្រព្រឹត្តនាព្រឹកថ្ងៃទី២៧ ខែធ្នូ ឆ្នាំ២០២៥ បានបញ្ចប់នាវេលាម៉ោង១០និង២០នាទី នៅច្រកអន្តរជាតិព្រំ-ផាកកាត ខេត្តប៉ៃលិន ប្រទេសកម្ពុជា ទល់នឹងខេត្តចន្ទបុរី ប្រទេសថៃ ដោយឯកភាពគ្នាលើបទឈប់បា.ញ់អនុវត្តចាប់ពីម៉ោង១២និង០០នាទីថ្ងៃត្រង់ ថ្ងៃទី២៧ ខែធ្នូ មានរយៈពេល៧២ម៉ោង ។ នៅថ្ងៃទី២៧ ខែធ្នូ នេះ ជំនួយការមេបញ្ជាការកងទ័ពអាកាសថៃប្រកាសថា នឹងវាយប្រ.ហារជាថ្មី ប្រសិនបើកម្ពុជាបំពានបទឈប់បា.ញ់រយៈពេល៧២ម៉ោង ។

លោក ប្រាផាត សនចៃឌី ជំនួយការមេបញ្ជាការកងទ័ពអាកាសថៃ និងជាប្រធានមជ្ឈមណ្ឌលព័ត៌មានស្ថានការណ៍ព្រំដែនកម្ពុជា-ថៃ បាននិយាយបន្ទាប់ពីបញ្ចប់កិច្ចប្រជុំពិសេសលើកទី៣ របស់គណៈកម្មាធិការព្រំដែនទូទៅកម្ពុជា-ថៃ (GBC) ថា ជំហ៊ានបន្ទាប់ ថៃនឹងទំនាក់ទំនងតាមទូរស័ព្ទជាមួយកម្ពុជាដើម្បីចែករំលែកព័ត៌មាន និងរកដំណោះស្រាយជម្លោះដោយសន្តិវិធី ដោយនឹងមានក្រុមអ្នកសង្កេតការណ៍អាស៊ាន (AOT) និងអគ្គមេបញ្ជាការកងទ័ពប្រទេសទាំងពីរចូលរួមសហការ ។ ថៃនឹងប្រមូលភស្តុតាងទាំងអស់បង្ហាញទៅពិភពលោក ដើម្បីចោទប្រកាន់កម្ពុជាបា.ញ់ប្រហារមុន ។

ចំណែកកម្ពុជា-ថៃបានឯកភាពគ្នាលើបទឈប់បាញ់ដោយអនុវត្តចាប់ពីម៉ោង១២និង០០នាទីថ្ងៃត្រង់ ថ្ងៃទី២៧ ខែធ្នូ ឆ្នាំ២០២៥ មានរយៈពេល៧២ម៉ោង លោក ប្រាផាត ជំនួយការមេបញ្ជាការកងទ័ពអាកាសយល់ថា នេះជាពេលវេលាសមរម្យ និងជាពេលវេលាស្តង់ដារដែលប្រើប្រាស់នៅទូទាំងពិភពលោក ប៉ុន្តែប្រសិនបើកម្ពុជាបំពានបទឈប់បាញ់បង្កឱ្យមានសង្គ្រាមជាថ្មី គឺកងទ័ពថៃនឹងវាយប្រហារម្តងទៀត ថែមទាំអរាយការណ៍ប្រាប់ពិភពលោក ។

ម្យ៉ាងទៀត ប្រសិនបើថៃដោះលែងវីរៈកងទ័ពកម្ពុជាទាំង១៨រូបរួចហើយ ស្រាប់តែកម្ពុជាបំពានបទឈប់បាញ់ កងទ័ពថៃនឹងវាយប្រហារដូចមុនដើម្បីការពារអធិបតេយ្យ និងផ្តល់សុវត្ថិភាពឱ្យពលរដ្ឋ ។ ដូចគ្នានេះ នឹងប្រាប់ពិភពលោកថា ថៃចាំបាច់ត្រូវតែវាយប្រហារកម្ពុជា បន្ទាប់ពីការចរចាដោយសន្តិវិធីរួចប៉ុន្តែគ្មានលទ្ធផល ហើយកងទ័ពថៃនឹងមិនឈប់សម្រាកពេលបុណ្យឆ្លងឆ្នាំខាងមុខទេ គឺត្រៀមខ្លួនវាយប្រហារជានិច្ច ។

ពលរដ្ឋថៃជាង៤សែននាក់ ដែលបានចាកចេញពីផ្ទះសម្បែងទៅស្នាក់នៅក្នុងជំរំភៀសសឹកបណ្តោះអាសន្ន គឺរដ្ឋាភិបាលថៃនឹងការពារយ៉ាងដិតដល់ និងផ្តល់ប្រាក់សំណងផងដែរ ។ ក្រៅពីនេះ ក៏សូមអរគុណពលរដ្ឋថៃដែលជួយបញ្ជូនសម្ភារៈមកឱ្យកងទ័ពធ្វើសកម្មភាពឈ្លានពានកម្ពុជាជាបន្តបន្ទាប់ ។ ទោះជាមានជម្លោះព្រំដែនជាមួយកម្ពុជា ប៉ុន្តែភ្ញៀវទេសចរដែលនឹងធ្វើដំណើរមកកម្សាន្តនៅប្រទេសថៃមិនចាំបាច់បារម្ភទេ គ្រាន់តែកុំធ្វើដំណើរទៅតំបន់ជម្លោះ និងអនុវត្តតាមការណែនាំរបស់អាជ្ញាធរ ។

គួរបញ្ជាក់ថា កិច្ចប្រជុំពិសេសលើកទី៣ របស់គណៈកម្មាធិការព្រំដែនទូទៅកម្ពុជា-ថៃ (GBC) ដែលបានប្រព្រឹត្តនាព្រឹកថ្ងៃទី២៧ ខែធ្នូ ឆ្នាំ២០២៥ បានបញ្ចប់នាវេលាម៉ោង១០និង២០នាទី នៅច្រកអន្តរជាតិព្រំ-ផាកកាត ខេត្តប៉ៃលិន ប្រទេសកម្ពុជា ទល់នឹងខេត្តចន្ទបុរី ប្រទេសថៃ ដោយឯកភាពគ្នាលើបទឈប់បាញ់ដោយអនុវត្តចាប់ពីម៉ោង១២និង០០នាទីថ្ងៃត្រង់ ថ្ងៃទី២៧ ខែធ្នូ មានរយៈពេល៧២ម៉ោង ។ កិច្ចប្រជុំនេះក្រោមការសង្កេតការណ៍របស់ក្រុមអ្នកសង្កេតការណ៍អាស៊ាន (AOT) ប្រចាំកម្ពុជា-ថៃ ដែលដឹកនាំដោយ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា និងលោក Natthaphon Narkphanit រដ្ឋមន្រ្តីក្រសួងការពារជាតិថៃ ។

កិច្ចប្រជុំពិសេសលើកទី៣ របស់គណៈកម្មាធិការព្រំដែនទូទៅកម្ពុជា-ថៃ (GBC) បានអនុម័ត និងចុះហត្ថលេខាលើសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) រវាងកម្ពុជា-ថៃ គឺបញ្ជាក់ពីការប្តេជ្ញាចិត្តយ៉ាងម៉ឺងម៉ាត់ក្នុងការអនុវត្តបទឈប់បាញ់នេះឱ្យបានពេញលេញ និងស្វែងរកសន្តិភាព ស្ថិរភាព និងសុវត្ថិភាព ជូនពលរដ្ឋរស់នៅតាមបណ្តោយព្រំដែនប្រទេសទាំងពីរ ៕

ប្រទេសថៃ ៖ កងទ័ពថៃតែងតែលេងល្បិចដដែលៗរឿងជាន់មីនដើម្បីទម្លាក់កំហុសលើកម្ពុជា ជាពិសេស ពេលស្ថានការណ៍ព្រំដែនស្ងប់ស្ងាត់ ឬពេលមានកិច្ចប្រជុំសំខាន់រវាងកម្ពុជា-ថៃ ក៏ប្រឌិតរឿងកងទ័ពថៃជាន់មីនរងរបួសធ្ងន់ ។ លើកនេះក៏ដូចរាល់ដង ពេលបញ្ចប់កិច្ចប្រជុំកម្រិតលេខាធិការដ្ឋាន (GBC) និងបញ្ចប់កិច្ចប្រជុំពិសេសលើកទី៣ របស់គណៈកម្មាធិការព្រំដែនទូទៅកម្ពុជា-ថៃ (GBC) នាវេលាម៉ោង១០និង២០នាទីព្រឹកថ្ងៃទី២៧ ខែធ្នូ ឆ្នាំ២០២៥ ស្រាប់តែសារព័ត៌មានថៃផ្សាយថា កងទ័ពថៃម្នាក់ទៀតហើយជាន់មីនរងបួសធ្ងន់នៅព្រំដែនខេត្តស៊ីសាកេត គឺរយៈពេល៣០នាទីមុនពេលបទឈប់បា.ញ់ចូលជាធរមាន ដែលក្លាយជាកងទ័ពទី១០ រងគ្រោះដោយសារគ្រាប់មីន ។

តាមការចុះផ្សាយរបស់សារព័ត៌មាន Amarin News នៅថ្ងៃទី២៧ ខែធ្នូ កងទ័ពថៃម្នាក់ទៀតហើយជាន់មីនរងរបួសធ្ងន់ធ្ងរដាច់ជើងស្តាំនៅភ្នំ Sattasom ខេត្តស៊ីសាកេត គឺរយៈពេល៣០នាទីមុនពេលបទឈប់បា.ញ់ចូលជាធរមាន ហើយក៏បានចោទប្រកាន់តាមទម្លាប់ថា គឺជាគ្រាប់មីនរបស់កម្ពុជា ។

នៅថ្ងៃទី២៧ ខែធ្នូ លោក វិនឆ័យ សុវ៉ារី អ្នកនាំពាក្យកងទ័ពជើងគោកថៃថា ថ្ងៃនេះ រយៈពេល៣០នាទីមុនពេលបទឈប់បា.ញ់ចូលជាធរមាន កងទ័ពថៃម្នាក់បានជាន់មីនប្រឆាំងមនុស្ស ប្រភេទ PMN-2 ពេលកំពុងប្រតិបត្តិការនៅភ្នំ Sattasom ខេត្តស៊ីសាកេត ដែលបណ្តាលឱ្យរងរបួសធ្ងន់ធ្ងរដាច់ជើងខាងស្តាំ ។ ក្រោយកើតហេតុ ភ្នាក់ងារជួយសង្គ្រោះបានបញ្ជូនកងទ័ពរូបនេះតាមឧទ្ធម្ភាគចក្រទៅមន្ទីរពេទ្យខេត្តសុរិន្ទ ពេលនេះ គ្រូពេទ្យកំពុងជួយសង្គ្រោះយ៉ាងដិតដល់ ។ កងទ័ពបានត្រួតពិនិត្យនៅទីតាំងកើតហេតុយ៉ាងតឹងរ៉ឹងដើម្បីសុវត្ថិភាព និងការពារកុំឱ្យកងទ័ពថៃជាន់មីនបន្ថែម ។

គួរបញ្ជាក់ថា បើទោះជាការជាន់មីនលើកនេះពុំទាន់មានការស្រាវជ្រាវច្បាស់លាស់ថា ជាមីនចាស់ ឬថ្មី ប៉ុន្តែកងទ័ពថៃបានចោទប្រកាន់ទម្លាក់កំហុសលើកម្ពុជាដូចលើកមុនៗថា កងទ័ពថៃដែលជាន់មីននេះ គឺជាជនរងគ្រោះទី១០ហើយដែលដាក់ដោយកម្ពុជា ។

កងទ័ពថៃតែងតែប្រើប្រាស់ចាស់ដដែលៗរឿងជាន់មីនជាច្រើនលើកច្រើនសា ជាពិសេស រៀងរាល់ពេលមានកិច្ចប្រជុំសំខាន់ណាមួយត្រូវបានរៀបចំឡើងដើម្បីសម្របសម្រួលស្ថានការណ៍រវាងកម្ពុជា-ថៃឱ្យមានសន្តិភាពឡើងវិញ គឺកងទ័ពថៃបានប្រឌិតរឿងជាន់មីនជានិច្ច ។ បន្ទាប់មក ថៃក៏ចាប់ផ្តើមរករឿងបង្កជម្លោះជាមួយកម្ពុជា ទាំងដែលថៃគ្មានភស្តុតាងច្បាស់លាស់ ។

ពលរដ្ឋខ្មែរមានចម្ងល់ថា ឱ្យតែពេលស្ថានការណ៍ព្រំដែនស្ងប់ស្ងាត់ ឬពេលមានកិច្ចប្រជុំសំខាន់ ហេតុអ្វីកងទ័ពថៃប្រឌិតរឿងជាន់មីនទៅវិញ? ចុះនៅពេលបើកសង្គ្រា.មវាយប្រហារកម្ពុជាជាច្រើនថ្ងៃមកនេះ ហេតុអ្វីមិនជាន់មីន? ឬមួយទាល់តែមានកិច្ចប្រជុំ ទើបកងទ័ពថៃដើរជាន់មីន?

កងទ័ពថៃល្មមឈប់លេងល្បិចដដែលៗនេះទៅ គ្មានអ្នកណាជឿទេ ពីព្រោះល្បិចជាន់មីន គឺជាលេសរករឿងចោទប្រកាន់កម្ពុជាដោយគ្មានមូលដ្ឋាន ហើយនៅថ្ងៃទី២៧ ខែធ្នូ ឆ្នាំ២០២៥ បទឈប់បាញ់រវាងកម្ពុជា-ថៃបានចូលជាធរមានចាប់ពីម៉ោង១២និង០០នាទីថ្ងៃត្រង់ ។ កម្ពុជាសង្ឃឹមថា កងទ័ពថៃនឹងមិនបំពានបទឈប់បាញ់ និងបញ្ឈប់ការចោទប្រកាន់រឿងមីនមិនឈប់ឈរ ៕

ប្រទេសថៃ៖ អ្នកកាសែតជើងចាស់ថៃ លោក Pravit Rojanaphruk បានលើកឡើងពីស្ថានភាពរបស់ប្រទេសថៃថា ពេលនេះកំពុងបណ្ដោយឲ្យយោធាដែល«ស្រវឹងសង្រ្គា.ម»កាន់កាប់អំណាច ធ្វើអ្វីបំផ្លាញអ្វីស្រេចតែចិត្ត រួចហើយរកលេសបកស្រាយមិនទំនង ធ្វើសីលធម៌សង្គមកាន់តែធ្លាក់ចុះ ដោយមិនខ្វល់ខ្វាយពីការយល់ឃើញរបស់អន្តរជាតិឡើយ។

យោងតាមសំណេររបស់លោក Pravit នៅលើទំព័រហ្វេសប៊ុក កាលពីថ្ងៃទី២៦ ខែធ្នូ ឆ្នាំ២០២៥ បានបង្ហាញថា កាលពីខ្ញុំនៅក្មេង យើងត្រូវបានសាលាបង្រៀនថា ភូមាបានវា.យប្រហារក្រុងអយុធ្យា ហើយថែមទាំងដុតបំផ្លាញវត្តអារាមព្រះពុទ្ធសាសនាទៀតផង។ កាលនោះ ខ្ញុំគិតមិនយល់ទេថា ហេតុអ្វីបានជាពួកគេធ្វើបែបនោះ ហើយខ្ញុំតែងតែឆ្ងល់ថា តើវាអាចទៅរួចដែរឬទេ ក្នុងនាមជាអ្នកកាន់ព្រះពុទ្ធសាសនាដូចគ្នា?
លុះរហូតមកដល់ពេលនេះ នៅពេលដែលខ្ញុំបានឃើញទាហានថៃទៅបំផ្លាញរូបសំណាកព្រះវិស្ណុដ៏ធំមួយដែលសាងសង់នៅក្នុងប្រទេសកម្ពុជា ហើយដែលពួកគេអះអាងថាបានរំលោភលើទឹកដីថៃនោះ ទីបំផុតខ្ញុំបានយល់យ៉ាងច្បាស់ពីអារម្មណ៍នៃការស្រវឹងសង្គ្រាម។

តាមការបញ្ជាក់របស់លោក Pravit៖ ការស្រវឹងសង្គ្រាមនឹងធ្វើឱ្យសង្គមរបស់យើងលែងដឹងខុសត្រុវ និងព្រងើយកន្តើយចំពោះរបៀបដែលពិភពលោកមើលឃើញយើង។ វាប្រៀបដូចជាមនុស្សម្នាក់ដែលទទួលឥទ្ធិពលជាតិស្រវឹ.ងយ៉ាងខ្លាំង ដើរចុះដើរឡើង ហើយនិយាយគ្មានក្បាលកន្ទុយអញ្ចឹងដែរ។ សង្គមមួយដែលខ្វះការយល់ដឹង មិនដឹងពីរបៀបដែលសហគមន៍អន្តរជាតិយល់ឃើញពីសកម្មភាពរបស់ខ្លួនឯងឡើយ។

ជាក់ស្ដែង អ្នកកាសែតជើងចាស់រូបនេះក៏បានលើកឡើងអំពីរូបព្រះវិស្ណុដែលបានបំផ្លា.ញនោះផងដែរថា មិនថារូបសំណាកនោះចាស់ឬថ្មី ឧទ្ទិសឬអត់ ចុះបញ្ជីឬអត់ ចំណុចសំខាន់គឺថា ការប្រើប្រាស់គ្រឿងចក្រធុនធ្ងន់ដើម្បីកម្ទេចវា គឺជាការប្រមាថយ៉ាងខ្លាំងចំពោះជនជាតិឥណ្ឌា និងអ្នកដែលកាន់សាសនាហិណ្ឌូ។ ឧទាហរណ៍ ប្រសិនបើប្រទេសណាមួយរុះរើរូបសំណាកព្រះពុទ្ធដ៏ធំមួយនៅបរទេសគេ ហើយបានធ្វើការអះអាងដូចគ្នា ឬស្រដៀងគ្នានេះ ថាវាគ្រាន់តែជាសំណង់ថ្មី ឬមិនត្រូវបានចុះបញ្ជីអ្វីឡើយ នោះពុទ្ធសាសនិកថៃនឹងមិនសប្បាយចិត្តដូចគ្នា។ ទោះបីជនបរទេសជាអ្នកសាងសង់រូបសំណាកព្រះពុទ្ធក្លែងក្លាយដើម្បីតុបតែងហាងស្រា ឬបារក៏ដោយ ជនជាតិថៃមួយចំនួនធំក៏នឹងខឹងសម្បារយ៉ាងខ្លាំងផងដែរ វាមិនទាក់ទងនឹងសំណង់បុរាណ មិនបុរាណ ឬមានការឧទ្ទិសឬអត់នោះទេ។

គ្រាន់តែមើលរូបភាពទាំងនេះចុះ អ្នកនឹងឃើញថា តើប្រព័ន្ធផ្សព្វផ្សាយឥណ្ឌាបានចុះផ្សាយព័ត៌មាននេះទូលំទូលាយកម្រិតណា។
ជាចុងក្រោយលោក Pravit បានគូសបញ្ជាក់ថា៖ ខ្ញុំចង់ប្រាប់ទៅក្រុមថៃជ្រុលនិយមថា គួរតែនាំគ្នាទៅតវ៉ាជាមួយប្រព័ន្ធផ្សព្វផ្សាយសិង្ហបុរីផងទៅ បើអ្នកឯងពូកែខាងបង្កើតសត្រូវជាមួយប្រទេសជិតខាងម្ល៉ឹងៗនោះ។ បង្កើតសត្រូវម្នាក់ទៀតទៅ ហើយកុំខ្វល់ពីពិភពលោក ឬទំនាក់ទំនងជាមួយរដ្ឋ និងប្រជាជនបរទេសអី។ កាលពីម្សិលមិញ កាសែត The Straits Times ដែលជាកាសែតរដ្ឋរបស់សិង្ហបុរី បានចុះផ្សាយចំណងជើងថា បន្ទាប់ពីឆែកមើលលើ Google Maps រូបសំណាកដែលត្រូវគេវាយចោលនោះ គឺស្ថិតនៅចម្ងាយ ៤០០ ម៉ែត្រពីព្រំដែនថៃ-កម្ពុជា ប៉ុន្តែ គឺស្ថិតនៅក្នុងដីកម្ពុជា។ ទៅចាត់ការជាមួយសិង្ហបុរីទៅ ដើម្បីបង្ហាញថាពួកអ្នកឯងកំពុង “ស្រវឹងសង្គ្រាម”។ ហើយកុំភ្លេចនាំគ្នាទៅវាយប្រហារលើ Google Maps ផងណា៎!

ទាំងនេះ គឺជាការលើកឡើងរបស់អតីតអ្នកកាសែតដ៏ឆ្នើមរបស់ថៃ បានធ្វើរៀបរាប់ចំៗមិនខ្លាចមតិរិះគន់នៅលើបណ្តាញសង្គមហ្វេសប៊ុកផ្លូវការរបស់លោក ក៏ដោយសារតែលោកចង់បង្ហាញពីភាពត្រឹមត្រូវ និងការពិតប្រាប់ទៅកាន់ប្រជាជនថៃគ្រប់ៗគ្នា។ តែទោះជាយ៉ាងណាក៏ដោយ មនុស្សដែលនិយាយត្រង់មិនសូវទទួលបានការឲ្យតម្លៃនោះទេនៅក្នុងសង្គមថៃបច្ចុប្បន្ន៕