ថ្មីៗនេះអ្នកលេងបណ្តាញសង្គមមានការចាប់អារម្មណ៍យ៉ាងខ្លាំងបន្ទាប់ពីមានពលរដ្ឋភៀសសឹកប៉ុន្មាននាក់បាននិយាយថាម្ចាស់អំណោយនៅទើបពួកគាត់បានបើសិនជាម្ចាស់អំណោយមិននៅពួកគាត់ពុំបាននោះទេ។ លេចឮដំណឹងដ៏រសើបនេះលោកស្រី ទ្រី ដាណា ស្រាប់តែបានលើកឡើងថាត្រង់ចំណុចនេះហើយខ្លួនលោកស្រីសុខចិត្តលំបាកហត់សុខចោត្តទៅចែកផ្ទាល់ដៃខ្លួនឯង។

ប្រិយមិត្តប្រាកដជាជ្រាបមកហើយថានៅលើបណ្តាញសង្គមមានការវែកញែកជាច្រើនបន្ទាប់ពីមានការផ្សព្វផ្សាយពីពលរដ្ឋភៀសសឹកមួយកន្លែងពុំបានអំណោយពីសប្បុរសជននោះទេបើសិនជាម្ចាស់អំណោយពុំបាននៅហើយអំណោយនោះនឹងត្រូវរុញចោលឃ្លាំង។ ស្រ្តីរូបនោះថែមទាំងនិយាយទៀតថាពួកគាត់បានអំណោយលុះត្រាតែម្ចាស់អំណោយនៅ។ ការណ៍នេះបានធ្វើឱ្យពលរដ្ឋផ្ទុះចង្ងល់ជាខ្លាំងនិងចង់ដឹងថាតើរឿងនេះជាការពិតដែរឬទេ។

ស្របពេលដំណឹងនេះបានសាយភាយយ៉ាងឆាប់រហ័សស្រាប់តែលោកស្រី ទ្រី ដាណា បានចែករំលែកការលើកឡើងរបស់ពលរដ្ឋភៀសសឹកដែលផ្តល់បទសម្ភាសនោះដោយភ្ជាប់មកជាមួយនឹងខ្លឹមសារថា «ត្រង់នេះហើយដែលខ្ញុំសុខចិត្ដហត់លំបាករវល់ ចែកខ្លួនឯងផ្ទាល់រហូតមកដល់ពេលនេះជិត១០ឆ្នាំហើយ គឺចែកផ្ទាល់ៗ កន្លែងណាគេមិនឱ្យចែកផ្ទាល់សុខចិត្តដឹកចេញវិញយកទៅចែកកន្លែងចែកបានផ្ទាល់វិញ»។

ទោះជាយ៉ាងណា បើតាមរដ្ឋបាលស្រុកស្វាយលើខេត្តសៀមរាបបានបដិសេធដោយបានអះអាងថាមិនមានករណីបែបនេះកើតឡើង នៅក្រោមការគ្រប់គ្រងរបស់រដ្ឋបាលស្រុកស្វាយលើឡើយ។ បើតាមគណនីបណ្តាញសង្គមម្នាក់បានឱ្យដឹងថាក្នុងចំណោមស្រ្តីបីនាក់មានម្នាក់នៅក្នុងចំណោមនោះទទួលបានអំណោយមិនតិចជាង២០ដងនោះទេខណៈបានឱ្យសាធារណជនពិចារណាដោយខ្លួនឯង៕

គួរឱ្យភ្ញាក់ផ្អើល! កីឡាករ Andrew Henderson សញ្ជាតិអង់គ្លេស ដែលជាម្ចាស់ជើងឯកពិភពលោក ៥ដង ផ្នែកសម្តែងកីឡាបាល់ទាត់ បង្ហោះវីដេអូសម្តែងបាល់ទាត់ហ្រ្វីស្ទាយល៍ចំនួន ៥ឃ្លីបនៅទីតាំងខុសៗគ្នាដែលសុទ្ធសឹងតែជាតំបន់ទេសចរណ៍កម្ពុជា កាលពីថ្ងៃទី២៨ ខែធ្នូ ឆ្នាំ២០២៥ ក្នុងខេត្តសៀមរាប។

តាមរយៈវីដេអូដែលបានបង្ហោះនៅលើផេកផ្លូវការ លោក Henderson បានកំពុងជួយផ្សព្វផ្សាយពីទេសចរណ៍នៅក្នុងប្រទេសកម្ពុជា ជាមួយនឹងការបង្ហាញសមត្ថភាពដ៏អស្ចារ្យនៃការសម្តែងជំនាញហ្វ្រីស្ទាយ៍របស់លោក នៅតំបន់ទេសចរណ៍ធំៗមួយចំនួនក្នុងខេត្តសៀមរាប ដែលនៅពេកនេះវីដេអូរបស់លោកមានចំនួនអ្នកចូលទស្សនារាប់លាននាក់មកពីជុំវិញពិភពលោក។

វីដេអូដែលបានបង្ហោះជាសាធារណៈទាំងនោះ បានធ្វើឱ្យប្រជាជនកម្ពុជា មានការចាប់អារម្មណ៍ និងភ្ញាក់ផ្អើលជាខ្លាំង ព្រោះលោកជាបុគ្គល ដែលមានឥទ្ធពលមួយរូបក្នុងវិស័យបាល់ទាត់ ជាពិសេសលើជំនាញបាល់ទាត់ហ្វ្រីស្ទាយ៍។

គួរជម្រាបថា ក្រៅពីជាកីឡាករបាល់ទាត់ហ្វ្រីស្ទាយ៍ដ៏ល្បីលំដាប់ថ្នាក់ពិភពលោក ដែលធ្លាប់បានឈ្នះជើងឯកការប្រកួតកីឡាហ្វ្រីស្ទាយ៍ពិភពលោកចំនួន ៥ សម័យ និងកីឡាហ្វ្រីស្ទាយ៍ទ្វីប អឺរ៉ុប ចំនួន ៨ សម័យ លោក Henderson ក៏មានទំនាក់ទំនងយ៉ាងជិតស្និតជាមួយកីឡាករបាល់ទាត់ល្បីៗដូចជា Christino Ronaldo, Messi, Neyma, Mbappe, Hazard Kane និងកីឡាករល្បីៗជាច្រើនរូបផ្សេងទៀតផងដែរ។

ដូច្នេះ ការបង្ហាញជំនាញហ្វ្រីស្ទាយ៍របស់លោកនៅប្រទេស កម្ពុជា ប្រៀបដូចជាលោកកំពុងជួយផ្សព្វផ្សាយអំពីទេសចរណ៍ កម្ពុជា ទៅកាន់ពិភពលោក ដើម្បីឱ្យគេបានស្គាល់ពីប្រទេសក្នុងតំបន់អាស៊ីអាគ្នេយ៍មួយនេះកាន់តែខ្លាំង។ អាស្រ័យហេតុនេះ សូមបងប្អូនទាំងអស់គ្នាចូលរួមចែករំលែកវីដេអូរបស់គាត់ឲ្យបានកាន់តែច្រើន ដែលនេះគឺជាផ្នែកមួយក្នុងការជួយជំរុញការផ្សព្វផ្សាយទេសចរណ៍ក្នុងស្រុករបស់យើង៕

សូមបង្ហាញការស្វាគមន៍យ៉ាងកក់ក្ដៅ និងរាក់ទាក់បំផុតទៅកាន់ពួកគាត់! នៅខណៈនេះមានភ្ញៀវទេសចរជនជាតិឥណ្ឌាកាន់ច្រើនឡើង បានប្ដូរទិសដៅកម្សាន្តរបស់ពួកគេមកកាន់ប្រទេសកម្ពុជាយ៉ាងច្រើនកុះករ ក្រោយមានខកចិត្តនឹងទង្វើប្រមា.ថមើលងាយមកលើសាសនាពីសំណាក់ប្រទេសជិតខាងភាគខាងលិខរបស់កម្ពុជា។

តាមការឲ្យដឹងរបស់ក្រសួងទេសចរណ៍ គិតត្រឹមថ្ងៃទី២៩ ខែធ្នូ ឆ្នាំ២០២៥ គឺមានភ្ញៀវទេសចរឥណ្ឌា ដែលធ្វើដំណើរតាមជើងហោះហើរផ្ទាល់ពី Kolkata ដែលមកកាន់ទឹកដីសៀមរាបអង្គរ មានចំនួនកាន់តែច្រើនឡើង។ ទន្ទឹមនឹងការមកដល់របស់ពួកគាត់ យើងបានបង្ហាញ និងរៀបរាប់អំពីប្រាសាទអង្គរវត្តដ៏អស្ចារ្យ ដែលធ្វើពួកគាត់ចងចាំប្រកបដោយភាពសប្បាយរីករាយក្រោយបញ្ចប់ទស្សនាចរ ជាមួយការគ្រវីក្រម៉ាដែលជាអត្តសញ្ញាណមួយរបស់ជនជាតិខ្មែរយើង។
មិនត្រឹមតែប៉ុណ្ណោះ នារយៈពេលប៉ុន្មានថ្ងៃចុងក្រោយនេះ ភ្ញៀវទេសចរឥណ្ឌាជាច្រើនបានបង្ហាញពីការគោរពស្រសាញ់វប្បធម៌ និងមរតកជាតិខ្មែរ តាមរយៈការស្លៀកសម្លៀកបំពាក់ប្រពៃណីខ្មែរ នៅបរិវេណប្រាសាទអង្គរផងដែរ។ ទិដ្ឋភាពនេះបានបង្ហាញពីការស្រលាញ់ពេញចិត្ត និងចាប់អារម្មណ៍លើវប្បធម៌ ប្រពៃណី ទំនៀមទំលាប់ខ្មែរ ព្រមទាំងបង្ហាញពីភាពទាក់ទាញនៃអត្តសញ្ញាណវប្បធម៌ជាតិចំពោះភ្ញៀវអន្តរជាតិយ៉ាងខ្លាំង។

ទិដ្ឋភាពនេះមិនត្រឹមតែបង្កើតភាពស្រស់ស្អាតជាសិល្បៈប៉ុណ្ណោះទេ ប៉ុន្តែថែមទាំងឆ្លុះបញ្ចាំងពីសារៈសំខាន់មួយស្តីពីការអភិរក្ស និងការផ្សព្វផ្សាយវប្បធម៌ខ្មែរ ទៅកាន់ពិភពលោកផងដែរ។
អ្នកទេសចរជាតិ និងអន្តរជាតិជាច្រើន បានសរសើរដល់កាយវិការ ការបត់បែនទៅតាមទំរង់ប្រពៃណីទំនៀមទំលាប់ខ្មែរ ដោយចាត់ទុកថា នេះជារូបភាពដែលពោរពេញទៅដោយអត្ថន័យ ដែលបង្ហាញពីកិត្តិយស និងតម្លៃមរតកវប្បធម៌កម្ពុជា ក្នុងសម័យទំនើប។

គួរជម្រាបថា ការកើនឡើងនៃចំនួនភ្ញៀវទេសចរជនជាតិឥណ្ឌាមកកាន់ប្រទេសកម្ពុជានៅពេលនេះ កើតឡើងបន្ទាប់ពីពួកគាត់ទទួលបានអារម្មណ៍ថាមិនមានសុវត្ថិភាព និងមិនត្រូវបានស្វាគមន៍ពីសំណាក់ប្រទេសជិតខាងភាគខាងលិចរបស់កម្ពុជា ជាពិសេសពាក់ព័ន្ធនឹងការបំផ្លា.ញរូបសំណាកព្រះវិស្ណុនាពេលថ្មីៗនេះ ដែលពលរដ្ឋឥណ្ឌាភាគច្រើនយល់ឃើញថា គឺជាការប្រមា.ថមាក់ងា.យយ៉ាងខ្លាំងដល់សាសនាហិណ្ឌូរបស់ពួកគេ។

ផ្ទុយពីការប្រព្រឹត្តដ៏អសីលធម៌របស់ថៃ កម្ពុជាដែលជាប្រទេសតូចមួយ បានបង្ហាញពីការគោរព និងការថែរក្សាយ៉ាងយកចិត្តទុកចំពោះសម្បត្តិវប្បធម៌ អរិយធម៌ និងទំនៀមទម្លាប់មួយចំនួនដែលមានប្រភពពីសាសនាហិណ្ឌូ។ មិនតែប៉ុណ្ណោះ ប្រជាជនកម្ពុជាទៀតសោតក៏ជាជាតិសាសន៍មួយដែលមានសណ្ដានចិត្តស្មោះត្រង់ រួសរាយរាក់ទាក់និងទទួលស្វាគមន៍ភ្ញៀវទេសចរបរទេសទាំងអស់ដោយមិនមានការរើសអើងជាតិសាសន៍ ឬពណ៌សម្បុរឡើយ។

កត្តានេះហើយ បានធ្វើឲ្យភ្ញៀវទេសចរឥណ្ឌាដែលមានបំណងចង់ទៅកម្សាន្តនៅប្រទេសជិតខាងកម្ពុជាមួយនោះ ផ្លាស់ប្ដូរទិសដៅរបស់ពួកគេ ហើយជ្រើសយកកម្ពុជាធ្វើជាទីកន្លែងសម្រាប់វិស្សមកាលដ៏មានអត្ថន័យ និងពោរពេញដោយភាពកក់ក្ដៅជំនួសវិញ៕

ទ្រី សក្កដា ដែលជាសិល្បករនិងអ្នកនិពន្ធមួយរូបបានបង្ហាញការហួសចិត្តយ៉ាងខ្លាំងទៅកាន់លោកជំទាវម្នាក់ដែលដេកឱបភ្លើងឈ្លក់វង្វេងនឹងអំណាចបុណ្យសក្តិបែរជាមកដាក់ពាក្យបណ្តឹងលោកទាំងដែលខ្លួនចុះជួយជនភៀសសឹកមកជាច្រើនថ្ងៃ។

កាលពីល្ងាចថ្ងៃទី២៨ ខែធ្នូ ទ្រី សក្កដា ហៅ អាណា សក្កដា បានបង្ហោះសំណេរមួយថា «លោកព្រះ តួនាទី និងឋាន:ខ្ពង់ខ្ពស់ បែរជាមកដាក់ពាក្យបណ្តឹងមករករឿងក្មេងតូចម្នាក់នេះ ស្របពេលដែលគ្នាចុះជួយបងប្អូនជនភៀសសឹក ឆ្លងកាត់គ្រាប់បែកសឹងគ្រប់កន្លែង តែលោកជំទាវកំពុងដេកនៅក្នុងភូមិគ្រឹះ ដេកបើកម៉ាស៊ីនត្រជាក់ ចាំបន្តិចណាលោកជំទាវ ចាំខ្ញុំពន្យល់លោកជំទាវ និងបងប្អូនខ្មែរឱ្យយល់ មិនបាច់ចេញលិខិតមេធាវីកោះអញ្ជើញអីទេ ខ្ញុំគ្មានពេលទៅជួបទេ ព្រោះខ្ញុំអត់ចូលចិត្តចំណាយពេលវេលាអត់ប្រយោជន៍ទេ»។

ទ្រី សក្កដា បន្តទៀតថា «បើចង់ជួបខ្ញុំ មកហាងខ្ញុំមក ហើយជួបតែ៥នាទីបានហើយ ខ្ញុំរវល់រៀបស្បៀងទៅខេត្តទៀត ក្បាលអានេះអត់ដែលខ្លាចរឿងគុកច្រវ៉ាក់ទេ អធ្យាស្រ័យ តែបុណ្យបាបមានណា ! ចាំជួបគ្នានៅតុលាការណា សូមបញ្ជាក់ណា ខ្ញុំកូនអ្នកព្រះវិហារ ឪខ្ញុំជាទាហានពលី គេហៅថាពូជអ្នកប្រយុទ្ធ ការពារផលប្រយោជន៍ជាតិ អត់ដែលធ្វើរឿងអត់ប្រយោន៍ជាន់ជាតិសាសន៍ខ្លួនឯងទេ»។ បន្ទាប់ពីចេញសំណេររួចសិល្បកររូបនេះបានចេញវីដេអូមួយដោយភ្ជាប់មកជាមួយនឹងចំណងជើងថា «ផ្ញើជូនលោកជំទាវប៉ិនជាន់ក្បាលអ្នកទន់ខ្សោយ ខ្លាំងតែជាមួយខ្មែរគ្នាឯង ប៉ិនអាខាងលាបពណ៌គេ ឈ្លក់វង្វេងនឹងអំណាចបុណ្យសក្តិ លែងស្គាល់គុណធម៌ ទេវតាហេតុអីបានោ្យមនុស្សធុនហ្នឹងក្លាយជាអ្នកមាន? តែបុណ្យបាបមានពិត ! បងប្អូនខ្មែរជួយខមមិនពិចារណាប្រដៅគាត់ផង»។

ក្នុងវីដេអូ ទ្រី សក្កដា បានបង្ហាញការហួសចិត្តផង អស់សំណើចផងទៅកាន់ជំទាវម្នាក់នោះដែលបានដាក់ពាក្យបណ្តឹងមកកាន់ខ្លួន។ ជុំវិញបញ្ហានេះលោកបានពន្យល់ថាមានថ្ងៃមួយលោកបានបង្ហោះសំណេររឿងចោរសៀម ដែលដាក់ថា១-០ ហើយអ្នកដែលកាន់ជើងខាងសៀមជាលេខ១ឱ្យវិនាសព្រាត់ប្រាស់ដែលពូកែធ្វើស៊ីបោកអ្នកអនឡាញ។ ក្រោយពីបញ្ចេញសំណេររបស់ខ្លួនក្នុងន័យប្រៀបធៀបទៅកាន់ចោរសៀម ទ្រី សក្កដា បានបង្ហាញថានៅពេលលោកបានមកដល់ភ្នំពេញលោកបានឆែកមើលនៅក្នុងប្រអប់សារឃើញលិខិតមេធាវីកោះហៅអញ្ជើញលោកពីលោកជំទាវម្នាក់ដែលមានខ្សែធំពីរឿង ១-០ ថាលោកឌឺ ដៀមដាមគាត់ហើយឱ្យទៅជួបមេធាវីគាត់ព្រោះវាធ្វើឱ្យប៉ះពាល់កិត្តិយសនិងបានបរិហាកេរ្តិ៍គាត់។

ទ្រី សក្កដា បានអះអាងថាខ្លួនលោកមិនបាននិយាយប៉ះពាល់ដល់ឈ្មោះលោកជំទាវនោះទេ ហើយអាចដាក់ពាក្យបណ្តឹងមកកាន់តុលាការបានលោកនឹងទៅស្រាយបំន្លឺពីព្រោះលោកស្អាតស្អំ ៕