ប្រទេសថៃ ៖ គំនិតជាតិនិយមជ្រុលចង់បានទឹកដីប្រទេសជិតខាងឥតខ្មាស់បានជំរុញឱ្យពលរដ្ឋថៃមួយចំនួនធំញុះញង់កងទ័ពបើកការវាយប្រ.ហារកម្ពុជាម្តងហើយម្តងទៀតដើម្បីវាតទីទឹកដីតាមហិច្ឆតារបស់ខ្លួន ។ កងទ័ពថៃបានធ្វើសង្គ្រា.មឈ្លានពា.នកម្ពុជាចំនួន២លើកតាមការញុះញង់ពីពលរដ្ឋ និងមានការគាំទ្រពីនាយករដ្ឋមន្ត្រីចាំផ្ទះដោយសារចង់ស្តារប្រជាប្រិយភាពឡើងវិញ ដែលសង្គ្រា.មទាំង២លើកនេះបង្កផលវិបាកយ៉ាងច្រើនរាប់មិនអស់សម្រាប់ពលរដ្ឋកម្ពុជា ។

ទោះជាកម្ពុជា-ថៃមានបទឈប់បា.ញ់ចំនួន២លើក បន្ទាប់ពីមានការសម្របសម្រួលពីម៉ាឡេស៊ី អាមេរិក និងចិន ប៉ុន្តែពលរដ្ឋថៃនៅតែមិនស្កប់ស្កល់ បន្តញុះញង់ឱ្យកងទ័ពវាយប្រហារជាលើកទី៣ រហូតដល់រាជធានីភ្នំពេញ ។ ពលរដ្ឋខេត្តត្រាតជា​ច្រើន​នាក់បាននិយាយដូចៗគ្នាមកកាន់សារព័ត៌មាន Amarin News ថា សុខចិត្តជម្លៀសចេញពីផ្ទះសម្បែងទៅស្នាក់នៅជំរំភៀសសឹកជាថ្មី ដើម្បីបើកផ្លូវឱ្យកងទ័ពថៃវាយប្រហារកម្ពុជា និងញុះញង់ឱ្យកងទ័ពវាយប្រហារលើកចុងក្រោយនេះរហូតដល់រាជធានីភ្នំពេញ ។ ពួកគេលើកទឹកចិត្ត និងគាំទ្រឱ្យកងទ័ពថៃឈ្លានពានកម្ពុជាបន្តទៀតរហូតយល់ថា តដៃលែងកើត ។

ពលរដ្ឋថៃខេត្តត្រាតប្រាប់ថា ខ្លួនសុខចិត្តជម្លៀសចេញពីផ្ទះសម្បែងម្តងទៀត និងជំរុញឱ្យកងទ័ពថៃបើកការបាញ់ប្រហារកម្ពុជាជាថ្មី ហើយថា ខ្លួនសប្បាយចិត្តពេលឃើញកងទ័ពថៃបើកឆាកសង្គ្រាមឈ្លានពាន ។

ដូចគ្នានេះ ពលរដ្ឋខេត្តត្រាតម្នាក់បានចោទប្រកាន់កម្ពុជាល្មើសអធិបតេយ្យថៃ និងរស់នៅលើទឹកដីថៃ ដោយជំរុញឱ្យកងទ័ពថៃកុំបញ្ឈប់សង្គ្រាមឈ្លានពាន កុំដកថយ ត្រូវតែបន្តវាយប្រហារកម្ពុជា ដើម្បីដណ្តើមកាន់កាប់ទឹកដីកម្ពុជាទាំងអស់ ។

ចំណែកពលរដ្ឋខេត្តត្រាតខ្លះទៀតជំរុញឱ្យកងទ័ពវាយប្រហារជាលើកទី៣ ឱ្យធ្ងន់ធ្ងរបំផុតរហូតដល់កម្ពុជាយល់ព្រមចុះចាញ់ និងវាយប្រហាររហូតដល់រាជធានីភ្នំពេញតែម្តង ។ ក្រៅពីនេះ ពលរដ្ឋរូបនេះក៏បានជូនពរកងទ័ពថៃនៅសមរភូមិមុខមានកម្លាំងកំហែងធ្វើសកម្មភាពឈ្លានពានទន្ទ្រានទឹកដីកម្ពុជា ។

ពលរដ្ឋថៃទាំងនេះបានជំរុញឱ្យធ្វើសង្គ្រាមឈ្លានពានទឹកដីកម្ពុជា ដោយសារការជម្លៀសពីផ្ទះសម្បែងកន្លងមក ពួកគេមិនជួបទុក្ខលំបាកដោយសារសង្គ្រាមទេ ពួកគេមានអាហារហូបចុកគ្រប់គ្រាន់ ហើយរដ្ឋាភិបាលរបស់លោក Anutin Charnvirakul ថែមទាំងផ្តល់ប្រាក់សំណងការខូចខាតផ្ទះសម្បែងឱ្យទៀតផង ។ ដូច្នេះហើយ ទើបពួកគេញុះញង់ឱ្យកងទ័ពវាយប្រហារជាថ្មី ដោយមិនខ្វល់ពីទុក្ខលំបាករបស់ពលរដ្ឋកម្ពុជាដែលជាមនុស្សដូចគ្នាឡើយ ។

ហេតុអ្វីពលរដ្ឋថៃស្រឡាញ់សង្គ្រាមបែបនេះ ឬចង់ឃើញពលរដ្ឋប្រទេសជិតខាងរងទុក្ខព្រាត់ប្រាស់សាច់ញាតិ បាត់បង់ផ្ទះសម្បែង និងភៀសខ្លួន ។ ពលរដ្ឋថៃនៅព្រំដែនជាប់កម្ពុជា មិនដែលសុំឱ្យកងទ័ព និងរដ្ឋាភិបាលបញ្ឈប់សង្គ្រាមម្តងណាទេ មានតែជំរុញបន្ថែម ដែលនេះមកពីការអប់រំប្រវត្តិសាស្ត្រខុសនៅប្រទេសថៃធ្វើឱ្យពលរដ្ឋមានគំនិតចង់បានទឹកដីកម្ពុជាមិនស្កប់ស្កល់ ហើយគំនិតរបស់ពួកគេខុសគ្នាដាច់ពីពលរដ្ឋកម្ពុជាដែលអំពាវនាវសុំសុខសន្តិភាព និងរស់នៅដោយស្ងប់ស្ងាត់ ។

គួរបញ្ជាក់ថា កងទ័ព និងមេដឹកនាំថៃហ៊ានតែជាមួយកម្ពុជាតែមួយគត់ មិនហ៊ានក្អកជាមួយមីយ៉ាន់ម៉ា និងម៉ាឡេស៊ីទេ ដែលប្រទេសទាំងពីរនេះក៏មានបញ្ហាព្រំដែនជាមួយថៃដែរ ។ ម្យ៉ាងទៀត ពលរដ្ឋថៃអះអាងថា ថៃមានយន្តហោះចម្បាំង និងសព្វាវុធជាច្រើនប្រភេទសម្រាប់វាយប្រហារកម្ពុជា ព្រមទាំងមានការគាំទ្រពីស្តេចថៃ ក៏ដូចជាសាច់ញាតិស្តេចជួយផ្តល់ប្រាក់ឧបត្ថម្ភឱ្យកងទ័ពនៅសមរភូមិជាបន្តបន្ទាប់ ជាពិសេស ផ្តល់ប្រាក់ឱ្យកងទ័ពជីកលេណដ្ឋាននៅព្រំដែន ៕

ប្រធានាធិបតីអាមេរិក លោក Donald Trump បានព្រមានបើកការវាយប្រ.ហារទីតាំងនុយក្លេអ៊ែរនៅប្រទេសអ៊ីរ៉ង់ម្តងទៀត ប្រសិនបើអ៊ីរ៉ង់នៅតែបន្តគម្រោងនុយក្លេអ៊ែរ និងសាងសង់ឃ្លាំងអាវុ.ធមីស៊ីលឆ្លងទ្វីប ដោយប្រធានាធិបតីអាមេរិកអំពាវនាវឱ្យអ៊ីរ៉ង់យល់ព្រមចរចាគ្នា ។ នេះបើតាមការចុះផ្សាយរបស់សារព័ត៌មានបរទេសកាលពីថ្ងៃទី៣០ ខែធ្នូ ឆ្នាំ២០២៥ ។

ទូរទស្សន៍ CNBC របស់អាមេរិកបានផ្សព្វផ្សាយពីលោកប្រធានាធិបតី Trump ព្រមានវាយប្រហារអ៊ីរ៉ង់កាលពីថ្ងៃទី២៩ ខែធ្នូ មុនពេលលោកជួបពិភាក្សាជាមួយនាយករដ្ឋមន្ត្រីអ៊ីស្រាអែល លោក Benjamin Netanyahu នៅរីសតផ្ទាល់ខ្លួន «Mar-a-Lago» ក្នុងរដ្ឋផ្លរីដា ។ ក្នុងជំនួបនេះ លោក Trump សង្ឃឹមថា ការវាយប្រហារអ៊ីរ៉ង់នឹងមិនកើតឡើងទេ ប៉ុន្តែលោកអនុញ្ញាតឱ្យអ៊ីស្រាអែលវាយប្រហារអ៊ីរ៉ង់ ។

ចំណែកបណ្តាញព័ត៌មានទូរទស្សន៍ និងវិទ្យុ NBC របស់អាមេរិករាយការណ៍ថា រដ្ឋាភិបាលអ៊ីស្រាអែលរបស់លោក Netanyahu ព្រួយបារម្ភពីការផលិតមីស៊ីលឆ្លងទ្វីបរបស់អ៊ីរ៉ង់ និងការរៀបចំទីតាំងផលិតសារធាតុអ៊ុយរ៉ាញ៉ូម បន្ទាប់ពីទីតាំងនេះត្រូវបានអាមេរិកវាយប្រហារកាលពីពាក់កណ្តាលឆ្នាំ២០២៥ ។

ការធ្វើដំណើរមកអាមេរិកដើម្បីជួបពិភាក្សាជាមួយលោកប្រធានាធិបតី Trump លើកចុងក្រោយរបស់លោក Netanyahu គឺក្នុងអំឡុងពេលមានភាពតានតឹងរវាងអ៊ីស្រាអែល និងអ៊ីរ៉ង់ ដោយមេដឹកនាំប្រទេសទាំង២រូបបានពិភាក្សាពីការជំរុញបទឈប់បាញ់រវាងអ៊ីស្រាអែល និងក្រុមហាម៉ាស់ លើកទី២ ផងដែរ ខណៈបទឈប់បាញ់រវាងអ៊ីស្រាអែល និងក្រុមហាម៉ាស់ លើកទី១ បានចូលជាធរមានកាលពីខែតុលា ឆ្នាំ២០២៥ ។

បទឈប់បាញ់លើកទី២ រួមបញ្ចូលទាំងការដកអាវុធរបស់ក្រុមហាម៉ាស់ និងការដកថយកម្លាំងទ័ពអ៊ីស្រាអែលចេញពីតំបន់កាហ្សាដែលប្រឈមនឹងឧបសគ្គជាច្រើន ក្នុងនោះអ៊ីស្រាអែលបានកំណត់លក្ខខណ្ឌក្នុងការអនវុត្តបទឈប់បាញ់លើកទី២ លុះត្រាតែអ៊ីស្រាអែលទទួលបានសាកសពចំណាប់ខ្មាំងចុងក្រោយរបស់ខ្លួនពីក្រុមហាម៉ាស់ជាមុនសិន ។ ទោះយ៉ាងណា លោកប្រធានាធិបតី Trump រំពឹងថា នឹងជំរុញឱ្យមានបទឈប់បាញ់លើកទី២ រវាងអ៊ីស្រាអែល និងក្រុមហាម៉ាស់យ៉ាងឆាប់រហ័ស ៕

ប្រទេសថៃ ៖ នាយករដ្ឋមន្ត្រីថៃចាំផ្ទះ លោក Anutin Charnvirakul បានសន្យាជាមួយពលរដ្ឋរបស់ខ្លួននឹងសាងសង់របងនៅតាមបណ្តោយព្រំដែនកម្ពុជា-ថៃ ប្រសិនបើគណបក្សភូមិចៃថៃរបស់លោកឈ្នះឆ្នោតនាពេលខាងមុខ ដែលគ្រោងធ្វើឡើងនៅខែកុម្ភៈ ឆ្នាំ២០២៦ ។ ការសាងសង់របងនេះ គឺជាគោលនយោបាយសន្តិសុខជាតិរបស់គណបក្សភូមិចៃថៃ ដើម្បីផ្តល់សុវត្ថិភាពដល់កងទ័ព និងពលរដ្ឋ ។

ពេលចូលរួមកម្មវិធីបុណ្យស.ពកងទ័ពនៅវត្តមួយក្នុងខេត្តអំណាចចារឺន កាលពីថ្ងៃទី២៩ ខែធ្នូ ឆ្នាំ២០២៥ នាយករដ្ឋមន្ត្រីចាំផ្ទះ លោក Anutin បាននិយាយមកកាន់សារព័ត៌មានថា កម្ពុជា និងថៃ បានព្រមព្រៀងអនុវត្តបទឈប់បា.ញ់ ដែលស្ថានការណ៍បច្ចុប្បន្ន គ្មានអ្វីខុសប្លែកទេ ប៉ុន្តែអាចមានបញ្ហាតូចតាចខ្លះៗដែលមិនមែនជាការគំរា.មកំហែងដល់សន្តិសុខប្រទេស ។ លោកថា បើគណបក្សភូមិចៃថៃជាប់ឆ្នោតនៅឆ្នាំ២០២៦ លោកបន្តតំណែងជានាយករដ្ឋមន្ត្រី នឹងសាងសង់របងតាមបណ្តោយព្រំដែនកម្ពុជា-ថៃ មិនឱ្យប្រទេសជិតខាងវាយលុក ឬគំរា.មឡើយ ។

លោក Anutin បន្តថា នឹងធ្វើរបងព្រំដែនតាមតំបន់ដែលកងទ័ពថៃត្រៀម ហើយកងទ័ពថៃក៏បានបែងចែកថវិកាសម្រាប់សាងសង់របងព្រំដែនរួចរាល់ដែរ ។ ប្រសិនបើតំបន់ណាខ្វះខាតថវិកាសម្រាប់សាងសង់របង កងទ័ពនឹងមកស្នើសុំថវិកាពីរដ្ឋាភិបាលបន្ថែម ពីព្រោះការធ្វើរបង គឺដើម្បីសន្តិសុខប្រទេសថៃ យើងគួរតែធ្វើនៅតំបន់ណាចាំបាច់ ។ ស្ថានការណ៍ព្រំដែនកម្ពុជា-ថៃធូរស្រាល គឺជាអំណោយឆ្នាំថ្មីសម្រាប់ពលរដ្ឋ ប៉ុន្តែបើថៃយល់ថា មានការល្មើសអធិបតេយ្យពីប្រទេសជិតខាង គឺកងទ័ពជើងគោក ជើងទឹក និងអាកាស នឹងសហការគ្នាធ្វើប្រតិបត្តិការការពារអធិបតេយ្យ ។

របងព្រំដែន គឺជាប្រធានបទដ៏សំខាន់នៅមុនការបោះឆ្នោតនាខែកុម្ភៈ ឆ្នាំ២០២៦ នៅប្រទេសថៃ ហើយលោក Anutin ថា របងនឹងការពារការល្មើសអធិបតេយ្យ និងទប់ស្កាត់ឧក្រិដ្ឋកម្មឆ្លងដែន ។ ការលើកឡើងរបស់នាយករដ្ឋមន្ត្រីថៃចាំផ្ទះ គឺបន្ទាប់ពីកងទ័ពថៃបើកការវាយប្រហារកម្ពុជាជាថ្មី តាំងពីថ្ងៃទី៧ ខែធ្នូ រហូតដល់ថ្ងៃទី២៧ ខែធ្នូ ឆ្នាំ២០២៥ ដោយប្រើប្រាស់សព្វាវុធធុនធ្ងន់គ្រប់ប្រភេទ រួមទាំងយន្តហោះចម្បាំងឈ្លានពានទឹកដីកម្ពុជា ។

គួរបញ្ជាក់ថា ពលរដ្ឋថៃបានគាំទ្ររដ្ឋាភិបាលរបស់ខ្លួនសាងសង់របងនៅតាមបណ្តោយព្រំដែនកម្ពុជា-ថៃ ក្រោមហេតុផលទប់ស្កាត់បទល្មើសអធិបតេយ្យ និងការលួចឆ្លងដែនខុសច្បាប់ ។ ការសាងសង់របងត្រូវបានលើកយកមកជជែកពិភាក្សា និងចម្រូងចម្រាស់យ៉ាងខ្លាំងនៅប្រទេសថៃ និងជាការធ្វើតាមបញ្ជារបស់ម្ចាស់ក្សត្រី Chulabhorn Walailak គឺជាប្អូនស្រីពៅរបស់ព្រះមហាក្សត្រថៃ ដោយសារម្ចាស់ក្សត្រីបារម្ភពីសន្តិសុខនាពេលបច្ចុប្បន្ន ជាពិសេស នៅតាមបណ្តោយព្រំដែនជាប់កម្ពុជា ៕

តើសង្រ្គា.មលោកលើកទី៣អាចនឹងកើតមានក្នុងពេលឆាប់ៗនេះដែរឬទេ? ព្រោះនៅខណៈនេះ ប្រទេសតូចធំជាច្រើនមិនថានៅប៉ែកមជ្ឈិមប្រទេស លោកខាងលិច រួមទាំងទ្វីបអាស៊ីផងដែរនោះ បានចាប់ផ្ដើមបង្ហាញសញ្ញាតានតឹង និងខ្លះបានប្រកាសសង្រ្គា.មដាក់គ្នាទៅវិញទៅមក ដែលធ្វើឲ្យមនុស្សនៅជុំវិញពិភពលោកមានការព្រួយបារម្ភយ៉ាងខ្លាំង។

យោងតាមការចុះផ្សាយរបស់កាសែត Reuters នៅថ្ងៃទី៣០ ខែធ្នូនេះ ប្រទេសចិនបានចាប់ផ្ដើមដាក់ពង្រាយនាវាពិឃា.តរាប់រយគ្រឿង ដែលមានផ្ទុកសុទ្ធតែយន្តហោះចម្បាំងទំនើបៗ ទៅឡោមព័ទ្ធកោះតៃវ៉ាន់ ក្រោមរូបភាពសមយុទ្ធយោធាទ្រង់ទ្រាយធំ ដោយមានការបាញ់កាំភ្លើង និងគ្រាប់មីសុីលពិត។

ការបើកប្រតិបត្តិការយោធាដូចខាងលើនេះ ធ្វើឡើងក្រោយពេលភាពតានតឹងរវាងចិន និងកោះតៃវ៉ាន់កាន់តែកើនឡើង ជាពិសេសវាក៏មានជាប់ពាក់ព័ន្ធទៅនឹងសណ្តាប់ធ្នាប់សន្តិសុខនៅតំបន់កោះ Yonaguni របស់ជប៉ុនផងដែរ ដែលស្ថិតនៅមិនឆ្ងាយជាង១០០គមពីតៃវ៉ាន់នោះឡើយ។

មិនតែប៉ុណ្ណោះ ចិនបានព្រមានធ្ងន់ៗថា ចំពោះបញ្ហានេះ ហាមប្រទេសដទៃដែលមិនពាក់ព័ន្ធលូកដៃចូលឲ្យសោះ បើមិនចង់នាំទុក្ខដាក់ខ្លួន ដែលន័យនេះសម្តៅដល់ជប៉ុន និងអាមេរិក។ ស្របពេលប្រឈមមុខនឹងការគម្រាមកំហែងដ៏ក្តៅគគុកនេះ រដ្ឋាភិបាលកោះតៃវ៉ាន់ បានបញ្ជូនកងទ័ព និងសព្វាវុធធន់ធ្ងន់ទៅដែនសមុទ្រជម្លោះដើម្បីត្រៀមលក្ខណៈប្រុងជើងការខ្ពស់ ក្នុងករណីវាយប្រហារណាមួយកើតឡើង។

ដោយឡែកងាកទៅកាន់លោកខាងលិច កាលពីថ្ងៃចន្ទម្សិលមិញ ប្រធានាធិបតីអាមេរិកលោក ដូណាល់ត្រាំ បានប្រកាសថា អាមេរិក ទើបតែវា.យប្រហារលើទីតាំងមួយចំនួនរបស់ប្រទេសវេណេស៊ុយអេឡា ដោយលោកបានចោ.ទថា តំបន់ទាំងនោះជាកន្លែងដែលគ្រឿងញៀនជាច្រើនត្រូវបានផ្ទុក និងត្រៀមខ្លួនលក់ចែកចាយទៅកាន់តំបន់ផ្សេងៗ។

តាមការកត់សម្គាល់ សហរដ្ឋអាមេរិកមិនត្រឹមតែបានវាយប្រហារលើវេណេស៊ុយអេឡាប៉ុណ្ណោះទេ ប៉ុន្តែក៏បានបង្កើតវត្តមានយោធារបស់ខ្លួនជាង ១៥,០០០ នាក់ និងនាវាចម្បាំងជាច្រើនគ្រឿងកំពុងត្រៀមប្រយុទ្ធនៅក្នុងតំបន់ Caribbeanផងដែរ។ ប្រតិបត្តិការនេះធ្វើក្រោយការប្រកាសរបស់លោកត្រាំកាលពីខែតុលា ដែលបញ្ជាឱ្យបិទផ្លូវទាំងស្រុង នៃនាវាដឹកប្រេងទាំងអស់របស់ប្រទេសវេណេស៊ុយអេឡាដែលចេញចូលសហរដ្ឋអាមេរិក និងមានការទាមទារឲ្យលោក នីកូឡាស ម៉ាឌូរ៉ូ ប្រធានាធិបតី វេណេស៊ុយអេឡា ចុះចេញពីតំណែង។

ក្រៅពីនេះនៅមានប្រទេសជាច្រើនផ្សេងទៀតដែលស្ថិតនៅប្លុកក្បែរៗគ្នា ក៏បានសម្ញែងអំណាចនិងគំរាមកំហែងវា.យប្រហារគ្នាផងដែរ ក្នុងនោះមានដូចជា រុស្ស៊ី, អ៊ុយក្រែន, អ៊ីរ៉ង់, អ៊ីស្រាអ៊ែល, ប៉ាឡេស្ទីន, ស៊ីរី និងប្រទេសមួយចំនួនទៀត ដែលបច្ចុប្បន្នកំពុងធ្វើឲ្យពិភពលោកមានការព្រួយបារម្ភយ៉ាងខ្លាំង ថាសង្រ្គា.មលោកថ្មីអាចនឹងកើតមានក្នុងពេលឆាប់ៗ ចំពេលដែលសន្តិភាពនៅតាមតំបន់កាន់តែមានការធ្លាក់ចុះពីមួយថ្ងៃទៅមួយថ្ងៃ៕