ក្រុមហ៊ុនមីនេបៀរ (Minebea)របស់ជប៉ុន បាននឹងកំពុងទិញដីចំនួន ៥០ហិកតា នៅខេត្តពោធិ៍សាត់ ដើម្បីពង្រីកការវិនិយោគបង្កើតរោងចក្រទីពីររបស់ខ្លួននៅកម្ពុជា ខណៈរោចក្រទី១ គឺស្ថិតនៅតំបន់សេដ្ឋកិច្ចពិសេសរ៉ូយ៉ាល់គ្រុប ភ្នំពេញ ទទួលបានការជោគជ័យជាខ្លាំងក្នុងការធ្វើអាជីវកម្មនៅក្នុងប្រទេសកម្ពុជា អស់រយៈពេលជាង ១ទសវត្សន៍កន្លងទៅ។

ក្រុមហ៊ុនដ៏ធំរបស់ជប៉ុននេះ នឹងបោះទុនចំនួន ៦៥០លានដុល្លារអាមេរិក ក្នុងដំណើរអាជីវកម្មរោងចក្រទីពីររបស់ខ្លួន ចាប់ពីពេលនេះ រហូតដល់ឆ្នាំ ២០៣០ និងអាចបង្កើតការងារបានប្រមាណ ៨.០០០កន្លែង។

ការសម្រេចជ្រើសរើសទីតាំងពង្រីកខ្លួនមកកាន់ខេត្តពោធិ៍សាត់នេះ ដោយសារខេត្តនេះ មានប្រភពថាមពលអគ្គិសនីស្អាត ដូចជាថាមពលដើរដោយពន្លឺព្រះអាទិត្យ និងវារីអគ្គិសនី។

ម៉្យាងទៀត ខេត្តពោធិ៍សាត់ ក៏មានហេដ្ឋារចនាសម្ព័ន្ធស្អាតធំទូលាយ ពិសេសផ្លូវជាតិលេខ៥ ដែលងាយស្រួលក្នុងការដឹកជញ្ជូនទំនិញចេញចូលជាមួយប្រទេសថៃបានលឿនរហ័ស។

គួរបញ្ជាក់ថា ក្រុមហ៊ុនមីនេបៀ ជាក្រុមហ៊ុនដ៏ធំមួយរបស់ជប៉ុន បានវិនិយោគនៅកម្ពុជា កាលពីឆ្នាំ ២០១០ ដោយផលិតជាម៉ូទ័រសម្រាប់នាំចេញ ទៅលក់នៅក្រៅប្រទេស៕

រដ្ឋាភិបាល បានកំណត់យកថ្ងៃទី២៧ ខែកុម្ភៈ ២០២៤ ជាថ្ងៃកាន់ទុក្ខ នៃព្រះវិញ្ញាណក្ខន្ធព្រះសព សម្តេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា។ហេតុនេះរាជរដ្ឋាភិបាលបានចេញសេចក្តីប្រកាសណែនាំ ក្នុងការចូលរួមគោរពព្រះវិញ្ញាណក្ខន្ធព្រះសព សម្តេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស ដូចតទៅ៖

១-ប្រកាសថ្ងៃទី២៧ ខែកុម្ភៈ ឆ្នាំ២០២៤ ជាថ្ងៃកាន់ទុក្ខជាផ្លូវការ
២-គ្រប់ក្រសួង ស្ថាប័ន សាលារៀន មន្ទីរពេទ្យរបស់រដ្ឋ ឯកជនទាំងអស់ និងមន្ត្រីរាជការ កងកម្លាំងប្រដាប់អាវុធគ្រប់ប្រភេទ គ្រប់ទីវត្តអារាម ព្រមទាំងប្រជាជនទូទាំងប្រទេស ត្រូវ បង្ហូតទង់ជាតិត្រឹមពាក់កណ្តាលនៃដងទង់ជាតិ នៅថ្ងៃទី២៧ ខែកុម្ភៈ ឆ្នាំ២០២៤
៣-គ្រប់ស្ថានីយវិទ្យុ និងទូរទស្សន៍ជាតិ និងឯកជនទាំងអស់ ត្រូវផ្អាកការសម្តែង និងចាក់ ផ្សាយនូវទស្សនីយភាពផ្សេងៗ ដែលមានលក្ខណៈសប្បាយគគ្រឹកគគ្រេង នៅថ្ងៃទី២៧ ខែកុម្ភៈ ឆ្នាំ២០២៤។
គួរបញ្ជាក់ថា សម្តេចយាងចូលទីវង្គត នៅវត្តឧណ្ណាលោម នាថ្ងៃចន្ទ ២រោច ខែមាឃ ឆ្នាំថោះ បញ្ជាសឹក ព.ស.២៥៦៧ ត្រូវនឹងថ្ងៃទី២៦ ខែកុម្ភៈ ឆ្នាំ២០២៤ វេលាម៉ោង១៧:៤០នាទី ដោយព្រះជរាពាធ ក្នុងព្រះជន្ម៩៣ព្រះវស្សា៕

អ្នកនឹងភ្ញាក់ផ្អើលជាមួយអត្ថប្រយោជន៍ដែលយើងមិនធ្លាប់ដឹងពីមុនមក នៃការដាក់ក្រដាស់ជូតមាត់ក្នុងទូរទឹកកក។ ជាការពិតណាស់ ក្នុងអំឡុងពេលនៃការស្នាក់នៅផ្ទះរយៈពេលយូរ អាហារ ភេសជ្ជៈ បន្លែ ផ្លែឈើ របស់ស្រស់ៗ ទំនិញស្ងួត ឬអ្វីៗទាំងអស់ត្រូវបានរក្សាទុកក្នុងទូទឹកកក ដើម្បីរក្សាទុកឱ្យបានយូរ។ ទោះជាយ៉ាងណា ការដាក់របស់របរទាំងនេះក្នុងទូរទឹកកករួមគ្នា គឺវាពិតជាពិបាកក្នុងការជៀសវាងក្លិនផ្សេងៗដោយអចេតនា ហើយទឹកដែលយើងចង់ផឹកដើម្បីបង្កើនភាពស្រស់ស្រាយ ក៏មានក្លិនរំខានក្នុងពេលតែមួយផងដែរ។ ហេតុនេះដើម្បីបំបាត់ក្លិនក្នុងទូទឹកកក ចូលអ្នកដឹងពីបច្ចេកទេសដាក់ក្រដាស់ជូតមាត់ក្នុងទូរទឹកកកដូចខាងក្រោម៖

១.ក្រដាស់ជូតមាត់ជួយស្រូបយកក្លិនអាក្រក់ចេញពីទូទឹកកក៖ ព្យាយាមដាក់ក្រដាស់ជូតមាត់ក្នុងទូទឹកកក ប្រហែលមួយខែម្តង ក្រដាស់ជូតមាត់នឹងដំណើរការល្អក្នុងការស្រូបក្លិនរបស់ទូទឹកកក ហើយបន្ទាប់ពីដាក់បាន ១ ខែ អ្នកអាចយកក្រដាសជូតមាត់ចេញ ហើយប្រើវាសម្រាប់លាងសម្អាតដៃបានផងដែរ។

២.រក្សាភាពស្រស់នៃបន្លែ និងផ្លែឈើ៖ នៅពេលទិញបន្លែ និងផ្លែឈើពីផ្សារ ប្រសិនបើអ្នកចង់រក្សាភាពស្រស់នៃបន្លែ និងផ្លែឈើទាំងនោះ អ្នកគួររក្សាបន្លែផ្លែឈើរុំក្នុងក្រដាសជូតមាត់ រួចដាក់ក្នុងទូទឹកកក។ ដោយសារតែក្រដាស់ជូតមាត់នឹងជួយស្រូបយកចំហាយទឹក និងសំណើម ដែលធ្វើឱ្យបន្លែមិនងាយរលួយ វាក៏រក្សាផ្លែឈើ និងបន្លែទាំងនោះឱ្យនៅស្រស់ល្អជានិច្ច។

៣.រក្សានំប៉័ងរឱ្យនូវតែមានរសជាតិឆ្ងាញ់៖ បន្ទាប់ពីទិញនំប៉័ង មនុស្សមួយចំនួនប្រហែលជាមិនអាចញ៉ាំវាទាំងអស់ក្នុងពេលតែមួយបានទេ។ ដូច្នេះវាពេញនិយមក្នុងការរក្សាទុកនៅក្នុងទូទឹកកក ប៉ុន្តែនៅពេលដែលអ្នកដាក់ក្នុងទូទឹកកក នំប៉័ងបានស្រូបយកចំហាយទឹក ធ្វើឱ្យនំប៉័ងមានសំណើម។ ដូច្នេះសម្រាប់បច្ចេកទេសដើម្បីដោះស្រាយបញ្ហានេះគឺសាមញ្ញនោះទេ ដោយអ្នកគ្រាន់តែដាក់ក្រដាសក្រាស់មួយសន្លឹកលើវា នៅក្នុងថង់នំប៉័ង ឬអ្នកអាចរុំនំប៉័ងក្នុងក្រដាស់ រួចដាក់ក្នុងទូរទឹកកកជាការស្រេច ការធ្វើបែបនេះគឺដើម្បីស្រូបយកចំហាយទឹក និងសំណើមចេញពីនំប៉័ងដើម្បីរក្សាវាឱ្យនូវតែមានរសជាតិឆ្ងាញ់៕

ការលាងរថយន្តត្រូវបានចាត់ទុកថាជាការថែទាំថ្នាំលាបរថយន្តជាមូលដ្ឋានដែលគួរធ្វើជាប្រចាំ។ ប៉ុន្តែបើលាងរថយន្តខុសរបៀប វាអាចបំផ្លាញថ្នាំលាបរថយន្តបានផងដែរ ដូច្នេះ KBN News សូមណែនាំឥរិយាបថ ៥ យ៉ាងដែលអ្នកមិនគួរធ្វើ នៅពេលដែលអ្នកលាងរថយន្តដោយខ្លួនឯង ដើម្បីការពារកុំឱ្យថ្នាំលាបរថយន្តមានស្នាមប្រេះ។

១.កុំប្រើអេប៉ុងតែមួយជូតរថយន្តទាំងមូល គួរប្រើអេប៉ុង ២-៣ ទើបល្អ៖ ការប្រើអេប៉ុងតែមួយជូតរថយន្តទាំងមូល អាចធ្វើឱ្យរថយន្តមិនស្អាត មានស្នាមប្រឡាក់ ព្រោះតែរាងកាយផ្នែកខាងក្រោមច្រើនតែមានភាពកខ្វក់ធំៗដូចជាខ្សាច់ ភក់ ឬភាពកខ្វក់ដែលធ្វើឱ្យផ្នែកផ្សេងទៀតរបស់រាងកាយខូច។ ដូច្នេះយកល្អត្រូវលាងសម្អាតដងខ្លួនខាងលើជាមុនសិន ហើយបន្ទាប់មកលាងសម្អាតផ្នែកខាងក្រោមនៃឡានដោយថ្នមៗ រួមជាមួយការលាងសម្អាតអេប៉ុងជាទៀងទាត់ វានឹងកាត់បន្ថយឱកាសនៃការកោស។
២.កុំប្រើម្សៅសាប៊ូ ឬទឹកលាងចានមកលាងរថយន្ត៖ ប្រសិនបើសាប៊ូ ឬទឹកសម្រាប់លាងឡានអស់ កុំប្រើទឹកលាងចាន ឬសាប៊ូបោកខោអាវជំនួសអី ព្រោះដោយសារសាប៊ូទាំងអស់នេះមានភាពរឹងមាំខ្លាំង ដែលវានឹងធ្វើឱ្យការលាងមិនស្អាត និងងាយធ្វើឱ្យថ្នាំលាបរថយន្តមានស្នាមប្រេះ។

៣.កុំប្រើក្រណាត់ចាស់ៗ ដើម្បីជូតរថយន្ត៖ ការប្រើប្រាស់ក្រណាត់ចាស់ៗ ដើម្បីជូតរថយន្ត គឺមិនល្អទេ ព្រោះវាអាចមានថ្នេរ ឬស្លាកយីហោដែលអាចធ្វើឱ្យខូចថ្នាំលាបរថយន្ត។ ដូច្នេះ អ្នកគួរតែប្រើកន្សែងឡានសាច់ទុន និងថ្មីដើម្បីជូតឡានរបស់អ្នក ឬក្រណាត់ chamois ជាដើម។

៤.កុំប្រើទុយោកៅស៊ូដាក់លើយានជំនិះ៖ មនុស្សជាច្រើនតែងមានទំនោរធ្វើអ្វីមួយឱ្យងាយស្រួលសម្រាប់ខ្លួនឯងជាមុនសិន ដោយយកទុយោមកដាក់លើតួរថយន្ត។ នេះគឺជាវិធីសាស្រ្តដែលបណ្តាលឱ្យមានស្នាមប្រេះធ្ងន់ធ្ងរនៅលើដងខ្លួនរថយន្ត ដោយសារតែទុយោកៅស៊ូ។ ដូច្នេះយើងមិនណែនាំឱ្យធ្វើបែបនេះទេ យកល្អគួរតែដាក់ទុយោនៅក្រោមតួរថយន្តជំនួសវិញ ដើម្បីឱ្យវាមានចលនា និងងាយស្រួលត្រដុសលើរាងកាយ។

៥.កុំប្រើម៉ាស៊ីនបូមធូលី៖ ខណៈពេលដែលរថយន្តស្ងួត មិនគួរប្រើម៉ាស៊ីនបូមធូលីដីចេញពីតួរថយន្តឡើយ ដោយសារតែវាអាចបណ្តាលឱ្យមានស្នាមឆ្កូត។ ហេតុនេះ អ្នកគួរប្រើជក់ដែលត្រូវបានរចនាឡើងជាពិសេសសម្រាប់ធូលីដី ដោយអ្រងួនជក់ឱ្យបានញឹកញាប់ ដើម្បីការពារធូលីដែលជាប់នៅក្នុងជក់ពីការបំផ្លាញថ្នាំលាបរថយន្ត ហើយវាក៏នឹងជួយកាត់បន្ថយស្នាមឆ្កូតផងដែរ៕

នាពេលថ្មីៗនេះ សម្តេចមហាបវរធិបតី ហ៊ុន ម៉ាណែត បានណែនាំឱ្យមានការជ្រើសរើសមន្ត្រីកិច្ចសន្យាជំនាញ ហើយផ្តល់ប្រាក់បៀវត្សរ៍ ដូចមន្ត្រីក្របខណ្ឌ កុំគិតត្រឹម ៧០ភាគរយ។

សម្ដេចធិបតី ហ៊ុន ម៉ាណែត បានមានប្រសាសន៍ថា៖”យើងគួរកែនិយមន័យ មន្ត្រីកិច្ចសន្យា កុំឱ្យមន្ត្រីកិច្ចសន្យា គឺផ្ដោតតែមន្ត្រីរដ្ឋបាល ឬជំនួយការតូចតាច ត្រូវបើកច្រកដល់មន្ត្រីកិច្ចសញ្ញាជំនាញផង ។ បើគាត់មានបណ្ឌិត គាត់មានសញ្ញាបត្រផ្សេងៗ គឺគាត់អាចចូលមកជួយរាជរដ្ឋាភិបាលបាន”។សម្ដេចបានបន្ថែមទៀតថា៖”ការរៀបចំក្របខណ្ឌបៀរវត្ស គឺត្រូវឱ្យស៊ីសង្វាក់គ្នា។ ឧទហរណ៍ ៖ នៅមណ្ឌលសុខភាព បើសិនជាយកមន្ត្រីកិច្ចសន្យា យើងត្រូវមើលថា បើគាត់ជំនាញជាគិលានុបដ្ឋាក ធ្វើការដូចគេដូចឯង ចឹងឱ្យប្រាក់ខែគាត់ អត្ថប្រយោជន៍ដូចគេទៅ កុំគិត ៧០ភាគរយអី ។ យកវិធីសាស្ត្រនេះ មានភាពបទបែន ហើយយើងអាចបើកច្រក មនុស្សច្រើន ព្រោះខ្ញុំចាំពេលកូវីដ យើងខ្វះពេទ្យ យើងរៀបចំនៅភ្នំពេញ សម្ដេចតេជោ បានអនុញាតិឱ្យរើសពេទ្យជាង ៣០០០នាក់ ហើយដល់ពេលយើងរៀបមណ្ឌលសុខភាពនៅតាមខេត្ត គឺនៅតែខ្វះ ដោយពេលនោះ យើងបើកឱ្យអ្នកស្ម័គចិត្តចូល ទើបយើងបានឃើញថា មានអ្នកដែលមានសញ្ញាបត្រ មានលទ្ធភាព ជាពេទ្យ គ្រាន់តែគាត់អត់ក្របខណ្ឌ ក៏គាត់អាចមកចូលធ្វើការបាន”។
សម្តេចនាយករដ្ឋមន្ត្រី បានបញ្ជាក់ថា៖” បើបើកក្របខណ្ឌបែបនេះ គឺអាចរើសអ្នកជំនាញចូលទៅក្នុងមន្ដ្រី ដែលធ្វើការងារជំនាញ ដោយក្នុងក្របខណ្ឌជាបុគ្គលិកកិច្ចសន្យាជំនាញ រយៈពេល៥ឆ្នាំតែម្ដង ដោយគិតអត្ថប្រយោជន៍ជូនគាត់”៕