បវរកញ្ញា ពេជ្រ វត្តីសារ៉ាវឌ្ឍី លំដាប់រងទី៥ Miss Grand International 2022 នៅតែទទួលបានកិត្តិយសជាពិសេសពីម្ចាស់កម្មវិធី និងឱកាសការងារមួយចំនួនទៀតនៅប្រទេសថៃ។ ជាក់ស្តែងការប្រកួតបឋម Miss Grand Thailand 2024 ពេជ្រ វត្តីសារ៉ាវឌ្ឍី ក៏ត្រូវបានអញ្ជើញចូលរួមដូចគ្នា។ ជាពិសេស បវរកញ្ញារូបនេះតែងខ្លួនឡើងខ្ញង់តែម្តង ហ្វេនៗឃើញហើយជជក់មាត់សរសើរសឹងគ្រប់គ្នា។.png)
កាលពីយប់ថ្ងៃទី៣ ខែមេសា កម្មវិធីប្រកួត Miss Grand Thailand 2024 បានប្រកួតក្នុងវគ្គបឋមហើយដោយមានបេក្ខភាពសរុប៧៧នាក់ដើរបង្ហាញខ្លួនក្នុងឈុតរាត្រីស្រមោលសនិងឈុតហែលទឹក។ កម្មវិធីប្រកួតនៅប្រទេសថៃនេះ បវរកញ្ញាខ្មែរមួយរូបគឺកញ្ញា ពេជ្រ វត្តីសារ៉ាវឌ្ឍី ក៏ទទួលបានកិត្តិសយសពិសេសត្រូវបានអញ្ជើញឱ្យចូលរួមដូចគ្នា។ ពិធីការិនីនៅក្នុងកម្មវិធី Miss Grand Thailand 2024 បានប្រកាសឈ្មោះ ពេជ្រ វត្តីសារ៉ាវឌ្ឍី លំដាប់រងទី៥ Miss Grand International 2022។
ចូលរួមកម្មវិធីលើកនេះ ពេជ្រ វត្តីសារ៉ាវឌ្ឍី នៅតែតែងខ្លួនឡើងខ្ញង់បង្អួតភ្នែកហ្វេនៗតែម្តងបើទោះបីជាឈុតដែលនាងស្លៀកនោះពិបាកបន្តិចក្តី។ ជាមួយការតុបតែងខ្លួនស្រស់ស្អាត ពេជ្រ វត្តីសារ៉ាវឌ្ឍី ជាបវរកញ្ញាខ្មែរម្នាក់ដែលត្រូវបានខាងស្ថាប័ន MGI ផ្តល់កិត្តិយសដល់នាងមិនដែលដាច់លេចមុខតាមកម្មវិធីនានានៅប្រទេសថៃ។ បើនិយាយពីអ្នកគាំទ្ររបស់ពេជ្រ វត្តីសារ៉ាវឌ្ឍី មិនត្រឹមតែមានហ្វេនជនជាតិថៃច្រើនទេ ប៉ុន្តែក្រលេកទៅជនជាតិផ្សេងទៀតនិយាយរួមអ្នកនិយមតាមដានកម្មវិធី Miss Grand គឺស្គាល់ ពេជ្រ វត្តី ច្រើនតែម្តង។
គេចាំបានដែរថា មិនត្រឹមតែមានវត្តមានពិសេសក្នុងការប្រកួតនៅប្រទេសថៃប៉ុណ្ណោះទេ តែរូបនាងក៏ធ្លាប់មានឱកាសក្តោបតួនាទីជាពិធីការិនីកាលពីខែវិច្ឆិកា ឆ្នាំ២០២៣ កម្មវិធីស្វាគមន៍បវរកញ្ញានេះរៀបចំឡើងដោយម្ចាស់ Miss Grand ក្រុងថេប និង សារៈបុរី។
ក្រៅពីតួនាទីជាគណៈកម្មការ ភ្ញៀវពិសេសទាំងនៅក្នុងកម្មវិធីក្នុងស្រុក ក្រៅស្រុក ពេជ្រ វត្តី សារ៉ាវឌ្ឍី ក៏បានក្តោបឱកាសជាទូតសុឆន្ទៈក្រុមហ៊ុនធំៗនិងសម្តែងនៅក្នុងខ្សែភាពយន្តខ្នាតធំផងដែរ៕
