សាលារៀនជាង១០០០កន្លែងទូទាំងប្រទេសកម្ពុជា កំពុងផ្តល់អាហារដោយឥតគិតថ្លៃចំនួន២ពេលដល់កុមារដោយជោគជ័យ
កុមារជាង ៣០០ ០០០នាក់នៃសាលារៀនជាង ១០០០ កន្លែង ក្នុងខេត្តចំនួន១០ទូទាំងប្រទេសកម្ពុជា ដែលបច្ចុប្បន្ននេះកំពុងតែទទួលបាននូវការផ្តល់អាហារចំនួន២ពេល គឺពេលព្រឹកនិងថ្ងៃត្រង់ដោយឥតគិតថ្លៃដល់សិស្សានុសិស្សខ្លួន ក្នុងគោលបំណងលុបបំបាត់នូវភាពស្រេកឃ្លាននិងពង្រឹងគុណភាពសិក្សារបស់សិស្សានុសិស្សដែលជាទំពាំងស្នងឬស្សីរបស់ជាតិ។
យោងតាមរបាយការណ៍ពីគាំពារសង្គមនៅកម្ពុជាបានឲ្យដឹងកាលពីថ្ងៃទី២ ខែមករា ឆ្នាំ ២០២៤នេះថា គិតចាប់ពីឆ្នាំ២០១៩ រហូតដល់ចុងឆ្នាំ២០២៣នេះ កម្មវិធីផ្តល់អាហារតាមសាលារៀនមត្តេយ្យនិងបឋមសិក្សាបានរួមចំណែកក្នុងការកសាងធនធានមនុស្សនិងជួយកុមាររហូតដល់ ៣០០ ០០០នាក់ ប្រកបដោយភាពជោគជ័យរួចទៅហើយ នៅតាមបណ្តាសាលារៀនចំនួន ១១១៤ ក្នុងខេត្តគោលដៅចំនួន១០ រួមមាន ខេត្តបន្ទាយមានជ័យ បាត់ដំបង ពោធិ៍សាត់ កំពង់ឆ្នាំង កំពង់ចាម កំពង់ធំ សៀមរាប ព្រះវិហារ ឧត្តរមានជ័យ និងស្ទឹងត្រែង។ កម្មវិធីផ្តល់អាហារូបត្ថម្ភនេះត្រូវបានរៀបចំនិងគាំទ្រដោយរាជរដ្ឋាភិបាលកម្ពុជានិងកម្មវិធីស្បៀងអាហារពិភពលោក។
ការបង្កើតកម្មវិធីអាហារូបត្ថម្ភកុមារនេះឡើងគឺនៅក្នុងគោលបំណងដើម្បីទ្រទ្រង់ការការលូតលាស់កាយសម្បទានិងបញ្ញាស្មារតីកុមារ លុបបំបាត់ភាពអត់ឃ្លាន ក៏ដូចជាធ្វើឲ្យប្រសើរឡើងទាំងសុខភាពនិងសមត្ថភាពយល់ដឹង ផ្តល់កម្លាំងចិត្តដល់ពួកគេក្នុងការបន្តខិតខំប្រឹងប្រែងរៀនសូត្រក្លាយជាទំពាំងដ៏មានគុណភាពឆ្ពោះទៅរកការអភិវឌ្ឍប្រទេសជាតិនាពេលអនាគត។
យោងតាមរបាយការណ៍ពីក្រសួងអប់រំ យុវជននិងកីឡា បានបង្ហាញថានៅក្នុងឆ្នាំសិក្សា២០២១-២០២២ អត្រាសិស្សដែលបោះបង់ចោលការសិក្សានៅកម្រិតមធ្យមសិក្សាទុតិយភូមិ ឬកម្រិតវិទ្យាល័យ មានប្រមាណ១៨,៥%។ ចំណែកអត្រាបោះបង់ការសិក្សានៅកម្រិតមធ្យមសិក្សាបឋមភូមិឬកម្រិតអនុវិទ្យាល័យមានចំនួន១៦,៦%។
ក្រសួងបន្ថែមថា តាមរយៈកម្មវិធីអាហារូបត្ថម្ភនេះគឺជាការរួមចំណែកមួយដ៏សំខាន់ក្នុងការកាត់បន្ថយនូវភាពក្រីក្រ ដោយមើលឃើញថានាពេលកន្លងមក ក្នុងចំណោមគ្រួសារមួយចំនួនដែលមានជីវភាពខ្វះខាតបានសម្រេចបញ្ឈប់កូនៗពួកគេដើម្បីដោះស្រាយជីវភាពជាមុនសិន។ ដូច្នេះ វាគឺជាឱកាសល្អដើម្បីជំរុញឲ្យកុមារចូលរៀនបានពេញលេញ កាត់បន្ថយអត្រាបោះបង់ចោលការសិក្សា បង្កើននូវអត្រាចុះឈ្មោះចូលរៀន ពង្រឹងប្រព័ន្ធអប់រំ ក្នុងន័យឆ្ពោះទៅរកការអភិវឌ្ឍសង្គមប្រកបដោយចីរភាព៕
រឿងរ៉ាវនេះជំរុញឱ្យនិស្សិតខ្មែរជាច្រើនមានការខឹងសម្បារជាខ្លាំងរហូតមានបងប្អូនមួយចំនួននាំគ្នាធ្វើបាតុកម្ម នៅមុខស្ថានទូតថៃ ដើម្បីឱ្យតួសម្ដែងរូបនេះសូមទោសជាសាធារណៈ។ មិនត្រឹមតែប៉ុណ្ណោះបញ្ហានេះបានឈានដល់ដំណាក់កាលដុតស្ថានទូតថៃនៅភ្នំពេញ ដុតទង់ជាតិថៃ ដុតព្រះឆាយាល័ក្ខណ៍ស្ដេចជាទីគោរពសក្ការៈបំផុតរបស់ថៃ និងបំផ្លាញទ្រព្យសម្បត្តិថៃ មានហាងលក់ទំនិញ និងសណ្ឋាគារជាដើម។ រីឯពាណិជ្ជការ/ករថៃជាង ៦០០ នាក់ត្រូវបានជម្លៀសចេញពីកម្ពុជា ដែលធ្វើឱ្យប៉ះពាល់យ៉ាងខ្លាំងដល់ទំនាក់ទំនងមិត្តភាពកម្ពុជា-ថៃ។
ក្នុងការធ្វើបាតុកម្មនេះខាងភាគីថៃខាតបង់ ៥៦លានដុល្លារអាម៉េរិក ដោយឡែកខាងភាគីកម្ពុជាសងថ្លៃខូចខាត ៦លានដុល្លារអាម៉េរិក ចំពោះការដុតបំផ្លាញស្ថានទូតថៃប៉ុណ្ណោះ ហើយគ្រានោះព្រំដែន កម្ពុជា-ថៃបានបិទរយៈពេល៣ខែ។ បន្ទាប់មកកម្ពុជាប្រកាសដាក់បំរាមបិទរឿងភាគថៃទាំងអស់មិនឱ្យមាននៅកម្ពុជា រយៈពេល ១០ឆ្នាំ។.png)
