ក្រោយពីការរិះគន់ជាខ្លាំងទៅលើតារាងចម្រៀងលោក ម៉ៅហាជី ក្រោយបញ្ចេញបទចម្រៀងក្រោមចំណងជើងថា Team ទឹកត្នោតជូរ ដែលមានអ្នកនិពន្ធទំនុកច្រៀងដោយ លោក ថុន ស៊ីថែន និងនិពន្ធបទភ្លេងដោយ លោក ថុន ផានិត ដែលបានបង្ហោះផ្សព្វផ្សាយលើប្រព័ន្ធ YouTube នៅថ្ងៃទី៦ ខែមីនា ឆ្នាំ២០២៤ ក្រោមការផលិតរបស់ផលិតកម្មថោន។

ជុំវិញករណីនេះ ក្រសួងវប្បធម៌ និងវិចិត្រសិល្បៈ បានឱ្យដឹងថា៖”ការផលិតបទចម្រៀងខាងលើ ជាការរំលោភយ៉ាងធ្ងន់ធ្ងរលើសិទ្ធិសីលធម៌របស់អ្នកនិពន្ធ (សម្តេចព្រះមហាសង្ឃរាជ ជោតញ្ញាណោ ជួន ណាត) និងជាការប្រើប្រាស់បទភ្លេងដែលមានតម្លៃសម្រាប់ជាតិ និងប្រជាជន ទៅបំភ្លៃដោយមិនមានខ្លឹមសារអប់រំ និងគ្មានប្រយោជន៍សម្រាប់សង្គម”។

ក្រសួងវប្បធម៌ តម្រូវឱ្យផលិតកម្ម ថោន លុបចោលជាបន្ទាន់នូវការបង្ហោះផ្សព្វផ្សាយបទ ចម្រៀងខាងលើ តាមគ្រប់មធ្យោបាយ និងត្រូវបញ្ឈប់នូវរាល់ការផលិតបទចម្រៀងដែលរំលោភច្បាប់ សិទ្ធិអ្នកនិពន្ធ និងសិទ្ធិប្រហាក់ប្រហែល ព្រមទាំងត្រូវធ្វើលិខិតសុំទោសសាធារណជន ចំពោះកំហុសដែលបានកើតឡើងនេះ៕

ក្នុងអំឡុងពេលដែលតម្លៃប្រេងឡើងថ្លៃរាល់ថ្ងៃបែបនេះ មនុស្សជាច្រើនមិនអាចគ្រប់គ្រងតម្លៃប្រេងដែលកំពុងតែឡើងថ្លៃបានទេ ដែលវាកំពុងក្លាយជាបញ្ហាដ៏ធំបំផុតសម្រាប់អ្នកបើកបរ។ ដូច្នេះដើម្បីកាត់បន្ថយការចំណាយរបស់អ្នក មានរឿងសំខាន់ដែលយើងត្រូវដឹងពីល្បិចសន្សំសំចៃ និងបច្ចេកទេសបើកបរណាដែលអាចជួយសន្សំសំចៃប្រេងបាន។

១.ប្រើល្បឿនថេរ ៨០-៩០ គីឡូម៉ែត្រក្នុងមួយម៉ោង៖ ដោយសារតែល្បឿននេះគឺជារយៈពេលដែលម៉ាស៊ីននឹងស៊ីប្រេងតិចបំផុតបើធៀបនឹងចម្ងាយដែលបានធ្វើដំណើរ។ អ្នកគួរតែបើកបរក្នុងល្បឿនថេរ កាត់បន្ថយការជាន់ហ្វ្រាំងមិនចាំបាច់ វាអាចចំណាយពេលយូរបន្តិចដើម្បីទៅដល់គោលដៅរបស់អ្នក ប៉ុន្តែការធ្វើបែបពិតជានឹងសន្សំសំចៃប្រេងកាន់តែច្រើន ។

២.លៃតម្រូវម៉ាស៊ីនត្រជាក់ឱ្យខ្ពស់ជាងមុនបន្តិច៖ ជាទូទៅប្រព័ន្ធម៉ាស៊ីនត្រជាក់របស់រថយន្តរួមចំណែកដល់ការបង្កើនការប្រើប្រេងរបស់ម៉ាស៊ីន។ ព្យាយាមលៃតម្រូវសីតុណ្ហភាពខ្ពស់ជាងធម្មតាបន្តិច យ៉ាងហោចណាស់ ខ្ពស់ជាង ២ ទៅ ៣ ដឺក្រេ ដែលវាជួយទៅដល់ខ្យល់របស់ម៉ាស៊ីនធ្វើការតិច ក៏ដូចជាជួយសន្សំសំចៃប្រេងកាន់តែច្រើន។

៣.ការជាន់ហ្គាលបន្ថែមល្បឿនមួយៗ កុំប្រយាប់ ៖ ម៉ាស៊ីនស៊ីប្រេងច្រើនបំផុតពេលយើងកំពុងជាន់ហ្គាលបន្ថែមល្បឿន ដូច្នេះនៅពេលបញ្ឆេះម៉ាស៊ីនហើយ អ្នកគួរតែជាន់ហ្គាលយឺតៗកុំប្រយាប់ ។ ប្រសិនបើអ្នកចង់បន្ថែមល្បឿន អ្នកគួរតែដកជើងចេញពីហ្គាល បន្ទាប់មកជាន់ហ្គាលបន្ថែមល្បឿនម្តងទៀត ការធ្វើបែបនេះនឹងជួយកាត់បន្ថយកម្លាំងម៉ាស៊ីនធ្វើការខ្លាំងជាងមុន។

៤.ដាក់លេខ N នៅពេលឈប់ស្តុប៖ ការធ្វើបែបនេះវានឹងកាត់បន្ថយការប្រើប្រាស់យ៉ាងហោចណាស់ ៣០% បើធៀបនឹងការដាក់ឧបករណ៍ D និងការជាន់ហ្វ្រាំង។ ប៉ុន្តែវិធីល្អបំផុតគឺចាប់ហ្វ្រាំង ឬដាក់ហ្រ្វាំងដៃដើម្បីកុំឱ្យរថយន្តវិល។

៥.សម្ពាធខ្យល់កង់កុំធូរពេក៖ ការប្រើប្រាស់ជាមួយសម្ពាធសំបកកង់ធូរ ឬទាបពេក វានឹងបង្កើនការកកិតរវាងផ្ទៃសំបកកង់ និងផ្ទៃផ្លូវ ដែលជាហេតុធ្វើឱ្យម៉ាស៊ីនស៊ីប្រេងកាន់តែច្រើន។ ដូច្នេះសំបកកង់គួរតែមានសម្ពាធខ្យល់ដែលត្រឹមត្រូវដូចដែលបានបញ្ជាក់ដោយក្រុមហ៊ុនផលិត។ បន្ថែមពីនេះ សម្ពាធខ្យល់កង់ត្រូវតែលើសពីធម្មតានៅពេលដឹកអ្នកដំណើរពេញ និងដឹកឥវ៉ាន់ (Full Load) រួមទាំងការដករបស់របរមិនចាំបាច់ចេញពីរថយន្ត៕

ជឿជាក់ថាប្រិយមិត្តអ្នកលេងបណ្តាញសង្គមជ្រាបមកហើយថារយៈពេលប៉ុន្មានថ្ងៃមកនេះមានរឿងរ៉ាវចម្រូងចម្រាសជាច្រើននៅលើបណ្តាញសង្គមរវាងភាពយន្តខ្មែរនិងថៃដែលពលរដ្ឋទាំងពីរបានពហិកាមិនទស្សនាភាពយន្តគ្នាទៅវិញទៅមក។ ក្នុងនោះពលរដ្ឋកម្ពុជា ភាគច្រើនចង់ឱ្យបិទរឿងថៃម្តងទៀតដូចទៅនឹង២០ឆ្នាំមុនដែលកម្ពុជាសម្រេចបិទភាពយន្តថៃរយៈពេល១០ឆ្នាំ។ ចុះប្រសិនបើមានការមិនឱ្យចាក់បញ្ចាំងភាពយន្តថៃនៅកម្ពុជា តើជាការចំណេញឬខាត?

ក្នុងការបញ្ចេញទស្សនៈផ្ទាល់ខ្លួនរបស់លោក ខាំ ភូរិ ដែលផលិតករ អ្នកដឹកនាំរឿងដ៏មានប្រជាប្រិយភាពបានលើកឡើងនៅលើបណ្តាញសង្គមនាថ្ងៃទី៣ មីនា កន្លងមកនេះថាភាគី ថៃនឹងខាត ហើយខ្មែរចំណេញ។ លោកបានលើកហេតុផលថាមិនមែនលុយនៃការលក់សំបុត្រទេព្រោះទីផ្សារខ្មែរតូចណាស់ មិនបានជះឥទ្ធិពលលើប្រាក់ចំណូលរបស់ថៃនោះអ្វីដែលខាតនោះគឺលោកមិនបញ្ចេញទេដោយលើកឡើងថាអ្នកអាននឹងយល់ហើយ។

ជាមួយគ្នានេះផងដែរ លោក ខាំ ភូរិ បានលើកឡើងថាអ្វីដែលខ្មែរចំណេញនោះគឺផលិតករខ្មែរអាចមានឱកាសពង្រឹងសមត្ថភាព និងពង្រីកខ្លួនជាថ្មី ព្រោះបច្ចុប្បន្នយុវជនជំនាន់ក្រោយ មានសមត្ថភាពកាន់តែល្អហើយ ដើម្បីប្រជែងជាមួយផលិតករក្នុងតំបន់។ អ្វីដែលនៅខ្វះគឺ ឱកាស ទុន ទីផ្សារ និងការជួយបន្ថែមពីរដ្ឋ។

ចំណុចមួយទៀត ប្រសិនបិទរឿងថៃក្នុងទីផ្សារខ្មែរជាភាពត្រឹមត្រូវដែរឬទេលោកបានលើកឡើងថាវាជាការសម្រេចចិត្តដោយហ្មត់ចត់របស់រាជការ របស់អ្នកទស្សនាខ្លួនឯងផ្ទាល់ តែសម្រាប់លោកវិញយល់ឃើញថាពុំចាប់បាច់បិទរឿងថៃ ឬរឿងបរទេសទេ តែរដ្ឋគួរកំណត់ចំនួន និងប្រភេទរឿងដែលអាចអនុញាតិឱ្យបញ្ចាំង កំណត់ពេលវេលាក្នុងការចាក់ផ្សាយ និងតម្លើងពន្ធលើរឿងបរទេសឱ្យខ្ពស់ ដើម្បីជំរុញដល់ទូរទស្សន៍ និងរោងកុននានា ងាកមកផលិតរឿងក្នុងស្រុកឱ្យបានច្រើន។

លោក ខាំ ភូរិ បន្ថែមទៀតថា កម្ពុជាអាចទិញរឿងបរទេសក្នុងតម្លៃថោកៗ ហើយបញ្ចាំងទទួលបានប្រាក់ចំណូលខ្ពស់ ខណៈដែលការផលិតរឿងខ្មែរត្រូវចំណាយទុនច្រើនជាង៤ដង នៃការនាំចូលរឿងបរទេសដែលមានគុណភាពល្អស្រាប់។ ត្រង់ចំណុចរឿងខ្មែរមិនមានគុណភាព ផលិតកររូបនេះលើកឡើងថា ធនធានមនុស្ស ធនធានថវិកាផលិត និងការជួយពីរាជការ គឺជារឿងសំខាន់លោកឃើញផលិតករជំនាន់ក្រោយ ពួកគេមានសមត្ថភាពហើយ តែបញ្ហាគឺធនធានថវិកាក្នុងការផលិតគឺជាឧបសគ្គ ដោយភាពយន្តបរទេសមានទាំងសមត្ថភាព និងថវិកាច្រើន ចំណែកកម្ពុជាយើងគឺពិបាកនិយាយណាស់។

លោកបន្ថែមទៀតថាបន្ទោសរោងកុន ឬស្ថានីយ៍ទូរទស្សន៍ក៏មិនត្រូវដែរ ពួកគាត់ត្រូវការចំណូលដើម្បីទ្រទ្រង់ស្ថាប័នដូចគ្នា បើបន្ទោសអ្នកមើលក៏មិនបានដែរ បញ្ហាគឺរឿងល្អគាត់មើលហើយ បើមិនល្អគាត់ក៏មិនគាំទ្រដែរ។

ផលិតកររូបនេះ បានរម្លឹកដែរថា កន្លងទៅធ្លាប់មានការហាមមិនឱ្យមានការចាក់បញ្ចាំងរឿងថៃតាមទូរទស្សន៍បានជាងដប់ឆ្នាំដែរ ពេលនោះអាចជាឱកាសដល់ផលិតករក្នុងស្រុក ចាប់ផ្តើមផលិតភាពយន្ត និងភាពយន្តភាគ ឡើងវិញ។ តែជាអកុសល ទាំងសមត្ថភាពផលិត ទាំងថវិកា ទាំងការគាំទ្រពីស្ថាប័នរដ្ឋនៅមានកម្រិត ធ្វើឱ្យឱកាសមួយនោះ រសាត់បាត់ទៅវិញ៕

លោក ម៉ៅ ហាជី តារាចម្រៀងក្នុងទ្រនំថោន កំពុងរងនូវការរិះគន់យ៉ាងខ្លាំងពីសំណាក់អ្នកលេងបណ្តាញសង្គមក្រោយពីយកទំនុកច្រៀង «ដែនដីខ្មែរ» ស្នាព្រះហស្តសម្តេចព្រះសង្ឃរាជ ជួន ណាត លាយនៅក្នុងបទចម្រៀងរបស់លោកមានចំណងជើងថា « Team ទឹកត្នោតជូរ»។ ការយកស្នាព្រះហស្តរបស់ជាតិទៅច្រៀងចេញជាគ្រឿងស្រវឹងនេះពលរដ្ឋចាត់ទុកថាជាការប្រមាថមួយនិងស្នើឱ្យក្រសួងវប្បធម៌ និងវិចិត្រសិល្បៈចាត់វិធានការទៅលើរឿងនេះ ស្របពេលពលរដ្ឋមានជាតិនិយមរួបរួមគ្នាតបទៅភាគីថៃ បែរជាតារាចម្រៀងរូបនេះយកទំនុកច្រៀងបទជាតិទៅច្រៀងពីគ្រឿងស្រវឹងទៅវិញ។

«ដែនដីខ្មែរ» ព្រះរាជនិពន្ធដោយសម្ដេចព្រះសង្ឃរាជ ជួន ណាត ជាអង្រួនអារម្មណ៍យុវជនខ្មែរឱ្យចេះស្រឡាញ់ជាតិសាមគ្គីគ្នាជាធ្លុងមួយ ហ៊ានលះបង់សូម្បីជីវិតប្រសិនជាមានសត្រូវឈ្លានពាន។ ទោះយ៉ាងណាកំណាព្យជាតិដ៏មានតម្លៃនិងស្នាព្រះហត្តដ៏ថ្លៃថ្លារបស់សម្តេចព្រះសង្ឃរាជ ជួន ណាត ត្រូវបានអ្នកនិពន្ធឈ្មោះ ថុន ផានិត យកទំនុកច្រៀង «ដែនដីខ្មែរ» ប្រែថា សុវណ្ណភូមិ យកទៅនិពន្ធទំនុកច្រៀងក្នុងបទ « Team ទឹកត្នោតជូរ» ដែលបកស្រាយដោយតារាចម្រៀង ម៉ៅ ហាជី ចេញក្នុងផលិតកម្មថោន។

ឃ្លាយកលំនាំតាមបទជាតិ របស់លោក ម៉ៅ ហាជី នោះទេ «ភ្ញាក់ពីដេកក្រោកឡើងទៅធ្វើសំណង់ ចង់មិនចង់ទៅធ្វើសំណង់ដើម្បីគ្រួសារ ល្ងាចឡើងសាច់ក្លែមមិនខ្វះឡើយណា មិនផឹកស្រាផឹកត្នោតជូរទាំងអស់គ្នា ផឹកត្នោតជូរអស់លុយតិចតែស្រវឹងខ្លាំង ព្រោះមានថ្នាំខ្លាំងដាក់ត្រាំតាំងពីដូនតា បើស្រវឹងកុំបើកបរ កុំស្រែកឡូឡា ដាក់ជ្រុលកាលណានាំគ្នាចូលមុងដេក»។
ការយកបទជាតិទៅប្រឡូកប្រឡាក់ជាមួយនឹងគ្រឿងស្រវឹងជាប្រភេទទឹកត្នោតជូរ នេះបានបង្កទៅជារឿងក្តៅគគុកដែលមានការរិះគន់យ៉ាងខ្លាំងទៅលើតារាចម្រៀង ម៉ៅ ហាជី និងអ្នកនិពន្ធ ដែលអ្នកលេងបណ្តាញសង្គមចាត់ទុកថាជាការប្រមាថមួយដែលយកបទជាតិទៅជាន់ឈ្លីបែបនេះ។ ជាមួយការខឹងសម្បាររិះគន់ទក់សាច់ទៅកាន់តារាចម្រៀងរូបនេះ ពលរដ្ឋក៏ស្នើទៅក្រសួងវប្បធម៌ និងវិចិត្រសិល្បៈចាត់វិធានការទៅលើករណីនេះផងដែរ។

យ៉ាងណាមិញ នៅព្រឹកថ្ងៃទី៧ មីនា នេះលោក ម៉ៅ ហាជី និងអ្នកនិពន្ធ បានចេញវីដេអូ លើកម្រាមដៃ១០សូមទោសទស្សនិកជនដោយលោកអះអាងថាជាកំហុសអចេតនា ជាបទចម្រៀងច្រៀងតាំងពីតូចៗ រាងភាំងបន្តិចបានជ្រុលជ្រួសទៅលើទំនុកច្រៀងរបស់ សម្ដេចព្រះសង្ឃរាជ ដោយមិនដឹងខ្លួន។ លោក ម៉ៅ ហាជី ថាមួយបទនេះខាងផលិតកម្មថោន មិនបានដឹងនោះទេគឺខាងផលិតកម្មគ្រាន់តែយកបទលោកទៅបង្ហោះប៉ុណ្ណោះកុំបន្ទោសខាងផលិតកម្មអី។ ជាមួយគ្នានេះផងដែរ លោក ម៉ៅ ហាជី និងអ្នកនិពន្ធ ថុន ផានិត សន្យាថាមិនឱ្យមានជាលើកទី២នោះទេ ដែលប៉ះពាល់ទៅដល់ភ្លេងជាតិ។

លោក ម៉ៅ ហាជី ថាខ្លួនលោកពិតជាមានអារម្មណ៍សោកស្តាយ នូវកំហុសខុសឆ្គងនេះ នឹងសង្ឃឹមថាទស្សនិកជនអធ្យាស្រ័យផ្តល់ឱកាសថ្មីឱ្យលោកបន្តទៀតហើយលោកក៏មានបទចម្រៀងថ្មីៗជាច្រើនទៀតផងដែរ៕

ប្រទេសថៃដែលនិយមចោទមកលើកម្ពុជាថាលួចចម្លងរឿងរបស់ខ្លួនព្រមទាំងពហិកាមិនទស្សនារឿងខ្មែរ «ម៉ែក្រឡាភ្លើង»ពេលនេះបែរជាទូរទស្សន៍ថៃប៉ុស្តិ៍លេខ៣ ជាជាតិសាសន៍របស់ខ្លួន និងជាទូរទស្សន៍ធំមួយក្នុងស្រុកបានយកប្រាសាទតាសោមរបស់ខ្មែរដាក់ក្នុងផ្ទាំង Poster រឿងថ្មីដោយមិនញញើត។ ការបង្ហាញសកម្មភាពរបស់ភាគីថៃបានធ្វើឱ្យអ្នកលេងបណ្តាញសង្គមខ្មែរផ្ទុះប្រតិកម្មជាថ្មី ខណៈពេលនេះពលរដ្ឋកំពុងរង់ចាំការស្រាយបំភ្លឺពីក្រសួងពាក់ព័ន្ធទៅលើករណីនេះនឹងមានចំណាត់ការបែបណា។

នៅល្ងាចថ្ងៃទី៦ មីនា នៅលើផេក ch3thailand បានបង្ហោះផ្ទាំង Poster មួយសន្លឹកអំពីរឿងភ័យរន្ធត់មួយជាវគ្គ២ ដែលនឹងចាក់បញ្ចាំងក្នុងរោងកុននៅខែតុលា។ ទោះយ៉ាងណា រូបភាពមួយសន្លឹកនេះមិនមែនជារូបភាពធម្មតានោះទេ ព្រោះរូបភាពប្រាសាទនេះមិនមែននៅប្រទេសថៃ តែគឺជាប្រាសាទតាសោម ជាប្រាសាទរបស់ខ្មែរនៅលើទឹកដីខ្មែរ។ ប្រាសាទតាសោម បានកសាងឡើងដោយព្រះបាទជ័យវរ្ម័នទី៧ នាចុងសត្សវត្សរ៍ទី១២ មានទីតាំងស្ថិតនៅខាងជើងឆៀងខាងកើត បរិវេណ អង្គរធំ ត្រូវនឹងទិសខាងកើត នៃប្រាសាទនាគព័ន្ធ ខេត្តសៀមរាប ព្រះរាជាណាចក្រកម្ពុជា។

ឃើញសកម្មភាពរបស់ថៃបែបនេះ អ្នកលេងបណ្តាញសង្គមកម្ពុជាបានបញ្ចេញប្រតិកម្មយ៉ាងខ្លាំង ខណៈមកទល់នឹងព្រឹកថ្ងៃទី៧ មីនា ទូរទស្សន៍ថៃប៉ុស្តិ៍លេខ៣នៅមិនទាន់កែសម្រួលនៅឡើយ។ នេះមិនមែនជាលើកទី១នោះទេដែលផលិតករថៃដាក់ប្រាសាទរបស់ខ្មែរនៅលើផ្ទាំង Poster របស់ខ្លួនម្តងហើយម្តងទៀត ពេលពលរដ្ឋកម្ពុជាបញ្ចេញប្រតិកម្ម ភាគីថៃបានត្រឹមឆ្លើយថាជាការភ័ន្តច្រលំ។

គេចាំបានដែរថា កាលពីខែមីនា ឆ្នាំ២០២៣ ទូរទស្សន៍ថៃប៉ុស្តិ៍លេខ៧ ក៏បានយករូបប្រាសាទអង្គរវត្តដាក់នៅក្នុង Poster រឿងថ្មីរបស់ខ្លួនដែលសម្តែងដោយតួឯកស្រីល្បីឈ្មោះ Mookda Narinrak និងតួឯកប្រុស Mike Pattaradet។ ពេលពលរដ្ឋខ្មែរបញ្ចេញមតិប្រតិកម្មទើបខាងស្ថានីយទូរទស្សន៍ចេញមុខសូមទោសដោយលើកហេតុផលថាគ្រាន់តែជាការយល់ច្រឡំ និងបានដករូបប្រាសាទអង្គរវត្តចេញវិញ។

មិនត្រឹមតែករណីថ្មីៗនេះនិងករណី១ឆ្នាំមុនប៉ុណ្ណោះទេ ប៉ុន្តែផលិតករថៃមួយចំនួនបានប្រើប្រាស់ប្រាសាទ និងធនធានរបស់ខ្មែរយកទៅប្រើប្រាស់ដោយមិនខ្លាចរអារទាំងអះអាងប្រាប់គេឯងថាខ្មែរចូលចិត្ត Copy ថៃ ប៉ុន្តែជារឿយៗបែរជាយករបស់ខ្មែរទៅធ្វើជារបស់ខ្លួនទៅវិញ។

យ៉ាងណាមិញ ការយកប្រាសាទតាសោមរបស់ខ្មែរទៅដាក់ផ្ទាំង Poster រឿងថៃបានធ្វើឱ្យមហាជនបញ្ចេញប្រតិកម្មឡើងមក ខណៈពលរដ្ឋរង់ចាំមើលដំណោះស្រាយពីស្ថានីយទូរទស្សន៍ថៃប៉ុស្តិ៍លេខ៣ ក៏ដូចជាសេចក្តីស្រាយបំភ្លឺរបស់ក្រសួងកម្ពុជាផងដែរ៕

ឯកឧត្តមអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ត្រីក្រសួងមហាផ្ទៃ បន្តបោះសម្អាតមន្រ្តីនគរបាល ដែលប្រព្រឹត្តិខុសទៅនឹងច្បាប់ ដោយនៅថ្ងៃទី៧ ខែកុម្ភៈ ឆ្នាំ២០២៤នេះ ឯកឧត្តម បានបណ្ដេញមន្ត្រីនគរបាល ៨នាក់ទៀត នៃអគ្គនាយកដ្ឋានអន្តោប្រវេសន៍ ចេញពីក្របខ័ណ្ឌមន្ត្រីនគរបាលជាតិ។

មន្ត្រីនគរបាលចំនួន ៨រូប នៃអគ្គនាយកដ្ឋានអន្តោប្រវេសន៍នេះ ត្រូវបានដកហូតមុខតំណែង ឋានន្តរស័ក្តិ និងបណ្ដេញចេញពីក្របខ័ណ្ឌមន្ត្រីនគរបាលជាតិ ដោយមូលហេតុល្មើសវិន័យ របស់កងកម្លាំងនគរបាលជាតិ ដូចមានឈ្មោះខាងក្រោម៖

១ លោកវរសេនីយ៍ទោ ជិន វ៉េងលាង អត្តលេខ ៦១៧៣៥ នាយរងការិយាល័យអនុវត្ត នីតិវិធី និងគ្រប់គ្រងកន្លែងត្រៀមបណ្ដេញចេញ នៃនាយកដ្ឋានស៊ើបអង្កេត និងអនុវត្តនីតិវិធី
២- លោកវរសេនីយ៍ទោ ស្វាយ ពិសិដ្ឋ អត្តលេខ ៦២៨៥៤ នាយរងការិយាល័យអនុវត្តនីតិវិធី និងគ្រប់គ្រងកន្លែងត្រៀមបណ្តេញចេញ នៃនាយកដ្ឋានស៊ើបអង្កេត និងអនុវត្តនីតិវិធី
៣- លោកវរសេនីយ៍ត្រី អាន សុខលាភ អត្តលេខ ៦៧០៦៧ នាយផ្នែកគ្រប់គ្រងពលករខ្មែរក្រៅប្រទេស នៃនាយកដ្ឋានជនបរទេសអន្តោ ប្រវេសន្តជាអ្នកវិនិយោគឯកជន
៤- លោកអនុសេនីយ៍ឯក ទឹម វឌ្ឍនៈ អត្តលេខ៥៤០៣៦ នាយរងផ្នែកប៉ុស្តិ៍នគរបាល ច្រកទ្វារព្រំដែនអន្តរជាតិក្អមសំណ នៃនាយកដ្ឋាន ច្រកទ្វារទី២
៥- លោកអនុសេនីយ៍ឯក ថន សុទ្ធារិទ្ធ អត្តលេខ ៥៧៨៦០ នាយរងផ្នែកបែបបទចេញ ប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិ ភ្នំពេញ នៃនាយកដ្ឋានច្រកទ្វារទី១
៦- លោកអនុសេនីយ៍ឯក ហុក ឆៃយ៉ាថេត អត្តលេខ ៧១១៧៨ នាយរងផ្នែកច្បាមការពារ ប៉ុស្តិ៍នគរបាលច្រកទ្វារព្រំដែនអន្តរជាតិត្រពាំងផ្លុង នៃនាយកដ្ឋានច្រកទ្វារទី២
៧- លោកអនុសេនីយ៍ឯក អ៊ុំ មករា អត្តលេខ ៥៧៨៦៦ មន្ត្រី នៃនាយកដ្ឋានជនបរទេសមិនមែនអន្តោប្រវេសន្ត និងបច្ចេកវិទ្យា
៨- លោកអនុសេនីយ៍ឯក ជាម សុនូ អត្តលេខ ៧៧២៨៤ មន្ត្រី។

ប្រាក់បៀវត្ស និងរបបឧបត្ថម្ភផ្សេងៗត្រូវបានកាត់ផ្ដាច់ និងលុបចេញពីក្របខ័ណ្ឌមន្ត្រីនគរបាលជាតិចាប់ពីខែមិថុនា ឆ្នាំ២០២៤តទៅ ៕