លោកសាស្រ្តាចារ្យ សំបូរ មាណ្ណារ៉ា បានទទួលមរណភាពហើយ នាវេលាម៉ោង៥៖៤០នាទីព្រឹកថ្ងៃទី២០ ខែមេសា ឆ្នាំ២០២៤នេះ ក្នុងជុន្មាយុ៦៧ឆ្នាំ ដោយរោគាពាធ ក្រោយលោកចំណាយពេលជាង៤០ឆ្នាំសិក្សា និងបង្រៀនប្រវត្តិសាស្ត្រដល់កុលបុត្រកុលធីតាខ្មែរ។
លោក សំបូរ មាណ្ណារ៉ា បានក្លាយជាគ្រូបង្រៀនភាសាអង់គ្លេសក្នុងឆ្នាំ១៩៨០ លុះបានប៉ុន្មានឆ្នាំក្រោយមក លោកក៏បានក្លាយជាគ្រូបង្រៀនប្រវត្តិសាស្ដ្រខ្មែរវិញម្តង។
លោក បានក្លាយជាអ្នកប្រវត្តិសាស្រ្តខ្មែរដ៏ល្បីល្បាញ និងជាអតីតសាស្ត្រាចារ្យប្រវត្តិសាស្ត្រនៃសកលវិទ្យាល័យភូមិន្ទភ្នំពេញថែមទៀតផងដែរ។
លោកសាស្រ្តាចារ្យ បានបញ្ចប់ការសិក្សានៅប្រទេសបារាំង និងសហរដ្ឋអាមេរិក ស្ថិតនៅទីក្រុង New Haven ព្រមទាំងសិក្សានៅទីក្រុង Seoul ប្រទេសកូរ៉េខាងត្បូង។
ចុងក្រោយនេះ លោកសាស្រ្តាចារ្យ ត្រូបាន ព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រ ត្រាស់បង្គាប់តែងតាំង និងផ្តល់ឋានៈដល់លោក សំបូរ មាណ្ណារ៉ា ជាទីប្រឹក្សាផ្ទាល់សម្ដេចតេជោ ហ៊ុន សែន នាយករដ្ឋមន្ដ្រី ដែលមានឋានៈស្មើ “រដ្ឋមន្ដ្រី” កាលពីថ្ងៃទី៩ ខែកុម្ភៈ ឆ្នាំ២០២៣ កន្លងទៅ៕
