ក្រសួងពាណិជ្ជកម្ម បានចេញសេចក្តីជូនដំណឹង ដោយប្រកាសពីតម្លៃលក់រាយប្រេងឥន្ធនៈ នៅតាមស្ថានីយនានាចាប់ពីថ្ងៃទី០១ ដល់ថ្ងៃទី១០ ខែឧសភា ឆ្នាំ២០២៤ ត្រូវលក់សាំងធម្មតាតម្លៃ ៤,៤៥០រៀល និងម៉ាស៊ូតត្រូវលក់ ៤,១០០រៀល ក្នុង១លីត្រ។
តម្លៃនេះ មានការចុះបន្តិចបន្តួច ដោយកាលពី១០ថ្ងៃមុន សម្រាប់ប្រេងសាំងធម្មតាគឺ៖
តារាសម្ដែង Kim Go Eun ទទួលបានកិត្តិយសជាមួយនឹងពានរង្វាន់ Pioneer Award សម្រាប់ការសម្តែងរបស់នាងនៅក្នុងខ្សែភាពយន្តផ្នូរបិសាចឬ Exhumaនៅមហោស្រពភាពយន្ត Marie Claire លើកទី ១១ ដែលប្រារព្ធឡើងនៅ Yongsan CGV នៅថ្ងៃទី២៧ ខែមេសា។
មហោស្រពនេះរៀបចំដោយទស្សនាវដ្តីម៉ូត Marie Claire ទទួលស្គាល់បុគ្គលដែលបានត្រួសត្រាយផ្លូវផ្ទាល់ខ្លួន និងបានរួមចំណែកយ៉ាងសំខាន់ដល់ឧស្សាហកម្មភាពយន្តកូរ៉េ។ បន្ទាប់ពីការប្រគល់ពានរង្វាន់ Kim Go Eun បានចូលរួមក្នុងការសន្ទនាដោយស្មោះអស់ពីចិត្តជាមួយទស្សនិកជន។
Kim Go Eun បាននិយាយថា «ខ្ញុំសូមអរគុណដល់ទស្សនិកជនដែលបានចំណាយពេលវេលាទស្សនា «Exhuma»ហើយការបង្ហាញរបស់អ្នកដឹកនាំរឿង Jang Jae Hyun ធ្វើឱ្យវាកាន់តែមានន័យ។ ខ្ញុំពិតជាអរគុណយ៉ាងខ្លាំងចំពោះការទទួលស្គាល់ តាមរយៈការទទួលបានរង្វាន់ពី Marie Claire»។ នាងបានបន្ថែមថា «ខ្ញុំនឹងបន្តក្លាយជាតារាសម្ដែងដ៏ល្អមួយរូបនាពេលអនាគតផងដែរ»។
ភាពយន្តមួយនេះបានចេញផ្សាយនៅថ្ងៃទី២២ ខែកុម្ភៈ និងទាក់ទាញអ្នកទស្សនា១១.៨៥ លាននាក់ «Exhuma» ទទួលបានការសាទរយ៉ាងទូលំទូលាយចំពោះការបង្ហាញរបស់ Kim Go Eun អំពីតួអង្គខ្មោច Hwaryeom ។ ការបកស្រាយ និងជំនាញសម្តែងដ៏រឹងមាំរបស់នាង ដែលទទួលបានការសរសើរតាមរយៈការទាក់ទងគ្នាជាបន្តជាមួយអ្នកជំនាញខាងវេទមន្ត គួរឱ្យកត់សម្គាល់ជាពិសេស។ ការសម្តែងដ៏រស់រវើករបស់ Kim Go Eun ជាពិសេសក្នុងអំឡុងពេលពិធីសាសនា ដែលនាងរាំដោយកាន់កាំបិត ត្រូវបានគេចាត់ទុកថា ជាចំណុចលេចធ្លោនៃខ្សែភាពយន្ត។
លើសពីនេះ បន្ទាប់ពីការទទួលស្គាល់របស់នាងនៅក្នុងមហោស្រពភាពយន្ត Marie Claire Film Festival Kim Go Eun ត្រូវបានតែងតាំងសម្រាប់ពានរង្វាន់តារាសម្តែងឆ្នើមក្នុងប្រភេទខ្សែភាពយន្តនៅឯ Baeksang Arts Awards លើកទី ៦០ សម្រាប់តួនាទីរបស់នាងក្នុងរឿង«Exhuma» ។ បច្ចុប្បន្ននាងបានបញ្ចប់ការថតរឿងសម្រាប់គម្រោងបន្ទាប់របស់នាងដែលមានចំណងជើងថា «Love in the Big City» និងបានខិតខំប្រឹងប្រែងយ៉ាងពេញទំហឹងក្នុងការថតរឿង «Two Women»៕
TikTok គឺជាកម្មវិធីដ៏ពេញនិយម និងមានប្រជាប្រិយភាពខ្លាំងនាពេលបច្ចុប្បន្ននេះ ដោយសព្វថ្ងៃមនុស្សជាច្រើននៅជុំវិញពិភពលោក សុទ្ធតែស្គាល់កម្មវិធី TikTok ដោយសារកម្មវិធីមានភាពចម្រុះនៃវីដេអូ និងអាចរកលុយបានទៀតផង។ យោងតាមគេហទំព័របច្ចេកវិទ្យា Electronics Hub បានធ្វើការស្រាវជ្រាវលើកម្រិតនៃការប្រើប្រាស់ទូរស័ព្ទ កុំព្យូទ័រ និងបណ្តាញសង្គមក្នុងបណ្តាប្រទេសទាំងអស់ជុំវិញពិភពលោក ដោយផ្អែកលើទិន្នន័យពីរបាយការណ៍ទិដ្ឋភាពទូទៅនៃគេហទំព័រឯកទេសទិន្នន័យ Datareportal ក្នុងប្រទេសសិង្ហបុរី បានឱ្យដឹងថាមានប្រទេសចំនួន ១០ ប៉ុណ្ណោះដែលមានអ្នកមើល TikTok ប្រចាំថ្ងៃច្រើនជាងគេបំផុតនៅលើពិភពលោក។ 
ដូច្នោះហើយ ចំណាត់ថ្នាក់កំពូលនៅអាស៊ីគឺបានទៅលើប្រទេសវៀតណាម ដែលបានមើលវីដេអូ TikTok ជាមធ្យមចំនួន ១២៨ ជារៀងរាល់ថ្ងៃ។ នៅពីក្រោយប្រទេសវៀតណាមគឺប្រទេសហ្វីលីពីន ដែលមានវីដេអូ TikTok ចំនួន ១២៧ បានមើលជារៀងរាល់ថ្ងៃ។ បន្ទាប់មកគឺអ៊ីស្រាអែល (១២៣) ម៉ាឡេស៊ី (១២១) ឥណ្ឌូនេស៊ី (១២០)។ នេះបើយោងតាម Statista ដែលជាវេទិកាអាល្លឺម៉ង់ដែលមានឯកទេសខាងស្ថិតិ និងការរាយការណ៍ទិន្នន័យសកល បានឱ្យដឹងថា ជាមធ្យមវីដេអូ TikTok នីមួយៗមានរយៈពេល ៣៤ វិនាទី។ ដូច្នេះការមើលវីដេអូ TikTok ជាមធ្យមចំនួន ១២៨ មានន័យថាមនុស្សម្នាក់បានចំណាយពេល ១ ម៉ោង ១២ នាទី ឬ ២ ម៉ោង ២៤ នាទី ក្នុងមួយថ្ងៃជាមួយ TikTok។ 
ខាងក្រោមនេះគឺជាបញ្ជីប្រទេសទាំង ១០ ដែលមានអ្នកមើល TikTok ប្រចាំថ្ងៃច្រើនជាងគេបំផុតលើលោក៖
១.ប្រទេសអង់គ្លេស (England) មានចំនួនអ្នកមើល ១៥៤
២.ប្រទេសអាមេរិក (United States) មានចំនួនអ្នកមើល ១៤២
៣.ប្រទេសម៉ិកស៊ិក (Mexico) មានចំនួនអ្នកមើល ១៤០
៤.ប្រទេសឈីលី (Chile) មានចំនួនអ្នកមើល ១៣៤
៥.ប្រទេសបែលហ្សិក (Belgium) មានចំនួនអ្នកមើល ១៣២
៦.ប្រទេសអូស្ត្រាលី (Australia) មានចំនួនអ្នកមើល ១៣២
៧.ប្រទេសវៀតណាម (Vietnam) មានចំនួនអ្នកមើល ១២៨
៨.ប្រទេសហ្វីលីពីន (Philippines) មានចំនួនអ្នកមើល ១២៧
៩.ប្រទេសអ៊ីស្រាអែល (Israel) មានចំនួនអ្នកមើល ១២៣
១០.ប្រទេសម៉ាឡេស៊ី (Malaysia) មានចំនួនអ្នកមើល ១២១ ៕
វៀតណាម៖ ភ្ញៀវទេសចរបរទេសដែលបានមកទស្សនាទីក្រុងហូជីមិញបាននិយាយថា ទីក្រុងនេះក្តៅពេកធ្វើឱ្យប៉ះពាល់ដល់បទពិសោធន៍ធ្វើដំណើររបស់ពួកគេ និងធ្វើឱ្យរាងកាយរបស់ពួកគេមិនស្រួល។
យោងតាមព័ត៌មានពីស្ថានីយ៍ជលសាស្ត្រភូមិភាគខាងត្បូង អាកាសធាតុក្តៅនៅទីក្រុងហូជីមិញក្នុងរយៈពេលប៉ុន្មានថ្ងៃនេះគឺកើនឡើងខ្លាំងខុសធម្មតា ដោយសីតុណ្ហភាពប្រែប្រួលនៅពេលថ្ងៃប្រហែល ៤០-៤៤ អង្សាសេ ដែលកំដៅខ្លាំងនេះនឹងប៉ះពាល់ដល់បទពិសោធន៍ធ្វើដំណើររបស់ភ្ញៀវទេសចរបរទេសនៅទីក្រុងហូជីមិញ។ Yania ជាជនជាតិអេស្ប៉ាញ រស់នៅក្នុងប្រទេសអូស្ត្រាលី បាននិយាយថា នាងបានមកដល់ទីក្រុងហូជីមិញ កាលពីថ្ងៃទី ២៨ ខែមេសា ហើយមានអារម្មណ៍ថានៅទីនេះគឺក្តៅខ្លាំងខុសពីតំបន់ដទៃទៀត។ នៅពេលនោះសីតុណ្ហភាពដែលបានរាយការណ៍តាមទូរស័ព្ទរបស់នាងគឺប្រហែល ៣៧-៣៨ អង្សាសេប៉ុណ្ណោះ ប៉ុន្តែនាងមានអារម្មណ៍ថាសីតុណ្ហភាពនោះគឺលើសពី ៤០ អង្សាសេទៅទៀត។
Yania បានបន្តថា នាងភាគច្រើនចូលចិត្តធ្វើដំណើរដោយការថ្មើរជើង ប៉ុន្តែព្រះអាទិត្យក្តៅធ្វើឱ្យនាងបាត់បង់កម្លាំងយ៉ាងឆាប់រហ័ស ហើយជើងរបស់នាងក៏អស់កម្លាំង។ នាងផឹកទឹកឥតឈប់ឈរ ពេលខ្លះទឹកចម្រោះ ជួនកាលទឹកក្រូចឆ្មាដើម្បីបង្កើនថាមពល និងបំបាត់ការស្រេកទឹក។ ទោះជាយ៉ាងណាឥឡូវនេះ Yania មិនបន្តចេញដំណើរអំឡុងពេលថ្ងៃនិងរសៀលទៀតទេ ដោយសារអាកាសធាតុក្តៅពេក ធ្វើឱ្យនាងសម្រេចចិត្តចេញក្រៅតែពេលយប់ប៉ុណ្ណោះ។ លោក Grant Wilson អាយុ ៦១ ឆ្នាំ ជាភ្ញៀវទេសចរជនជាតិអូស្ត្រាលី បាននិយាយថា គាត់ធ្លាប់មកលេងទីក្រុងហូជីមិញកាលពីឆ្នាំ ២០២២ ហើយនៅពេលដែលគាត់ត្រឡប់មកលេងទីក្រុងនេះម្តងទៀតក្នុងឆ្នាំនេះ គាត់បាននិយាយថា “អាកាសធាតុក្នុងទីក្រុងគឺក្តៅខ្លាំងមិនធ្លាប់មានពីមុនមក”។
លោក Grant បានបន្ថែមថា ទោះបីជាសីតុណ្ហភាព ៤០ អង្សារសេនៅសាយហ្គនធ្វើឱ្យរាងកាយមិនស្រួលប៉ុន្តែមិនប៉ះពាល់ដល់បទពិសោធន៍ធ្វើដំណើរច្រើនពេកទេ។ លោកបានបន្តទៀតថា ទោះជាយ៉ាងណាគាត់មានអារម្មណ៍ហត់នឿយពេលកំពុងរង់ចាំដូរលុយនៅហាងមួយទល់មុខផ្សារបិនថាញ់។ នៅថ្ងៃត្រង់ ព្រះអាទិត្យកំពុងឆាបឆេះ ជុំវិញមានហ្វូងមនុស្សយ៉ាងច្រើន និងមានសំលេងរំខានខ្លាំង បូកនឹងការឈររង់ចាំយ៉ាងយូរធ្វើឱ្យលោកមានអារម្មណ៍ថាអស់កម្លាំងខ្លាំង។ ភ្ញៀវទេសចរណ៍បុរសជនជាតិអូស្ត្រាលីរូបនេះបាននិយាយថា ទោះបីជាអាកាសធាតុអាក្រក់យ៉ាងណាក៏ដោយ ទីក្រុងហូជីមិញនៅតែជាកន្លែងដែលគួរទៅទស្សនានៅពេលមកវៀតណាម ព្រោះល្បឿននៃជីវិតនៅទីនេះបង្កើតអារម្មណ៍រីករាយ។
លោកសង្ឃឹមថា ទីក្រុងនេះនឹងមានអាងហែលទឹកសាធារណៈបន្ថែមទៀត ដើម្បីបន្ធូរអារម្មណ៍ក្នុងរដូវក្តៅខ្លាំង។ លោក Grant ផ្តល់យោបល់ថា វិធីធ្វើឱ្យរាងកាយរបស់អ្នកមានផាសុកភាពនៅពេលធ្វើដំណើរទៅកាន់ទីក្រុងហូជីមិញក្នុងរដូវក្តៅ គឺត្រូវផឹកទឹកឱ្យបានច្រើន។ ទឹកស្អាតនៅប្រទេសវៀតណាមត្រូវបានលក់នៅគ្រប់ទីកន្លែង ហើយមានតម្លៃថោកជាងតំបន់អាស៊ីមួយចំនួនទៀតដូចជាសិង្ហបុរី ឬហុងកុងជាដើម។ ក្រុមហ៊ុនទេសចរណ៍ក៏រកវិធីជួយភ្ញៀវទេសចរឱ្យមានផាសុកភាពក្នុងរដូវក្ដៅផងដែរ។ ក្រុមហ៊ុនទេសចរណ៍វៀតណាម បាននិយាយថា ក្នុងអំឡុងពេលវិស្សមកាល ដំណើរទេសចរណ៍នាំភ្ញៀវទេសចរទៅកាន់លោកខាងលិចកំណត់សកម្មភាពក្រៅផ្ទះ។ ក្រុមហ៊ុនបានបង្កើនបរិមាណទឹកដបសម្រាប់ក្រុមទេសចរណ៍ពី ២ ដបក្នុងមនុស្សម្នាក់ និង ៤ ដបក្នុងមួយថ្ងៃសម្រាប់មនុស្សម្នាក់៕
ណាហ្គាវើលដ៍ អបអរខួប ២៩ ឆ្នាំនៃភាពជោគជ័យ និងឧត្តមភាពនៃសេវាកម្ម និងបដិសណ្ឋារកិច្ចរបស់ខ្លួនដោយមានការផ្តល់ជូនដ៏អស្ចារ្យជាច្រើននៅក្នុងឧសភានេះ។ ដើម្បីអបអរឱកាសដ៏រីករាយនេះ មណ្ឌលកម្សាន្តប្រណីតនេះនឹងផ្តល់ជូនការបញ្ចុះតម្លៃដ៏អស្ចារ្យទៅលើអាហារ សេវាកម្មស្ប៉ា សេវាកម្មសាឡន ការស្នាក់នៅ និងរាត្រីកម្សាន្តនៅតាមក្លឹប ។ល។ 
ណាហ្គាវើលដ៍ មាននំខាប់ខេក និងនំតូចធំច្រើនជម្រើសច្នៃដោយក្រុមមេចុងភៅដ៏ចំណានដែលមានតម្លៃសមរម្យបំផុតចាប់ពី ១១.៦០០៛ (ឬ ២,៩០ ដុល្លារអាម៉េរិក) រហូតដល់ ១១៦.០០០៛ (ឬ ២៩ ដុល្លារអាម៉េរិក) ដែលដុតថ្មីៗ និងដាក់លក់រៀងរាល់ថ្ងៃនៅកន្លែងទទួលភ្ញៀវ (Lobby Lounge) ពីម៉ោង ៧ ព្រឹករហូតដល់ ១ ទៀបភ្លឺ។ 
ចំណែកម្ហូបវិញ មានការបញ្ចុះតម្លៃពិសេស គឺ ១១៦.០០០៛ (ឬ ២៩ ដុល្លារអាម៉េរិក) ប៉ុណ្ណោះ។ នៅភោជនីយដ្ឋានចិន Fortune Palace និង Hall of Golden Chimes មានម្ហូបដែលផ្សំពីប៉ាវហ៊ឺច្រើនជម្រើស។ នៅភោជនីយដ្ឋានអ៊ីតាលី Bistro Romano និងភោជនីយដ្ឋានជប៉ុន Teppanyaki មានម្ហូបឈុត ៣ មុខ និងឈុតបាយរុំលាយត្រីឆៅ។ ប្រសិនបើអតិថិជនចង់សាកល្បងសាច់គោដុតបែបបារាំងជាមួយថ្លើមក្ងាន ផ្សិត និងដំឡូង សូមអញ្ជើញទៅរីករាយនៅភោជនីយដ្ឋានបារាំង Le Gourmet ។ 
មុខម្ហូប និងបង្អែមជាច្រើនទៀត ក៏មានបម្រើជូនផងដែរនៅភោជនីយដ្ឋាន Chopstick, Indochine, Golden Bowl, The Arena និង The Pangea តម្លៃចាប់ពី ១១.៦០០៛ (ឬ ២,៩០ ដុល្លារអាម៉េរិក) ប៉ុណ្ណោះ។ អតិថិជនអាចជ្រើសរើស ម្ហូបណាឆូបែបមិចស៊ីកូ សាំងវិចសាច់ប៉ាតេពិសេស បង្អែមចេកខ្ទិះលាយសាគូ នំតាតរសជាតិស្វាយ និងអាហារជាច្រើនមុខទៀត។ សូមកក់ទុកមុនតាមរយៈសារអេឡិចត្រូនិក dining@nagaworld.com ឬលេខទូរសព្ទ +៨៥៥ ២៣ ២៦៣ ០៣១ ។ សម្រាប់ព័ត៌មានបន្ថែម សូមចូលទៅកាន់គេហទំព័រ www.nagaworld.com ឬតាមដានទំព័រហ្វេសប៊ុក តេឡេក្រាម និងអ៊ីនស្តាក្រាម របស់ណាហ្គាវើលដ៍។
សម្រាប់អតិថិជនដែលចង់រាំលេងកម្សាន្ត ស្តាប់ភ្លេង និងក្រេបភេសជ្ជៈឆ្ងាញ់ៗ អាចទៅកម្សាន្តនៅក្លឹប Darlin Darlin នៅរាត្រីថ្ងៃទី១៨ ឧសភាដែលមានប្រូម៉ូសិនទិញ ២ ថែម ១ សម្រាប់ស្រាវីស្គីដប។ អំឡុងខែឧសភានៃខួប ២៩ ឆ្នាំនេះ ណាហ្គាវើលដ៍ក៏មានផ្តល់ជូនស្រាកែវ និងស្រាបៀរដប តម្លៃ ១១.៦០០៛ (ឬ ២,៩០ ដុល្លារអាម៉េរិក) នៅភោជនីយដ្ឋាន និងបានីយដ្ឋានទាំងអស់របស់ខ្លួនផងដែរ។ 
សមាជិកណាហ្គាវើលដ៍ទាំងអស់ ក៏អាចមានឱកាសឈ្នះរង្វាន់រៀងរាល់ថ្ងៃផងដែរបូករួមនឹងការស្នាក់នៅ ២ យប់ក្នុងបន្ទប់ Superior ដោយប្តូរ ២៩០ ពិន្ទុប៉ុណ្ណោះ។ សម្រាប់ព័ត៌មានលម្អិត សូមផ្ញើអ៊ីម៉ែលទៅកាន់ rewards@nagaworld.com ឬចូលទៅកាន់គេហទំព័រ www.nagaworld.com ។
សូមអញ្ជើញទៅកម្សាន្តជាមួយមិត្តភក្តិ និងមិត្តភក្តិនៅក្នុងខែឧសភានេះដើម្បីទទួលបានការផ្តល់ជូនដ៏អស្ចារ្យក្នុងឱកាសខួប ២៩ ឆ្នាំរបស់ណាហ្គាវើលដ៍!
ប្រទេសហ្វីលីពីន ៖ នៅឆ្នាំ២០២៤ ប្រទេសហ្វីលីពីនបានប្រឈមនឹងអាកាសធាតុក្តៅខ្លាំង, ស្ងួតហួតហែង និងមានសីតុណ្ហភាពកើនឡើងដល់៥០អង្សាសេ ជាហេតុធ្វើឱ្យទឹកក្នុងទំនប់ដ៏ធំមួយនៅភាគខាងជើងហ្វីលីពីនស្រកចុះជាបន្តបន្ទាប់ និងលេចរូបរាងទីក្រុងបុរាណមួយនៅបាតទំនប់ ។ អាជ្ញាធរប្រាប់ថា ទីក្រុងនេះបានលិចទឹកអស់ជាច្រើនឆ្នាំមកហើយ ប៉ុន្តែទឹកបានរីងស្ងួតព្រោះអាកាសធាតុក្តៅខ្លាំង ទើបទីក្រុងនេះលេចរូបរាងបង្អួតភ្ញៀវទេសចរ ។
លោក Marlon Paladin វិស្វករប្រចាំការិយាល័យធារាសាស្ត្រជាតិនិយាយថា ទីក្រុងបុរាណនេះមានអាយុកាលប្រមាណ៣០០ឆ្នាំ បានលេចរូបរាងឡើងនៅកណ្តាលទំនប់ Pantabangan ស្ថិតក្នុងខេត្តនូវេវ៉ា អេស៊ីចា ។ ក្រោយពីខេត្តនេះមានអាកាសធាតុក្តៅខ្លាំង និងគ្មានភ្លៀងធ្លាក់ជាច្រើនខែបានធ្វើឱ្យព្រះវិហារបែកបាក់ និងផ្នូរបុរាណបង្ហាញរូបរាងម្តងទៀត ហើយក្លាយជាតំបន់ទាក់ទាញភ្ញៀវទេសចរ ។
លោក Marlon Paladin បន្តថា នេះជាលើកទី៦ហើយ ដែលទីក្រុងបុរាណនៅទំនប់ Pantabangan បានបង្ហាញរូបរាងឡើង តាំងពីប្រទេសហ្វីលីពីនសាងសង់ទំនប់ទឹក ដើម្បីផ្គត់ផ្គង់ទឹកដល់កសិករក្នុងតំបន់ ។ ប៉ុន្តែលោកពុំបានបញ្ជាក់ពីមូលហេតុដែលបណ្តាលឱ្យទីក្រុងនេះលិចទឹកទេ ។
តាមការព្យាករអាកាសធាតុបញ្ជាក់ថា កម្រិតទឹកក្នុងទំនប់ Pantabangan បានស្រកចុះរហូតដល់ជិត៥០ម៉ែត្រ ពីកម្រិតខ្ពស់បំផុត២២១ម៉ែត្រ ។ ជាធម្មតា ចាប់ពីខែមីនា ដល់ខែឧសភា គឺជារដូវក្តៅ និងស្ងួតហួតហែងបំផុតនៅប្រទេសហ្វីលីពីន ។ ហេតុនេះ សាលារៀនជាច្រើនកន្លែងបានប្រកាសផ្អាកការបង្រៀនសិស្ស ក្រោយកើតគ្រោះធម្មជាតិ El Nino ។
អាជ្ញាធរបញ្ជាក់ថា ភ្ញៀវទេសចរជាតិ និងអន្តរជាតិអាចចំណាយប្រាក់ក្នុងម្នាក់ជាង៥ដុល្លារអាមេរិកឱ្យទៅអ្នកនេសាទក្នុងតំបន់ ដើម្បីជិះទូកទៅទស្សនាទីក្រុងបុរាណនេះដោយផ្ទាល់ភ្នែក ៕
អាកាសធាតុក្តៅកំពុងឡើងកម្តៅខ្លាំងនៅទូទាំងទ្វីប ស្របពេលដែលឧ.បទ្ទវ.ហេតុអគ្គី.ភ័យឆាបឆេះចេះតែបន្តកើតមានឥតល្ហែរ មិនថាយាន្តជំនិះ លំនៅដ្ឋាន និងសូម្បីតែរោងចក្រធំៗ បើប្រហែសតែបន្តិច នឹងសល់ត្រឹមតែផេះមិនខាន។ កាលពីថ្ងៃទី១ ខែឧសភានេះ ត្រូវនឹងដើមខែថ្មី ទាំងថៃ ទាំងវៀតណាម ជាអកុសលបានជួបនៅហេតុការណ៍ឆាបឆេះនេះដូចគ្នា ហើយនៅតែមិនទាន់រកឃើញមូលហេតុឲ្យបានពិតប្រាកដនៅឡើយនោះទេ។
យោងតាមប្រភពសារព័ត៌មាន Thai PBS បានឲ្យដឹងថាមានករណីអគ្គីភ័យឆាបឆេះរោងចក្រកែច្នៃក្រដាសអេតចាយមួយន្លែងនៅខេត្តសាមុតសាខុនប្រទេសថៃ ដែលឧបទ្ទវហេតុនេះបានកើតឡើងនៅល្ងាចថ្ងៃទី៣០ ខែមេសា និងបន្តឆេះរយៈពេល៣ថ្ងៃ រហូតមកដល់ថ្ងៃទី២ ខែឧសភា បើតាមសេចក្តីរាយការណ៍។
អគ្គីភ័យបាននឹងកំពុងឆាបឆេះរោងចក្រកែច្នៃក្រដាសអេតចាយដ៏ធំមួយរបស់ថៃ ស្ថិតនៅលើផ្ទៃដី ១,៧៦ ហិកតា បើតាមការប៉ាន់ស្មានតម្លៃដែលខូចខាតកាលពីម្សិលមិញនេះបានឲ្យដឹងថា ខាតបង់អស់ប្រាក់ប្រមាណនឹង ១៨០ លានបាត (៤លាន៩សែនដុលា្លរ)។ ខណៈភ្នាក់ងារពន្លត់អគ្គីភ័យបានជួយគ្នាយ៉ាងសស្រាក់សស្រាន ដើម្បីពន្លត់ភ្លើងដែលឆាបឆេះឲ្យបានឆាប់រហ័សបំផុតផងដែរ។
រីឯកាលពីថ្ងៃទី១ ខែឧសភានេះដូចគ្នា សារព័ត៌មានវៀតណាមបានចុះផ្សាយថា ករណីផ្ទុះរោងចក្រឈើមួយកន្លែង នៅភាគខាងត្បូងប្រទេសវៀតណាម បានសម្លាប់មនុស្ស ៦ នាក់ និង ៧ នាក់ទៀតរងរបួស។ ឧបទ្ទវហេតុនេះបានកើតឡើងនៅម៉ោងប្រហែល ៨ ព្រឹកនៅឯក្រុមហ៊ុនផលិតឈើ Binh Minh ក្នុងខេត្ត Dong Nai ដោយប្រព័ន្ធផ្សព្វផ្សាយវៀតណាមបានរាយការណ៍ថាវាបណ្តាលមកពីឡចំហាយដំណើរការខុសប្រក្រតី។ ទោះជាយ៉ាងណា សមត្ថកិច្ចគឺកំពុងតែបន្តការស៊ើបអង្កេតបន្ថែមលើករណីនេះ។
យោងតាមសាក្សីម្នាក់ដែលដកស្រង់ដោយគេហទំព័រព័ត៌មាន VNExpress បាននិយាយថា “មកដល់កន្លែងនោះ ខ្ញុំបានឃើញទិដ្ឋភាពដ៏រន្ធត់មួយ៖ កំទេចកំទីបានរាយប៉ាយនៅគ្រប់ទីកន្លែង ហើយសាកសពជាច្រើនដេកនៅក្នុងទីធ្លា” ។ រូបថតប្រព័ន្ធផ្សព្វផ្សាយរដ្ឋនៃទីតាំង ដែលបុគ្គលិកប្រហែល ៣០ នាក់កំពុងធ្វើការនៅពេលនោះ បានបង្ហាញថាផ្នែកមួយនៃអគារបានដួលរលំ ដោយមានដំបូលដែកជ្រុងបានធ្លាក់មកដី។
តាមរយៈឧបទ្ទវហេតុនេះ អភិបាលខេត្តវៀតណាមបានចូលរួមរំលែកទុក្ខ និងឧបត្ថម្ភថវិកាដល់គ្រួសារជនរងគ្រោះ (២០លានដុង ឬ ៧៨៩ដុល្លារ សម្រាប់អ្នកមរណភាពក្នុងម្នាក់ និង១០លានដុង ឬ៣៩៥ដុល្លារ សម្រាប់អ្នករបួសក្នុងម្នាក់)៕
ប្រទេសឥណ្ឌូណេស៊ី ៖ កាលពីថ្ងៃទី៣០ ខែមេសា ឆ្នាំ២០២៤ ភ្នំភ្លើងនៅប្រទេសឥណ្ឌូណេស៊ីបានផ្ទុះឡើងជាប់ៗគ្នាចំនួន៣លើក ជាហេតុធ្វើឱ្យអាជ្ញាធរជម្លៀសពលរដ្ឋចំនួន១២.០០០នាក់ចេញពីតំបន់ភ្នំភ្លើង និងប្រកាសបិទអាកាសយានដ្ឋាននៅក្បែរនោះចំនួន៧កន្លែង ។ ការផ្ទុះភ្នំភ្លើងជាញឹកញាប់បណ្តាលឱ្យមានផ្សែងភ្លើងហោះទៅដល់ប្រទេសម៉ាឡេស៊ីផងដែរ ។
សារព័ត៌មាន AFP រាយការណ៍ថា ភ្នំភ្លើង Ruang នៅឥណ្ឌូណេស៊ីបានផ្ទុះចំនួន៣លើក ដែលបណ្តាលឱ្យផ្សែងភ្លើងហោះឡើងទៅលើរហូតដល់ជាង៥គីឡូម៉ែត្រ ហើយអាជ្ញាធរបានប្រកាសឱ្យពលរដ្ឋនៅក្បែរតំបន់នេះ ចំនួន១២.០០០នាក់ ប្រញាប់ជម្លៀសចេញជាបន្ទាន់ ។.jpg)
ភ្នាក់ងារជួយសង្គ្រោះបានជួយពលរដ្ឋរាប់ពាន់នាក់នៅកោះក្បែរនោះ ដូចជា ៖ កោះ Tagulandang ស្ថិតនៅភាគខាងជើង រហូតដល់កោះ Siau ដោយសារកាកសំណល់ឆេះរបស់ភ្នំភ្លើងធ្លាក់ចូលក្នុងទឹកសមុទ្រ ហើយអាជ្ញាធរបារម្ភខ្លាចកើតរលកយក្សស៊ូណាមិ ។
នាយកដ្ឋានឧតុនិយមឥណ្ឌូណេស៊ីឱ្យដឹងថា ផ្សែងភ្លើង និងកំទេចកំទីភ្នំភ្លើងបានហោះឆ្ងាយទៅដល់ភាគខាងកើតប្រទេសម៉ាឡេស៊ី នៅកោះ Borneo ដែលមានផ្ទៃដីខ្លះជារបស់ឥណ្ឌូណេស៊ី និងព្រុយណេ ។
តាមការប្រកាសរបស់ AirNav Indonesia ភ្នាក់ងារគ្រប់គ្រងចរាចរណ៍ផ្លូវអាកាសឥណ្ឌូណេស៊ីបញ្ជាក់ថា ផ្សែងភ្លើង និងកំទេចកំទីដែលហោះសាយភាយពេញអាកាសនេះ បានធ្វើឱ្យឥណ្ឌូណេស៊ីប្រកាសបិទអាកាសយានដ្ឋាន៧កន្លែងនៅក្បែរគ្នា រួមទាំងអាកាសយានដ្ឋានធំបំផុតនៅទីក្រុង Manado និងទីក្រុង Gorontalo ។
Julius Ramopoli ជាប្រធានឃ្លាំមើលភ្នំភ្លើង Ruang និយាយថា ភ្នំភ្លើងនៅតែបញ្ចេញផ្សែងភ្លើងយ៉ាងច្រើន កាលពីថ្ងៃទី១ ខែឧសភា ហើយផ្សែងភ្លើងទាំងនេះបានហោះឡើងលើចាប់ពី៥០០ម៉ែត្រ ទៅ៦០០ម៉ែត្រ ។
ប្រធានឃ្លាំមើលភ្នំភ្លើង Ruang បញ្ជាក់ថា ការប្រកាសអាសន្ននៅតែស្ថិតក្នុងកម្រិតខ្ពស់ គឺកម្រិតទី៤ ហើយសូមពលរដ្ឋនៅឱ្យឆ្ងាយពីតំបន់កើតហេតុ យ៉ាងហោចណាស់៧គីឡូម៉ែត្រ ។ កន្លងមក ឥណ្ឌូណេស៊ីតែងតែជួបបញ្ហាគ្រោះរញ្ជួយដី និងភ្នំភ្លើងផ្ទុះជាច្រើនលើក ដោយសារប្រទេសនេះស្ថិតនៅលើខ្សែបន្ទាត់ភ្នំភ្លើង ៕
កាលពីថ្ងៃទី២៧ ខែមេសា ឆ្នាំ២០២៤ កន្លងទៅ មានឧបទ្ទវហេតុផ្ទុះគ្រាប់នៅទីបញ្ជាការយោធភូមិភាគទី៣ ក្នុងខេត្តកំពង់ស្ពឺ ដែលបង្កឱ្យយោធិនចំនួន២០នាក់ បានពលីជីវិត និងយោធិនមួយ ចំនួនទៀតរងរបួស ហើយក៏ត្រូវបានក្រុមប្រឆាំងជ្រុលនិយមមួយចំនួន បានធ្វើការផ្សព្វផ្សាយព័ត៌មានបំផ្លើសការពិត តាមបណ្តាញសង្គមនានា ធ្វើឱ្យសាធារណជនទាំងក្នុង និងក្រៅប្រទេសមានការភ័ន្តច្រឡំអំពីឧបទ្ទវហេតុនេះ។
ដូច្នេះ ពាក់ព័ន្ធនឹងបញ្ហាខាងលើ ក្រសួងការពារជាតិបានចេញមុខមកបញ្ជាក់ច្បាស់ថា៖” ករណីឧបទ្ទវហេតុផ្ទុះគ្រាប់កាលពីថ្ងៃទី២៧ ខែមេសា ឆ្នាំ២០២៤ នៅទីបញ្ជាការយោធ ភូមិភាគទី៣ ក្នុងខេត្តកំពង់ស្ពឺ គឺជាបញ្ហាបច្ចេកទេសដោយសារប្រភេទអាវុធជាតិផ្ទុះចាស់ៗ ខូចគុណភាព រួមជាមួយ អាកាសធាតុឡើងកម្ដៅ មិនមែនជាបញ្ជាកងទ័ពបះបោរ អំពើភេរវកម្ម ឬចេតនារបស់បុគ្គលណាមួយដូចបានបំផ្លើស ឡើយ”។
ក្រសួងការពារជាតិ សូមស្នើដល់សាធារណជន ព្រមទាំងអ្នកសារព័ត៌មានជាតិ និងអន្តរជាតិ បញ្ឈប់ការផ្សាយ ព័ត៌មានមិនពិត ដោយធ្វើការសន្និដ្ឋាន ឬយល់ឃើញណាមួយដោយបុគ្គលផ្ទាល់ខ្លួន មិនមានមូលដ្ឋានច្បាស់លាស់ ឬ មានចេតនាបង្កចលាចលញុះញង់ បង្កផលប៉ះពាល់ដល់សន្តិសុខ សណ្តាប់ធ្នាប់ សេដ្ឋកិច្ចសង្គម ដែលឈានទៅដល់ ការទទួលខុសត្រូវចំពោះមុខច្បាប់៕
ennie សមាជិករបស់ BLACKPINK បានសហការជាមួយ Gentle Monster ថ្មីៗនេះបានចេញ Collection វ៉ែនតាថ្មីមួយដែលមានឈ្មោះថា JENTLE SALON ។ ការប្រមូលផ្ដុំនេះមានលក្ខណៈពិសេសជាមួយតុក្កតាដ៏គួរឱ្យស្រលាញ់ capybara mascot ដែលជាសត្វដែលនាងស្រលាញ់ជាងគេរួមជាមួយរូបខ្យូតៗផ្សេងទៀត។ ទោះជាយ៉ាងណាក៏ដោយ Collection ថ្មីនេះត្រូវបានរងការចោទប្រកាន់ពីការលួចចម្លងពី ម៉ាកគ្រឿងអលង្ការ YVMIN ។ នេះបើតាមការចុះផ្សាយរបស់សារព័ត៌មាន Korea boo។
តាមពាក្យចចាមអារ៉ាម YVMIN បានចែករំលែកការបង្ហោះនិងStory នៅលើគណនី Instagram របស់ពួកគេដែលបង្ហាញពីភាពស្រដៀងគ្នារវាងម៉ាករបស់ពួកគេនិង Jennie ក៏ដូចជាការប្រៀបធៀបផ្នែកម្ខាងៗដែលបង្កើតឡើងដោយម៉ាកទាំងពីរ។ ទោះបីជាការចោទប្រកាន់ពីការលួចចម្លងពីម៉ាកយីហោមានភាពធ្ងន់ធ្ងរក៏ដោយ មានព័ស្តុតាងដែលថាវាអាចត្រូវបានប្រឌិតដោយអ្នកប្រើប្រាស់ Instagram ផ្សេងគ្នាក្នុងការប៉ុនប៉ងធ្វើឱ្យវាហាក់ដូចជា YVMIN កំពុងធ្វើការចោទប្រកាន់នៅពេលដែលការពិតពួកគេមិនមែននោះទេ។
ការបង្ហោះខាងលើមិនអាចត្រូវបានរកឃើញនៅលើបណ្តាញសង្គម Instagram YVMIN ទៀតទេ ប៉ុន្តែពួកគេអាចរកឃើញនៅក្នុងStory របស់អ្នកប្រើប្រាស់ម្នាក់។ អ្នកនិយមលេងអ៊ីនធឺណិតខ្លះគិតថាអ្នកបង្ហោះនេះបានកែសម្រួលការបង្ហោះផ្ទាល់ខ្លួនដើម្បីធ្វើឱ្យវាមើលទៅដូច YVMIN ជាអ្នកដែលដើមឡើយចោទថា Gentle Monster ថាលួចចម្លង។ ព័ស្តុតាងបន្ថែមទៀតដើម្បីគាំទ្រការលើកឡើងនេះនោះគឺ YVMIN បានចុច follows Jennie និង Gentle Monster ផងដែរ។ អ្នកប្រើប្រាស់បណ្តាញសង្គមបានចែករំលែកការបង្ហោះមួយផ្សេងទៀតនៅលើ Story Instagram របស់ពួកគេដោយអះអាងថាម៉ាកគ្រឿងអលង្ការគឺជាអ្នកដំបូងដែលធ្វើការចោទប្រកាន់ ប៉ុន្តែអ្នកនិយមលេងអ៊ីនធឺណិតហាក់ដូចជាមិនជឿ។ យ៉ាងណាចំពោះការចោទប្រកាន់ថាលួចចម្លងម៉ាកយីហោគ្នានេះ ទាំង YVMIN និង Jennie មិនទាន់និយាយអំពីបញ្ហានេះទេ។.png)
គួរបញ្ជាក់ថា ក្រោយពី Jennie បានសហការជាមួយ Gentle Monster ចេញ Collection វ៉ែនតាថ្មីឃើញថាសន្ទុះការគាំទ្រយ៉ាងខ្លាំងមានអ្នកគាំទ្របានតម្រង់ជួរគ្នាទៅទិញវ៉ែនតាថ្មីនេះព្រោងព្រាត៕.png)
