លិចទូកច្រើនករណី! ក្រសួងញ្ឈប់ការប្រើប្រាស់នាវា-ទូកចម្លងកែច្នៃខុសបច្ចេកទេស

ក្រោយមានឧប្បត្តិហេតុលិចទូក ដែលបានធ្វើឱ្យសិស្សស្រីអាយុ១៣ឆ្នាំម្នាក់បានបាត់បង់ជីវិតនៅឃុំឈូក ស្រុកបាសាទសំបូរ ខេត្តកំពង់ធំ ក្រសួងសាធារណការ និងដឹកជញ្ជូន បានចេញសារាចរសម្រេចបញ្ឈប់នូវការប្រើប្រាស់នាវា-ទូកចម្លងកែច្នៃខុសបច្ចេកទេស។

ឧប្បត្តិហេតុលិចទូកនេះ កើតឡើងដោយការប្រើប្រាស់ទូកខុសបច្ចេកទេស បណ្តាលឱ្យស្សស្រីអាយុ១៣ឆ្នាំម្នាក់ក្នុងចំណោមសិស្សប្រុសស្រី១៥នាក់ បានបាត់បង់ជីវិត។

ក្រៅពីញ្ឈប់ការប្រើប្រាស់នាវា-ទូកចម្លងកែច្នៃខុសបច្ចេកទេស ក្រសួងក៏បានអំពាវនាវឱ្យម្ចាស់ទូកពិនិត្យលើចំនួនអ្នកដំណើរ និងវត្ថុផ្សេងទៀតដែលដឹកតាមទូក ដើម្បីធានាថាទម្ងន់ផ្ទុកមិនត្រូវលើសសមត្ថភាពរបស់ទូក។

ជាពិសេស ត្រូវបំពាក់ឧបករណ៍ សម្ភារៈបរិក្ខារសុវត្ថិភាពចាំបាច់ផ្សេងទៀតនៅលើទូក ឱ្យបានគ្រប់គ្រាន់ ដូចជា ពោងសុវត្ថិភាព និងអាវពោង៕