តារាសម្តែង Liu Yifei ឬអ្នកមួយចំនួនស្គាល់ថាជា សៀវ ឡុងនី បានជំរុញឱ្យមានការកើនឡើងនៃការលក់ផ្កាកុលាបពណ៌លឿងទូទាំងប្រទេសចិន ជាមួយនឹងតួនាទីរបស់នាងនៅក្នុងរឿងភាគទូរទស្សន៍ថ្មី «The Tale of Rose»។ តាមសេចក្តីរាយការណ៍បានឱ្យដឹងថា ចាប់តាំងពីការចាក់បញ្ចាំងលើកដំបូងនៅថ្ងៃទី៨ ខែមិថុនា ខ្សែភាពយន្តនេះបានជះឥទ្ធិពលយ៉ាងខ្លាំងដល់ជីវិតប្រចាំថ្ងៃ។
ក្នុងរឿងភាគ Liu Yifei មានឈ្មោះថា Huang Yi Mei ជាឈ្មោះដែលប្រែទៅជាផ្កាកុលាបពណ៌លឿង បង្កើនទំនាក់ទំនងជាមួយផ្កា។ ជាមួយនឹងប្រជាប្រិយភាពរបស់នាងនិងតួអង្គនោះ បាននាំឱ្យមានការកើនឡើងគួរឱ្យកត់សម្គាល់នៃតម្រូវការសម្រាប់ផ្កាកុលាបពណ៌លឿង ដែលធ្វើឱ្យពួកគេមើលឃើញជាញឹកញាប់ក្នុងការចែកចាយនៅទូទាំងសង្កាត់ និងការដឹកជញ្ជូនសាធារណៈ។.png)
អ្នកលក់ផ្កា បានកត់សម្គាល់ពីការកើនឡើងយ៉ាងខ្លាំងនៃការលក់ ដោយផ្កាកុលាបពណ៌លឿងលក់ដាច់ជាងពូជដទៃទៀតចាប់តាំងពីថ្ងៃទី៩ ខែមិថុនាមក។ និន្នាការនេះគឺមិននឹកស្មានដល់សម្រាប់មនុស្សជាច្រើន ដោយសារអ្នកខ្លះបានសារភាពថា មិនទាន់បានទស្សនារឿងនេះនៅឡើយទេ ប៉ុន្តែមានការភ្ញាក់ផ្អើលចំពោះការកើនឡើងនៃវត្តមានផ្កាកុលាបពណ៌លឿង។
អ្នកប្រើប្រាស់បណ្តាញសង្គមបានកត់សម្គាល់ថា «ឥទ្ធិពលរបស់ Liu Yifei នៅតែធំធេង» ដោយសំដៅទៅលើឥទ្ធិពលកាលពីមុនរបស់នាងជាមួយនឹងផ្កាកុលាបពណ៌ផ្កាឈូក បន្ទាប់ពីបានបង្ហាញខ្លួនក្នុងរឿង « Meet Yourself » ឆ្នាំ២០២៣។ ទន្ទឹមនឹងផ្កាកុលាបពណ៌លឿង ម៉ូតសំលៀកបំពាក់ដែលស្លៀកដោយតារាស្រីរូបនេះក្នុងរឿងភាគថ្មីក៏ឃើញមានការកើនឡើងនៃប្រជាប្រិយភាពផងដែរ រួមទាំងមួកកីឡាបេស្បលផងដែរ។
រឿងរបស់តារាសម្តែងវ័យ៣៧ឆ្នាំរូបនេះមានការចាក់ផ្សាយតាមទូរទស្សន៍ (CCTV) ដែលជាទូរទស្សន៍ជាតិរបស់ប្រទេសចិនដែលនៅក្នុងសាច់រឿងនាងត្រូវជួបប្រទះស្នេហាចំនួន៤ នាក់ហើយគូស្នេហ៍របស់នាងតែងតែជូននាងជាមួយនឹងផ្កាកុលាបពណ៌លឿង។
កាសែត People’s Daily បានសរសើរ Liu Yifei សម្រាប់ការសម្ដែងរបស់នាង ដោយបញ្ជាក់ពីរូបរាងរបស់នាង និងការសម្តែងយ៉ាងស័ក្តិសមនឹងតួអង្គដូចដែលបានស្រមៃនៅក្នុងស្គ្រីប។ ខណៈពេលដែលរឿងភាគនេះត្រូវបានគេកោតសរសើរចំពោះការពណ៌នាអំពីតួអង្គស្រីប្លែកៗ និងជីវិតរបស់ពួកគេនៅក្នុងទីក្រុង។ ការរិះគន់មួយចំនួនបានលេចឡើងជុំវិញការខ្វះភាពជាក់ស្តែងម្តងម្កាលរបស់ស្គ្រីប ជាពិសេសនៅក្នុងរបៀបដែល ដោះស្រាយបញ្ហានៅក្នុងក្រុមហ៊ុនរបស់នាង ដែលទស្សនិកជនមួយចំនួនមានអារម្មណ៍ថាលើកតម្កើងតួឯកហួសហេតុ៕
