ថ្មីៗនេះ វីដេអូចែកចាយពីបណ្តាញសង្គមចិន ហាក់បង្កឲ្យមានការភ្ញាក់ផ្អើលយ៉ាងខ្លាំងក្នុងចំណោមមនុស្សនៅទូទាំងពិភពលោក ស្របពេលដែលប្រទេសចិនបានដើរដល់ចំណុចថ្មីអស្ចារ្យមួយ ដាក់ដំណើរការតាក់ស៊ីគ្មានមនុស្សបើកដំបូងគេបង្អស់ និងកំពុងតែទទួលបាននូវភាពជោគជ័យជាបន្តបន្ទាប់។

យោងតាមការបញ្ជាក់ពីប្រភពសារព័ត៌មាន CNN បានឲ្យដឹងថា តាក់ស៊ីគ្មានមនុស្សបើក ដែលត្រូវបានគេស្គាល់ថាជា Robotaxis អាចអនុញ្ញាតិឲ្យលោកអ្នកធ្វើដំណើរបានក្នុងរយៈចម្ងាយ យ៉ាងហោចណាស់ ៩.៦ គីឡូម៉ែត្រ ដោយចំណាយប្រាក់តិចបំផុត ត្រឹមតែ ៥០ សេនប៉ុណ្ណោះ។

នៅក្នុងវីដេអូ ដែលបានដាក់បង្ហាញពីសកម្មភាពរបស់ក្មេងស្រីជនជាតិចិនម្នាក់បានទទួលសេវាតាក់ស៊ីគ្មានមនុស្សបើកនេះ ប្រកបដោយសុវត្ថិភាពនិងរហ័សទាន់ចិត្ត។ វីដេអូនោះក៏បានរីកសាយភាយយ៉ាងខ្លាំងនៅលើបណ្តាញសង្គមនិងមានអ្នកចូលទស្សនារហូតដល់ទៅរាប់សិបលានដងឯណ្ណោះ។ ក្មេងស្រីជនជាតិចិន បានដាក់បញ្ជាតាក់ស៊ីទំនើបនេះបានយ៉ាងមានភាពងាយស្រួល ខណៈតាក់ស៊ីក៏អាចដំណើរការបើកដោយស្វ័យប្រវត្តិនៅលើដងផ្លូវប្រៀបដូចទៅនឹងរថយន្តគេដទៃ ហើយនៅពេលឈប់ស្តុប(ចរាចរណ៍) វាក៏ឈប់ ឬបត់ឆ្វេងបត់ស្តាំ ទៅតាមគោលដៅនានា បានយ៉ាងឡូយផងដែរ។

ការបម្រើសេវាតាក់ស៊ីគ្មានអ្នកបើកនេះ បាននឹងកំពុងដាក់ដំណើរការនៅឯទីក្រុងវូហានប្រទេសចិន ស្របពេលដែលជនជាតិចិនជាច្រើន កំពុងតែបារម្ភអំពីបញ្ហាការបាត់បង់ការងារធ្វើ ប្រសិនបើរថយន្តតាក់ស៊ីនេះរីកសុះសាយកាន់តែខ្លាំងឡើង។ ម៉្យាងវិញទៀតដោយសារតែវាមានតម្លៃថោកខ្លាំងជាងតាក់ស៊ីជាទូទៅ(មានបើកបរ)ដទៃទៀត ដែលបង្កឲ្យមានការចាប់អារម្មណ៍ខ្លាំងពីអតិថជន។

យ៉ាងណាមិញ បើយោងតាមការសែត The People បានរាយការណ៍ថា តាក់ស៊ីគ្មានមនុស្សបើកប្រភេទនេះ បានបង្កនូវការកកស្ទះចរចរណ៍នៅក្នុងទីក្រុងវូហាន ព្រោះតែវាមិនបានគោរពភ្លើងសញ្ញាចរាចរនោះទេ។ បន្ថែមពីនេះ កាលពីដើមខែកក្កដា វាក៏បានបើកបុកអ្នកថ្មើរជើងម្នាក់នៅតាមដងផ្លូវផងដែរ ដែលបានបង្កឲ្យមានការព្រួយបារម្ភយ៉ាងខ្លាំងក្នុងចំណោមសារធារណៈជន។

គួរបញ្ជាក់ផងដែរថា រថយន្តគ្មានមនុស្សបើក គឺជាឧស្សាកម្មថ្មីស្រឡាងបំផុតមួយកំពុងតែប្រជែងគ្នារវាងមហាអំណាចពិភពលោក។ បច្ចុប្បន្ន វាគឺមានចំនួនតិចតួចណាស់ដែលបានដាក់ដំណើរការក្នុងទីក្រុងមួយចំនួនប៉ុណ្ណោះ ភាគច្រើនតែនៅសហរដ្ឋអាមេរិក ចិន ខណៈអារ៉ាប់រួមក៏កំពុងតែត្រៀមស្វាគមន៍រថយន្តគ្មានមនុស្សបើកនេះផងដែរ៕

កុលសម្ព័ន្ធគឺជាក្រុមមនុស្សបុរាណដែលតែងតែរស់នៅក្នុងព្រៃ ឬតំបន់ណាមួយដែលនៅឆ្ងាយដាច់ស្រយាលពីគេឯង ដោយមនុស្សទាំងអស់នេះភាគច្រើនគឺមិនអើពើពីពិភពលោកដ៏ទំនើបខាងក្រៅឡើយ។ ពួកគេរស់នៅតាមរបៀបបុរាណ ដោយមិនមានអគ្គិសនីប្រើប្រាស់ដូចយើងសព្វថ្ងៃនោះទេ ពោលគឺត្រូវពឹងផ្អែកលើពន្លឺព្រះអាទិត្យ និងដុតភ្លើងនៅពេលយប់ ហើយជាទូទៅពួកគេគឺជឿលើអបិយជំនឿ និងមន្តអាគមណាស់។

ទោះបីជាបច្ចុប្បន្ននេះពិភពលោកយើងមានការអភិវឌ្ឍ និងជឿនលឿនប៉ុណ្ណាក៏ដោយ ក៏កុលសម្ព័ន្ធជាច្រើនក្រុមនៅតែរស់នៅក្នុងជីវិតសាមញ្ញៗ ខណៈកុលសម្ពន្ធ័ខ្លះក៏ស្វាគមន៍មនុស្សថ្មីៗជានិច្ច ហើយកុលសម្ពន្ធ័ខ្លះទៀត ក៏បានបាញ់ព្រួញ ឬសម្លាប់មនុស្សប្លែកៗដែលមិនមែនជាគ្នីគ្នារបស់គេ ហើយថែមទាំងស៊ីសាច់មនុស្សទៀតផង។ ដូច្នេះនៅក្នុងអត្ថបទនេះយើងនឹងនាំប្រិយមិត្តមកស្គាល់កុលសម្ពន្ធ័មួយក្រុមដែលត្រូវបានគេចាត់ទុកថា កាច.សា.ហាវ និងគ្រោះថ្នា.ក់បំផុតលើលោក។

កុលសម្ពន្ធ័ដែលកាច.សា.ហាវ និងគ្រោះថ្នា.ក់បំផុតក្នុងលោកនោះគឺកុលសម្ពន្ធ័ Sentinelese ដែលរស់នៅលើកោះ North Sentinel ជាកោះមួយក្នុងចំណោមកោះ Andaman និង Nicobar ក្នុងមហាសមុទ្រឥណ្ឌា។ Sentinelese គឺជាកុលសម្ព័ន្ធដែលបដិសេធទាំងស្រុងនូវរាល់ទំនាក់ទំនងជាមួយមនុស្សខាងក្រៅ នៅពេលមានមនុស្សខាងក្រៅចូលមកកោះនេះដោយខុសច្បាប់ ពួកគេនឹងបាញ់ធ្នូ ក៏ដូចជាយកកាំបិត ឬអាវុធស្រួចៗទៅចាក់មនុស្សខាងក្រៅទាំងនោះតែម្តង ដែលបណ្តាលឱ្យបាត់បង់ជីវិត ឬរងរបួសធ្ងន់ធ្ងរជាដើម។

ជាការពិតណាស់ កុលសម្ពន្ធ័មួយក្រុមនេះត្រូវបានគេចាត់ទុកថាជាកុលសម្ពន្ធ័គ្រោះថ្នា.ក់បំផុតមួយក្នុងលោក ដោយសារកាលពីឆ្នាំ២០១៨ ពួកគេបានព្រួតគ្នាសម្លា.ប់ YouTuber ដ៏ល្បីម្នាក់របស់អាមេរិកឈ្មោះ John Allen Chau អាយុ ២៦ ឆ្នាំនៅពេលលោកចូលមកកោះនេះដោយខុសច្បាប់ដើម្បីផ្សព្វផ្សាយសាសនា។ ហើយនៅឆ្នាំ ២០០៦ ក្រុមកុលសម្ពន្ធ័នេះក៏បានសម្លាប់ និងរំលោភបំពានទៅលើភ្ញៀវទេសចរស្រី ២,៣ នាក់ដែលបានមកលេងកោះនេះផងដែរ។ បើយោងតាមអ្នកស្រាវជ្រាវកុលសម្ពន្ធ័ Sentinelese ធ្លាប់បានសម្លាប់មនុស្សខាងក្រៅអស់ជាច្រើននាក់មកហើយ ក្នុងនោះក៏មានកុមារ និងមនុស្សចាស់ទៀតផង៕

ប្រទេសក្រូអាស៊ី ៖ នៅថ្ងៃទី២៣ ខែកក្កដា ឆ្នាំ២០២៤ សារព័ត៌មានបរទេសរាយការណ៍ថា ខ្មា.ន់កាំភ្លើ.ង ម្នាក់បានបា.ញ់ រះនៅមណ្ឌលថែទាំមនុស្សចាស់ ក្នុងទីក្រុង Daruvar ប្រទេសក្រូអាស៊ី ដែលបណ្តាលឱ្យមនុស្សស្លា.ប់ ចំនួន៦នាក់ ព្រមទាំងម្តាយរបស់ខ្លួនផងដែរ ។ ក្រោយមក សមត្ថកិច្ចក៏បានចាប់ខ្លួន ខ្មា.ន់កាំភ្លើ.ង ភ្លាមៗក្នុងហាងកាហ្វេក្បែរកន្លែងកើតហេតុ ។

កាលពីថ្ងៃទី២២ ខែកក្កដា ខ្មាន់កាំភ្លើងរូបនេះបានដើរចូលក្នុងមណ្ឌលថែទាំមនុស្សចាស់ក្នុងទីក្រុង Daruvar ដ៏សែនស្ងប់ស្ងាត់ ស្ថិតនៅភាគកណ្តាលប្រទេសក្រូអាស៊ី ។ បន្ទាប់មក ខ្មាន់កាំភ្លើងក៏ចាប់ផ្តើមបាញ់រះសំដៅទៅមនុស្សចាស់ៗក្នុងមណ្ឌល ដែលបណ្តាលឱ្យមនុស្សស្លាប់យ៉ាងហោចណាស់ ៦នាក់ និងរងរបួស៦នាក់ ហើយភាគច្រើនមានអាយុ៩០ឆ្នាំ ។

លោកស្រី និខូឡា មិលិណា ស្នងការប៉ូលិសនៅប្រទេសក្រូអាស៊ី និយាយថា មនុស្សចាស់៥នាក់បានស្លាប់ភ្លាមៗ ហើយមនុស្សចាស់ម្នាក់ទៀតបានស្លាប់នៅមន្ទីរពេទ្យ ។ រីឯជនល្មើសធ្លាប់មានប្រវត្តិជួបសមត្ថកិច្ចពីមុនមក និងធ្លាប់ជាសមាជិករបស់អង្គភាពប៉ូលិសផងដែរ ។ ជនល្មើសបានកាន់កាប់កាំភ្លើងខុសច្បាប់ និងរត់គេចខ្លួនក្រោយពីបង្កហេតុរួច ប៉ុន្តែសមត្ថកិច្ចតាមចាប់ខ្លួនជនល្មើសបាននៅហាងកាហ្វេក្បែរកន្លែងកើតហេតុ ។

លោកស្រី និខូឡា បន្តទៀតថា មនុស្សស្លាប់ចំនួន៥នាក់នោះ គឺពួកគេស្នាក់នៅក្នុងមណ្ឌលថែទាំមនុស្សចាស់ រីឯម្នាក់ទៀតជាបុគ្គលិករបស់មណ្ឌល ។ ប៉ុន្តែសមត្ថកិច្ចពុំដឹងថា ហេតុអ្វីទើបជនល្មើសប្រព្រឹត្តបែបនេះទេ ។

ស្ថានីយទូរទស្សន៍ក្នុងស្រុក N1 របស់ប្រទេសក្រូអាស៊ីរាយការណ៍ថា បុរសជនល្មើសមានអាយុប្រមាណ៥១ឆ្នាំ ធ្លាប់ធ្វើជាសមត្ថកិច្ច និងបានចូលរួមការប្រកាសឯករាជ្យរបស់ក្រូអាស៊ី ចាប់ពីឆ្នាំ១៩៩១ ដល់ឆ្នាំ១៩៩៥ ។ លើសពីនេះ សាកសពម្នាក់ក្នុងចំណោមសាកសពទាំងអស់ដែលស្លាប់ក្នុងការបាញ់ប្រហារនេះ គឺជាម្តាយបង្កើតរបស់ជនល្មើស ។ ម្តាយជនល្មើសបានមកស្នាក់នៅក្នុងមណ្ឌលថែទាំមនុស្សចាស់ អស់រយៈពេល១០ឆ្នាំហើយ ។

លោក សាឡាត់កូ ស៊ូតូកា ជាពលរដ្ឋរស់នៅទីក្រុង Daruvar បាននិយាយមកកាន់ប្រព័ន្ធផ្សព្វផ្សាយ Nova TV ថា លោកស្គាល់ជនល្មើសរូបនេះតាំងពីសម័យសង្គ្រាមមកម៉្លេះ ។ អ្នកផ្សេងទៀតប្រាប់ថា ជនល្មើសជាមនុស្សឆេវឆាវខ្លាំងណាស់ ថែមទាំងញៀនស្រាទៀតផង ។

ការបាញ់ក្នុងមណ្ឌលថែទាំមនុស្សចាស់នេះបណ្តាលឱ្យមានការតក់ស្លុត និងសោកសៅពេញទីក្រុង Daruvar ដែលជាទីក្រុងតូចមួយក្នុងតំបន់ស្លាវ៉ូនៀ និងមានពលរដ្ឋរស់នៅប្រមាណ៨.៥០០នាក់ ។ ពលរដ្ឋជាច្រើននាក់បានមកប្រមូលផ្តុំគ្នានៅមណ្ឌលថែទាំមនុស្សចាស់ ដើម្បីរង់ចាំស្តាប់ព័ត៌មានពីសាច់ញាតិរបស់ពួកគេដែលស្នាក់នៅទីនេះ ៕

ពស់គឺជាប្រភេទសត្វល្មូនដ៏កាចសាហាវបំផុតមួយ ដោយសារតែពិសរបស់វាអាចសម្លាប់មនុស្សបានរាប់រយ រាប់ពាន់នាក់ឯណោះ។ ហើយពស់ដែលត្រូវបានគេចាត់ទុកថាមានពិសច្រើនជាងគេបំផុតក្នុងលោកនោះគឺជាពស់ដែលរស់នៅក្នុងប្រទេសអូស្ត្រាលី។ នេះបើយោងតាម Live Science កាលពីថ្ងៃទី ១៨ ខែកក្កដា ឆ្នាំ២០២៤ បានឱ្យដឹងថា សត្វពស់ដែលចាប់បាននៅប្រទេសអូស្ត្រាលីបានបំបែកឯតទគ្គកម្មពិភពលោកសម្រាប់ការផ្តល់ពិសច្រើនបំផុតក្នុងមួយក្បាល ដោយវាបានបញ្ចេញពិសច្រើនជាង ៥.២ ក្រាម ស្មើនឹងបីដងច្រើនជាងកម្រិតមធ្យមនៃពស់ក្នុងប្រទេសផ្សេងទៀត និងគ្រប់គ្រាន់ដើម្បីសម្លាប់មនុស្សបានរហូតដល់ ៤០០ នាក់។ ដូច្នេះពស់អូស្ត្រាលីមួយក្បាលអាចសម្លាប់មនុស្សបានរហូតដល់ ៤០០ នាក់ឯណោះ។

បើយោងតាមអ្នកថែទាំសត្វនៅសួនសត្វល្មូនអូស្ត្រាលី ដែលជាសួនសត្វមានចម្ងាយ ៥០ គីឡូម៉ែត្រ ភាគខាងជើងនៃទីក្រុងស៊ីដនី ក្នុងរដ្ឋ New South Wales ក៏បានឱ្យដឹងដែរថា សត្វពស់ដែលមានដើមកំណើតមកពីប្រទេសអូស្ត្រាលីភាគច្រើនសុទ្ធតែជាប្រភេទពស់ពិសដែលមួយក្បាលអាចសម្លាប់មនុស្សបានរាប់រយ រាប់ពាន់នាក់ឯណោះ។ នេះត្រូវបានគេចាត់ទុកថា ពស់អូស្ត្រាលីគឺជាពស់ដ៏គ្រោះថ្នាក់បំផុតលើលោក បើធៀបនឹងសត្វពស់ក្នុងប្រទេសផ្សេងទៀតគឺមិនសូវមានពិសខ្លាំងក្លាដូចពស់អូស្ត្រាលីនោះទេ។ ជាការពិតឱ្យតែជាប្រភេទសត្វពស់សុទ្ធតែមានពិសកាចសាហាវទាំងអស់ គ្រាន់តែពស់ខ្លះមានពិសតិច ហើយពស់ខ្លះទៀតក៏គ្មានពិសដែរ ប៉ុន្តែប្រសិនបើអ្នកទៅប្រទេសអូស្ត្រាលីប្រទះឃើញពស់ដោយចៃដន្យ សូមចាកចេញឱ្យឆ្ងាយតាមដែលអាចធ្វើបាន។

លោក Billy Collett អ្នកគ្រប់គ្រងប្រតិបត្តិការនៅឧទ្យានសត្វល្មូនអូស្ត្រាលី បាននិយាយថា សត្វពស់ដែលគ្រោះថ្នាក់បំផុតនៅលើផែនដីគឺជាសត្វពស់ដែលស្ថិតនៅឆ្នេរសមុទ្រ។ ពួកវាមានដើមកំណើតនៅតំបន់ឆ្នេរភាគខាងជើង និងភាគខាងកើតនៃប្រទេសអូស្ត្រាលី ដែលជាធម្មតាមានប្រវែង ២ ម៉ែត្រ ហើយរាងកាយរបស់វាមានពណ៌ខុសគ្នាពីពណ៌លឿងទៅក្រហមត្នោត និងប្រផេះទៅខ្មៅ។ លោក Collett ក៏បានបន្តទៀតថា សត្វពស់នៅតាមឆ្នេរសមុទ្រច្រើនតែមានចរិតឆេវឆាវ បណ្តាលឱ្យមនុស្សជាច្រើននាក់បាត់បង់ជីវិតដោយសារពស់ចឹកជារៀងរាល់ឆ្នាំ។

ហេតុនេះក្នុងមួយឆ្នាំៗប្រទេសអូស្ត្រាលីមានករណីពស់ចឹកប្រហែល ៣០០០ ករណីក្នុងនោះមានការសម្រាកព្យាបាលនៅមន្ទីរពេទ្យចំនួន ៥០០ នាក់ និងជាមធ្យមមានមនុស្សស្លាប់ ២ នាក់។ យោងតាមគម្រោង Australian Snakebite Project សត្វពស់តាមឆ្នេរសមុទ្របានខាំមនុស្សចំនួន ៣១ នាក់នៅចន្លោះឆ្នាំ ២០០៥ ដល់ ២០១៥ ទោះបីជាពួកគេមិនបណ្តាលឱ្យស្លាប់ក៏ដោយ ក៏បណ្តាលឱ្យរងរបួសធ្ងន់ធ្ងរ ឬពិការជាដើម៕

ប្រទេសថៃ ៖ កាលពីថ្ងៃទី២២ ខែកក្កដា ឆ្នាំ២០២៤ សារព័ត៌មានថៃរាយការណ៍ថា ខេត្តបុរីរាំ ប្រទេសថៃ (មានព្រំប្រទល់ជាប់ជាមួយខេត្តឧត្តរមានជ័យ ប្រទេសកម្ពុជា) បានកើតគ្រោះរញ្ជួយដីជាលើកដំបូង ។ ហេតុការណ៍នេះធ្វើឱ្យពលរដ្ឋរស់នៅក្បែរតំបន់ភ្ញាក់ផ្អើលយ៉ាងខ្លាំង និងភ័យខ្លាចផងដែរ ពីព្រោះវាជាលើកដំបូងក្នុងប្រវត្តិសាស្ត្រ ដែលមានគ្រោះរញ្ជួយដីនៅខេត្តនេះ ។

ពលរដ្ឋរស់នៅតំបន់ជាច្រើនក្នុងខេត្តបុរីរាំភ្ញាក់ផ្អើលយ៉ាងខ្លាំង ក្រោយពីភ្នាក់ងារឃ្លាំមើលគ្រោះរញ្ជួយដីរាយការណ៍ថា កើតគ្រោះរញ្ជួយដីនៅឃុំហ៊ិនខូន ស្រុកឡាំប្លាយម៉ាស ស្មើនឹងកម្រិត២.៩រិចទ័រ និងមានជម្រៅ១គីឡូម៉ែត្រ ។ ក្រោយមក អាជ្ញាធរមូលដ្ឋានបានចុះត្រួតពិនិត្យនៅតំបន់រញ្ជួយដីឃើញថា វាជាវាលស្រែ និងពុំប៉ះពាល់សំណង់អគារអ្វីទេ ។ អ្នកភូមិម្នាក់និយាយថា វាជាលើកដំបូងក្នុងប្រវត្តិសាស្ត្រ ដែលមានរញ្ជួយដីកើតឡើងនៅខេត្តបុរីរាំ ។

ភ្នាក់ងារឃ្លាំមើលគ្រោះរញ្ជួយដីបានរាយការណ៍កាលពីថ្ងៃទី២២ ខែកក្កដា ថា មានគ្រោះរញ្ជួយដីកើតឡើងក្នុងតំបន់របស់ប្រទេសថៃ និងប្រទេសជិតខាង ស្មើប្រមាណ២០តំបន់ រួមមាន ៖ ប្រទេសមីយ៉ាន់ម៉ា, វៀតណាម និងឆ្នេរសមុទ្រភាគខាងលិចនៃប្រជុំកោះស៊ូម៉ាត្រាខាងជើង ប្រទេសឥណ្ឌូណេស៊ី ។ រីឯគ្រោះរញ្ជួយដីនៅប្រទេសថៃ រួមមាន ៖ ខេត្តឡាំប៉ាង, ឈៀងម៉ៃ, ផាយ៉ៅ, តាក និងឈៀងរ៉ាយ ។ គេចាត់ទុកថា នេះជាហេតុការណ៍ធម្មតា ដែលភាគខាងជើងប្រទេសថៃបានកើតគ្រោះរញ្ជួយដីជាញឹកញាប់ ។

ប៉ុន្តែភ្នាក់ងារឃ្លាំមើលគ្រោះរញ្ជួយដីបញ្ជាក់ថា គ្រោះរញ្ជួយដី ក៏បានកើតឡើងនៅឃុំហ៊ិនខូន ស្រុកឡាំប្លាយម៉ាស ខេត្តបុរីរាំ ផងដែរ ដែលស្មើនឹងកម្រិត២.៩រិចទ័រ និងមានជម្រៅ១គីឡូម៉ែត្រ ។ ហេតុការណ៍នេះធ្វើឱ្យពលរដ្ឋរស់នៅខេត្តបុរីរាំ ចាប់អារម្មណ៍យ៉ាងខ្លាំង ពីព្រោះខេត្តនេះពុំធ្លាប់មានគ្រោះរញ្ជួយដីពីមុនមកទេ ។

លោក Pongrapee Rakpra ជាមេឃុំហ៊ិនខូន ស្រុកឡាំប្លាយម៉ាស ខេត្តបុរីរាំ និយាយថា រញ្ជួយដីបានកើតឡើងនៅតំបន់វាលស្រែ ស្ថិតក្នុងភូមិទី៨ ឃុំហ៊ិនខូន ស្រុកឡាំប្លាយម៉ាស ហើយនៅចំណុចនេះ គ្មានផ្ទះសម្បែងពលរដ្ឋ ឬសំណង់អ្វីឡើយ ។

លោកមេឃុំបន្តថា បើតាមការសាកសួរពលរដ្ឋឃើញថា គ្មានអ្វីខូចខាតទេ ហើយក៏គ្មានអ្នកណាម្នាក់ដឹងថា កើតរញ្ជួយដីនៅវាលស្រែដែរ ។ ប៉ុន្តែវាជារឿងថ្មីប្លែក ដែលពុំធ្លាប់កើតឡើងនៅខេត្តបុរីរាំ ។ រីឯមូលហេតុធ្វើឱ្យពលរដ្ឋរស់នៅក្បែរនេះភ្ញាក់ផ្អើលនោះ ដោយសារមានការផ្សព្វផ្សាយព័ត៌មានពីភ្នាក់ងារឃ្លាំមើលគ្រោះរញ្ជួយដី ៕