ថ្មីៗមកនេះមានសិល្បការិនីជាច្រើនបានបង្ហាញខ្លួនក្នុងឈុតស្បៃខ្មែរជាហេតុធ្វើឱ្យអ្នកលេងបណ្តាញសង្គមថៃមួយចំនួនបញ្ចេញមតិប្រតិកម្មយ៉ាងខ្លាំងក្លា។ ក្នុងចំណោមនោះបវរកញ្ញា លីវ ជីលី ក៏បានបង្ហាញពីឈុតស្បៃខ្មែរដូចគ្នាដែលបណ្តាលឱ្យបណ្តាញសង្គមរបស់នាងប្រមូលផ្តុំដោយការបញ្ចេញមតិមិនល្អពីអ្នកជនជាតិថៃ។

មកចោទម្ចាស់ដើមនិងទាមទាររកភស្តុតាង លីវ ជីលី ផ្តាំទៅកាន់ប្រទេសថៃថា«Sending to Thailand ចាំខ្ញុំមានអំណះអំណាងប្រាប់ពួកអ្នកឯង អំពីឈុតខ្មែរតាមសម័យកាលនីមួយៗ ជាពិសេសក្នុងពិធីរៀបការសម្លៀកបំពាក់ខ្មែរគឺស្លៀកទៅតាមកម្មវិធីនីមួយៗ ច្បាស់ៗគ្រាន់តែអ្នកមិនមានធនធានគាត់ធ្វើទៅតាមលទ្ធភាព»។

Miss Supranational Cambodia 2023 បន្តទៀតថា «ពួកអ្នកឯងជាចោរស្រាប់ចឹងតែងតែចង់បានភស្តុតាង ចង់បានដើម្បីអ្វី ដូចទឹកដី អ្នកប្រាជ្ញ អក្សរសាស្រ្ត ប្រាសាទនានា អ្នកឯងលួចទៅហើយ មិនគ្រប់គ្រាន់ទៀតហី? ហេតុអីមកចោទម្ចាស់ដើមទៅវិញ ខ្ញុំពិតជាសង្វែកណាស់ ស្បៃអ្នកឯងហ្នឹងមាននៅឆ្នាំណាដែរ? រួមទាំងប្រទេសអ្នកឯងកកើតនៅឆ្នាំណា មានភស្តុតាងអីខ្លះបញ្ជាក់ផង»។

ការបង្ហោះសំណេរខាងលើនេះរបស់ លីវ ជីលី បានធ្វើឱ្យអ្នកគាំទ្របង្ហាញការយល់ស្របដោយលើកឡើងថាហត់នឹងពន្យល់ទៅកាន់ប្រជាជនថៃមួយចំនួនដែលពុំទទួលស្គាល់ការពិតទាក់ទងនឹងស្បៃខ្មែរ ដោយជនជាតិថៃនៅប្រកាន់គោលជំហរជារបស់ខ្លួន។ ជាមួយគ្នានេះគេសង្កេតឃើញថា អ្នកលេងបណ្តាញសង្គមថៃក៏សម្រុកចូលមកបញ្ចេញមតិមិនល្អដាក់ លីវ ជីលី ដដែលបើទោះបីជានាងខំពន្យល់ និងអះអាងពីភាពត្រឹមត្រូវនៃការវិវត្តន៍របស់ស្បៃខ្មែរយ៉ាងណាក៏ដោយ៕

នាពេលថ្មីៗនេះតារាសម្តែង Tian Xiwei បានបង្ហាញខ្លួននៅក្នុងការផ្សាយផ្ទាល់មួយក្នុងស្ទីលដ៏ទាក់ទាញជាមួយនឹងរូបរាងសមសួន។ ទោះបីជាឈុតនេះទាក់ទាញចិត្តយ៉ាងណាក៏ដោយតារាស្រីរូបនេះត្រូវបញ្ឈប់ការ Live ភ្លាមៗប្រហែលជា២០នាទីដោយសារតែឈុតនេះវាតឹងខ្លាំងពេកដែលធ្វើឱ្យនាងពិបាកដកដង្ហើម។

ដោយមានកម្ពស់ប្រហែល ១.៦៨ម៉ែត្រ និងទម្ងន់ ៤៦គីឡូក្រាម រ៉ូបតឹងណែនរបស់ Tian Xiwei ធ្វើឱ្យនាងពិបាកដកដង្ហើម ដែលធ្វើឱ្យអ្នកទស្សនាជាច្រើនមានអារម្មណ៍ថប់ដង្ហើមជំនួសនាង។ លើសពីនេះ ការផ្សាយត្រូវបានរំខានដោយសារតែការរំលោភលើច្បាប់របស់វេទិកាទាក់ទងនឹងការស្លៀកពាក់ដែលបង្ហាញឱ្យឃើញដើមទ្រូង។ បន្ទាប់មកនាងត្រូវប្រើសញ្ញាមួយដើម្បីបិទបាំងទ្រូងរបស់នាង ដើម្បីបន្តការផ្សាយផ្ទាល់។ ហេតុការណ៍នេះបានបង្កឱ្យមានភាពចម្រូងចម្រាសជាច្រើនជុំវិញការរៀបចំរបស់ក្រុមការងារ ចាប់ពីការជ្រើសរើសទំហំសំលៀកបំពាក់រហូតដល់ការវាយតម្លៃការអនុលោមតាមបទប្បញ្ញត្តិត្រួតពិនិត្យខ្លឹមសារ។

បន្ទាប់ពីហេតុការណ៍នេះបានក្លាយជាប្រធានបទដ៏ពេញនិយម មនុស្សជាច្រើនបានសម្តែងការអាណិតអាសូរចំពោះ Tian Xiwei ដែលរក្សាបាននូវវិជ្ជាជីវៈរបស់នាង ខណៈពេលកំពុងផ្សាយផ្ទាល់ទោះបីជាមានការលំបាកក៏ដោយ។ ហេតុការណ៍នេះក៏ឆ្លុះបញ្ចាំងពីសម្ពាធទាក់ទងនឹងស្តង់ដាររូបភាពរាងកាយនៅក្នុងឧស្សាហកម្មកម្សាន្តផងដែរ ដែលគំនិតដែលថា ស្គមជាងមុន កាន់តែស្អាត នៅតែកើតមាន។ មនុស្សជាច្រើនអះអាងថា ផាសុកភាព និងសុវត្ថិភាពរបស់សិល្បករមិនគួរត្រូវបានលះបង់ដើម្បីទាក់ទាញទស្សនិកជនតាមអ៊ីនធឺណិតនោះទេ។

គូសបញ្ជាក់ថា ថ្មីៗនេះអាជីពរបស់ Tian Xiwei បានកើនឡើងយ៉ាងខ្លាំងដោយសារតែតួនាទីជាតួឯកស្រីនៅក្នុងរឿងភាគប្រវត្តិសាស្ត្រ «Pursuit of Jade» ។ ចាប់តាំងពីការចាក់បញ្ចាំងលើកដំបូងនៅថ្ងៃទី ៦ ខែមីនា ឆ្នាំ២០២៦ រឿងភាគនេះមិនត្រឹមតែទទួលបានចំណាត់ថ្នាក់ខ្ពស់បំផុតប៉ុណ្ណោះទេ ថែមទាំងបានធ្វើឱ្យតារាសម្តែងស្រីដែលកើតនៅឆ្នាំ ១៩៩៧ រូបនេះ ក្លាយជាឈ្មោះដែលត្រូវបានគេនិយាយច្រើនបំផុតនៅលើវេទិកាប្រព័ន្ធផ្សព្វផ្សាយសង្គមចិន ដោយបានពង្រឹងតំណែងរបស់នាងនៅក្នុងឧស្សាហកម្មកម្សាន្ត៕

អ្នកចម្រៀងរ៉េបចំណូលថ្មី Ranngo បានបង្ហោះនៅលើបណ្តាញសង្គមផ្លូវការរបស់ខ្លួនប្រហែលជាដើរចេញពីវិថីសិល្បៈដោយមានបំណងរស់នៅក្នុងជីវិតសាមញ្ញវិញ។ មូលហេតុនៃការចង់ចាកចេញនេះ Ranngo បង្ហើបថារូបគេហត់នឿយ។

វេលាម៉ោងជិត២រំលងអធ្រាត្រឈានចូលថ្ងៃទី១ ខែមេសា តារាចម្រៀង Ranngo ជើងខ្លាំងក្នុងកម្មវិធី Rapper Fighter រដូវកាលទី១ បានបង្ហោះនៅលើបណ្តាញសង្គមហ្វេកប៊ុកថា «សូមទោសដែលត្រូវនិយាយពាក្យនេះ… អាជីពអ្នកសិល្បៈរបស់ខ្ញុំប្រហែលជាត្រូវបញ្ចប់ត្រឹមនេះហើយ។ បទដែលចេញមុននេះ គឺជាបទចុងក្រោយដែលបងប្អូនបានឃើញខ្ញុំ។ ខ្ញុំហត់នឿយ ហើយចង់ទៅរស់នៅជីវិតសាមញ្ញវិញ។ អរគុណសម្រាប់ការស្រលាញ់កន្លងមក លាហើយអ្នកទាំងអស់គ្នា… »។

ការប្រកាសរបស់ Ranngo បានធ្វើឱ្យមនុស្សជាច្រើនភ្ញាក់ផ្អើល។ អ្នកនាង កាកា អូស្ត្រាលី បានចូលទៅបញ្ចេញមតិយោបល់លើកទឹកចិត្តតារារ៉េបរូបនេះថា «ជឿបងទៅអាប្អូនជីវិតឯងនៅក្មេងប៉ុណ្ណឹងឯងមិនទាន់បានរស់ទេ ប្អូនត្រូវតែស៊ូហើយចាំមើលបន្តិចទៀតពេលប្អូនយំចេញទឹកភ្នែកខ្លាំងដោយឯងៗ។អាហ្នឹងហើយដែលគេហៅរស់»។ ទោះយ៉ាងណា អ្នកគាំទ្រខ្លះបានបង្ហាញថាសម្តីរបស់ Ranngo អាចគ្រាន់តែការនិយាយលេងសើចប៉ុណ្ណោះពីព្រោះថ្ងៃទី១ មេសា ត្រូវបានមនុស្សមួយចំនួនដឹងថាជាទិវាបុណ្យកុហក(April Fools’ Day)។

គួរឱ្យដឹងថាមុននឹង Ranngo ប្រកាសចង់ចាកចេញពីវិថីសិល្បៈនេះកន្លងមក អូជី ហ្គូលឌិន ដែលជាម្ចាស់ពាននិងជាមិត្តរួមជំនាន់ជាមួយនឹង Ranngo ក៏ប្រកាសនឹងដើរចេញពីវិថីសិល្បៈដូចគ្នាក្រោមហេតុផលថាទទួលបានការរើសអើងនិងការមើលងាយពីអ្នកល្បីឈ្មោះ។ យ៉ាងណាមិញ ប្រកាសដើរចេញមិនទាន់បានប៉ុន្មានផងស្រាប់តែ អូជី ប្រកាសថានឹងបន្តដំណើរលើអាជីពនេះទៀតខណៈអ្នកមួយចំនួនបានបញ្ចេញមតិរិះគន់ដាក់ម្ចាស់ពានរូបនេះ៕