សេចក្តីប្រកាសព័ត៌មានទាក់ទងនឹងការរកឃើញសម្បុកក្រពើភ្នំ សរុបចំនួន៥ នៅឯឧទ្យានជាតិជួរភ្នំក្រវាញ ហើយក៏បានភ្ញាស់ពងដោយជោគជ័យចំនួន ៦០ ពងកាលពីពេលថ្មីនេះ ក៏ទទួលបានការចាប់អាម្មណ៍ព្រោងព្រាតពីសំណាក់មហាជន ល្បីរន្ទឺដល់ក្រៅប្រទេស មានសារព័ត៌មានអន្តរជាតិធំៗជាច្រើនចុះផ្សាយជាហូរហែរ ក្នុងនោះគឺរួមមានសារព័ត៌មាន CNN, BBC, 1New, Xinhua ជាដើម។

សារព័ត៌មានដ៏ល្បីមួយរបស់សហរដ្ឋអាមេរិកគឺ CNN បានចុះផ្សាយថា ពងក្រពើភ្នំចំនួន ៦០ ពង បានភ្ញាស់នៅជួរភ្នំក្រវាញនៃប្រទេសកម្ពុជា ជាក្តីសង្ឃឹមនាពេលអនាគតកាលចំពោះសត្វដែលជិតផុតពូជប្រភេទនេះ ខណៈវាក៏ជាព្រឹត្តិការណ៍បង្កាត់ពូជដ៏ធំបំផុតដែលត្រូវបានកត់ត្រាទុកជាប្រវត្តិសាស្រ្តក្នុងសតវត្សនេះផងដែរ។

គួរបញ្ជាក់ផងដែរថា កាលពីខែឧសភាកន្លងទៅនេះ ពងក្រពើភ្នំ ចំនួន ៥ សំបុក មានពងសរុបចំនួន ១០៦គ្រាប់ ត្រូវាបានគេរកឃើញនៅឯឧទ្យានជាតិជួរភ្នំក្រវ៉ាញ ក្នុងនោះពងដែលមានលទ្ធភាពបង្កកំណើតមានចំនួន៦៦គ្រាប់។ សំបុកទាំងនោះត្រូវបានយាមការយ៉ាងម៉ត់ចត់ពីមន្ត្រីឧទ្យានុរក្ស និងសំណាក់សហគមន៍ មូលដ្ឋាន។ ជាលទ្ធផលកូនក្រពើភ្នំសរុបចំនួន ៦០ក្បាល ត្រូវញាស់ចេញពីសំបុកដោយជោគជ័យក្នុង ចន្លោះថ្ងៃទី២៧ ដល់ថ្ងៃទី៣០ ខែមិថុនា ឆ្នាំ២០២៤។ ការរកឃើញនេះបានបង្ហាញថា តំបន់នេះគឺជាជម្រក ដ៏សំខាន់សម្រាប់សត្វក្រពើធម្មជាតិ និងបានផ្តល់ជាក្តីសង្ឃឹមដល់ការកើនឡើងនៃប្រភេទសត្វនេះនៅក្នុងធម្មជាតិ។

យ៉ាងណាមិញ សត្វក្រពើភ្នំ គឺជាប្រភេទសត្វជិតផុតពូជបំផុតនៅក្នុងធម្មជាតិ ហើយមានចំនួន ប្រមាណជាង ១០០០ក្បាលប៉ុណ្ណោះនៅលើពិភពលោក ក្នុងនោះកម្ពុជាដែលត្រូវចាត់ទុកថាមានវត្តមាន សត្វក្រពើភ្នំច្រើនជាងលើលើពិភពលោកប្រមាណជាង ៣០០ក្បាល៕

ពណ៌នៃរថយន្តគឺជារឿងមួយដ៏សំខាន់ ព្រោះវាក៏អាចទាក់ទាញចិត្តបក្សីឱ្យមកបន្ទោបង់នៅលើរថយន្តយើងផងដែរ។ លាមកបក្សី ទោះបីជាបញ្ហាតូចមួយក៏ដោយ ក៏វាអាចបង្កឱ្យមានភាពតានតឹង និងរំខានដល់ម្ចាស់រថយន្ត ព្រោះក្រៅពីធ្វើឱ្យរថយន្តមើលទៅកខ្វក់ ក៏អាចបណ្តាលឱ្យខូចខាតដល់ថ្នាំលាបរថយន្តផងដែរ។ ហេតុនេះប្រសិនបើអ្នកមិនចង់ឱ្យរថយន្តប្រឡាក់លាមកបក្សីញឹកញាប់ សូមកុំទិញឡានពណ៌ទាំងនេះឱ្យសោះ។

បើយោងតាម Hal fords ដែលជាអ្នកចែកចាយគ្រឿងបរិក្ខាររថយន្តដ៏ល្បីល្បាញរបស់ចក្រភពអង់គ្លេស បានបង្ហាញពីលទ្ធផលនៃការស្ទង់មតិលើអ្នកប្រើប្រាស់រថយន្តចំនួន ១,១៤០ នាក់ បានរកឃើញថា រថយន្តពណ៌ “ក្រហម” ភាគច្រើនគឺមានឱកាសខ្ពស់បំផុតក្នុងការបន្សល់ទុកនូវស្នាមប្រឡាក់ពីលាមកសត្វ និងពិបាកក្នុងការលាងសម្អាតណាស់។ បន្ទាប់មកគឺរថយន្ត “ពណ៌ខៀវ” និង “ពណ៌ខ្មៅ” ស្ថិតនៅលំដាប់ទី ២ ទី ៣ រៀងគ្នា ដោយវាមានឱកាសខ្ពស់បំផុតនៃការប្រឡាក់។

ជាការពិតណាស់ បក្សីនឹងជ្រើសរើសបន្ទោបង់លើឡានដែលទើបតែលាងថ្មីៗ នេះគឺដោយសារតែពួកវាអាចមើលឃើញពីពន្លឺដ៏ភ្លឺចែងចាំងរបស់រថយន្ត។ ដូច្នេះស្រមោលងងឹតនៃពណ៌រថយន្តដូចជា ខ្មៅ ក្រហម ខៀវ គឺជាពណ៌បង្កើនការឆ្លុះបញ្ចាំង និងធ្វើឱ្យក្រុមបក្សីមើលឃើញកាន់តែច្បាស់ ជាជាងឡានពណ៌ស។ ហេតុនេះវាមានឱកាសច្រើនដើម្បីទម្លាក់លាមកមកលើឡានពណ៌ទាំងនេះ។ ទោះជាយ៉ាងណាក៏ដោយ រថយន្តមិនមែនស្ថិតតែលើពណ៌តែមួយប៉ុណ្ណោះទេ វាក៏ទាក់ទងអំពីទីតាំងដែលម្ចាស់រថយន្តចតផងដែរ ជាពិសេសនៅក្រោមដើមឈើ ដំបូល ឬបន្ទះឈើជាដើម។

ការស្ទាបស្ទង់មតិក៏បានរៀបរាប់ពីវិធីសម្អាតកាកសំណល់សត្វស្លាបនៅលើតួរថយន្តដែរ ដោយមានតែ ១៧% បាននិយាយថា ពួកគេបានលាងរថយន្តចេញ នៅពេលឃើញកាកសំណល់របស់សត្វស្លាបភ្លាមៗ ហើយ ២០% បាននិយាយថាពួកគេនឹងលាងចេញក្នុងរយៈពេល ២-៣ ថ្ងៃ។ Autoglym ដែលជាម៉ាកយីហោដ៏ល្បីមួយរបស់ក្រុមហ៊ុនផលិតប៉ូលារថយន្តបានបញ្ជាក់ថា មូលហេតុដែលថ្នាំលាបរថយន្តនឹងត្រូវខូចខាតដោយសារលាមកបក្សី គឺដោយសារតែដំណក់ទឹករបស់បក្សីមានសារធាតុគីមីខ្ពស់ ដែលធ្វើឱ្យទឹកថ្នាំលាបរថយន្តចុះខ្សោយ ហេតុនេះអ្នកគួរទុកដាក់រថយន្តឱ្យមានរបៀប និងទិញរថយន្តត្រូវមើលពណ៌ផង៕

Stefano Ricci ជាយីហោប្រេនល្បីឈ្មោះមួយរបស់អ៊ីតាលី ទៅលើម៉ូតសម្លៀកបំពាក់បុរសដ៏ប្រណិត ដែលមានសាខានៅជុំវិញពិភពលោក ខណៈនៅកម្ពុជា ហាងប្រេនមួយនេះកំពុងតែលេចវត្តមាននៅឯអគារវឌ្ឍនៈ ចំកណ្តាលទីក្រុងភ្នំពេញ។ យ៉ាងណាមិញ ថ្មីៗនេះ ស្តតពាណិជ្ជកម្មប្រម៉ូតពីសម្លៀកបំពាក់របស់ក្រុមហ៊ុននេះ បានប្រព្រឹត្តិទៅនៅលើទឹកដីនៃប្រទេសកម្ពុជា ដែលបង្ហាញពីសម្បត្តិវប្បធម៌អរិយធម៌ដ៏ចំណាស់និងធនធានធម្មជាតិដ៏សម្បូរបែប ក៏ទទួលបាននូវការចាប់អារម្មណ៍ជុំវិញពិភពលោក។

កាលពីថ្ងៃទី១២ ខែមិថុនា យោងតាមការបង្ហោះនៅលើគេទំព័រផ្លូវការរបស់ក្រុមហ៊ុន Stefano Ricci បានបញ្ចេញនូវវីដេអូស្តតពាណិជ្ជកម្មរបស់ខ្លួន ដែលមានរយៈពេលប្រមាណនឹង ១នាទី ក្រៅតែពីបានបង្ហាញម៉ូតសម្លៀកបំពាក់ប្រណិតខ្លួនលើទឹកដីអច្ឆរិយៈមួយនេះហើយ ក៏បានជួយប្រម៉ូតពីគោលដៅទេសចរណ៍ល្បីៗ ក្នុងប្រទេសកម្ពុជាផងដែរ។

តាមរយៈវីដេអូខ្លី តែបង្កប់នូវអត្ថន័យជ្រាលជ្រៅ បានបង្ហាញវត្តមានរបស់លោក FilLippo Ricci ជានាយកច្នៃប្រឌិតរបស់ហាង Stefano Ricci ស្ថិតនៅលើទឹកដីនៃប្រទេសកម្ពុជាដោយផ្ទាល់។ ស្តតពាណិជ្ជកម្មនោះ បានសង្កត់ធ្ងន់ទៅលើ ២ ចំណុច គឺទាំងសម្លៀកបំពាក់បុរសដ៏ប្រណិត និងប្រទេសកម្ពុជាដែលជាដែនដីអច្ឆរិយៈ។

គាត់បានរៀបរាប់ថា «កម្ពុជាគឺជាទឹកដីនៃដំណើរផ្សងព្រេងដ៏អស្ចារ្យ ជាទឹកដីដ៏ចំណាស់ មានសម្បត្តិវប្បធម៌និងអរិយធម៌ដ៏សម្បូរបែប។ នៅកម្ពុជា ទឹកគឺជាប្រភពដ៏សំខាន់សម្រាប់គ្រប់ជីវិតទាំងមនុស្ស សត្វនិងរុក្ខជាតិ តួយ៉ាងគឺទន្លេសាបនិងទន្លេមេគង្គ។ ស្ថាបត្យកម្មប្រាសាទថ្មដ៏រឹងមាំ គង់វង់និងយូរអង្វែង ដូចជាប្រាសាទបាយ័ន ប្រាសាទព្រះខាន់ ប្រាសាទតាព្រហ្មជាដើម ដែលបានឆ្លុះបញ្ចាំងពីបុព្វបុរសខ្មែរជំនាន់ដើមដ៏មានកិត្យានុភាព»។

«កម្ពុជាជាប្រភពនៃធនធានធម្មជាតិនិងសត្វព្រៃ ៖ កន្លែងដែលគាត់បានប្រទះឃើញសំណង់បុរាណទាំងនោះ ភាគច្រើនជាដែនជម្រកនៃសត្វព្រៃ ព្រមជាមួយនឹងទេសភាពព្រៃប្រឹក្សាដ៏ខៀវស្រងាត់ផងដែរ ដូចជាឧទ្យានជាតិភ្នំគូលែនជាដើម។ ម៉្យាងវិញទៀត នៅកម្ពុជា ជីវិតនៃការរស់របស់ប្រជាពលរដ្ឋគឺ ឆ្លុះបញ្ចាំងពីវប្បធម៌ និងទំនៀមទម្លាប់សាសនា ខណៈព្រះពុទ្ធសាសនាគឺជាសាសនារបស់រដ្ឋ ក៏ដូចជាបន្សល់ទុកនូវព្រលឹងជាតិខ្មែរ ដូចជារបាំអប្សរាជាដើម»។

តាមរយៈវីដេអូនេះ មហាជនខ្មែរជាច្រើនក៏បានចូលទៅបញ្ចេញមតិថ្លែងអរគុណព្រោងព្រាត ក៏ដូចជាជនបរទេសមកពីបណ្តាប្រទេសផ្សេងៗបានធ្វើកោតសរសើរ ស្ងប់ស្ងែងពីភាពអស្ចារ្យរបស់កម្ពុជា និងចង់មកទស្សនាប្រទេសនេះដោយផ្ទាល់ទៀតផង។

គួរបញ្ជាក់ដែរថា Stefano Ricci គឺជាក្រុមហ៊ុនដែលបង្កើតឡើងដោយគ្រួសារឯកជនមួយនៃប្រទេសអ៊ីតាលី តាំងពីឆ្នាំ ១៩៧២ និងទទួលបាននូវភាពល្បីល្បាញរបស់មកដល់បច្ចុប្បន្ន។ ម៉ាកយីហោមួយនេះ គឺផ្តោតសំខាន់ទៅលើសម្លៀកបំពាក់ និងសម្ភារៈប្រើប្រាស់ប្រណិតៗរបស់បុរស រួមមាន ខោ អាវ ខ្សែក ខ្សែក្រវ៉ាក់ ទឹកអប់ នាឡិកាជាដើមផងដែរ៕

ថ្មីៗនេះ ឯកឧត្ដម ឧត្តមសេនីយ៍ឯកបម្រុង លឿង តាមក្វាង រដ្ឋមន្រ្តីក្រសួងនគរបាលវៀតណាម បានយល់ព្រមតាមសំណើររបស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ ដោយសុំលេីកលែងទោស និងដោះលែងពលរដ្ឋខ្មែរចំនួន០២នាក់ ដែលបានបើកទូកទេសចរណ៍ដឹកភ្ញៀវស្ទូចត្រី ឆ្លងចូលដែនសមុទ្រវៀតណាម ឲ្យវិលត្រឡប់ចូលមកប្រទេសកម្ពុជាវិញ។

យោងតាមជំនួប និងកិច្ចសហប្រតិបត្តិការរវាងប្រទេសទាំងពីរ ភាគីវៀតណាមបានយល់ព្រម លេីកលែងទោស និងបានដោះលែងប្រជាពលដ្ឋខ្មែរ ២រូបខាងលេីបានបញ្ជូនវិលត្រឡប់មកប្រទេសវិញ នៅយប់ថ្ងៃទី១៨ ខែកក្កដា ឆ្នាំ២០២៤នេះហេីយតាម ច្រកទ្វារព្រំដែនអន្តរជាតិព្រែកចាក ខេត្តកំពត ប្រទេសកម្ពុជា។

គួរបញ្ជាក់ថា ប្រជាពលរដ្ឋកម្ពុជា ០២រូប ខាងលេីត្រូវបានអាជ្ញាធរវៀតណាមឃាត់ខ្លួន កាលពីថ្ងៃទី២១ ខែមេសា ឆ្នាំ២០២៤ ដែលបានបើកទូកទេសចរណ៍ដឹកភ្ញៀវស្ទូចត្រី ឆ្លងចូលដែនសមុទ្រវៀតណាម៕