Karina មេក្រុមរបស់ aespa តែងតែធ្វើឱ្យទស្សនិកជនចាប់អារម្មណ៍រាល់ពេលបង្ហាញខ្លួនម្តងៗដោយសារតែភាពស្រស់ស្អាតទឹកមុខមានមន្តស្នេហ៍របស់នាង។ ទោះជាយ៉ាងណាក៏ដោយ Karina ក៏បានធ្វើឱ្យអ្នកគាំទ្រ «ថប់ដង្ហើម» ជាច្រើនដងផងដែរដោយសារតែសំលៀកបំពាក់របស់នាងជួបប្រទះបញ្ហាញឹកញាប់ជាងគេក្នុងក្រុមខណៈថ្មីៗនេះបានជួបប្រទះបញ្ហាម្តងទៀតដែលនាំឱ្យអ្នកគាំទ្ររិះគន់ផលិតកម្ម SM យ៉ាងចាស់ដៃនិងស្នើឱ្យប្តូរក្រុមអ្នកច្នៃម៉ូតរៀបចំសំលៀកបំពាក់។

ក្នុងអំឡុងពេលការប្រគំតន្ត្រីនៅប្រទេសជប៉ុនសម្លៀកបំពាក់របស់ Karina បានរហែកពេលកំពុងសម្តែងបទ «Trick or Treat» ។ តារាស្រីរូបនេះព្យាយាមកាន់អាវរបស់ខ្លួនការពារកុំឱ្យរបូតខណៈនៅបន្តការរាំ។រូបភាពនៃរ៉ូបរហែករបស់ Karina នៅប្រទេសជប៉ុនបានល្បីពេញបណ្ដាញសង្គមអាស៊ី។ គ្រប់គ្នាបានបង្ហាញការអាណិត Karina ដែលត្រូវសម្ដែងក្នុងស្ថានភាពអាម៉ាស់ និងតានតឹងបែបនេះដោយសារការស្លៀកពាក់របស់នាង។ នេះមិនមែនជាលើកទីមួយទេ ដែល Karina ជួបប្រទះបញ្ហាសំលៀកបំពាក់ហើយនាងស្ទើរតែប្រឈមមុខនឹងរបូតខែអាវក្នុងដោយសារតែសម្លៀកបំពាក់មិនមានសុវត្ថិភាព។

មិនត្រឹមតែប៉ុណ្ណឹងទេ Karina ត្រូវសម្ដែងក្នុងសម្លៀកបំពាក់រឹងរឹបខ្លាំងពេក ដែលបណ្ដាលឱ្យមានរបួសស្បែក។ ដោយសារចលនាដៃយ៉ាងខ្លាំងក្នុងក្បាច់រាំ ខ្សែដៃអាវខាងក្នុងបណ្តាលឱ្យមានស្នាមរបួសលើស្បែក។ ថ្វីដ្បិតតែនាងមិនបានបង្ហាញអារម្មណ៍ឈឺចាប់ក៏ដោយ ប៉ុន្តែស្នាមរបួសដែលអាចមើលឃើញនៅលើឆាកគឺគ្រប់គ្រាន់ធ្វើឱ្យអ្នកគាំទ្រខូចចិត្ត។

គួរឱ្យកត់សម្គាល់ថា មានករណីមួយដែលគេប្រទះឃើញម្ជុលជាប់អាវពេលសម្ដែងរបស់នាង។ ក្នុងអំឡុងពេលរាំ Karina មិនអាចជៀសវាងហានិភ័យនៃការចាក់ម្ជុលទេ។ លើសពីនេះ Karina ធ្លាប់បានសម្តែងជាមួយស្បែកជើងដែលហើបជ័រកាវម្ខាង។ ការសម្តែងជាញឹកញាប់របស់ Karina នៅក្នុងសម្លៀកបំពាក់ដែលមានបញ្ហាគំរាមកំហែងដល់សុវត្ថិភាពរបស់នាងនៅលើឆាក។ រាល់ពេលដែលមានបញ្ហាកើតឡើងរូបនាងដោះស្រាយវាប្រកបដោយវិជ្ជាជីវៈ ជៀសវាងស្ថានភាពអកុសល។

ការពិតដែលថា Karina បានប្រឈមមុខនឹងបញ្ហាបិះរបូតខ្សែអាវម្តងហើយម្តងទៀតបានធ្វើឱ្យអ្នកគាំទ្រខឹងសម្បារ ធ្វើឱ្យក្រុម stylist របស់ SM ប្រឈមមុខនឹងការខឹងសម្បារយ៉ាងខ្លាំងពីអ្នកគាំទ្រ។ នៅលើប្រព័ន្ធផ្សព្វផ្សាយសង្គម អ្នកគាំទ្រកំពុងមាននិន្នាការទាមទារឱ្យ SM យកចិត្តទុកដាក់ចំពោះសិល្បកររបស់ពួកគេ និងជាពិសេសដើម្បីកែប្រែក្រុមអ្នករចនាម៉ូតឡើងវិញ៕

អាល់ប៊ុមទោលដំបូងរបស់ Jisoo មានចំណងជើងថា «ME» បានបង្កើតប្រវត្តិសាស្ត្រជាលើកដំបូងដោយបានក្លាយជាអាល់ប៊ុមតារាចម្រៀងស្រីកូរ៉េម្នាក់ដែលមានការចាក់ស្តាប់លើស១ពាន់លានដងលើ YouTube Music ។ កំណត់ត្រាថ្មីនឹងពង្រឹង Jisoo ជាតារាចម្រៀងដ៏មានថាមពលនៅក្នុង K-pop ។ អាល់ប៊ុមនេះមានចំនួនពីរបទគឺ Flower និង All Eyes On Me ។

អាល់ប៊ុមទោលដំបូងរបស់ JISOO មានចំណងជើងថា «ME» កំពុងតែធ្វើឱ្យមានការភ្ញាក់ផ្អើលយ៉ាងខ្លាំងឧស្សាហកម្មតន្ត្រីជាមួយនឹងការទទួលស្វាគមន៍ដ៏អស្ចារ្យពីអ្នកគាំទ្រទូទាំងពិភពលោក។ អាល់ប៊ុមនេះមិនត្រឹមតែបានទាក់ទាញបេះដូងរបស់អ្នកស្តាប់ ប៉ុន្តែបានបង្កើតកំណត់ត្រាដែលមិនធ្លាប់មានពីមុនមក ខណៈអ្នកគាំទ្ររង់ចាំយ៉ាងអន្ទះសារ ដើម្បីមើលថាតើនាងនឹងធ្វើអ្វីសម្រេចបន្ទាប់។

អាល់ប៊ុមនេះក៏បានក្លាយជាអាល់ប៊ុមដែលមានអ្នកចូលស្តាប់ច្រើនបំផុតដោយតារាចម្រៀងស្រីកូរ៉េនិងបានយកឈ្នះតារាចម្រៀង IU លើតារាង YouTube Music ដែលបានជំនួស Google Play Music ក្នុងឆ្នាំ ២០១៨ ដែលជាសេវាកម្មស្ទ្រីមតន្ត្រីចម្រុះដែលផ្តល់ឱ្យអ្នកប្រើចូលប្រើបទចម្រៀងផ្លូវការ អាល់ប៊ុម វីដេអូតន្ត្រី និងការហាត់រាំ និងលក្ខណៈទូលំទូលាយរបស់វាជាច្រើនទៀតដែលបានធ្វើឱ្យវាក្លាយជាជម្រើសដ៏ពេញនិយមសម្រាប់អ្នកចូលចិត្តតន្ត្រី។

ជាមួយគ្នានេះផងដែរគម្រោងទោលនាពេលខាងមុខ ជាពិសេសនៅពេលនាងចាប់ផ្តើមការងារដំណាក់កាលថ្មីក្នុងអាជីពរបស់នាងដោយគ្មាន YG អ្នកគាំទ្រក៏រង់ចាំតាមដានដូចគ្នាតើ Jisoo នឹងមានអ្វីដែលថ្មីសម្រាប់អ្នកគាំទ្របន្ទាប់ពីបង្ហាញដំរួចអាចនឹងចេញបទចម្រៀងក្នុងឆ្នាំនេះក្រោយពីការសម្តែងរឿង។
Jisoo បានចេញអាល់ប៊ុមទោលដំបូងក្រោមផលិតកម្ម YG កាលពីខែមីនា ឆ្នាំ២០២៣។
អាល់ប៊ុម Me របស់នាងបានឡើងដល់កំពូលនៃតារាងអាល់ប៊ុម Circle ដោយលក់បានជាង១លានបន្ទះក្នុងរយៈពេលពីរថ្ងៃ។ សមិទ្ធិផលនេះបានសម្គាល់ព្រឹត្តិការណ៍ប្រវត្តិសាស្ត្រដូចជាអាល់ប៊ុមលក់ដាច់បំផុតដោយតារាចម្រៀងស្រីនៅកូរ៉េខាងត្បូងការលក់លើសពីមួយលាន។

បទនាំមុខនៃអាល់ប៊ុមគឺ Flower បានឈានចូលតារាងធំៗ និងបានបង្កើតកំណត់ត្រាជាបទចម្រៀងដែលមានចំណាត់ថ្នាក់ខ្ពស់បំផុតដោយតារាចម្រៀងស្រី K-pop នៅប្រទេសកាណាដា និងចូលតារាងជាច្រើនទៀត។ នៅខែកុម្ភៈ ឆ្នាំ២០២៤ Jisoo បានបង្កើតក្រុមហ៊ុនផ្ទាល់ខ្លួនដែលមានឈ្មោះថា Blissoo សម្រាប់សកម្មភាពទោលរបស់នាង៕

សារព័ត៌មានក្នុងស្រុកបានរាយការណ៍ថាតារាសម្តែងស្រី Qiao Xin បានចុះសំបុត្រអាពាហ៍ពិពាហ៍ជាមួយកូនប្រុសរបស់មហាសេដ្ឋីអចលនទ្រព្យមកពីទីក្រុង Shenzhen ភាគអាគ្នេយ៍នៃប្រទេសចិន។ តារាស្រីរូបនេះកាលពីមុនមានពាក្យចចាមអារ៉ាមស្នេហាជាមួយនឹង YangYang។

យោងតាមប្រភពព័ត៌មានបានឱ្យដឹងថា តារាសម្តែង Qiao Xin និងអ្នកស្នងមរតកមហាសេដ្ឋីនេះត្រូវបានគេឃើញជាមួយគ្នានៅប្រាសាទ Kiyomizudera ក្នុងទីក្រុង Kyoto ដែលត្រូវបានគេជឿថាជាផ្នែកមួយនៃដំណើរកម្សាន្តរបស់ពួកគេទៅកាន់ប្រទេសជប៉ុន។ គូស្នេហ៍មួយគូនេះ ត្រូវបានគេចាត់ទុកថា ជាគូដ៏ល្អមួយ ទាក់ទងនឹងរូបរាង និងប្រវត្តិគ្រួសារ ព្រោះថាតារាសម្តែងស្រីរូបនេះត្រូវបានគេនិយាយថាមកពីគ្រួសារមានធនធានមានឪពុកម្តាយទាំងពីរ ជាសហគ្រិន។

ការលើកឡើងថានាងជាកូនស្រីអ្នកធូរធាព្រោះកន្លងមកគេបានប្រទះឃើញនាងទៅសាលារៀនដោយជិះរថយន្តទំនើប ហើយរស់នៅក្នុងវីឡាដ៏ប្រណីតមួយក្នុងទីក្រុងសៀងហៃ។ លើសពីនេះ តារាស្រីរូបនេះត្រូវបានគេរាយការណ៍ថាជាម្ចាស់វីឡាតម្លៃរាប់លានដុល្លារនៅប្រទេសកាណាដា និងរថយន្តទំនើបៗជាច្រើន។

ទន្ទឹមនឹងនេះដែរ គូស្នេហ៍របស់តារាសម្តែង Qiao Xin ត្រូវបានគេរៀបរាប់ថាមានរូបរាងសង្ហា និងកម្ពស់សមល្មម។ លោកត្រូវបានគេរាយការណ៍ថាបានបញ្ចប់ការសិក្សាពីសកលវិទ្យាល័យអន្តរជាតិដ៏ល្បីមួយ ហើយចូលចិត្តធ្វើខ្លួនសាមញ្ញៗ។ រហូតមកដល់ពេលនេះ មានពាក្យចចាមអារ៉ាមជាច្រើនអំពីទំនាក់ទំនងថ្មីរបស់ Qiao Xin ប៉ុន្តែមិនទាន់មានការឆ្លើយតបណាមួយពីនាងផ្ទាល់ ឬស្ទូឌីយ៉ូនោះទេថានាងមានទំនាក់ទំនងស្នេហាឬបានរៀបការរួចហើយ។

គួរបញ្ជាក់ថា តារាសម្តែង Qiao Xin មានអាយុ ៣១ ឆ្នាំគឺជាអតីតនិស្សិតនៃនាយកដ្ឋានសម្ដែង Central Academy of Drama ដ៏ល្បីល្បាញរបស់ប្រទេសចិន។ នាងទទួលបានការទទួលស្គាល់សម្រាប់តួនាទីក្នុងរឿងភាគទូរទស្សន៍មានចំណងជើងថា «Nirvana in Fire» ក្នុងឆ្នាំ ២០១៥៕