របៀបធ្វើម៉ាសបិទមុខនៅផ្ទះងាយៗ អស់លុយតិច ជួយឱ្យមុខសស្អាតបែបធម្មជាតិ

July 23, 2024

ស្ត្រីគ្រប់រូបតែងប្រាថ្នាចង់បានស្បែកមុខសភ្លឺថ្លា ម៉ត់រលោងគ្មានមុន គ្មានស្នាម ប៉ុន្តែបើចង់បានបែបនេះត្រូវចំណាយលុយរៀងច្រើនបន្តិចដើម្បីទិញផលិតផល។ ទោះជាយ៉ាងណាប្រសិនបើអ្នកមិនចង់ខ្ជះខ្ជាយលុយទេ តែចង់បានស្បែកមុខស្អាតដូចតារា យើងសូមណែនាំរបៀបធ្វើម៉ាសបិទមុខនៅផ្ទះងាយៗដូចខាងក្រោម ដែលជួយឱ្យអ្នកចំណាយលុយតិច ហើយបានមុខសស្អាតបែបធម្មជាតិ។

១.ធ្វើរបាំងមុខដោយទឹកក្រូចឆ្មារ៖ ដឹងទេថាក្រូចឆ្មារក៏អាចបង្កើតរបាំងមុខបានដែរ ដោយសារវាមានផ្ទុកសារធាតុអាស៊ីត និងវីតាមីន C ជួយបង្រួមរន្ធញើស សម្អាតស្បែក ការពារ និងទប់ស្កាត់ការកកើតមុន។ របៀបធ្វើ៖ ច្របាច់ទឹកក្រូចឆ្មារស្រស់ បន្ទាប់មកលាបលើផ្ទៃមុខ ឬកន្លែងដែលមានបញ្ហាមុន ទុកចោលប្រហែល ១៥ នាទីរួចលាងទឹកចេញជាការស្រេច ដោយអ្នកគួរអនុវត្តវិធីនេះតែពីរដងក្នុងមួយសប្តាហ៍បានហើយ មិនត្រូវអនុវត្តច្រើនពេកទេ ព្រោះវានឹងធ្វើឱ្យស្បែករបស់អ្នកខូច ប្រែជាស្តើង និងងាយរងការឡើងកំដៅថ្ងៃ។

២.ម្សៅរមៀត និងស៊ុតលឿង៖ ម្សៅរមៀតមានសារធាតុ curcumin ដែលមានប្រសិទ្ធិភាពប្រឆាំងនឹងបាក់តេរី ក៏ដូចជាប្រឆាំងនឹងការរលាក ដែលស័ក្តិសមបំផុតសម្រាប់ធ្វើរបាំងថែរក្សាស្បែក ជាពិសេសសម្រាប់ស្បែកដែលមានខ្លាញ់ និងងាយកើតមុន។ រីឯស៊ុតលឿងវិញគឺមានប្រូតេអ៊ីនច្រើនដែលផ្តល់សារធាតុចិញ្ចឹមដល់ស្បែក ជួយកែលម្អស្បែកស្ងួតមិនឱ្យប្រេះ។ ដូច្នេះការរួមផ្សំនៃម្សៅរមៀត និងស៊ុតមិនត្រឹមតែមានប្រសិទ្ធភាពព្យាបាលមុនប៉ុណ្ណោះទេ ថែមទាំងជួយឱ្យស្បែកមុខសភ្លឺថ្លា និងមានសំណើមទៀតផង។

របៀបធ្វើ៖ បំបែកស៊ុតមាន់មួយគ្រាប់ រួចដាក់ចូលក្នុងចានស្អាត ជាមួយនឹងម្សៅរមៀត ២ស្លាបព្រាបាយ រួចច្របល់ចូលគ្នាឱ្យសព្វ។ បន្ទាប់មកលាបល្បាយទាំងនេះនៅលើស្បែកមុខ ហើយទុកចោលប្រហែល ១៥ ទៅ ២០ នាទី រួចលាងទឹកធម្មតាចេញជាការស្រេច។ ដោយអនុវត្តម៉ាសនេះជាប្រចាំ ១-២ ដង/សប្តាហ៍ នឹងធ្វើឱ្យស្ថានភាពមុខរបស់អ្នកលែងមានស្នាមមុនជារៀងរហូត៕

ព្រឺសម្បុរខ្ញាក! ឃើញរូបភាពប្លែកៗក្នុងពិធីសែនអាហារឱ្យវិញ្ញា.ណ គ្មានសាច់ញាតិនៅថៃ

Lee Ek

July 23, 2024

ប្រទេសថៃ ៖ ហេតុការណ៍មួយធ្វើឱ្យមនុស្សគ្រប់គ្នាព្រឺសម្បុរខ្ញាក ក្រោយពីភ្នាក់ងារសង្គ្រោះស្យ៉ាម-រ៉ាក់យ៉ង ប្រទេសថៃ បានរៀបចំកម្មវិធីសែនម្ហូបអាហារ ព្រមទាំងបង្អែម និងផ្លែឈើជាច្រើនមុខទៅឱ្យព្រលឹងវិញ្ញា.ណ ជាច្រើនគ្មានសាច់ញាតិ នៅប៉ាឆាក្នុងវត្តឆាផាក់គូត ឃុំនិឃមផាត់តាណា ស្រុកនិឃមផាត់តាណា ខេត្តរ៉ាក់យ៉ង ។

ការរៀបចំតុម្ហូបអាហារក្នុងវត្តនេះ ដើម្បីសែនឱ្យវិញ្ញាណទាំងឡាយដែលគ្មានសាច់ញាតិ បានមកទទួលយកអាហារនៅថ្ងៃចូលវស្សា ។ លើសពីនេះ ក៏មានការរៀបចំកម្មវិធីបញ្ចាំងភាពយន្តខ្នាតធំនៅពេលយប់ផងដែរ ដើម្បីឱ្យវិញ្ញាណទាំងនេះបានមើលភាពយន្ត ។

លោក ជីតថាផាត ប៉េតផេក នាយកមូលនិធិស្យ៉ាមប្រចាំខេត្តរ៉ាក់យ៉ង និយាយថា នៅប៉ាឆាក្នុងវត្តឆាផាក់គូត គឺជាកន្លែងកប់សាកសពប្រមាណជា២០នាក់ ដែលមានសាច់ញាតិ និងគ្មានសាច់ញាតិ ព្រមទាំងមានសាកសពទារកស្លាប់ក្នុងផ្ទៃម្តាយ និងស្លាប់ក្រោយពេលសម្រាលផងដែរ ។ សាកសពកុមារ និងទារកភាគច្រើន ដែលគេយកមកកប់នៅទីនេះភាគច្រើន គឺម្តាយពួកគេពុំបានធ្វើបុណ្យឧទ្ទិសកុសលឱ្យទេ ហើយវាអាចធ្វើឱ្យវិញ្ញាញទារកឃ្លានខ្លាំង ពីព្រោះពុំទទួលបានអាហារ ។

ហេតុនេះ ទើបខាងមូលនិធិស្យ៉ាមប្រចាំខេត្តរ៉ាក់យ៉ង រៀបចំតុអាហារចំនួន៣០តុ ដើម្បីសែនឱ្យវិញ្ញាណអត់ឃ្លាន ក្នុងនោះមានម្ហូបអាហារជាច្រើនមុខ ព្រមទាំងបង្អែម និងផ្លែឈើផងដែរ ។ រីឯពេលយប់វិញ ក៏មានរៀបចំកម្មវិធីបញ្ចាំងភាពយន្តសម្រាប់ឱ្យវិញ្ញាញទាំងនេះមើល ។

ការរៀបចំម្ហូបអាហារជាច្រើនតុក្នុងវត្តឆាផាក់គូត បានធ្វើឱ្យពលរដ្ឋចាប់អារម្មណ៍មកចូលរួមកម្មវិធីនេះជាច្រើននាក់ ។ ប៉ុន្តែក្នុងអំឡុងពេលធ្វើពិធីអញ្ជើញព្រលឹងវិញ្ញាណទៅអង្គុយបរិភោគអាហារនៅតាមតុនីមួយៗឃើញថា អ្នកមកចូលរួមកម្មវិធីបានថតរូបជាប់វិញ្ញាណមកអង្គុយបរិភោគអាហារនៅតុ រហូតធ្វើឱ្យអ្នកឃើញរូបភាពនេះព្រឺសម្បុរខ្ញាកគ្រប់គ្នា ។

ចំណែកអ្នកមកចូលរួមកម្មវិធីខ្លះទៀតមានអារម្មណ៍រីករាយ ដែលពួកគេបានធ្វើបុណ្យឧទ្ទិសកុសលទៅឱ្យវិញ្ញាណគ្មានសាច់ញាតិ ។ ពួកគេនិយាយថា ការឃើញវិញ្ញាញបែបនេះបង្ហាញថា វិញ្ញាណបានមកចូលរួមកម្មវិធីតាមការអញ្ជើញ ៕

ជ.ម្លោះរុំារៃច្រើនឆ្នាំរវាងតារាចម្រៀង ម៉េង កែវពេជ្ជតា និង ចន ច័ន្ទលក្ខិណា ឈានដល់ផ្លូវបញ្ចប់

Lee Ek

July 23, 2024

ទីបំផុតជម្លោះក្តៅគគុកឈានដល់ប្រព័ន្ធផ្លូវច្បាប់និងតាំងចិត្តតតាំងដល់ទីបំផុតរវាងតារាចម្រៀងល្បីឈ្មោះអ្នកនាង ម៉េង កែវពេជ្ជតា និងជំទាវ ចន ច័ន្ទលក្ខិណា អតីតប្រធានសមាគមសិល្បករបានឈានដល់ផ្លូវបញ្ចប់។ ការជានារវាងសិល្បការិនីទាំងពីរដួងនេះគឺក្រោមការសម្របសម្រួលរបស់លោកជំទាវអ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរ។

ទស្សនិកជនជ្រាបមកហើយថាអ្នកនាង ម៉េង កែវពេជ្ជតា និងជំទាវ ចន ច័ន្ទលក្ខិណា មានជម្លោះរៃរុំាជាច្រើនឆ្នាំមកហើយទាំងផ្លែផ្កាពាក្យសម្តីនៅលើបណ្តាញសង្គមនិងចុងក្រោយជំទាវ ចន ច័ន្ទលក្ខិណា អតីតប្រធានសមាគមសិល្បករ សម្រេចចិត្តប្តឹងតារាចម្រៀង ម៉េង កែវពេជ្ជតាពីបទ «បរិហាកេរ្តិ៍ជាសាធារណ: ជេរប្រមាថជាសាធារណ: សម្លុតកុំឱ្យដាក់ពាក្យបណ្តឹង និងញុះញង់ឱ្យមានការរើសអើង»។ ជម្លោះអ្នកទាំងពីរដែលយកបណ្តាញសង្គមជាត្រីមុខ បង្ហោះសំណេរ ការ Live ឆ្លងឆ្លើយគ្នាទៅវិញទៅមកបានធ្វើឱ្យបណ្តាញសង្គមវឹកវរមិនតិចនោះទេកាលពីកន្លងមកនេះខណៈមហាជនប្រើប្រាស់បណ្តាញសង្គមមួយចំនួនបានបញ្ចេញមតិរិះគន់ដូចគ្នាព្រោះតែជាតារាល្បីឈ្មោះបែរជាបង្ហាញទង្វើបែបនេះទៅវិញក្នុងនាមជាមនុស្សរបស់មហាជន។

ទោះយ៉ាងណាជម្លោះដែលឈានដល់ប្រព័ន្ធតុលាការ ហើយសាមីខ្លួនមានការតាំងចិត្តខ្ពស់តតាំងគ្នាឱ្យដល់ទីបំផុតស្លាប់រស់ម្ខាងៗពេលនេះអាចផ្សះផ្សាក្រៅប្រព័ន្ធតុលាការបានហើយក្រោមការសម្របសម្រួលរបស់លោកជំទាវអ្នកឧកញ៉ា ម៉ៅ ចំណាន។

តាមការឱ្យដឹងពីផេកសមាគមសិល្បករខ្មែរ នាយប់ថ្ងៃទី២២ កក្កដា បានជម្រាបជូនសាធារណជនថាជម្លោះអ្នកទាំងពីរត្រូវបានផ្សះផ្សាជានាគ្នា១០០ភាគរយហើយភាគីទាំងពីរក៏បានព្រមព្រៀងគ្នា ចចារបញ្ចប់ជម្លោះដ៏តានតឹងទាំងប៉ុន្មាន និងងាកមកចាប់ដៃគ្នា ធ្វើការងារជាប្រយោជន៍ដើម្បីជាតិមាតុភូមិ ពិសេសការងារក្នុងវិស័យសិល្បៈដ៏ល្អផូរផង់របស់កម្ពុជា។ យោងទៅតាមកិច្ចព្រមព្រៀងបញ្ចប់រឿង ដែលធ្វើឡើងដោយលោកជំទាវមេធាវី ឈីវ ភិរម្យ ភរិយារបស់ឯកឧត្តម លី ច័ន្ទតុលា (ប្រធានគណៈមេធាវីនៃព្រះរាជាណាចក្រកម្ពុជា បច្ចុប្បន្ន) បានបញ្ជាក់ថា ចាប់ពីថ្ងៃនេះតទៅ ភាគីទាំងពីរយល់ព្រមបញ្ចប់ជម្លោះដោយផ្ទាល់ ឬប្រយោលណាមួយ ទាំងនៅលើបណ្តាញសង្គម ឬតាមមធ្យោបាយផ្សេងៗទៀត៕

ការប្រកាសគម្រោងត្រលប់មកវិញរបស់ BLACKPINK គ្រាន់តែជា «នុយ» ដើម្បីទីផ្សារហ៊ុនYGឬយ៉ាងណា?

Lee Ek

July 23, 2024

នៅយប់ថ្ងៃទី២១ ខែកក្កដា ផលិតកម្មYG Entertainment បានធ្វើឱ្យអ្នកគាំទ្រភ្ញាក់ផ្អើលដោយបានប្រកាសថា 2NE1 នឹងត្រលប់មកវិញជាផ្លូវការជាមួយនឹងការប្រគំតន្ត្រីនៅទីក្រុងសេអ៊ូល និងអូសាកា – តូក្យូ (ប្រទេសជប៉ុន) ។ លើសពីនេះ Yang Hyun Suk ដែលជាផលិតករប្រតិបត្តិរបស់ YG បានបង្ហាញនូវគម្រោងដ៏អស្ចារ្យជាច្រើនសម្រាប់ឆ្នាំ ២០២៥ ។ ក្នុងចំណោមនោះក៏មានការប្រកាសថា BLACKPINK នឹងត្រលប់មកវិញជាផ្លូវការជាមួយនឹងការប្រគំតន្ត្រីទេសចរណ៍ពិភពលោក។

ការប្រកាសរបស់ Yang Hyun Suk ថា BLACKPINK នឹងត្រលប់មកវិញក្នុងឆ្នាំ ២០២៥ជាមួយនឹងការប្រគំតន្ត្រីទេសចរណ៍ពិភពលោកភ្លាមៗបានបង្កឱ្យមានការភ្ញាក់ផ្អើលលើបណ្ដាញសង្គម។ នេះគឺដោយសារតែបន្ទាប់ពីបញ្ចប់ការប្រគំតន្ត្រីទេសចរណ៍ពិភពលោក BORN PINK នៅខែកញ្ញា ឆ្នាំ២០២៣ ហើយពេលនេះសមាជិកទាំងបួនមានក្រុមហ៊ុនផ្ទាល់ខ្លួន ធ្វើឱ្យការប្រកាសថា BLACKPINK នឹងត្រលប់មកវិញឆាប់ៗនេះហាក់ដូចជា «នឹកស្មានមិនដល់» សម្រាប់អ្នកគាំទ្រជាច្រើន។ នៅលើប្រព័ន្ធផ្សព្វផ្សាយសង្គម X មានការ tag ឈ្មោះក្រុមនេះស្វាគមន៍ការត្រលប់មកវិញរបស់ BLACKPINK បានក្លាយជានិន្នាការយ៉ាងឆាប់រហ័ស។ សហគមន៍អនឡាញអន្តរជាតិ និងអ្នកគាំទ្រ របស់ BLACKPINK មានការរំភើបយ៉ាងខ្លាំងចំពោះដំណឹងចុងក្រោយនេះដែលពួកគេត្រលប់មកវិញជាមួយសមាជិក ទាំង៤នាក់។

ទោះជាយ៉ាងណាក៏ដោយ អ្នកគាំទ្រ BLACKPINK ជាច្រើនមានការងឿងឆ្ងល់ចំពោះផែនការដែលហាក់ដូចជាមិនគួរឱ្យជឿរបស់ Yang Hyun Suk ។ យោងតាមការប្រកាសនេះ មិនត្រឹមតែ BLACKPINK ប៉ុណ្ណោះទេ ថែមទាំងក្រុម BABYMONSTER, TREASURE, AKMU និង 2NE1 ទាំងអស់សម្រាប់ដំណើរទេសចរណ៍ពិភពលោកនៅឆ្នាំ ២០២៥ ។ លើសពីនេះ ក្រុមថ្មីមួយទៀតដែលមានឈ្មោះថា «Next Monster» នឹងបង្ហាញខ្លួនជាលើកដំបូង។

ជាមួយនឹងបន្ទុកការងារដ៏ច្រើនសន្ធឹកសន្ធាប់បែបនេះ គំនិតរបស់ BLACKPINK នឹងត្រលប់មកវិញជាមួយនឹងដំណើរកម្សាន្តជុំវិញពិភពលោកបានធ្វើឱ្យមានការសង្ស័យថាព័ត៌មាននេះគ្រាន់តែជា «នុយ» ដើម្បីជួយឱ្យតម្លៃភាគហ៊ុនរបស់ YG ងើបឡើងវិញ ចំពេលមានការគំរាមកំហែងពីការក្ស័យធន។

គិតមកដល់ពេលនេះ ជាងកន្លះឆ្នាំបានកន្លងផុតទៅហើយ ខណៈដែលសមាជិកក្រុម BLACKPINK ទាំងបួននាក់មានក្រុមហ៊ុនផ្ទាល់ខ្លួន មានតែ Lisa ប៉ុណ្ណោះដែលបានត្រលប់មកវិញជាមួយ ROCKSTAR ។ នាងក៏បានបង្ហាញពីផែនការសម្រាប់អាល់ប៊ុមនៅឆ្នាំ២០២៤ផងដែរ។ ដូច្នេះហើយ នៅពាក់កណ្តាលឆ្នាំក្រោយនេះ សមាជិក BLACKPINK ទាំងអស់នឹងបន្តផ្តោតលើសកម្មភាពបុគ្គល និងវិនិយោគលើអាល់ប៊ុមទោល ដូចដែលបានសន្យាចំពោះអ្នកគាំទ្ររបស់ពួកគេ។

ដើម្បីអាចមានការប្រគំតន្ត្រីទេសចរណ៍ពិភពលោកនៅឆ្នាំ២០២៥ YG ត្រូវចេញអាល់ប៊ុមពេញមួយទៀតសម្រាប់ BLACKPINK។ នេះហាក់បីដូចជាចាំបាច់ ពីព្រោះក្រុមនេះមិនអាចអនុវត្តបញ្ជីដូចគ្នាពីការប្រគំតន្ត្រីទេសចរណ៍ពិភពលោក BORN PINK សម្រាប់ដំណើរកម្សាន្តបន្ទាប់របស់ពួកគេ។ ទោះជាយ៉ាងណាក៏ដោយ ជាមួយនឹងកាលវិភាគផ្ទាល់ខ្លួនដ៏មមាញឹករបស់ពួកគេ នេះគឺជាការប្រកួតប្រជែងដ៏សំខាន់សម្រាប់ទាំង YG និង BLACKPINK ។ ទាំងសមាជិកទាំងបួននាក់ និងក្រុមហ៊ុនគ្រប់គ្រងត្រូវរៀបចំកាលវិភាគរបស់ពួកគេឱ្យបានត្រឹមត្រូវ និងលះបង់ការខិតខំប្រឹងប្រែងពេញលេញរបស់ពួកគេចំពោះសកម្មភាពក្រុមនៅឆ្នាំ ២០២៥។ ដោយសារកិច្ចការដ៏លំបាកនេះ មនុស្សជាច្រើនកំពុងបង្ហាញការងឿងឆ្ងល់ ដោយជឿថា YG គ្រាន់តែជាការសន្យាទទេដើម្បីជំរុញតម្លៃភាគហ៊ុន ហើយនឹង គ្រាន់តែជឿវានៅពេលដែលផ្ទាំងរូបភាពត្រូវបានចេញផ្សាយ។

ការសង្ស័យរបស់អ្នកគាំទ្រ BLACKPINK ចំពោះការប្រកាសរបស់ YG គឺមិនមែនដោយគ្មានហេតុផលនោះទេ។ ក្នុងរយៈពេលប្រាំពីរឆ្នាំនៃសកម្មភាពរបស់ពួកគេនៅក្រោមក្រុមហ៊ុន BLACKPINK បានចេញអាល់ប៊ុមពេញចំនួន ២ អាល់ប៊ុមតូច 5 និងបទចម្រៀងកូរ៉េសរុបចំនួន ៣៣។ នេះជាចំនួនតិចណាស់បើធៀបនឹងក្រុមចម្រៀងស្រី K-pop លំដាប់កំពូលផ្សេង។ ចំនួនផលិតផលដែល YG បានផលិតសម្រាប់ BLACKPINK គឺពិតជាតិចណាស់។ ដូច្នេះហើយ ដោយ Jisoo, Jennie, Rosé និង Lisa សុទ្ធតែបង្កើតក្រុមហ៊ុនផ្ទាល់ខ្លួន ការនាំសមាជិកទាំងបួននាក់មករួមគ្នាសម្រាប់គម្រោងជាក្រុមគឺពិបាកជាងមួយពាន់ដង។ យ៉ាងណាក៏ដោយ សហគមន៍អ្នកគាំទ្ររបស់ BLACKPINK នៅតែទុកចិត្តនិងក្តីសង្ឃឹមលើការសន្យាដ៏រឹងមាំរបស់ Yang Hyun Suk។ ពួកគេសង្ឃឹមថា ការអវត្តមានរបស់ BLACKPINK និងតម្លៃភាគហ៊ុនរបស់ YG ធ្លាក់ចុះនោះ YG នឹងនាំក្រុមដ៏មានឥទ្ធិពលជុំវិញពិភពលោកត្រឡប់មកវិញតាមពេលវេលាដែលបានសន្យាហើយបង្កើតឱ្យមានគាំទ្រ «រញ្ជួយពេញពិភពលោក» នៅឆ្នាំ២០២៥៕

ពីលំដាប់រងកម្មវិធីបវរកញ្ញា ស្រី រតនៈពេជ្រនី ហក់ចូលវិស័យចម្រៀងវិញម្តង

Lee Ek

July 23, 2024

បេក្ខនារី ស្រី រតនៈពេជ្រនី បានធ្វើឱ្យទស្សនិកជនចាប់អារម្មណ៍មិនតិចនោះទេជាពិសេសអ្នកគាំទ្រវិស័យបវរកញ្ញាតែម្តងបន្ទាប់ពីឃើញនាងបានចូលរួមកម្មវិធីលំដាប់ថ្នាក់ពិភពលោក Cambodian Idol រដូវកាលទី៥។ មុននឹងបោះជំហានមកវិស័យចម្រៀងនេះ ពេជ្រនី គឺជាលំដាប់រងទី២ Miss Grand កំពង់ឆ្នាំង២០២៤ ដែលអាចបញ្ជាក់ថាបេក្ខភាពខេត្តដែលរៀបចំដោយកញ្ញា ខាត់ ស្រីច័ន្ទ ពិតជាមិនធម្មតាម្នាក់ជាម្ចាស់មកុដ ម្នាក់ទៀតជាប់លំដាប់រងទី៤ ខណៈម្នាក់ទៀតកំពុងសាងប្រជាប្រិយភាពលើផ្នែកចម្រៀង។

កម្មវិធីលំដាប់ថ្នាក់ពិភពលោក Cambodian Idol រដូវកាលទី៥ បានចាប់ផ្តើមសប្តាហ៍ដំបូងរបស់ខ្លួនហើយក្នុងវគ្គ « Judge Audition » ដោយមានបេក្ខជន បេក្ខនារីជាច្រើនរូបត្រលប់ទៅផ្ទះវិញទាំងជោគជ័យនិងមិនជោគជ័យ។ ក្នុងនោះដែរទស្សនិកជនជាពិសេសបណ្តាផេកអ្នកគាំទ្រវិស័យបវរកញ្ញាមានការចាប់អារម្មណ៍យ៉ាងខ្លាំងទៅលើបេក្ខនារីមួយរូបគឺ រតនៈពេជ្រនី ដែលជាបេក្ខភាពបវរកញ្ញាមួយរូបចូលប្រកួតក្នុងកម្មវិធីដ៏មានប្រជាប្រិយភាពរូបនេះ។

ពេជ្រនី បានតុបតែងខ្លួនយ៉ាងស្រស់ស្អាតគ្រាន់តែដើរចូលភ្លាមគណៈកម្មការសរសើរតែម្តងដោយបានរៀបរាប់ពីប្រវត្តិរូបខ្លះៗមុននឹងចូលប្រលងកម្មវិធីបវរកញ្ញារូបនាងក៏ធ្លាប់ជាអ្នកច្រៀងនៅតាម Pub ហើយទទួលរងនូវការ Bully ថាសំឡេងមិនកើតយកមកច្រៀងកើតដែរ។ ពេជ្រនី បានរៀបរាប់ថា ក្តីស្រមៃតាំងពីតូចគឺចង់ក្លាយជាអ្នកចម្រៀងម្នាក់ដែលមានការទទួលស្គាល់ពីមហាជនរហូតសម្រេចចិត្តឈានជើងប្រកួតប្រជែងផ្នែកចម្រៀងបន្ទាប់ពីបរាជ័យកម្មវិធីបវរកញ្ញា។ ក្រៅពីការដើរម៉ូត ច្រៀងបាន បេក្ខនារីរូបនេះមានសមត្ថភាពផ្សេងទៀតលើផ្នែកសិល្បៈ។

វគ្គដំបូងនេះ ស្រី រតនៈពេជ្រនី បានជ្រើសបទ «ស្រលាញ់បងដល់បេះដូងលែងលោត» ពីសំនៀងដើមអ្នកនាង ឱក សុគន្ធកញ្ញា ។ គណៈកម្មការបានផ្តល់យោបល់ផ្សេងៗជាមួយភាពខ្វះខាតចំណុចមួយចំនួនទៅកាន់បេក្ខនារីរូបនេះ។

អ្នកគាំទ្របានចាប់អារម្មណ៍ទៅលើការផ្តល់មតិយោបល់របស់អ្នកនាង ឱក សុគន្ធកញ្ញា ដូចគ្នាដោយបាននិយាយបៀបធៀបការចម្រៀងរបស់ ពេជ្រនី ដូចទៅនឹងការសរសេរអក្សរ នៅពេលណាសរសេរផ្ចិតផ្ចង់ទោះជាអក្សរយើងមិនស្អាតប៉ុន្តែធ្វើឱ្យការសរសេរហ្នឹងមើលឃើញថាធ្វើបានល្អ ខុសពីអ្នកដែលគេអក្សរស្អាតគេរាងខ្វែកបន្តិចក៏មើលឃើញស្អាត។ គណៈកម្មការរូបនេះលើកឡើងទៀតថា ពេជ្រនី មិនមែនជាអ្នកដែលមានសំឡេងមកល្អពីធម្មជាតិមកច្រើននោះទេ ប៉ុន្តែបានផ្ចិតផ្ចង់នឹងប្រុងប្រយ័ត្នចំណុចសំខាន់ៗនៅក្នុងបទចម្រៀង។

ជាលទ្ធផល ស្រី រតនៈពេជ្រនី ទទួលបាន yes4 ពីគណៈកម្មការដែលអាចបន្តទៅវគ្គក្រោយមកជាមួយការតាំងចិត្តខំប្រឹងឱ្យកាន់តែខ្លាំងថែមទៀតនៅវគ្គក្រោយ។ ការជាប់របស់ ពេជ្រនី កញ្ញា ខាត់ ស្រីច័ន្ទ ហៅ Kate ក៏បានបង្ហោះចូលរួមអបអរផងដែរ៕

បន្តិចទៀត! សម្តេចតេជោ នឹងថ្លែងសារពិសេសពាក់ព័ន្ធតំបន់អភិវឌ្ឍន៍ត្រីកោណ CLV (កម្ពុជា-ឡាវ-វៀតណាម)

Lee Ek

July 23, 2024

នៅរសៀលថ្ងៃអង្គារ ទី២៣ ខែកក្កដា ឆ្នាំ២០២៤នេះ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា នឹងអញ្ជើញថ្លែងសារពិសេសពាក់ព័ន្ធតំបន់អភិវឌ្ឍន៍ត្រីកោណ CLV (កម្ពុជា-ឡាវ-វៀតណាម)។

ការចេញថ្លែងសារពិសេសរបស់សម្តេចតេជោ ធ្វើឡើងក្រោយពីមានការជជែកគ្នាច្រើនលើបញ្ហានេះ ជាខ្លាំងនៅលើបណ្តាញសង្គម ខណៈមានគេហទំព័រខ្លះនៅលើបណ្តាញសង្គមបង្ហោះផ្ទុយខុសពីការពិត ដែលនាំឱ្យមានាការយលច្រឡំនៅក្នុងប្រទេស។

គួរបញ្ជាក់ថា តំបន់ត្រីកោណអភិវឌ្ឍន៍ CLV (កម្ពុជា-ឡាវ-វៀតណាម) បានបង្កើតឡើងនៅឆ្នាំ១៩៩៩ ដោយសម្តេចតេជោ ហ៊ុន សែន បានផ្តួចផ្តើមឡើង។

CLV ជាត្រីវិស័យនៃការនាំផ្លូវមួយ ដើម្បីប្រែក្លាយតំបន់ព្រំដែន ទៅជាតំបន់អភិវឌ្ឍន៍ និងសុខដុមនីយកម្ម នៃការតភ្ជាប់ប្រជាជន និងប្រជាជននៃប្រទេសទាំងបី នៅលើដងវិថីនៃសន្តិភាព សន្តិសហវិជ្ជមាន និងវិបុលភាពរួមគ្នា៕

ផ្ទុះការចាប់អារម្មណ៍! តាក់ស៊ីគ្មានមនុស្សបើក កំពុងដាក់ដំណើរការក្នុងប្រទេសចិន ខណៈក៏បានក្លាយជាប្រធានបទដ៏ក្តៅ.គគុកក្នុងចំណោមមហាជន

Lee Ek

July 23, 2024

ថ្មីៗនេះ វីដេអូចែកចាយពីបណ្តាញសង្គមចិន ហាក់បង្កឲ្យមានការភ្ញាក់ផ្អើលយ៉ាងខ្លាំងក្នុងចំណោមមនុស្សនៅទូទាំងពិភពលោក ស្របពេលដែលប្រទេសចិនបានដើរដល់ចំណុចថ្មីអស្ចារ្យមួយ ដាក់ដំណើរការតាក់ស៊ីគ្មានមនុស្សបើកដំបូងគេបង្អស់ និងកំពុងតែទទួលបាននូវភាពជោគជ័យជាបន្តបន្ទាប់។

យោងតាមការបញ្ជាក់ពីប្រភពសារព័ត៌មាន CNN បានឲ្យដឹងថា តាក់ស៊ីគ្មានមនុស្សបើក ដែលត្រូវបានគេស្គាល់ថាជា Robotaxis អាចអនុញ្ញាតិឲ្យលោកអ្នកធ្វើដំណើរបានក្នុងរយៈចម្ងាយ យ៉ាងហោចណាស់ ៩.៦ គីឡូម៉ែត្រ ដោយចំណាយប្រាក់តិចបំផុត ត្រឹមតែ ៥០ សេនប៉ុណ្ណោះ។

នៅក្នុងវីដេអូ ដែលបានដាក់បង្ហាញពីសកម្មភាពរបស់ក្មេងស្រីជនជាតិចិនម្នាក់បានទទួលសេវាតាក់ស៊ីគ្មានមនុស្សបើកនេះ ប្រកបដោយសុវត្ថិភាពនិងរហ័សទាន់ចិត្ត។ វីដេអូនោះក៏បានរីកសាយភាយយ៉ាងខ្លាំងនៅលើបណ្តាញសង្គមនិងមានអ្នកចូលទស្សនារហូតដល់ទៅរាប់សិបលានដងឯណ្ណោះ។ ក្មេងស្រីជនជាតិចិន បានដាក់បញ្ជាតាក់ស៊ីទំនើបនេះបានយ៉ាងមានភាពងាយស្រួល ខណៈតាក់ស៊ីក៏អាចដំណើរការបើកដោយស្វ័យប្រវត្តិនៅលើដងផ្លូវប្រៀបដូចទៅនឹងរថយន្តគេដទៃ ហើយនៅពេលឈប់ស្តុប(ចរាចរណ៍) វាក៏ឈប់ ឬបត់ឆ្វេងបត់ស្តាំ ទៅតាមគោលដៅនានា បានយ៉ាងឡូយផងដែរ។

ការបម្រើសេវាតាក់ស៊ីគ្មានអ្នកបើកនេះ បាននឹងកំពុងដាក់ដំណើរការនៅឯទីក្រុងវូហានប្រទេសចិន ស្របពេលដែលជនជាតិចិនជាច្រើន កំពុងតែបារម្ភអំពីបញ្ហាការបាត់បង់ការងារធ្វើ ប្រសិនបើរថយន្តតាក់ស៊ីនេះរីកសុះសាយកាន់តែខ្លាំងឡើង។ ម៉្យាងវិញទៀតដោយសារតែវាមានតម្លៃថោកខ្លាំងជាងតាក់ស៊ីជាទូទៅ(មានបើកបរ)ដទៃទៀត ដែលបង្កឲ្យមានការចាប់អារម្មណ៍ខ្លាំងពីអតិថជន។

យ៉ាងណាមិញ បើយោងតាមការសែត The People បានរាយការណ៍ថា តាក់ស៊ីគ្មានមនុស្សបើកប្រភេទនេះ បានបង្កនូវការកកស្ទះចរចរណ៍នៅក្នុងទីក្រុងវូហាន ព្រោះតែវាមិនបានគោរពភ្លើងសញ្ញាចរាចរនោះទេ។ បន្ថែមពីនេះ កាលពីដើមខែកក្កដា វាក៏បានបើកបុកអ្នកថ្មើរជើងម្នាក់នៅតាមដងផ្លូវផងដែរ ដែលបានបង្កឲ្យមានការព្រួយបារម្ភយ៉ាងខ្លាំងក្នុងចំណោមសារធារណៈជន។

គួរបញ្ជាក់ផងដែរថា រថយន្តគ្មានមនុស្សបើក គឺជាឧស្សាកម្មថ្មីស្រឡាងបំផុតមួយកំពុងតែប្រជែងគ្នារវាងមហាអំណាចពិភពលោក។ បច្ចុប្បន្ន វាគឺមានចំនួនតិចតួចណាស់ដែលបានដាក់ដំណើរការក្នុងទីក្រុងមួយចំនួនប៉ុណ្ណោះ ភាគច្រើនតែនៅសហរដ្ឋអាមេរិក ចិន ខណៈអារ៉ាប់រួមក៏កំពុងតែត្រៀមស្វាគមន៍រថយន្តគ្មានមនុស្សបើកនេះផងដែរ៕

មកស្គាល់កុលសម្ពន្ធ័មួយក្រុមដែលកាច.សា.ហាវ និងគ្រោះថ្នា.ក់បំផុតតើស្ថិតនៅឯណា?

Lee Ek

July 23, 2024

កុលសម្ព័ន្ធគឺជាក្រុមមនុស្សបុរាណដែលតែងតែរស់នៅក្នុងព្រៃ ឬតំបន់ណាមួយដែលនៅឆ្ងាយដាច់ស្រយាលពីគេឯង ដោយមនុស្សទាំងអស់នេះភាគច្រើនគឺមិនអើពើពីពិភពលោកដ៏ទំនើបខាងក្រៅឡើយ។ ពួកគេរស់នៅតាមរបៀបបុរាណ ដោយមិនមានអគ្គិសនីប្រើប្រាស់ដូចយើងសព្វថ្ងៃនោះទេ ពោលគឺត្រូវពឹងផ្អែកលើពន្លឺព្រះអាទិត្យ និងដុតភ្លើងនៅពេលយប់ ហើយជាទូទៅពួកគេគឺជឿលើអបិយជំនឿ និងមន្តអាគមណាស់។

ទោះបីជាបច្ចុប្បន្ននេះពិភពលោកយើងមានការអភិវឌ្ឍ និងជឿនលឿនប៉ុណ្ណាក៏ដោយ ក៏កុលសម្ព័ន្ធជាច្រើនក្រុមនៅតែរស់នៅក្នុងជីវិតសាមញ្ញៗ ខណៈកុលសម្ពន្ធ័ខ្លះក៏ស្វាគមន៍មនុស្សថ្មីៗជានិច្ច ហើយកុលសម្ពន្ធ័ខ្លះទៀត ក៏បានបាញ់ព្រួញ ឬសម្លាប់មនុស្សប្លែកៗដែលមិនមែនជាគ្នីគ្នារបស់គេ ហើយថែមទាំងស៊ីសាច់មនុស្សទៀតផង។ ដូច្នេះនៅក្នុងអត្ថបទនេះយើងនឹងនាំប្រិយមិត្តមកស្គាល់កុលសម្ពន្ធ័មួយក្រុមដែលត្រូវបានគេចាត់ទុកថា កាច.សា.ហាវ និងគ្រោះថ្នា.ក់បំផុតលើលោក។

កុលសម្ពន្ធ័ដែលកាច.សា.ហាវ និងគ្រោះថ្នា.ក់បំផុតក្នុងលោកនោះគឺកុលសម្ពន្ធ័ Sentinelese ដែលរស់នៅលើកោះ North Sentinel ជាកោះមួយក្នុងចំណោមកោះ Andaman និង Nicobar ក្នុងមហាសមុទ្រឥណ្ឌា។ Sentinelese គឺជាកុលសម្ព័ន្ធដែលបដិសេធទាំងស្រុងនូវរាល់ទំនាក់ទំនងជាមួយមនុស្សខាងក្រៅ នៅពេលមានមនុស្សខាងក្រៅចូលមកកោះនេះដោយខុសច្បាប់ ពួកគេនឹងបាញ់ធ្នូ ក៏ដូចជាយកកាំបិត ឬអាវុធស្រួចៗទៅចាក់មនុស្សខាងក្រៅទាំងនោះតែម្តង ដែលបណ្តាលឱ្យបាត់បង់ជីវិត ឬរងរបួសធ្ងន់ធ្ងរជាដើម។

ជាការពិតណាស់ កុលសម្ពន្ធ័មួយក្រុមនេះត្រូវបានគេចាត់ទុកថាជាកុលសម្ពន្ធ័គ្រោះថ្នា.ក់បំផុតមួយក្នុងលោក ដោយសារកាលពីឆ្នាំ២០១៨ ពួកគេបានព្រួតគ្នាសម្លា.ប់ YouTuber ដ៏ល្បីម្នាក់របស់អាមេរិកឈ្មោះ John Allen Chau អាយុ ២៦ ឆ្នាំនៅពេលលោកចូលមកកោះនេះដោយខុសច្បាប់ដើម្បីផ្សព្វផ្សាយសាសនា។ ហើយនៅឆ្នាំ ២០០៦ ក្រុមកុលសម្ពន្ធ័នេះក៏បានសម្លាប់ និងរំលោភបំពានទៅលើភ្ញៀវទេសចរស្រី ២,៣ នាក់ដែលបានមកលេងកោះនេះផងដែរ។ បើយោងតាមអ្នកស្រាវជ្រាវកុលសម្ពន្ធ័ Sentinelese ធ្លាប់បានសម្លាប់មនុស្សខាងក្រៅអស់ជាច្រើននាក់មកហើយ ក្នុងនោះក៏មានកុមារ និងមនុស្សចាស់ទៀតផង៕

ខ្មា.ន់កាំភ្លើ.ង បា.ញ់ រះនៅមណ្ឌលថែទាំមនុស្សចាស់បណ្តាលឱ្យស្លា.ប់ ទាំងម្តាយរបស់ខ្លួន

Lee Ek

July 23, 2024

ប្រទេសក្រូអាស៊ី ៖ នៅថ្ងៃទី២៣ ខែកក្កដា ឆ្នាំ២០២៤ សារព័ត៌មានបរទេសរាយការណ៍ថា ខ្មា.ន់កាំភ្លើ.ង ម្នាក់បានបា.ញ់ រះនៅមណ្ឌលថែទាំមនុស្សចាស់ ក្នុងទីក្រុង Daruvar ប្រទេសក្រូអាស៊ី ដែលបណ្តាលឱ្យមនុស្សស្លា.ប់ ចំនួន៦នាក់ ព្រមទាំងម្តាយរបស់ខ្លួនផងដែរ ។ ក្រោយមក សមត្ថកិច្ចក៏បានចាប់ខ្លួន ខ្មា.ន់កាំភ្លើ.ង ភ្លាមៗក្នុងហាងកាហ្វេក្បែរកន្លែងកើតហេតុ ។

កាលពីថ្ងៃទី២២ ខែកក្កដា ខ្មាន់កាំភ្លើងរូបនេះបានដើរចូលក្នុងមណ្ឌលថែទាំមនុស្សចាស់ក្នុងទីក្រុង Daruvar ដ៏សែនស្ងប់ស្ងាត់ ស្ថិតនៅភាគកណ្តាលប្រទេសក្រូអាស៊ី ។ បន្ទាប់មក ខ្មាន់កាំភ្លើងក៏ចាប់ផ្តើមបាញ់រះសំដៅទៅមនុស្សចាស់ៗក្នុងមណ្ឌល ដែលបណ្តាលឱ្យមនុស្សស្លាប់យ៉ាងហោចណាស់ ៦នាក់ និងរងរបួស៦នាក់ ហើយភាគច្រើនមានអាយុ៩០ឆ្នាំ ។

លោកស្រី និខូឡា មិលិណា ស្នងការប៉ូលិសនៅប្រទេសក្រូអាស៊ី និយាយថា មនុស្សចាស់៥នាក់បានស្លាប់ភ្លាមៗ ហើយមនុស្សចាស់ម្នាក់ទៀតបានស្លាប់នៅមន្ទីរពេទ្យ ។ រីឯជនល្មើសធ្លាប់មានប្រវត្តិជួបសមត្ថកិច្ចពីមុនមក និងធ្លាប់ជាសមាជិករបស់អង្គភាពប៉ូលិសផងដែរ ។ ជនល្មើសបានកាន់កាប់កាំភ្លើងខុសច្បាប់ និងរត់គេចខ្លួនក្រោយពីបង្កហេតុរួច ប៉ុន្តែសមត្ថកិច្ចតាមចាប់ខ្លួនជនល្មើសបាននៅហាងកាហ្វេក្បែរកន្លែងកើតហេតុ ។

លោកស្រី និខូឡា បន្តទៀតថា មនុស្សស្លាប់ចំនួន៥នាក់នោះ គឺពួកគេស្នាក់នៅក្នុងមណ្ឌលថែទាំមនុស្សចាស់ រីឯម្នាក់ទៀតជាបុគ្គលិករបស់មណ្ឌល ។ ប៉ុន្តែសមត្ថកិច្ចពុំដឹងថា ហេតុអ្វីទើបជនល្មើសប្រព្រឹត្តបែបនេះទេ ។

ស្ថានីយទូរទស្សន៍ក្នុងស្រុក N1 របស់ប្រទេសក្រូអាស៊ីរាយការណ៍ថា បុរសជនល្មើសមានអាយុប្រមាណ៥១ឆ្នាំ ធ្លាប់ធ្វើជាសមត្ថកិច្ច និងបានចូលរួមការប្រកាសឯករាជ្យរបស់ក្រូអាស៊ី ចាប់ពីឆ្នាំ១៩៩១ ដល់ឆ្នាំ១៩៩៥ ។ លើសពីនេះ សាកសពម្នាក់ក្នុងចំណោមសាកសពទាំងអស់ដែលស្លាប់ក្នុងការបាញ់ប្រហារនេះ គឺជាម្តាយបង្កើតរបស់ជនល្មើស ។ ម្តាយជនល្មើសបានមកស្នាក់នៅក្នុងមណ្ឌលថែទាំមនុស្សចាស់ អស់រយៈពេល១០ឆ្នាំហើយ ។

លោក សាឡាត់កូ ស៊ូតូកា ជាពលរដ្ឋរស់នៅទីក្រុង Daruvar បាននិយាយមកកាន់ប្រព័ន្ធផ្សព្វផ្សាយ Nova TV ថា លោកស្គាល់ជនល្មើសរូបនេះតាំងពីសម័យសង្គ្រាមមកម៉្លេះ ។ អ្នកផ្សេងទៀតប្រាប់ថា ជនល្មើសជាមនុស្សឆេវឆាវខ្លាំងណាស់ ថែមទាំងញៀនស្រាទៀតផង ។

ការបាញ់ក្នុងមណ្ឌលថែទាំមនុស្សចាស់នេះបណ្តាលឱ្យមានការតក់ស្លុត និងសោកសៅពេញទីក្រុង Daruvar ដែលជាទីក្រុងតូចមួយក្នុងតំបន់ស្លាវ៉ូនៀ និងមានពលរដ្ឋរស់នៅប្រមាណ៨.៥០០នាក់ ។ ពលរដ្ឋជាច្រើននាក់បានមកប្រមូលផ្តុំគ្នានៅមណ្ឌលថែទាំមនុស្សចាស់ ដើម្បីរង់ចាំស្តាប់ព័ត៌មានពីសាច់ញាតិរបស់ពួកគេដែលស្នាក់នៅទីនេះ ៕

Vietjet បានចុះកិច្ចព្រមព្រៀងជាមួយក្រុមហ៊ុន Airbus ទិញយន្តហោះ A330neo ចំនួន 20 គ្រឿង ដែលមានតម្លៃ 7.4 ពាន់លានដុល្លារអាមេរិកនៅក្នុងកម្មវិធី Farnborough Airshow

Lee Ek

July 23, 2024

ភ្នំពេញ ថ្ងៃទី ២៣ ខែកក្កដា ឆ្នាំ ២០២៤ – ក្រុមហ៊ុន Vietjet និងក្រុមហ៊ុន Airbus បានចុះហត្ថលេខាជាផ្លូវការលើកិច្ចសន្យាទិញយន្តហោះប្រភេទ A330neo (A330-900) ជំនាន់ថ្មីចំនួន ២០ គ្រឿង ដែលមានតម្លៃសរុបចំនួន ៧,៤ ពាន់លានដុល្លារអាមេរិក តាមតម្លៃបញ្ជីក្រុមហ៊ុនផលិតនៅក្នុងកម្មវិធី Farnborough International Airshow 2024។ ពិធីចុះហត្ថលេខាលើកិច្ចសន្យានេះ ត្រូវបានធ្វើឡើងក្រោមវត្តមានប្រធានក្រុមហ៊ុន Vietjet បណ្ឌិត Nguyen Thi Phuong Thao និងនាយកប្រតិបត្តិក្រុមហ៊ុន លោក Christian Scherer ក្រុមហ៊ុនអាកាសចរណ៍ Airbus នៃ Commercial Aircraft Business។

នេះជាកិច្ចព្រមព្រៀងដ៏ធំបំផុតមួយនៅក្នុងកម្មវិធី Airshow ក្នុងឆ្នាំនេះ។ យន្តហោះដែលបានបញ្ជាទិញថ្មីៗនេះ នឹងត្រូវដាក់ឱ្យដំំណើរការផ្តល់សេវាដឹកអ្នកដំណើរផ្លូវឆ្ងាយ ដែលកំពុងតែរីកចម្រើនរបស់ក្រុមហ៊ុន Vietjet ក៏ដូចជានៅលើផ្លូវហោះហើរដែលមានតម្រូវការខ្ពស់នៅក្នុងតំបន់។ យន្តហោះទាំងនោះ នឹងត្រូវបានដាក់ជំនួសយន្តហោះ A330-300 បច្ចុប្បន្នរបស់ក្រុមហ៊ុន Vietjet និងគាំទ្រផែនការយុទ្ធសាស្រ្តរបស់ក្រុមហ៊ុនអាកាសចរណ៍ក្នុងការពង្រីកបណ្តាញហោះហើរអន្តរទ្វីបរបស់ខ្លួន។

ប្រធានក្រុមហ៊ុន Vietjet លោកស្រី Dr. Nguyen Thi Phuong Thao បានកត់សម្គាល់នៅក្នុងពិធីចុះហត្ថលេខាថា៖ “យន្តហោះ A330neo ថ្មីនេះ នឹងត្រូវបានប្រើក្នុងយុទ្ធសាស្ត្រពង្រឹងការអភិវឌ្ឍន៍កងនាវាអាកាសចរណ៍របស់ Vietjet ជំរុញសមត្ថភាពប្រតិបត្តិការដឹកជញ្ជូនរបស់ក្រុមហ៊ុនអាកាសចរណ៍ ដែលវាក៏គាំទ្រដល់ការពង្រីកជាសកលរបស់ខ្លួនផងដែរ។ ការដាក់ឱ្យប្រើប្រាស់យន្តហោះ A330neo ទំនើប និងសន្សំសំចៃប្រេងទៅក្នុងកងនាវាអាកាសចរណ៍របស់ Vietjet គឺជាផ្នែកមួយនៃយុទ្ធសាស្ត្រអភិវឌ្ឍន៍ប្រកបដោយនិរន្តរភាព និងគោលដៅ ESG របស់យើង ដើម្បីកាត់បន្ថយការបំភាយឧស្ម័នឱ្យបានអព្យាក្រឹតកាបូននៅឆ្នាំ 2050។ អ្នកដំណើរនឹងរីករាយជាមួយការហោះហើរផ្លូវឆ្ងាយប្រកបដោយសុវត្ថិភាព និងទំនើបជាងមុន។ Airbus នឹងបានអនុញ្ញាតឱ្យក្រុមហ៊ុន Vietjet នាំមកនូវឱកាសហោះហើរប្រកបដោយប្រសិទ្ធភាពដល់អ្នកដំណើរជាង 200 លាននាក់ រួមទាំងការហោះហើរលើកដំបូងជាច្រើន ការតភ្ជាប់អ្នកដំណើរគ្រប់ជាតិសាសន៍ និងទ្វីបនានា ជំរុញការអភិវឌ្ឍន៍សេដ្ឋកិច្ច និងការផ្លាស់ប្តូរវប្បធម៌ទំវិញទៅមក។

លោក Benoît de Saint-Exupéry អនុប្រធានប្រតិបត្តិផ្នែកលក់ ក្រុមហ៊ុន Airbus Commercial Aircraft មានប្រសាសន៍ថា “យើងពិតជារីករាយណាស់ ដែលបានចុះកិច្ចសន្យាបញ្ជាទិញយន្តហោះ ជាមួយនឹងក្រុមហ៊ុនដឹកជញ្ជូនដែលរីកចម្រើនលឿនបំផុតមួយរបស់អាស៊ី។ “នេះ សបញ្ចាក់ពីសម្លេងគាំទ្រមួយដែលពោរពេញដោយទំនុកចិត្តលើខ្សែបណ្តាយយន្តហោះតួវែង Airbus ជំនាន់ចុងក្រោយរបស់យើងផងដែរ។ វាបង្ហាញពីភាពបត់បែន A330neo ដ៏អស្ចារ្យសម្រាប់អាជីវកម្មគំរូគ្រប់ប្រភេទ និងបណ្តាញទាំងក្នុងស្រុក និងក្នុងតំបន់រហូតដល់ផ្លូវឆ្ងាយៗផងដែរ។ កាប៊ីន Airspace ដ៏ល្អប្រណិតដែលទទួលបានពានរង្វាន់នេះ ធ្វើឱ្យក្រុមហ៊ុនអាកាសចរណ៍ផ្តល់បទពិសោធន៍ហោះហើរដ៏ល្អបំផុតសម្រាប់អ្នកដំណើរ ដែលជំរុញភាពបត់បែនយ៉ាងពេញលេញទៅនឹងគំរូអាជីវកម្មនីមួយៗ។ នេះ ជាទម្រង់អាជីវកម្មដ៏ល្អឥតខ្ចោះសម្រាប់ក្រុមហ៊ុនអាកាសចរណ៍ Vietjet Air ដើម្បីដឹកជញ្ជូនអ្នកដំណើរបានកាន់តែច្រើន កាន់តែឆ្ងាយ និងក្នុងតម្លៃទាបសមរម្យ ខណៈពេលដែលកាត់បន្ថយការប្រើប្រាស់ប្រេងឥន្ធនៈ និងការបំភាយកាបូនផងដែរ។

យន្តហោះ A330neo បំពាក់នូវកាប៊ីន Airspace ដែលទទួលបានពានរង្វាន់ ដោយកំណត់ស្តង់ដារថ្មីងាយស្រួលជិះ ធំទូលាយ និងការរចនាប្លែកទំនើប ដែលវាផ្តល់ឱ្យអ្នកដំណើរនូវបទពិសោធន៍នៃការហោះហើរដ៏ពិសេសមួយ។ នេះរួមបញ្ចូលទាំងប្រព័ន្ធភ្លើងថ្មី ធ្នើដាក់អីវ៉ាន់ធំជាងមុន និងការប្រើប្រាស់ប្រព័ន្ធកម្សាន្ត និងការតភ្ជាប់បណ្តាញនានាចុងក្រោយបំផុតនៅក្នុងយន្តហោះ។ បំពាក់ដោយម៉ាស៊ីន Rolls-Royce Trent 7000 ជំនាន់ចុងក្រោយ A330-900 មានសមត្ថភាពហោះហើរបាន 7,200 nm / 13,300 គីឡូម៉ែត្រដោយមិនចាំបាច់ឈប់ចាក់សាំង។

ជាមួយនឹងកងយន្តហោះជាង 105 គ្រឿង និងបរិមាណអ្នកដំណើរដែលកំពុងកើនឡើងឥតឈប់ឈរ Vietjet កំពុងពង្រីកបណ្តាញហោះហើរអន្តរទ្វីបរបស់ខ្លួនយ៉ាងសកម្ម បង្កើតកងយន្តហោះថ្មី និងទំនើប ដោយសហការជាមួយដៃគូយុទ្ធសាស្ត្រពិភពលោកដូចជា Airbus ជាដើម។

បច្ចុប្បន្ន Vietjet ដំណើរការជើងហោះហើរទៅមករវាងខេត្តសៀមរាបនៃប្រទេសកម្ពុជា និងរដ្ឋធានីហាណូយនៃប្រទេសវៀតណាម ដោយចំណាយពេលហោះហើរត្រឹមតែ 1 ម៉ោង និង 40 នាទីក្នុងមួយជើង។ អ្នកដំណើរពីសៀមរាបទៅហាណូយ អាចបន្តដំណើរទៅកាន់គោលដៅធ្វើដំណើរឆ្ងាយៗជាច្រើនទៀតរបស់ Vietjet បានផងដែរ។

###

អំពី Vietjet
ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុង ប្រទេស វៀតណាម ប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ដែលតភ្ជាប់ជើងហោះហើរ ទូទាំងតំបន់ និងជុំវិញ ពិភពលោកផងដែរ។ ក្រុមហ៊ុន Vietjet ផ្តោតលើសមត្ថភាពគ្រប់គ្រងថ្លៃដើម ប្រតិបត្តិការប្រកបដោយ ប្រសិទ្ធភាព និងការប្រើប្រាស់កច្ចេកវិទ្យាចុងក្រោយបំផុតចំពោះសកម្មភាពទាំង អស់ និងឈានមុខគេ។ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃថ្លៃដើម និងតម្លៃដែលអាចបត់បែនបាន ព្រមទាំងសេវាកម្ម ចម្រុះដើម្បីបំពេញតម្រូវការរបស់អតិថិជនផងដែរ។

ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (IATA) ជាមួយនឹងវិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុន អាកាសចរណ៍ ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ ខ្ពស់បំផុតសម្រាប់ សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផល តែមួយគត់របស់ពិភព លោកគឺ airlineratings.com និងបានចុះបញ្ជីជាក្រុមហ៊ុនអាកាសចរណ៍មួយ ក្នុងចំណោមក្រុមហ៊ុន អាកាសចរណ៍ល្អបំផុតទាំង ៥០ របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អ ដោយទស្សនាវដ្តី Airfinance Journal ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះ ក៏ត្រូវបាន គេដាក់ឈ្មោះថាជាក្រុមហ៊ុនដឹកជញ្ជូនតម្លៃទាបល្អបំផុតដោយ ស្ថាប័នល្បីៗ ដូចជា Skytrax, CAPA, Airline Ratings និងស្ថាប័នជាច្រើនទៀត។

សម្រាប់ព័ត៌មានលម្អិត សូមចូលទៅកាន់៖ www.vietjetair.com
ទំនាក់ទំនងប្រព័ន្ធផ្សព្វផ្សាយ:

លោក មី សុវណ្ណ (Sovann)
អ៊ីម៉ែល៖ media@qed.agency
ទូរសព្ទលេខ៖ + 855 88 6000 321

កញ្ញា កែវ ដួង (Amy)
អ៊ីម៉ែល៖ kieuduong@vietjetair.com
ទូរសព្ទលេខ៖ +84 932 775 066

1...952953954...2,015 Page 953 of 2,015

Khmer Breaking News

របៀបធ្វើម៉ាសបិទមុខនៅផ្ទះងាយៗ អស់លុយតិច ជួយឱ្យមុខសស្អាតបែបធម្មជាតិ

ព្រឺសម្បុរខ្ញាក! ឃើញរូបភាពប្លែកៗក្នុងពិធីសែនអាហារឱ្យវិញ្ញា.ណ គ្មានសាច់ញាតិនៅថៃ

ជ.ម្លោះរុំារៃច្រើនឆ្នាំរវាងតារាចម្រៀង ម៉េង កែវពេជ្ជតា និង ចន ច័ន្ទលក្ខិណា ឈានដល់ផ្លូវបញ្ចប់

ការប្រកាសគម្រោងត្រលប់មកវិញរបស់ BLACKPINK គ្រាន់តែជា «នុយ» ដើម្បីទីផ្សារហ៊ុនYGឬយ៉ាងណា?

ពីលំដាប់រងកម្មវិធីបវរកញ្ញា ស្រី រតនៈពេជ្រនី ហក់ចូលវិស័យចម្រៀងវិញម្តង

បន្តិចទៀត! សម្តេចតេជោ នឹងថ្លែងសារពិសេសពាក់ព័ន្ធតំបន់អភិវឌ្ឍន៍ត្រីកោណ CLV (កម្ពុជា-ឡាវ-វៀតណាម)

មកស្គាល់កុលសម្ពន្ធ័មួយក្រុមដែលកាច.សា.ហាវ និងគ្រោះថ្នា.ក់បំផុតតើស្ថិតនៅឯណា?

ខ្មា.ន់កាំភ្លើ.ង បា.ញ់ រះនៅមណ្ឌលថែទាំមនុស្សចាស់បណ្តាលឱ្យស្លា.ប់ ទាំងម្តាយរបស់ខ្លួន

EVEN MORE NEWS

ពេជ្រ ច័ន្ទធីតា និង ប៉ែន ចំរុង លាក្រុមការងារដោយក្តីអាល័យខណៈធ្លាយដំណឹងថា PNN នឹងបិទស្ថានីយ៍របស់ខ្លួន

ការចាកចេញរបស់អេមីរ៉ាតអារ៉ាប់រួម អាចរង្គោះរង្គើដល់អង្គការ OPEC និងប៉ះពាល់ទីផ្សារប្រេងពិភពលោក

រូបថតរបស់ Esther Yu ក្នុងឈុតរដូវក្តៅកំពុងទាក់ទាញអារម្មណ៍ទស្សនិកជន

POPULAR CATEGORY