យោងតាមទស្សនាវដ្តី Deadline បុរសជនជាតិអាម៉េរិកម្នាក់ត្រូវបានសមត្ថកិច្ចអាល្លឺម៉ង់ឃាត់ខ្លួននៅច្រកទ្វារត្រួតពិនិត្យសំបុត្រនៃការប្រគំតន្ត្រី The Eras Tours ក្នុងទីក្រុង Gelsenirchen កាលពីថ្ងៃទី១៧ ខែកក្កដា។ កន្លងមកអ្នករៀបចំកម្មវិធី ប្រទះឃើញទង្វើលួចគម្រាមនៅលើបណ្ដាញសង្គម ហើយបានរាយការណ៍រឿងនេះទៅសមត្ថកិច្ចនិងសុំជួយអន្តរាគមន៍។ ប៉ូលីសបានបញ្ជាក់ថា Taylor Swift និងមិត្តប្រុសមិនមានគ្រោះថ្នាក់អ្វីពីស្ថានភាពនេះទេ។

Taylor Swift បានជួបបញ្ហាជាច្រើនលើកច្រើនសារចំពោះអាកប្បកិរិយា «តាមដាន»។ កាលពីដើមខែកុម្ភៈ សមាគមអ្នកគាំទ្ររបស់តារាចម្រៀងរូបនេះបានស្នើសុំឱ្យ Jack Sweeney ជានិស្សិតអាយុ ២១ ឆ្នាំ បញ្ឈប់ការតាមដានការហោះហើរឯកជនរបស់នាង និងតារាល្បីៗផ្សេងទៀត។ ជននេះត្រូវបានគេចោទប្រកាន់ពីបទបៀតបៀន បញ្ចេញព័ត៌មានផ្ទាល់ខ្លួន និងបង្ក «ការខូចខាតផ្លូវកាយ និងផ្លូវចិត្តដោយផ្ទាល់» ដល់តារាចម្រៀង និងក្រុមគ្រួសាររបស់ Taylor Swift ។

តារាចម្រៀងរូបនេះទើបតែបានបញ្ចប់ការសំដែងចំនួន៣ Shows នៅអាល្លឺម៉ង់ដោយទាក់ទាញអ្នកទស្សនាចំនួន ៦០,០០០ នាក់ក្នុងមួយ Show។ នាពេលខាងមុខនេះ Taylor Swift នឹងមានការប្រគំតន្ត្រីចំនួន៤ Shows នៅក្នុងទីក្រុងចំនួនពីរផ្សេងទៀតរបស់អាល្លឺម៉ង់មុនពេលបញ្ចប់ដំណើរទេសចរណ៍នៅអឺរ៉ុបនៅចុងខែសីហា ដំណើរទេសចរណ៍ដែលមានតម្លៃរាប់ពាន់លានដុល្លាររបស់នាងនឹងត្រលប់ទៅសហរដ្ឋអាម៉េរិក និងកាណាដា បញ្ចប់កម្មវិធីចំនួន ១៥២ Shows នៅចុងខែធ្នូ។

Taylor Swift បច្ចុប្បន្នមានអាយុ ៣៥ ឆ្នាំគឺជាតារាចម្រៀង-អ្នកនិពន្ធបទចម្រៀងជនជាតិអាម៉េរិកដែលល្បីល្បាញតាំងពីឆ្នាំ ២០០៦ ។ ចេញអាល់ប៊ុមបានចំនួន១០ តារាចម្រៀងរូបនេះបានទទួលពានរង្វាន់ Grammy ចំនួន១៤ និងពានរង្វាន់ Billboard ចំនួន២៩ ។ នៅខែធ្នូ ឆ្នាំ២០២៣ កំណត់ត្រាហ្គីណេសបានទទួលស្គាល់កម្មវិធីទេសចរណ៍ Eras របស់សិល្បករថាជាដំណើរទេសចរណ៍ដែលរកចំណូលបានខ្ពស់បំផុតគ្រប់ពេល ដែលឈានដល់ជាងមួយពាន់លានដុល្លារ។ បច្ចុប្បន្ននាងមានទ្រព្យសម្បត្តិសុទ្ធប្រហែល ១.១ ពាន់លានដុល្លារអាម៉េរិក ហើយត្រូវបានជ្រើសរើស ដោយទស្សនាវដ្តី Time ជាបុគ្គលឆ្នើមប្រចាំឆ្នាំ ២០២៣៕

Ahyeon សមាជិកលេចធ្លោរបស់ក្រុម BABYMONSTER ត្រូវបាន Haters ចោទប្រកាន់ថានាងខ្ជិលរាំបើធៀបនឹងសមាជិកដទៃ ខណៈកាលពីមុននាងបានរាំលះៗបញ្ចេញការសម្តែងរបស់ខ្លួនឱ្យអស់ពីសមត្ថភាពត្រូវគេរិះគន់ថានាងចង់ធ្វើឱ្យលេចធ្លោជាងសមាជិកដទៃ។ ការចោទប្រកាន់នាពេលថ្មីៗនេះត្រូវបានអ្នកគាំទ្រលើកឡើងថា Ahyeon ជាគោលដៅរបស់អ្នកដែលមិនពេញចិត្តនាងរិះគន់ដើម្បីបំបាក់ស្មារតីរបស់នាងប៉ុណ្ណោះ មិនខុសពីរៀមច្បង Jennie នោះទេបង្ហាញខ្លួនដំបូងៗត្រូវ Haters រិះគន់មិនសំចៃធ្វើអ្វីក៏ខុស។

វីដេអូដែលបង្ហាញពី «Lazy Dancing»របស់ Ahyeon សមាជិក BABYMONSTER ទទួលបានការចាប់អារម្មណ៍យ៉ាងខ្លាំងពីអ្នកនិយមលេងអ៊ីនធឺណិត។ ថ្មីៗនេះ វីដេអូមួយបង្ហាញពី Ahyeon ក្នុងការសម្តែងនាពេលថ្មីៗនេះ ត្រូវបានផ្សព្វផ្សាយនៅលើវេទិការកូរ៉េ Pann Nate ដោយបានទាក់ទាញចំណាប់អារម្មណ៍យ៉ាងខ្លាំង។ ជាពិសេស Ahyeon អាចត្រូវបានគេមើលឃើញថាកំពុងរាំជាមួយនឹងថាមពលដែលតិចជាងគេបើប្រៀបធៀបទៅនឹងសមាជិកផ្សេងទៀតដែលនាំឱ្យមានការចោទប្រកាន់ថានាង «ខ្ជិលរាំ»។

មនុស្សជាច្រើនរិះគន់ Ahyeon ចំពោះការខ្វះថាមពលរបស់នាងក្នុងការសម្តែងប៉ុន្តែអ្នកគាំទ្ររបស់នាងបានចេញមុខការពារ និងបានលើកឡើងថា សមាជិករូបនេះបានក្លាយជាគោលដៅនៃការស្អប់ខ្ពើមឥតឈប់ឈររបស់ក្រុម haters។ ការបញ្ចេញមតិយោបល់របស់អ្នកលេងអ៊ីនធឺណិតបានសរសេរថា «

អ្នកបំបាក់ទឹកចិត្តនាងពេលនាងរាំខ្លាំងៗលះហើយឥឡូវមកត្អូញត្អែរពីការសម្តែងរបស់ នាង? បើទោះជានាងធុញទ្រាន់នឹងមតិអវិជ្ជមានក៏ដោយការរាំបែបនេះគឺមិនត្រូវសមនឹងវិជ្ជាជីវៈ»។ អ្នកផ្សេងទៀតបានបង្ហាញថា បន្ទាប់ពីការបង្ហាញខ្លួនដំបូង ពួកគេនៅតែបន្តផ្សព្វផ្សាយដោយមិនសម្រាក ហើយបន្ទាប់ពីឡើងឆាករាប់មិនអស់នោះ គ្រាន់តែជារឿងធម្មតាទេ ដែលបាត់បង់កម្លាំងផ្នែកខ្លះនៃការសម្តែងមិនអាចវាយតម្លៃចំពោះការសម្តែងពេញមួយបទទេ»។

Ahyeon ជាសមាជិកលេចធ្លោជាងគេរបស់ក្រុម BABYMONSTER ប៉ុន្តែក៏ក្លាយជាប្រធានដែលមានការពិភាក្សានៅលើប្រព័ន្ធផ្សព្វផ្សាយសង្គមដូចគ្នា។ មុននឹងមានការចោទប្រកាន់ដែលមិនស្របនេះ Ahyeon ត្រូវបានគេរិះគន់ថានាងរាំខ្លាំងៗដើម្បីឱ្យលេចធ្លោជាងសមាជិកដទៃ។ ក្រោមមក Ahyeon បានធ្វើឱ្យអ្នកគាំទ្របង្ហាញការព្រួយបារម្ភបន្ទាប់ពីបង្ហាញខ្លួនភ្លឹកៗមិនសកម្មដូចមុននិងព្យាយាមរក្សាគម្លាតពីសមាជិករួមក្រុម៕

តារាសម្តែងហុងកុង Rosina Lam បានទម្លាយប្រាប់ទស្សនិកជនថាតារាសម្តែង Chen Xiao ឬទស្សនិកជនស្គាល់ថាជាយ៉ាងគួ២០១៤ កំពុងស្ថិតនៅក្នុងស្ថានភាពមិនសប្បាយចិត្តក្នុងពេលមានវិបត្តិអាពាហ៍ពិពាហ៍ខណៈកំពុងមានមានគម្រោងរឿងថ្មី។ អ្នកទាំងពីរគឺមិត្តភក្តិល្អរៀននៅសាលាតែមួយខណៈរយៈ១៥ឆ្នាំហើយទើបពួកគេមានឱកាសសម្តែងជាមួយគ្នាលើកដំបូង។

តាមប្រភពព័ត៌មានក្នុងស្រុកជាច្រើនកាលពីខែ មិថុនា កន្លងមកនេះបានរាយការណ៍ថាតារាសម្តែងចិន Chen Xiao បានដាក់ពាក្យលែងលះភរិយា Michelle Chen ហើយបានចាកចេញពីផ្ទះ។តារាសម្តែងទាំងពីររូបនេះគឺជាតួអង្គយ៉ាងគួរ សៀវឡុងនី២០១៤។ ទោះយ៉ាងណា រឿងនេះបានស្ងាត់មកវិញបន្ទាប់ពីគេបានឃើញ Michelle នៅពាក់ចិញ្ចៀនដដែល ខណៈដែលស្វាមីនាងបានបន្តថតរឿង និងសហការជាមួយតារាសម្តែង Rosina Lam ។

ក្នុងបទសម្ភាសកាលពីពេលថ្មីៗនេះ តារាសម្តែង Rosina Lam បាននិយាយអំពីស្ថានភាពបច្ចុប្បន្នរបស់ Chen Xiao ថាលោកមិនសប្បាយចិត្តទេ។ តារាស្រីរូបនេះបានចូលរួមកម្មវិធីជប់លៀហអាហារពេលល្ងាចជាមួយតារាផ្សេងទៀតដែលពួកគេបាននិយាយអំពីការចូលរួមក្នុងរឿងភាគចិនថ្មី។

Rosina Lam និង Chen Xiao អ្នកទាំងពីរមកពី Central Academy of Drama នេះ ជាលើកដំបូងដែលពួកគេបានសហការគ្នាក្នុងរយៈពេល ១៥ ឆ្នាំចាប់តាំងពីបានបញ្ចប់ការសិក្សានៅឆ្នាំ២០០៩។

ការចេញមុខរបស់នាងស្របពេលដែលមិត្តរួមសាលាកំពុងមានបញ្ហាគ្រួសារតារាសម្តែងរូបនេះនាងបានបង្ហាញប្រាប់អ្នកកាសែតថា អ្នកទាំងពីរនិយាយគ្នាតែពីរឿងការងារប៉ុណ្ណោះ ក្នុងនាមជាមិត្តភក្តិល្អ នាងមិនបានជីកសួរបញ្ហាស៊ីជម្រៅលើជីវិតអាពាហ៍ពិពាហ៍របស់ Chen Xiao ឡើយ។

តារាសម្តែងទាំងពីរដួងនេះមានទំនាក់ទំនងល្អជាលក្ខណៈឯកជន នៅពេលដែល Rosina ឈ្នះពានជាតារាសម្ដែងឆ្នើមរបស់ TVBកាលពីឆ្នាំ២០២១ ភាពចម្រូងចម្រាសបានកើតឡើងដើម្បីគាំទ្រមិត្តភក្តិរបស់ខ្លួន Chen Xiao បានចាប់ផ្តើមមានជម្លោះជាមួយអ្នកលេងអ៊ីនធឺណិត៕