ណាហ្គាវើលដ៍បេះដូងសប្បុរសដែលជាផ្នែកទំនួលខុសត្រូវការងារសង្គមរបស់ក្រុមហ៊ុនណាហ្គាវើលដ៍ បានសហការជាមួយអង្គការស្នាមញញឹមនៃកុមារ (PSE) ដាំកូនឈើ ៧០០ ដើមក្នុងស្រុកឱរ៉ាល់ខេត្តកំពង់ស្ពឺកាលពីថ្ងៃទី២៧ ខែកក្កដា ឆ្នាំ២០២៤ ។ គំនិតផ្តួចផ្តើមនេះដែលជាផ្នែកមួយនៃការគាំពារបរិស្ថានរបស់ណាហ្គាវើលដ៍បេះដូងសប្បុរស គឺជាការប្តេជ្ញាចិត្តក្នុងការគាំទ្រដល់គោលដៅនិរន្តរភាពបរិស្ថានរបស់ប្រទេសកម្ពុជា និងស្របតាមទស្សនវិស័យរបស់ក្រសួងបរិស្ថានដើម្បីសម្រេចឱ្យបានគម្របព្រៃឈើ ៦០% ត្រឹមឆ្នាំ២០៥០ ។

កម្មវិធីដាំកូនឈើនេះ ត្រូវបានធ្វើឡើងនៅសាលាបឋមសិក្សាល្ងឹមដែលស្រប និងគាំទ្រដល់ព្រះរាជបន្ទូលរបស់ព្រះករុណាព្រះបាទសម្តេចព្រះបរមនាថនរោត្តមសីហមុនីក្នុងអំឡុងពេលរុក្ខទិវាដែលមានព្រះរាជបន្ទូលបញ្ជាក់អំពីសារសំខាន់នៃការសាមគ្គីគ្នាដាំកូនឈើ និងតួនាទីរបស់ប្រជាពលរដ្ឋម្នាក់ៗក្នុងការការពារព្រៃឈើរបស់ជាតិ និងធនធានធម្មជាតិសម្រាប់កូនចៅជំនាន់ក្រោយ។

មានមតិអំពីគំនិតផ្តួចផ្តើមដាំកូនឈើ លោក Pern Chen នាយកគ្រប់គ្រងខុទ្ទកាល័យនាយកប្រតិបត្តិក្រុមហ៊ុនណាហ្គាវើលដ៍ បានឱ្យដឹងថា “ណាហ្គាវើលដ៍ រក្សាការប្តេជ្ញាចិត្តរបស់ខ្លួនជួយលើកកម្ពស់ការយល់ដឹងអំពីបរិស្ថាន បង្កើនភាពបៃតង និងលើកស្ទួយសុខុមាលភាពសម្រាប់ក្មេងៗជំនាន់ក្រោយ។ តាមរយៈកិច្ចខិតខំប្រឹងប្រែងដាំកូនឈើ និងផ្សារភ្ជាប់ជាមួយសហគមន៍ យើងជួយទប់ស្កាត់ការប្រែប្រួលនៃអាកាសធាតុក្នុងប្រទេសសកម្ពុជា និងគាំទ្រដល់ទស្សនវិស័យរបស់ជាតិក្នុងការសម្រេចឱ្យបាននូវគម្របព្រៃឈើ ៦០% ត្រឹមឆ្នាំ២០៥០”។

កម្មវិធីនេះមានអ្នកចូលរួមប្រមាណ ២០០ នាក់រួមទាំងអភិបាលរងស្រុកឱរ៉ាល់ ប្រធានការិយាល័យអប់រំស្រុកឱរ៉ាល់ បុគ្គលិកណាហ្គាវើលដ៍ សិស្សានុសិស្ស និងលោកគ្រូអ្នកគ្រូមកពីអង្គការ PSE និងសាលាបឋមសិក្សាល្ងឹមនិងប្រជាពលរដ្ឋនៅក្នុងសហគមន៍។ កម្មវិធីដែលដឹកនាំដោយសិស្សានុសិស្សមកពីអង្គការ PSE និងគាំទ្រដោយបុគ្គលិកណាហ្គាវើលដ៍នេះ ក៏បានបញ្ជាក់អំពីការប្តេជ្ញាចិត្តរបស់ណាហ្គាវើលដ៍បេះដូងសប្បុរសក្នុងការលើកស្ទួយសិស្សឱ្យជួយការពារបរិស្ថានផងដែរ។

អ្នកស្រី រដ្ឋា សុផារី អ្នកគ្រប់គ្រងបរិស្ថាននៃកម្មវិធីអប់រំបរិស្ថានរបស់អង្គការ PSE បានឱ្យដឹងថា “កម្មវិធីនៅថ្ងៃនេះក៏ជាវេទិកាដែលគាំទ្រដល់ភាពអ្នកដឹកនាំ និងការគាំពារបរិស្ថានផងដែរ។ ដោយមានការណែនាំ និងគាំទ្រពីណាហ្គាវើលដ៍បេះដូងសប្បុរស សិស្សានុសិស្ស ៣៤ នាក់មកពីក្លឹបសិក្សាបរិស្ថានរបស់អង្គការយើង ត្រូវបានផ្តល់ឱកាសក្លាយជាពិធីករ-ពិធីការិនី អ្នកធ្វើបទបង្ហាញ និងអ្នកសម្របសម្រួលកម្មវិធី។ ពួកយើងមិនត្រឹមតែដាំកូនឈើប៉ុណ្ណោះទេប៉ុន្តែថែមទាំងបង្កើតការផ្លាស់ប្តូរវិជ្ជមានទៅលើអ្នកពាក់ព័ន្ធ និងបរិស្ថានទៀតផង”។

ដើមឈើដែលត្រូវបានដាំថ្មីៗ មិនត្រឹមតែពង្រីកទីតាំងបៃតង និងម្លប់ដ៏ត្រជាក់នៅក្នុងបរិវេណសាលារៀនប៉ុណ្ណោះទេប៉ុន្តែថែមទាំងបណ្តុះនូវគុណតម្លៃបរិស្ថានដល់សិស្សានុសិស្សក្មេងៗផងដែរ ខណៈពួកគេប្តេជ្ញាជួយថែរក្សា និងការពារកូនឈើទាំងនោះឱ្យដុះលូតលាស់បានល្អ។

បញ្ជាក់អំពីការថ្លែងអំណរគុណ លោកស្រី ផល ចន្ធី អភិបាលរងស្រុកឱរ៉ាល់ បានឱ្យដឹងថា “យើងសូមថ្លែងអំណរគុណដល់ណាហ្គាវើលដ៍បេះដូងសប្បុរស និងអង្គការ PSE ដែលបានជ្រើសរើសស្រុកឱរ៉ាល់ជាទីតាំងសម្រាប់ដាំកូនឈើ។ កូនឈើ ៧០០ ដើមដែលបានដាំនៅសាលាបឋមសិក្សាល្ងឹម មិនត្រឹមតែធ្វើឱ្យសាលារៀនស្រស់បំព្រងប៉ុណ្ណោះទេប៉ុន្តែថែមទាំងលើកកម្ពស់និរន្តរភាព និងការយល់ដឹងអំពីបរិស្ថានក្នុងចំណោមសិស្សានុសិស្សផងដែរ។ វាមានសារសំខាន់ណាស់សម្រាប់ក្មេងៗជំនាន់ក្រោយក្នុងការអនុវត្តវប្បធម៌ដាំកូនឈើដើម្បីធានាបាននូវអនាគតប្រកបដោយនិរន្តរភាព”។

គួរដឹងថា ចាប់តាំងពីត្រូវបានបង្កើតឡើងក្នុងឆ្នាំ២០១៤ ណាហ្គាវើលដ៍បេះដូងសប្បុរស បាន និងកំពុងលើកកម្ពស់ និងបណ្តុះស្មារតីបុគ្គលិក និងសហគមន៍ឱ្យចូលរួមការពារបរិស្ថានយ៉ាងសកម្ម។ កិច្ចខិតខំប្រឹងប្រែងទាំងនេះ បានផ្តល់ឥទ្ធិពលវិជ្ជមានដល់ប្រជាពលរដ្ឋប្រមាណ ៤៤.០០០ នាក់តាមរយៈសកម្មភាពចំនួន ១៥០ ដែលបានផ្តល់ប្រយោជន៍យ៉ាងច្រើនដល់បរិស្ថាន និងសង្គម៕

ភ្នំពេញ ថ្ងៃទី ៣១ ខែកក្កដា ឆ្នាំ ២០២៤ – ក្រុមហ៊ុន Vietjet Aviation Joint Stock Company (HOSE: VJC) បានចេញផ្សាយរបាយការណ៍ហិរញ្ញវត្ថុរបស់ខ្លួនសម្រាប់ឆមាសទីមួយនៃឆ្នាំ ២០២៤ (H1/2024) ដោយរាយការណ៍ពីកំណើនប្រាក់ចំណូលរបស់ខ្លួន។

ក្នុងរយៈពេលប្រាំមួយខែដំបូងនៃឆ្នាំ ២០២៤ ប្រតិបត្តិការអាជីវកម្មរបស់ក្រុមហ៊ុន Vietjet មានការរីកចម្រើនខ្លាំងជារយៈពេលមុនការឆ្លងរាតត្បាតឆ្នាំ ២០១៩។ ក្រុមហ៊ុនអាកាសចរណ៍នេះបានដឹកជញ្ជូនអ្នកដំណើរសរុបចំនួន ១៣,១ លាននាក់នៅលើជើងហោះហើរចំនួន ៧០.១៥៤ ដោយសុវត្ថិភាពក្នុងអំឡុងពេលឆមាសទីមួយនៃឆ្នាំ ២០២៤ ។

សម្រាប់ត្រីមាសទី ២ ឆ្នាំ ២០២៤ (Q2/2024) ក្រុមហ៊ុន Vietjet បានចេញរបាយការណ៍ប្រាក់ចំណូលពីការដឹកជញ្ជូនភ្ញៀវធ្វើដំណើរតាមផ្លូវអាកាសមានចំនួន ១៥,១២៨ ទ្រីលានដុង (ប្រហែល ៦០១ លានដុល្លារអាមេរិក) និងប្រាក់ចំណេញមុនបង់ពន្ធចំនួន ៥១៧ ប៊ីលានដុង (ប្រហែល ២០,៥៧ លានដុល្លារអាមេរិក) ដែលកំណើនពីមួយឆ្នាំទៅមួយឆ្នាំមានចំនួន ២៣% និង ៦៨៣%។

ក្នុងរយៈពេលប្រាំមួយខែ ប្រាក់ចំណូលដឹកជញ្ជូនតាមផ្លូវអាកាសកើនឡើងដល់ ៣២,៨៩៣ ទ្រីលានដុង (ប្រហែល ១,៣ ប៊ីលានដុល្លារ) កើនឡើង ៣១% ពីមួយឆ្នាំទៅមួយឆ្នាំ។ ប្រាក់ចំណេញមុនបង់ពន្ធសម្រាប់រយៈពេលនេះមានចំនួន ១,១៧៤ ទ្រីលានដុង (ប្រហែល ៤៦,៧៧ លានដុល្លារអាមេរិក) កើនឡើង ៦៩០% បើធៀបនឹងឆ្នាំមុន។

ប្រាក់ចំណូលរួមរបស់ក្រុមហ៊ុន Vietjet សម្រាប់ឆមាសទីមួយនៃឆ្នាំ ២០២៤ មានចំនួនសរុប ៣៤,០១៦ ទ្រីលានដុង (ប្រហែល ១,៣៥ ប៊ីលានដុល្លារអាមេរិក) ជាមួយនឹងប្រាក់ចំណេញមុនការបង់ពន្ធសរុបចំនួន ១,៣១១ ទ្រីលានដុង (ប្រហែល ៥២ លានដុល្លារអាមេរិក) ដែលមានការកើនឡើង ១៥% និង ៤៣៣% ពីមួយឆ្នាំទៅមួយឆ្នាំ។ ប្រាក់ចំណេញបានលើសពីគោលដៅនៅក្នុងឆមាសទីមួយនៃឆ្នាំ ២០២៤ ចំនួន ២១% ។

គិតត្រឹមថ្ងៃទី ៣០ ខែមិថុនា ឆ្នាំ ២០២៤ ទ្រព្យសម្បត្តិសរុបរបស់ក្រុមហ៊ុន Vietjet មានចំនួនជាង ៩១,៧៥៥ ទ្រីលានដុង (ប្រហែល ៣,៦៥ ប៊ីលានដុល្លារអាមេរិក)។ កម្រិតបំណុលរបស់ក្រុមហ៊ុនអាកាសចរណ៍នេះគឺស្ថិតនៅកម្រិត ២ ដែលទាបជាមធ្យមភាគជាមួយក្រុមហ៊ុនពិភពលោកទូទៅស្ថិតនៅកម្រិត ៥ នៃតម្លៃក្រុមហ៊ុនរបស់ខ្លួន ។ សាច់ប្រាក់ និងសមមូលសាច់ប្រាក់នៅចុង Q2/2024 ត្រូវបានរាយការណ៍ថាមានចំនួន ៤,១ ទ្រីលានដុង (ប្រហែល ១៦៣,១៨ លានដុល្លារអាមេរិក)។

ការពង្រីកជើងហោះហើរអន្តរជាតិឈានមុខគេ

ក្រុមហ៊ុន Vietjet ប្រតិបត្តិការជើងហោះហើររបស់ខ្លួនប្រមាណជាង ១៤៩ ផ្លូវហោះហើរនៅទូទាំងប្រទេសវៀតណាមនិងអន្តរជាតិ រួមទាំងផ្លូវក្នុងស្រុកចំនួន ៣៨ និងផ្លូវអន្តរជាតិចំនួន ១១១ ផងដែរ។

ផ្លូវថ្មីរួមមានការភ្ជាប់ទីក្រុងហូជីមិញជាមួយទីក្រុង ស៊ីអាន កោះភូកុក ជាមួយទីក្រុងតៃជុង និងទីក្រុងកៅសុង និងទីក្រុងហូជីមិញជាមួយទីក្រុង វៀងច័ន្ទ។ Vietjet ក៏ជាក្រុមហ៊ុនអាកាសចរណ៍ធំជាងគេ ដែលមានជើងហោះហើរតភ្ជាប់ពីប្រទេសវៀតណាមនិងកូរ៉េខាងត្បូង ហើយថែមទាំងបានបន្ថែមផ្លូវហោះហើរថ្មីចំនួនពីរគឺពីទីក្រុងហាណូយទៅកាន់ទីក្រុងមែលប៊ន និងទីក្រុងស៊ីដនីដែលនាំឱ្យចំនួនសេវាកម្មហោះហើរសរុបរវាងប្រទេសវៀតណាម និងអូស្ត្រាលីកើនឡើងដល់ប្រាំពីរ។

កាលពីខែធ្នូឆ្នាំមុន ក្រុមហ៊ុនអាកាសចរណ៍បានបន្ថែមផ្លូវហោះហើរសៀមរាប-ហាណូយដែលផ្តល់ភាពងាយស្រួលក្នុងការធ្វើដំណើរទៅកាន់តំបន់ទេសចរណ៍សំខាន់ៗរបស់អាស៊ីនៃខេត្តសៀមរាបក្នុងប្រទេសកម្ពុជា និងទីក្រុងហាណូយរបស់វៀតណាម។ បណ្តាញជើងហោះហើរដ៏ធំទូលាយរបស់ក្រុមហ៊ុន Vietjet ក៏ផ្តល់ឱ្យកម្ពុជា និងអ្នកធ្វើដំណើរមានភាពងាយស្រួលក្នុងការធ្វើដំណើរទៅកាន់គោលដៅអាស៊ីប៉ាស៊ីហ្វិកផ្សេងទៀតក្នុងប្រទេសអូស្ត្រាលី ឥណ្ឌា ជប៉ុន កូរ៉េខាងត្បូង ចិន ឥណ្ឌូនេស៊ី សិង្ហបុរី និងប្រទេសជាច្រើនទៀតផងដែរ។

ការរីកចម្រើននៃកងនាវាអាកាសចរណ៍ដ៏ទំនើប និងកាត់បន្ថយការបំភាយឧស្ម័នកាបូន

ប្រតិបត្តិការយន្តហោះជាង ១០៥ គ្រឿង (រួមទាំងយន្តហោះ Vietjet ប្រទេសថៃ) ជាមួយនឹងចំនួនអ្នកដំណើរកើនឡើងជារៀងរាល់ឆ្នាំក្រុមហ៊ុន Vietjet កំពុងពង្រីកបណ្តាញហោះហើររបស់ខ្លួនយ៉ាងសកម្មអន្តរទ្វីប និងអភិវឌ្ឍកងនាវាអាកាសចរណ៍ថ្មីទំនើប និងមិនប៉ះពាល់ដល់បរិស្ថាន។

ដោយប្រកាន់យកនូវយុទ្ធសាស្ត្រ ចក្ខុវិស័យក្នុងការកសាង និងអភិវឌ្ឍធនធានមនុស្សអាកាសចរណ៍តាមស្តង់ដារអន្តរជាតិ មជ្ឈមណ្ឌលបណ្តុះបណ្តាលធនធាមនុស្សនៃក្រុមហ៊ុនអាកាសចរណ៍ Vietjet (VJAA) បានក្លាយជាដៃគូរបណ្តុះបណ្តាលរបស់សមាគមដឹកជញ្ជូនផ្លូវអាកាសអន្តរជាតិ (IATA)។

នៅក្នុងឆមាសទីមួយនៃឆ្នាំ ២០២៤ មជ្ឈមណ្ឌលបណ្តុះបណ្តាលធនធាមនុស្សនៃក្រុមហ៊ុនអាកាសចរណ៍ (VJAA) បានបណ្តុះបណ្តាលអាកាសយានឹកជាង ៤៣.០០០ នាក់ក្នុងវគ្គសិក្សាចំនួន ៣.៨៩៨ រួមទាំងអ្នកបើកយន្តហោះ និងវិស្វករយន្តហោះ (CRS)។ មជ្ឈមណ្ឌលបណ្តុះបណ្តាលធនធាមនុស្សនេះក៏បានដាក់ឱ្យដំណើរការនូវកាប៊ីនយន្ដហោះពិសោធន៏ទី ៣ ដោយពង្រឹងជំហររបស់ខ្លួនជាមជ្ឈមណ្ឌលបណ្ដុះបណ្ដាលអ្នកបើកយន្តហោះអន្តរជាតិឈានមុខគេក្នុងតំបន់ និងបានចូលរួមជាមួយសាកលវិទ្យាល័យនានាដើម្បីផ្តល់ជូននូវវគ្គសិក្សាតម្រង់ទិសអាជីពសម្រាប់អាកាសយានិក និងណែនាំអំពីឱកាសការងារនៅក្រុមហ៊ុន Vietjet ផងដែរ។

ក្រុមហ៊ុន Vietjet បានត្រួសត្រាយការស្រាវជ្រាវលើការអភិវឌ្ឍន៍ និងការប្រើប្រាស់ឥន្ធនៈអាកាសចរណ៍ប្រកបដោយនិរន្តរភាពដោយមានគោលដៅក្លាយជាក្រុមហ៊ុនអាកាសចរណ៍បៃតងដែលឈានមុខគេក្នុងវិស័យបច្ចេកវិទ្យា និងសកម្មភាពដែលទាក់ទងនឹងការអភិវឌ្ឍន៍ប្រកបដោយចីរភាព។

ដើម្បីគាំទ្រដល់ការពង្រីកបណ្តាញហោះហើរជាសកលរបស់ខ្លួន ក្រុមហ៊ុន Vietjet បានចុះហត្ថលេខាលើការបញ្ជាទិញយន្តហោះ A330neo ជំនាន់ថ្មីចំនួន ២០ ដែលមានតម្លៃ ៧,៤ ប៊ីលានដុល្លារអាមេរិកនៅឯពិព័រណ៍ Farnborough International Airshow ក្នុងខែកក្កដា ឆ្នាំ ២០២៤ ពីក្រុមហ៊ុន Airbus។

ឆ្នាំ ២០២៤ ក៏ជាព្រឹត្តិការណ៍ដ៏សំខាន់ថ្មីរបស់ក្រុមហ៊ុនអាកាសចរណ៍ Vietjet ក្នុងការអភិវឌ្ឍយ៉ាងទូលំទូលាយជាមួយនឹងបណ្តាញអន្តរជាតិកម្រិតមធ្យមដ៏ធំរបស់ខ្លួនដោយត្រៀមខ្លួនជាស្រេចដើម្បីបំពេញតម្រូវការដឹកជញ្ជូនក្នុងស្រុក ខណៈពេលដែលកំពុងរៀបចំបន្ថែមទៀតសម្រាប់ផ្លូវហោះហើរអន្តរជាតិបន្ថែម។

###

អំពីក្រុមហ៊ុន Vietjet

ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុង ប្រទេស វៀតណាម ប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ដែលតភ្ជាប់ជើងហោះហើរ ទូទាំងតំបន់ និងជុំវិញ ពិភពលោកផងដែរ។ ក្រុមហ៊ុន Vietjet ផ្តោតលើសមត្ថភាពគ្រប់គ្រងថ្លៃដើម ប្រតិបត្តិការប្រកបដោយ ប្រសិទ្ធភាព និងការប្រើប្រាស់កច្ចេកវិទ្យាចុងក្រោយបំផុតចំពោះសកម្មភាពទាំង អស់ និងឈានមុខគេ។ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃថ្លៃដើម និងតម្លៃដែលអាចបត់បែនបាន ព្រមទាំងសេវាកម្ម ចម្រុះដើម្បីបំពេញតម្រូវការរបស់អតិថិជនផងដែរ។

ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (IATA) ជាមួយនឹងវិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុន អាកាសចរណ៍ ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ ខ្ពស់បំផុតសម្រាប់ សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផល តែមួយគត់របស់ពិភព លោកគឺ airlineratings.com និងបានចុះបញ្ជីជាក្រុមហ៊ុនអាកាសចរណ៍មួយ ក្នុងចំណោមក្រុមហ៊ុន អាកាសចរណ៍ល្អបំផុតទាំង ៥០ របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អ ដោយទស្សនាវដ្តី Airfinance Journal ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះ ក៏ត្រូវបាន គេដាក់ឈ្មោះថាជាក្រុមហ៊ុនដឹកជញ្ជូនតម្លៃទាបល្អបំផុតដោយ ស្ថាប័នល្បីៗ ដូចជា Skytrax, CAPA, Airline Ratings និងស្ថាប័នជាច្រើនទៀត។

សម្រាប់ព័ត៌មានលម្អិត សូមចូលទៅកាន់៖ www.vietjetair.com

ទំនាក់ទំនងប្រព័ន្ធផ្សព្វផ្សាយ:

QED Agency
លោក មី សុវណ្ណ (Sovann)
អ៊ីម៉ែល៖ media@qed.agency
ទូរសព្ទលេខ៖ + 855 88 6000 321

Vietjet Air
កញ្ញា កែវ ដួង (Amy)
អ៊ីម៉ែល៖ kieuduong@vietjetair.com
ទូរសព្ទលេខ៖ +84 932 775 066