ត្រូវចំណាំទុក! ក្រុមហ៊ុនអចលនទ្រព្យ និងគម្រោងដីឡូត៍ ៣ កន្លែងនេះ គ្មានអាជ្ញាបណ្ណត្រឹមត្រូវ

ជាការក្រើនរំលឹកដល់ប្រជាពលរដ្ឋខ្មែរទាំងអស់ឲ្យបន្ថែមការប្រុងប្រយ័ត្នឲ្យបានខ្ពស់បំផុត ថ្មីៗនេះ អ្នកជំនាញបានគូសបញ្ជាក់យ៉ាងច្បាស់ៗអំពីក្រុមហ៊ុន/គម្រោងអភិវឌ្ឍដីឡូត៍ចំនួន ៣ កន្លែង ដែលគ្មានអាជ្ញាបណ្ណត្រឹមត្រូវ។

កាលពីថ្ងៃទី២៩ ខែកក្កដានេះ យោងតាមគេហទំព័រផ្លូវការរបស់ និយ័តករអាជីវកម្មអចលនវត្ថុ និងបញ្ចាំ បានបង្ហាញក្រុមហ៊ុន/គម្រោង ដែលគ្មានអាជ្ញាបណ្ណត្រឹមត្រូវ មានដូចតទៅ៖
១.ក្រុមហ៊ុន ស្កាយ ហ្គាឡាក់ស៊ី អ៉ិនវេសម៉ិន ឯ.ក គម្រោង «ដីឡូត៍ ស្កាយ ហ្គាឡាក់ស៊ី» ដែលមានទីតាំងគម្រោងស្ថិតនៅ ភូមិព្រៃខ្លា ឃុំព្រៃខ្លា ស្រុកស្វាយអន្ទរ ខេត្តព្រៃវែង
២.គម្រោង «ដីឡូត៍ ទីក្រុងមាស» ដែលមានទីតាំងគម្រោងស្ថិតនៅ ភូមិទានភ្លើង ឃុំស្មោងជើង ស្រុកកំចាយមារ ខេត្តព្រៃវែង
៣.គម្រោង «ដីឡូត៍ សំបួរមាស» ដែលមានទីតាំងគម្រោងស្ថិតនៅឃុំសំបួរមាស ស្រុកមុខកំពូល ខេត្តកណ្ដាល។

អាស្រ័យហេតុនេះ (ន.អ.ប.) សូមអំពាវនាវទៅកាន់សាធារណជនទាំងអស់កុំចូលរួមធ្វើអាជីវកម្ម ឬ ពាក់ព័ន្ធជាមួយនឹងគម្រោងអភិវឌ្ឍដីឡូត៍ដែលគ្មានអាជ្ញាបណ្ឌទាំង ៣ ខាងលើ ដែលអាចធ្វើឱ្យប៉ះពាល់ ឬខាតបង់ប្រយោជន៍ជាយថាហេតុណាមួយផងដែរ៕