ក្នុងអំឡុងពេលដំណើរទេសចរណ៍សារព័ត៌មានសម្រាប់ភាពយន្តកំពុងល្បីមានចំណងជើងថា Deadpool & Wolverine នៅទីក្រុងសេអ៊ូល ប្រទេសកូរ៉េខាងត្បូង អ្នកដឹកនាំរឿង Shawn Levy រួមជាមួយនឹងតារាសម្ដែង Ryan Reynolds និង Hugh Jackman បានស្លៀកពាក់ហាន់បុកដែលឈុតប្រពៃណីកូរ៉េជាកាដូសម្រាប់ការមកដល់របស់អ្នកទាំងបី។
ឈុត Hanboks មានរូបរាងស្រស់ស្អាតជាមួយនឹងពណ៌ដូចទៅនឹងខ្សែភាពយន្តសម្រាប់តួអង្គទាំងពីរមានពណ៌ក្រហម និងលឿង រួមបញ្ចូលគ្នាជាមួយនឹងលំនាំប្រពៃណីកូរ៉េ។ អ្វីដែលកាន់តែមានការទាក់ទាញចំណាប់អារម្មណ៍របស់អ្នកទស្សនា នៅពេលដែលអ្នកសម្របសម្រួលបានចង្អុលបង្ហាញថាវាត្រូវបានរចនាឡើងដោយមនុស្សតែមួយដែលបានផលិតសំលៀកបំពាក់ Coachella របស់ BLACKPINK ។
ទទួលបានការរៀបរាប់បែបនេះ Ryan Reynolds តារាសម្តែងដែលដើរតួជា Deadpool បានបង្ហាញថាលោកស្រឡាញ់ចម្រៀងរបស់ BLACKPINK។ ពាក្យនេះហើយបានធ្វើឱ្យមានការចាប់អារម្មណ៍យ៉ាងខ្លាំងពីអ្នកនិយមលេងអ៊ិនធឺណិត ជាពិសេសអ្នកគាំទ្ររបស់ BLACKPINK តែម្តង។
គេចាំបានថា នៅឆ្នាំ២០២៣ ប្រព័ន្ធផ្សព្វផ្សាយអន្តរជាតិជាច្រើនបានចាប់ផ្តើមបង្ហាញពីការសម្តែងដ៏គួរឱ្យចាប់អារម្មណ៍របស់ BLACKPINK ជាក្រុមចម្រៀងនារី K-pop ដំបូងបង្អស់ដែលជាតួអង្គសំខាន់នៅ Coachella រហូតបានដាក់ឈ្មោះថា «កំណប់ជាតិនៃកូរ៉េខាងត្បូង» ។ ពួកគេក៏បានបង្ហាញពីភាពភ្ញាក់ផ្អើលរបស់ពួកគេចំពោះចំនួនអ្នកទស្សនាដ៏ច្រើនដែលមានវត្តមានទាំងដោយផ្ទាល់នៅទីនោះ។ មិនត្រឹមតែប៉ុណ្ណោះ ក្រុមចម្រៀងនេះបានបង្កប់វប្បធម៌កូរ៉េទាំងនៅលើសំលៀកបំពាក់និងឆាកជាដើម។ នៅពេលនោះ អ្នកនិយមលេងអ៊ីនធឺណេតបានចូលបណ្តាញទំនាក់ទំនងសង្គមដើម្បីបង្ហាញពីមោទនភាពរបស់ពួកគេនៅក្នុងក្រុមនេះ ខណៈពេលដែលពួកគេបានប្រើប្រាស់ប្រពៃណីកូរ៉េ និងសំលៀកបំពាក់ឆាកដែលបំផុសគំនិតដោយ Hanbok ។
គួរបញ្ជាក់ថា ភាពយន្ត «Deadpool & Wolverine» រកចំណូលបាន ៤៣៨ លានដុល្លារទូទាំងពិភពលោក បន្ទាប់ពីចាក់បញ្ចាំងរយៈពេលត្រឹមតែបីថ្ងៃប៉ុណ្ណោះ ហើយភាពយន្តនេះកំពុងទទួលបានការគាំទ្រយ៉ាងច្រើនពីទស្សនិកជន៕
